مشاعر

الحلقة الثانية والثلاثون

#مشاعر
ﺍﻟﺠﺰﺀ ﺍﻟﺜﺎﻧﻲ ﻭﺍﻟﺜﻼﺛﻴﻦ 💖🍃🍁
للكاتبة GomanFared
ﻭﺍﻗﻔﻪ ﻗﺪﺍﻡ ﺍﻟﻤﺸﻐﻞ ﻫﻲ ﻭﺍﻟﺒﻨﺎﺕ ﺍﻟﻠﻲ ﻳﺨﺪﻣﻮﺍ ﻣﻌﺎﻫﺎ ﺍﻟﻠﻲ ﻛﺎﻧﺖ ﺑﺎﺩﻳﻪ ﻋﻠﻰ ﻭﺟﻮﻫﻬﻢ ﻋﻼﻣﺎﺕ ﺍﻟﺼﺪﻣﻪ ﺍﻟﺸﺪﻳﺪﻩ ...
ﺃﻣﺎ ﻫﻲ ﻓﻜﺎﻧﺖ ﺗﺸﻮﻑ ﺑﻨﻈﺮﻩ ﻗﻬﺮ ... ﺣﺴﺮﺓ ... ﺩﻣﻮﻋﻬﺎ ﺗﻨﺰﻝ ﻭﻭﺍﻗﻔﻪ ﻓﻲ ﻣﻜﺎﻧﻬﺎ ﺩﻭﻥ ﺣﺮﻛﻪ ...
ﺻﻔﺎﺀ ﺑﺼﺪﻣﻪ : ﻛﻴﻒ ﺻﺎﺭ ﻫﻚ ﻛﻴﻒ ...
ﺩﺍﻟﻴﺎ ﺑﺼﺪﻣﻪ : ﻣﺶ ﻣﺴﺘﻮﻋﺒﻪ ﺍﻟﻠﻲ ﻧﺤﻖ ﻓﻴﻪ ...
ﺭﺍﺟﻞ ﺟﺎﻫﻢ ﻭﻣﻊ ﺯﻭﺯ ﺗﺎﻧﻴﻦ : ﻳﺎﺃﺧﺘﻲ ﻗﺒﻞ ﺍﻟﻔﺠﺮ ﻭﻋﻴﻨﺎ ﻉ ﺑﻨﺔ ﺍﻟﺸﻴﺎﻁ .. ﻃﻠﻌﻨﺎ ﻟﻘﻴﻨﺎﻩ ﺗﺎﺷﻪ ﻓﻴﻪ ﺍﻟﻨﺎﺭ ﻭﻣﺎﺣﻘﻴﻨﺎ ﺣﺪ ﻓﻲ ﺍﻟﻤﻜﺎﻥ ﻣﻊ ﺍﻷﺳﻒ ﻣﺎﻛﺎﻥ ﻋﻨﺪﻧﺎ ﺭﻗﻢ ﺣﺪ ﺑﺶ ﻧﻜﻠﻤﻮﻩ ...
ﺭﻗﻴﻪ : ﻗﺒﻞ ﻧﻄﻠﻌﻮﺍ ﺑﺮﻣﻨﺎ ﻉ ﻛﻞ ﺷﻲ ﻭﻧﻮﺭﺍﻥ ﻛﺎﻧﺖ ﻣﻌﺎﻧﺎ ﻣﺘﺄﻛﺪﻳﻦ ﺍﻥ ﺍﻟﻠﻲ ﺻﺎﺭ ﻣﺶ ﺣﺎﺩﺙ ﻋﺮﺿﻲ ﻫﻀﺎ ﺑﻔﻌﻞ ﻓﺎﻋﻞ ..
ﺍﻟﺮﺍﺟﻞ : ﺣﻜﻴﺘﻮﺍ ﻣﻊ ﺍﻟﺸﺮﻃﻪ ..
ﺩﺍﻟﻴﺎ : ﺗﻮ ﻧﺘﺼﻞ ﺑﻴﻬﻢ .. ﻣﺸﺖ ﻉ ﺗﺮﻛﻴﻨﻪ ﺑﺘﺘﺼﻞ ...
ﺻﻔﺎﺀ ﺗﺸﺒﺢ ﻟﻨﻮﺭﺍﻥ ﺑﺨﻮﻑ : ﻧﺎﻧﻲ .. ﺣﺒﻴﺒﺘﻲ ..
ﻧﻮﺭﺍﻥ : ﺭﺍﺡ ﺭﻣﺎﺩ ..
ﺻﻔﺎﺀ ﺩﻣﻮﻋﻬﺎ ﻧﺰﻟﻮﺍ ...
ﻧﻮﺭﺍﻥ : ﻛﻞ ﺷﻲ ﻋﺪﺍ ... ﺷﻐﻠﻨﺎ ﻭﺗﻌﺒﻨﺎ ﻭﺍﻟﻨﺎﺱ ﺍﻟﻠﻲ ﺗﺮﺟﻰ ﻓﻴﻨﺎ ...
ﺗﺼﺎﻣﻴﻤﻲ ﺧﻠﻴﺘﻬﻦ ﺟﻮﺍ ﺍﻟﺒﺎﺭﺡ ... ﻛﻠﻪ ﻋﺪﺍ ... ﻛﻠﻪ ..
ﺻﻔﺎﺀ ﺷﺪﺗﻬﺎ : ﻧﻮﺭﺍﻥ ﻳﺎﻗﻠﺒﻲ ﻳﺘﻌﻮﺽ ﻭﺍﻟﻠﻪ ..
ﻧﻮﺭﺍﻥ ﺷﺒﺤﺘﻠﻬﺎ : ﻣﺮﺗﺒﺘﺎﻛﻦ ﺣﻴﻮﺻﻠﻦ ﻛﻞ ﺷﻬﺮ .. ﻋﺪﻥ ﺭﻭﺣﻦ ..
ﺻﻔﺎﺀ : ﺷﻦ ﺗﺤﻜﻲ ﺍﻧﺘﻲ ؟ !!
ﻧﻮﺭﺍﻥ ﻋﻴﻮﻧﻬﺎ ﺑﺪﻭﺍ ﻳﺘﺼﻜﺮﻭﺍ ..
ﺻﻔﺎﺀ : ﻳﺎﺑﻨﺎﺕ ﺗﻌﺎﻟﻦ ..
ﺍﻟﺮﺍﺟﻞ : ﻧﺸﻴﻠﻮﻫﺎ ﻟﻠﻤﺴﺘﺸﻔﻰ ..
ﺭﻗﻴﻪ : ﻻ ﻳﺎﺧﻮﻳﺎ .. ﺑﺲ ﺍﻓﺘﺤﻠﻨﺎ ﺣﻮﺷﻚ ﻳﺮﺣﻢ ﺑﻴﻚ ﺩﻗﺎﻳﻖ ..
ﺻﻔﺎﺀ : ﻧﺎﻧﻲ .. ﻧﻮﺭﺍﻥ ..
ﻧﻮﺭﺍﻥ ﺗﻔﺘﺢ ﻓﻌﻴﻮﻧﻬﺎ ﻭﺗﺼﻜﺮ ..
ﺍﻟﺮﺍﺟﻞ ﻣﺸﻲ ﻳﺠﺮﻱ ﻟﺤﻮﺷﻪ ﻓﺘﺤﻪ .. ﻭﺍﻟﺒﻨﺎﺕ ﺭﻓﻌﻮﻫﺎ .. ﺟﺘﻬﻢ ﺩﺍﻟﻴﺎ : ﻧﺎﻧﻲ ﻳﺎﻗﻠﺒﻲ .. ﻳﺘﻌﻮﺽ ﻳﺎﺭﻭﺣﻲ ..
ﺩﺧﻠﻮﻫﺎ ﻟﺤﻮﺵ ﺍﻟﺮﺍﺟﻞ ﻭﻛﺎﻧﺖ ﻣﻌﺎﻫﻢ ﻣﺮﺗﻪ .. ﻋﻄﻮﻫﺎ ﺟﺮﻋﻪ ﺗﺼﺤﻴﺤﻴﻪ ﺑﻌﺪ ﻟﻘﻮﺍ ﺳﻜﺮﻫﺎ ﺭﺍﻗﻲ ... ﻭﻧﻮﺭﺍﻥ ﻛﺎﻧﺖ ﻓﺎﻳﻘﻪ ﺑﺲ ﺗﺒﻜﻲ ..
ﺩﺍﻟﻴﺎ ﺑﺒﻜﻲ : ﻳﺎﺭﻭﺣﻲ ﺣﻜﻴﺖ ﻣﻊ ﺍﻟﺸﺮﻃﻪ ﺟﺎﻳﻴﻦ ﺗﻮ ...
ﺻﻔﺎﺀ : ﺍﻟﺰﺑﺎﻳﻦ ﺍﻧﺎ ﺗﻮﻧﺤﻜﻲ ﻣﻌﺎﻫﻦ ...
ﻧﻮﺭﺍﻥ ﺑﻨﺒﺮﺓ ﺑﺎﻛﻴﻪ : ﺵ ﺗﺤﻜﻲ .. ﺍﻫﺎ ... ﺭﺍﺣﻦ ﻋﻠﻴﻬﻦ ﻓﻠﻮﺳﻬﻦ ﻭﻓﻲ ﻣﻨﻬﻦ ﻋﺎﺑﻴﻦ ﻋﻠﻴﻨﺎ ﻓﻲ ﻣﻨﺎﺳﺒﺎﺗﻬﻦ .. ﻛﻢ ﻭﺣﺪﻩ ﻳﺎﺻﻔﺎﺀ 25 ﻣﺮﺍﺓ .. ﻣﻦ ﺍﻟﻠﻲ ﺑﻴﻌﺬﺭﻧﺎ !!
ﺩﺍﻟﻴﺎ : ﻳﻌﺬﺭﻭﺍ ﻏﺼﺐ ﻋﻨﻬﻢ ﺍﻟﻠﻲ ﺻﺎﺭ ﻣﺶ ﺑﺈﻳﺪﻳﻨﺎ ..
ﺻﻔﺎﺀ : ﺍﻫﺎ .. ﻳﺠﻮﺍ ﻭﻳﺤﻘﻮﺍ ﺍﻟﻤﻜﺎﻥ ..
ﻧﻮﺭﺍﻥ ﺑﺒﻜﻲ : ﺑﺎﻫﻲ .. ﻟﻮﻋﺬﺭﻭﻧﺎ .. ﻣﺶ ﺣﻴﻌﺪﻭﺍ ﻟﻐﻴﺮﻧﺎ .. ﻣﺶ ﺣﻨﺨﺴﺮﻭﻫﻢ ﺧﻼﺹ .. ﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ ... ﻧﺎﺿﺖ ﺑﻌﺪﻳﻦ ...
ﺻﻔﺎﺀ : ﻭﻳﻦ ..
ﻧﻮﺭﺍﻥ : ﺑﻨﺮﻭﺡ .. ﻭﻣﺸﺖ ﻃﻠﻌﺖ ..
ﺻﻔﺎﺀ ﺷﺒﺤﺖ ﻟﻠﻤﺮﺍﺓ : ﺳﺎﻣﺤﻴﻨﺎ ..
ﺍﻟﻤﺮﺍﺓ : ﻻﻳﺎﺑﻨﺘﻲ ﺷﺘﻘﻮﻟﻲ .. ﺭﺑﻲ ﻳﻔﺮﺝ ﻋﻠﻴﻜﻦ ﻭﻳﻌﻮﺿﻜﻦ ﺧﻴﺮ ..
ﺻﻔﺎﺀ : ﺁﺍﺍﺍﻣﻴﻦ ﻳﺎﺍﺍﺭﺏ ... ﺗﺴﻠﻤﻲ ...
ﻃﻠﻌﻮﺍ ﺍﻟﺘﻼﺗﻪ ...
ﻟﻘﻮﺍ ﻧﻮﺭﺍﻥ ﺭﻛﺒﺖ ﺳﻴﺎﺭﺗﻬﺎ ﻭﻣﺸﺖ ...
ﺷﻮﻳﻪ ﻭﺟﻮ ﺑﺎﻗﻲ ﺍﻟﺒﻨﺎﺕ ﺍﻟﻠﻲ ﺍﻧﺼﺪﻣﻮﺍ ﻟﻤﺎ ﺷﺎﻓﻮﺍ ﺍﻟﻠﻲ ﺻﺎﺭ ..
ﺑﻌﺪﻫﺎ ﻭﺻﻠﺖ ﺍﻟﺸﺮﻃﻪ ... ﺗﻔﺤﺼﺖ ﺍﻟﻤﻜﺎﻥ ﻛﻠﻬﺎ ﻭﺳﺄﻟﻮﺍ ﺃﺳﺌﻠﻪ ﻷﻫﺎﻟﻲ ﺍﻟﻤﻨﻄﻘﻪ ﺍﻟﻠﻲ ﺷﺎﻓﻮﺍ ﺍﻟﺤﺮﻳﻖ .. ﻭﺑﻨﺎﺕ ﺍﻟﻤﺸﻐﻞ ..
ﻭﺍﻟﻨﺘﻴﺠﻪ ﺍﻟﻤﺒﺪﺋﻴﻪ ﺍﻟﻠﻲ ﻭﺻﻠﻮﻟﻬﺎ ﺍﻥ ﺍﻟﺤﺮﻳﻖ ﺑﻔﻌﻞ ﻓﺎﻋﻞ ..
🍁🍁🍁
ﺑﻌﺪ ﺍﻟﻌﺼﺮ ..
ﺍﻟﻤﻄﺮ ﺗﺼﺐ ..
ﺭﻳﻬﺎﻡ ﻛﺎﻧﺖ ﺍﺩﻭﺭ ﻓﻲ ﻣﻜﺎﻧﻬﺎ ﻓﻲ ﺍﻟﺼﺎﻟﻪ ..
ﺧﺶ ﺷﻬﺎﺏ : ﻣﺮﺣﺒﺎ ..
ﺭﻳﻬﺎﻡ ﺍﻟﺘﻔﺘﺖ : ﺭﺍﺩ ﺑﺮﻭﺣﻚ؟
ﺷﻬﺎﺏ ﺑﺈﺳﺘﻐﺮﺍﺏ : ﺍﻫﺎ ..
ﺭﻳﻬﺎﻡ : ﻛﻴﻒ ﻧﻮﺭﺍﻥ ﻭﻳﻦ؟
ﺷﻬﺎﺏ : ﺍﻛﻴﺪ ﻓﻲ ﺍﻟﻤﺸﻐﻞ ..
ﺭﻳﻬﺎﻡ : ﺍﻟﻴﻮﻡ ﻗﺎﻟﺘﻠﻲ ﺍﻧﻬﺎ ﺣﺘﺮﺩ ﻉ ﺍﻟﻐﺪﺍ ... ﺭﻧﻴﺖ ﻋﻠﻴﺎ ﻳﻌﻄﻲ ﻓﻴﺎ ﻣﻘﻔﻞ .. ﺍﺗﺼﻠﺖ ﻉ ﺭﻗﻢ ﺍﻟﻤﺸﻐﻞ .. ﻗﻌﺪ ﻳﻔﺼﻞ ﻋﻠﻴﺎ .. ﺣﻜﻴﺖ ﻣﻊ ﺍﻟﻤﺴﺘﺸﻔﻰ ﻗﺎﻟﻮﺍ ﻣﺎﺟﺘﺶ ..
ﺷﻬﺎﺏ ﺧﺎﻑ : ﻭﻳﻦ ﻋﺪﺕ؟؟ !!
ﺭﻳﻬﺎﻡ : ﻳﺎﺍﺍﺭﺑﻲ ..
ﺷﻬﺎﺏ ﻃﻠﻊ ﻷﻛﺮﻡ : ﺍﻛﺮﺭﺭﺭﻡ .... ﻗﻌﺪ ﻳﺸﺒﺢ ﻟﻠﻤﻄﺮ ﺍﻟﻠﻲ ﺗﺼﺐ ﺑﻘﻮﺓ ﻳﻔﻜﺮ ﻭﻳﻦ ﻣﻤﻜﻦ ﺗﻜﻮﻥ ﻣﺸﺖ ... ﻭﻻ ﺧﺒﺮﺕ ﻭﻗﺎﻟﺖ ..
ﻃﻠﻊ ﺍﻛﺮﻡ ﻣﻦ ﺍﻟﻤﻠﺤﻖ ﻭﺟﺎﻩ ﺑﺴﺮﻋﻪ ..
ﺍﻛﺮﻡ : ﻛﻨﻚ ..
ﺷﻬﺎﺏ : ﻧﻮﺭﺍﻥ ﻣﺨﺘﻔﻴﻪ ..
ﺍﻛﺮﻡ : ﻛﻴﻒ ﻣﺨﺘﻔﻴﻪ؟ !!
ﺷﻬﺎﺏ : ﻗﺎﻟﺖ ﻟﺮﻳﻬﺎﻡ ﺍﻧﻬﺎ ﺣﺘﺮﺩ ﻉ ﺍﻟﻐﺪﺍ .. ﻭﻟﻤﺎ ﺗﺄﺧﺮﺕ ﺭﻧﺖ ﻋﻠﻴﻬﺎ ﺭﻗﻤﻬﺎ ﻣﻘﻔﻞ ﻭﻛﻠﻤﺖ ﺍﻟﻤﺸﻐﻞ ﺍﻟﺨﻂ ﻳﻔﺼﻞ .. ﻭﺣﻜﺖ ﻣﻊ ﺍﻟﻤﺴﺘﺸﻔﻰ ﺍﺧﺮﻯ ﻭﻗﺎﻟﻮﺍ ﺍﻧﻬﺎ ﻣﺎﺟﺘﺶ ..
ﺍﻛﺮﻡ ﻧﺰﻝ ﻃﻮﻝ ﻟﻠﺴﻴﺎﺭﻩ ..
ﺷﻬﺎﺏ ﻧﺰﻝ ﻭﺭﺍﻩ ﺭﻛﺒﻮﺍ ﻭﻣﺸﻮﺍ ...
ﺍﻛﺮﻡ : ﻛﻴﻒ ﺗﻌﺪﻱ ﻟﻤﻜﺎﻥ ﻭﻣﺎﺗﺨﺒﺮﺵ ...
ﺷﻬﺎﺏ : ﻭﺍﻧﺎ ﻫﻀﺎ ﺍﻟﻠﻲ ﻣﺨﻠﻴﻨﻲ ﻣﺴﺘﻐﺮﺏ ...
ﺍﻛﺮﻡ : ﺍﻓﻔﻔﻔﻔﻔﻒ ...
ﻭﺻﻠﻮﺍ ﻟﻠﻤﺸﻐﻞ ﻭﺍﻧﺼﺪﻣﻮﺍ ﺑﻘﻮﻩ ﺍﻟﻠﻲ ﺷﺎﻓﻮﻩ .. ﺍﻛﺮﻡ ﻗﺮﻳﺐ ﻣﺎﺕ ... ﻧﺰﻝ ﻃﻮﻝ ﻭﻗﻒ ﻗﺪﺍﻣﻪ ..
ﺍﻛﺮﻡ ﺑﺼﺪﻣﻪ : ﺷﻨﻮ .. ﻫﻀﺎ ... ﺍﻟﺒﻨﺖ .. ﻭﻳﻦ ..
ﺷﻬﺎﺏ ﻳﺸﺒﺢ ﺑﺼﺪﻣﻪ ...
ﺍﻟﺮﺍﺟﻞ ﻛﺎﻥ ﻣﺮﻭﺡ ﻣﻦ ﺍﻟﺠﺎﻣﻊ ﻭﺟﺎﻫﻢ ..
ﺍﻟﺮﺍﺟﻞ : ﺍﻧﺘﻢ ﺯﺑﺎﻳﻦ ﻫﻨﺎ ..
ﺍﻛﺮﻡ : ﺷﻦ ﺍﻟﻠﻲ ﺻﺎﺭ ﺑﺎﻟﻀﺒﻂ ..
ﺍﻟﺮﺍﺟﻞ : ﻗﺒﻞ ﺍﻟﻔﺠﺮ ﻟﻘﻴﻨﺎﻩ ﻣﺘﺸﻮﺷﻪ ﻓﻴﻪ ﺍﻟﻨﺎﺭ .. ﻭﺍﻟﻴﻮﻡ ﺍﻟﺼﺒﺢ ﻛﺎﻧﺖ ﻫﻨﺎ ﺻﺎﺣﺒﺘﻪ ﻭﺍﻟﺒﻨﺎﺕ ﺍﻟﻠﻲ ﻣﻌﺎﻫﺎ .. ﻣﺴﻜﻴﻨﻪ .. ﻣﺮﻳﻀﻪ ﺳﻜﺮ ﻃﻠﻌﺖ ﺗﻌﺒﺖ ﺷﻮﻱ ﻣﻦ ﺍﻟﺼﺪﻣﻪ ..
ﺍﻛﺮﻡ ؛ﻭﻳﻴﻴﻴﻦ ﻋﺪﺕ ..
ﺍﻟﺮﺍﺟﻞ : ﻭﺍﻟﻠﻪ ﻣﺎﻧﻌﻠﻢ ﻳﺎﺧﻮﻳﺎ ﺭﻛﺒﺖ ﺳﻴﺎﺭﺗﻬﺎ ﻭﻋﺪﺕ .. ﻭﺍﻟﺒﻨﺎﺕ ﺍﺍﻟﻲ ﻛﺎﻧﻦ ﻣﻌﺎﻫﻦ ﺗﻤﻦ ﻟﻌﻨﺪ ﺟﺖ ﺍﻟﺸﺮﻃﻪ ﻭﺑﻌﺪﻫﺎ ﺭﻭﺣﻮﺍ ...
ﺍﻛﺮﻡ ﺿﺮﺏ ﺑﻴﺪﻩ ﻉ ﺟﺒﻬﺘﻪ ﺍﻛﺜﺮ ﻣﻦ ﻣﺮﺓ ﺑﻘﻮﺓ ..
ﺍﻟﻤﻄﺮ ﺗﺼﺐ ﻋﻠﻴﻬﻢ ﻭﻫﻤﺎ ﻳﻘﻄﺮﻭﺍ ..
ﺍﻛﺮﻡ ﻣﺸﻲ ﻃﻮﻝ ﻟﻠﺴﻴﺎﺭﺓ ﻭﻣﻌﺎﻩ ﺷﻬﺎﺏ .. ﻭﻣﺸﻮﺍ ﻳﺪﻭﺭﻭﺍ ﻋﻠﻴﻬﺎ ﻓﻲ ﺍﻟﻤﺴﺘﺸﻔﻴﺎﺕ ...
****
ﺑﻌﺪ ﺍﻟﻤﻐﺮﺏ ..
ﺭﻭﺡ ﻛﻤﺎﻝ ﻟﻠﻔﻴﻼ .. ﻭﻛﺎﻧﺖ ﺍﻟﻤﻄﺮ ﻭﺍﻗﻔﻪ .. ﻭﻫﻮ ﻧﺎﺯﻝ ﺷﺎﻑ ﺍﻛﺮﻡ ﻗﺪﺍﻡ ﺍﻟﻔﻴﻼ ﻳﺒﺎﻥ ﻣﻌﺼﺐ ﻭﻳﻜﺸﺦ .. ﺍﺳﺘﻐﺮﺏ ﻣﺸﺎﻟﻪ ..
ﻛﻤﺎﻝ : ﺧﻴﺮ ﺷﻦ ﻓﻲ ..
ﺍﻟﺤﺮﺍﺳﺎﺕ ﺷﺒﺤﻮﻟﻪ ﻭﺍﻛﺮﻡ ﻣﺸﻲ ﺑﻌﻴﺪ ﺷﻮﻱ ﻭﻫﻮ ﻣﻌﺼﺐ ﻟﻴﻦ ﺧﻼﺹ ...
ﻉ ﻃﻠﻌﺖ ﺷﻬﺎﺏ ..
ﻛﻤﺎﻝ ﺑﺨﻮﻑ : ﺷﻦ ﻓﻲ ؟ !!
ﺷﻬﺎﺏ ﺑﻀﻴﻖ ﺷﺪﻳﺪ : ﻧﻮﺭﺍﻥ ﻣﺨﺘﻔﻴﻪ ..
ﻛﻤﺎﻝ ﺑﺪﻭﻥ ﻭﻋﻲ ﺷﺪﻩ ﻣﻦ ﻛﺒﻮﻃﻪ : ﻛﻴﻒ ﻣﺨﺘﻔﻴﻪ ﻳﺎﺭﺍﺟﻠﻬﺎ ...
ﺍﻛﺮﻡ ﺍﻟﺘﻔﺖ ﻗﻌﺪ ﻳﺸﺒﺤﻠﻬﺎ ..
ﺷﻬﺎﺏ ﺑﺼﺪﻣﻪ : ﻗﻠﺒﺖ ﺍﻟﺪﻧﻴﺎ ﻋﻠﻴﻬﺎ ..
ﻧﻔﻀﻪ ﻛﻤﺎﻝ : ﺷﻦ ﻫﺎﻟﺒﺮﻭﺩ ﺍﻟﻠﻲ ﺍﻧﺖ ﻓﻴﻪ .. ﺗﻲ ﻟﻮ ﻣﺎﻛﺎﻧﺘﺶ ﻣﺮﺗﻚ ﺭﺍﻫﻲ ﺑﻨﺖ ﻋﻤﻚ ..
ﺍﻛﺮﻡ ﺟﺎﻫﻢ : ﺑﺮﻣﻨﺎ ﺑﻨﻐﺎﺯﻱ ﻛﻠﻬﺎ ﻳﺎﻛﻤﺎﻝ
ﻛﻤﺎﻝ ﻫﺰ ﺭﺍﺳﻪ ﺑﺎﻟﻨﻔﻲ ﻭﻫﻮ ﻣﻌﺼﺐ ﻭﻟﻒ ﻭﻣﺸﻲ ﻟﺴﻴﺎﺭﺗﻪ ﺭﻛﺒﻬﺎ ﻭﻃﺎﺭﺑﻴﻬﺎ ...
ﺷﻬﺎﺏ : ؛ﺑﻴﻔﻬﻤﻨﻲ ﺍﻧﻪ ﺧﺎﻳﻒ ﻋﻠﻴﻬﺎ ﺍﻛﺜﺮ ﻣﻨﻲ؟ !!
ﺍﻛﺮﻡ ﻗﻌﺪ ﺳﺎﻛﺖ ﻭﻣﺎﻋﻠﻘﺶ ..
ﻫﻮ ﻛﺎﻥ ﺑﻴﻤﻮﺕ ﻣﻦ ﺧﻮﻓﻪ ﻋﻠﻴﻬﺎ .. ﻣﺶ ﻋﺎﺭﻑ ﻟﻴﺶ ﺧﻄﺮ ﻉ ﺑﺎﻟﻪ ﻣﻜﺎﻥ ﻭﺍﺣﺪﺑﺲ .. ﻃﻮﻝ ﺗﻮﺟﻬﻠﻪ ...
🍁🍁🍁
ﻛﺎﻧﺖ ﻓﻲ ﺳﻴﺎﺭﺗﻬﺎ ﻣﺘﻜﻴﻪ .. ﻗﺪﺍﻡ ﺍﻟﺒﺤﺮ ﻭﺍﻗﻔﻪ ..
ﻣﻐﻤﻀﻪ ﻋﻴﻮﻧﻬﺎ ﻭﺗﺮﺭﺩ :
ﺍﻟﻠﻬﻢ ﺻﻞ ﻋﻠﻲ ﻣﺤﻤﺪ ..
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ..
ﻛﺎﻧﺖ ﺣﺎﺿﻨﻪ ﻧﻔﺴﻬﺎ ﻭﺻﻘﻌﺎﻧﻪ ﺑﺮﻏﻢ ﺍﻥ ﻛﺎﻥ ﻋﻨﺪﻫﺎ ﺗﻜﻴﻴﻒ ﻓﺴﻴﺎﺭﺗﻬﺎ ﺑﺲ ﻣﺎﻓﺘﺤﺘﺎﺵ ..
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﺍﻟﻠﻲ ﺟﻨﺒﻬﺎ ﺭﻛﺐ ﻭﺻﻜﺮ ﺍﻟﺒﺎﺏ ..
ﻛﻤﺎﻝ : ﺻﺒﺢ ..
ﻓﺘﺤﺖ ﻋﻴﻮﻧﻬﺎ ﻭﺷﺒﺤﺘﻠﻪ : ﺗﻮﻗﻌﺘﻚ ﺍﻟﻮﺣﻴﺪ ﺍﻟﻠﻲ ﺗﻮﺻﻞ ﻗﺒﻞ ﺍﻟﻜﻞ ..
ﻛﻤﺎﻝ ﺍﺑﺘﺴﻢ : ﻳﺎﻣﺠﻨﻮﻧﻪ ﺷﻦ ﻣﻘﻌﺪﻙ ﻫﻨﻲ ﻓﺠﻮ ﺯﻱ ﻫﺬﺍ ﻭﻟﻬﺎﻟﻮﻗﺖ ..
ﻧﻮﺭﺍﻥ ﺑﻌﻴﻮﻥ ﻣﺪﻣﻌﻪ : ﺍﻧﺖ ﻣﺎﺗﻌﻠﻤﺶ ..
ﻛﻤﺎﻝ ﺿﻴﻖ ﻋﻴﻮﻧﻪ : ﺑﺸﻨﻲ؟
ﻧﻮﺭﺍﻥ ﺷﺒﺤﺖ ﺍﻟﻘﺪﺍﻡ : ﺍﻟﻤﺸﻐﻞ .. ﺍﻧﺤﺮﻕ ..
ﻛﻤﺎﻝ ﺑﺼﺪﻣﻪ : ﻛﻴﻒ ..
ﻧﻮﺭﺍﻥ ﺑﺒﻜﻲ : ﺍﻧﺤﺮﻗﺖ ﺭﻭﺣﻲ ﻣﻌﺎﻩ ..
ﻛﻤﺎﻝ ﺟﺎﻱ ﺑﻴﺸﺪ ﻳﺪﻫﺎ ﻟﻜﻦ ﺍﺫﻛﺮ ﺍﻧﻬﺎﻉ ﺫﻣﺔ ﺭﺍﺟﻞ : ﻣﺎﺗﻘﻮﻟﻴﺶ ﻫﻜﻲ ﺍﺭﺟﻮﻙ ... ﺗﻮﺍ ﺑﻨﺘﺼﻞ ﺑﻴﻬﻢ ﻧﻄﻤﻨﻬﻢ ﻭﻧﺮﻭﺣﻮﺍ ﻭﺑﻌﺪﻳﻦ ﻧﺤﻜﻮﺍ ..
ﺍﺗﺼﻞ ﻛﻤﺎﻝ ﺑﺄﻛﺮﻡ ﻃﻤﻨﻪ ﻭﺟﻲ ﺟﺮﻱ ﻋﻄﻲ ﻧﻮﺭﺍﻥ ﻉ ﺭﺍﺳﻬﺎ ﻟﻴﻦ ﺳﺪﺕ .. ﻛﻤﺎﻝ ﻣﺎﻗﺪﺭﺵ ﻳﻠﻮﻣﻪ ﻷﻧﻬﺎ ﺍﻣﺎﻧﻪ ﻓﺮﻗﺒﺘﻪ ..
ﻭﺣﺘﻰ ﺷﻬﺎﺏ ﻃﺎﺭﺗﻠﻪ ﻣﻨﻬﺎ ﻭﻋﻄﺎﻫﺎ ﺍﻟﻠﻲ ﻓﻴﻪ ﺍﻟﻨﺼﻴﺐ ﻭﻫﻲ ﺳﻜﺘﺖ ﻭﻣﺎﻗﺪﺭﺗﺶ ﺗﺮﺩ ﻋﻨﺪﻫﻢ ﺣﻖ ...
ﻟﻤﺎ ﺭﻭﺣﻮﺍ ..
ﻛﻤﺎﻝ : ﺑﺎﻟﻠﻪ ﻳﺎﺳﺎﺭﻩ ﺍﻟﺤﻘﻴﻬﺎ ﺑﺤﺎﺟﻪ ﺳﺨﻮﻧﻪ ﺗﺸﺮﺑﻬﺎ ..
ﺳﺎﺭﻩ : ﺣﺎﺿﺮ ..
ﻧﻮﺭﺍﻥ ﻛﺎﻧﺖ ﻓﻮﻕ ﻣﻊ ﺭﻳﻬﺎﻡ ﻓﻲ ﺩﺍﺭﻫﺎ ..
ﻟﻮﻃﺎ ..
ﻛﻤﺎﻝ : ﻣﻦ ﺍﻟﻠﻲ ﺩﺍﺭ ﻫﻜﻲ ... ﻭﻣﻦ ﻳﻘﺼﺪ ﺑﻌﻤﻠﺘﻪ ﻫﺎﺩﻱ ...
ﺍﻛﺮﻡ : ﻳﻘﺼﺪﻫﺎ ﻫﻲ ...
ﻛﻤﺎﻝ : ﻟﻴﺶ ﻫﻲ ﻣﻦ ﻋﻨﺪﻫﺎ ﺑﺶ ﻳﻌﺎﺩﻳﻬﺎ ﺑﺎﻟﺸﻜﻞ ﻫﺬﺍ ..
ﺷﻬﺎﺏ : ﻣﺮﺍﺕ ﻳﻘﺼﺪﻭﺍ ﺑﺎﺗﻲ ﻳﺎﺃﻛﺮﻡ .. ﻭﺍﻟﻠﻲ ﺩﺍﺭﻭﻩ ﻳﻜﻮﻥ ﺗﻬﺪﻳﺪ ..
ﺍﻛﺮﻡ : ﻟﻮ ﻗﺎﺻﺪﻳﻨﻪ .. ﻛﺎﻧﻮﺍ ﻫﺪﺩﻭﺍ ﺑﻴﻬﺎ ﺑﻄﺮﻳﻘﻪ ﺍﺧﺮﻯ . ﻣﺤﺎﻭﻟﺔ ﻗﺘﻞ ﻣﺜﻼ .. ﺧﻄﻒ .. ﺍﻱ ﺷﻲ ﻳﻤﺴﻬﺎ ﻫﻲ ﻣﺒﺎﺷﺮﺓ .. ﻟﻜﻦ ﺍﻟﻠﻲ ﺩﺍﺭ ﻫﻚ ﻳﻘﺼﺪﻫﺎ ﻫﻲ .. ﺷﺨﺺ ﻋﺎﺭﻑ ﺍﻥ ﺍﻟﻤﻜﺎﻥ ﻫﻀﺎ ﻏﺎﻟﻲ ﻋﻠﻴﻬﺎ .. ﻭﺣﺮﻗﻬﺎ ﺑﻴﻪ ... ﻟﻤﺎ ﺣﺮﻗﻪ ..
ﻛﻤﺎﻝ ﻗﻌﺪ ﻳﻔﻜﺮ ﻓﻜﻼﻣﻪ ..
ﻟﻜﻦ ﺷﻬﺎﺏ ﻣﺎﻓﻜﺮﺵ ﻃﻮﻝ ﺟﻲ ﻓﺒﺎﻟﻪ ﺷﺨﺺ ﻭﺍﺣﺪ ...
ﺟﻲ ﻓﺒﺎﻟﻪ ﻧﻈﺮﺍﺗﻬﺎ ﻟﻴﻬﻢ ﻳﻮﻡ ﺣﻔﻠﺔ ﺍﻟﻔﺎﺗﺤﻪ .. ﻟﻜﻦ ﻣﺎﺗﻮﻗﻌﺶ ﺗﻮﺻﻞ ﻟﻬﻨﻲ ﻭﻛﻴﻒ ﺍﺩﻳﺮﻫﺎ ﻭﺗﻜﻮﻥ ﺧﻄﻴﺮﻩ ﻟﻬﺎﻟﺪﺭﺟﻪ ﺑﺶ ﺩﻳﺮ ﺣﺎﺟﻪ ﺯﻱ ﻫﺎﺩﻱ ..
ﺍﻛﺮﻡ : ﻟﻮ ﻳﻄﻠﻊ ﻫﻮ ﻧﻔﺴﻪ ﺍﻟﻠﻲ ﻓﺒﺎﻟﻲ .. ﻭﺣﻖ ﻣﻦ ﺭﻓﻊ ﺍﻟﺴﻤﺎ ﻭﺑﺴﻂ ﺍﻷﺭﺽ .. ﻟﻨﻤﺮﻣﺪﻫﻢ ﻣﺮﻣﺪﺓ ﺍﻟﻜﻼﺏ ..
ﺷﻬﺎﺏ : ﻣﻨﺘﻮﻗﻌﺶ ﺗﻜﻮﻥ ﺣﻘﻴﺮﻩ ﻟﻬﺎﻟﺪﺭﺟﻪ ..
ﺍﻛﺮﻡ ﺿﺤﻚ ﺑﺘﻬﻜﻢ : ﺍﺣﻘﺮ ﻣﻦ ﻫﻚ ﺍﺧﺮﻯ ﻭﺍﻧﺖ ﺍﺩﺭﻯ ..
ﻛﻤﺎﻝ ﻓﻬﻢ ﻣﻦ ﻛﻼﻣﻬﻢ ﺍﻟﻠﻲ ﻳﻘﺼﺪﻭﻩ : ﻣﻌﻘﻮﻟﻪ ﺗﻮﺻﻞ ﺑﻴﻬﺎ ﻟﻬﻨﻲ ..
ﺍﻛﺮﻡ : ﻫﺎﺩﻱ ﻃﻴﻨﺘﻬﺎ ﻣﺴﺨﻪ ... ﻭﺍﻟﻠﻪ ﻟﻬﺎﻟﻠﺤﻈﻪ ﻣﺴﺘﻐﺮﺏ ﻛﻴﻒ ﻫﺬﻱ ﺑﻨﺖ ﺧﺎﻟﺘﻬﺎ ﺑﺲ ..
ﺍﻟﺜﻼﺗﻪ ﻗﻌﺪﻭﺍ ﺳﺎﻛﺘﻴﻦ ﻭﻛﻞ ﻭﺍﺣﺪ ﻣﻨﻬﻢ ﻳﻔﻜﺮ ﻛﻴﻒ ﺩﺍﺭﺗﻬﺎ ...
🍁🍁🍁
ﻟﻴﻠﺘﻬﺎ ﺭﻗﺪﺕ ﻧﻮﺭﺍﻥ ﻭﻫﻲ ﺗﺒﻜﻲ ﻭﻣﻨﻘﻬﺮﻩ ﻉ ﺍﻵﺧﺮ .. ﺍﺣﻠﻰ ﺷﻲ ﺣﻘﻘﺎﺗﻪ ﻓﻲ ﺣﻴﺎﺗﻬﺎ ﻭﻻ ﺭﻣﺎﺩ .. ﻣﺶ ﺑﺲ ﺷﻐﻠﻬﺎ ﺣﺘﻰ ﺫﻛﺮﻳﺎﺕ ﺗﻼﺕ ﺳﻨﻴﻦ ﻓﻴﻪ ﻣﺮﻭﺍ ... ﻣﻦ ﺃﻭﻝ ﻣﺎﻓﺘﺤﺎﺗﻪ ﻟﻬﺎﻟﻠﺤﻈﻪ ..
ﺣﻤﺪﺕ ﺭﺑﻲ ﺍﻟﻠﻲ ﻣﺎﺭﻓﻌﺘﺶ ﺑﺪﻟﺔ ﻛﻤﺎﻝ ﻹﻧﻬﺎ ﻛﺎﻧﺖ ﻧﺎﻭﻳﻪ ﺗﺮﻓﻌﻬﺎ ﻳﻮﻣﻬﺎ ...
🍃
ﺗﻘﺮﻳﺮ ﺍﻟﺨﺒﻴﺮ ﺍﺛﺒﺖ ﺍﻥ ﺍﻟﺤﺮﻳﻖ ﺑﻔﻌﻞ ﻓﺎﻋﻞ ﻭﻛﺎﻥ ﺑﺎﺳﺘﺨﺪﺍﻡ ﻣﺼﺪﺭ ﻹﺷﻌﺎﻝ ﺍﻟﻨﺎﺭ ... ﺑﺤﻴﺚ ﺍﻥ ﺍﻟﻔﺎﻋﻞ ﻭﻟﻊ ﺍﻟﻨﺎﺭ ﻓﻲ ﺍﻟﻤﺸﻐﻞ ﻓﻲ ﻭﺣﺪﻩ ﻣﻦ ﻗﻄﻊ ﺍﻷﻗﻤﺸﻪ .. ﻭﻣﻨﻬﺎ ﺍﻧﺘﺸﺮﺕ ﺍﻟﻨﺎﺭ ﻭﺍﻥ ﺍﻟﻠﻲ ﺩﺍﺭ ﻫﻜﻲ ﻛﺎﻥ ﻋﺎﺭﻑ ﺷﻦ ﻳﺪﻳﺮ ﻣﺎﺧﻼ ﺷﻲ ﻭﺭﺍﻩ ﻳﺒﻴﻦ ﻫﻮﻳﺘﻪ ..
ﻭﻟﻤﺎ ﺳﺄﻟﻮﺍ ﻧﻮﺭﺍﻥ ﻗﺎﻟﻮﺍ ﺍﻧﻬﺎ ﻣﺎﺗﺸﻚ ﻓﻲ ﺣﺪ ﻭﻫﺎﻟﺸﻲ ﻧﺮﻓﺰ .. ﻛﻤﺎﻝ ﻭﺍﻛﺮﻡ ﻭﺷﻬﺎﺏ ﻫﻠﺒﻪ
ﺣﺘﻰ ﺭﻳﻬﺎﻡ ﺍﻟﻠﻲ ﺳﺄﻟﺘﻬﺎ ﻋﻼﺵ ﻗﺎﻟﺖ ﻟﻠﺸﺮﻃﻪ ﻫﻜﻲ ﺑﺮﻏﻢ ﺍﻧﻬﺎ ﺣﺘﻰ ﻫﻴﺎ ﺷﺎﻛﻪ ﻓﻴﻬﺎ ..
ﻧﻮﺭﺍﻥ : ﺗﺒﻴﻨﻲ ﻧﻌﺰﻕ ﺑﻨﺖ ﺧﺎﻟﺘﻲ ﻓﻲ ﺍﻟﺴﺠﻦ ﻭﻧﺪﻳﺮﻟﻬﺎ ﻓﻀﻴﺤﻪ ..
ﺭﻳﻬﺎﻡ : ﺍﻧﺖ ﻣﺶ ﺣﺘﻔﺘﺮﻱ ﻋﻠﻴﻬﺎ ﻫﻲ ﺍﺭﺗﻜﺒﺖ ﺟﺮﻳﻤﻪ ﻭﻻﺯﻡ ﺍﺗﺤﺎﺳﺐ ﻋﻠﻴﻬﺎ .
ﻧﻮﺭﺍﻥ : ﻭﻳﻨﻪ ﺍﻟﺪﻟﻴﻞ .. ﻧﺪﻳﺮ ﺩﻭﺷﻪ ﻉ ﺍﻟﻔﺎﺿﻲ .. ﻭﻓﺎﻷﺧﻴﺮ ﺗﻄﻠﻊ ﺑﺮﻳﺌﻪ ..
ﺭﻳﻬﺎﻡ : ﻧﻮﺭﺍﻥ ﺍﻧﺘﻲ ﺍﻛﺜﺮ ﻭﺍﺣﺪﻩ ﻋﺎﺭﻓﻪ ﺍﻧﻬﺎ ﻣﺶ ﺑﺮﻳﺌﻪ ﻭﺍﻥ ﻫﻲ ﻭﺭﺍ ﺣﺮﻳﻖ ﺍﻟﻤﺸﻐﻞ ..
ﻧﻮﺭﺍﻥ ﺳﻜﺘﺖ ..
ﺭﻳﻬﺎﻡ : ﺳﻜﻮﺗﻚ ﻋﻨﻬﺎ ﺍﻛﺒﺮ ﻏﻠﻂ ..
ﻧﻮﺭﺍﻥ : ﺭﻳﻬﺎﻡ ﺣﺒﻴﺒﺘﻲ ﻟﻮ ﻛﺎﻧﺖ ﻫﻲ ﺩﺍﻳﺮﺗﻬﺎ ﺍﻧﺎ ﺣﻨﻮﻛﻞ ﻋﻠﻴﻬﺎ ﺍﻟﻠﻪ ﻳﺎﺧﺪ ﺣﻘﻲ ﻣﻨﻬﺎ ... ﻏﻴﺮ ﻫﻚ ﻣﺶ ﺣﻨﺪﻳﺮ ﺷﻲ ...
ﺭﻳﻬﺎﻡ ﺗﻨﻬﺪﺕ ﺑﻴﺄﺱ : ﻉ ﺭﺍﺣﺘﻚ ﻳﺎﻧﺎﻧﻲ .. ﻃﻠﻌﺖ ﻣﻦ ﺣﺪﺍﻫﺎ ..
ﻧﻮﺭﺍﻥ ﺑﻌﺪ ﻣﺎﻃﻠﻌﺖ ﺭﻳﻬﺎﻡ ﻭﺻﻜﺮﺕ ﺍﻟﺒﺎﺏ ﺷﺒﺤﺖ ﻟﺼﻮﺭﺓ ﺍﻣﻬﺎ ﻭﻗﻌﺪﺕ ﺗﺒﻜﻲ ﺑﻌﺪﻳﻦ ﻗﺎﻟﺖ : ﻣﺴﺘﺤﻴﻞ ﻧﻀﺮ ﺍﻱ ﺣﺪ ﻳﻌﻨﻴﻚ ﺣﺘﻰ ﻟﻮﺿﺮﻧﻲ ... ﺧﺪﺕ ﺍﻟﺼﻮﺭﺓ ﻭﺭﻗﺪﺕ ﻭﻫﻲ ﺣﺎﺿﻨﺘﻬﺎ ﻭﻗﻌﺪﺕ ﺗﺒﻜﻲ .. ﻭﺗﺼﻠﻲ ﻉ ﺍﻟﻨﺒﻲ ... ﻣﻌﺎﺵ ﻓﺎﺭﻕ ﻟﺴﺎﻧﻬﺎ ﺍﻟﺬﻛﺮ ﻫﺬﺍ ﻣﻦ ﻟﻤﺎ ﻓﺎﻗﺖ ﻣﻦ ﺍﻟﻐﻴﺒﻮﺑﻪ ..
ﻧﻤﺸﻮﺍ ﻟﺤﻮﺵ ﺟﺎﺭﻫﺎ ﺍﻟﻠﻲ ﻛﺎﻥ ﻭﺍﻗﻒ ﻓﺎﻟﺮﻭﺷﻦ ﻭﻳﺴﻤﻊ ﻓﺼﻮﺕ ﺷﻬﻘﺎﺗﻬﺎ ﻭﻗﻠﺒﻪ ﻗﺎﻋﺪ ﻳﺘﻘﻄﻊ ﻭﻣﺶ ﻣﺘﺤﻤﻞ ﺣﺎﻟﻬﺎ ﺍﻟﻠﻲ ﻟﻴﻬﺎ ﺃﻳﺎﻡ ﻋﻠﻴﻪ .. ﻭﻳﺒﻲ ﻳﺪﻳﺮ ﺃﻱ ﺷﻲ ﺑﺶ ﻳﻜﻔﻜﻒ ﻫﺎﻟﺪﻣﻮﻉ .. ﺍﻟﻠﻲ ﺩﻳﻤﺎ ﻭﻫﻲ ﺟﺎﺭﺣﻪ ﺧﺪﻭﺩﻫﺎ 💔...
***
ﺗﺎﻧﻲ ﻳﻮﻡ ..
ﻛﻨﺎﻧﻪ : ﺑﺼﻔﺘﻚ ﻣﻨﻮ ..
ﻣﻨﻴﺮ : ﻛﻨﺎﻧﻪ ﻣﺎﺗﺨﺘﺒﺮﻳﺶ ﺻﺒﺮﻱ ..
ﻛﻨﺎﻧﻪ : ﻭﺍﻟﻠﻪ !! ﻛﺎﻧﻚ ﻋﻠﻴﺎ ﺍﻧﻲ ﺍﻥ ﺷﺎﺀ ﺍﻟﻠﻪ ﺗﻨﺤﺮﻕ ..
ﻓﺮﻳﺤﻪ : ﻛﻨﺎﻧﻪ؟ !
ﻛﻨﺎﻧﻪ : ﺍﺭﺟﻮﻙ ﻳﺎﻣﺎﻣﺎ ﻣﺎﺗﺪﺧﻠﻴﺶ ... ﻭﺍﻧﺖ ﻳﺎﺭﻳﺖ ﺗﺸﺪ ﻟﻴﺒﻴﺎ ﻭﻣﻌﺎﺵ ﺗﺠﻲ ﻫﻨﻲ ﺑﻜﻞ ﻷﻧﻲ ﺑﺪﻳﺖ ﻧﻨﺨﻖ ﻣﻦ ﻫﻮﺍ ﺍﻧﻔﺎﺳﻚ ﻓﻴﻪ .. ﻭﺻﺪﻗﻨﻲ ﻟﻮ ﻗﻌﺪﺕ ﻣﺼﻜﺮ ﺭﺍﺳﻚ ﺣﻨﺼﺪﻣﻚ ﻫﻠﺒﻪ ﺑﺎﻟﻠﻲ ﻧﺪﻳﺮﻩ .. ﻭﻣﺸﺖ ﻟﺪﺍﺭﻫﺎ ﺑﻌﺪ ﻣﺎﻋﻄﺎﺗﻪ ﻧﻈﺮﻩ ﺯﻱ ﺍﻟﺴﻢ ..
ﻣﻨﻴﺮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ﻟﻒ ﻭﻃﻠﻊ ﻭﻫﻮ ﻣﺘﺠﺎﻫﻞ ﺗﻤﺎﻣﺎ ﻧﺪﺍﺀ ﻓﺮﻳﺤﻪ ﺍﻟﻤﺘﻮﺍﺻﻞ ﻟﻴﻪ ...
***
ﻭﺍﻗﻒ ﺍﻛﺮﻡ ﻓﻲ ﺍﻟﻤﻄﺎﺭ ﻳﺴﺘﻨﻰ ﻓﻲ ﺭﺿﻮﺍﻥ ...
ﺑﺎﻥ ﻋﻠﻴﻬﺎ ﻫﻮ ﻭﻫﺎﻣﺎﻥ ... ﻭﺻﻠﻮﺍ ﻓﻴﻪ ..
ﺍﻛﺮﻡ : ﺣﻤﺪ ﻟﻠﻪ ﻉ ﺳﻼﻣﺘﻜﻢ ..
ﺍﻟﺰﻭﺯ ﺭﺩﻭﺍ : ﺍﻟﻠﻪ ﻳﺴﻠﻤﻚ ..
ﻣﺸﻮﺍ ﻣﻊ ﺑﻌﺾ ..
ﺭﺿﻮﺍﻥ ﺷﺒﺤﻠﻪ : ﺍﻻﻣﻮﺭ ﺗﻤﺎﻡ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ..
ﺭﻛﺒﻪ ﺍﻟﺴﻴﺎﺭﻩ .. ﻭﺭﻛﺐ ﺟﻨﺒﻪ ﻫﺎﻣﺎﻥ .. ﻭﺭﻛﺐ ﺍﻛﺮﻡ ﻣﻦ ﺍﻟﻘﺪﺍﻡ ﺟﻨﺐ ﺍﻟﺴﻮﺍﻕ ﻭﺗﺤﺮﻛﻮﺍ ...
ﻭﺻﻠﻮﺍ ﻫﺎﻣﺎﻥ ﻟﺤﻮﺷﻪ ﻭﻛﻤﻠﻮﺍ ﻃﺮﻳﻘﻬﻢ ..
ﺭﺿﻮﺍﻥ : ﺍﻟﺠﻤﺎﻋﻪ ﻣﺒﺴﻮﻃﻴﻦ ﻣﻨﻚ ﻳﺎﺃﻛﺮﻡ ..
ﺍﻛﺮﻡ : ﺍﻫﻢ ﺷﻲ ﻋﻨﺪﻱ ﻧﻜﻮﻥ ﻋﻨﺪ ﺣﺴﻦ ﻇﻨﻚ ﻭﻇﻨﻬﻢ ...
ﺭﺿﻮﺍﻥ ﺍﺑﺘﺴﻢ ﻭﻫﻮ ﻳﻬﺰ ﻓﺮﺍﺳﻪ ﺑﺈﻳﺠﺎﺏ ..
ﻭﺻﻠﻮﺍ ﺍﻟﻔﻴﻼ ...
ﻟﻘﻲ ﺭﻳﻬﺎﻡ ﻓﻲ ﺍﺳﺘﻘﺒﺎﻟﻪ ...
ﻧﺰﻟﺖ ﺗﺠﺮﻱ ﺣﻀﻨﺎﺗﻪ ..
ﺭﻳﻬﺎﻡ : ﺗﻮﺣﺸﺘﻚ ﻭﺍﺟﺪ ..
ﺭﺿﻮﺍﻥ : ﺍﻧﺎ ﺍﻛﺜﺮ ﻳﺎﻗﻠﺒﻲ ..
ﺳﺎﺭﺓ ﻛﺎﻧﺖ ﺗﻨﻈﻒ ﻓﻲ ﻣﺤﺎﺑﺲ ﺍﻟﻐﺮﺱ ﻭﺗﺸﻮﻑ ﻟﺮﻳﻬﺎﻡ ﻭﺭﺿﻮﺍﻥ ﻭﺗﻀﺤﻚ ﺑﻜﺘﻤﺎﻥ ..
ﺭﻛﺒﻮﺍ ﻭﺭﻳﻬﺎﻡ ﺷﺒﺤﺖ ﻟﺴﺎﺭﺓ ﻭﺳﺎﺭﻩ ﺷﺒﺤﺘﻠﻬﺎ ﺍﺑﺘﺴﻤﻮﺍ ﻟﺒﻌﺾ .. ﻭﺧﺸﺖ ﺭﻳﻬﺎﻡ ﻣﻊ ﺭﺍﺟﻠﻬﺎ ..
ﺍﻛﺮﻡ ﻻﺣﻆ ﻭﺍﺳﺘﻐﺮﺏ ﺷﺒﺢ ﻟﺴﺎﺭﻩ ﻭﻗﺪﻣﻠﻬﺎ : ﺷﻦ ﺻﺎﻳﺮ ﻣﻦ ﻭﺭﺍﻳﺎ .
ﺳﺎﺭﺓ ﺑﻀﺤﻜﻪ : ﺷﻦ؟؟
ﺍﻛﺮﻡ : ﺍﻧﺎ ﺍﻟﻠﻲ ﻧﺴﺄﻝ .. ﺷﻦ ﻟﻤﻜﻦ ﻉ ﺑﻌﻀﻜﻦ ﻭﺍﺑﺘﺴﺎﻣﺎﺕ ﻭﺟﻮ ﻧﺰﻳﻚ ..
ﺳﺎﺭﺓ ﻗﺮﺑﺖ ﻟﻮﺫﻧﻪ ﻭﻗﺎﻟﺖ : ﺍﺗﻔﻘﻨﺎ ﺍﻧﺎ ﻭﻫﻲ ﻓﻲ ﻟﻴﻠﻪ ﻧﺘﻼﻗﻮﺍ ﻉ ﺭﺿﻮﺍﻥ ﻧﻘﺘﻠﻮﻩ ... ﻭﻧﺠﻮﺯﻭﻙ ﺍﺣﻨﺎ ﺍﻹﺛﻨﻴﻦ .. ﻭﻧﻘﺴﻤﻮﻙ ﺑﻴﻨﺎﺗﻨﺎ ..
ﺍﻛﺮﻡ ﻣﻴﻞ ﺭﺍﺳﻪ ﻭﻗﻌﺪﻳﺸﺒﺢ ﻟﻌﻴﻮﻧﻬﺎ ﺑﻨﻈﺮﺓ ﺩﻳﻤﺎ ﺗﺮﺑﻚ ﻓﻴﻬﺎ : ﺗﺤﻤﻠﻲ ﺗﺸﺎﺭﻛﻚ ﻓﻴﺎ؟ .
ﺳﺎﺭﻩ ﻗﻌﺪﺕ ﺗﺸﺒﺢ ﻟﻤﻼﻣﺤﻪ ﻭﺭﻛﺰﺕ ﻋﻌﻴﻮﻧﻪ ﻭﻳﻦ ﻳﺸﺒﺤﻮﺍ .. ﻭﺧﺮﺕ : ﻋﻨﺪ ﻋﻠﻢ ﺍﻧﻚ ﻃﻠﻌﺖ ﻭﺍﺣﺪ ﺳﺨﻴﻒ ﻭﺍﺟﺪ
ﺍﻛﺮﻡ : ﻫﻬﻬﻬﻬﻬﻪ .. ﻣﺎﺣﻘﻴﺘﻲ ﺷﻲ ﻣﻨﻬﺎ ﺍﻟﺴﺨﺎﻓﻪ ﺍﻟﻠﻲ ﺑﺎﻟﻚ
ﺳﺎﺭﻩ ﺣﺪﻓﺖ ﻋﻠﻴﻪ ﻋﺸﺒﻪ ﻛﺎﻧﺖ ﻣﺤﻮﻟﺘﻬﺎ ﻣﻦ ﺑﻴﻦ ﺍﻟﻐﺮﺱ .. ﻭﻣﺸﺖ ﺗﺠﺮﻱ ﻭﻫﻲ ﺑﺘﻤﻮﺕ ﻣﻨﻪ ﻭﻣﻦ ﻛﻼﻣﻪ ..
ﺍﻣﺎ ﻫﻮ ﺍﺑﺘﺴﻢ ﺑﺮﻓﻌﻪ ﺣﻮﺍﺟﺐ ﻣﺴﺢ ﻉ ﻟﺤﻴﺘﻪ ﻭﺗﻨﺤﻨﺢ ... ﻭﻭﻻ ﻟﻌﻤﻠﻪ
***
ﻓﻲ ﺍﻟﻠﻴﻞ ..
ﺭﺿﻮﺍﻥ : ﻛﻴﻒ؟؟؟
ﺭﻳﻬﺎﻡ : ﻫﻀﺎ ﺍﻟﻠﻲ ﺻﺎﺭ ﻭﻣﻦ ﻳﻮﻣﻬﺎﻭﻫﻲ ﺣﺎﺑﺴﻪ ﺭﻭﺣﻬﺎ ﻓﻲ ﺍﻟﺪﺍﺭ ...
ﺭﺿﻮﺍﻥ ﻗﻌﺪ ﻳﻔﻜﺮ ..
ﺭﻳﻬﺎﻡ : ﺍﻟﺸﺮﻃﻪ ﺃﻛﺪﺕ ﺍﻧﻪ ﺑﻔﻌﻞ ﻓﺎﻋﻞ ..
ﺭﺿﻮﺍﻥ : ﻭﺍﻧﺎ ﻋﺎﺭﻓﻪ ﻣﻦ ..
ﺭﻳﻬﺎﻡ : ﻛﻠﻨﺎ ﻋﺎﺭﻓﻴﻨﻪ ﻣﻦ .. ﻭﺑﺮﺿﻮ ﻫﻲ ﻋﺎﺭﻓﻪ ﺑﺲ ﻣﺎﺑﺘﺶ ﺗﺸﻜﻲ ..
ﺭﺿﻮﺍﻥ : ﻋﺎﺭﻓﻪ .. ﻣﺴﺘﺤﻴﻞ ﺗﺸﻜﻲ .. ﺑﺲ ﺍﻧﺎ ﻟﻴﺎ ﻃﺮﻳﻘﺘﻲ ﺍﻟﻠﻲ ﻧﺄﺩﺏ ﺑﻴﻬﺎ ﺍﻷﺷﻜﺎﻝ ﻫﺬﻱ ..
ﺭﻳﻬﺎﻡ : ﻳﺎﺭﻳﺖ ﺣﺒﻴﺒﻲ ﺗﺄﺩﺑﻬﺎ ﺍﻟﺤﻘﻴﺮﻩ ﻫﺬﻱ ..
ﺭﺿﻮﺍﻥ ﻫﺰ ﺭﺍﺳﻪ ﺑﺈﻳﺠﺎﺏ ...
***
ﻛﻤﺎﻝ ﻛﺎﻥ ﻓﻲ ﺷﻘﺘﻪ ﻣﺸﻐﻮﻝ ﺭﻥ ﺗﻠﻴﻔﻮﻧﻪ .. ﻟﻘﺎﻩ ﺍﻛﺮﻡ ﻳﺘﺼﻞ ..
ﻛﻤﺎﻝ : ﻫﺎﻩ ﻳﺎﻃﻴﺮﻱ ..
ﺍﻛﺮﻡ ﺑﺼﻮﺕ ﻣﺘﻌﺐ : ﻛﻤﺎﻝ ﺗﻌﺎﻝ ..
ﻛﻤﺎﻝ ﺍﺳﺘﻐﺮﺏ ﺻﻮﺗﻪ : ﺧﻴﺮﻩ ﺻﻮﺗﻚ ..
ﺍﻛﺮﻡ : ﺗﻌﺎﻝ ﺗﻮ ﺗﻔﻬﻢ .. ﻭﻣﺎﺩﻳﺮﺵ ﺣﺲ ..
ﻛﻤﺎﻝ ﻧﺎﺽ : ﺑﺎﻫﻲ ﺑﺎﻩ .. ﺻﻜﺮ .. ﻭﺧﺪﻱ ﺍﻟﻤﻔﺘﺎﺡ .. ﻭﻟﺒﺲ ﺍﻟﻜﺒﻮﻁ ﻉ ﺍﻟﺘﻮﺗﻪ ﻭﻃﻠﻊ ...
ﻃﻠﻊ ﻣﻦ ﺍﻟﻔﻴﻼ ﻭﺗﻮﺟﻪ ﻟﻠﻔﻴﻼ ﺍﻟﺘﺎﻧﻴﻪ ﺑﻬﺪﻭﺀ ...
ﻛﺎﻧﺖ ﺍﻟﺪﻧﻴﺎ ﻫﺎﺩﻳﻪ ... ﺷﺎﻑ ﺍﻟﺴﺎﻋﻪ ﻛﺎﻧﺖ ...12 ﻣﺸﻲ ﻟﻠﻤﻠﺤﻖ ﻃﻖ .. ﺷﻮﻳﻪ ﻭﺍﻧﻔﺘﺢ ...
ﺍﻧﺼﺪﻡ ﻛﻤﺎﻝ ﻟﻤﺎ ﺷﺎﻑ ﺍﻛﺮﻡ ﺷﺎﺩ ﺟﻨﺒﻪ ﺑﻘﻄﻌﺔ ﺷﺎﺵ ﻛﺒﻴﺮﻩ ﻛﻠﻬﺎ ﺩﻡ ..
ﺻﻜﺮ ﺍﻟﺒﺎﺏ ﻭﺳﺄﻟﻪ : ﺍﻛﺮﻡ ﻫﺬﺍ ﺷﻨﻮ؟
ﺍﻛﺮﻡ : ﻣﺶ ﻭﻗﺖ ﺍﺳﺌﻠﻪ .. ﻋﻨﺪﻙ ﺷﻨﻄﺔ ﺍﻹﺳﻌﺎﻓﺎﺕ ﻫﺬﻳﻚ ﺗﺼﺮﻑ ..
ﺣﻮﻝ ﺍﻛﺮﻡ ﺍﻟﺸﺎﺵ .. ﺯﺍﺩ ﺍﻧﺼﺪﻡ ﻛﻤﺎﻝ .. ﺑﺲ ﺗﺼﺮﻑ ﺑﺴﺮﻋﻪ ﻭﻣﺎﺑﺎﺵ ﻳﺴﺄﻟﻪ ﻋﻦ ﺷﻲ ﺇﻻ ﺑﻌﺪ ﻣﺎﻳﻜﻤﻞ .. ﻧﻈﻔﻠﻪ ﺍﻟﺠﺮﺡ ﻭﺧﻴﻄﻪ ... ﻭﺣﻂ ﻋﻠﻴﻪ ﻟﺼﻘﺔ ﺟﺮﺡ ﻭﻟﻒ ﺷﺎﺵ ﺣﻮﺍﻟﻴﻦ ﻭﺳﻄﻪ ...
ﺑﻌﺪ ﻛﻤﻞ : ﺍﻧﺖ ﺧﺸﻴﺖ ﻋﺮﻛﻪ ﻭﻻﺷﻨﻮ ﺑﺎﻟﺰﺑﻂ ..
ﺍﻛﺮﻡ ﺑﻨﺒﺮﺓ ﺃﻟﻢ : ﺍﻫﺎ ... ﺻﻴﻊ ﻛﻼﺏ ..
ﻛﻤﺎﻝ : ﺷﻦ ﻋﻨﺪﻙ ﻣﻌﺎﻫﻢ ..
ﺍﻛﺮﻡ : ﻣﺶ ﻭﻗﺖ ﻓﻀﻮﻟﻚ ..
ﻛﻤﺎﻝ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ... ﺑﻌﺪﻳﻦ ﻧﺎﺽ .. ﺍﻛﺮﻡ ﻧﺎﺽ ﺣﺘﻰ ﻫﻮ ﺑﻤﺴﺎﻋﺪﺗﻪ .. ﻭﻣﺸﻲ ﻟﺪﻭﻻﺑﻪ ﺑﻴﺎﺧﺪ ﺣﺎﺟﻪ ﻳﻠﺒﺴﻬﺎ ﺷﺒﺤﻠﻪ ﻟﺠﺴﻤﻪ ﻣﻦ ﻓﻮﻕ .. ﻓﻈﻬﺮﻩ ﻣﻦ ﻓﻮﻕ ﺍﺛﺮ ﺍﻟﻌﻤﻠﻴﻪ ... ﻭﻓﻲ ﺍﺛﺎﺭ ﺟﺮﻭﺡ ﻗﺪﻳﻤﻪ .. ﻉ ﺟﻨﺒﻪ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﺍﺛﺮ ﻋﻤﻠﻴﻪ ﻗﺪﻳﻢ ﻫﻠﺒﻪ ﻳﺒﺎﻥ ..
ﻛﻤﺎﻝ : ﺗﻌﺮﺿﺖ ﻹﻃﻼﻕ ﻧﺎﺭ ﻏﻴﺮ ﺍﻟﻠﻲ ﻧﻌﺮﻓﻪ ..
ﺍﻛﺮﻡ : ﻭﺍﺟﺪ ..
ﻛﻤﺎﻝ : ﻗﺼﺪﻱ ﺍﺻﺎﺑﻪ ﻣﺒﺎﺷﺮﻩ ..
ﺍﻛﺮﻡ : ﺍﻫﺎ ﻭﺣﺪﻩ ﻓﻲ ﺫﺭﺍﻋﻲ .. ﻭﻭﺭﻫﺎﻟﻪ ..
ﻛﻤﺎﻝ : ﻭﺍﻟﻠﻲ ﻓﻲ ﺟﻨﺒﻚ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ..
ﺍﻛﺮﻡ ﺿﺤﻚ ﺑﻌﺪﻳﻦ ﺗﻮﺟﻊ : ﺍﺍﺍﻩ .. ﻫﺬﻱ .. ﻛﻴﻔﻲ ﻛﻴﻔﻚ ﻣﺎﻧﻌﻠﻤﺶ ﺳﺒﺒﻬﺎ ..
ﻛﻤﺎﻝ ﺑﺈﺳﺘﻐﺮﺍﺏ : ﻛﻴﻒ ..
ﺍﻛﺮﻡ : ﻓﻀﻮﻟﻚ ﻣﺼﻴﺒﻪ ..
ﻛﻤﺎﻝ ﺑﻀﺤﻜﻪ : ﺍﺭﺿﻴﻪ ﻫﺎﻟﻤﺮﺓ ﺑﺲ ..
ﺍﻛﺮﻡ ﺍﺑﺘﺴﻢ : ﻣﻦ ﻟﻤﺎ ﻭﻋﻴﺖ ﻉ ﺍﻟﺪﻧﻴﺎ ﻭﻫﺎﻵﺛﺮ ﻣﻌﺎﻱ ﺳﺄﻟﺖ ﻋﻨﻪ ﺍﻟﺮﺍﺟﻞ ﺍﻟﻤﺴﺆﻭﻝ ﻉ ﺍﻟﻤﻴﺘﻢ .. ﺍﻟﻤﺮﻳﺾ ﺍﻟﻠﻲ ﻭﺻﻴﺘﻚ ﻋﻠﻴﻪ .. ﻗﺎﻟﻲ ﻣﻦ ﻟﻤﺎ ﺟﻴﺘﻨﺎ ﻭﻫﻮ ﻓﻴﻚ ..
ﻛﻤﺎﻝ ﺍﺳﺘﻐﺮﺏ ... ﻭﻣﺎﻋﻠﻘﺶ ..
ﺍﻛﺮﻡ : ﻋﺪﻱ ﺗﺮﻳﺢ ..
ﻛﻤﺎﻝ ﺍﺑﺘﺴﻢ : ﺑﺎﻫﻲ ﻟﻜﻦ ﻏﺪﻭﻩ ﺇﻥ ﺷﺎﺀ ﺍﻟﻠﻪ ﻻﺯﻡ ﺗﺠﻴﻨﻲ ﺍﻟﻤﺴﺘﺸﻔﻰ ﻧﺰﻳﺪ ﻧﺸﻮﻓﻪ ..
ﺍﻛﺮﻡ ﺍﺑﺘﺴﻢ : ﺣﺎﺍﺍﺿﺮ ..
ﻛﻤﺎﻝ ﺑﻀﺤﻜﻪ : ﺗﺼﺒﺢ ﻍ ﺧﻴﺮ ..
ﺍﻛﺮﻡ : ﻗﺪﺍﻣﻚ ﺍﻟﺨﻴﺮ ..
ﻃﻠﻊ ﻛﻤﺎﻝ ... ﻭﺍﻛﺮﻡ ﺳﻜﺮ ﺍﻟﺒﺎﺏ ﻭﺭﺍﻩ .. ﻭﺗﻮﺟﻪ ﻟﻠﺴﺮﻳﺮ ... ﻗﻌﻤﺰ ..
ﻓﺘﺢ ﻗﺠﺮ ﺍﻟﻜﺎﻣﺪﻳﻨﻮ ﻃﻠﻊ ﻣﻨﻪ ﻛﺘﺎﺏ .. ﺳﻮﺍ ﺭﻭﺣﻪ ﺑﺼﻌﻮﺑﻪ ﻉ ﺍﻟﺴﺮﻳﺮ .. ﻭﻛﻤﻞ ﻗﺮﺍﻳﻪ ﻭﻳﻦ ﻣﺎﻭﻗﻒ ..
****
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 10 ﺍﻟﺼﺒﺢ ..
ﻭﻳﻨﻬﺎ ﺑﺎﻟﻠﻪ ..
ﺭﻳﻬﺎﻡ ﺑﻀﺤﻜﻪ : ﻓﻲ ﺩﺍﺭﻫﺎ ..
ﺳﻨﺪﺱ : ﻣﺸﻜﻮﺭﺓ ﻭﺍﺟﺪ .. ﻭﺭﻛﺒﺖ ﺍﻟﺪﺭﻭﺝ ﻭﺭﻳﻬﺎﻡ ﺗﻀﺤﻚ ..
ﻣﺸﺖ ﺳﻨﺪﺱ ﻟﺪﺍﺭﻫﺎ ﻓﺘﺤﺘﻬﺎ ﺑﺈﻗﺘﺤﺎﻡ ..
ﺳﻨﺪﺱ ﺗﺼﻔﻖ ﺑﺈﻳﺪﻳﻬﺎ : ﺻﺒﻲ .. ﺻﺒﻲ .. ﻳﺎﺧﺎﻣﺮﻩ ﺍﻟﻠﻲ ﻟﻴﻠﻚ ﻭﻧﻬﺎﺭﻙ ﻧﻮﻡ ..
ﻧﻮﺭﺍﻥ ﻧﺎﺿﺖ ﻗﻌﻤﺰﺕ ﻭﺷﻌﺮﻫﺎ ﻣﺸﻔﺸﻒ ﻭﺣﺎﻟﺘﻬﺎ ﺣﺎﻟﻪ ..
ﺳﻨﺪﺱ : ﺷﻦ ﻫﺎﻟﻤﻨﻈﺮ ﺍﻟﻠﻲ ﻳﻔﺠﻊ ﻫﻀﺎ !! ﺣﺘﻰ ﺍﻟﻌﻴﻞ ﺍﻟﺨﺎﻳﺐ ﻣﺎﺩﺍﺭ ﺩﻳﺮﻙ .. ﺻﺒﻲ ﻳﺎﻣﺨﻤﺠﻪ ﺩﻭﺷﻲ .. ﻗﻌﺪﺕ ﺗﻨﻮﺽ ﻓﻴﻬﺎ
ﻧﻮﺭﺍﻥ ﺑﻀﺤﻜﻪ : ﻳﺎﺣﻤﺎﺭﻩ ﻛﻞ ﻳﻮﻡ ﻧﺪﻭﺵ ..
ﺳﻨﺪﺱ : ﺻﺒﻲ ﺩﻭﺷﻲ ﺗﻮﺍ ﻭﻭﺗﻲ ﺭﻭﺣﻚ ﺑﻨﻌﺪﻭﺍ ..
ﻧﻮﺭﺍﻥ ﺑﻀﺠﺮ : ﻣﺎﻧﻴﺘﺶ ﻧﻄﻠﻊ ﻳﺎﺩﻭﺳﻪ ..
ﺳﻨﺪﺱ : ﻏﺼﺐ ﻋﻨﻚ ﺗﻄﻠﻌﻲ ... ﻫﻴﺎ ﻣﺎﺗﻨﻘﺸﻨﺶ ..
ﺟﺒﺪﺗﻬﺎ ﻭﺟﺮﺗﻬﺎ ﻟﻠﺤﻤﺎﻡ ﻭﺩﺧﻠﺘﻬﺎ ﻭﺻﻜﺮﺕ ﺍﻟﺒﺎﺏ ﻭﻧﻮﺭﺍﻥ ﺗﻀﺤﻚ ..
ﻣﺸﺖ ﻟﺪﻭﻻﺏ ﻃﻠﻌﺘﻠﻬﺎ ﺣﻮﺍﻳﺞ ﺣﻄﺘﻬﻢ ﻉ ﺳﺮﻳﺮ ..
ﺳﻨﺪﺱ ﺑﺼﻮﺕ ﻋﺎﻟﻲ : ﻋﻨﺪﻙ ﻧﺺ ﺳﺎﻋﻪ ﻧﻠﻘﺎﻙ ﻣﺼﺒﻴﻪ ﻗﺪﺍﻣﻲ ﺗﺤﺖ .. ﻟﻔﺖ ﻭﻃﻠﻌﺖ ﻭﺳﻜﺮﺕ ﺍﻟﺒﺎﺏ .. ﻭﻧﺰﻟﺖ ﻟﻮﻃﺎ ..
ﺷﻮﻳﻪ ﻭﻧﺰﻟﺖ ﻧﻮﺭﺍﻥ ﻭﻛﺎﻧﺖ ﺗﺠﺮ ﻓﻲ ﺭﺟﻠﻴﻬﺎ ﺟﺮ ..
ﺳﻨﺪﺱ : ﻭﺍﺍﺍﺍﻭ ﻣﻨﻚ ﺍﻧﺘﻲ .. ﻣﺶ ﻋﺎﺭﻓﻪ ﻛﻴﻒ ﺗﺤﻤﻠﺘﻲ ﺍﻟﺤﺒﺴﻪ ﺍﻷﻳﺎﻡ ﺍﻟﻠﻲ ﻓﺎﺗﻦ ... ﺷﺪﺗﻬﺎ ﻣﻦ ﻳﺪﻫﺎ ﻭﺷﺒﺤﺖ ﻟﺮﻳﻬﺎﻡ .. ﻣﺎﺗﺨﺎﻓﻮﺵ ﻋﻠﻴﻬﺎ ﻣﻌﺎﻳﺎ ..
ﺭﻳﻬﺎﻡ ﺑﺈﺑﺘﺴﺎﻣﻪ : ﺍﻛﻴﺪ ..
ﻧﻮﺭﺍﻥ : ﻭﻳﻦ ﺑﺘﻌﺪﻱ ﺑﻴﺎ ﻳﺎﺑﻨﺖ ﺍﻧﺘﻲ ..
ﺳﻨﺪﺱ : ﻷﻱ ﻣﻜﺎﻥ ﺍﻟﻤﻬﻢ ﺑﺮ ﺍﻟﺤﻮﺵ .. ﺍﻟﺮﺑﻴﻊ ﺧﺶ .. ﻭﺍﻟﺠﻮ ﺳﻤﺢ ﻭﺍﻧﺖ ﺣﺎﺑﺴﻪ ﺭﻭﺣﻚ .. ﻃﻠﻌﻮﺍ ﻣﻦ ﺍﻟﻔﻴﻼ ..
ﺭﻛﺒﺘﻬﺎ ﺳﻴﺎﺭﺗﻬﺎ ﻭﺭﻛﺒﺖ ﻫﻲ ﻭﺗﺤﺮﻛﻮﺍ ..
ﻧﻮﺭﺍﻥ : ﻣﺒﺮﻭﻙ ﻋﻠﻴﻚ ﺍﻟﺴﻴﺎﺭﻩ ..
ﺳﻨﺪﺱ : ﻳﺒﺎﺭﻙ ﻓﻴﻚ ﻳﺎﻗﻠﺒﻲ ﺻﺢ ﻛﺮﻛﻴﺒﻪ ﻭﻣﺴﺘﻌﻤﻠﻪ ﻟﻜﻦ ﺗﺄﺩﻱ ﺍﻟﻐﺮﺽ ..
ﻧﻮﺭﺍﻥ ﺑﻀﺤﻜﻪ : ﻫﻀﺎ ﺍﻫﻢ ﺷﻲ .. ﻭﻳﻦ ﺑﻨﻌﺪﻭﺍ ﺳﻨﺪﺱ : ﺍﺻﺒﺮﻱ ﻟﻌﻨﺪ ﻧﻮﺻﻠﻮﺍ ..
ﻧﻮﺭﺍﻥ ﻃﻮﻝ ﺍﻟﻄﺮﻳﻖ ﺗﺸﺒﺢ ﻟﻠﺮﻭﺷﻦ ﻭﺳﺎﻛﺘﻪ ..
ﺑﻌﺪ ﺣﻮﺍﻟﻲ ﻋﺸﺮﻩ ﺩﻗﺎﻳﻖ ﺩﺭﺳﺖ ﺳﻨﺪﺱ ..
ﺳﻨﺪﺱ : ﺍﻧﺰﻟﻲ ﻳﺎﺳﻤﺤﻪ ..
ﻧﻮﺭﺍﻥ ﻧﺰﻟﺖ ﺻﻜﺮﺕ ﺍﻟﺒﺎﺏ ... ﺟﺘﻬﺎ ﺳﻨﺪﺱ ﺷﺪﺗﻬﺎ ..
ﺳﻨﺪﺱ : ﻭﻗﻔﻲ ﺷﻮﻱ .
ﻧﻮﺭﺍﻥ ﻭﻗﻔﺖ ﻓﻲ ﻣﻜﺎﻧﻬﺎ : ﻟﻴﺶ .
ﺟﺖ ﻭﺭﺍﻫﺎ ﺳﻨﺪﺱ ﻭﺭﺑﻄﺘﻠﻬﺎ ﻋﻴﻮﻧﻬﺎ ...
ﻧﻮﺭﺍﻥ : ﺳﻨﺪﺱ ﻛﻨﻚ ..
ﺳﻨﺪﺱ ﺑﻀﺤﻜﻪ : ﺍﺻﺒﺮﻱ ﺷﻮﻱ .. ﻗﻌﺪﺕ ﺗﻤﺸﻲ ﻓﻴﻬﺎ ..
ﻧﻮﺭﺍﻥ : ﺧﻔﺖ ﺭﻩ ...
ﺳﻨﺪﺱ : ﻳﺎﻣﺘﺨﻠﻔﻪ ﻣﻦ ﺷﻦ ﺧﺎﻳﻔﻪ ...
ﻧﻮﺭﺍﻥ : ﺑﺎﻩ ﻟﻤﺤﻴﻠﻲ ..
ﺳﻨﺪﺱ : ﻣﺎﻓﺶ ﺩﺍﻋﻲ ﺍﻫﻮﺍ ﻭﺻﻠﻨﺎ ..
ﺣﻮﻟﺘﻠﻬﺎ ﺍﻟﻐﻄﺎ ﻣﻦ ﻉ ﻋﻴﻮﻧﻬﺎ ..
ﻧﻮﺭﺍﻥ ﺭﻣﺸﺖ ﻋﻴﻮﻧﻬﺎ ﺑﻌﺪﻳﻦ ﺷﺒﺤﺖ ﻗﺪﺍﻣﻬﺎ ﻭﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ ...
ﻣﺶ ﻣﺼﺪﻗﻪ ﺍﻟﻠﻲ ﺗﺸﻮﻑ ﻓﻴﻪ ..
ﻟﻘﺖ ﻗﺪﺍﻣﻬﺎ ﻣﺒﻨﻰ ﻣﻦ ﺩﻭﺭ ﻭﺍﺣﺪ ... ﻓﻲ ﻭﺳﻂ ﻣﻜﺎﻥ ﺭﺍﻗﻲ ... ﻣﻌﻠﻘﻪ ﻋﻠﻴﻪ ﻳﺎﻓﻄﻪ ... ﻣﻜﺘﻮﺏ ﻋﻠﻴﻬﺎ ...
ﻣﺸﻐﻞ " ﺍﻟﺼﺒﺢ ..."
ﻭﻛﺎﻧﺖ ﺍﻟﻴﺎﻓﻄﻪ ﺣﻠﻮﺓ ﻭﻣﻠﻔﺘﻪ ﺑﺎﻟﻤﺮﺓ ...
ﻧﻮﺭﺍﻥ ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻫﻀﺎ ﺷﻨﻮ ..
ﺳﻨﺪﺱ ﺷﺪﺗﻬﺎ ﻣﻦ ﻳﺪﻫﺎ : ﺗﻌﺎﻟﻲ ﻣﻌﺎﻳﺎ ..
ﺧﺸﻮﺍ ﺩﺍﺧﻞ ... ﺯﺍﺩﺕ ﺍﻧﺼﺪﻣﺖ ..
ﻟﻘﺖ ﺍﻟﻤﻜﺎﻥ ﻣﺠﻬﺰ ﺑﻄﺎﻭﻻﺕ ﻭﻣﺎﻛﻴﻨﺎﺕ ﻭﻟﻘﺖ ﺍﻟﺒﻨﺎﺕ ﺍﻟﻠﻲ ﻳﺨﺪﻣﻮﺍ ﻣﻌﺎﻫﺎ ﻣﻮﺟﻮﺩﺍﺕ ... ﻭﻣﻌﺎﻫﻢ ﺳﺎﺭﻩ ﻭﺷﻬﺎﺏ ... ﻛﻠﻬﻢ ﻛﺎﻧﻮﺍ ﻳﺸﻮﻓﻠﻬﺎ ﺑﺈﺑﺘﺴﺎﻣﻪ ..
ﻧﻮﺭﺍﻥ : ﺳﻨﺪﺱ ﺟﻴﺒﻴﻠﻲ ﻛﺮﺳﻲ ...
ﺟﺎﺑﺘﻠﻬﺎ ﻭﻫﻲ ﺗﻀﺤﻚ ..
ﻧﻮﺭﺍﻥ ﻗﻌﻤﺰﺕ ﻭﻗﺎﻟﺖ : ﻓﻬﻤﻮﻧﻲ ﻛﻞ ﺷﻲ ﺑﺎﻟﺘﻔﺼﻴﻞ ..
ﺷﻬﺎﺏ ﺍﺑﺘﺴﻢ ﻭﻗﺪﻡ : ﻳﺎﺳﺘﻲ ﺍﻟﻤﻜﺎﻥ ﺍﻧﺎ ﺷﺮﻳﺘﻪ ﻭﺍﻟﻤﺎﻛﻴﻨﺎﺕ ﻭﺻﻴﺖ ﻋﻠﻴﻬﻦ ...
ﺳﺎﺭﻩ : ﻭﺍﻧﺎ ﺍﺷﺮﻓﺖ ﻣﻊ ﺍﻟﺒﻨﺎﺕ ﻉ ﺗﺮﺗﻴﺐ ﻛﻞ ﺷﻲ ﻓﻴﻪ .. ﺑﻌﺪ ﻣﺎﺟﻮ ﻋﻤﺎﻝ ﻭﻧﻈﻔﻮﻩ ﻛﻠﻪ ..
ﺻﻔﺎﺀ : ﺍﻟﺸﻐﻞ ﺑﻨﺒﺪﻭﺍ ﻓﻴﻪ ﻣﻦ ﻫﺎﻟﻠﺤﻈﻪ ﺑﺶ ﻧﻠﺤﻘﻮﺍ ..
ﻧﻮﺭﺍﻥ : ﺍﻣﻴﻪ ..
ﻋﻄﺘﻬﺎ ﺳﻨﺪﺱ .
ﻧﻮﺭﺍﻥ ﻗﻌﺪﺕ ﺗﺸﺮﺏ ﺑﻌﺪﻳﻦ ﻗﺎﻟﺖ : ﺷﻐﻞ ﺷﻨﻲ ﻭﺍﻟﺰﺑﺎﻳﻦ ﻳﺮﺟﻮﺍ ﻓﻴﻨﺎ ﻟﻌﻨﺪ ﺗﻮﺍ؟
ﺩﺍﻟﻴﺎ ﺑﻀﺤﻜﻪ : ﺍﻫﺎ ﻛﻠﻤﻨﺎﻫﻢ ﻭﻛﻠﻬﻦ ﻋﺬﺭﻭﻧﺎ ﻭﻻﻭﺣﺪﻩ ﻓﻴﻬﻦ ﻓﻀﻠﺖ ﺍﻱ ﻣﻜﺎﻥ ﺗﺎﻧﻲ ﻋﻠﻴﻨﺎ ... ﻭﻗﺎﻟﻦ ﺍﻧﻬﻦ ﺣﻴﺪﺑﺮﻥ ﺍﻧﻔﺴﻬﻦ ﻟﻌﻨﺪ ﻧﺘﻤﻮﺍ ﺷﻐﻠﻨﺎ ...
ﻧﻮﺭﺍﻥ : ﻟﺤﻈﻪ ﻛﻴﻒ ﻫﻚ .. ﺍﻗﺘﻨﻌﻮﺍ ﻋﺎﺩﻱ ﻳﻌﻨﻲ ﻭﺑﻴﻜﻤﻠﻮﺍ ﻣﻌﺎﻧﺎ .. ﻃﻠﺒﻦ ﺗﻌﻮﻳﺾ؟ !!
ﺻﻔﺎﺀ : ﻭﻻ ﻭﺣﺪﻩ ﻓﻴﻬﻦ ..
ﻧﻮﺭﺍﻥ ﺑﺼﺪﻣﻪ : ﻛﻴﻒ؟؟؟
ﺻﻔﺎﺀ ﺑﻀﺤﻜﻪ : ﻣﺎﻩ ﺍﻟﺪﺑﻠﻮﻣﺎﺳﻲ ﺍﻟﻠﻲ ﺗﻔﺎﻫﻢ ﻣﻌﺎﻫﻦ ﻻﻳﻤﻜﻦ ﻣﻘﺎﻭﻣﺘﻪ ..
ﺷﻬﺎﺏ : ﺍﺣﻤﻢ ..
ﺻﻔﺎﺀ ﺳﻜﺘﺖ ﻭﻭﺟﻬﺎ ﻭﻻﺃﺣﻤﺮ ..
ﻧﻮﺭﺍﻥ : ﻣﻦ ﻗﺼﺪﻙ ..
ﺩﺍﻟﻴﺎ : ﺍﻟﺪﻛﺘﻮﺭ ﻛﻤﺎﻝ ..
ﻧﻮﺭﺍﻥ ﻓﺘﺤﺖ ﻋﻴﻮﻧﻬﺎ ﻭﻓﻤﻬﺎ ﺑﺼﺪﻣﻪ ...
ﺻﻔﺎﺀ : ﺧﺬﺍ ﺍﺭﻗﺎﻣﻬﻦ ﻣﻨﻲ ﻭﻛﻠﻤﻬﻦ ﻭﺣﺪﻩ ﻭﺣﺪﻩ ...
ﺳﺎﺭﻩ ﺑﻀﺤﻜﻪ : ﻭﻋﺎﺩ ﻫﻮ ﻭﺍﺳﻠﻮﺑﻪ ﺍﻟﻌﺴﻞ ﺍﻛﻴﺪ ﺣﻴﻮﺍﻓﻘﻦ ﻉ ﺍﻟﻠﻲ ﻳﻘﻮﻟﻪ ﻣﻦ ﻗﺒﻞ ﻣﺎﻳﻘﻮﻟﻪ ..
ﺿﺤﻜﻮﺍ ...
ﺷﻬﺎﺏ : ﺑﺼﺮﺍﺣﻪ ﺇﻧﺴﺎﻥ ﻣﺤﺘﺮﻡ ﻭﺭﺍﻗﻲ ﻭﺍﺟﺪ .. ﻭﻛﺴﺒﻨﺎﻩ ﺑﻴﻨﺎ ..
ﻧﻮﺭﺍﻥ ﺍﺑﺘﺴﻤﺖ ﻭﻫﻲ ﺳﺎﺭﺣﻪ ﻓﻲ ﻛﻼﻣﻬﻢ ﻋﻠﻴﻪ ..
ﺳﺎﺭﻩ ﺑﻀﺤﻜﻪ : ﻭﻉ ﻓﻜﺮﻩ ﻫﻮ ﺍﻟﻤﺪﻳﺮ ﺑﺘﺎﻉ ﻛﻠﻮ ...
ﻧﻮﺭﺍﻥ ﺭﻓﻌﺖ ﻋﻴﻮﻧﻬﺎ ﻓﻲ ﺳﺎﺭﻩ : ﺍﻟﻤﺪﻳﺮ؟
ﺳﺎﺭﻩ : ﺍﻫﺎ ﻫﻮ ﺻﺎﺣﺐ ﺍﻟﻔﻜﺮﻩ ﻭﻛﻠﻤﻨﺎ ﻛﻠﻨﺎ ﻋﻨﻬﺎ ﻭﻭﺯﻉ ﻋﻠﻴﻨﺎ ﺍﻟﻤﻬﺎﻡ .. ﻭﻋﻄﺎﻧﺎ ﻣﺪﻩ ﻣﻌﻴﻨﻪ ﻭﻛﻨﺎ ﻧﺠﺮﻭﺍ ﺟﺮﻱ ﺑﺶ ﻧﻜﻤﻠﻮﺍ ﻛﻞ ﺷﻲ ..
ﺳﻨﺪﺱ ﺑﺈﺑﺘﺴﺎﻣﻪ : ﻣﺎﺃﻧﺘﺒﻬﺘﻴﺶ ﻉ ﺍﺳﻢ ﺍﻟﻠﻲ ﻉ ﺍﻟﻴﺎﻓﻄﻪ ..
ﻧﻮﺭﺍﻥ ﺍﺑﺘﺴﻤﺖ ﻭﺍﻟﺪﻣﻌﻪ ﻋﺒﺖ ﻋﻴﻨﻬﺎ : ﺑﺠﺪ ﺍﻧﺴﺎﻥ ﻣﺤﺘﺮﻡ ﻭﺍﺟﺪ .. ﺭﺑﻲ ﻳﺠﺒﺮ ﺑﺨﺎﻃﺮﻩ ﻛﻴﻒ ﻣﺎﺟﺒﺮ ﺑﺨﺎﻃﺮﻱ ...
ﺷﻮﻳﻪ ﻭﻧﺎﺿﺖ ﻧﻮﺭﺍﻥ ﻭﻗﻌﺪﻭﺍ ﻳﻮﺭﻭﺍ ﻓﻴﻬﺎ ﻓﻲ ﺍﻟﻤﻜﺎﻥ ﺍﻟﻠﻲ ﻛﺎﻥ ﺃﻭﺳﻊ ﻭﺃﻛﺒﺮ ﻣﻦ ﺍﻟﻤﺸﻐﻞ ﺍﻟﻠﻲ ﻛﺎﻥ ﻋﻨﺪﻫﺎ ...
ﺷﻮﻳﻪ ﻭﻃﻠﻊ ﺷﻬﺎﺏ ﺟﺎﺏ ﺷﻜﻼﻃﻪ ﻭﺣﻠﻮﻳﺎﺕ ﺣﻼﻭﺓ ﺍﻟﻤﻜﺎﻥ ﺍﻟﺠﺪﻳﺪ ..
ﺷﻬﺎﺏ : ﺍﻣﺴﻜﻲ ﻳﺎﺳﻤﺤﻪ ..
ﺻﻔﺎﺀ ﻭﻋﻴﻮﻧﻬﺎ ﻟﻮﻃﺎ ﺧﺪﺗﻬﻢ ﻣﻨﻪ : ﻟﻮﺳﻤﺤﺖ ..
ﺷﻬﺎﺏ : ﻣﺎﺳﻤﺤﺘﺶ ﻳﺎﺳﻤﺤﻪ ..
ﺻﻔﺎﺀ ﻟﻔﺖ ﻭﻣﺸﺖ ﻭﻫﻲ ﺷﺎﺩﻩ ﺍﺑﺘﺴﺎﻣﺘﻬﺎ ﻭﻭﺟﻬﻬﺎ ﺃﺣﻤﺮ ..
***
ﻛﻤﺎﻝ : ﻛﻠﻪ ﺗﻤﺎﻡ .. ﺑﺈﺫﻥ ﺍﻟﻠﻪ ﺣﺘﻔﻴﻖ ﺑﻌﺪ ﺳﺎﻋﺘﻴﻦ .. ﺣﻤﺪ ﻟﻠﻪ ﻉ ﺳﻼﻣﺘﻬﺎ ..
ﺍﻟﺮﺍﺟﻞ : ﺍﻟﻠﻪ ﻳﺮﺣﻢ ﻭﺍﻟﺪﻳﻚ ﻭﻳﺴﻠﻤﻚ ..
ﻛﻤﺎﻝ ﺍﺑﺘﺴﻢ : ﺗﺴﻠﻢ ... ﻣﺸﻲ ﻭﻫﻮ ﻳﻔﻜﺮ ﻓﻜﻠﻤﺔ ﻳﺮﺣﻢ ﻭﺍﻟﺪﻳﻚ ..
ﻭﺍﻟﺪﻳﻪ ... ﺣﺲ ﺑﻘﻠﺒﻪ ﻳﺪﻕ ﻭﺣﺲ ﺑﺸﻌﻮﺭ ﺷﻮﻕ ﻟﻴﻬﻢ ﻭﻫﻮ ﻣﺎﺯﺍﻝ ﻣﺎﺍﺫﻛﺮﺵ ﺣﺘﻰ ﻣﻼﻣﺤﻬﻢ ﻭﺳﺄﻝ ﺭﺑﻲ ﻓﻬﺪﻳﻜﺎ ﺍﻟﻠﺤﻈﻪ ﺍﻧﻪ ﻳﺮﺟﻊ ﻳﺠﺘﻤﻊ ﺑﻴﻬﻢ ﻭﻳﻌﺮﻓﻬﻢ ﻭﺍﻷﻫﻢ ﻣﻦ ﻫﺬﺍ ﻛﻠﻪ ﻳﺬﻛﺮﻫﻢ ..
ﻭﻫﻮ ﻣﺎﺷﻲ ...
ﻭﻗﻒ ﻟﻤﺎ ﺷﺎﻓﻬﺎ ﺟﺎﻳﻪ ﻭﻓﻴﺪﻫﺎ ﺣﺎﺟﺎﺕ ﻭﻭﺟﻬﻬﺎ ﺍﻟﺼﺒﻮﺡ ﻣﺮﺳﻮﻡ ﻋﻠﻴﻪ ﺍﺑﺘﺴﺎﻣﻪ ﺣﻠﻮﺓ ﻭﻓﻌﻴﻮﻧﻬﺎ ﻟﻤﻌﻪ ﺣﻠﻮﺓ ...
ﺍﺑﺘﺴﻢ ﻭﺣﻮﻝ ﺍﻟﻴﻮﻧﻴﻔﻮﺭﻡ .. ﻭﻗﺪﻣﻠﻬﺎ ..
ﻛﻤﺎﻝ : ﺍﺳﺘﻨﻴﻨﻲ ﺛﻮﺍﻧﻲ ﺑﺲ ..
ﻧﻮﺭﺍﻥ ﻫﺰﺕ ﺭﺍﺳﻬﺎ ﺑﺈﺑﺘﺴﺎﻣﻪ ...
ﻣﺸﻲ ﻟﻠﻤﻜﺘﺐ ﺟﺎﺏ ﺷﻨﻄﺘﻪ ﻭﺣﺎﺟﺎﺗﻪ ﻭﻃﻠﻊ ...
ﺟﺎﻫﺎ : ﻫﻴﺎ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﻫﻴﺎ ..
ﻣﺸﻮﺍ ﻣﻊ ﺑﻌﺾ ﻭﺳﻨﺪﺱ ﻛﺎﻧﺖ ﺗﺸﻮﻓﻠﻬﻢ ﺑﺈﺑﺘﺴﺎﻣﻪ .. ﻏﻴﺮﺕ ﻋﻴﻮﻧﻬﺎ ﺟﻮ ﻓﻌﻴﻮﻥ ﻓﺮﺝ ﻏﻴﺮﺕ ﻋﻴﻮﻧﻬﺎ ﻭﻣﺸﺖ ﻭﻫﻮ ﺗﻨﻬﺪ ﻣﺴﻜﻴﻦ ..
🌹🌹🌹
ﻛﻤﺎﻝ : ﺑﺎﻫﻲ ﺧﻼﺹ ﻳﺎﺑﻨﺘﻲ ...
ﻧﻮﺭﺍﻥ ﺑﻀﺤﻜﻪ : ﻭﺍﻟﻠﻪ ﻣﺎﻋﺎﺭﻓﻪ ﻛﻴﻒ ﻧﺸﻜﺮﻙ ﺍﺧﺮﻯ .
ﻛﻤﺎﻝ : ﻫﻬﻬﻬﻬﻬﻬﻬﻪ ..
ﻧﻮﺭﺍﻥ ﺗﺎﻛﻞ .. ﻭﻫﻮ ﻳﺸﻮﻓﻠﻬﺎ ...
ﻛﻤﺎﻝ : ﺻﺒﺢ ..
ﻧﻮﺭﺍﻥ ﺷﺒﺤﺘﻠﻪ : ﺍﻣﻤﻢ .. ﻧﻌﻢ ...
ﻛﻤﺎﻝ : ﺑﻨﺴﺄﻟﻚ ﺳﺆﺍﻝ ﺍﻓﺘﺮﺍﺿﻲ ﻳﻌﻨﻲ ... ﻣﺎﻻﺵ ﺍﻱ ﺻﻠﻪ ﺑﺎﻟﻮﺍﻗﻊ ..
ﻧﻮﺭﺍﻥ : ﺗﻤﺎﻡ ﺍﺳﺄﻝ ..
ﻛﻤﺎﻝ : ﻟﻮ ﺍﻹﻧﺴﺎﻥ ﻛﺎﻥ ﻋﺎﻳﺶ ﻋﻤﺮ ﻣﻊ ﻧﺎﺱ ﻳﺤﺒﻬﻢ ﻫﻠﺒﻪ ﻭﺍﺛﻖ ﻓﻴﻬﻢ ﻭﺷﺎﻳﻒ ﺍﻧﻬﻢ ﻳﺤﺒﻮﻩ .. ﺍﻫﻠﻪ ﻳﻌﻨﻲ ... ﻭﺑﻌﺪ ﻭﻗﺖ ﻳﻜﺘﺸﻒ ﺍﻥ ﺍﻟﻨﺎﺱ ﻫﺎﺩﻱ ﻃﻮﻝ ﻋﻤﺮﻩ ﻛﺎﻧﺖ ﺗﻜﺬﺏ ﻋﻠﻴﻪ ﻭﺗﺨﺪﻉ ﻓﻴﻪ ﻭﻣﻌﻴﺸﻴﻨﻪ ﻓﻮﻫﻢ ... ﺷﻦ ﻳﺪﻳﺮ ..
ﻧﻮﺭﺍﻥ : ﻛﻴﻒ ﻳﻌﻨﻲ ﺑﺎﺗﻪ ﻭﺍﻣﻪ ﻭﺧﻮﺗﻪ؟ !!
ﻛﻤﺎﻝ : ﻻ ﻣﻦ ﺃﻫﻠﻪ ﻳﻌﻨﻲ ﻟﺴﺒﺐ ﺍﻭ ﻷﺧﺮ ﺗﺮﺑﻰ ﻋﻨﺪ ﺣﺪ ﻣﻦ ﺍﻫﻠﻪ ﻣﺶ ﻣﻊ ﺃﻫﻠﻪ ..
ﻧﻮﺭﺍﻥ ﻗﻌﺪﺕ ﺗﺸﺒﺢ ﺍﻟﻘﺪﺍﻡ ﻭﺗﻔﻜﺮ ...
ﻛﻤﺎﻝ ﻳﺸﺒﺤﻠﻬﺎ ...
ﻧﻮﺭﺍﻥ : ﻟﻮ ﺍﻧﺎ ﻣﺜﻼ ... ﻣﻮﺗﻲ ﺧﻴﺮ ﻣﻦ ﺣﻴﺎﺗﻲ .... ﺷﺒﺤﺘﻠﻪ ...
ﻛﻤﺎﻝ : ﻋﻼﺵ ... ﻫﻤﺎ ﻧﺎﺱ ﻣﺎﺗﺴﺘﺎﻫﻠﺶ ﺍﻟﻮﺍﺣﺪ ﻳﺨﺴﺮ ﺩﻧﻴﺘﻪ ﻭﺁﺧﺮﺗﻪ ﺑﺴﺒﺒﻬﻢ ..
ﻧﻮﺭﺍﻥ ﺿﺤﻜﺖ : ﻣﺶ ﺑﺸﺮﻁ ﺍﻧﺘﺤﺎﺭ ... ﺍﻟﻠﻲ ﺍﻓﺘﺮﺿﺘﻪ ﺍﻧﺖ ﻫﻀﺎ ﺻﺪﻣﻪ ﻛﺒﻴﺮﻩ ﻛﻔﻴﻠﻪ ﺍﻧﻬﺎ ﺗﻜﻮﻥ ﺳﺒﺐ ﻓﻲ ﻣﻮﺕ ﺍﻟﻮﺍﺣﺪ ..
ﻛﻤﺎﻝ ﺷﺒﺤﻠﻬﺎ ﺷﻮﻳﻪ ﺑﺨﻮﻑ ﺑﻌﺪﻳﻦ ﺷﺒﺢ ﺍﻟﻘﺪﺍﻡ ... ﻭﺣﻂ ﺍﻟﻜﻴﻜﻪ ﺍﻟﻠﻲ ﻓﻴﺪﻩ ﺟﻨﺒﻪ ..
ﻧﻮﺭﺍﻥ : ﻛﻨﻚ ... ﻛﻤﺎﻝ .. ﺍﺫﻛﺮﺕ ﺷﻲ ؟؟ !!
ﻛﻤﺎﻝ ﺷﺒﺤﻠﻬﺎ ﻭﻗﻌﺪ ﻳﺘﺄﻣﻞ ﻓﻤﻼﻣﺤﻬﺎ ﺍﻟﺒﺮﻳﺌﻪ ...
ﻣﺎﺧﻄﺮﺵ ﻉ ﺑﺎﻟﻬﺎ ﻭﻟﻮ ﺷﻮﻱ ﺍﻧﻪ ﻣﻤﻜﻦ ﻳﻜﻮﻥ ﻗﺎﺻﺪﻫﺎ ﻫﻲ ...
ﺧﺎﻑ ﻟﻮ ﻋﺮﻓﺖ ﻣﺶ ﺣﺘﺤﻤﻞ ...
ﻧﻮﺭﺍﻥ ﺣﺴﺎﺳﻪ ﻭﻫﺸﻪ ﻣﻦ ﺩﺍﺧﻞ ﺑﺮﻏﻢ ﺗﻈﺎﻫﺮﻫﺎ ﺑﺎﻟﻘﻮﺓ ﻓﻲ ﺑﻌﺾ ﺍﻷﺣﻴﺎﻥ .. ﻭﻗﻠﺒﻬﺎ ﻣﻜﺴﻮﺭ ﻣﻦ ﻏﻴﺮ ﺷﻲ .. ﻷﺑﺴﻂ ﺷﻲ ﻓﺮﺡ ﻭﻻﺣﺰﻥ ﺩﻣﻌﺘﻬﺎ ﺗﻨﺰﻝ .. ﻭﺩﻳﻤﺎ ﺣﺎﺳﻪ ﺑﺎﻟﻔﻘﺪ ﻭﺍﻟﻨﻘﺺ ...
ﻟﻮ ﻋﺮﻓﺖ ﺍﻟﻠﻲ ﻣﺨﻔﻲ ﻋﻨﻬﺎ ﺷﻦ ﻳﺼﻴﺮ ﻓﻴﻬﺎ ..
ﻧﻮﺭﺍﻥ : ﻛﻤﺎﻝ ...
ﻛﻤﺎﻝ : ﻧﻌﻢ ..
ﻧﻮﺭﺍﻥ ﻭﻭﺟﻬﻬﺎ ﺍﺣﻤﺮ : ﻛﻨﻚ ..
ﻛﻤﺎﻝ ﺍﺑﺘﺴﻢ : ﺷﻲ ... ﻛﻤﻠﻲ ﺍﻟﻠﻲ ﻓﻴﺪﻙ ﻭﻗﻮﻟﻴﻠﻲ ﺷﻨﻮ ﻧﺎﻭﻳﻪ ﺍﺩﻳﺮﻱ ﻓﻲ ﺍﻟﻤﺸﻐﻞ ﺍﻟﺠﺪﻳﺪ ..
ﻧﻮﺭﺍﻥ ﺍﺑﺘﺴﻤﺖ : ﺣﺘﻰ ﺍﻧﺖ ﻛﻤﻞ ﻭﺗﻮ ﻧﺤﻜﻴﻠﻚ ..
ﻛﻤﺎﻝ ﺿﺤﻚ ﻭﺧﺪﻱ ﺍﻟﻜﻴﻜﻪ : ﻫﻲ ﺍﺣﻜﻲ ..
ﻭﺑﺪﺕ ﺗﺤﻜﻴﻠﻪ ﻭﻫﻲ ﻣﺘﺤﻤﺴﻪ .. ﻭﻫﻮ ﻳﺘﺄﻣﻞ ﻓﻴﻬﺎ .. ﻭﻣﺮﺓ ﻣﺮﺓ ﻳﻌﻄﻴﻬﺎ ﺍﻗﺘﺮﺍﺡ ﻭﻫﻲ ﺗﻨﺎﻗﺶ ﻓﻴﻪ .. ﻭﻣﺮﺍﺕ ﻳﻀﺤﻚ ﻓﻴﻬﺎ ﻭﻫﻲ ﺗﻀﺤﻚ ...
ﻛﻤﺎﻝ ﺣﺲ ﺍﻥ ﻫﺎﻟﻤﺨﻠﻮﻗﻪ ﺧﺪﺍﺗﻪ ﻣﻦ ﻛﻞ ﺷﻲ ﻟﺪﺭﺟﺔ ﺍﻧﻪ ﻣﻌﺎﺵ ﻋﻨﺪﻩ ﺭﻏﺒﻪ ﻳﻌﺮﻑ ﺍﻱ ﺷﻲ ﻋﻦ ﻣﺎﺿﻴﻪ ﺍﻭ ﻋﻦ ﻧﻔﺴﻪ ..
ﻳﺒﻲ ﻳﻜﻮﻥ ﺍﻟﺸﺨﺺ ﺍﻟﻠﻲ ﺍﻭﻝ ﻣﻦ ﺟﺖ ﻋﻴﻨﻪ ﻓﻌﻴﻨﻬﺎ ﻫﻲ ... ﻫﻲ ﺳﻤﺎﺗﻪ ... ﻫﻲ ﻭﻗﻔﺖ ﻣﻌﺎﻩ ﻭﺧﻼﺗﻪ ﺷﺨﺺ ﺗﺎﻧﻲ .. ﻫﻮ ﺣﺒﻪ ﻫﻠﺒﻪ ..
ﺗﻤﻨﻰ ﻳﻘﻌﺪ ﻛﻤﺎﻝ ﺍﻟﻠﻲ ﺍﻧﻮﻟﺪ ﻉ ﺍﻳﺪﻫﺎ ﻭﻃﻠﻊ ﺻﺒﺢ ﻋﻤﺮ ﺟﺪﻳﺪ ﻋﻠﻴﻪ ﺑﻌﺪ ﻣﺎﻋﺘﺮﺕ ﻓﻴﻪ ﻭﻟﻘﺎﺗﻪ .. ﻣﺶ ﻫﺎﻣﻪ ﻏﻴﺮ ﺍﻧﻪ ﻳﻜﻮﻥ ﺟﻨﺒﻬﺎ ﻣﻌﺎﻫﺎ ﻳﺤﻤﻴﻬﺎ ﻳﻔﺮﺣﻬﺎ ... ﻭﺑﺲ ...
ﻫﻮ ﻫﺬﺍ ﺍﻟﺤﺐ ... ﺍﻟﺤﺐ ﻋﻄﺎﺀ ﺑﺪﻭﻥ ﺍﻧﺘﻈﺎﺭ ﻣﻘﺎﺑﻞ .. ﺍﻟﺤﺐ ﻫﻮ ﺍﻧﻚ ﺍﺩﻳﺮ ﻛﻞ ﺷﻲ ﺗﻘﺪﺭ ﻋﻠﻴﻪ ﻓﺴﺒﻴﻞ ﺍﻧﻚ ﺗﺸﻮﻑ ﺍﻟﻠﻲ ﺗﺤﺒﻪ ﻓﺮﺣﺎﻥ ﻭﻣﺮﺗﺎﺡ ... ﻃﺒﻌﺎ ﻟﻮ ﻫﺎﻟﺸﺨﺺ ﻳﺴﺘﺎﻫﻞ ﻭﻳﺴﺘﺤﻖ 💖
***
ﻓﻲ ﺍﻟﻠﻴﻞ
ﺳﺎﺭﻩ ﻛﺎﻧﺖ ﺑﺘﺮﻭﺡ ... ﻟﻘﺖ ﺍﻛﺮﻡ ﺧﺎﺵ ﻣﺶ ﻋﺎﺟﺒﻬﺎ ﺍﺧﺘﻔﺎﺋﺘﻪ ﺍﻟﻤﺴﺘﻤﺮﺓ ﻭﺍﺟﺘﻤﺎﻋﻪ ﺑﺮﺿﻮﺍﻥ ﺍﻟﺪﺍﺋﻢ ..
ﺍﻛﺮﻡ : ﺑﺘﺮﻭﺣﻲ ...
ﺳﺎﺭﻩ : ﻭﻳﻨﻚ ..
ﺍﻛﺮﻡ : ﻛﻨﺖ ﻣﺸﻐﻮﻝ ..
ﺳﺎﺭﻩ ﻗﺪﻣﺘﻠﻪ : ﺍﻛﺮﻡ ... ﺷﻦ ﻗﺼﺘﻚ ﺍﺣﻜﻲ ..
ﺍﻛﺮﻡ ﻳﻨﻔﺾ ﻓﻲ ﺩﺟﺎﻛﺘﻪ ﻫﻲ ﻻﺣﻈﺖ ﺍﻟﻐﺒﺮﻩ ﺍﻟﻠﻲ ﻋﻠﻴﻬﺎ ...
ﺳﺎﺭﻩ : ﺑﻨﻘﻮﻟﻚ ﺣﺎﺟﻪ ﻭﺣﺪﻩ ﺑﺲ ... ﻧﻬﺎﺭ ﻳﻄﻴﺢ ﺍﻟﻠﻲ ﺗﺨﺪﻡ ﻋﻨﺪﻩ ﺣﺘﻨﺠﺮ ﻭﺭﺍﻩ ﻳﺎﺍﻛﺮﻡ ﻭﺿﻴﻊ ﻣﻌﺎﻩ ..
ﺍﻛﺮﻡ ﺷﺒﺢ ﻟﻌﻴﻮﻧﻬﺎ ﺑﻨﻈﺮﺓ ﻟﻴﻬﺎ ﻣﻌﻨﻰ ﺑﻌﺪﻳﻦ ﻗﺎﻝ : ﺍﻧﺎ ﺿﺎﻳﻊ ﻣﻦ ﺯﻣﺎﻥ .. ﻭﻣﺸﻲ ﻭﺧﻼﻫﺎ ..
ﻫﻲ ﻣﺼﺪﻭﻣﻪ ﻓﻜﻼﻣﻪ ﻭﺩﻣﻮﻉ ﻋﺒﻮﺍ ﻋﻴﻮﻧﻬﺎ ﺷﺒﺤﺖ ﻓﻮﻕ ﻟﻘﺖ ﺭﻳﻬﺎﻡ ﻭﺍﻗﻔﻪ ﻓﻲ ﺍﻟﺮﻭﺷﻦ .. ﺷﺒﺤﻮﺍ ﻟﺒﻌﺾ ﺑﻀﻴﻖ ...
ﺍﻟﺰﻭﺯ ﺗﻨﻬﺪﻭﺍ ...
ﺳﺎﺭﻩ ﻃﻠﻌﺖ ﻭﺭﻳﻬﺎﻡ ﺧﺸﺖ ...
ﻓﻲ ﻧﻔﺲ ﺍﻟﻮﻗﺖ ..
ﻛﻤﺎﻝ ﻛﺎﻥ ﻣﻘﻌﻤﺰ ﻛﻴﻒ ﻓﺘﺢ ﺍﻟﻤﺬﻛﺮﺍﺕ ﺑﻴﻘﺮﺍ ...
‏( ﻧﻜﺘﺐ ﻭﻣﺶ ﻋﺎﺭﻓﻪ ﻛﻴﻒ ﻧﻜﺘﺐ .. ﻧﺮﻋﺶ ﺑﻜﻞ ﻣﺎﻓﻴﺎ ... ﻣﺶ ﻣﺼﺪﻗﻪ ﻭﺭﺑﻲ ‏)
" ﻻﺣﻆ ﺍﻥ ﺍﻟﺨﻂ ﻣﺮﻋﻮﺵ ﻓﻌﻼ .. ﻭﺍﻟﻜﺘﻴﺒﻪ ﻣﺶ ﻣﺴﺎﻭﻳﻪ ﺑﺲ ﺗﻨﻔﻬﻢ .. ﺑﺮﻏﻢ ﺍﻧﻬﺎ ﻛﺎﻧﺖ ﻏﺎﻟﻄﻪ ﻓﻲ ﺍﻹﻣﻼﺀ ﺑﺲ ﺍﻧﻲ ﺣﻨﻜﺘﺐ ﺑﻄﺮﻳﻘﻪ ﺻﺢ ﺑﺶ ﺗﻔﻬﻤﻮﻫﺎ "
‏( ﺍﺍﺍﻩ ﻳﺎﺭﺑﻲ ... ﺍﻟﻴﻮﻡ .. ﻭﺍﻧﺎ ﻓﻲ ﺍﻟﻤﺴﺘﺸﻔﻰ ﻋﻨﺪ ﺳﻔﻴﺎﻥ .. ﺻﺎﺭ ﻣﻌﺎﻱ ﺷﻲ ﺣﺘﻰ ﻓﻲ ﺍﻟﺨﻴﺎﻝ ﻣﺎﺗﻮﻗﻌﺘﻪ ﻳﺼﻴﺮ
ﻓﻼﺵ ﺑﺎﻙ ..
ﻛﺎﻧﺖ ﺍﻟﺸﻴﻤﺎﺀ ﻭﺍﻗﻔﻪ ﺗﺸﻮﻑ ﻓﻲ ﺭﺍﺟﻠﻬﺎ ﻣﻦ ﺍﻟﺸﺒﺎﻙ ﻭﺗﺒﻜﻲ ...
ﺟﺘﻬﺎ ﻣﻤﺮﺿﻪ ...
ﺍﻟﻤﻤﺮﺿﻪ : ﻳﺎﺍﺧﺘﻲ ﺍﻧﺘﻲ ﺍﺳﻤﻚ ﺍﻟﺸﻴﻤﺎﺀ ..
ﺍﻟﺸﻴﻤﺎﺀ : ﺍﻫﺎ ..
ﺍﻟﻤﻤﺮﺿﻪ : ﻋﻤﺘﻲ ﺭﺟﻌﻪ ﺍﻟﻠﻲ ﺭﺍﻗﺪﻩ ﻓﻲ ﺍﻟﺠﻬﺔ ﺍﻟﺘﺎﻧﻴﻪ ﻃﺎﻟﺒﺘﻚ ..
ﺍﻟﺸﻴﻤﺎﺀ : ﺑﺎﻫﻲ ﺗﻮ ﻧﻌﺪﻳﻠﻬﺎ ..
ﺍﻟﻤﻤﺮﺿﻪ : ﻗﺎﻟﺖ ﺗﻮﺍ ﺗﺠﻴﻬﺎ ﺿﺮﻭﺭﻱ ...
ﺍﻟﺸﻴﻤﺎﺀ ﺑﺈﺳﺘﻐﺮﺍﺏ : ﺣﺎﺿﺮ .. ﺷﺒﺤﺖ ﻟﺮﺍﺟﻠﻬﺎ ﺑﻌﺪﻳﻦ ﻣﺸﺖ ..
‏( ﺍﻧﺎ ﻛﻨﺖ ﻋﺎﺭﻓﻪ ﺍﻧﻬﺎ ﺭﺍﻗﺪﻩ ﻓﻲ ﻧﻔﺲ ﺍﻟﻤﺴﺘﺸﻔﻰ ﻉ ﺣﺴﺎﺏ ﻋﻤﺘﻲ ... ﻭﻣﺮﻳﺖ ﻋﻠﻴﻬﺎ ﺍﻛﺜﺮ ﻣﻦ ﻣﺮﺓ ﻣﻊ ﻋﻤﺘﻲ ﻟﻤﺎ ﻛﺎﻧﺖ ﺗﺠﻲ ﺗﺰﻭﺭ ﺳﻔﻴﺎﻥ ...
ﺍﻟﻤﻬﻢ ﻋﺪﻳﺘﻠﻬﺎ
ﺧﺸﺖ ﻟﻐﺮﻓﺘﻬﺎ ...
ﺍﻟﺸﻴﻤﺎﺀ : ﻛﻴﻒ ﺣﺎﻟﻚ ﻋﻤﺘﻲ ﺭﺟﻌﻪ ﺗﻮ ..
ﺭﺟﻌﻪ ﺑﺼﻮﺕ ﻣﺘﻌﺐ : ﺍﻟﺤﻤﺪ ... ﻟﻠﻪ ﻉ ﻛﻞ .. ﺣﺎﻝ ... ﻛﻴﻒ ﺣﺎﻝ ... ﻭﻟﺪﻱ .. ﺳﻔﻴﺎﻥ ..
ﺍﻟﺸﻴﻤﺎﺀ ﺑﺄﻟﻢ : ﻉ ﺣﺎﻟﻪ ﻳﺎﻋﻤﺘﻲ ﺭﺟﻌﻪ ...
ﺭﺟﻌﻪ : ﺭﺑﻲ ﻳﺸﺒﺢ ﻓﻴﻪ ﻳﺎﺑﻨﻴﺘﻲ ...
ﺍﻟﺸﻴﻤﺎﺀ : ﻳﺎﺍﺍﺭﺏ ...
ﺭﺟﻌﻪ ﺷﺒﺤﺘﻠﻬﺎ ﻭﺩﻣﻮﻋﻬﺎ ﻧﺰﻟﻮﺍ : ﺑﻨﺘﻲ ... ﺍﻧﺎ ﻋﺸﺖ ﻋﻤﺮﻱ ﺧﺎﻳﻔﻪ ﺭﺑﻲ ﻻﻇﻠﻤﺖ ﺣﺪ ﻭﻻﺷﻠﺖ ﻓﺮﻗﺒﺘﻲ ﺫﻧﺐ ﺣﺪ .. ﻭﺍﻧﺎ ﺣﺎﺳﻪ ﺍﻥ ﻫﺬﻳﻨﺎ ﺍﻳﺎﻣﻲ ﺍﻷﺧﻴﺮﻩ ﻓﻬﺎﻟﺪﻧﻴﺎ ... ﻭﻧﺒﻲ ﻧﺨﻠﺺ ﺿﻤﻴﺮﻱ ﻳﺎﺑﻨﺘﻲ ...
ﺍﻟﺸﻴﻤﺎﺀ ﺑﺈﺳﺘﻐﺮﺍﺏ ﺷﺪﻳﺪ : ﺷﻦ ﺗﺒﻲ ﺗﻘﻮﻟﻲ ﻳﺎﻋﻤﺘﻲ ﺭﺟﻌﻪ ..
ﺭﺟﻌﻪ ﺭﺷﻔﺖ ﻭﻣﺴﺤﺖ ﺩﻣﻮﻋﻬﺎ ﺑﻤﺤﺮﻣﺘﻬﺎ : ﺑﻨﺘﻲ ﺃﻣﻴﻨﻪ ﺗﻌﺮﻓﻴﻬﺎ ... ﻣﺠﻮﺯﺓﻭﺍﺣﺪ ﻳﺨﺪﻡ ﻋﻨﺪ ﺳﻴﺪﻱ ﻋﺒﺪﺍﻟﻌﺎﻃﻲ ﺍﻟﻠﻪ ﻳﺮﺣﻤﻪ ... ﻭﻣﺎﺟﺎﺑﻮﺵ ﻋﻴﺎﻝ ... ﻗﺒﻞ ﺗﺴﻊ ﺳﻨﻴﻦ .. ﺧﺶ ﻋﻠﻴﻨﺎ ﻣﻔﺘﺎﺡ .. ﺭﺍﺟﻠﻬﺎ .. ﺑﻌﻮﻳﻞ ﺻﻐﻴﺮ ﻭﺍﺟﺪ .. ﻟﺤﻤﻪ ﻗﺎﻋﺪ ... ﻭﻗﺎﻝ ﺍﻧﻪ ﺟﺎﺑﻪ ﻣﻦ ﺍﻟﻤﻴﺘﻢ .. ﻭﺍﻧﺎ ﻓﺮﺣﺘﻠﻬﻢ . ﺳﺎﻋﺘﻬﺎ .. ﺍﻟﻤﻬﻢ ﻳﻜﻮﻥ ﻋﻨﺪﻫﻢ ﻋﻮﻳﻞ ﻳﻌﻮﺿﻬﻢ ...
ﻣﻦ ﺑﻌﺪﻫﺎ ﺣﺎﻟﻬﻢ ﺑﺪﺍ ﻳﺘﻐﻴﺮ ﺍﻟﻔﻠﻮﺱ ﺟﺮﻥ ﻓﻲ ﺍﻳﺪﻳﻦ ﺭﺍﺟﻞ ﺑﻨﺘﻲ .. ﻭﻭﻳﻦ ﻧﺴﺄﻝ ﺗﻘﻮﻟﻲ ﺍﻟﻌﻮﻳﻞ ﻭﺟﻬﻪ ﺧﻴﺮ ...
ﻓﻲ ﻟﻴﻠﻪ ﻭﻋﻴﺖ ﻣﻦ ﻣﺮﻗﺪﻱ ﺑﻨﻌﺪﻱ ﻟﺒﻴﺖ ﺍﻟﺮﺍﺣﻪ ... ﺳﻤﻌﺘﻬﻢ ﻳﺸﺎﻭﺧﻮ ﺑﺼﻮﺕ ﻋﺎﻟﻲ ﺷﻮﻱ ..
ﺍﻣﻴﻨﻪ : ﺍﻧﺎ ﻣﺶ ﻣﺮﺗﺎﺣﻪ ﻳﺎﻣﻔﺘﺎﺡ ... ﺍﻟﻌﻴﻞ ﻫﻀﺎ ﻭﺟﻮﺩﻩ ﻣﻌﺎﻧﺎ ﻓﻴﻪ ﺧﻄﺮ ﻋﻠﻴﻨﺎ ..
ﻣﻔﺘﺎﺡ : ﻭﺍﻧﺎ ﻣﺶ ﻣﺮﺗﺎﺡ ﻛﻴﻔﻚ .. ﺑﺲ ﻫﺎﺭﻭﻥ ﻋﻴﻨﻪ ﻋﻠﻴﻨﺎ ﻳﺎﺃﻣﻴﻨﻪ ..
ﺍﻣﻴﻨﻪ : ﻫﺎﺭﻭﻥ ﺍﻟﺰﻓﺖ ﻫﻀﺎ ﻛﻴﻒ ﻃﺎﻭﻋﻨﺎﻩ ﻣﺶ ﻋﺎﺭﻓﻪ ... ﺍﻧﺖ ﺣﻘﻴﺖ ﺍﻟﺤﺎﺝ ﻋﺒﺪ ﺍﻟﻌﺎﻃﻲ ﺣﺘﻰ ﺑﻌﺪ ﻋﺎﻡ ﻣﺶ ﻣﺼﺪﻕ ﺍﻥ ﺣﻔﻴﺪﻩ ﻣﺎﺕ ﻭﻗﺎﻋﺪ ﻳﺪﻭﺭ ﻭﺭﺍﻩ ... ﻛﺎﻥ ﻳﻤﺴﻜﻮﻩ ﻣﻌﺎﻧﺎ ﻋﺎﺭﻑ ﺷﻦ ﻣﺼﻴﺮﻧﺎ ... ﺯﻳﺪ ﻋﻠﻴﻬﺎ ﺭﺿﻮﺍﻥ ﺍﻟﻠﻲ ﺣﺎﻁ ﻓﻲ ﺑﺎﻟﻪ ﺍﻥ ﻭﻟﺪﻩ ﺧﻮﻩ ﻣﻴﺖ ﻭﻣﺎﻳﻌﻠﻤﺶ ﺍﻥ ﻫﺎﺭﻭﻥ ﺿﺤﻚ ﻋﻠﻴﻪ ﻭﺍﻟﻠﻪ ﻟﺘﺮﻳﺢ ﺍﻧﺖ ﻭﻳﺎﻩ ﻳﺎﻣﻔﺘﺎﺡ ..
ﻣﻔﺘﺎﺡ : ﻏﻴﺮﻫﻀﺎ ﻛﻠﻪ ﺳﻴﺪﻱ ﺳﻔﻴﺎﻥ ﺣﺎﻟﻪ ﻳﻘﻬﺮ ﻋﺪﺍ ﻭﺳﻴﺐ ﺍﻟﺒﻼﺩ ﺑﻜﺒﺮﻫﺎ ﻭﻣﺮﺍﺗﻪ ﺗﻌﺎﻧﻲ ... ﺣﺎﺳﺒﻴﻨﻪ ﻣﻴﺖ ..
ﺍﻣﻴﻨﻪ ﺧﺒﻄﺘﺖ ﻉ ﻭﺟﻬﻬﺎ : ﻛﻴﻒ ﻃﺎﻭﻋﻨﺎﻩ ﺻﺎﺣﺒﻚ ﻫﻀﺎ ..
ﻣﻔﺘﺎﺡ : ﻣﺎﻩ ﺑﺮﺿﻮ ﻳﺎ ﺃﻣﻴﻨﻪ ﻋﻤﻪ ﻛﺎﻥ ﻧﺎﻭﻳﻠﻪ ﺍﻟﻤﻮﺕ ...
ﺍﻣﻴﻨﻪ : ﺍﻟﻠﻪ ﻻﻳﺴﺎﻣﺤﻪ ﻓﻲ ﻋﻢ ﻳﺪﻳﺮ ﻫﻚ ﻓﻲ ﻭﻟﺪ ﺧﻮﻩ ..
ﺭﺟﻌﻪ : ﻟﻴﻠﺘﻬﺎ ﻳﺎﺑﻨﺘﻲ ﻣﺎﻗﺪﺭﺕ ﻧﺮﻗﺪ ﻏﻤﻀﻪ ﻟﻴﻠﻪ ﺳﻮﺩﺍ ﻓﺎﺗﺖ ﻋﻠﻴﺎ ﻭﺭﺑﻲ ﺍﻟﻌﺎﻟﻢ ... ﻣﺎﺻﺪﻗﺘﺶ ﺍﻟﻠﻲ ﺳﻤﻌﺘﻪ ﺑﻜﻞ ..
ﺍﻟﺸﻴﻤﺎﺀ ﺗﺮﻋﺶ ﻣﻊ ﺑﻌﻀﻬﺎ ﺷﺪﺕ ﻳﺪﻫﺎ ﻭﻗﻌﺪﺕ ﺗﺒﻮﺱ ﻓﻴﻬﺎ : ﻭﺣﻴﺎﺓ ﺍﻟﻐﺎﻟﻲ ﻋﻠﻴﻚ ... ﺗﺒﻮﺱ ﻓﻴﺪﻫﺎ .. ﻭﻟﺪﻱ .. ﻭﻟﺪﻱ .. ﺗﺒﻮﺱ ﻓﻲ ﻳﺪﻫﺎ ... ﻭﻟﺪﻱ .. ﻭﻳﻨﻪ ... ﻭﻳﻨﻪ ... ﺑﺎﻟﻠﻪ ﻋﻠﻴﻚ ... ﺟﺖ ﺑﺘﺒﻮﺱ ﺭﺟﻠﻴﻬﺎ .
ﺭﺟﻌﻪ ﺑﺒﻜﻲ : ﻻ ﻳﺎﺑﻨﺘﻲ ﻻﺍﺍﺍﺍ ..
ﺍﻟﺸﻴﻤﺎﺀ ﻭﺩﻣﻮﻋﻬﺎ ﺗﻨﺰﻝ ﺧﺪﺕ ﻳﺪ ﺭﺟﻌﻪ ﻭﺣﻄﺘﻬﺎ ﻉ ﻗﻠﺒﻬﺎ : ﺗﺴﻤﻊ ﻳﺎﻋﻤﺘﻲ ﺭﺟﻌﻪ ﺣﺎﺳﻪ ﺑﻴﺎ .. ﺣﺎﺳﻪ ﺑﻨﺎﺭﻱ ... ﻋﻤﺘﻲ ﺭﺟﻌﻪ ﺟﻌﻨﻚ ﻣﻦ ﺍﻫﻞ ﺍﻟﺠﻨﻪ ﻗﻮﻟﻴﻠﻲ ﻭﻟﺪﻱ ﻭﻳﻨﻪ ...
ﺭﺟﻌﻪ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ﺑﻤﺤﺮﻣﺘﻬﺎ : ﻧﺤﻨﺎ ﻧﻘﻠﻨﺎ ﺑﻌﺪﻫﺎ ﻟﻠﻤﺮﺝ ... ﻭﻗﻌﺪﻧﺎ ﺳﻨﻪ ... ﺍﻧﺎ ﻣﺎﺗﺤﻤﻠﺘﺶ ﺍﻟﻘﻌﺪﻩ ﻓﻴﻬﺎ ﺭﺩﻳﺖ ﻫﻨﺎ ﻟﻜﻦ ﺑﻨﺘﻲ ﻭﺭﺍﺟﻠﻬﺎ ﻭﺍﻟﻌﻴﻞ ﺗﻤﻮﺍ ﻏﺎﺩﻱ ..
ﺍﻟﺸﻴﻤﺎﺀ : ﻳﻌﻨﻲ ﻭﻟﺪﻱ ﻓﻲ ﺍﻟﻤﺮﺝ ..
ﺭﺟﻌﻪ ﻫﺰﺕ ﺭﺍﺳﻬﺎ ﺑﺎﻟﻨﻔﻲ ..
ﺍﻟﺸﻴﻤﺎﺀ ﻃﻠﻘﺖ ﻳﺪ ﺭﺟﻌﻪ : ﺍﻣﺎﻝ ﻭﻳﻨﻪ ..
ﺭﺟﻌﻪ : ﻣﻔﺘﺎﺡ ﻗﺎﻝ ﺭﺩﻩ ﻟﻠﻤﻴﺘﻢ ... ﻟﻤﺎ ﻃﻖ ﺍﻟﺴﻨﺘﻴﻦ ...
ﺍﻟﺸﻴﻤﺎﺀ : ﺭﺩﻩ ﻟﻠﻤﻴﺘﻢ؟؟؟ !!
ﺭﺟﻌﻪ : ﺍﻫﺎ ﻗﺎﻝ ﻣﺎﻗﺪﺭﺵ ﻉ ﻣﺼﺎﺭﻳﻔﻪ ...
ﺍﻟﺸﻴﻤﺎﺀ ﻗﻌﺪﺕ ﺳﺮﺣﺎﻧﻪ ﺑﺼﺪﻣﻪ ...
ﺭﺟﻌﻪ : ﻓﻲ ﺣﺎﺟﻪ ﻳﺎﺑﻨﺘﻲ ... ﺍﻟﻌﻮﻳﻞ ﻛﺎﻧﺖ ﻓﻲ ﻣﻌﺎﻩ ﺣﺎﺟﻪ ﻻﺑﺴﻬﺎ ﻓﺮﻗﺒﺘﻪ ... ﺑﻨﺘﻲ ﺷﺎﻟﺘﻬﺎ ﻭﺩﺳﺘﻬﺎ ... ﻛﺎﻥ ﻋﻠﻴﻬﺎ ﻛﺘﻴﺒﻪ ﻭﺍﻧﺎ ﻳﺎﺑﻨﺘﻲ ﻣﺎﻧﻌﺮﻓﺶ ﻧﻘﺮﺍ ...
ﻓﻜﺮﺕ .. ﺭﺷﻔﺖ ... ﻓﻜﺮﺕ ﺍﻧﻲ ﻧﻘﻮﻟﻚ ﻛﻞ ﻣﺮﻩ ﻧﺤﻘﻚ ﻓﻴﻬﺎ .. ﻭﻛﻨﺖ ﻧﺎﻭﻳﻪ ﻧﺎﺧﺪﻫﺎ ﻣﻦ ﺑﻨﺘﻲ ﻛﺎﻥ ﻣﺎﺯﺍﻟﺖ ﺩﺍﺳﺘﻬﺎ ﺑﺶ ﻧﺨﻠﻴﻚ ﺗﺤﻘﻴﻬﺎ ﻭﺗﺼﺪﻗﻴﻨﻲ .. ﺑﺲ ﺑﻨﺘﻲ ﻗﺎﻟﺘﻠﻲ ﺍﻧﻬﺎ ﻟﺒﺴﺘﻬﺎ ﻟﻪ ﻟﻤﺎ ﺷﺎﻟﻮﻩ ﻟﻠﻤﻴﺘﻢ ..
ﺍﻟﺸﻴﻤﺎﺀ ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻣﺴﺤﺎﺗﻪ ﺑﻴﻬﻢ ... ﻭﺯﻓﺮﺕ ﺑﻘﻮﻩ ... ﺷﺒﺤﺖ ﻟﺮﺟﻌﻪ : ﻻﺯﻡ ﻣﺎﺣﺪ ﻳﻌﻠﻢ ﺑﺎﻟﻜﻼﻡ ﻫﻀﺎ ﺑﻜﻞ ﻳﺎﻋﻤﺘﻲ ﺭﺟﻌﻪ ...
ﺭﺟﻌﻪ : ﺍﻫﺎ ﻳﺎﺑﻨﺘﻲ ﻭﺍﻧﺎ ﻣﺎﺣﻜﻴﺖ ﻟﺤﺪ ﻏﻴﺮﻙ ...
ﺍﻟﺸﻴﻤﺎﺀ ﺧﺪﺕ ﻳﺪ ﺭﺟﻌﻪ ﻭﺑﺎﺳﺘﻬﺎ ﻭﺑﻌﺪﻳﻦ ﺑﺎﺳﺖ ﺭﺍﺳﻪ : ﺭﺑﻲ ﻳﺸﻔﻴﻚ ... ﻭﻳﺸﻔﻲ ﺳﻔﻴﺎﻥ ﻭﻧﺮﺩﻭﺍ ﻭﻟﺪﻧﺎ ﻟﺤﻀﻨﻨﺎ ..
‏( ﻭﻛﻞ ﻣﻨﺎﻓﻖ ﺣﺎﺳﺪ ﺣﺎﻗﺪ ﻳﺘﻌﺮﻯ ﻭﻳﺒﺎﻥ ﻉ ﺣﻘﻴﻘﺘﻪ ﻭﻳﻨﻜﺸﻒ ﻭﻳﺒﺎﻥ ... ﻏﻴﺮ ﻳﻨﻮﺽ ﺳﻔﻴﺎﻥ ﺳﺎﻟﻢ ﺑﺲ ‏) ﻟﻌﻨﺪ ﻫﻨﻲ ﻭﻗﻔﺖ ...
ﻛﻤﺎﻝ ﺑﺼﺪﻣﻪ : ﻳﻌﻨﻲ ﺧﻮ ﻧﻮﺭﺍﻥ ﻋﺎﻳﺶ !!!
.... ﻳﺘﺒﻊ ....