#مشاعر
ﺍﻟﺠﺰﺀ ﺍﻟﺴﺎﺩﺱ ﻭﺍﻟﻌﺸﺮﻳﻦ 💓🖤💖
للكاتبة GomanFared
ﺭﺿﻮﺍﻥ : ﻣﻤﺘﺎﺯ ... ﻣﻤﺘﺎﺯ ... ﺃﻛﺮﻡ ﻗﺎﻋﺪ ﻳﺨﺪﻡ ﺻﺢ ..
ﻫﺎﻣﺎﻥ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ...
ﻓﺠﺄﺓ ..
ﺳﻤﻌﻮﺍ ﺻﻮﺕ ...
ﺍﻟﺘﻔﺘﻮﺍ ....
ﺭﺿﻮﺍﻥ ﺿﻴﻖ ﻋﻴﻮﻧﻪ ﺑﺨﻮﻑ : ﻫﻀﺎ ﺷﻦ؟؟
ﻫﺎﻣﺎﻥ ﻣﺸﻲ ﻃﻮﻝ ﺟﻬﺔ ﺍﻟﺒﺎﺏ ﺍﻟﻠﻲ ﻛﺎﻥ ﺻﺎﺩﺭ ﻣﻨﻬﺎ ﺍﻟﺼﻮﺕ ...
ﻛﺎﻥ ﻳﻤﺸﻲ ﺑﺎﻟﺸﻮﻳﻪ ﺑﺪﻭﻥ ﺍﺩﻧﻰ ﺻﻮﺕ .. ﻭﻟﻤﺎ ﻭﺻﻞ ...
ﻣﺎﻟﻘﻲ ﺣﺪ ..
ﺯﺍﺩ ﻛﻤﻞ ﺍﻟﻘﺪﺍﻡ .. ﻭﻃﻠﻊ ﺑﺮﺍ ﻭﺟﻲ ﺟﻬﺔ ﺍﻟﺪﺭﻭﺝ ﻗﻌﺪ ﻳﺪﻭﺭ .. ﻭﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﻣﺎﻟﻘﻲ ﺣﺪ ..
ﺍﺳﺘﻐﺮﺏ ﻫﻠﺒﻪ ... ﺟﺎﻱ ﺑﻴﻮﻟﻲ ...
ﺳﻤﻊ ﺍﻟﺼﻮﺕ ﻣﻦ ﺟﺪﻳﺪ ﺗﻠﻔﺖ ﻭﺭﻛﺐ ﺍﻟﺪﺭﺟﺎﺕ ... ﻃﻠﻊ ﻓﻲ ﻭﺟﻬﻪ ﺣﺎﺟﻪ ﺧﻠﻌﺎﺗﻪ .. ﺑﻌﺪﻳﻦ ﺍﻧﺘﺒﻬﻠﻬﺎ ..
ﻫﺎﻣﺎﻥ : ﻫﻬﻬﻬﺎ ... ﺍﻧﺘﻲ ﻳﺎﺷﻄﺎﻧﻪ ﻣﺪﺍﻳﺮﺓ ﻫﻀﺎ ﻛﻠﻪ .. ﺷﺪﻫﺎ .. ﻭﻗﺎﻣﻬﺎ ...
ﻭﻧﺰﻝ ﻭﺧﺶ ﺩﺍﺧﻞ ﻭﺳﻜﺮ ﺍﻟﺒﺎﺏ ...
ﺭﺿﻮﺍﻥ ﻛﺎﻥ ﻳﺮﺍﺟﻲ ﻓﻴﻪ ﻭﻫﻮ ﻓﻲ ﻗﻤﺔ ﺍﻟﺨﻮﻑ ﻭﺍﻟﺘﻮﺗﺮ .. ﺷﺎﻑ ﻫﺎﻣﺎﻥ ﺟﺎﻱ ﻭﻓﻴﺪﻩ ﻗﻄﻮﺳﻪ ...
ﺍﺑﺘﺴﻢ ﺗﻬﻜﻤﺎ ﻭﺑﺮﺍﺣﻪ ﻓﻲ ﻧﻔﺲ ﺍﻟﻮﻗﺖ ..
ﻫﺎﻣﺎﻥ : ﺑﺎﻳﻨﻬﺎ ﺧﺸﺖ ﻣﻦ ﺍﻟﻠﻲ ﻏﺎﺩﻱ ..
ﺭﺿﻮﺍﻥ ﻟﻒ ﺟﻬﺔ ﺍﻟﺒﺎﺏ ﻣﺘﺎﻉ ﺍﻟﺮﻳﻔﻮﺩﺟﻲ ﺍﻟﻠﻲ ﻳﻄﻠﻊ ﻉ ﺑﺮﺍ .. ﻭﻛﺎﻥ ﻣﺪﺭﻕ ﺑﺸﺠﺮﺓ ﺳﺮﻭﻝ ﻛﺒﻴﺮﺓ ...
ﺭﺿﻮﺍﻥ ﺷﺒﺢ ﻟﻬﺎﻣﺎﻥ : ﻉ ﻫﺎﻟﺮﺑﻜﻪ ﺍﻟﻠﻲ ﺩﺍﺭﺗﻬﺎ ﺗﺴﺘﺎﻫﻞ ﻛﺴﺮ ﺭﻗﺒﺘﻬﺎ ..
ﻫﺎﻣﺎﻥ ﺧﺪﺍﻫﺎ ﻭﻫﻮ ﻳﻤﺴﺢ ﻋﻠﻴﻬﺎ ﻭﻣﺘﻮﺟﻪ ﺑﻬﺎ ﺟﻬﺔ ﺍﻟﺒﺎﺏ : ﻣﺎﻓﺶ ﺩﺍﻋﻲ .. ﻃﻠﻌﻬﺎ ﻭﺳﻜﺮ ﺍﻟﺒﺎﺏ ..
ﻭﺭﺟﻊ ﺭﺿﻮﺍﻥ ﻳﺸﻮﻑ ﻟﻼﺏ ﻣﻦ ﺟﺪﻳﺪ ﻭﻫﺎﻣﺎﻥ ﻭﻻﻟﻪ ﻳﺸﻮﻑ ﻣﻌﺎﻩ ...
ﺑﺮﺍ ...
ﺳﺎﺭﺓ ﻛﺎﻧﺖ ﻣﺪﺭﻗﻪ ﻭﺭﺍ ﺍﻟﺤﻴﻂ ﺍﻟﻠﻲ ﻳﻮﺻﻞ ﻟﻠﺼﺎﻟﻪ .. ﺗﻨﻔﺴﺖ ﺍﻟﺼﻌﺪﺍﺀ ﻟﻤﺎ ﺳﻤﻌﺖ ﺍﻟﺒﺎﺏ ﺗﺴﻜﺮ ... ﺑﻴﻨﺖ ﺭﺍﺳﻬﺎ .. ﺷﺎﻓﺖ ﺍﻟﺸﺨﺺ ﺍﻟﻠﻲ ﻛﺎﻥ ﻳﺼﻮﺭ ﺩﺍﺧﻞ ﺑﺎﻟﻔﻴﺪﻳﻮ .. ﻭﺍﻟﻠﻲ ﻛﺎﻥ ﻣﺪﺭﻕ ﺟﻬﺔ ﺍﻟﺤﻤﺎﻡ ... ﻳﺸﺒﺢ ﻟﻠﻘﻄﺎﺕ ﺍﻟﻠﻲ ﺧﺪﺍﻫﺎ ﺑﺎﻟﻔﻴﺪﻳﻮ ...
" ﺍﻓﻔﻔﻒ ... ﻣﺎﺗﺼﻮﺭ ﺷﻲ .."
ﻫﺮﺑﺖ ﺳﺎﺭﻩ ﻟﻤﺎ ﺷﺎﻓﺖ ﻫﺎﻟﺸﺨﺺ ﺟﺎﻱ ... ﻭﻣﺸﺖ ﻃﻮﻝ ﺟﻬﺔ ﻏﺮﻓﺔ ﻧﺒﻮﻳﻪ ﺧﺸﺖ ﻭﻫﻲ ﻣﺼﺪﻭﻣﻪ ﻓﻲ ﺍﻛﺜﺮ ﻣﻦ ﺣﺎﺟﻪ ..
ﻓﻲ ﺍﻟﻠﻲ ﺳﻤﻌﺎﺗﻪ ﻣﻦ ﺭﺿﻮﺍﻥ ..
ﺍﻧﻪ ﻫﻮ ﺍﻟﻠﻲ ﻗﺘﻞ ﺑﻮﻧﻮﺭﺍﻥ .. ﻭﺃﻥ ﻧﻮﺭﺍﻥ ﻛﺎﻥ ﻋﻨﺪﻫﺎ ﺍﺥ ﻭﻗﺘﻠﻪ ﺣﺘﻰ ﻫﻮ ... ﻭﺍﻧﻪ ﻗﺘﻞ ﺣﺘﻰ ﺑﻮﻩ .. ﻭﺍﺳﺘﺨﺪﻡ ﻫﺎﻣﺎﻥ ﻓﻲ ﺗﻨﻔﻴﺪ ﺍﻟﺠﺮﺍﺋﻢ ﻫﺎﺩﻱ ..
ﺑﺲ ﺍﻟﺼﺪﻣﻪ ﺍﻷﺷﺪ ﻛﺎﻧﺖ ﻓﻲ ﺍﻟﺸﺨﺺ ﺍﻟﻠﻲ ﻛﺎﻥ ﻳﺴﺠﻞ ﻓﻲ ﻛﻼﻣﻬﻢ ﺻﻮﺕ ﻭﺻﻮﺭﻩ ... ﺗﻤﺪﺩﺕ ﻉ ﺍﻟﻔﺮﺍﺵ ﻭﻫﻲ ﺗﺸﺒﺢ ﻟﻠﺴﻘﻒ ﻭﻣﺎﺑﻄﻠﺘﺶ ﺗﻔﻜﻴﺮ ...
ﻣﺶ ﻫﻲ ﺑﺲ ﺣﺘﻰ ﻛﻤﺎﻝ ﺍﻟﻠﻲ ﻛﺎﻥ ﻣﺘﺮﺩﺩ ﻳﺮﺟﻊ ﻳﻘﺮﺍ ﺍﻟﻤﺬﻛﺮﺓ ﻭﻻﻻ ... ﻣﻘﻌﻤﺰ ﻉ ﺍﻟﺴﺮﻳﺮ ... ﻳﻔﻜﺮ ﺑﺨﻮﻑ ﺷﺪﻳﺪ .. ﻋﻠﻴﻬﺎ ﺑﺲ ﻣﺎﺷﻐﻞ ﺑﺎﻟﻪ ﺣﺪ ﻏﻴﺮﻫﺎ .. ﻳﻌﻨﻲ ﻋﻤﻬﺎ ﻉ ﻣﺘﺎﻉ ﺍﻟﺪﻧﻴﺎ ﺍﻟﻔﺎﻧﻲ ﻗﺘﻞ ﺑﻮﻩ .. ﻭﺯﺍﺩ ﺷﻜﻪ ﺍﻥ ﻭﺭﺍ ﻣﻮﺕ ﺑﻮﻫﺎ ﻭﺃﻣﻬﺎ ﻫﻮ ﻧﻔﺴﻪ ﻭﺍﻛﻴﺪ ﻉ ﺧﺎﻃﺮ ﺍﻟﻔﻠﻮﺱ ... ﻓﺸﻦ ﻣﻤﻜﻦ ﻳﻜﻮﻥ ﻣﺪﺑﺮ ﻟﻨﻮﺭﺍﻥ ...
ﻓﻜﺮ ﺍﻛﺜﺮ ﻭﻭﺻﻞ ﻟﺤﻜﺎﻳﺔ ﺍﻟﺤﺠﺮ ..
ﻛﻤﺎﻝ : ﻳﻌﻨﻲ ﻫﻮ ﻳﺒﻴﻬﺎ ﺗﺘﺰﻭﺝ ﻭﻟﺪﻩ ﺑﺶ ﻛﻞ ﺷﻲ ﻳﺮﺟﻌﻠﻪ ﻓﻲ ﺍﻟﻨﻬﺎﻳﻪ .. ﻣﺎﻗﺘﻠﻬﺎﺵ ﻟﻜﻦ ﻳﺒﻲ ﻳﻤﻠﻜﻬﺎ ... ﺑﺲ ﻧﻮﺭﺍﻥ ﻭﺷﻬﺎﺏ ﻣﺎﻳﺒﻮﺵ ﺑﻌﺾ ﻭﻧﺎﻭﻳﻴﻦ ﻳﻘﻮﻟﻮﻟﻪ ...
ﻛﻤﺎﻝ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ : ﻟﻮ ﺗﻤﺴﻜﺖ ﻧﻮﺭﺍﻥ ﺑﺮﻓﻀﻬﺎ ...!!
ﺑﺪﺕ ﻗﻮﺓ ﻧﻔﺴﻪ ﺗﺨﻠﻲ ﻓﺼﺪﺭﻩ ﻳﻌﻠﻰ ﻭﻳﻬﺒﻂ .. ﻧﺎﺽ ﻭﻗﻒ ﻭﻣﺸﻲ ﺟﻬﺔ ﺍﻟﺮﻭﺷﻦ ﻓﺘﺤﻪ ﻭﻗﻌﺪ ﻳﺸﻮﻑ ﻟﺮﻭﺷﻨﻬﺎ ﻭﻫﻮ ﻣﻴﺖ ﻣﻦ ﺧﻮﻓﻪ ﻋﻠﻴﻬﺎ .. ﻓﻲ ﻫﺪﻳﻜﺎ ﺍﻟﻠﺤﻈﻪ ﺗﺤﺪﻳﺪﺍ ..
ﺗﻤﻨﻰ ﻟﻮ ﻳﻘﺪﺭ ﻳﺎﺧﺪﻫﺎ ﻭﻳﻬﺮﺏ ﺑﻴﻬﺎ ﻟﻤﻜﺎﻥ ﻋﻤﻬﺎ ﻣﺴﺘﺤﻴﻞ ﻳﻮﺻﻠﻪ ... ﻭﻻﻳﺨﻠﻴﻪ ﻳﻀﺮ ﺷﻌﺮﻩ ﻣﻦ ﺭﺍﺳﻬﺎ ..
ﻗﻌﺪ ﻟﻠﺤﻈﺎﺕ ﻭﺍﻗﻒ ﺧﻼ ﺍﻟﺮﻭﺷﻦ ﻣﻔﺘﻮﺡ ﺑﺮﻏﻢ ﺑﺮﻭﺩﺓ ﺍﻟﺠﻮ .. ﺧﺪﻱ ﺍﻟﻤﺬﻛﺮﺓ ﻭﻛﺮﺳﻴﻪ ﻭﻗﻌﻤﺰ ﺣﺪﺍ ﺍﻟﺮﻭﺷﻦ ﻗﻌﺪ ﻳﺸﺒﺢ ﻟﺮﻭﺷﻨﻬﺎ ﺷﻮﻳﻪ .. ﺗﻨﻬﺪ ﺗﻨﻬﻴﺪﻩ ﻣﻦ ﻭﺳﻂ ﻗﻠﺒﻪ ... ﺷﺒﺢ ﻟﻠﻤﺬﻛﺮﻩ ﻓﺘﺤﻬﺎ ﻭﻳﻦ ﻣﺎﻭﻗﻒ ﻗﻠﺐ ﺍﻟﺼﻔﺤﻪ ... ﻟﻘﻲ ﺍﻟﺘﺎﺭﻳﺦ ﺑﻌﻴﺪ ﻋﻦ ﺗﺎﺭﻳﺦ ﺍﺧﺮ ﻣﺮﺓ ﻛﺘﺒﺖ ﻓﻴﻬﺎ ..
( ﺍﻟﻴﻮﻡ ﺍﺭﺑﻌﻴﻦ ﻋﻤﻲ ﻟﻌﻨﺪ ﻫﺎﻟﻠﺤﻈﻪ ﻣﺶ ﻣﺴﺘﻮﻋﺒﻪ ﻣﻮﺗﻪ .. ﺳﻔﻴﺎﻥ ﺣﺒﻴﺒﻲ ﻛﺎﻥ ﻳﻈﺎﻫﺮ ﺑﺎﻟﻘﻮﺓ ﻗﺪﺍﻡ ﺍﻟﻜﻞ ﺑﺶ ﻳﻘﻮﻳﻨﺎ .. ﺍﻧﺎ ﺍﻛﺜﺮ ﻣﻦ ﻳﻌﺮﻓﻪ ... ﻫﻮ ﺍﻛﺜﺮ ﻣﻦ ﻛﺴﺮﺍﺗﻪ ﻣﻮﺗﺔ ﻋﻤﻲ ﺍﻟﻠﻪ ﻳﺮﺣﻤﻪ ..
ﺑﺲ ﺍﻟﻴﻮﻡ ﻫﻀﺎ ﺻﺎﺭﻥ ﻓﻴﻪ ﺣﺎﺟﺎﺕ ﻏﺮﻳﺒﻪ .. ﺍﻭﻟﻬﻦ ﺭﺿﻮﺍﻥ .. ﺑﻜﺎ ﻭﺍﺟﺪ ... ﻣﺎﺑﻜﺎﺵ ﻫﻚ ﻓﻲ ﺍﻷﻳﺎﻡ ﺍﻷﻭﻟﻰ .. ﻓﻲ ﺍﻷﻳﺎﻡ ﺍﻷﻭﻟﻰ ﻣﺎﺑﻜﺎﺵ ﺃﺳﺎﺳﺎ ﺑﺲ ﺍﻟﻴﻮﻡ ﺑﻜﺎﻩ ﺑﻜﺎ ﺻﺒﺎﻳﺎ .. ﻫﺪﺍﻩ ﺧﻮﻩ ﻭﻃﻠﻌﻪ ﻣﻦ ﺍﻟﻤﻜﺎﻥ ﻛﻠﻪ .. ﻭﺍﻧﺎ ﻣﺴﺘﻐﺮﺑﻪ ﻭﺍﺟﺪ ﻓﻲ ﺍﻟﺤﺎﻟﻪ ﻫﺬﻱ ..
ﺗﺎﻧﻲ ﺷﻲ .. ﻓﻲ ﻭﺣﺪﻩ ﻋﺰﻭﺯ ﻛﺒﻴﺮﺓ ﻓﻲ ﺍﺧﺮ ﺍﻟﺴﺘﻴﻦ ﺳﻤﺎﻫﺎ ﺭﺟﻌﻪ ﻧﻌﺮﻓﻮﻫﺎ ﻣﻦ ﺯﻣﺎﻥ ﻫﻴﺎ ﺳﻮﺍﻳﻪ ﻓﻲ ﺍﻟﻤﻨﺎﺳﺒﺎﺕ .. ﻭﻣﻨﺎﺳﺒﺎﺕ ﺍﻟﻌﻴﻠﻪ ﻛﻠﻬﻦ ﻛﺎﻧﺖ ﻣﻮﺟﻮﺩﻩ ﻓﻴﻬﻦ ...
ﺍﻟﻤﻬﻢ ﺍﻧﺎ ﻛﻨﺖ ﻓﻲ ﻛﻞ ﻣﺮﻩ ﺗﺠﻲ ﻋﻴﻨﻲ ﻋﻠﻴﻬﺎ ﺑﻨﻈﺮﺓ ﻋﺎﺑﺮﻩ ﻧﻠﻘﺎﻫﺎ ﺗﺒﺤﺖ ﻓﻴﺎ ﺑﻨﻈﺮﻩ ﻏﺮﻳﺒﻪ .. ﻧﻈﺮﻩ ﻣﺶ ﻗﺎﺩﺭﻩ ﻧﻮﺻﻔﻬﺎ ﺷﻦ ﻫﻲ ﺑﺎﻟﻀﺒﻂ .. ﺣﺰﻥ .. ﺷﻔﻘﻪ .. ﻣﺎﻓﻬﻤﺘﺶ ﻭﻟﻴﺶ ﺍﻧﺎ ﺑﺲ ﺍﻟﻠﻲ ﺗﺒﺤﺖ ﻓﻴﺎ ﻫﻚ ...
ﺑﻌﺪ ﺷﻮﻳﻪ ﻟﻘﻴﺘﻬﺎ ﻣﺼﺒﻴﻪ ﻣﻊ ﺑﻨﺘﻲ ﻭﺷﺎﻳﻠﺘﻬﺎ ﻭﻗﻌﺪﺕ ﺗﻤﺴﺢ ﻉ ﺷﻌﺮﻫﺎ ﻭﻋﻴﻮﻧﻬﺎ ﻣﻠﻴﺎﻧﺎﺕ ﺩﻣﻮﻉ .. ﻟﻤﺎ ﺟﻴﺖ ﻳﺎﻻﻫﻢ ...
ﻓﻼﺵ ﺑﺎﻙ ..
ﺭﺟﻌﻪ : ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺭﺑﻲ ﻳﺨﻠﻴﻬﺎﻟﻜﻲ .. ﻭﺗﺤﻘﻴﻬﺎ ﺍﺣﻠﻰ ﻋﺮﻭﺱ ..
ﺍﻟﺸﻴﻤﺎﺀ ﺍﺑﺘﺴﻤﺖ : ﺗﺴﻠﻤﻲ ...
ﻣﺪﺗﻬﺎﻟﻬﺎ ﻭﻗﻌﺪﺕ ﺗﻤﺴﺢ ﻓﻲ ﺩﻣﻮﻋﻬﺎ ﺑﺮﺩﺍﻫﺎ ﻭﻗﺎﻟﺖ : ﻣﺎﻳﺬﻭﻗﻮﻙ ﺣﺰﻧﻬﺎ ﻳﺎﻣﻴﻨﻪ ... ﻣﺎﻳﺬﻭﻗﻮﻙ ﺣﺰﻧﻬﺎ ... ﻭﻣﺸﺖ ﻭﺧﻠﺘﻬﻢ ..
( ﻛﻠﻤﺘﻬﺎ ... ﺩﻣﻮﻋﻬﺎ ... ﺧﻮﻓﻨﻲ ﻭﺍﺟﺪ ﻉ ﺻﺒﻴﺤﻪ .. ﺑﺲ ﺍﻟﻠﻲ ﻗﺎﻋﺪﻩ ﻧﻔﻜﺮ ﻓﻴﻪ .. ﻟﻴﺶ ﻫﻲ ﺩﺍﺭﺕ ﻫﻚ .. ﻭﺷﻦ ﺍﻟﻠﻲ ﺧﻼ ﺩﻣﻮﻋﻬﺎ ﻳﻨﺰﻟﻦ .. ﻋﺸﺎﻧﻬﺎ ﺍﺫﻛﺮﺕ ﻣﻮﺗﺔ ﻭﻟﺪﻱ ﻭﻭﺟﻌﺘﻬﺎ ﻟﻬﺎﻟﺴﺒﺐ ﺑﻜﺖ ... ﺑﺲ ﻫﺬﻱ ﻣﺶ ﺍﻭﻝ ﻣﺮﺓ ﻧﺘﻼﻗﻰ ﻓﻴﻬﺎ ﻣﻌﺎﻫﺎ ﺑﻌﺪ ﺭﺩﻳﺖ ﻣﻦ ﺍﻟﺴﻔﺮ؟
ﺑﺲ ﺻﺢ ﻫﺬﻱ ﺍﻭﻝ ﻣﺮﺓ ﺗﺸﻮﻑ ﻓﻴﻬﺎ ﺍﻟﺼﺒﺢ ... ﻣﻤﻜﻦ ﻛﻴﻒ ﻣﺎﻗﺖ ﺍﺫﻛﺮﺕ ﻣﻮﺗﺔ ﺧﻮﻫﺎ .. ﻭﺷﻦ ﺻﺎﺭ ﻓﻴﺎ ﺳﺎﻋﺘﻬﺎ ...
ﺍﻟﻠﻪ ﻳﺮﺣﻤﻚ ﻳﺎﻋﻤﻲ ﻭﺧﻼﺹ ) ﻭﻗﻔﺖ ﻟﻌﻨﺪ ﻫﻨﻲ ..
ﻛﻤﺎﻝ ﺯﺍﺩ ﺩﻣﺎﻏﻪ ﺗﻠﺨﺒﻂ ... ﺳﻜﺮ ﺍﻟﻤﺬﻛﺮﺓ ﻭﻣﺸﻲ ﺑﻴﻬﺎ ﻟﻤﻜﺎﻧﻬﺎ ﻭﺭﺩﻫﺎ ﻭﻭﻻ ﻟﻜﺮﺳﻴﻪ ﻗﻌﻤﺰ ﻭﻫﻮ ﻣﺮﺑﻊ ﺍﻳﺪﻳﻪ ﻣﻦ ﺍﻟﺼﻘﻊ ﻭﻳﺸﻮﻑ ﺟﻬﺔ ﺭﻭﺷﻨﻬﺎ ﻭﻓﻜﺮﻩ ﺗﺎﺧﺪﻩ ﻭﻓﻜﺮﻩ ﺗﺠﻴﺒﻪ ..
****
ﺗﺎﻧﻲ ﻳﻮﻡ ..
ﻓﻲ ﺃﺣﺪ ﺍﻟﺪﻭﻝ ﺍﻷﻭﺭﻭﺑﻴﻪ
ﺍﻟﺴﺎﻋﻪ ﺍﻟﻮﺍﺣﺪﻩ ﻇﻬﺮﺍ ..
ﻣﻨﻴﺮ : ﻛﻴﻒ؟ !!
ﻓﺮﻳﺤﻪ : ﻭﺍﻟﻠﻪ ﻫﺬﺍ ﺍﻟﻠﻲ ﻗﺎﻻﺗﻪ ﻳﺎﻭﻟﺪﻱ ... ﻭﺑﻴﻨﻲ ﻭﺑﻴﻨﻚ ﺍﻟﺒﻨﺖ ﻣﺶ ﻗﺎﺩﺭﻩ ﺗﻨﺴﻰ ﺧﻄﻴﺒﻬﺎ ..
ﻣﻨﻴﺮ ﺳﻜﺖ ﻭﻉ ﻭﺟﻬﻪ ﻋﻼﻣﺎﺕ ﺍﻹﺳﺘﻴﺎﺀ ...
ﻓﺮﻳﺤﻪ : ﻟﻮ ﺗﺒﻴﻬﺎ ﺣﻖ ﻻﺯﻡ ﺗﺼﺒﺮ ﻋﻠﻴﻬﺎ ..
ﻣﻨﻴﺮ ﺷﺒﺢ ﻟﻤﺮﺕ ﻋﻤﻪ : ﺣﺘﻰ ﺇﻧﺘﻲ ﻳﺎﻣﺮﺕ ﻋﻤﻲ ﻻﺯﻡ ﺍﺩﻳﺮﻱ ﺷﻲ .. ﺣﺎﻭﻟﻲ ﻓﻴﻬﺎ ...
ﻓﺮﻳﺤﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺣﻨﺤﺎﻭﻝ ﻳﺎﻭﻟﺪﻱ .. ﺍﻧﻲ ﻛﻞ ﻫﻤﻲ ﻧﻄﻤﻦ ﻋﻠﻴﻬﺎ ﺧﺎﻳﻔﻪ ﻋﻠﻴﻬﺎ ﻳﺎﻭﻟﺪﻱ ... ﺳﻨﺪﻫﺎ ﻓﻲ ﺍﻟﺪﻧﻴﺎ ﺭﺍﺡ ﻭﻧﺒﻴﻠﻬﺎ ﺳﻨﺪ .. ﺍﻧﻲ ﻣﺎﻧﻲ ﺩﺍﻳﻤﺘﻠﻬﺎ ...
ﻣﻨﻴﺮ ﻫﺰ ﺭﺍﺳﻪ ﺑﺈﻳﺠﺎﺏ ﻣﻊ ﺍﺑﺘﺴﺎﻣﻪ ﻭﻗﺎﻝ : ﺻﺪﻗﻴﻨﻲ ﻣﺶ ﺣﺘﻠﻘﻲ ﺣﺪ ﻳﺨﺎﻑ ﻋﻠﻴﻬﺎ ﻭﻳﺤﻤﻴﻬﺎ ﺯﻳﻲ .. ﺍﻭﻻ ﻭﺃﺧﺮﺍ ﺍﻧﻲ ﻭﻟﺪ ﻋﻤﻬﺎ ﻳﻌﻨﻲ ﺩﻣﻲ ﻭﻟﺤﻤﻲ ﻭﻋﺮﺿﻲ .. ﻣﺴﺘﻌﺪ ﻧﺪﻳﺮ ﻛﻞ ﺷﻲ ﺑﺶ ﻧﺴﻌﺪﻫﺎ ...
ﻓﺮﻳﺤﻪ ﺍﺑﺘﺴﻤﺖ : ﻋﺎﺭﻓﻪ ﻳﺎﻭﻟﺪﻱ ﻋﺎﺭﻓﻪ ..
***
ﻓﻲ ﺍﻟﻤﺸﻐﻞ ..
: ﺑﺠﺪ .. ﺷﻐﻠﻚ ﺳﻤﺢ ﻭﺍﺟﺪ ﻭﻣﻤﻴﺰ .. ﺍﻟﻔﺴﺘﺎﻥ ﺍﻟﻠﻲ ﻓﺼﻠﺘﻴﻪ ﻟﻴﺎ ﻓﻲ ﻓﺮﺡ ﺻﺒﻴﺘﻲ .. ﺻﺒﺎﻳﺎ ﺍﻟﻌﻴﻠﻪ ﺍﻧﻜﻠﺒﻦ ﻋﻠﻴﻪ .. ﻭﺳﻜﻨﻦ ﻛﻠﻬﻦ ﺑﺶ ﻗﺘﻠﻬﻦ ﻣﻦ ﻭﻳﻦ ..
ﻧﻮﺭﺍﻥ : ﻫﻬﻬﻬﻬﻬﻬﻬﻪ ...
ﻗﺎﻟﺖ ﺑﻀﺤﻜﻪ : ﺣﺎﺳﺒﺎﺗﻨﻲ ﺷﺎﺭﻳﺎﺗﻪ .. ﻭﺑﻌﺪ ﺳﻜﻨﻨﺎﻧﻬﻦ ... ﻗﺘﻠﻬﻦ ﺍﻧﻲ ﻓﺼﻠﺘﻪ ﻋﻨﺪﻙ .. ﺍﺳﺘﻌﺪﻱ ﻟﻠﻬﺠﻮﻡ ..
ﻧﻮﺭﺍﻥ ﺑﻀﺤﻜﻪ : ﻣﺮﺣﺒﺘﻴﻦ ﺑﻴﻚ ﻭﺑﻴﻬﻦ .. ﻭﻣﺶ ﺍﻧﺎ ﺑﺮﻭﺣﻲ ﺍﻟﻠﻲ ﺷﻐﻠﻲ ﺣﻴﺠﻌﺒﻬﻦ ﺍﻟﻔﺘﺖ ﻟﻠﺒﻨﺎﺕ .. ﻛﻠﻬﻦ ﻫﻨﺎ ﻣﺒﺪﻋﺎﺕ ..
ﺍﺑﺘﺴﻤﺖ ﻭﻗﺎﻟﺖ : ﻣﺸﻐﻠﻚ ﺍﻋﺘﺪﻣﺘﻪ ﺧﻼﺹ ﻣﺶ ﺣﻨﻠﺒﺲ ﻓﻲ ﻣﻨﺎﺳﺒﺎﺗﻲ ﻏﻴﺮ ﻣﻨﻪ .. ﻧﺎﺿﺖ .. ﻫﻲ ﻣﺎﻝ ﻣﺎﻧﻌﻄﻠﻜﺶ ﺍﻛﺜﺮ ﻣﻦ ﻫﻚ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺗﺄﻧﺴﻲ ﻭﺗﺸﺮﻓﻲ ﻓﻲ ﻛﻞ ﻭﻗﺖ .. ﺍﻧﺖ ﻭﻛﻞ ﻣﻦ ﻳﺠﻴﻨﺎ ﻣﻦ ﻃﺮﻓﻚ ..
: ﺗﺴﻠﻤﻲ ﻳﺎﻋﺴﻞ ... ﻫﻲ ﺳﻼﻣﺘﻜﻦ ..
ﻧﻮﺭﺍﻥ : ﻣﻊ ﺍﻟﺴﻼﻣﻪ ... ﻭﻃﻠﻌﺖ ﺍﻟﻤﺮﺍﺓ ..
ﻧﻮﺭﺍﻥ ﻭﻟﺖ ﻟﻠﺒﻨﺎﺕ ﻭﻗﺎﻟﺖ : ﺍﻟﺸﻐﻞ ﻓﺰﻳﺎﺩﻩ ﻣﺎﺷﺎﺀ ﺍﻟﻠﻪ .. ﻭﻧﺤﻨﺎ ﻃﺸﻪ .. ﻻﺯﻡ ﻧﺠﻴﺒﻮﺍ ﻭﺣﺪﺍﺕ ﺗﺎﻧﻴﺎﺕ .. ﺷﻮﻓﻦ ﻭﺣﺪﺍﺕ ﺗﻌﺮﻓﻮﻫﻦ ﻛﻮﻳﺲ ﻭﻗﺪ ﺍﻟﺜﻘﻪ ..
ﺻﻔﺎﺀ : ﺗﻤﺎﻡ ﻋﻨﺪﻱ ﻭﺣﺪﻩ ﻧﻌﺮﻓﻬﺎ ..
ﺭﻗﻴﻪ : ﻭﺍﻧﺎ ﻋﻨﺪﻱ ﺑﻨﺖ ﺧﺎﻟﻲ ﻣﺎﺷﺎﺀ ﺍﻟﻠﻪ ﻭﻣﻜﻠﻤﺘﻨﻲ ﻗﺒﻞ ﺑﺲ ﺍﻧﺎ ﺗﺤﺸﻤﺖ ﻧﻘﻮﻝ ..
ﻧﻮﺭﺍﻥ : ﺗﺤﺸﻤﺘﻲ؟ ! ﻣﺼﻤﺘﻚ ﺭﻗﻴﻪ .. ﻣﻌﺶ ﺗﺤﺸﻤﻦ ﺍﻟﻠﻲ ﻋﻨﺪﻫﺎ ﻭﺣﺪﻩ ﺗﻜﻮﻥ ﻋﺎﺭﻓﺘﻬﺎ ﻭﻭﺍﺛﻘﻪ ﻓﻴﻬﺎ ﺗﺠﻴﺒﻬﺎ ...
ﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ..
ﺍﻧﻔﺘﺢ ﺍﻟﺒﺎﺏ ...
ﺷﻬﺎﺏ : ﻣﺮﺣﺒﺎ ..
ﻛﻠﻬﻢ ﺭﺩﻭﺍ ﻣﺎﻋﺪﺍ ﺻﻔﺎﺀ ﺍﻟﻠﻲ ﺗﻠﺨﺒﻄﺘﺖ ﺃﻭﻝ ﻣﺎﺷﺎﻓﺎﺗﻪ ﻭﻧﻮﺭﺍﻥ ﻗﻌﺪﺕ ﺗﺸﺒﺤﻠﻬﺎ ..
ﺷﻬﺎﺏ : ﺍﺣﻤﻢ .. ﺷﻦ ﺍﻻﺟﻮﺍﺀ .. ﻭﺯﻉ ﻧﻈﺮﻩ ﻉ ﻣﻜﺎﻥ ﻭﺳﺮﻕ ﻧﻈﺮﻩ ﻟﺼﻔﺎﺀ ﺑﻌﺪﻳﻦ ﺷﺒﺢ ﻟﺒﻨﺖ ﻋﻤﻪ : ﺍﻟﺒﺎﻳﻦ ﺍﻟﺸﻐﻞ ﻣﺎﺷﻲ ﺗﻤﺎﻡ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺍﻫﺎ ﺍﻟﺤﻤﺪ ﻟﻠﻪ ...
ﺷﻬﺎﺏ : ﺍﻣﻢ .. ﺑﺎﻫﻲ ﻧﻘﺪﺭ ﻧﺎﺧﺪ ﻣﻦ ﻭﻗﺘﻚ ﺷﻮﻱ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺗﻌﺎﻟﻰ ﻧﺨﺸﻮﺍ ﺟﻮﺍ ..
ﺷﻬﺎﺏ : ﺗﻤﺎﻡ ...
ﺧﺸﻮﺍ ﻫﻮ ﻭﻧﻮﺭﺍﻥ ﺩﺍﺧﻞ ﻭﻗﺒﻞ ﻟﻴﺨﺶ ﺷﺒﺢ ﻟﺼﻔﺎﺀ ﺍﻟﻠﻲ ﻭﺟﻬﻬﺎ ﻛﺎﻥ ﺍﺣﻤﺮ ﻭﻣﺎﺑﺘﺶ ﺗﺸﻮﻓﻠﻪ ..
***
ﺩﻛﺘﻮﺭ .. ﺩﻛﺘﻮﺭ ..
ﻛﻤﺎﻝ : ﻫﺎﻩ ..
ﺍﻟﻤﻤﺮﺿﻪ ﺍﺷﺮﺗﻠﻪ ﺑﻌﻴﻮﻧﻬﺎ ..
ﺍﺳﺘﺎﻗﺾ ﻟﺮﻭﺣﻪ ﻭﻫﻮ ﺣﺎﻁ ﺍﻟﺴﻤﺎﻋﻪ ﻉ ﺻﺪﺭ ﺍﺣﺪ ﺍﻟﻤﺮﺿﻰ ﻟﻴﻪ ﻭﻗﺖ ﻭﻣﺶ ﻣﺮﻛﺰ ﻭﺳﺎﺭﺡ ..
ﻛﻤﺎﻝ : ﺁﺳﻒ ... ﻭﻛﻤﻞ ﻓﺤﺺ ﻟﻠﻤﺮﻳﺾ ﻭﻃﻠﻊ ﻭﻣﺎﻛﺎﻧﺶ ﻉ ﺑﻌﻀﻪ ﺑﻜﻞ ..
ﻣﺸﻲ ﻟﻤﻜﺘﺒﻪ .. ﺧﺶ ﻭﻗﻌﻤﺰ ..
ﺣﻂ ﺍﻳﺪﻩ ﻉ ﻭﺟﻬﻪ ﺑﻌﺪﻳﻦ ﻣﺴﺤﻪ ﺑﻴﻬﻢ ﻭﻭﺧﺮ ﺑﻴﻬﻢ ﺷﻌﺮﻩ .. ﻭﺯﻓﺮ ﺑﻘﻮﺓ .. ﺧﺪﻱ ﺗﻠﻴﻔﻮﻧﻪ ﻭﺣﻂ ﻉ ﺭﻗﻤﻬﺎ ﻭﻗﻌﺪ ﻳﺸﻮﻓﻠﻪ ﻭﻳﻔﻜﺮ .. ﺑﻌﺪ ﺗﻔﻜﻴﺮ ﺩﺍﻡ ﺩﻗﺎﺋﻖ .. ﺣﻂ ﺗﻠﻴﻔﻮﻧﻪ ﻓﻲ ﻣﻜﺎﻧﻪ ﻭﺭﺟﻊ ﻛﻤﻞ ﺷﻐﻠﻪ .. ﻭﺑﺎﻟﻪ ﻣﺸﻐﻮﻝ ﻋﻠﻴﻬﺎ ﻭﻗﻠﺒﻪ ﺍﻛﺜﺮ 💓
***
ﻧﻮﺭﺍﻥ : ﺷﻦ ﺭﺍﻳﻚ ﻧﺎﺩﻱ ﻋﻠﻴﻬﺎ ﻭﺗﺤﻜﻲ ﻣﻌﺎﻫﺎ ..
ﺷﻬﺎﺏ : ﻣﺎﺗﺮﻓﻀﺶ؟ !
ﻧﻮﺭﺍﻥ ﺑﺈﺑﺘﺴﺎﻣﻪ : ﺍﻧﺎ ﻣﻌﺎﻛﻢ ﻣﺶ ﺣﺘﺮﻓﺾ ..
ﺷﻬﺎﺏ ﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻧﻮﺭﺍﻥ : ﺻﻔﺎﺍﺍﺍﺀ .. ﺻﻔﻮﻭﻭ ..
ﺑﺮﺍ ..
ﺩﺍﻟﻴﺎ : ﻣﺎﺗﺴﻤﻌﻴﺶ ﻓﻴﻬﺎ
ﺻﻔﺎﺀ ﻣﺘﻠﺨﺒﻄﻪ ﻉ ﻣﺘﻮﺗﺮﻩ ﻉ ﻣﺘﺤﺸﻤﻪ ...
ﺭﻗﻴﻪ ﻧﺨﺼﺘﻬﺎ ﻣﻦ ﺫﺭﺍﻋﻬﺎ : ﺻﻔﺎﺍﺍﺀ ..
ﺻﻔﺎﺀ ﺑﺘﺬﻣﺮ : ﻫﺎﺍﺍﺍﻩ ..
" ﺻﻔﺎﺍﺍﺍﺍﺍﺀ "
ﺻﻔﺎﺀ : ﺟﺎﻳﻪ ﺟﺎﺍﺍﻳﻪ ... ﺍﻓﻔﻔﻔﻒ ... ﻭﻧﺎﺿﺖ ..
ﺭﻗﻴﻪ ﻭﺩﺍﻟﻴﺎ 😕😕:
ﺧﺸﺖ ﺻﻔﺎﺀ ﻭﻫﻲ ﺑﺬﻭﺏ ﻣﻦ ﺍﻟﺨﺠﻞ .. ﺗﻤﺸﻲ ﻭﺗﺴﺎﻭﻱ ﻓﻮﺷﺎﺣﻬﺎ ﻣﻦ ﺍﻟﺘﻮﺗﺮ ﻭﻭﺟﻬﻬﺎ ﻧﺎﺭ ....
ﻋﻴﻮﻥ ﺷﻬﺎﺏ ﻣﺎﻧﺰﻟﻮﺵ ﻣﻦ ﻋﻠﻴﻬﺎ ﻭﻣﻴﺖ ﻉ ﺧﺠﻠﻬﺎ ﺍﻟﻠﻲ ﺯﺍﺩﻫﺎ ﺣﻼﻭﺓ ..
ﻧﻮﺭﺍﻥ ﻣﺒﺘﺴﻤﻪ : ﻗﻤﻌﺰﻱ ﺻﻔﻮ ...
ﻗﻌﻤﺰﺕ ﻭﻫﻲ ﺗﺸﺒﺢ ﻟﻮﻃﺎ ..
ﻧﻮﺭﺍﻥ : ﺍﺣﻜﻲ ﻳﺎﺷﻴﺒﻮ ..
ﺻﻔﺎﺀ ﺗﻔﺮﻙ ﻓﻲ ﺍﻳﺪﻳﻬﺎ ﻓﻲ ﺑﻌﺾ .
ﺷﻬﺎﺏ : ﺍﺣﻤﻢ .. ﺻﻔﺎﺀ .. ﺿﺤﻚ .. ﻣﺶ ﻋﺎﺭﻑ ﺷﻦ ﺑﻨﺤﻜﻲ ﻭﻻ ﺑﺸﻦ ﻧﺒﺪﺍ ... ﺑﺲ ﺍﻧﺘﻲ ﺗﻌﺮﻓﻲ ﺷﻦ ﻫﻮ ﺍﻟﻠﻲ ﺑﻨﺤﻜﻲ ﻓﻴﻪ .. ﺻﻔﺎﺀ .. ﺍﺣﻤﻢ .. ﺍﻧﺎ ..
ﻗﺎﻃﻌﺎﺗﻪ : ﻣﻌﻠﻴﺶ ... ﺍﻧﺖ ﻗﺒﻞ ﻫﺎﻟﻤﺮﺓ ﺣﻜﻴﺖ ﻭﺍﻧﺎ ﻋﻄﻴﺘﻚ ﺍﻟﺮﺩ .. ﻭﻫﻮ ﻫﻮ ﻧﻔﺲ ﺍﻟﺮﺩ ﻗﻠﺘﻪ ﻟﻨﻮﺭﺍﻥ .. ﻭﻧﻔﺴﻪ ﺍﻟﻠﻲ ﺣﺘﺴﻤﻌﻪ ﺗﻮﺍ ... ﺍﻧﺎ ﺍﺳﻔﻪ ﻣﺶ ﺣﻨﻘﺒﻞ ..
ﻧﻮﺭﺍﻥ : ﺧﻞ ﻧﻄﻠﻊ ﺍﻧﺎ ...
ﺻﻔﺎﺀ : ﻻﺧﻠﻴﻚ ..
ﺷﻬﺎﺏ : ﻣﻦ ﺷﻦ ﺧﺎﻳﻔﻪ ﻣﺎﻧﺎﻛﻠﺶ ﻓﻲ ﺍﻟﺒﺸﺮ ...
ﻧﻮﺭﺍﻥ ﺑﻀﺤﻜﻪ : ﺍﻫﻮ ﻗﺎﻟﻬﺎ ... ﺻﻔﻮﺍ .. ﻗﻤﻌﺰﻱ ﺍﺳﻤﻌﻲ ﻣﻨﻪ ﻭﺑﻌﺪﻫﺎ ﻓﻜﺮﻱ ... ﻭﻗﻮﻟﻲ ﺭﺩﻙ ..
ﺻﻔﺎﺀ ﺳﻜﺘﺖ ..
ﺷﻬﺎﺏ : ﻭﻭﻋﺪ ﻣﻨﻲ ﻫﺬﻱ ﺍﺧﺮ ﻣﺮﺓ ﻧﻀﺎﻳﻘﻚ ﻓﻴﻬﺎ ..
ﻗﺎﻣﺖ ﻋﻴﻮﻧﻬﺎ ﻭﺷﺎﻓﺘﻠﻪ ﺍﺑﺘﺴﻤﻠﻬﺎ .
ﻫﻲ ﺷﺪﺕ ﺍﺑﺘﺴﺎﻣﺘﻬﺎ ﻭﺷﺒﺤﺖ ﻟﻮﻃﺎ .
ﻧﻮﺭﺍﻥ ﺑﻀﺤﻜﻪ : ﺧﻼﺍﺍﺹ .. ﻧﻌﺪﻱ ﺍﺣﺴﻦ ... ﻭﻣﺸﺖ ...
ﺷﻬﺎﺏ : ﺗﻌﻄﻴﻨﻲ ﻭﻋﺪ ﺗﺴﻤﻌﻴﻨﻲ ﻛﻮﻳﺲ ﻭﺗﻔﻜﺮﻱ ﻓﻜﻼﻣﻲ .. ﺗﺎﺧﺪﻱ ﻭﻗﺘﻚ ﻓﻲ ﺍﻟﺘﻔﻜﻴﺮ ﻭﺑﻌﺪﻫﺎ ﺭﺩﻱ ..
ﺻﻔﺎﺀ ﻭﻫﻲ ﺗﺸﺒﺢ ﻟﻮﻃﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻫﻮ ﺍﺑﺘﺴﻢ ﻭﺑﺪﻱ ﻳﺘﻜﻠﻢ ..
***
ﻓﻲ ﻓﻴﻼ ﻧﻮﺭﺍﻥ ..
ﻛﺎﻧﺖ ﺳﻼﻑ ﻓﻲ ﺷﻘﺘﻬﺎ ﺍﺩﻳﺮ ﻓﻲ ﻣﻜﺎﻟﻤﻪ ..
ﺳﻼﻓﻪ : ﻣﺮﺣﺒﺎ ... ﻛﻴﻒ ﺣﺎﻟﻚ ..... ﺍﻫﺎ ﺍﻟﺤﻤﺪ ﻟﻠﻪ ... ﺗﻤﺎﻡ .........
ﺷﻦ ﺩﺍﻳﺮ ﻓﻲ ﺟﺮﻳﺪﺓ ﺍﻟﺮﺃﻱ ﺍﻟﺤﺮ .. ﻗﺎﻟﺘﻬﺎ ﺑﺘﻬﻜﻢ .. ﻫﻬﻬﻬﻬﻬﻬﻬﻬﻬﻪ ..
ﺍﻫﺎ .... ﺑﺎﻫﻲ .. ﺣﺴﻴﻦ ﻧﻘﻮﻟﻚ ... ﻓﺎﺿﻲ ﺍﻟﻴﻮﻡ ﺑﻌﺪ ﺍﻟﻌﺼﺮ؟ ........!
ﺍﻟﺨﻤﺴﻪ ... ﺍﻫﺎ ﻛﻮﻳﺲ ... ﺗﻤﺎﻡ ﻧﺸﻮﻓﻚ .... ﻫﻬﻬﻬﻬﻪ .. ﻧﺒﻲ ﻧﺪﺭﺩﺵ ﻣﻌﺎﻙ ﻓﻲ ﻛﺬﺍ ﺣﺎﺟﻪ ....ok.. ﺗﻤﺎﻡ ... ﺳﻼﻡ .. ﺻﻜﺮﺕ ..
ﺗﻨﻬﺪﺕ ﻭﻗﺎﻟﺖ : ﻣﺶ ﻋﺎﺭﻓﻪ ﺍﺫﺍ ﺍﻟﺤﻜﺎﻳﻪ ﺑﺪﺕ . ﺗﺘﻮﺿﺢ ﻭﻻﺗﺘﻌﻘﺪ ... ﺑﺲ ﻻﺯﻡ ﻧﻜﻤﻞ ... ﺧﺪﺕ ﺍﻟﻌﺒﺎﻳﻪ ﻭﻟﺒﺴﺘﻬﺎ ﻭﺍﻟﻮﺷﺎﺡ ﻟﺒﺴﺎﺗﻪ ﻭﻫﻲ ﺗﻔﻜﺮ .. ﺑﻌﺪﻳﻦ ﻃﻠﻌﺖ ﻣﻦ ﺷﻘﺘﻬﺎ ﻭﻣﻨﻬﺎ ﻣﻦ ﺍﻟﻔﻴﻼ ﻛﻠﻬﺎ ... ﻭﻳﻦ ﺟﺖ ﺧﺎﺷﻪ ﺷﺎﻓﺖ ﺍﻛﺮﻡ ﺍﺳﺘﻐﺮﺑﺖ ﺷﻦ ﺟﺎﺑﻪ ﻭﻫﻞ ﺭﺿﻮﺍﻥ ﺭﻭﺡ . ﻣﻌﺎﻩ ﻭﻻﻫﻮ ﺑﺮﻭﺣﻪ ... ﺍﺟﺎﺑﻪ ﺍﻟﺴﺆﺍﻝ ﻭﺻﻠﺘﻬﺎ ﻟﻤﺎ ﺷﺎﻓﺖ ﺭﻳﻬﺎﻡ ﻃﺎﻟﻌﻪ ﺭﻛﺒﺖ ﻣﻦ ﺍﻟﺨﻠﻒ ﻭﺍﻛﺮﻡ ﻣﻦ ﺍﻟﻘﺪﺍﻡ ﻃﻠﻌﻮﺍ ﻣﻦ ﺍﻟﺒﺎﺏ ﺍﻟﺮﺋﻴﺴﻲ ﻭﻫﻲ ﻣﻌﺎﻫﻢ ﺑﻌﻴﻮﻧﻬﺎ ﻟﻴﻦ ﺗﺴﻜﺮ ﻭﺭﺍﻫﻢ ﺍﻟﺒﺎﺏ ﻭﺑﻌﺪﻳﻦ ﺧﺸﺖ .. ﻭﻓﺪﺍﺧﻠﻬﺎ ﺿﻴﻖ ﺷﺪﻳﺪ ..
***
ﺑﻌﺪﺍﻟﻌﺼﺮ
ﺭﻭﺣﺖ ﻧﻮﺭﺍﻥ ﻫﻲ ﻭﺷﻬﺎﺏ ... ﻛﻞ ﻭﺍﺣﺪ ﺑﺴﻴﺎﺭﺗﻪ ..
ﻧﺰﻟﻮﺍ ﺍﻟﺰﻭﺯ ...
ﻧﻮﺭﺍﻥ ﺟﺎﺗﻪ : ﻫﺎ ﺗﺮﻳﺤﺖ ﺗﻮﺍ ..
ﺷﻬﺎﺏ : ﻧﺘﺮﻳﺢ ﻟﻤﺎ ﻧﻔﺘﺤﻮﺍ ﻣﻮﺿﻮﻋﻨﺎ ﻣﻊ ﻋﻤﻚ ..
ﻧﻮﺭﺍﻥ : ﺍﻟﻠﻴﻠﻪ ﺷﻦ ﺭﺍﻳﻚ ..
ﺷﻬﺎﺏ ﺧﺪﻱ ﻧﻔﺲ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﻧﻮﺭﺍﻥ ﻃﺒﻄﺒﺖ ﻉ ﻇﻬﺮﻩ : ﺗﻔﺎﺋﻞ ﺧﻴﺮ ...
ﺷﻬﺎﺏ ﺍﺑﺘﺴﻢ : ﻳﺎﺍﺍﺭﺏ ..
ﻧﻮﺭﺍﻥ : ﻳﺎﺭﺏ ...
ﺧﺸﻮﺍ ﻟﻘﻮﺍ ﻧﺒﻮﻳﻪ ﺧﺎﻃﻤﻪ ..
ﻧﻮﺭﺍﻥ : ﻧﻮﺑﻲ ﻣﻦ ﻗﺎﻋﺪ ..
ﻧﺒﻮﻳﻪ : ﺍﻟﺒﻴﻪ ﺟﻮﺍ ﻓﻲ ﺍﻟﺼﺎﻟﻪ ﻣﻊ ﺳﻲ ﺍﻛﺮﻡ ..
ﻧﻮﺭﺍﻥ : ﺗﻤﺎﻡ .. ﺑﻨﻌﺪﻳﻠﻬﻢ ..
ﺷﻬﺎﺏ : ﺍﻧﺎ ﺑﻨﻌﺪﻱ ﻧﺮﻗﺪ ... ﻧﻮﺭﺍﻥ ﺍﺑﺘﺴﻤﺖ ﻭﻫﻮ ﺭﻛﺐ ﻃﻮﻝ ..
ﻓﻲ ﺍﻟﺼﺎﻟﻪ .
ﺭﺿﻮﺍﻥ ﻣﻘﻌﻤﺰ ﻉ ﺍﻟﻜﻨﺒﻪ ﻭﺣﺎﻁ ﺭﺟﻞ ﻉ ﺭﺟﻞ : ﻫﻀﺎ ﺣﻘﻚ .. ﻭﺍﻟﺠﺎﻱ ﺍﺣﺴﻦ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ : ﺍﻫﻢ ﺷﻲ ﻧﻜﻮﻥ ﻋﻨﺪ ﺣﺴﻦ ﻇﻨﻚ ..
ﺭﺿﻮﺍﻥ ﺍﺑﺘﺴﻢ ﻉ ﺟﻨﺐ ﻭﻫﺰ ﺭﺍﺳﻪ ﺑﺈﻳﺠﺎﺏ .
ﺍﻛﺮﻡ : ﻛﺎﻥ ﻣﺎﺗﺒﻲ ﻣﻨﻲ ﺷﻲ ﺑﻨﻌﺪﻱ ..
ﺭﺿﻮﺍﻥ : ﺣﺎﻟﻴﺎ ﻻ .. ﺳﻼﻣﺘﻚ ..
ﺍﻛﺮﻡ ﺍﺑﺘﺴﻢ ﻧﺺ ﺍﺑﺘﺴﺎﻣﻪ ﻭﻟﻒ ﻭﻣﺸﻲ .. ﻭﻫﻮ ﻃﺎﻟﻊ ﺧﺸﺖ ﻧﻮﺭﺍﻥ ﺍﺑﺘﺴﻤﻮﺍ ﻟﺒﻌﺾ .. ﻫﻮ ﻣﺸﻲ ﻭﻫﻲ ﺧﺸﺖ : ﻋﻤﻮﺍ ..
ﺭﺿﻮﺍﻥ ﺍﺑﺘﺴﻢ : ﺍﻫﻼ ﺍﻫﻼ ﺑﺎﻟﺴﻤﺤﻪ .. ﻭﻓﺘﺢ ﻳﺪﻩ ﻭﺟﺖ ﻧﻮﺭﺍﻥ ﻗﻌﻤﺰﺕ ﺟﻨﺒﻪ ﻭﺧﺸﺖ ﺣﻀﻨﻪ ..
ﻧﻮﺭﺍﻥ : ﺣﺎﻟﻚ ﺑﺎﻫﻲ؟ !!
ﺭﺿﻮﺍﻥ ﻭﻫﻮ ﻳﻤﺴﺢ ﻉ ﻇﻬﺮﻫﺎ : ﺍﻟﺤﻤﺪ ﻟﻠﻪ .. ﺍﻧﺘﻲ ﺷﻦ ﺩﺍﻳﺮﻩ ...
ﻧﻮﺭﺍﻥ : ﺍﻟﺤﻤﺪ ﻟﻠﻪ ... ﺑﻌﺪﺕ ... ﺭﻳﻬﺎﻡ ﻭﻳﻦ .
ﺭﺿﻮﺍﻥ : ﻋﻨﺪﻫﺎ ﺗﺴﺠﻴﻞ ...
ﻧﻮﺭﺍﻥ : ﺃﻏﻨﻴﻪ ﺟﺪﻳﺪﻩ ..
ﺭﺿﻮﺍﻥ ﺑﻀﺤﻜﻪ : ﺍﻫﺎ ..
ﻧﻮﺭﺍﻥ . ﺍﺑﺘﺴﻤﺖ : ﻣﺎﺷﻔﺘﺶ ﺣﺪ ﻛﻴﻔﻚ ﻳﺤﺐ ﺑﺼﺪﻕ ﻭﺑﻜﻞ ﻣﺎﻋﻨﺪﻩ ﻣﺼﺒﻲ ﻣﻌﺎﻫﺎ ﻭﺩﺍﻋﻤﻬﺎ ﻭﻣﻮﻓﺮﻟﻬﺎ ﻛﻞ ﺳﺒﻞ ﺍﻟﺮﺍﺣﻪ ﺑﺶ ﺗﻨﺠﺢ .. ﺗﺤﺒﻬﺎ ﻭﺍﺟﺪ؟
ﺭﺿﻮﺍﻥ ﺿﺤﻚ ﻭﺷﺪﻫﺎ ﻣﻦ ﺧﺸﻤﻬﺎ : ﺗﺤﺸﻤﻲ ﺷﻮﻱ .
ﻧﻮﺭﺍﻥ ﺗﺘﺤﺴﺲ ﻓﻲ ﺧﺸﻤﻬﺎ ﻭﺗﻀﺤﻚ : ﻋﺎﺩﻱ ﻳﻌﻨﻲ ﺍﻟﺤﺐ ﺣﺎﺟﻪ ﻣﺎﺗﺤﺸﻤﺶ .
ﺭﺿﻮﺍﻥ ﺍﺑﺘﺴﻢ : ﺻﺢ ... ﺍﻫﺎ ﻧﺤﺒﻬﺎ ﻭﺍﺟﺪ ﻓﻮﻕ ﻣﺎﺗﺼﻮﺭﻱ ..
ﻧﻮﺭﺍﻥ : ﻳﻌﻨﻲ ﻋﺎﺭﻑ ﺍﻟﺤﺐ ﻭﻓﺎﻫﻤﻪ ﻛﻮﻳﺲ ...
ﺭﺿﻮﺍﻥ ﻗﺮﺻﻬﺎ ﻣﻦ ﺧﺪﻫﺎ : ﺧﻼﺹ ﻋﺎﺩ ﺯﻭﺩﺗﻴﻬﺎ ﺭﺍﻙ ﺗﺪﻭﻱ ﻣﻊ ﻋﻤﻚ ..
ﻧﻮﺭﺍﻥ ﺗﺤﺴﺴﺖ ﺧﺪﻫﺎ : ﺍﺍﺍﺍﻩ ... ﻫﻀﺎ ﻛﻠﻪ ﻣﻦ ﻗﻮﺓ ﺍﻟﺨﺠﻞ ﻳﺎﺭﺿﻮ ..
ﺣﺎﻭﻁ ﺭﻗﺒﺘﻬﺎ ﺑﺬﺍﺭﻋﻪ ﻭﺷﺪ ﻋﻠﻴﻬﺎ ﺑﻘﻮﻩ .. ﻫﻲ ﻣﻴﺘﻪ ﺑﺎﻟﻀﺤﻚ ﻭﻫﻮ ﻳﻘﻮﻟﻠﻬﺎ : ﻋﻴﺐ .. ﺗﺤﺸﻤﻲ .. ﺗﺤﺸﻤﻲ ..
ﺑﺮﺍ
ﻛﻤﺎﻝ ﻛﺎﻥ ﺧﺎﺵ ﺗﻼﻗﺎ ﻣﻊ ﺳﺎﺭﻩ ..
ﻛﻤﺎﻝ : ﺭﺿﻮﺍﻥ ﺩﺍﺧﻞ ..
ﺳﺎﺭﺓ : ﺍﻫﺎ ﻓﻲ ﺻﺎﻟﻪ ﻣﻊ ﻧﻮﺭﺍﻥ ..
ﻛﻤﺎﻝ ﻣﺸﻲ ﻃﻮﻝ ﻭﺳﺎﺭﺓ ﻣﺸﺖ ﻭﺭﺍﻩ ﻭﻫﻲ ﻣﺴﺘﻐﺮﺑﻪ ﻭﻗﻔﻮﺍ ﺍﻟﺰﻭﺯ ﻓﻲ ﺍﻟﻔﺘﺤﻪ ﺍﻟﻠﻲ ﺩﺧﻞ ﻟﻠﺼﺎﻟﻪ ... ﻭﻫﻤﺎ ﻳﺘﺄﻣﻠﻮﺍ ﻓﻲ ﺍﻟﻤﻨﻈﺮ ﺍﻟﻠﻲ ﺷﺎﻓﻮﻩ ...
🌾 ﻫﻮ ﻣﻨﻈﺮ ﻃﺒﻴﻌﻲ ... ﻫﺬﺍ ﻋﻢ ﻭﻫﺎﺩﻱ ﺑﻨﺖ ﺧﻮﻩ .. ﻳﺒﺼﺮﻭﺍ ﻉ ﺑﻌﻀﻬﻢ ﻭﻳﻀﺤﻜﻮﺍ .. ﻫﺬﺍ ﺍﻟﻌﻢ ﻟﻴﻜﻮﻥ ﺍﺏ ﻓﻲ ﻫﻠﺒﻪ ﻟﺤﻈﺎﺕ ﻭﻣﻮﺍﻗﻒ ﻟﺼﻐﺎﺭ ﺧﻮﻩ ...
ﺑﺲ ﻫﺬﺍ ﻣﺎﻳﻨﻄﺒﻘﺶ ﻉ ﺭﺿﻮﺍﻥ .. ﺍﻟﻠﻲ ﺣﺮﻡ ﺑﻨﺖ ﺧﻮﻩ ﺍﻟﻠﻲ ﻗﺎﻋﺪﻩ ﺗﻀﺤﻚ ﻣﻌﺎﻩ ﻭﺗﺸﻮﻓﻠﻪ ﺑﻨﻈﺮﺍﺕ ﺣﺐ ﻭﺍﺣﺘﻴﺎﺝ ﻟﻌﻄﻒ ﺍﻻﺏ ﻭﺣﻤﺎﻩ .. ﺣﺮﻣﻬﺎ ﻣﻦ ﻭﺟﻮﺩ ﺑﻮﻫﺎ ﻭﺣﻤﺎﻩ ﻭﻋﻄﻔﻪ ﻭﺣﺒﻪ .. ﺣﺮﻣﻬﺎ ﻣﻦ ﺍﻣﻬﺎ ﻭﺣﻨﺎﻧﻬﺎ ﻭﺭﻋﺎﻳﺘﻬﺎ .. ﺣﺮﻣﻬﺎ ﻣﻦ ﺧﻮﻫﺎ ﺍﻟﻠﻲ ﻳﻜﻮﻥ ﻟﻴﻬﺎ ﺍﻟﺴﻨﺪ ﻭﺍﻟﻈﻬﺮ ...
ﺍﻟﻠﻲ ﻳﻀﺤﻚ ﻣﻌﺎﻫﺎ ﺗﻮﺍ ﻫﻮ ﻧﻔﺴﻪ ﺍﻟﻤﺠﺮﻡ ﺍﻟﻠﻲ ﺍﺟﺮﻡ ﺑﺤﻘﻬﺎ ﻫﻴﺎ ﻗﺒﻞ ﺍﻟﻜﻞ ﻟﻤﺎ ﺧﻼﻫﺎ ﺗﻌﻴﺶ ﺍﺣﺴﺎﺱ ﻓﻀﻴﻊ ﺑﺎﻟﻨﻘﺺ ﻭﺍﻹﺣﺘﻴﺎﺝ ..
ﻳﻌﻨﻲ ﻟﻮ ﻛﺎﻧﺖ ﻧﻮﺭﺍﻥ ﺗﻌﺮﻑ ﺍﻥ ﺍﻟﺸﺨﺺ ﺍﻟﻠﻲ ﻫﻲ ﻓﺤﻀﻨﻪ ﺗﻮﺍ ﻭﻗﺎﻟﺖ ﻋﻨﻪ ﻳﻮﻡ ﻣﻦ ﺍﻟﻴﻮﻡ ﺍﻧﻪ ﺑﻮﻫﺎ ﻭﺭﻭﺣﻪ ﻛﺎﻧﺖ ﺍﻫﻢ ﻣﻦ ﻛﻞ ﺷﻲ ﻋﻨﺪﻫﺎ . ﻫﻮ ﻧﻔﺲ ﺍﻟﺸﺨﺺ ﺍﻟﻠﻲ ﻓﺮﻁ ﻓﻲ ﺍﺭﻭﺍﺡ ﺍﻏﻠﻰ ﺍﻟﻨﺎﺱ ﻟﻴﻬﺎ ... ﻛﺎﻧﺖ ﺣﺘﻘﺒﻞ ﺣﺘﻰ ﺗﺸﻮﻓﻠﻪ ﻣﻦ ﺍﻷﺳﺎﺱ ..!!
ﺑﺲ ﻫﻲ ﻣﺨﺪﻭﻋﻪ ... ﻣﺨﺪﻭﻋﻪ ﻓﻲ ﻧﻈﺮﺍﺗﻪ ﻓﻲ ﻛﻼﻣﻪ ﺍﻟﺤﻨﻮﻥ .. ﻓﻲ ﺣﻀﻨﻪ .. ﺍﻷﺷﺒﻪ ﺑﺤﻀﻦ ﺍﻷﻓﻌﻰ ﺍﻟﻌﺎﺻﺮﻩ .. ﺍﻟﻠﻲ ﺗﻠﻒ ﻉ ﺿﺤﻴﺘﻬﺎ ﻭﺗﺤﻀﻨﻪ ﺑﻘﻮﺓ ﻟﻴﻦ ﺍﻃﻠﻊ ﺭﻭﺣﻪ ...
🍃 ﻭﻳﺎﻛﻢ ﻣﺨﺪﻭﻉ ﻭﻣﺨﺪﻭﻋﻪ ﻓﻲ ﻫﺎﻟﺤﻴﺎﻩ ..
ﻣﻦ ﺍﺥ .. ﻣﻦ ﺍﺧﺖ .. ﻗﺮﻳﺐ .... ﻭﻟﺪ ﻋﻢ ﻭﻟﺪ . ﺧﺎﻝ ﺑﻨﺖ ﻋﻢ ﺑﻨﺖ ﺧﺎﻝ .. ﺻﺪﻳﻖ ... ﺟﺎﺭ ..
ﻛﻢ ﻭﺣﺪﻩ ﺧﺮﺏ ﺑﻴﺘﻬﺎ ﻭﺣﻴﺎﺗﻬﺎ ﻛﻠﻬﺎ ﻣﻦ ﺳﺤﺮ ﺩﺍﺭﺗﻬﻮﻟﻬﺎ ﻗﺮﻳﺒﺘﻬﺎ ﺍﻭ ﺻﺎﺣﺒﺘﻬﺎ ﺍﻛﺜﺮ ﻣﻦ ﺗﺜﻖ ﻓﻴﻬﻢ ﻭﺗﻤﺸﻲ ﻋﻠﻴﻬﻢ ﻭﺗﺠﻲ ﻭﺍﻟﻌﻜﺲ ..
ﺍﻭ ﺧﺪﺕ ﻣﻨﻬﺎ ﺯﻭﺟﻬﺎ ﻭﻋﻴﺸﺘﻬﺎ ﻣﺮﺍﺭﺓ ﺍﻟﺨﻴﺎﻧﻪ ﻭﺻﺪﻣﻪ ﺧﺪﻋﺔ ﺍﻟﺼﺪﺍﻗﻪ ﺍﻟﺰﺍﻳﻔﻪ ...
ﻛﻢ ﻭﺍﺣﺪ ﺳﻠﻢ ﺳﺮﻩ ﻟﺠﺎﺭﻩ ﺧﻮﻩ ﺻﺪﻳﻘﻪ .. ﻭﻣﺸﻲ ﻭﺷﻲ ﺑﻴﻪ ﻭﻛﺎﻥ ﺳﺒﺐ ﻓﻲ ﻓﻀﻴﺤﻪ .. ﺍﻭ ﻗﻌﺎﺩﻩ ﻓﻲ ﺍﻟﺴﺠﻦ ﺑﺎﻗﻲ ﺳﻨﻴﻦ ﻋﻤﺮﻩ .. ﺍﻭ ﻭﺍﺟﻪ ﺍﻟﻤﻮﺕ ...
ﺑﻼﺩ ﺑﻜﺒﺮﻫﺎ ﺗﻨﺨﺎﻥ ﻭﺗﻨﺨﺪﻉ ﻓﻲ ﻫﻠﺒﻪ ﻧﺎﺱ ﺍﺩﻋﻮﺍ ﺣﺐ ﺍﻟﻮﻃﻦ ﻭﺍﻟﻤﻮﺕ ﻷﺟﻠﻪ .. ﺍﻟﻠﻲ ﺭﻓﻌﻮﺍ ﻫﺎﻟﺸﻌﺎﺭﺍﺕ ﻭﺻﻴﺤﻮﺍ ﺑﻴﻬﺎ ﻫﻤﺎ ﺃﻭﻝ ﻣﻦ ﺧﺎﻥ ..
ﺍﻟﻀﺮﺑﻪ ﺍﻟﻘﻮﻳﻪ ﻟﻺﻧﺴﺎﻥ ﻣﺎﺗﺠﻴﻪ ﺇﻻ ﻣﻦ ﺍﻟﺸﺨﺺ ﺍﻟﻘﺮﻳﺐ ..
ﺍﻟﺨﻴﺎﻧﻪ ﺗﺠﻲ ﺑﺲ ﻣﻦ ﺍﻟﻘﺮﻳﺐ ..
ﺍﻟﻠﻲ ﻋﻄﻴﻨﺎﻫﻢ ﺛﻘﺘﻨﺎ ﻭﺣﺒﻨﺎ ﻭﻋﻤﺮﻧﺎ ﻣﺎﺷﻜﻴﻨﺎ ﻟﺤﻈﻪ ﺍﻧﻬﻢ ﻣﻤﻜﻦ ﻳﺄﺫﻭﺍ ﻣﻨﻨﺎ ﺷﻌﺮﻩ ﻫﻤﺎ ﻧﻔﺴﻬﻢ ﺍﻟﻠﻲ ﻳﻜﻮﻧﻮﺍ ﺍﻛﺒﺮ ﺳﺒﺐ ﻓﻲ ﺍﻛﺒﺮ ﺟﺮﺡ ﻧﻨﺠﺮﺣﻮﺍ ﺑﻴﻪ ﻓﺤﻴﺎﺗﻨﺎ ..
ﻓﻲ ﺍﺳﺒﺎﺏ ﺗﺎﻧﻴﻪ .. ﺛﻘﺘﻨﺎ ﺍﻟﺰﺍﻳﺪﻩ ﻓﻴﻬﻢ ... ﻭﺍﻷﻓﺮﺍﻁ ﻓﻲ ﺣﺴﻦ ﺍﻟﻈﻦ ...
ﺍﻧﻲ ﻫﻨﻲ ﻣﺎﻧﻘﻮﻟﺶ ﻋﻴﺸﻮﺍ ﺣﻴﺎﺗﻜﻢ ﺑﺎﻟﺸﻚ ﻭﺗﻌﺎﻣﻠﻮﺍ ﻣﻊ ﻏﻴﺮﻛﻢ ﺑﺸﻚ .. ﻻ ﺗﻌﺎﻣﻠﻮﺍ ﻋﺎﺩﻱ ﺛﻘﻮﺍ ﺑﻴﻬﻢ ﺍﺣﺴﻨﻮﺍ ﺍﻟﻈﻦ ﺑﺲ ﺑﺤﺪﻭﺩ ... ﻛﻞ ﺷﻲ ﺑﺤﺪﻭﺩ ... ﻭﺍﻟﺤﺬﺭ ﻭﺍﺟﺐ ..
ﻭﻓﻲ ﺍﻟﻨﻬﺎﻳﻪ ﺍﻟﺨﻴﺮ ﻣﺎﻳﻨﻘﻄﻌﺶ ﻣﻦ ﺍﻟﺪﻧﻴﺎ ..
🎶 ﻳﺎﻧﺎﺱ ﻳﺎﻣﺨﺪﻭﻋﻴﻦ ..
ﻳﺎﻧﺎﺱ ﻳﺎﻣﺨﺪﻭﻋﻴﻦ
ﺑﻀﺤﻜﻪ ﻓﻲ ﺍﻟﻌﻨﻴﻴﻦ ..
ﺣﺎﺳﺒﻮﺍ ﺍﻟﻮﺷﻮﺵ ﻭﺣﻮﺵ ..
ﺑﻴﺒﺎﻧﻮﺍ ﻃﻴﺒﻴﻦ ..
ﻭﻳﺎﻙ ﺑﺤﺴﻦ ﻧﻴﻪ ..
ﺗﻘﻮﻝ ﺩﺍ ﻣﻴﻪ ﻣﻴﻪ ..
ﺗﺎﺭﻳﺦ ﺍﻹﻧﺴﺎﻧﻴﻪ ﻣﻠﻴﺎﻥ
ﺣﺰﻥ ﻭﻣﺂﺳﻲ
ﺣﺘﻼﻗﻲ ﺣﺎﺟﺎﺕ ﺗﺸﻴﺐ ..
ﻭﻧﻮﺭ ﻟﻜﻦ ﻳﻐﻴﺐ ..
ﻭﻣﻬﻤﺎ ﺷﻔﺘﻮﺍ ﻃﻴﺐ ﺟﻮﺍﻩ ﺷﺮﻳﺮ ﻭﻗﺎﺳﻲ ...
ﻛﻤﺎﻝ ﻣﻨﻘﻬﺮ ﻫﻠﺒﻪ ﻉ ﻧﻮﺭﺍﻥ ﺍﻟﻠﻲ ﻃﻴﺒﺘﻬﺎ ﻏﺎﻟﺒﺘﻬﺎ ﻭﺍﻟﻠﻲ ﻣﺎﺗﻌﺮﻑ ﺷﻲ ﻋﻦ ﺍﻟﻤﺠﺮﻡ ﺍﻟﻠﻲ ﺣﺎﻃﻪ ﺭﺍﺳﻬﺎ ﻉ ﺻﺪﺭﻩ .. ﻭﻛﻠﻪ ﺧﻮﻑ ﻣﻨﻪ ﻋﻠﻴﻬﺎ ﺷﻦ ﻣﻤﻜﻦ ﻳﺪﻳﺮ ﻣﻌﺎﻫﺎ ﺑﻌﺪ ﺍﻟﻠﻲ ﺩﺍﺭﻩ ﻣﻊ ﻋﻴﻠﺘﻪ ...
ﻻﻫﻮ ﻗﺎﺩﺭ ﻳﻘﻮﻟﻠﻬﺎ ﻭﻻﻫﻮ ﻣﺘﺤﻤﻞ ﻭﺟﻮﺩﻫﺎ ﻣﻌﺎﻩ ﻓﻲ ﻣﻜﺎﻥ ﻭﺍﺣﺪ ...
🎶 ﺣﺮﺍﻡ ﻗﻠﻮﺏ ﺗﻌﻴﺶ ..
ﺣﺮﺍﻡ ﻗﻠﻮﺏ ﺗﻌﻴﺶ .
ﺣﻴﺎﺗﻬﺎ ﻋﻠﻰ ﻣﺎﻓﻴﺶ
ﺗﺤﺐ ﻋﻴﻮﻥ ﺗﺨﻮﻥ ..
ﻛﺬﺍﺑﻪ ﻭﻣﺎﺗﺴﺎﻭﻳﺶ
ﻭﻳﺎﻙ ﺑﺤﺴﻦ ﻧﻴﻪ ..
ﺗﻘﻮﻝ ﺩﺍ ﻣﻴﻪ ﻣﻴﻪ ..
ﺗﺎﺭﻳﺦ ﺍﻹﻧﺴﺎﻧﻴﻪ
ﻣﻠﻴﺎﻥ ﺣﺰﻥ ﻭﻣﺂﺳﻲ ..
ﺣﺘﻼﻗﻲ ﺣﺎﺟﺎﺏ ﺗﺸﻴﺐ
ﻭﻧﻮﺭ ﻟﻜﻦ ﻳﻐﻴﺐ
ﻭﻣﻬﻤﺎ ﺷﻔﺘﻮﺍ ﻃﻴﺐ ﺟﻮﺍﻩ
ﺷﺮﻳﺮ ﻭﻗﺎﺳﻲ ..
ﺳﻼﻑ ﻛﺎﻧﺖ ﺗﺸﺒﺤﻠﻪ ﺑﻐﻞ . ﺑﺲ ﺑﺲ ﻟﻤﺎ ﻧﻈﺮﻫﺎ ﻳﺘﻮﺟﻪ ﻟﻨﻮﺭﺍﻥ ﻳﻮﺟﻌﻬﺎ ﻗﻠﺒﻬﺎ ﻋﻠﻴﻬﺎ ..
ﺳﻼﻑ " ﻋﻬﺪ ﻋﻠﻴﺎ ﻳﺎﻧﻮﺭﺍﻥ ﻧﻜﺸﻔﻠﻚ ﺣﻘﻴﻘﺔ ﻫﺎﻟﻤﺠﺮﻡ ﻫﻀﺎ ﻭﻧﺨﻠﻴﻚ ﺗﺎﺧﺪﻱ ﺣﻘﻚ ﻭﺣﻖ ﺑﺎﺗﻚ ﻭﺧﻮﻛﻲ ﻣﻨﻪ ﺑﺎﻟﻘﺎﻧﻮﻥ .."
ﻛﻤﺎﻝ ﻓﻲ ﻧﻔﺲ ﺍﻟﻮﻗﺖ ﺣﺘﻰ ﻫﻮ ﻗﻄﻊ ﻋﻬﺪ ﻉ ﻧﻔﺴﻪ " ﺣﻨﺪﻳﺮ ﺍﻟﻤﺴﺘﺤﻴﻞ ﺑﺶ ﻣﺎﻧﺨﻠﻴﺶ ﻣﺼﻴﺮﻙ ﺯﻱ ﻣﺼﻴﺮ ﻋﻴﻠﺘﻚ ... ﻧﻤﻮﺕ ﻭﻻﻧﺨﻠﻴﻪ ﻳﻤﺲ ﻣﻨﻚ ﺷﻌﺮﻩ ﻳﺎﺻﺒﺢ "
🎶 ﺑﻼﺵ ﻧﻘﻮﻝ ﺧﻼﺹ ..
ﺑﻼﺵ ﻧﻘﻮﻝ ﺧﻼﺹ ..
ﻣﻌﺎﺩﺵ ﻓﻲ ﺧﻼﺹ ..
ﺩﺍ ﺍﻟﺨﻴﺮ ﻣﺴﻴﺮﻩ ﻓﻴﻮﻡ
ﺑﻴﺪﺍﻭﻱ ﺟﺮﺡ ﺍﻟﻨﺎﺱ ..
--------------------------
ﺭﺿﻮﺍﻥ ﺣﻮﻝ ﻳﺪﻩ ﻋﻨﻬﺎ : ﺑﻨﺖ ﺷﻴﻄﺎﻧﻪ ﺩﻫﺸﺘﻴﻨﻲ ..
ﻧﻮﺭﺍﻥ : ﻫﻬﻬﻬﻬﻬﻬﻬﻬﻪ ... ﻭﺍﻧﺖ ﻗﺮﻳﺐ ﻗﺘﻠﺘﻨﻲ ..
ﺭﺿﻮﺍﻥ ﺍﺑﺘﺴﻢ : ﺑﻌﻴﺪ ﺍﻟﺸﺮ ...
ﻧﻮﺭﺍﻥ ﺍﺑﺘﺴﻤﺖ .. ﺑﻌﺪﻳﻦ ﻏﻴﺮﺕ ﻋﻴﻮﻧﻬﺎ ﻟﻘﺖ ﻧﻮﺭﺍﻥ ﻭﻛﻤﺎﻝ ﻭﺍﻗﻔﻴﻦ ﻓﻲ ﻓﻢ ﺍﻟﺼﺎﻟﻪ ..
ﺷﺒﺤﻠﻬﻢ ﺭﺿﻮﺍﻥ : ﻛﻨﻜﻢ ﻣﺼﺒﻴﻦ ﻏﺎﺩﻱ ﺗﻌﺎﻟﻮﺍ ..
ﺷﺒﺤﻮﺍ ﻟﺒﻌﻀﻬﻢ ﺍﻟﺰﻭﺯ ﺑﻌﺪﻳﻦ ﺧﺸﻮﺍ ﻭﻛﻞ ﻭﺍﺣﺪ ﺍﻏﺘﺼﺐ ﺍﺑﺘﺴﺎﻣﻪ ﻉ ﻭﺟﻬﻪ ..
ﺳﺎﺭﺓ : ﺍﺣﻤﻢ ... ﻣﻌﻠﻴﺶ ﺍﻧﺎ ﺟﺎﻳﻪ ﻧﺴﺘﺄﺫﻥ ﻋﻨﺪﻱ ﻣﺸﻮﺍﺭ ﺳﺎﻋﻪ ﺯﻣﺎﻥ ﻭﺭﺍﺩﻩ ..
ﺭﺿﻮﺍﻥ ﺷﺒﺢ ﻟﺒﻨﺖ ﺧﻮﻩ : ﺷﻮﺭ ﻧﻮﺭﺍﻥ ..
ﻧﻮﺭﺍﻥ ﺍﺑﺘﺴﻤﺖ : ﻋﺪﻱ ﺣﺒﻴﺒﺘﻲ ..
ﺳﺎﺭﻩ ﺷﺒﺤﺘﻠﻬﺎ ﻭﺍﺑﺘﺴﻤﺖ ﺑﺄﻟﻢ : ﺗﺴﻠﻤﻲ ﻳﺎﺭﺏ .. ﻋﻦ ﺍﺫﻧﻜﻢ .
ﺭﺿﻮﺍﻥ : ﺍﺫﻧﻚ ﻣﻌﺎﻙ ..
ﻣﺎﺑﺘﺶ ﺗﺸﺒﺤﻠﻪ ﻟﻔﺖ ﻭﻣﺸﺖ ﻭﻣﻼﻣﺢ ﻭﺟﻬﻬﺎ ﺗﺒﺪﻟﻮﺍ ﻟﻐﻀﺐ ﺷﺪﻳﺪ ...
ﻛﻤﺎﻝ : ﺍﺣﻤﻢ .. ﺍﻧﻲ ﺟﺎﻱ ﻧﺒﻴﻚ ﻓﻲ ﻣﻮﺿﻮﻉ ..
ﺭﺿﻮﺍﻥ ﺷﺒﺢ ﻟﻨﻮﺭﺍﻥ ﺑﻌﺪﻳﻦ ﺷﺒﺤﻠﻪ : ﻣﻮﺿﻮﻉ ..
ﻛﻤﺎﻝ ﻫﺰ ﺭﺍﺳﻪ ﺑﺈﻳﺠﺎﺏ : ﺧﺎﺹ ..
ﻧﻮﺭﺍﻥ ﻧﺎﺿﺖ ﺑﻀﺤﻜﻪ ﻗﺎﻟﺖ : ﻃﺮﺩﻩ ﻣﺤﺘﺮﻣﻪ ..
ﻛﻤﺎﻝ : ﺣﺎﺷﺎﻙ .. ﺑﺲ ﺍﻟﻤﻮﺿﻮﻉ ﺑﺠﺪ ﺧﺎﺹ ..
ﻧﻮﺭﺍﻥ : ﻫﻬﻬﻬﻬﻬﻬﻬﻪ .. ﻛﻨﻚ ﻧﺒﺼﺮ ﻣﻌﺎﻙ .. ﻳﻼ ﻧﺨﻠﻴﻜﻢ ﻭﺣﺪﻛﻢ ...
ﻛﻤﺎﻝ ﺍﺑﺘﺴﻢ ...
ﻧﻮﺭﺍﻥ ﺭﺩﺗﻠﻪ ﺍﻹﺑﺘﺴﺎﻣﻪ .. ﻭﺷﺒﺤﺖ ﻟﻌﻤﻬﺎ ﺑﻨﻔﺲ ﺍﻹﺑﺘﺴﺎﻣﻪ ﻭﻣﺸﺖ ...
ﻗﻌﺪﻭﺍ ﻣﻌﺎﻫﺎ ﺑﻌﻴﻮﻧﻬﻢ ﻟﻴﻦ ﻃﻠﻌﺖ ..
ﺭﺿﻮﺍﻥ ﺷﺒﺢ ﻟﻜﻤﺎﻝ ﺣﺮﻙ ﺭﺍﺳﻪ ﻣﺘﺴﺎﺋﻞ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﻛﻤﺎﻝ ﻣﻂ ﺷﻮﺍﺭﺑﻪ ﺑﺘﺴﺎﺅﻝ : ﺍﻟﻠﻪ ﺃﻋﻠﻢ ﺇﻥ ﻛﺎﻥ ﺧﻴﺮ ﺍﻭﻻ؟
ﺭﺿﻮﺍﻥ ﺿﻴﻖ ﻋﻴﻮﻧﻪ ﺑﺈﺳﺘﻐﺮﺍﺏ : ﺑﺎﻩ ﻗﻤﻌﺰ ﻗﺒﻞ ..
ﻗﻌﻤﺰ ﻛﻤﺎﻝ ﻭﻫﻮ ﻳﺸﺒﺤﻠﻪ ﺑﻨﻈﺮﺓ ﻋﺎﺩﻳﻪ ﺗﺨﻔﻲ ﻛﺜﻴﺮ ﻣﻦ ﻣﺸﺎﻋﺮ ﺍﻟﺒﻐﺾ ﻣﻨﻪ ﺗﺠﺎﻩ ﺭﺿﻮﺍﻥ ...
***
ﺳﺎﺭﻩ ﻃﺎﻟﻌﻪ ﻣﻦ ﺍﻟﻔﻴﻼ ﺍﻛﺮﻡ ﺷﺎﻓﻠﻬﺎ ﻭﻣﻼﺣﻆ ﻫﻠﺒﻪ ﺍﻧﻬﺎ ﻣﺘﻐﻴﺮﻩ ﻋﻠﻴﻪ ﻭﺑﻌﻴﺪﻩ ﻋﻨﻪ .. ﻗﺮﺏ ﻣﻨﻬﺎ ﻭﻫﻮ ﻳﻤﺸﻲ ﺑﺴﺮﻋﻪ ..
ﻭﻗﻒ ﻗﺪﺍﻣﻬﺎ ﻭﺳﻜﺮ ﺍﻟﺒﺎﺏ ﺑﻴﺪﻩ ..
ﺳﺎﺭﺓ ﺷﺒﺤﺘﻠﻪ : ﻛﻨﻚ ..
ﺍﻛﺮﻡ : ﺍﻧﺎ ﺍﻟﻠﻲ ﻣﻔﺮﻭﺽ ﻧﺴﺄﻟﻚ ﻫﺎﻟﺴﺆﺍﻝ ..
ﺳﺎﺭﻩ : ﻟﻴﺶ؟
ﺍﻛﺮﻡ : ﻣﺎﻧﺤﺒﺶ ﺍﻹﺳﺘﻐﺒﺎﺀ ..
ﺳﺎﺭﻩ : ﻭﺍﻧﺎ ﻣﺎﻧﺴﺘﻐﺒﺎﺵ .. ﻣﺶ ﺷﺎﻳﻔﻪ ﺩﺍﻋﻲ ﻟﺴﺆﺍﻟﻚ .. ﻭﺗﻮﺍ ﻟﻮ ﺳﻤﺤﺖ ﺑﻌﺪ ﻻﺯﻡ ﻧﻄﻠﻊ ..
ﺍﻛﺮﻡ ﻗﻌﺪ ﻳﺸﺒﺢ ﻟﻌﻴﻮﻧﻬﺎ .. ﻫﻲ ﺗﻮﺗﺮﺕ ﻭﺿﻌﻔﺖ ﻏﻴﺮﺕ ﻋﻴﻮﻧﻬﺎ ﻋﻨﻪ ..
ﻧﺰﻝ ﻳﺪﻩ ﻭﻭﻗﻒ ﻉ ﺟﻨﺐ ﺑﺪﻭﻥ ﻭﻻ ﻛﻠﻤﻪ ... ﻫﻲ ﻃﻮﻝ ﻃﻠﻌﺖ ﺗﺠﺮﻱ ﺑﺪﻭﻥ ﻣﺎﺗﺸﻮﻓﻠﻪ ..
....
ﻓﺘﺢ ﻋﻴﻮﻧﻪ ﻭﻓﻤﻪ ﺑﺼﺪﻣﻪ ﺷﺪﻳﺪﻩ ﺟﺪﺍ ﻳﺸﺒﺢ ﻓﻲ ﺍﻟﻔﺮﺍﻍ ﻭﻣﺶ ﻗﺎﺩﺭ ﻳﺘﻜﻠﻢ ...
ﻛﻤﺎﻝ : ﻣﻊ ﺍﻷﺳﻒ ﺍﻟﺸﺪﻳﺪ ﻓﻘﺪﺍﻧﻚ ﺍﻟﻘﺪﺭﺓ ﻉ ﺍﻹﻧﺠﺎﺏ ﻫﻲ ﺍﻭﻝ ﺷﻲ ﺗﺴﺒﺒﺘﻠﻚ ﺑﻴﻪ ﺇﺻﺎﺑﺘﻚ ﺑﺎﻟﺮﺻﺎﺻﻪ .. ﺑﻔﻀﻞ ﺍﻟﻠﻪ ﺍﻧﻘﺬﻧﺎﻙ ﻣﻦ ﺍﻹﻋﺎﻗﻪ ﺍﻟﺤﺮﻛﻴﻪ .. ﺑﺲ ﻛﺎﻥ ﻣﻦ ﺍﻟﻤﺴﺘﺤﻴﻞ ﺍﻧﻘﺎﺫﻙ ﻣﻦ ﻏﻴﺮﻫﺎ ..
ﺭﺿﻮﺍﻥ ﺑﺼﺪﻣﻪ : ﻓﻲ ﺣﺪ ﻏﻴﺮﻙ ﻋﻨﺪﻩ ﻋﻠﻢ ..
ﻛﻤﺎﻝ : ﺍﻳﻪ ﺩﻛﺘﻮﺭ ﺗﺎﻧﻲ ﻭﻣﺎﻗﺎﻟﺶ ﻧﻬﺎﺋﻲ ﺇﻻ ﻟﻤﺎ ﺍﻧﻲ ﺧﺒﺮﺗﻪ ﺍﻥ ﺍﻛﺘﺸﻔﺖ ﻫﺎﻟﺸﻲ .. ﻳﻌﻨﻲ ﺣﺘﻰ ﻫﻮ ﻣﺤﺎﻓﻆ ﻉ ﺳﺮﻙ ... ﺍﻃﻤﻦ ..
ﺭﺿﻮﺍﻥ ﺷﺒﺤﻠﻪ ﻭﻗﻌﺪ ﺳﺎﻛﺖ ..
ﻛﻤﺎﻝ : ﺣﺒﻴﺖ ﻧﺨﺒﺮﻙ ﺑﻌﺪ ﻣﺎﺗﺘﻌﺎﻓﻰ ...
ﺭﺿﻮﺍﻥ ﺑﺤﺪﻩ : ﻷﻱ ﻛﺎﻥ ﻣﻬﻤﺎ ﻛﺎﻥ ﻣﺎﻳﻄﻠﻊ ﻣﻨﻚ ﺷﻲ ..
ﻛﻤﺎﻝ : ﻟﻮ ﻛﻨﺖ ﻧﺒﻲ ﻧﻄﻠﻌﻪ ﻛﻨﺖ ﻋﺮﻓﺘﻪ ﻣﻦ ﻏﻴﺮﻱ ﻣﺶ ﻣﻨﻲ ..
ﺭﺿﻮﺍﻥ ﻫﺰ ﺭﺍﺳﻪ ﺑﺈﻳﺠﺎﺏ : ﺷﻜﺮﺍ ...
ﻛﻤﺎﻝ ﻧﺎﺽ : ﺍﻧﻲ ﻧﺴﺘﺄﺫﻥ ﺗﻮﺍ ..
ﺭﺿﻮﺍﻥ : ﻛﻤﺎﻝ ...
ﺷﺒﺤﻠﻪ ﺑﺘﺮﻛﻴﺰ ..
ﺭﺿﻮﺍﻥ : ﻣﻦ ﺍﻟﻴﻮﻡ ﻭﻏﺎﺩﻱ ﺍﻧﺖ ﺍﻟﺪﻛﺘﻮﺭ ﻣﺘﺎﻋﻲ ... ﻳﻌﻨﻲ ﻣﻠﺰﻡ ﺍﻧﻚ ﺗﻜﻮﻥ ﺻﻨﺪﻭﻕ ﺍﺳﺮﺍﺭ ﻣﺮﻳﻀﻚ ..
ﻛﻤﺎﻝ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﺍﺑﺘﺴﻢ : ﺍﻧﻲ ﻣﻠﺰﻡ ﻓﻲ ﻛﻞ ﺍﻟﺤﺎﻻﺕ .. ﻭﻳﺴﻌﺪﻧﻲ ﺍﻧﻲ ﻧﻜﻮﻥ ﻗﺮﻳﺐ ﻣﻦ ﺷﺨﺺ ﺣﻀﺮﺗﻚ ﻟﻬﺎﻟﺤﺪ ..
ﺭﺿﻮﺍﻥ ﻧﺎﺽ ﺣﻂ ﻳﺪﻩ ﻉ ﻛﺘﻒ ﻛﻤﺎﻝ ﻭﺷﺪ ﻋﻠﻴﻬﺎ ﺑﺎﻟﻘﻮﺓ ﻭﺑﻌﺪﻳﻦ ﻃﻠﻊ ﻣﻦ ﺍﻟﺼﺎﻟﻪ ...
ﻛﻤﺎﻝ ﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﻃﻠﻊ ﻣﻦ ﺍﻟﺼﺎﻟﻪ ... ﺍﺑﺘﺴﻢ ﺑﺘﻬﻜﻢ ﺑﻌﺪﻳﻦ ﻃﻠﻊ ﺣﺘﻰ ﻫﻮ ...
***
ﻭﺻﻠﺖ ﺳﻼﻑ ﻟﻠﻜﺎﻓﻲ ﺍﻟﻠﻲ ﺣﺘﺘﻼﻗﻰ ﻓﻴﻪ ﻣﻊ ﺯﻣﻴﻠﻬﺎ ﺣﺴﻴﻦ ..
ﺍﻭﻝ ﻣﺎﺧﺸﺖ ﻟﻘﺖ ﺣﺴﻴﻦ ﺟﺎﻱ ﻗﺒﻠﻬﺎ .. ﻣﺸﺖ ﻟﻄﺎﻭﻟﺘﻪ ..
ﺳﻼﻑ ﻣﺪﺕ ﻳﺪﻫﺎ : ﻣﺮﺣﺒﺎ ﺣﺴﻴﻦ ..
ﺣﺴﻴﻦ ﺻﺎﻓﺤﻬﺎ ﻭﻗﺎﻝ ﺑﻀﺤﻜﻪ : ﻳﺎﺃﻫﻼ ﺑﺴﻼﻑ ﺍﻟﻬﺠﺎﻥ ..
ﻗﻌﻤﺰﺕ ﻭﻫﻲ ﺗﻀﺤﻚ : ﻣﺎﻻ ﺣﻨﺎﻃﻪ ... ﺗﺄﺧﺮﺕ ﻋﻠﻴﻚ ..
ﺣﺴﻴﻦ : ﻣﺶ ﻭﺍﺟﺪ ﻛﻠﻬﻦ ﻧﺺ ﺳﺎﻋﻪ ..
ﺳﻼﻑ : ﻫﻬﻬﻬﻬﻪ ...
ﺣﺴﻴﻦ ﺍﺑﺘﺴﻢ : ﻧﻄﻠﺒﻚ ﺣﺎﺟﻪ ..
ﺳﻼﻑ : ﻻ ﻣﺸﻜﻮﺭ .. ﺍﻧﺎ ﺟﺎﻳﻪ ﻓﺸﻲ ﻣﻬﻢ ﻭﺍﺟﺪ ﺑﻨﺴﺄﻟﻚ ﻛﻢ ﺳﺆﺍﻝ ﻭﺃﻧﺖ ﻟﻮ ﻋﻨﺪﻙ ﺍﺟﺎﺑﻪ ﻳﺎﺭﻳﺖ ﺗﻘﻮﻟﻬﺎ ﻟﻴﺎ ..
ﺣﺴﻴﻦ : ﺍﻛﻴﺪ ...
ﻣﻦ ﺑﻌﻴﺪ ﺷﻮﻳﻪ ﻛﺎﻥ ﻣﻘﻌﻤﺰ ﻓﺴﻴﺎﺭﺓ ﺗﺎﻛﺴﻲ ﻭﻳﺸﻮﻓﻠﻬﻢ ".. ﻫﻲ ﻓﻤﻜﺎﻥ ﻣﻜﺸﻮﻑ ﻣﻦ ﺍﻟﻜﺎﻓﻲ ﺑﺮﺍ ﻳﻌﻨﻲ .." ﻭﺍﻟﻐﻴﺮﺓ ﻣﺴﻴﻄﺮﻩ ﻋﻠﻴﻪ .. ﻣﻦ ﻫﻮ ﻫﺬﺍ ﻭﻟﻴﺶ ﺗﻼﻗﺖ ﻣﻌﺎﻩ .. ﻭﺷﻦ ﻳﻜﻮﻧﻠﻬﺎ ...
ﻳﺸﻮﻑ ﻓﻴﻬﺎ ﻛﻴﻒ ﺗﻀﺤﻚ ﻭﺗﻬﺪﺭﺯ ﻣﻌﺎﻩ ... ﻳﻬﺰ ﻓﻲ ﺭﺟﻠﻪ ﺑﺸﻜﻞ ﻣﻠﻔﺖ ﻟﺪﺭﺟﻪ ﺍﻟﺴﻮﺍﻕ ﻗﻌﺪ ﻣﺮﻛﺰ ﻣﻌﺎﻩ .. ﻭﺗﻮﺗﺮ ﺣﺘﻰ ﻫﻮ ...
ﺍﻟﺴﻮﺍﻕ : ﻟﻮ ﻣﻨﻚ ﺭﺻﺎﺻﺘﻴﻦ ﻓﺮﺍﺳﻪ ﻭﻓﺮﺍﺳﻬﺎ ...
ﺍﻛﺮﻡ ﺷﺒﺤﻠﻪ : ﻣﻦ ﻫﻤﺎ ..
ﺍﻟﺴﻮﺍﻕ : ﻫﻀﺎ .. ﻭﺍﻟﻠﻲ ﻣﻌﺎﻩ ﺻﺎﺣﺒﺘﻚ ﻭﻻﺧﻄﻴﺒﺘﻚ .. ﻣﺼﻴﺒﻪ ﻟﻮ ﻛﺎﻧﺖ ﻣﺮﺍﺗﻚ ! ؟؟ﻣﺮﺍﺗﻚ؟؟
ﺍﻛﺮﻡ : ﻭﺍﻟﻠﻪ ﻣﺎﻓﻲ ﻭﺍﺣﺪ ﻏﻴﺮﻙ ﻳﺒﻲ ﺭﺻﺎﺻﺘﻴﻦ ﻓﻲ ﺭﺍﺳﻪ ﻣﻦ ﻗﺪﺍﻡ ﻭﻟﻮﺭﺍ ..
ﺍﻟﺴﻮﺍﻕ ﺧﺎﻑ : ﺍﺳﻒ .. ﺍﺳﻒ ..
ﺍﻛﺮﻡ : ﻣﺘﻌﻨﻲ ﺑﺴﻜﻮﺗﻚ ..
ﺍﻟﺴﻮﺍﻕ ﻫﺰ ﺭﺍﺳﻪ ﺑﺈﻳﺠﺎﺏ ..
****
ﻛﻤﺎﻝ ﻃﻠﻊ ﻣﻦ ﺍﻟﻔﻴﻼ ... ﻭﺭﻛﺐ ﺳﻴﺎﺭﺗﻪ ﻭﺗﺤﺮﻙ ﻗﻌﺪ ﻳﺪﻭﺭ ﺑﻴﻬﺎ ﻓﻲ ﺍﻟﺸﻮﺍﺭﻉ ﻭﺧﻼﺹ .. ﻭﻛﻠﻪ ﺗﻔﻜﻴﺮﻩ ﻓﻲ ﻧﻮﺭﺍﻥ ... ﻣﺶ ﻋﺎﺭﻑ ﺷﻦ ﻳﺪﻳﺮ ﻉ ﺧﺎﻃﺮﻫﺎ ﺑﺶ ﻳﺤﻤﻴﻬﺎ ﻭﻓﻨﻔﺲ ﺍﻟﻮﻗﺖ ﻳﻔﻜﺮ ﻟﻮ ﻗﺮﺏ ﻣﻦ ﻋﻤﻬﺎ ﺣﻴﻘﺪﺭ ﻳﺪﻳﺮ ﺷﻲ ﻭﻻﻻ ... ﺧﺪﻱ ﺗﻠﻴﻔﻮﻧﻪ ﻭﻭﻗﻒ ﻉ ﺗﺮﻛﻴﻨﻪ ﻭﻓﺘﺢ ﻉ ﺍﻟﺼﻮﺭ ... ﺣﻂ ﻉ ﺻﻮﺭﺓ ﻟﻴﻬﺎ .. ﺧﺪﺍﻫﺎﻟﻬﺎ ﻓﻲ ﺣﻔﻠﺔ ﺭﻳﻬﺎﻡ ﺍﻷﺧﻴﺮﻩ ... ﻗﻌﺪ ﻳﺸﻮﻓﻠﻬﺎ ﻫﻠﺒﻪ ... ﻗﻠﺒﻪ ﺑﺪﻱ .. ﺩﻕ ﺩﻕ ﺩﻕ ﺩﻕ ﺩﻕ 💓💓💓💓💓💓 ﻧﺒﻀﺎﺕ ﺯﺍﻳﺪﻩ ﻋﻦ ﺍﻟﻤﻌﺪﻝ
ﺍﻟﻄﺒﻴﻌﻲ ... ﺍﺑﺘﺴﻢ ﻭﻗﺎﻝ : ﻟﻮ ﻧﻘﺪﺭ ﻧﺤﻄﻚ ﻓﻘﻠﺒﻲ ﻭﻧﺼﻜﺮ ﻋﻠﻴﻚ ..
ﺍﺳﺘﺎﻗﺾ ﻉ ﺭﻭﺣﻪ ﻭﺿﺤﻚ ﻭﻗﺎﻝ : ﺷﻦ ﻗﻠﺖ ﺗﻮﺍ ... ﻫﻬﻬﻬﻬﻬﻬﻬﻬﻪ ...
ﺣﻚ ﺣﺎﺟﺒﻪ .. ﻭﻃﻠﻊ ﻣﻦ . ﺍﻹﺳﺘﺪﻳﻮ ﻭﺣﻂ ﺍﻟﺘﻠﻴﻔﻮﻥ ﻓﻲ ﻣﻜﺎﻧﻪ ... ﺷﻐﻞ ﺍﻟﺴﻴﺎﺭﻩ ﻭ ﺗﺤﺮﻙ ... ﻛﺎﻥ ﻣﻠﺨﺒﻂ ﻫﻠﺒﻪ .... ﺣﺲ ﺭﻭﺣﻪ ﺳﺨﻦ ﻫﻠﺒﻪ .. ﺷﺒﺢ ﻟﻠﻤﺮﺍﻳﺎ ﻟﻘﻲ ﻭﺟﻬﻪ ﻣﺤﻤﺮ ...
ﺿﺤﻚ ﻣﺮﺓ ﺗﺎﻧﻴﻪ .. ﻋﺾ ﻉ ﺷﺎﺭﺑﻪ ﻭﻭﺧﺮ ﺷﻌﺮﻩ ﺑﻴﺪﻩ ... ﻭﺗﻨﻬﺪ .. ﻭﺍﺑﺘﺴﻢ ...
***
ﺣﺴﻴﻦ : ﻇﺮﻭﻑ ﻣﻮﺕ ﺧﻮﻩ ﻏﺎﻣﻀﻪ ﻟﻬﺎﻟﻠﺤﻈﻪ ﻭﻣﻠﻒ ﻫﺎﻟﻘﻀﻴﻪ ﺗﺴﻜﺮ ... ﻭﺍﻟﺠﺮﻳﻤﻪ ﻗﺎﻟﻮﺍ ﺍﻧﻬﺎ ﺳﻴﺎﺳﻴﻪ ...
ﺳﻼﻑ : ﻋﻼﺵ ﻫﻮ ﻟﻴﻪ ﻓﻲ ﺍﻟﺴﻴﺎﺳﻪ ..
ﺣﺴﻴﻦ : ﻓﻲ ﺣﺎﺟﻪ ﻻﺯﻡ ﺗﻌﺮﻓﻴﻬﺎ ﺧﻮﻩ ﻣﺎﺕ ﻓﻲ ﺣﺎﺩﺙ ﺳﻘﻮﻁ ﻃﺎﺋﺮﺓ ﺍﺳﻌﺎﻑ ﺯﻭﺟﺘﻪ ﻛﺎﻧﺖ ﻣﻌﺎﻩ ﻭﻓﺮﻳﻖ ﺍﻹﺳﻌﺎﻑ ﻭﻛﻠﻬﻢ ﻟﻘﻮﺍ ﻣﺼﺮﻋﻬﻢ .... ﺑﻌﺪ ﺗﺤﻘﻴﻖ ﺗﺄﻛﺪﻭﺍ ﺍﻧﻬﺎ ﺑﻔﻌﻞ ﻓﺎﻋﻞ .. ﻭﺧﻼﻝ ﻓﺘﺮﻩ ﺗﺴﻜﺮﺕ ﺍﻟﻘﻀﻴﻪ ﻭﻗﺎﻟﻮﺍ ﻥ ﺍﻟﻠﻲ ﺻﻜﺮﻭﻫﺎ ﺟﻤﺎﻋﻪ ﻭﺍﺻﻠﻪ ﺳﺎﻋﺘﻬﺎ .
ﺳﻼﻑ : ﻃﺎﻳﺮﺓ ﺍﺳﻌﺎﻑ؟ ..!!
ﺣﺴﻴﻦ : ﺍﻫﺎ ..
ﺳﻼﻑ : ﻋﻠﻴﺶ؟
ﺣﺴﻴﻦ : ﻫﺎﺩﻱ ﻣﺎﻗﺪﺭﺗﺶ ﻧﻌﺮﻓﻬﺎ ... ﻹﻥ ﻭﻗﻔﺖ ﺗﺤﻘﻴﻘﻲ ﺍﻟﺼﺤﻔﻲ ﺑﻌﺪﻫﺎ ..
ﺳﻼﻑ : ﺗﻤﺎﻡ ...
ﺣﺴﻴﻦ : ﺍﻫﺎ ﻓﻲ ﺣﺎﺟﻪ ﻻﺯﻡ ﺗﻌﺮﻓﻴﻬﺎ ﻣﻤﻜﻦ ﺗﻜﻮﻥ ﻣﻬﻤﻪ ..
ﺳﻠﻼﻑ : ﻗﻮﻝ ..
ﺣﺴﻴﻦ : ﺭﺿﻮﺍﻥ ...****** ﻏﻴﺮ ﻟﻘﺐ ﺍﻟﻌﺎﻳﻠﻪ ﺍﻟﺸﺎﺋﻊ .. ﻭﺧﻼﻫﺎ ﺑﺈﺳﻢ ﺍﻟﻘﺒﻴﻠﻪ ..
ﺳﻼﻑ : ﻛﻴﻒ؟ !!
ﺣﺴﻴﻦ : ﺍﻫﺎ ... ﻫﻤﺎ ﻟﻘﺒﻬﻢ ﺍﻟﻤﻌﺮﻭﻓﻴﻦ ﺑﻴﻪ ﺯﻣﺎﻥ .. ﺍﻷﻛﺮﻡ ..
ﺳﻼﻑ : ﺍﻷﻛﺮﻡ؟؟؟
ﺣﺴﻴﻦ : ﺍﻫﺎ ..
ﺳﻼﻑ ﺑﺈﺳﺘﻐﺮﺍﺏ ﺷﺪﻳﺪ : ﻟﻴﺶ ؟؟
ﺣﺴﻴﻦ ﻣﻂ ﺷﻮﺍﺭﺑﻪ ﺑﺘﺴﺎﺅﻝ : ﺍﻟﻠﻪ ﺃﻋﻠﻢ ..
ﺳﻼﻑ : ﺗﺲ ... ﺍﻓﻔﻔﻒ ... ﻛﻤﻴﻪ ﺍﻷﺳﺮﺍﺭ ﻭﺍﻷﻟﻐﺎﺯ ﻣﺶ ﻃﺒﻴﻌﻲ ﻣﻊ ﻫﺎﻟﻌﻴﻠﻪ ... ﻭﺑﺎﻟﺬﺍﺕ ﻫﻀﺎ ﺍﻟﻠﻲ ﺍﺳﻤﻪ ﺭﺿﻮﺍﻥ ...
ﺣﺴﻴﻦ : ﺳﻼﻑ ... ﻋﻴﻨﻚ ﻣﻦ ﺭﻭﺣﻚ .. ﺍﻟﻤﺨﻠﻮﻕ ﻫﻀﺎ ﺧﻄﻴﺮ ﻭﺍﺟﺪ ..
ﺳﻼﻑ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺭﻥ ﺗﻠﻴﻔﻮﻥ ﺣﺴﻴﻦ ﺷﺎﻑ ﺍﻟﺮﻗﻢ ﻭﻗﺎﻝ : ﺍﺳﻒ .. ﻣﺸﻐﻮﻝ ﻭﻣﻀﻄﺮ ﻧﻌﺪﻱ ..
ﺳﻼﻑ ﺍﺑﺘﺴﻤﺖ : ﻭﻻ ﻳﻬﻤﻚ ... ﻣﺸﻜﻮﺭ ﻭﺍﺟﺪ ﻭﺍﺟﺪ ﻳﺎﺣﺴﻴﻦ ..
ﺣﺴﻴﻦ ﺍﺑﺘﺴﻢ ﻭﻧﺎﺽ : ﺍﻟﻌﻔﻮ ... ﻣﺪ ﻳﺪﻩ ... ﻧﺸﻮﻓﻚ ﻉ ﺧﻴﺮ ﻭﺗﺒﻲ ﺍﻱ ﺷﻲ ﺭﻧﻲ ..
ﺳﻼﻑ ﺑﺈﺑﺘﺴﺎﻣﻪ : ﺗﺴﻠﻢ ..
ﺣﺴﻴﻦ : ﺳﻼﻡ .. ﻭﻣﺸﻲ ..
ﺳﻼﻑ ﺗﻨﻬﺪﺕ ﻭﻗﻌﺪﺕ ﺗﻔﻜﺮ ﻓﻲ ﺍﻟﻠﻲ ﺳﻤﻌﺎﺗﻪ ..
ﺍﺗﻜﺖ ﺑﻤﺮﻓﻘﻬﺎ ﻉ ﺍﻟﻄﺎﻭﻟﻪ ﻭﺣﻄﺖ ﻳﺪﻫﺎ ﺗﺤﺖ ﺫﻗﻨﻬﺎ ... ﻭﺗﻔﻜﺮ ..
ﻣﺎﺣﺴﺘﺶ ﺑﺎﻟﻠﻲ ﺟﻲ ﻭﻗﻌﻤﺰ ﻣﻘﺎﺑﻠﻬﺎ ﺇﻻ ﻟﻤﺎ ﺍﺧﺘﺮﻗﺖ ﺭﻳﺤﻪ ﻋﻄﺮﻩ ﺍﻟﻤﻤﻴﺰﻩ ﺃﻧﻔﻬﺎ .. ﻗﺎﻣﺖ ﻋﻴﻮﻧﻬﺎ ﻗﻌﺪﺕ ﺗﺸﺒﺤﻠﻪ ﻭﻫﻲ ﻉ ﻧﻔﺲ ﺍﻟﻮﺿﻌﻴﻪ ..
ﺍﻛﺮﻡ : ﻣﻦ ﺍﻟﻮﺟﻪ ﺍﻟﺠﺪﻳﺪ ..
ﺳﻼﻑ ﺑﺘﻬﻜﻢ : ﺻﺎﺣﺒﻲ ..
ﺍﻛﺮﻡ : ﺍﺩﻭﻱ ﺯﻳﻦ ﺧﻴﺮ ﻣﺎﻧﺴﻄﺮﻙ ﻛﻒ ﻉ ﺣﻨﻜﻚ ﺍﻧﺰﻟﻪ ..
ﺳﻼﻑ : ﻛﺎﻥ ﻗﺪﺭﺕ ..
ﺍﻛﺮﻡ : ﺑﻼ ﻃﻮﻟﺔ ﻟﺴﺎﻥ ﻭﻗﻮﻟﻲ ﻣﻦ ﻫﻀﺎ ..
ﺳﻼﻑ : ﻣﺎﻳﺨﺼﻜﺶ ..
ﺍﻛﺮﻡ : ﻻﻳﺨﺼﻨﻲ ..
ﺳﻼﻑ ﺿﺤﻜﺖ ﺑﺘﻬﻜﻢ : ﻭﻳﺨﺼﻚ ﻓﺸﻨﻮ ﺍﻥ ﺷﺎﺀ ﺍﻟﻠﻪ ...
ﺍﻛﺮﻡ ﺷﺒﺢ ﻟﻌﻴﻮﻧﻬﺎ ﺑﻨﻈﺮﺓ ﺧﻠﺖ ﺳﻼﻑ ﺗﺘﻠﺨﺒﻂ ﻣﻦ ﺟﺪﻳﺪ ..
ﺳﻼﻑ ﺑﺨﺠﻞ ﻣﻤﺰﻭﺝ ﺑﻌﺼﺒﻴﻪ : ﻟﻴﺶ ﺗﺒﺤﺖ ﻓﻴﺎ ﻫﻚ .. ﻭﺑﻌﺪﻳﻦ ﺷﻦ ﻋﻨﺪﻙ ﻻﺣﻘﻨﻲ ﺷﻦ ﺗﺒﻲ ﻓﻴﺎ ..
ﺍﻛﺮﻡ : ﻧﺤﺒﻚ ..💖
......
ﻓﻲ ﻧﻔﺲ ﺍﻟﻠﺤﻈﻪ ﻛﺎﻥ ﻛﻤﺎﻝ ﻓﺎﻳﺖ ﺑﺎﻟﺴﻴﺎﺭﻩ ﻭﺷﺎﻑ ﻟﻠﻤﻘﻬﻰ ﻋﺠﺒﻪ .. ﻗﺮﺭ ﻳﻨﺰﻝ .. ﺩﺭﺱ ﺳﻴﺎﺭﺗﻪ ﻭﻛﻴﻒ ﺑﻴﺤﻮﻝ ﺣﺰﺍﻡ ﺍﻷﻣﺎﻥ ﻭﻛﺎﻥ ﻳﺸﺒﺢ ﺟﻨﺒﻪ ﺷﺎﻑ ﺍﻛﺮﻡ .. ﺍﺳﺘﻐﺮﺏ .. ﺭﻛﺰ ﻉ ﺍﻟﻠﻲ ﻣﻌﺎﻩ ... ﺯﺍﺩ ﺭﻛﺰ ﺍﻛﺜﺮ ... ﺍﻧﺼﺪﻡ ...
ﻛﻤﺎﻝ " ﻫﺎﺩﻱ ... ﺳﺎﺭﻩ ... ﺍﻳﻪ ﻭﺍﻟﻠﻪ ﻫﻲ .. ﻟﻜﻦ ﻋﻼﺵ ﺷﻜﻠﻬﺎ ﻣﺘﻐﻴﺮ ﻫﻜﻲ ... ؟ "!!
... ﻳﺘﺒﻊ ..
