مشاعر

الحلقة السابعة والعشرون

#مشاعر
ﺍﻟﺠﺰﺀ ﺍﻟﺴﺎﺑﻊ ﻭﺍﻟﻌﺸﺮﻳﻦ 🖤💖
للكاتبة GomanFared
ﺍﻻﻧﺜﻰ ﻟﻤﺎ ﻳﻌﺘﺮﻓﻠﻬﺎ ﺍﻟﻠﻲ ﺗﺤﺒﻪ ﺑﺤﺒﻪ ...💖 ﺗﺼﻴﺮ ﻓﻴﻬﺎ ﻫﻮﺍﻳﻞ ..
ﻛﻞ ﺷﻲ ﻓﻴﻬﺎ ﻳﺘﻠﺨﺒﻂ ﻭﻳﺮﺗﻔﻊ ﻓﻲ ﻣﺮﺓ ﻭﺣﺪﻩ .. ﺍﻹﺩﺭﻧﺎﻟﻴﻦ .. ﻫﺮﻣﻮﻥ ﺍﻟﺴﻌﺎﺩﻩ .. ﺩﺭﺟﺔ ﺍﻟﺤﺮﺍﺭﺓ .. ﻧﺒﻀﺎﺕ ﺍﻟﻘﻠﺐ ... ﺍﻟﺘﻨﻔﺲ ... ﻟﻠﺤﻈﻪ ﺗﺤﺲ ﺍﻧﻬﺎ ﻫﻴﻐﻤﻰ ﻋﻠﻴﻬﺎ ﻓﻲ ﻫﺎﻟﻠﺤﻈﻪ .. ﺑﺲ ﺍﻛﺜﺮﻣﺎ ﻳﻤﻴﺰ ﻫﺎﻟﺤﺎﻟﻪ ﻋﻨﺪﻫﺎ ﻫﻮ ﺍﻟﺨﺠﻞ
ﺍﻟﺨﺠﻞ 💓
ﺍﻟﻠﻲ ﺧﻼ ﻭﺟﻪ ﺳﻼﻑ ﺍﺣﻤﺮ ... ﺧﻼﻫﺎ ﺗﻨﻮﺽ ﻃﻮﻝ ﺗﺎﺧﺪ ﺷﻨﻄﺘﻬﺎ ﻭﺗﻄﻠﻊ ﺗﺠﺮﻱ .. ﺗﺠﺮﻱ ﺟﺮﻱ ﻣﺶ ﺗﻤﺸﻲ ﺑﺴﺮﻋﻪ ..
ﻫﻮ ﺿﺤﻜﺎﺗﻪ ﺭﺩﻩ ﻓﻌﻠﻬﺎ .. ﻭﻫﻮ ﻃﺎﻟﻊ ﻓﻲ ﺟﺮﺗﻬﺎ .
ﻫﻲ ﻣﺶ ﻣﺴﺘﻮﻋﺒﻪ ﺗﺠﺮﻱ ﻭﻣﺶ ﻣﺮﻛﺰﺓ ﻉ ﺷﻲ ... ﺍﻣﺎ ﻫﻮ ﺍﻟﻠﻲ ﻛﺎﻥ ﻳﻨﺎﺩﻱ ﻓﻴﻬﺎ ﻭﻳﻀﺤﻚ ﺗﻼﺷﺖ ﺿﺤﻜﺘﻪ ﻟﻤﺎ ﺷﺎﻓﻬﺎ ﻗﺎﺻﺔ ﺍﻟﻄﺮﻳﻖ ﺑﺪﻭﻥ ﺍﻧﺘﺒﺎﻩ ﻭﻓﻲ ﺳﻴﺎﺭﺓ ﺟﺎﻳﺘﻬﺎ ﺻﺎﺣﺒﻬﺎ ﻣﻌﺎﺵ ﻋﺮﻑ ﻛﻴﻒ ﻳﺘﺼﺮﻑ .
ﻫﻮ ﺑﺄﻗﺼﻰ ﺳﺮﻋﻪ ﻋﻨﺪﻩ ﺗﻮﺟﻬﻠﻬﺎ ﻭﺑﻌﺪﻫﺎ ﻋﻦ ﺍﻟﻄﺮﻳﻖ ﻭﻫﻮ ﻣﻌﺎﻫﺎ ﻭﻛﺎﻥ ﺣﺎﺿﻨﻬﺎ ﺑﻘﻮﺓ ...
ﺻﺎﺣﺐ ﺍﻟﺴﻴﺎﺭﺓ ﻭﻗﻒ ﻭﻫﻮ ﻓﻲ ﺣﺎﻟﺔ ﺧﻮﻑ ﻗﺎﻝ : ﻛﻨﻚ ﺍﻧﺘﻲ ﻋﻤﻴﻪ ﻣﺎﺗﺤﻘﻴﺶ ..
ﺷﺒﺤﻠﻬﺎ ﺍﻛﺮﻡ : ﻋﺪﻱ ﻓﻲ ﺣﺎﻟﻚ ..
: ﺍﻣﺴﻚ ﻣﺮﺍﺗﻚ ﺑﺪﺍﻝ ﻣﺎﻗﺎﻋﺪ ﺗﻌﻴﻂ ﻋﻠﻴﺎ ..
ﻃﻠﻘﻬﺎ ﺍﻛﺮﻡ ﻭﻣﺸﺎﻟﻪ ﻭﺍﺗﻜﺎﻟﻪ ﻉ ﺭﻭﺷﻦ ﺍﻟﺴﻴﺎﺭﺓ ﺑﺼﻮﺕ ﺣﺎﺩ ﻭﻧﻈﺮﺓ ﺣﺎﺩﻩ : ﻋﺪﻱ ﻓﺤﺎﻟﻚ .. ﺍﺣﺴﻦ ﻣﺎﻧﺨﻠﻲ ﺣﺎﻟﺘﻚ ﺣﺎﻟﻪ ﻗﺪﺍﻡ ﺧﻠﻖ ﺍﻟﻠﻪ ..
ﺍﻟﺮﺍﺟﻞ ﺧﺎﻑ : ﺑﺎﻩ ﺣﻴﺪ ﻣﻦ ﻉ ﺍﻟﺴﻴﺎﺭﻩ ...
ﺍﻛﺮﻡ ﻭﺧﺮ : ﻃﺮﻳﻖ ﺍﻟﺴﻼﻣﻪ ..
ﺍﻟﺮﺍﺟﻞ ﺣﺮﻕ ﺍﻟﻌﺠﻞ ﻭﻣﺸﻲ ..
ﻭﻫﻮ ﺗﻠﻔﺖ ﻣﺎﻟﻘﺎﺵ ﺳﻼﻑ .. ﻏﻤﺾ ﻋﻴﻮﻧﻪ ﻭﺗﺄﻓﻒ ﻭﻣﺸﻲ ..
ﻫﺬﺍ ﻛﻠﻪ ﻛﺎﻥ ﻉ ﻋﻴﻮﻥ ﻛﻤﺎﻝ ﺍﻟﻠﻲ ﻛﺎﻥ ﻉ ﺭﺍﺳﻪ 100 ﻋﻼﻣﺔ ﺍﺳﺘﻔﻬﺎﻡ ... ﻭﺃﻫﻤﻬﻢ " ﻣﻦ ﻫﻲ ﺳﺎﺭﻩ؟؟ ...."
🌺🌺🌺
ﻓﻲ ﺍﻟﻠﻴﻞ ...
ﻗﺎﻝ ﺗﻌﺒﺎﻥ ..
ﻧﻮﺭﺍﻥ ﺑﺨﻮﻑ : ﻛﻨﻪ ..
ﺭﻳﻬﺎﻡ : ﻣﺎﺗﺨﺎﻓﻴﺶ ﺣﺒﻴﺒﺘﻲ ﻣﻤﻜﻦ ﻣﺮﻫﻖ ﻣﻦ ﺍﻟﺸﻐﻞ ..
ﺷﻬﺎﺏ : ﻧﺎﺳﻲ ﺍﻥ ﺍﺻﺎﺑﺘﻪ ﻣﺶ ﺳﺎﻫﻠﻪ ﻳﺤﺴﺎﺏ ﻛﺎﻥ ﻋﺪﻯ ﻋﻠﻴﻬﺎ ﻭﻗﺖ ﺧﻼﺹ ﻣﺶ ﺣﺘﻌﺒﻪ ..
ﺭﻳﻬﺎﻡ : ﻫﻀﺎ ﺑﺎﺗﻚ .. ﻛﻠﻪ ﺇﻻ ﺍﻟﺼﻔﻘﺎﺕ ﻭﺍﻟﺸﺮﻛﺎﺕ ﻭﺍﻟﺒﻮﺭﺻﻪ ..
ﻧﻮﺭﺍﻥ : ﺭﺑﻲ ﻳﻬﺪﻳﻪ ... ﺧﻼﺹ ﻣﺎﻻ ﻧﺤﻨﺎ ﻧﺴﻴﺒﻮﻙ ﺗﺮﻳﺤﻲ .. ﺗﺼﺒﺤﻲ ﻉ ﺧﻴﺮ ..
ﺷﻬﺎﺏ : ﺗﺼﺒﺤﻲ ﻉ ﺧﻴﺮ ..
ﺭﻳﻬﺎﻡ ﺑﺈﺑﺘﺴﺎﻣﻪ : ﻗﺪﺍﻣﻜﻢ ﺍﻟﺨﻴﺮ .. ﻟﻔﻮﺍ ﻭﻣﺸﻮﺍ ﻭﻫﻲ ﺻﻜﺮﺕ ﺍﻟﺒﺎﺏ ..
ﺷﻬﺎﺏ : ﻛﻴﻒ ﻳﺼﻴﺮ ﺗﻮ ..
ﻧﻮﺭﺍﻥ : ﻣﺎﻟﻴﻨﺎ ﺇﻻ ﺍﻟﺼﺒﺮ ﺍﻟﻴﻮﻣﻴﻦ ﻫﺬﻭﻣﺎ ...
ﺷﻬﺎﺏ ﺗﻨﻬﺪ ﻭﻫﺰ ﺭﺍﺳﻪ ﺑﺈﻳﺠﺎﺏ : ﻫﻲ ﻣﺎﻝ ﻧﻌﺪﻱ ﻧﺮﻗﺪ ﺣﺘﻰ ﺍﻧﺎ ﺗﺼﺒﺤﻲ ..
ﻧﻮﺭﺍﻥ : ﺗﺼﺒﺢ ... ﻭﻣﺸﺖ ﻟﺪﺍﺭﻫﺎ ... ﺧﺸﺖ ... ﺗﻨﻬﺪﺕ ﺑﻌﺪﻳﻦ ﻣﺸﺖ ﻟﺪﻭﻻﺑﻬﺎ ﻓﺘﺤﺎﺗﻪ .. ﺍﺑﺘﺴﻤﺖ ... ﻃﻠﻌﺖ ﻣﻨﻪ ﺣﺎﺟﻪ ... ﻭﺧﺪﺕ ﻣﺠﺴﻢ ﻋﻨﺪﻫﺎ ﻟﺒﺴﺎﺗﻪ ﺍﻟﺒﺪﻟﻪ ﺍﻟﻠﻲ ﻗﺎﻋﺪﻩ ﺗﺨﻴﻂ ﻓﻴﻬﺎ .. ﻭﺍﻛﻴﺪ ﻛﻠﻨﺎ ﻋﺎﺭﻓﻴﻦ ﻟﻤﻨﻮ ...
💙 ﻧﻮﺭﺍﻥ ...
ﻛﻨﺖ ﻧﺸﺘﻐﻞ ﻋﻠﻴﻬﺎ ﺑﺴﺮﻳﻪ ﺗﺎﻣﻪ ... ﻣﺎﺣﺪ ﻋﻨﺪﻩ ﻋﻠﻢ ﺑﻴﻬﺎ ... ﻛﻨﺖ ﻛﻞ ﻳﻮﻡ ﻧﺪﻳﺮ ﻓﻴﻬﺎ ﺷﻲ ﻭﻧﺘﺨﻴﻞ ﻓﻴﻬﺎ ﻋﻠﻴﻪ ... ﻧﺒﻴﻬﺎ ﺗﻜﻮﻥ ﻣﻨﺎﺳﺒﻪ ﻟﻴﻪ .. ﻟﻄﻮﻟﻪ ﻟﻌﺮﺿﻪ ﻟﺸﺨﺼﻴﺘﻪ ﻟﺴﻤﺎﺣﺘﻪ .. ﻟﻘﻮﺓ ﺣﻀﻮﺭﻩ .. ﻧﺒﻴﻬﺎ ﺣﺎﺟﻪ ﺗﻠﻴﻖ ﺑﻴﻪ ﻫﻮ ﻭﺑﺲ .. ﻛﻠﻪ ﻣﻦ ﺍﻟﻐﺎﻟﻲ .. ﺍﻏﻠﻰ ﺷﻲ ﺧﺪﻳﺘﻪ ﻟﻬﺎ ﻧﻮﻉ ﺍﻟﻘﻤﺎﺵ ... ﻭﺍﻟﺒﻄﻢ .. ﺍﻟﺴﻠﻚ ﺍﻟﻠﻲ ﻧﺨﻴﻂ ﺑﻴﻪ ... ﻭﺧﻠﻴﺖ ﺷﻐﻠﻲ ﺑﻴﻬﺎ ﻉ ﺃﻏﻠﻰ ﻣﺎﻛﻴﻨﻪ ﻉ ﻗﻠﺒﻲ ﺍﻟﻠﻲ ﺯﺍﺩ ﻏﻼﻫﺎ ﻓﻘﻠﺒﻲ ﻟﻤﺎ ﺻﺎﺭ ﻓﻴﻬﺎ ﺷﻲ ﻳﺨﺼﻪ ﻭﻣﻨﻪ ﻓﻴﻬﺎ ...
ﺍﺍﺍﺍﻩ ﻳﺎﻛﻢ ﻧﺤﺒﻪ .. ﻧﺤﺒﻪ ﺣﺐ ﻗﻠﺒﻲ ﻣﺎﻳﻘﺪﺭﺵ ﻳﺸﻴﻠﻪ ﻛﻠﻪ ..
ﺳﺎﻛﻦ ﻓﻲ ﻭﺳﻂ ﻗﻠﺒﻲ ﻣﻦ ﺟﻮﺍ ﻭﻣﺎﻟﻜﻪ ﻓﻲ ﻧﻔﺲ ﺍﻟﻮﻗﺖ ..
ﺩﺍﺭ ﻓﻴﺎ ﺷﻲ ﻣﺎﺩﺍﺭﺍﺵ ﺣﺪ ﻟﻴﺎ ﻣﻦ ﻗﺒﻞ ﺑﻜﻞ ..
🌹 ﻣﻠﻜﺖ ﻗﻠﺒﻲ ﻭﺃﻧﺖ ﻓﻴﻪ
ﻛﻴﻒ ﺣﻮﻳﺖ ﺍﻟﺬﻱ ﺣﻮﺍﻛﺎ
ﺍﺑﺘﺴﻤﺖ ﻭﻫﻲ ﺗﺸﻮﻓﻠﻬﺎ .. ﻣﺎﺯﺍﻟﺖ ﺗﺒﻲ ﺷﻮﻳﺔ ﺷﻐﻞ .. ﻫﻲ ﻛﺎﻧﺖ ﺗﺘﺄﻧﻰ ﻓﻲ ﺧﺪﻣﺘﻬﺎ ﻋﻠﻴﻬﺎ ﺑﺶ ﺗﻄﻠﻊ ﺯﻱ ﻣﺎﺗﺒﻲ .. ﻛﻞ ﻣﺎﺗﺸﻮﻓﻪ ﺗﺘﻜﻠﻢ ﻣﻌﺎﻩ .. ﺗﺘﺄﻣﻞ ﻓﻴﻪ .. ﺗﺤﺲ ﺍﻥ ﺍﻟﺒﺪﻟﻪ ﻣﺎﺯﺍﻝ ﺗﺒﻲ ﻫﻠﺒﻪ ﻉ ﻣﺎﺗﻜﻮﻥ . ﺣﺎﺟﻪ ﺗﺴﺘﺎﻫﻞ ﻳﻠﺒﺴﻬﺎ ﻭﺍﺣﺪ ﺯﻳﻪ ...💖
ﻓﻌﺰ ﺷﻐﻠﻬﺎ ...
" ﺑﺲ .. ﺑﺴﺒﺴﺒﺴﺒﺴﺒﺴﺴﺲ "...
ﻏﻤﻀﺖ ﻋﻴﻮﻧﻬﺎ ﻭﺿﺤﻜﺖ ... ﻧﺎﺿﺖ ﺣﻄﺖ ﻭﺷﺎﺡ ﻉ ﺭﺍﺳﻬﺎ ... ﻭﻣﺸﺖ ﻟﻠﺮﻭﺷﻦ ﺍﻟﻠﻲ ﻛﺎﻥ ﻣﺮﺩﻭﺩ ﻓﺘﺤﺎﺗﻪ ..
ﻟﻘﺎﺗﻪ ﻭﺍﻗﻒ ﺣﻂ ﺍﻳﺪﻳﻪ ﻓﻲ ﺟﻴﻮﺏ ﺗﻮﺏ ﺍﻟﺘﻮﺗﻪ ... ﻭﻛﺎﻥ ﻻﺑﺲ ﻛﺎﺑﻬﺎ ﻉ ﺭﺍﺳﻪ ...
ﻧﻮﺭﺍﻥ ﺍﺑﺘﺴﻤﺖ : ﺭﻭﺣﺖ ﺗﻮﺍ ..
ﻛﻤﺎﻝ ﻭﻫﻮ ﻣﺒﺘﺴﻢ ﻫﺰ ﺭﺍﺳﻪ ﺑﺈﻳﺠﺎﺏ : ﺷﻦ ﺍﺩﻳﺮﻱ ..
ﻧﻮﺭﺍﻥ : ﻧﺸﺘﻐﻞ ..
ﻛﻤﺎﻝ : ﺍﻣﻤﻢ .. ﻛﻮﻳﺲ .. ﺷﻐﻠﻜﻢ ﻣﺎﺷﻲ ﺗﻤﺎﻡ؟
ﻧﻮﺭﺍﻥ : ﺍﻫﺎ ﺍﻟﺤﻤﺪ ﻟﻠﻪ .. ﻟﺪﺭﺟﺔ ﺍﻧﻲ ﻧﺪﻭﺭ ﻉ ﻋﺎﻣﻼﺕ ﺗﺎﻧﻴﺎﺕ ﻳﺸﻴﻠﻦ ﻣﻌﺎﻳﺎ ﻭﻣﻊ ﺍﻟﺒﻨﺎﺕ ...
ﻛﻤﺎﻝ : ﻣﺎﺷﺎﺀ ﺍﻟﻠﻪ .. ﻣﻮﻓﻘﻴﻦ ... ﺻﺒﺢ ..
ﻧﻮﺭﺍﻥ " ﻧﺎﻋﻠﻴﺎ 💓 ﺭﻭﺡ ﺻﺒﺢ :" ﻧﻌﻢ ..
ﻛﻤﺎﻝ : ﺷﻦ ﺻﺎﺭ ﻓﺴﻨﺪﺱ ..
ﻧﻮﺭﺍﻥ ﺑﻀﺤﻜﻪ : ﻣﺎﻗﺪﺭﺗﺶ ﻧﺪﻭﻳﻠﻬﺎ ...
ﻛﻤﺎﻝ : ﻋﻼﺵ ..
ﻧﻮﺭﺍﻥ ﺿﺤﻜﺖ ﻭﻭﺯﻋﺖ ﻧﻈﺮﻫﺎ ﺑﺮﺍ ﺑﻌﺪﻳﻦ ﺷﺒﺤﺘﻠﻪ ﻭﻗﺎﻟﺖ : ﺍﻟﺤﻜﺎﻳﻪ ﻣﻌﻘﺪﻩ ﺷﻮﻱ .. ﻳﻌﻨﻲ ﻛﻴﻒ ﺑﻨﻔﻬﻤﻬﺎ ﻟﻚ ... ﺿﺤﻜﺖ .. ﻣﺶ ﻋﺎﺭﻓﻪ ..
ﻛﻤﺎﻝ ﺑﻀﺤﻜﻪ : ﻣﻌﻘﺪﺓ ﻫﻠﺒﻪ ﺷﻜﻠﻬﺎ ..
ﻧﻮﺭﺍﻥ ﻣﻄﺖ ﺷﻮﺍﺭﺑﻬﺎ ﻟﺪﺍﺧﻞ ﻭﻗﺎﻟﺖ : ﻭﺍﺟﺪ ..
ﻛﻤﺎﻝ ﻭﺯﻉ ﻧﻈﺮﻩ ﺑﺮﺍ ﺑﻌﺪﻳﻦ ﺷﺒﺤﻠﻬﺎ : ﺍﻣﻢ .. ﺑﺎﻩ ﺷﻦ ﺭﺍﻳﻚ ﻏﺪﻭﺓ ﻧﻔﻄﺮﻭﺍ ﻣﻊ ﺑﻌﺾ ﻭﺗﺤﻜﻴﻠﻲ ﺑﺎﻟﺘﻔﺼﻴﻞ ..
ﻧﻮﺭﺍﻥ ﺍﺑﺘﺴﻤﺖ ﺑﻔﺮﺡ : ﻭﻳﻦ؟
ﻛﻤﺎﻝ ﺍﺑﺘﺴﻢ : ﻓﻲ ﻣﻜﺎﻥ ﻗﻨﻴﻨﻮﻥ ... ﺣﻴﻌﺠﺒﻚ ..
ﻧﻮﺭﺍﻥ " ﻛﻼﻡ ﺍﻟﻐﺮﺍﺑﻪ ﻋﺴﻞ ﻭﺍﻧﺖ ﺯﺩﺗﻪ ﺣﻼﻭﺓ ﻳﺎﻗﻨﻴﻨﻮﻥ ﺍﻧﺖ :" ﺍﻣﻢ ..OK..
ﻛﻤﺎﻝ : ﺧﻼﺹ ﺇﻥ ﺷﺎﺀ ﺍﻟﻠﻪ ﻏﺪﻭﺓ ﻧﺘﻼﻗﻮﺍ .. 7:30 ...
ﻧﻮﺭﺍﻥ ﺑﻀﺤﻜﻪ : ﺑﺪﺭﻱ ﻭﺍﺟﺪ ...
ﻛﻤﺎﻝ : ﺍﻧﺘﻲ ﺑﺎﻟﺬﺍﺕ ﻣﻔﺮﻭﺽ ﻣﺎﺗﻘﻮﻟﻴﺶ ﻫﻜﻲ ..
ﻧﻮﺭﺍﻥ ﺑﻀﺤﻜﻪ : ﻟﻴﺶ ...
ﻛﻤﺎﻝ ﺑﺈﺑﺘﺴﺎﻣﻪ : ﻹﻧﻚ ﺍﻟﺼﺒﺢ ..💖
ﻧﻮﺭﺍﻥ ﺍﺑﺘﺴﻤﺖ ﺑﺨﺠﻞ : ﻗﺘﻠﻚ ﻗﺒﻞ ﺍﻥ ﻛﻼﻣﻚ ﺍﻟﺤﻠﻮ ﻣﺎﻳﺠﻴﺶ ﻳﻨﻘﺎﻝ ﻟﻴﺎ ﺍﻧﺎ ..
ﻛﻤﺎﻝ ﺍﺑﺘﺴﻢ ﺑﺮﻓﻌﺔ ﺣﺎﺟﺐ : ﻟﻴﺶ ؟
ﻧﻮﺭﺍﻥ ﺷﺒﺤﺘﻠﻪ : ﺍﻧﺖ ﺷﺎﺏ ﻭﺍﻧﺎ ﺑﻨﺖ .. ﺑﻌﺪﻳﻦ ﺳﻜﺘﺖ ﻭﻏﻴﺮﺕ ﻋﻴﻮﻧﻬﺎ ﺍﻟﺨﺠﻼﻧﻪ
ﻛﻤﺎﻝ : ﻫﻬﻬﻬﻬﻬﻬﻬﻬﻬﻪ Ok... ﺧﻼﺹ ﺗﻮ ﻧﺮﺩ ﺑﺎﻟﻲ ﻣﺮﺓ ﺗﺎﻧﻴﻪ ..
ﻧﻮﺭﺍﻥ ﺷﺒﺤﺘﻠﻪ : ﻛﻮﻳﺲ ...
ﻛﻤﺎﻝ ﻗﻌﺪ ﻳﺸﺒﺤﻠﻬﺎ ﺑﻨﻈﺮﻩ ﻣﻠﻴﺎﻧﻪ ﻣﺸﺎﻋﺮ ... ﻣﺸﺎﻋﺮ ﺗﻼﻗﺖ ﻣﻊ ﺑﻌﺾ ﻓﻨﻈﺮﻩ ﻭﺣﺪﻩ ... ﺧﻮﻑ ... ﺗﺄﻣﻞ .. ﻭﺍﻟﺒﺎﻗﻲ ﻣﺸﺎﻋﺮ ﺑﺎﻟﻨﺴﺒﻪ ﻟﻴﻪ ﻣﺶ ﻣﺘﺮﺟﻤﻪ ... ﺑﺲ ﻟﻴﻬﺎﻋﻼﻗﻪ ﺑﺸﻜﻞ ﻣﺒﺎﺷﺮ ﻣﻊ ﺍﻟﻘﻠﺐ ...💓
ﻧﻮﺭﺍﻥ ﺗﻠﺒﻜﺖ : ﺍﺣﻤﻤﻢ ... ﻫﻲ ﻧﺨﻠﻴﻚ ﺗﺮﺗﺎﺡ ..
ﻛﻤﺎﻝ " ﺍﻧﻲ ﺭﺍﺣﺘﻲ ﻟﻤﺎ ﺗﻜﻮﻧﻲ ﻣﻌﺎﻱ ﻣﺶ ﻟﻤﺎ ﺗﺨﻠﻴﻨﻲ " ﺗﻨﻬﺪ ﻭﺍﺑﺘﺴﻢ : ﺗﺼﺒﺤﻲ ﻉ ﺧﻴﺮ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻗﺪﺍﻣﻚ ﻛﻞ ﺧﻴﺮ ...
ﺯﻱ ﻋﺎﺩﺗﻬﻢ ﺻﻜﺮﻭﺍ ﺍﻟﺮﻭﺷﻦ ﻣﻊ ﺑﻌﺾ ... ﻭﻋﻴﻮﻧﻬﻢ ﺗﻮﺩﻉ ﺑﻌﺾ .. ﻭﻳﻘﻮﻟﻮﺍ ﻟﺒﻌﺾ ﻧﺘﻼﻗﻮﺍ ﻏﺪﻭﺓ ﻧﻜﻤﻠﻮﺍ ﻛﻼﻣﻨﺎ ﺍﻟﻠﻲ ﻣﺎﻳﻘﺪﺭﻭﺵ ﻳﻘﻮﻟﻮﻩ ﺑﺎﻟﻠﺴﺎﻥ ..
ﻫﻲ ﺧﺸﺖ .. ﺍﺭﺗﻤﺖ ﻉ ﺍﻟﺴﺮﻳﺮ ﻉ ﻇﻬﺮﻫﺎ ﻭﺣﻮﻟﺖ ﺍﻟﻮﺷﺎﺡ ﻣﻦ ﻋﻠﻰ ﺭﻗﺒﺘﻬﺎ ﻭﻏﻤﻀﺖ ﻋﻴﻮﻧﻬﺎ ...
💙 ﻧﻮﺭﺍﻥ ...
ﻗﻠﺒﻲ ﻳﻘﻮﻝ ﺍﻧﻪ ﻓﻴﻪ ﺷﻲ ﻣﻦ ﻧﺎﺣﻴﺘﻲ ﻣﺶ ﺧﺎﻟﻲ .. ﺑﺲ ﻋﻘﻠﻲ ﻳﻘﻮﻟﻲ ﻳﺎﻫﺒﻠﻪ ﺩﺑﺎﻟﻚ ﺗﺼﺪﻗﻴﻪ ﻫﻀﺎ ﻣﺮﻳﺾ ﻭﻳﺘﻮﻫﻢ ﻣﻦ ﺍﻟﻤﺮﺽ ... ﻛﺎﻥ ﺳﻤﻌﺘﻴﻪ ﻳﻮﺩﺭﻙ ... ﺍﺳﻤﻌﻲ ﻛﻼﻣﻲ ﻣﺘﺘﺄﻣﻠﻴﺶ ﻉ ﺍﻟﻔﺎﺿﻲ .. ﺧﻴﺮ ﻣﺎﺑﻜﺮﺍ ﺗﺤﻠﻲ ﻋﻴﻮﻧﻚ ﻭﺗﻠﻘﻴﻪ ﻋﺪﺍ ﻟﻐﻴﺮ ﺭﺟﻌﻪ ﺳﺎﻋﺘﻬﺎ ﺍﻧﺘﻲ ﺍﻟﻠﻲ ﺣﺘﻌﺬﺑﻲ ﻋﺬﺍﺏ ﺍﻟﻤﻮﺕ ... ﻓﺎﺕ ﻓﻴﻪ ﻫﺎﻟﺨﻔﻴﻒ ﺣﺒﻪ ﻭﻣﺮﺽ ﺑﻴﻪ ... ﺍﻧﺘﻲ ﻣﺎﺗﻤﺎﺩﻳﺶ ﻭﺗﻤﺮﺿﻴﻨﻲ ﺍﻧﺎ ﻣﻌﺎﻛﻢ ..
ﺟﻤﺎﻥ : ﻫﻬﻬﻬﻬﻬﻬﻬﻪ .. ﻗﻠﺒﻚ ﻭﻋﻘﻠﻚ ﻣﺶ ﺻﺤﺎﺏ ﺑﻜﻞ ..
ﻧﻮﺭﺍﻥ ﺑﻀﺤﻜﻪ : ﻣﻦ ﻫﻮ ﺍﻟﻠﻲ ﻗﻠﺒﻪ ﻭﻋﻘﻠﻪ ﺻﺤﺎﺏ؟
ﺟﻤﺎﻥ : ﺑﺲ ﺻﺤﺔ ﻟﻴﻪ ﻋﻘﻠﻚ ﻣﺴﻴﻄﺮ ﻉ ﺍﻟﻮﺿﻊ ..
ﻧﻮﺭﺍﻥ : ﺍﻫﺎ ﻧﺴﻤﻌﻠﻪ ﻫﻮ ﺍﻛﺜﺮ ...
ﺟﻤﺎﻥ : ﺑﺲ ﺗﻤﻴﻠﻲ ﻟﻠﻘﻠﺐ ﺍﻛﺜﺮ ..
ﻧﻮﺭﺍﻥ ﺗﻨﻬﺪﺕ : ﺍﻳﻪ ﻭﺍﻟﻠﻪ ﺷﺮﻃﻮﻧﻲ ﺑﻴﻨﻬﻢ ...
ﺟﻤﺎﻥ : ﻛﺎﻥ ﺍﻟﻠﻪ ﻓﻌﻮﻧﻚ ..
ﻧﻮﺭﺍﻥ : ﻫﻬﻬﻬﻬﻬﻬﻪ ﺗﺴﻠﻤﻲ ..
❤❤❤❤
ﺍﻟﺴﺎﻋﻪ 2 ﻟﻴﻼ ...
ﺳﻼﻑ ﻛﺎﻟﻌﺎﺩﻩ ﻣﺶ ﻣﻬﻨﻴﻪ ﺭﻭﺣﻬﺎ .. ﺑﺲ ﻫﺎﻟﻤﺮﺓ ﻣﺶ ﻣﺎﺷﻴﻪ ﻟﻠﺮﻳﻔﻮﺩﺟﻲ .. ﻻ ..
ﻟﻤﺎ ﻗﺎﻟﻠﻬﺎ ﺣﺴﻴﻦ ﻉ ﻗﺼﺔ ﺍﻟﻠﻘﺐ ﺍﻟﻤﺘﻐﻴﺮ ﻭﻫﻲ ﺗﻔﻜﺮﺧﻄﺮﺕ ﻉ ﺑﺎﻟﻬﺎ ﺣﺎﺟﻪ ﺷﺎﻓﺘﻬﺎ ﻣﻦ ﻣﺪﻩ ﻭﺗﺒﻲ ﺗﺘﺄﻛﺪ ﻣﻨﻪ ...
ﻣﺸﺖ ﻭﺭﺍ ﺍﻟﺤﻮﺵ ﻭﻣﺸﺖ ﻟﻠﺠﻬﻪ ﺍﻟﻤﻘﺼﻮﺩﻩ .. ﻛﺎﻧﺖ ﻣﻈﻠﻤﻪ ﺑﻌﺾ ﺍﻟﺸﻲ .. ﻓﺘﺤﺖ ﻓﻼﺵ ﺗﻠﻴﻔﻮﻧﻬﺎ ﻭﻗﺮﺑﺖ ﺍﻛﺜﺮ ﻣﻦ ﺍﻟﺤﻴﻂ ..
ﻭﺷﺎﻓﺖ ﺍﻟﻜﻠﻤﻪ ﺍﻟﻠﻲ ﺷﺎﻓﺘﻬﺎ ﺍﻟﻤﺮﻩ ﺍﻟﻠﻲ ﻓﺎﺗﺖ ..
‏( ﺳﻒ ...... ﻡ ‏) ..
ﺳﻼﻑ ﺻﻜﺮﺕ ﺍﻟﻔﻼﺵ ﻭﻗﺎﻟﺖ ﻓﻨﻔﺴﻬﺎ " ﺧﻮ ﺭﺿﻮﺍﻥ ﺍﺳﻤﻪ ... ﻳﺎﺭﺑﻲ ﻗﺎﻟﻲ ﻋﻠﻴﻪ ... ﻋﻤﺮﺍﻥ ... ﺻﻔﻮﺍﻥ ... ﺗﺲ ﺍﻓﻔﻒ " ﺷﻐﻠﺖ ﺍﻟﻔﻼﺵ ﻭﺷﺒﺤﺖ ﻣﻦ ﺟﺪﻳﺪ ..
" ﺳﻔﻴﺎﻥ ... ﺍﻫﺎ ﺳﻔﻴﺎﻥ ﺍﻷﻛﺮﻡ ... ﺑﺲ ﻟﻴﺶ ﻣﻨﻘﻮﺵ ﺍﺳﻤﻪ ﻋﻠﻰ ﺍﻟﻔﻴﻼ ﻣﻦ ﻫﻨﺎ؟ "!! ﻓﻜﺮﺕ ﺷﻮﻳﻪ ﺑﻌﺪﻳﻦ ﻟﻔﺖ ﻉ ﺍﻟﻔﻴﻼ .. ﺑﺤﺬﺭ ﺷﺪﻳﺪ ... ﻣﺎﻻﺣﻈﺖ ﺷﻲ ﺗﺎﻧﻲ ...
ﺳﻼﻑ " ﺳﻔﻴﺎﻥ ﺍﻻﻛﺮﻡ ... ﻣﻨﻘﻮﺵ ﺍﺳﻤﻪ ﻉ ﺍﻟﺤﻴﻂ ﺍﻟﺨﻠﻔﻲ ﻣﻦ ﺍﻟﻔﻴﻼ ... ﻭﻫﺬﻳﻚ ﺍﻟﺠﻬﻪ ﻣﺶ ﻣﻘﺮﻭﺑﻪ ﺑﻜﻞ ﻻﻣﻠﻴﺴﻪ ﻭﻻﺷﻲ ..."
ﺳﻼﻑ ﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ " ﺍﻟﻔﻴﻼ ﻣﺼﻴﻨﻪ ... ﻭﻫﺬﺍﻙ ﺍﻟﻤﻜﺎﻥ ﻫﻮ ﺍﻟﻮﺣﻴﺪ ﺍﻟﻠﻲ ﻣﺶ ﻭﺍﺻﻠﻪ ﻓﻴﻪ ﺍﻟﺼﻴﺎﻧﻪ .. ﻭﻋﻠﻴﻪ ﺍﺳﻢ ﺳﻔﻴﺎ ...
"
ﺳﻼﻑ ﺑﺼﺪﻣﻪ : ﺍﻟﻔﻴﻼ ﻟﺴﻔﻴﺎﻥ ﻣﺶ ﻟﺮﺿﻮﺍﻥ !!!
ﻓﺠﺄﻩ ﺳﻤﻌﺖ ﺻﻮﺕ ﺧﻄﻮﺍﺕ ... ﺗﻘﺮﺏ .. ﺷﺒﺤﺖ ﻳﻤﻴﻨﻬﺎ ﻟﻘﺖ ﻇﻞ ﻃﻮﻳﻞ ﺟﺎﻱ ... ﺧﺎﻓﺖ ﻫﻠﺒﻪ .. ﺧﻼﺹ ﺍﻟﻈﻞ ﻗﺮﺏ .. ﻓﻴﺴﻊ ﻣﺎ ﺍﺩﺭﻗﺖ ﻓﻲ ﺟﻬﺔ ﻣﺴﺘﺨﻄﻴﻪ ﻓﻲ ﺍﺧﺮ ﻟﺤﻈﻪ ..
ﺻﺎﺣﺐ ﺍﻟﻈﻞ ﺍﻟﻄﻮﻳﻞ ﻃﻠﻊ ﺟﻴﻔﺮﺱ ﺑﻨﺪﻟﺘﻮﻥ .. ﻧﺒﺼﺮ ﻧﺒﺼﺮ 🤣
ﺍﺣﻤﻢ ..
ﺻﺎﺣﺐ ﺍﻟﻈﻞ ﻃﻠﻊ ﺭﺿﻮﺍﻥ ... ﻭﺳﻼﻑ ﻣﺎﺗﺖ ﻣﻦ ﺧﻮﻓﻬﺎ ﻟﻤﺎ ﻟﻤﺤﺎﺗﻪ ... ﺍﺩﺭﻗﺖ ﻭﻟﺼﻘﺖ ﻓﻲ ﺍﻟﺤﻴﻂ ﻭﻫﻲ ﺗﻘﺮﺍ ﻓﻲ ﺍﻻﺩﻋﻴﻪ ﻭﺍﻷﺫﻛﺎﺭ ﻭﺍﻟﻘﺮﺁﻥ ﻣﻦ ﺍﻟﺨﻮﻑ 😵....
ﺍﻣﺎ ﻫﻮ ﻭﻗﻒ ﻭﺷﺒﺢ ﻟﻠﺴﻤﻲ ..
ﺭﺿﻮﺍﻥ : ﺑﺪﻳﺖ ﺗﻨﺘﻘﻢ ... ﺗﺒﻲ ﺗﺎﺧﺪ ﺣﻘﻬﻢ .. ﺑﺎﻫﻲ ﻭﺣﻘﻲ ﺍﻧﺎ ﻟﻴﺶ ﻣﺎﺧﺪﻳﺘﺎﺵ ﻟﻴﺎ ... ﻋﺸﺖ ﻋﻤﺮ ﻭﺍﻧﺎ ﺍﻟﻠﻲ ﻧﺘﻤﻨﺎﻩ ﻳﺎﺧﺪﻫﺎ .. ﺍﻟﺒﺎﻫﻴﻪ ﻟﻴﻪ ﻭﺍﻟﻌﺎﻓﻨﻪ ﻟﻴﺎ ... ﺍﻧﺎ ﺍﻟﺨﺴﻴﺲ ﺍﻟﻮﺍﻃﻲ ﺍﻟﻠﻲ ﻣﺎﻧﺼﻠﺢ ﻭﻫﻮ ﺍﻟﻨﻈﻴﻒ ﺍﻟﺼﺎﻟﺢ ... ﺍﻧﺖ ﻛﻴﻔﻬﻢ ﺣﺮﻣﺘﻨﻲ .. ﻣﺎﻭﻓﻘﺘﻨﻴﺶ ﺧﻠﻴﺘﻨﻲ ﺩﻳﻤﺎ ﻓﺎﺷﻞ ﺣﺘﻰ ﻟﻤﺎ ﻗﺖ ﻧﺒﻲ ﻧﻤﺸﻲ ﻑ ﻃﺮﻳﻘﻚ ﻛﻴﻒ ﻣﺎﺳﺎﻋﺪﺗﻨﻴﺶ .. ﻟﻴﺶ .. ﺍﻫﺎ؟ ..! ﻭﻟﻴﺶ ﺗﻮ ﺗﺒﻲ ﺗﻨﺘﻘﻢ !! ﻧﻘﻮﻟﻬﺎ ﻟﻚ ﺍﻧﺎ ﻣﺶ ﺣﻨﻀﻌﻒ ﻭﻻﻧﺨﺎﻑ .. ﺣﻜﻤﺖ ﻋﻠﻴﺎ ﻧﻜﻮﻥ ﻫﻚ ﻭﺍﻧﺎ ﻣﺶ ﺣﻨﺘﻐﻴﺮ ﻣﻬﻤﺎ ﺩﺭﺕ ﻓﻴﺎ ... ﻣﺶ ﺣﻨﺘﻐﻴﺮ .. ﺧﺪﻱ ﻧﻔﺲ ﻋﻤﻴﻖ .. ﻭﻟﻒ ﻭﻣﺸﻲ ..
ﺳﻼﻑ ﻣﺼﺪﻭﻣﻪ ﺑﺸﺪﻩ " ﻻ ﻫﻀﺎ ﺍﺑﻠﻴﺲ ﻣﺘﺼﻮﺭ ﻓﻲ ﻫﻴﺌﻪ ﺑﺸﺮ ..
ﻳﺘﺤﺪﺍ ﻓﺮﺑﻪ ﺑﻜﻞ ﻭﻗﺎﺣﻪ .. ﻭﻳﺤﻜﻲ ﻣﻌﺎﻩ ﺑﺈﻧﻌﺪﺍﻡ ﺃﺩﺏ ﻭﺑﻜﺒﺮ ﻛﻴﻒ ﻛﺒﺮ ﺍﺑﻠﻴﺲ ﻟﻤﺎ ﺗﺤﺪﺍ ﺍﻟﻠﻪ !!
ﻣﻔﺮﻭﺽ ﻣﺎﻧﺴﺘﻐﺮﺑﺶ ﺍﻛﻴﺪ ﺍﻣﺜﺎﻟﻪ ﺣﻴﻜﻮﻧﻮﺍ ﻫﻚ ... ﻣﻦ ﺟﻨﻮﺩ ﺍﺑﻠﻴﺲ ﺍﻟﻤﺨﻠﺼﻴﻦ ..."
ﻃﻠﻌﺖ ﺭﺍﺳﻬﺎ ﻭﻗﻌﺪﺕ ﺗﺸﻮﻑ ﻓﻲ ﺍﻟﻤﻜﺎﻥ ﻛﻮﻳﺲ .. ﺑﻌﺪﻳﻦ ﻣﺸﺖ ﻭﻫﻲ ﺗﺘﺴﺤﺐ ﻟﻴﻦ ﺧﺸﺖ ﻣﻦ ﺟﻬﺔ ﺍﻟﻤﻄﺒﺦ ﺗﻤﺸﻲ ﺑﺤﺬﺭ .. ﻟﻌﻨﺪ ﻭﺻﻠﺖ ﻓﻲ ﺍﻟﺒﺎﺏ ﻭﺑﺘﻄﻠﻊ ﻣﻦ ﺍﻟﻤﻄﺒﺦ ..
ﺍﻧﻔﺘﺢ ﺍﻟﻀﻲ ..
ﺳﻼﻑ ﻏﻤﻀﺖ ﻋﻴﻮﻧﻬﺎ : ﺃﺷﻬﺪ ﺍﻥ ﻻﺇﻟﻪ ﺇﻻ ﺍﻟﻠﻪ ..
ﺍﻛﺮﻡ : ﻛﻮﻳﺲ ﺍﻟﻠﻲ ﺍﺷﻬﺪﺗﻲ .. ﻧﺎﻭﻳﻠﻚ ﺍﻟﻤﻮﺕ ﺍﻟﻠﻴﻠﻪ ﻫﺬﻱ ..
ﺳﻼﻑ ﺑﻌﺪ ﺳﻤﻌﺎﺗﻪ ﺷﻘﻠﺐ ﻋﻴﻮﻧﻬﺎ ﻭﻣﻄﺖ ﺷﻮﺭﺍﺑﻬﺎ ﺑﻤﻠﻞ ﻭﺍﻟﺘﻔﺘﺖ : ﺷﻦ ﺩﻳﺮ ﻫﻨﺎ ..
ﺍﻛﺮﻡ : ﺷﻦ ﺗﺤﻘﻲ ﻉ ﺍﻟﻄﺎﻭﻟﻪ ..
ﺳﻼﻑ ﺷﺒﺤﺖ ﻟﻘﺖ 4 ﺩﺣﻴﺎﺕ ﻣﻄﺒﻮﺧﺎﺕ ﻭﻫﺮﻳﺴﻪ ﻭﺟﺒﻨﻪ ﻭﺯﻳﺘﻮﻥ : ﻭﺍﻟﻌﺸﺎ ﻣﺎﺷﺒﻌﻜﺶ !!! ؟
ﺍﻛﺮﻡ ﻗﺪﻡ : ﺷﺘﺎ ... ﻭﺧﺪﻣﻪ ... ﻭﺷﻮﻓﺔ ﻋﻴﻨﻚ .. ﺟﺴﻢ ﻗﻮﻱ ﻳﺒﻴﻠﻪ ﺍﻳﻜﺎﻝ ﻭﺍﺟﺪ ..
ﺳﻼﻑ : ﺷﻜﺎﺭ ﺭﻭﺣﻪ .. ﻭﺟﺖ ﺑﺘﻤﺸﻲ .. ﺷﺪﻫﺎ ﻣﻦ ﻳﺪﻫﺎ ﻭﺟﺒﺪﻫﺎ ﻟﺼﺪﺭﻩ ... ﺳﻼﻑ ﻗﻠﺒﻬﺎ ﺑﻴﻮﻗﻒ .. ﻭﻧﻔﺴﻬﺎ ﺳﺮﻳﻊ ...
ﺍﻛﺮﻡ : ﻛﻨﻚ ﻣﺎﺭﺩﻳﺘﻲ ..
ﺳﻼﻑ : ﻉ ﺷﻦ ..
ﺍﻛﺮﻡ : ﻉ ﺍﻟﻠﻲ ﺳﻤﻌﺘﻴﻪ ...
ﺳﻼﻑ ﺗﺘﺠﻨﺐ ﺗﺸﺒﺢ ﻟﻌﻴﻮﻧﻪ : ﻣﺎﺳﻤﻌﺖ ﺷﻲ ...
ﺍﻛﺮﻡ ﺑﺮﻓﻌﺔ ﺣﻮﺍﺟﺐ : ﺍﻫﺎ .. ﻣﺎﺳﻤﻌﺘﻴﺶ .. ﺣﺎﻭﻃﻬﺎ ﻣﻦ ﺧﺼﺮﻫﺎ ﻭﺷﺪ ﻋﻠﻴﻬﺎ ... ﻭﺗﻮﺍ ..
ﺳﻼﻑ ﺑﺪﻭﺥ ﺧﻼﺹ : ﻋﻲ .. ﺏ .. ﺍﻟﻠﻲ .. ﺩﻳﺮ ﻓﻴﻪ ..
ﺍﻛﺮﻡ : ﻫﻬﻬﻬﻬﻪ .. ﺍﻟﻌﻴﺐ ﺍﻟﻠﻲ ﻧﻌﺮﻓﻪ ﻣﺶ ﻫﻚ ... ﻫﺬﻛﻲ ﺑﻌﺪﻳﻦ ﻭﻗﺘﻪ ﻣﺶ ﺗﻮ ..
ﺳﻼﻑ ﺿﺮﺑﺎﺗﻪ ﻛﻒ ﻉ ﻭﺟﻬﻪ ﻫﻮ ﻃﻠﻘﻬﺎ ﻃﻠﻌﺖ ﺗﺠﺮﻱ ﻣﻦ ﺍﻟﻜﻮﺟﻴﻨﻪ ﻭﻫﻲ ﺑﺘﻤﻮﺕ ﻣﻦ ﺍﻟﺨﺠﻞ ﻭﻣﻦ ﻣﺸﺎﻋﺮﻫﺎ ﺍﻟﻘﻮﻳﻪ ﻭﻧﺒﻀﺎﺕ ﻗﻠﺒﻬﺎ ﺍﻷﻗﻮﻯ ...
ﺍﻣﺎ ﻫﻮ ﻓﺒﻌﺪ ﻣﺎﻛﺎﻥ ﻑ ﺣﺎﻟﺔ ﺻﺪﻣﻪ ﻣﻦ ﺍﻟﻜﻒ ﺍﻟﻠﻲ ﻛﻼﻩ ﻭﻫﺬﺍ ﺗﺎﻧﻲ ﻛﻴﻒ ﻳﺠﻴﻪ ﻣﻦ ﻣﺮﺍﻩ .. ﻭﻫﻲ ﻧﻔﺴﻬﺎ ...
ﻣﻼﻣﺢ ﻭﺟﻬﻪ ﺍﺭﺗﺨﺖ ﻭﻋﻴﻮﻧﻪ ﺩﺑﻠﻮﺍ ﻭﺍﺑﺘﺴﻢ ... ﺗﻨﻬﺪ ﻣﻦ ﻭﺳﻂ ﻗﻠﺒﻪ .. ﺗﻘﻮﻝ ﻋﻄﺎﺗﻪ ﺑﻮﺳﻪ ...🤣
ﻭﻭﻻ ﻟﻠﺪﺣﻲ ﺍﻟﻤﻄﺒﻮﺥ .. ﻣﻦ ﺍﻟﺴﻌﺎﺩﻩ ﺍﻟﻠﻲ ﻫﻮ ﻓﻴﻬﺎ ﻳﺒﻠﻊ ﻓﻲ ﻓﺎﻟﻮﺣﺪﻩ ﻓﻔﻢ ﻭﺍﺣﺪ ...😂
ﺍﻣﺎ ﻫﻲ ﺣﺎﻟﺘﻬﺎ ﻳﺮﺛﻰ ﻟﻬﺎ ﺧﺸﺖ ﻟﺪﺍﺭ ﻣﺘﺎﻉ ﻧﺒﻮﻳﻪ ... ﻭﺳﻜﺮﺕ ﺍﻟﺒﺎﺏ .. ﻭﻫﻲ ﺗﺬﻛﺮ ﻓﻲ ﺍﻟﻠﻲ ﺩﺍﺭﻩ ﻭﺍﻟﻜﻼﻡ ﺍﻟﻠﻲ ﺳﻤﻌﺎﺗﻪ ﻣﻨﻪ ..
ﺳﻼﻑ ﻏﻤﻀﺖ ﻋﻴﻮﻧﻬﺎ ﺑﺸﺪﻩ ﻭﻗﺎﻟﺖ ﺑﻌﻴﻄﻪ : ﺳﺨﻴﻴﻴﻴﻒ ..
ﻧﺒﻮﻳﻪ ﺳﻤﻌﺖ ﺍﻟﺼﻮﺕ ﻧﺎﺿﺖ .. ﺍﻟﺪﻧﻴﺎ ﻛﺎﻧﺖ ﻣﻈﻠﻤﻪ ﻭﻓﻀﻲ ﺑﺴﻴﻂ ﺧﺎﺵ ﻣﻦ ﺑﺮﺍ ﻣﺒﻴﻦ ﻇﻞ ﺳﻼﻑ ﺑﺸﻌﺮﻫﺎ ﺍﻟﻤﺸﻔﺸﻒ ..
ﻧﺒﻮﻳﻪ ﺗﺸﺒﺢ ﻓﻲ ﺍﻟﻈﻞ ... ﻓﻨﺼﺖ .. ﻭﺑﻌﺪﻳﻦ ..
" ﻳﺎﺍﺍﺍﺍﺍﺍﺍﺍﺍﺍﺍﻟﻬﻬﻬﻬﻬﻬﻬﻬﻬﻮﻭﻭﻱ ﺍﻟﺤﻘﻮﻭﻭﻭﻭﻭﻧﻲ ﻳﺎﻧﺎﺱ ﺍﻝ "... ﺳﻼﻑ ﺻﻜﺮﺗﻠﻬﺎ ﻓﻤﻬﺎ ....
ﺳﺎﺭﻩ : ﻫﺬﻱ ﺍﻧﺎﺍﺍﺍ .. ﺍﻧﺎ ﺳﺎﺭﺭﺭﻩ . ﻳﺎﻭﻟﻴﻪ ...
ﻧﺒﻮﻳﻪ : ﺍﻣﻢ ... ﺍﻣﻢ .. ﺍﻣﻤﻢ "... ﺗﺤﺎﻭﻝ ﺗﻌﻴﻂ ﺑﺲ ﻓﻤﻬﺎ ﻣﻐﻤﻮﻡ ..."
ﺳﺎﺭﻩ : ﺍﻫﻮ ﻧﻔﺘﺢ ﺍﻟﻀﻲ ﻭﺗﺤﻘﻲ ﺑﻌﻴﻨﻚ ... ﺑﺲ ﺍﻟﻠﻪ ﻭﺍﻟﻨﺒﻲ ﻣﺎﻃﻠﻌﻲ ﺻﻮﺕ ..
ﻧﺒﻮﻳﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ... ﻃﻠﻘﺘﻬﺎ ﺳﻼﻑ ﻣﺸﺖ ﺗﺠﺮﻱ ﻓﺘﺤﺖ ﺍﻟﻀﻲ ﺍﻧﻔﺘﺢ ﺍﻟﺒﺎﺏ ... ﻛﺎﻧﻮﺍ ﻧﻮﺭﺍﻥ ﻭﺭﻳﻬﺎﻡ ﻭﻭﺭﺍﻫﻢ ﺷﻬﺎﺏ ﻭﻭﺭﺍﻫﻢ ﻣﻦ ﺑﻌﻴﺪ ﺍﻛﺮﻡ ﻭﺭﺿﻮﺍﻥ .
ﻧﻮﺭﺍﻥ : ﻛﻨﻜﻢ ..
ﺳﺎﺭﻩ ﻣﺶ ﻗﺎﺩﺭﻩ ﺗﺘﻜﻠﻢ ﻣﻦ ﺍﻷﺣﺮﺍﺝ ..
ﻧﺒﻮﻳﻪ ﺗﻜﻠﻤﺖ : ﻋﻔﺮﻳﺖ ..
ﺭﻳﻬﺎﻡ : ﺷﻦ؟؟؟ !!!
ﻧﺒﻮﻳﻪ ﺑﺮﺑﻜﻪ : ﻗﺼﺪﻱ ﺍﻓﺘﻜﺮﺗﻬﺎ ﻋﻔﺮﻳﺖ .. ﺍﻟﺰﺍﻫﺮ ﻛﺎﻧﺖ ﺧﺎﺭﺟﻪ ﺗﺸﺮﺏ ﻭﻻﺩﺍﺧﻠﻪ ﺍﻟﺤﻤﺎﻡ ﻭﺍﻣﺎ ﺭﺟﻌﺖ ﻋﻤﻠﺖ ﺻﻮﺕ ﻗﻮﻣﻨﻲ ﻭﺍﺗﺨﻀﻴﺖ ...
ﻧﻮﺭﺍﻥ ﺑﻀﺤﻜﻪ : ﺭﺑﻲ ﻳﻬﺪﻳﻚ .. ﻗﺒﻞ ﺭﻗﺎﻟﻲ ﺍﻟﺴﻜﺮ ..
ﻧﺒﻮﻳﻪ : ﺑﻌﺪ ﺍﻟﺸﺮ ﻋﻠﻴﻚ ﻳﺎﺣﺒﻴﺒﺘﻲ .. ﺍﺳﻔﻪ ﻳﺎﺑﻨﺘﻲ ..
ﻧﻮﺭﺍﻥ : ﻭﻻﻳﻬﻤﻚ ..
ﺳﺎﺭﻩ ﻛﺎﻧﺖ ﺳﺎﻛﺘﻪ ﻭﻣﺤﺮﺟﻪ ﻭﺭﻳﻬﺎﻡ ﺗﺸﺒﺤﻠﻬﺎ ﺑﺤﺪﻩ .. ﺑﻌﺪﻳﻦ ﺍﻟﺘﻔﺘﺖ ﺷﺒﺤﺖ ﻷﻛﺮﻡ ﺍﻟﻠﻲ ﻛﺎﻥ ﻭﺍﻗﻒ ﻣﻊ ﺭﺿﻮﺍﻥ ﻭﻭﺍﻗﻒ ﻋﻠﻴﻬﻢ ﺷﻬﺎﺏ ﻳﻘﻮﻟﻠﻬﻢ ﺍﻟﻠﻲ ﺻﺎﺭ ..
ﻇﻨﺖ ﺍﻧﻬﻢ ﻛﺎﻧﻮﺍ ﻣﻊ ﺑﻌﺾ ﻭﻧﺎﺭ ﺍﻟﻐﻴﺮﻩ ﻭﻟﻌﺖ ...
ﻧﻮﺭﺍﻥ : ﺳﺎﺭﻩ ﻗﺒﻞ ﻟﺘﺮﻗﺪﻱ ﻋﻄﻴﻬﺎ ﻛﺼﺒﺮ ﻟﻠﻔﺠﻌﻪ ....
ﻧﺒﻮﺑﻪ : ﺭﺑﻨﺎ ﻳﺨﻠﻴﻚ ﻟﻴﺎ
ﻧﻮﺭﺍﻥ ﺍﺑﺘﺴﻤﺖ : ﺗﺴﻠﻤﻲ .. ﻫﻲ .. ﺗﺼﺒﺤﻦ ﻉ ﺧﻴﺮ ... ﻣﺸﺖ ﻫﻲ ﻭﺭﻳﻬﺎﻡ ... ﻭﺭﻛﺒﻮﺍ ﻣﻊ ﺷﻬﺎﺏ ﻭﺭﺿﻮﺍﻥ ..
ﺭﻳﻬﺎﻡ ﻋﻄﺖ ﺷﺒﺤﻪ ﻷﻛﺮﻡ ﻫﻮ ﺷﺒﺤﻠﻬﺎ ﺑﺒﺮﻭﺩ ... ﺷﺒﺢ ﺑﻌﺪﻳﻦ ﺟﻬﺔ ﺑﺎﺏ ﺩﺍﺭ ﻧﺒﻮﻳﻪ .. ﻟﻘﻲ ﺳﺎﺭﻩ ﺗﺸﺒﺤﻠﻪ ..
ﺍﺑﺘﺴﻢ ﻉ ﺟﻨﺐ .. ﻫﻲ ﺷﻘﻠﺒﺖ ﻋﻴﻮﻧﻬﺎ ﻭﺻﺮﻓﻘﺖ ﺍﻟﺒﺎﺏ ﺑﻘﻮﺓ ...
ﻗﻌﺪ ﻳﻀﺤﻚ ﻭﻭﻻ ﻟﻠﻜﻮﺟﻴﻨﻪ ..
🌺🌺🌺
ﺗﺎﻧﻲ ﻳﻮﻡ ..
7:30 ..
ﻃﻠﻌﺖ ﻧﻮﺭﺍﻥ ﻣﻦ ﺍﻟﻔﻴﻼ ..
ﻛﻤﺎﻝ ﺩﺍﺭﻟﻬﺎ ﺍﻟﻀﻲ ﺑﺎﻟﺴﻴﺎﺭﺓ ... ﺍﺑﺘﺴﻤﺖ ﻭﺍﺷﺮﺕ ﺑﻴﺪﻫﺎ ..🖐
ﺟﺎﻫﺎ ﻓﺘﺤﻠﻬﺎ ﺍﻟﺒﺎﺏ ﻣﻦ ﺩﺍﺧﻞ ﺭﻛﺒﺖ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺻﺒﺎﺣﻚ ﺧﻴﺮ ..
ﻫﻮ ﺷﺒﺤﻠﻬﺎ ﺑﺈﺑﺘﺴﺎﻣﻪ ﺳﺎﺣﺮﻩ : ﺻﺒﺎﺣﻚ ﺳﻜﺮ ....
ﻧﻮﺭﺍﻥ ﺍﺑﺘﺴﻤﺖ ﺑﺨﺠﻞ ﻭﺷﺒﺤﺖ ﺍﻟﻘﺪﺍﻡ .. ﻗﻌﺪﺕ ﺗﺮﺑﻂ ﻓﻲ ﺍﻟﺤﺰﺍﻡ ... ﻫﻮ ﺿﺤﻚ ﻭﻗﻌﺪ ﻳﺸﺒﺤﻠﻬﺎ ﻟﻴﻦ ﻟﺒﺴﺖ ﺗﺤﺮﻙ ﻃﻮﻝ ...
ﻓﺘﺢ ﺍﻟﻤﺴﺠﻞ ..
ﻭﺑﺪﺕ ﺍﻏﻨﻴﻪ ﻛﺎﻇﻢ ﺍﻟﺴﺎﻫﺮ " ﺻﺒﺎﺣﻚ ﺳﻜﺮ .."
ﻫﻲ ﺍﺑﺘﺴﻤﺖ ﺑﺨﺠﻞ ﻟﻜﻦ ﻣﺎﺷﺒﺤﺘﻼﺵ .. ﺑﺪﻱ ﻳﻐﻨﻲ ﻣﻌﺎﻫﺎ ﺯﻱ ﺍﻻﻏﻨﻴﻪ ﺍﻟﻠﻲ ﻗﺒﻞ ﺳﻤﻌﺎﺗﻪ ﻳﻐﻨﻲ ﻓﻴﻬﺎ ﻟﻜﺎﻇﻢ ﺣﺎﻓﻆ ﺻﻢ ...
💙 ﻧﻮﺭﺍﻥ ..
ﺟﺎﻧﻲ ﺍﺣﺴﺎﺱ ﺳﺎﻋﺘﻬﺎ ﺍﻥ ﻛﺎﻇﻢ ﻟﻪ ﻋﻼﻗﻪ ﺑﺎﻟﻤﺎﺿﻲ ﻣﺘﺎﻋﻪ .. ﺷﻲ ﺟﺪﻳﺪ ﺣﻀﺮ ﻣﻦ ﺫﺍﻛﺮﺗﻪ ... ﻓﻘﻠﺖ ﻧﺴﺄﻟﻪ ..
ﻧﻮﺭﺍﻥ : ﻛﻤﺎﻝ ..
ﻧﻘﺺ ﻓﻲ ﺍﻟﻤﺴﺠﻞ ﻭﻫﻮ ﻳﺸﺒﺢ ﺍﻟﻘﺪﺍﻡ : ﻧﻌﻢ ..
ﻧﻮﺭﺍﻥ : ﻃﻠﻌﺖ ﺗﺤﺐ ﻛﺎﻇﻢ ..
ﻛﻤﺎﻝ : ﻫﻬﻬﻬﻬﻬﻬﻬﻬﻬﻪ ... ﺍﻳﻪ ﻟﻤﺎ ﻧﺴﻤﻊ ﺻﻮﺗﻪ ﻧﻨﺴﺠﻢ ﻃﻮﻝ ﻭﻧﺤﺲ ﺑﺸﻲ ﻏﺮﻳﺐ ﻳﻘﻮﻟﻲ ﺍﻧﻲ ﺳﻤﻌﺘﻪ ﻗﺒﻞ ﻫﻠﺒﻪ .. ﻭﻛﻠﻤﺎﺕ ﺃﻏﺎﻧﻴﻪ ﻳﻄﻠﻌﻮﺍ ﻣﻌﺎﻱ ﺑﺮﻭﺣﻬﻢ .. ﺷﺮﻳﺖ CD ﻓﻴﻪ ﺍﻏﺎﻧﻴﻪ ﺍﻟﻘﺪﻳﻤﻪ ﻟﻘﻴﺖ ﺭﻭﺣﻲ ﺣﺎﻓﻈﻬﻢ ﻛﻠﻬﻢ ..
ﻧﻮﺭﺍﻥ ﺍﺑﺘﺴﻤﺖ : ﺫﻭﻗﻚ ﺭﺍﻗﻲ ﺣﺘﻰ ﻓﻲ ﺍﻟﺤﺎﺟﻪ ﻫﺬﻱ ..
ﻫﻮ ﺗﻠﺨﺒﻂ ﻣﻦ ﻛﻼﻣﻬﺎ ... ﻭﻗﻠﺒﻪ .. ﺩﻕ ﺩﻕ ﺩﻕ ﺩﻗﺪﻕ ﺩﻕ ﺩﻕ ﺩﻗﺪﻕ🤣💓
ﻛﻤﺎﻝ ﺍﺑﺘﺴﻢ ﻭﻭﺟﻬﻪ ﺍﺣﻤﺮ : ﺍﺣﻤﻢ .. ﻉ ﻓﻜﺮﻩ ﺍﻟﻠﻲ ﻗﻮﻟﺘﻴﻪ ﺍﻣﺲ ﻳﻨﻄﺒﻖ ﻋﻠﻴﺎ ... ﻳﻌﻨﻲ ﻛﻼﻡ ﺣﻠﻮ ... ﻣﻦ ﺑﻨﺖ ... ﻟﺸﺎﺏ .. ﻭﺷﺒﺤﻠﻬﺎ ﻭﺣﺮﻙ ﺭﺍﺳﻪ ﺑﻀﺤﻜﻪ " ﻣﺘﺎﻉ ﻣﺎﻳﺠﻴﺶ "
ﻧﻮﺭﺍﻥ : ﻫﻬﻬﻬﻬﻬﻬﻬﻬﻬﻪ ... ﺗﻤﺎﻡ .. ﺗﻮ ﻧﺮﺩ ﺑﺎﻟﻲ ﻣﺮﺓ ﺗﺎﻧﻴﻪ " ﺭﺩﺕ ﺑﻨﻔﺲ ﺭﺩﻩ ﻓﻲ ﺍﻟﻠﻴﻞ "
ﻛﻤﺎﻝ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ... ﺷﺒﺤﻠﻬﺎ .. ﺗﻌﺮﻓﻲ .... ﻭﻻﺍﺍﺍ ﺑﻼﺵ ﺑﻼﺵ .. ﻋﻼ ﺍﻟﺼﻮﺕ .. ﻭﻫﻮ ﻳﺸﺒﺢ ﺍﻟﻘﺪﺍﻡ ﻭﻫﻮ ﻣﺒﺘﺴﻢ .. ﻭﻫﻲ ﺷﺒﺤﺘﻠﻪ ﺷﻮﻳﻪ ﻭﺑﻌﺪﻳﻦ ﺷﺒﺤﺖ ﺍﻟﻘﺪﺍﻡ ﻭﻫﻲ ﻣﺒﺘﺴﻤﻪ ﻭﻗﻠﺒﻬﺎ ....💓
ﻓﻲ ﺍﻟﻔﻴﻼ ..
ﺭﺿﻮﺍﻥ : ﺍﻟﺤﻤﺪ ﻟﻠﻪ .. ﻭﻧﺎﺽ .. ﻭﺭﻳﻬﺎﻡ ﻟﺤﻘﺎﺗﻪ ..
ﻃﻠﻌﻮﺍ ...
ﺭﺿﻮﺍﻥ : ﺍﻛﺮﻡ ﺍﻟﻴﻮﻡ ﻋﺪﻱ ﻣﻊ ﺭﻳﻬﺎﻡ ﻟﻸﺳﺘﺪﻳﻮ ...
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ...
ﺭﺿﻮﺍﻥ ﺭﻛﺐ ﺍﻟﺴﻴﺎﺭﺓ ﻭﻃﻠﻊ ..
ﺗﺴﻜﺮ ﺍﻟﺒﺎﺏ ﻭﺭﺍﻩ ﺭﻳﻬﺎﻡ ﺷﺒﺤﺖ ﻷﻛﺮﻡ ﻗﺮﺑﺘﻠﻪ ..
ﺭﻳﻬﺎﻡ : ﺷﻦ ﻓﻲ ﺑﻴﻨﻚ ﻭﺑﻴﻦ ﺍﻟﺨﺪﺍﻣﻪ ..
ﻓﻲ ﻧﻔﺲ ﺍﻟﻮﻗﺖ ..
ﺳﺎﺭﻩ ﺗﻠﻢ ﻓﻲ ﺍﻟﻄﺎﻭﻟﻪ ﺷﺎﻓﺖ ﺗﻠﻴﻔﻮﻥ ﺭﻳﻬﺎﻡ ... ﻣﺸﺖ ﺑﺘﻌﻄﻴﻬﻮﻟﻬﺎ ..
ﺑﺮﺍ ..
ﺍﻛﺮﻡ ﺳﺎﻛﺖ ..
ﺭﻳﻬﺎﻡ ﻗﺮﺑﺖ ﻟﻮﺫﻧﻪ ﻭﻫﻲ ﻣﺒﺘﺴﻤﻪ ﻭﺗﺘﻜﻠﻢ : ﺍﻧﺖ ﻣﺴﺘﺤﻴﻞ ﺗﻨﺴﺎﻧﻲ .. ﻣﺎﺗﻘﺪﺭﺵ ﺍﺻﻼ ... ﺍﻧﺖ ... ﺗﺤﺒﻨﻲ .. ﺗﻤﻮﺕ ﻋﻠﻴﺎ ... ﻭﺑﺘﻤﻮﺕ ﻣﻦ ﻏﻴﺮﺗﻚ ... ﻭﻣﺎﻟﻘﻴﺘﺶ ﻏﻴﺮ ﻫﺬﻳﻚ ﺍﻟﺨﺪﺍﻣﻪ ﺗﻐﻴﻀﻨﻲ ﺑﻴﻬﺎ ..
ﺍﻛﺮﻡ ﺗﻠﻔﺘﻠﻬﺎ : ﻭﺍﺿﺢ ﻟﻬﺎﻟﺪﺭﺟﻪ؟
ﺭﻳﻬﺎﻡ : ﻭﺍﺍﺍﺍﺟﺪ ... ﺍﺳﺎﺳﺎ ﻻﻣﻘﺎﺭﻧﻪ ﺑﻴﻨﻲ ﻭﺑﻴﻨﻬﺎ ... ﻗﺮﺑﺖ ﺍﻛﺜﺮ ... ﺍﻧﺎ ﺍﺣﻠﻰ ﻣﻨﻬﺎ ﺑﻮﺍﺟﺪ ﻣﻦ ﻛﻞ ﺍﻟﻨﻮﺍﺣﻲ ... ﻣﺎﻓﻴﺶ ﻭﺣﺪﻩ ﺗﻘﺪﺭ ﺗﺎﺧﺪ ﻣﻜﺎﻧﻲ ﻋﻨﺪﻙ ..
ﺍﻛﺮﻡ ﺍﺑﺘﺴﻢ : ﻓﻌﻼ ﻣﺎﻓﻴﺶ ﻭﺣﺪﻩ ﺗﻘﺪﺭ ﺗﺎﺧﺪ ﻣﻜﺎﻧﻚ ...
ﻓﺠﺄﻩ ﺳﻤﻌﻮﺍ ﺻﻮﺕ ﻃﺎﺳﻪ ﺍﻧﺴﻜﺮﺕ ...
ﺍﻟﺘﻔﺘﻮﺍ ﻟﻠﺒﺎﺏ ..
ﺍﻛﺮﻡ ﺍﻧﺼﺪﻡ .. ﻟﻜﻦ ﺭﻳﻬﺎﻡ ﻻﺍﻧﺼﺪﻣﺖ ﻭﻻﺧﺎﻓﺖ ﻓﺮﺣﺖ ..
ﺳﺎﺭﻩ ﻭﻫﻲ ﻣﺨﻨﻮﻗﻪ ﺑﺪﻣﻌﻬﺎ ﻟﻜﻦ ﺗﻜﻠﻤﺖ ﺑﻜﺒﺮﻳﺎﺀ ﻣﺪﺕ ﺍﻟﺘﻠﻴﻔﻮﻥ ﻟﺮﻳﻬﺎﻡ : ﺍﺣﻤﻢ .. ﻓﻮﻧﻚ ..
ﺭﻳﻬﺎﻡ ﺑﺮﻓﻌﻪ ﺣﻮﺍﺟﺐ ﻣﻊ ﺍﺑﺘﺴﺎﻣﻪ ﻣﺎﻛﺮﻩ : ﻣﺸﻜﻮﺭﻩ .. ﻭﺧﺪﺍﺗﻪ ..
ﺳﺎﺭﻩ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﺍﻛﺮﻡ ﻣﺮﻛﺰ ﻋﻠﻴﻬﺎ ﻗﻠﺒﻪ ﺍﻧﻌﺼﺮ ...
ﺑﺪﻭﻥ ﻣﺎﺗﺸﺒﺤﻠﻪ ﻟﻔﺖ ﻭﻣﺸﺖ ﻭﻫﻲ ﺗﺮﻋﺶ .. ﺑﺘﺒﻜﻲ ﻟﻜﻦ ﺷﺎﺩﻩ ﺭﻭﺣﻬﺎ ﻓﻲ ﻧﻈﺮﻫﺎ ﻣﺎﻳﺴﺘﺎﻫﻠﺶ ﺗﻨﺰﻝ ﻣﻨﻬﺎ ﺩﻣﻌﻪ ﻉ ﺧﺎﻃﺮﻩ ..
ﺑﺮﺍ ...
ﺍﻛﺮﻡ ﺭﻗﺘﻠﻪ ﻟﺸﻴﻄﺎﻥ ﺍﻟﺮﺟﻴﻢ ﺷﺪ ﺭﻳﻬﺎﻡ ﻣﻦ ﺫﺭﺍﻋﻬﺎ : ﺍﻧﺘﻲ ﻣﺎﻟﻴﻜﺶ ﻋﻨﺪﻱ ﺷﻲ ﺧﻼﺹ .. ﻭﺍﻟﺨﺪﺍﻣﻪ ﺍﻟﻠﻲ ﺣﻜﻴﺘﻲ ﻋﻠﻴﻬﺎ ﻫﺬﻱ ﻣﺶ ﺑﺲ ﺧﺪﺕ ﻣﻜﺎﻧﻚ ﻫﻲ ﺧﺪﺗﻨﻲ ﻛﻠﻲ ﻉ ﺑﻌﻀﻲ .. ﻭﻣﺎﻓﺶ ﻭﺣﺪﻩ ﻭﺻﻠﻠﺘﻠﻬﺎ ﻭﻻﻃﻮﻝ ﺗﻮﺻﻞ ﻟﻘﻴﻤﺘﻬﺎ ﻋﻨﺪﻱ ... ﻭﻫﻲ ﺣﺎﺿﺮ ﻭﻣﺴﺘﻘﺒﻞ ﺃﻛﺮﻡ ... ﺍﻓﻬﻤﻲ ﻫﺎﻟﻜﻼﻡ ﻛﻮﻳﺲ .. ﻭﺷﺪ ﺧﺮﺻﺘﻬﺎ ﻭﻗﺎﻝ ... ﺣﻄﻴﻪ ﻛﻴﻒ ﺍﻟﺪﻧﺎﺩﻳﻦ ﻫﺬﻳﻨﺎ ﻓﻲ ﻭﺫﻧﻚ ... ﻃﻠﻘﻬﺎ .. ﻫﻴﺎ ..
ﺭﻳﻬﺎﻡ ﻛﺎﻧﺖ ﺗﺮﺟﻒ ﻣﻦ ﺍﻟﻠﻲ ﺳﻤﻌﺎﺗﻪ ﻣﻨﻪ ﺑﺘﻤﻮﺕ ... ﺑﺲ ﺗﻤﺎﺳﻜﺖ ﻟﺒﺴﺖ ﻧﻈﺎﺭﺍﺗﻬﺎ ﻃﺎﺣﺖ ﻣﻦ ﻋﻴﻨﻬﺎ ﺩﻣﻌﻪ .. ﻭﻧﺰﻟﺖ ﻟﻠﺴﻴﺎﺭﻩ ﻭﺭﻛﺒﺖ ﻣﻦ ﺍﻟﺨﻠﻒ ..
ﻭﻫﻮ ﺭﻛﺐ ﻣﻦ ﺍﻟﻘﺪﺍﻡ ﻭﺷﻐﻞ ﺍﻟﺴﻴﺎﺭﻩ ﻭﻃﻠﻊ ﺑﻴﻬﺎ ..
****
ﺭﺿﻮﺍﻥ ﻭﻫﺎﻣﺎﻥ ﻓﻲ ﺍﻟﺴﻴﺎﺭﻩ ﺑﻄﺮﻳﻘﻬﻢ ﻟﻤﺪﻳﻨﻪ ﺗﺎﻧﻴﻪ ..
ﻫﺎﻣﺎﻥ : ﺍﻟﻴﻮﻣﻴﻦ ﺍﻟﺠﺎﻳﺎﺕ ﻋﺪﻱ ﺷﻮﻑ ﺍﻟﻮﺿﻊ ﺑﻨﻔﺴﻚ ..
ﺭﺿﻮﺍﻥ : ﻣﺶ ﻓﺎﺿﻲ ﺍﻷﻳﺎﻡ ﺍﻟﺠﺎﻳﻪ ..
ﻫﺎﻣﺎﻥ : ﻟﻴﺶ ..
ﺭﺿﻮﺍﻥ : ﺧﻼﺹ ... ﺷﻬﺎﺏ ﺣﻴﻄﻠﻊ ﺍﻟﻔﺮﺡ ﻣﻊ ﺑﻨﺖ ﻋﻤﻪ ..
ﻫﺎﻣﺎﻥ : ﻗﻨﻌﺘﻬﻢ ؟
ﺭﺿﻮﺍﻥ ﺑﺤﺪﻩ : ﺍﻗﺘﻨﻌﻮﺍ ﻭﻻ ﺇﻥ ﺷﺎﺀ ﺍﻟﻠﻪ ﻋﻤﺮﻫﻢ ﻣﺎﺍﻗﺘﻨﻌﻮﺍ .. ﻏﺼﺐ ﻋﻨﻬﻢ ...
ﻫﺎﻣﺎﻥ ﺣﺴﻪ ﻣﺶ ﻉ ﺑﻌﻀﻪ ﻭﻣﺰﺍﺟﻪ ﻣﺶ ﻛﻮﻳﺲ ... ﻫﺰ ﺭﺍﺳﻪ ﺑﺈﻳﺠﺎﺏ ﻭﺳﻜﺖ ..
***
ﻓﻲ ﻃﺮﺍﺑﻠﺲ ..
ﻣﻜﺎﻟﻤﻪ ﻫﺎﺗﻔﻴﻪ ..
ﻣﻨﻴﺮ ﻳﺘﻜﻠﻢ ﺑﺎﻹﻧﺠﻠﻴﺰﻱ : ﻧﻌﻢ ... ﻗﻠﻴﻠﺔ ﺧﺒﺮﺓ ... ﻻ ﺃﻇﻦ ﺑﺄﻧﻬﺎ ﺗﻔﻴﺪﻛﻢ ..
ﻧﻌﻢ ﺳﻴﺪﻱ ... ﺑﺼﺮﺍﺣﻪ ﺍﻛﺒﺮ ﻫﻲ ﺗﻌﺎﻧﻲ ﻣﻦ ﻣﺸﺎﻛﻞ ﻧﻔﺴﻴﻪ ﻭﺭﺑﻤﺎ ﺗﺤﺪﺙ ﻟﻜﻢ ﺑﻌﺾ ﺍﻟﻤﺸﻜﻼﺕ .. ﻭﺍﻧﺘﻢ ﻣﺮﻛﺰ ﺗﺠﻤﻴﻞ ﺷﻬﻴﺮ ﻟﻜﻢ ﺳﻤﻌﺘﻜﻢ ... ﻓﻬﻤﺖ ﻗﺼﺪﻱ ............ ﻻﺷﻜﺮ ﻉ ﻭﺍﺟﺐ ... ﺇﻟﻰ ﺍﻟﻠﻘﺎﺀ .. ﺻﻜﺮ ..
" ﻃﺮﻗﻚ ﺩﻳﻤﺎ ﺧﺴﻴﺴﻪ .."
ﺍﻟﺘﻔﺖ ﺑﺮﻓﻌﺔ ﺣﻮﺍﺟﺐ ﻗﺎﻝ : ﺣﻖ ؟ !!
ﻓﺮﻳﺎﻝ : ﻣﺶ ﻋﺎﺭﻓﻪ ﻛﻴﻒ ﺭﺍﺿﻴﻬﺎ ﻉ ﺭﻭﺣﻚ ﺗﺎﺧﺪ ﻭﺣﺪﻩ ﻻﺗﺒﻴﻚ ﻭﻻﺗﺤﺒﻠﻚ ﺷﺒﺢ ﻭﺟﻪ ﻭﻓﻮﻗﻬﺎ ﺗﺤﺐ ﻏﻴﺮﻙ !!.
ﺷﺪﻫﺎ ﻣﻦ ﺷﻌﺮﻫﺎ ﻫﻲ ﺍﺑﺘﺴﻤﺖ ﺑﺈﺳﺘﻔﺰﺍﺯ ﺭﻏﻢ ﺃﻟﻤﻬﺎ ..
ﻣﻨﻴﺮ : ﺍﻟﻬﻲ ﺑﺮﻭﺣﻚ ... ﻭﻟﻤﻲ ﺷﻼﺗﻴﺘﻚ ﻭﺭﻭﺣﻲ ﻟﺤﻮﺵ ...
ﻓﺮﻳﺎﻝ : ﻫﻬﻬﻪ ... ﺍﻣﺎ ﺣﻮﺵ .. ﺑﺢ ﺍﻟﺤﻮﺵ ... ﺍﻃﻠﻘﺖ ..
ﻣﻨﻴﺮ ﻧﻔﻀﻬﺎ : ﺗﻌﺮﻓﻲ ... ﺣﻨﺪﻣﻚ ﺍﺷﺪ ﺍﻟﻨﺪﻡ ﻉ ﺍﻟﻠﻲ ﺩﺭﺗﻴﻪ ..
ﻓﺮﻳﺎﻝ : ﻋﺎﺭﻓﺎﺗﻚ .. ﻭﻣﺎﻧﺘﻮﻗﻌﺶ ﻣﻨﻚ ﻏﻴﺮ ﻫﻜﻲ .. ﺿﺤﻜﺖ ﺑﺘﻬﻜﻢ .. ﻭﻟﻬﺎﻟﺴﺒﺐ ﻭﺣﺪﻩ ﺯﻱ ﻛﻨﺎﻧﻪ ﻋﻤﺮﻙ ﻣﺎﺣﺘﻨﻮﻝ ﻇﻔﺮﻫﺎ ..
ﻣﻨﻴﺮ ﻗﺮﺏ ﻭﺷﺪﻫﺎ ﻣﻦ ﺫﺭﺍﻋﻬﺎ ﺑﻘﻮﺓ ﻭﺟﻌﺘﻬﺎ : ﺗﻮ ﺗﺸﻮﻓﻲ ﻳﺎﻛﻠﺒﻪ ﻛﻴﻒ ﻏﺪﻭﺓ ﻛﻨﺎﻧﻪ ﺣﺘﻮﻟﻲ ﻣﺮﺗﻲ ... ﺍﻧﻲ ﺩﺭﺕ ﺍﻟﻤﺴﺘﺤﻴﻞ ﻭﻳﺎﻣﺎ ﻧﺪﻳﺮ ﺑﺶ ﻧﺎﺧﺪﻫﺎ ﻭﻣﺴﺘﻌﺪ ﻧﺪﻳﺮ ﺍﻛﺜﺮ .. ﻭﺣﻨﺠﻴﺒﻬﺎ ﻫﻨﻲ .. ﻭﻧﺪﻳﺮﻙ ﺧﺪﺍﻣﻪ ﺗﺤﺖ ﺭﺟﻠﻴﻬﺎ ﻳﺎﺧﺎﻣﺮﻩ .. ﺩﻓﻬﺎ ﺑﻘﻮﺓ ﻭﻃﻠﻊ ...
ﻭﻫﻲ ﻭﻗﻔﺖ ﻉ ﺣﻴﻠﻬﺎ ﻭﻫﻲ ﺗﻔﻜﺮ ﻓﻜﻼﻣﻪ ﺍﻟﻠﻲ ﻣﺎﻣﺮﺵ ﻋﻠﻴﻬﺎ ﻣﺮﻭﺭ ﺍﻟﻜﺮﺍﻡ ...
ﻳﺘﺒﻊ