مشاعر

الحلقة الثلاثون

#مشاعر
ﺍﻟﺠﺰﺀ ﺍﻟﺜﻼﺛﻮﻥ 🔥💔💓
للكاتبة GomanFared
ﺑﻌﺪ ﺍﻟﻤﻐﺮﺏ ...
ﺭﻭﺡ ﻟﻠﻔﻴﻼ .. ﻧﺰﻝ ﻣﻦ ﺍﻟﺴﻴﺎﺭﺓ ﻭﻣﺴﻴﻄﺮ ﻋﻠﻴﻪ ﺍﻟﺘﻌﺐ .. ﻣﺶ ﻣﻦ ﺍﻟﺨﺪﻣﻪ ﻫﺎﻟﻤﺮﻩ .. ﻣﻦ ﻭﺟﻊ ﺍﻟﻘﻠﺐ ﻭﺍﻟﺘﻔﻜﻴﺮ ﺍﻟﻤﺴﺘﻤﺮ ..
ﺷﺒﺢ ﻟﻠﻔﻴﻼ ﺍﻟﻠﻲ ﺟﻨﺒﻬﻢ ﺗﻨﻬﺪ .. ﻭﺧﺶ .. ﺭﻛﺐ ﻟﺸﻘﺘﻪ ...
ﺧﺸﻠﻬﺎ ... ﺑﻌﺪﻳﻦ ﺗﻮﺟﻪ ﻟﺪﺍﺭﻩ ﺧﺪﻱ ﺣﻮﺍﻳﺞ ﻣﻦ ﺍﻟﺪﻭﻻﺏ .. ﻭﺧﺶ ﺩﻭﺵ ... ﺑﻌﺪﻫﺎ ﻃﻠﻊ ... ﺍﻧﻄﺮﺡ ﻉ ﺍﻟﺴﺮﻳﺮ ﻃﻮﻝ ﻭﺭﻗﺪ ...
***
ﺃﻛﺮﻡ : ﻣﻤﻜﻦ ﻧﻌﺮﻑ ﺷﻦ ﺍﻟﻠﻲ ﺧﻼﻫﺎ ﺍﺩﻳﺮ ﻓﺮﻭﺣﻬﺎ ﻫﻚ ... ﺗﺎﺧﺪ ﺟﺮﻋﻪ ﺯﻳﺎﺩﻩ ﻣﻦ ﺍﻷﻧﺴﻮﻟﻴﻦ ﻟﻴﺶ؟؟ !!
ﺷﻬﺎﺏ ﺗﻨﻬﺪ : ﺷﻦ ﺑﻨﺤﻜﻴﻠﻚ ﺑﺲ ... ﺷﺒﺢ ﻟﺒﻮﻩ ﺍﻟﻠﻲ ﻛﺎﻥ ﻣﻘﻌﻤﺰ ﻭﺣﺎﻁ ﺭﺍﺳﻪ ﺑﻴﻦ ﺍﻳﺪﻩ ... ﺍﻛﺮﻡ ﺷﺒﺤﻠﻪ ﺣﺘﻰ ﻫﻮ ...
ﺷﻬﺎﺏ : ﻳﺒﻴﻨﺎ ﻧﺠﻮﺯﺍ ﺑﻌﺪ ﺍﺳﺒﻮﻋﻴﻦ ... ﻭﺍﻧﺖ ﻋﺎﺭﻑ ﻳﺎﺃﻛﺮﻡ ﻻ ﺍﻧﺎ ﻧﺒﻲ ﻭﻻﻫﻲ ..
ﺍﻛﺮﻡ ﺷﺒﺤﻠﻪ : ﺍﺣﻜﻲ ﺍﻟﺤﻖ ﻳﺎﺷﻬﺎﺏ ﺩﻭﻳﺘﻠﻬﺎ ﻛﻠﻤﻪ ﺟﺮﺣﺘﻬﺎ
ﺷﻬﺎﺏ : ﻻ ﻭﺍﻟﻠﻪ ﻻ ... ﻋﺎﺭﻑ ﻧﻮﺭﺍﻥ ﺑﺎﻟﻨﺴﺒﻪ ﻟﻴﺎ ﺷﻦ ﻳﺎﺃﻛﺮﻡ ﻛﻴﻒ ﻧﺠﺮﺣﻬﺎ ... ﻫﻲ ﻣﺎﺗﺒﻴﺶ ﻳﺎﺃﻛﺮﻡ .. ﻭﺑﺎﺗﻲ ... ﻏﺎﺻﺐ ﻋﻠﻴﺎ ﻭﻋﻠﻴﻬﺎ ..
ﺍﻛﺮﻡ ﻗﻌﺪ ﻳﺸﺒﺢ ﻟﺮﺿﻮﺍﻥ ..
ﻭﺭﺿﻮﺍﻥ ﻛﺎﻥ ﻓﻲ ﺣﺎﻟﺔ ﻣﻦ ﺍﻟﺘﻨﺎﻗﺾ ﺍﻟﺮﻫﻴﺐ ﻭﺍﻟﺼﺮﺍﻉ ﺍﻟﻘﻮﻱ
ﺑﻴﻦ ﺿﻌﻔﻪ ﺍﻟﻠﻲ ﺗﺴﺒﺒﻠﻪ ﻓﻴﻪ ﺑﻨﺖ ﺧﻮﻩ .. ﻭﺑﻴﻦ ﺭﻏﺒﺘﻪ ﺍﻟﺸﺪﻳﺪﻩ ﻓﻲ ﺗﺤﻘﻴﻖ ﻣﺂﺭﺑﻪ ﻭﺃﻃﻤﺎﻋﻪ ...
ﺭﺿﻮﺍﻥ ﻣﺎﺗﻌﻮﺩﺵ ﻳﻌﻴﺶ ﺍﻟﺤﺎﻟﻪ ﻫﺎﺩﻱ ... ﺣﺘﻰ ﻟﻤﺎ ﺍﺭﺗﻜﺐ ﺟﺮﺍﻳﻤﻪ ﺍﻟﺴﺎﺑﻘﻪ ﻛﺎﻥ ﻳﺪﻳﺮ ﻓﻜﻞ ﺷﻲ ﺑﺈﺻﺮﺍﺭ ﻭﺩﻭﻥ ﺗﺮﺩﺩ ﻭﻣﺎﻓﻲ ﺷﻲ ﻳﻘﺪﺭ ﻳﺮﺩﻩ ..
ﺑﺲ ﻣﻊ ﻧﻮﺭﺍﻥ ﻛﺎﻥ ﻳﻀﻌﻒ .. ﻭﻓﻲ ﺷﻲ ﻓﺪﺍﺧﻠﻪ ﻳﺄﻧﺐ ﻓﻴﻪ ... ﻭﻣﻊ ﻫﺬﺍ ﻛﺎﻥ ﻳﺤﺎﻭﻝ ﻳﺘﻐﻠﺐ ﻋﻠﻴﻪ ﻉ ﻗﺪ ﻣﺎﻳﻘﺪﺭ ...
***
ﺍﻟﺴﺎﻋﻪ 10 ﻟﻴﻼ ..
ﺑﻌﺪ ﻣﺎﻓﺎﻕ ﻭﺻﻠﻰ ... ﺣﺲ ﺭﻭﺣﻪ ﻳﺒﻲ ﻳﺸﻮﻓﻬﺎ ﺑﺲ ﺭﻭﺷﻨﻬﺎ ﻣﺼﻜﺮ .. ﻭﻣﻌﺮﻭﻓﻪ ﺑﺎﻟﻨﺴﺒﻪ ﻟﻴﻪ ﺣﺎﻟﺘﻬﺎ ﺣﺎﻟﻴﺎ ..
ﻟﻘﻲ ﺭﻭﺣﻪ ﻳﻠﺒﺲ ﻓﻲ ﻃﺎﻗﻴﻪ ﻭﻓﻮﻗﻬﺎ ﻛﺎﺏ ﺍﻟﺘﻮﺏ ﻣﺘﺎﻉ ﺍﻟﺘﻮﺗﻪ .. ﻭﻃﻠﻊ ﻣﻦ ﺍﻟﺪﺍﺭ ﻟﺒﺲ ﺳﺒﻴﺪﺭﻭ ... ﻭﻧﺰﻝ .. ﻃﻠﻊ ﻣﻦ ﺍﻟﻔﻴﻼ ﻭﻫﻮ ﺣﺎﻁ ﺍﻳﺪﻳﻪ ﻓﺠﻴﻮﺑﻪ ﻭﻣﺸﻲ ﻟﻔﻴﻠﺘﻬﻢ ...
ﺳﻠﻢ ﻉ ﺍﻟﺤﺮﺱ ﻭﺧﺶ ﻣﺎﻟﻘﻲ ﺣﺪ ﺑﺮﺍ ... ﻗﻌﺪ ﻳﻨﺎﺩﻱ ..
ﻛﻤﺎﻝ : ﺃﻛﺮﺭﺭﻡ ... ﺃﻛﺮﺭﺭﺭﺭﺭﻡ ...
ﻧﺒﻮﻳﻪ ﺳﻤﻌﺎﺗﻪ ﻃﻠﻌﺖ : ﺩﻛﺘﻮﺭ ... ﻧﺰﻟﺖ ﻣﻦ ﺍﻟﺪﺭﻭﺝ ﻭﺟﺎﺗﻪ .. ﻣﺎﻓﻴﺶ ﺣﺪ ﻫﻨﺎ ﻳﺎﺑﻨﻲ ..
ﻛﻤﺎﻝ ﺑﺈﺳﺘﻐﺮﺍﺏ : ﻟﻴﺶ؟ !
ﻧﺒﻮﻳﻪ : ﺍﻧﺖ ﻣﺎﺗﻌﺮﻓﺶ ﻳﺎﺑﻨﻲ ...
ﻛﻤﺎﻝ ﺧﺎﻑ : ﺷﻨﻮ؟
ﻧﺒﻮﻳﻪ ﺑﻨﺒﺮﺓ ﺣﺰﻥ : ﻧﻮﺭﺍﻥ ﻳﺎﺣﺒﺔ ﻋﻴﻨﻲ ﺗﻌﺒﺖ ﻭﻧﻘﻠﻮﻫﺎ ﺍﻟﻤﺴﺘﺸﻔﻰ ...
ﺍﻧﺼﺪﻡ ﺑﻘﻮﻩ ... ﻟﻒ ﻭﻣﺸﻲ ﺑﺴﺮﻋﻪ ... ﺗﻮﺟﻪ ﻟﻠﻔﻴﻼ ﺧﺶ ﺟﺮﻱ ..
ﺭﻛﺐ ﻓﻮﻕ ﻓﺘﺢ ﺍﻟﺸﻘﻪ ﺧﺪﻱ ﻣﻔﺘﺎﺡ ﺍﻟﺴﻴﺎﺭﻩ ﻭﻃﻠﻊ .. ﻭﻃﻮﻝ ﻟﻠﺴﻴﺎﺭﻩ ﻭﺍﻟﻤﺴﺘﺸﻔﻰ ...
ﺗﻮﻗﻊ ﺍﻧﻬﺎ ﺗﻜﻮﻥ ﻓﻤﺴﺘﺸﻔﻰ ﻋﻤﻬﺎ ﺍﻟﺨﺎﺹ ...
ﻃﻮﻝ ﺍﻟﻄﺮﻳﻖ ﻭﻫﻮ ﻣﻴﺖ ﻣﻦ ﺧﻮﻓﻪ ﻋﻠﻴﻬﺎ .. ﻭﻛﺎﻥ ﻳﻠﻘﻰ ﺍﻟﺴﻴﺎﺭﻩ ﺗﻮﻟﻲ ﻃﻴﺎﺭﻩ ﺑﺶ ﻳﻮﺻﻞ ﻏﺎﺩﻱ ...
ﻭﺻﻞ ... ﻭﻧﺰﻝ ﻣﻦ ﺍﻟﺴﻴﺎﺭﻩ ﻭﺧﺶ ﻳﺠﺮﻱ ... ﺳﺄﻝ ﻋﻦ ﺣﺎﻟﺘﻬﺎ ﻗﺎﻟﻮﻟﻪ ﻭﻳﻦ ﺭﻛﺐ ﺑﺴﺮﻋﻪ ﺍﻷﺻﻨﺼﻴﺮ ﻭﻛﺎﻥ ﻉ ﺃﻋﺼﺎﺑﻪ ... ﻭﺻﻞ ﻭﻣﺸﻲ ﺑﺴﺮﻋﻪ ﻟﻴﻦ ﻭﺻﻞ .. ﻭﺷﺎﻓﻬﻢ ﻛﺎﻧﻮﺍ ﺑﻴﺮﻭﺣﻮﺍ ..
ﻫﻤﺎ ﻟﻤﺎ ﺷﺎﻓﻮﻩ ﺗﻔﺎﺟﺌﻮﺍ ..
ﻛﻤﺎﻝ ﺑﺨﻮﻑ ﻭﻟﻬﻔﻪ : ﺷﻦ ﺻﺎﺭ ﻓﻴﻬﺎ ..
ﺳﺎﺭﻩ ﻭﺭﻳﻬﺎﻡ ﻣﺮﻛﺰﻳﻦ ﻋﻠﻴﻪ ..
ﺭﺿﻮﺍﻥ ﺟﺎﻩ : ﻏﻴﺒﻮﺑﻪ .. ﺍﻭﻝ ﻣﺮﻩ ﺗﺼﻴﺮ ﻣﻌﺎﻫﺎ .
ﻛﻤﺎﻝ " ﻛﻠﻪ ﻣﻨﻚ ﻳﺎﻭﺟﻪ ﺍﻟﺸﺮ " ﻗﺎﻝ ﺑﺤﺪﻩ : ﺍﻟﺴﺒﺐ
ﺭﻳﻬﺎﻡ : ﻭﺍﺧﺪﻩ ﺟﺮﻋﻪ ﺯﺍﻳﺪﻩ ﻣﻦ ﺍﻷﻧﺴﻮﻟﻴﻦ ..
ﻏﻤﺾ ﻋﻴﻮﻧﻪ ﺑﺸﺪﻩ ... ﻭﺣﺲ ﻗﻠﺒﻪ ﺗﻘﻄﻊ ﺑﺎﻟﻄﺮﻑ ...💔
ﻓﺘﺢ ﻋﻴﻮﻧﻪ ﻭﻗﺎﻝ : ﺩﻛﺘﻮﺭﻫﺎ ﻭﻳﻦ ...
ﺍﻛﺮﻡ : ﺗﻌﺎﻝ ﻣﻌﺎﻱ ﺍﻧﺎ ﺑﻨﻌﺪﻳﻠﻪ ﺗﻮﺍ ...
ﺭﺿﻮﺍﻥ : ﻧﺤﻨﺎ ﻣﺎﺷﻴﻴﻦ ﻳﺼﻴﺮ ﺃﻱ ﺷﻲ ﺍﺗﺼﻠﻮﺍ ﻉ ﻃﻮﻝ ..
ﺍﻛﺮﻡ : ﺣﺎﺿﺮ .. ﻣﺸﻲ ﺭﺿﻮﺍﻥ ﻭﻭﺭﺍﻩ ﺭﻳﻬﺎﻡ ﻭﺑﻌﺪﻫﻢ ﺷﻬﺎﺏ .. ﺳﺎﺭﻩ ﺧﻠﻴﻚ ..
ﺳﺎﺭﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﺸﺖ ﻗﻌﻤﺰﺕ .. ﺭﻳﻬﺎﻡ ﻭﻫﻲ ﻣﺎﺷﻴﻪ ﺍﻟﺘﻔﺘﺖ ﻭﺷﺎﻓﺘﻠﻬﺎ ﺑﺤﺪﻩ ﻭﻣﺸﺖ ...
ﻭﻛﻤﺎﻝ ﻭﺃﻛﺮﻡ ﻣﺸﻮﺍ ﻟﻠﺪﻛﺘﻮﺭ ﻭﺳﺄﻟﻮﻩ ..
ﺍﻟﺪﻛﺘﻮﺭ : ﻭﺍﺿﺢ ﺟﺪﺍ ﺍﻟﺴﺒﺐ ﻧﻔﺴﻲ .. ﻭﻧﻮﺭﺍﻥ ﻣﺮﻳﻀﺘﻲ ﻭﺍﻧﺎ ﻋﺎﺭﻓﻪ ﺗﺤﺐ ﺗﻜﺎﺑﺮ ﻭﺍﺟﺪ .. ﻟﻤﺎ ﻛﺎﻧﺖ ﺗﺠﻴﻨﻲ ﻫﻨﺎ ﺗﻘﻮﻝ ﻣﺎﻧﺤﺒﺶ ﻧﺠﻴﻚ ﻣﺎﻧﺒﻴﺶ ﻧﺘﻌﺐ .. ﻛﺎﻧﺖ ﺗﻘﺼﺪ ﺗﻌﺒﻬﺎ ﻣﻦ ﻣﺮﺿﻬﺎ ﺍﻟﻠﻲ ﻣﺨﻠﻴﻬﺎ ﺗﺤﺲ ﺍﻧﻬﺎ ﺿﻌﻴﻔﻪ ﻭﻧﺎﻗﺼﻪ ﻣﻊ ﺍﻷﺳﻒ .. ﺑﺲ ﻭﻻ ﻣﺮﻩ ﺑﺎﻥ ﻋﻠﻴﺎ ﻣﻨﻬﺎ ﺍﻧﻬﺎ ﻣﻤﻜﻦ ﺗﻮﺻﻞ ﻟﻬﺎﻟﺤﺎﻟﻪ ..
ﻛﻤﺎﻝ ﺳﺎﻛﺖ ﻭﻣﻦ ﺩﺍﺧﻞ ﺭﺑﻲ ﻋﺎﻟﻢ ﺑﺤﺎﻟﻪ ..
ﺍﻛﺮﻡ : ﺑﺎﻫﻲ ﺣﺎﻟﺘﻬﺎ ﺍﻟﻠﻲ ﻫﻲ ﻓﻴﻬﺎ ﺣﺘﻢ ﻓﻴﻬﺎ ﻟﻌﻨﺪ ﻣﺘﻰ؟
ﺍﻟﺪﻛﺘﻮﺭ : ﻣﺎﻧﻘﺪﺭﺵ ﻧﺤﺪﺩﻟﻚ ﺑﺲ ﻣﺶ ﻓﺘﺮﺓ ﻃﻮﻳﻠﻪ ﻭﺍﺟﺪ ..
ﻛﻤﺎﻝ ﺗﻨﻬﺪ ... ﺍﻛﺮﻡ ﺷﺒﺤﻠﻪ ﺑﻌﺪﻳﻦ ﺷﺒﺢ ﻟﻠﺪﻛﺘﻮﺭ : ﺭﺑﻲ ﻳﻠﻄﻒ ﺑﻴﻬﺎ ...
ﺷﻮﻳﻪ ﻭﻧﺎﺿﻮﺍ ﻃﻠﻌﻮﺍﻣﻦ ﺣﺪﺍ ﺍﻟﺪﻛﺘﻮﺭ ...
ﺍﻛﺮﻡ ﺷﺒﺢ ﻟﻜﻤﺎﻝ : ﺧﺎﻳﻒ ﻋﻠﻴﻬﺎ ﻭﺍﺟﺪ؟
ﻛﻤﺎﻝ ﺷﺒﺤﻠﻪ : ﺍﻛﻴﺪ ... ﺳﻜﺖ ﻭﻗﺎﻝ ... ﻧﻮﺭﺍﻥ ﺯﻱ ﺍﺧﺘﻲ ..
ﺍﻛﺮﻡ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﺷﺒﺢ ﺍﻟﻘﺪﺍﻡ : ﺭﺍﻓﻀﻪ ﻗﺮﺍﺭ ﻋﻤﻬﺎ ... ﻭﻣﻤﻜﻦ ﺩﺍﺭﺕ ﺍﻟﻠﻲ ﺩﺍﺭﺗﻪ ﻟﻬﺎﻟﺴﺒﺐ ..
ﻛﻤﺎﻝ ﺑﻌﺼﺒﻴﻪ : ﻛﻞ ﺷﻲ ﻣﻤﻜﻦ ﻳﻤﺸﻲ ﺑﺎﻹﺟﺒﺎﺭ ﺇﻻ ﺣﺎﺟﻪ ﺯﻱ ﻫﺎﺩﻱ ﻫﺬﺍ ﻋﻤﺮ ﺑﻴﻌﻴﺸﻮﻩ ﻣﻊ ﺑﻌﺾ .. ﻻﺯﻡ ﺍﻟﻄﺮﻓﻴﻦ ﻳﻜﻮﻥ ﺭﺍﺿﻴﻴﻦ ﻭﻋﻦ ﻗﻨﺎﻋﻪ ﺗﺎﻣﻪ ..
ﺍﻛﺮﻡ : ﻫﺪﻱ ﻳﺎﻃﻴﺮﻱ .. ﺇﻥ ﺷﺎﺀ ﺍﻟﻠﻪ ﺍﻟﻠﻲ ﺻﺎﺭ ﻳﻐﻴﺮ ﺣﺎﺟﻪ ..
ﻛﻤﺎﻝ ﺗﻨﻬﺪ : ﻳﺎﺍﺍﺭﻳﺖ ..
ﻭﺻﻠﻮﺍ ﻓﻲ ﻏﺮﻓﺘﻬﺎ ..
ﻛﻤﺎﻝ : ﺳﺎﺭﻩ ﺑﺘﺮﻗﺪ
ﺍﻛﺮﻡ ﺷﺎﻓﻠﻬﺎ : ﺑﻨﻌﺪﻱ ﻧﺸﻴﻠﻬﺎ ﻟﻠﻔﻴﻼ ﻭﻧﺮﺩ ..
ﻛﻤﺎﻝ ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ﻭﻫﺰ ﺭﺍﺳﻪ ﺑﺈﻳﺠﺎﺏ ...
ﻣﺸﻲ ﺍﻛﺮﻡ ﻟﺴﺎﺭﻩ ﻧﻮﺿﻬﺎ ﻭﻣﺸﻮﺍ ... ﻛﻤﺎﻝ ﻛﺎﻥ ﻣﻌﺎﻫﻢ ﺑﻌﻴﻮﻧﻪ .. ﺍﺑﺘﺴﻢ .. ﻭﺑﻌﺪﻳﻦ ﺷﺒﺢ ﻟﻐﺮﻓﺔ ﻧﻮﺭﺍﻥ ... ﻗﺪﻡ ﻭﻟﻒ ﻣﻦ ﺟﻬﺔ ﺗﺎﻧﻴﻪ ﻛﺎﻥ ﻓﻴﻪ ﺯﻱ ﺍﻟﺮﻭﺷﻦ ﻣﺮﺵ ﺗﺒﺎﻥ ﻣﻨﻪ .. ﻗﻌﺪ ﻳﺸﻮﻓﻠﻬﺎ ﻭﻗﻠﺒﻪ ﻣﻮﺟﻮﻭﻭﻭﻭﻭﻉ ...💔
ﻛﻤﺎﻝ " ﻟﻮ ﻧﻘﺪﺭ ﻧﺪﻳﺮ ﺷﻲ ﺑﺲ ﻟﻮ ﻧﻘﺪﺭ ... ﻋﺎﺟﺰ ﻋﻦ ﺃﻱ ﺷﻲ ... ﻭﺷﻌﻮﺭﻱ ﺑﺎﻟﻌﺠﺰ ﻫﺬﺍ ﻗﺎﻫﺮﻧﻲ ... ﻭﺍﻟﻠﻪ ﻣﺎﺗﺴﺘﺎﻫﻠﻲ ﺍﻟﻠﻲ ﻳﺼﻴﺮ ﻣﻌﺎﻙ .. ﺑﺲ ﻟﺮﺑﻲ ﺣﻜﻤﻪ ... ﺳﺒﺤﺎﻧﻪ ..." ﻗﻌﺪ ﻭﺍﻗﻒ ﻭﻳﺘﺄﻣﻞ ﻓﻴﻬﺎ ﻭﺧﻼﺹ ...
🍃 ﻛﻤﺎﻝ ﻣﺎﻛﺎﻧﺶ ﺷﺎﻳﻒ ﻣﺸﺎﻋﺮ ﻧﻮﺭﺍﻥ ﻭﻻﺣﺎﺱ ﺑﻴﻬﺎ ﻭﻻﻣﺮﻛﺰ ﻋﻠﻴﻬﺎ .. ﻗﺪﺭﺓ ﻧﻮﺭﺍﻥ ﻉ ﻣﺪﺍﺭﺍﺓ ﻣﺸﺎﻋﺮﻫﺎ ﻣﺎﺧﻼﺗﺎﺵ ﻳﻔﻜﺮ ﻭﻟﻮﺷﻮﻱ ﺍﻧﻬﺎ ﻣﻤﻜﻦ ﺗﺤﻤﻠﻪ ﻣﺸﺎﻋﺮ ﻓﻘﻠﺒﻬﺎ .. ﺑﺲ ﻫﻮ ﻟﻮ ﺭﻛﺰ ﻛﺎﻥ ﻻﺣﻆ ﻭﺣﺲ ..
ﺗﺼﻴﺮ ﻣﻌﺎﻧﺎ ﻣﺮﺍﺕ ﻓﻲ ﺣﻮﺍﻟﻴﻨﺎ ﻧﺎﺱ ﻗﻠﻮﺑﻬﻢ ﺩﺍﻳﺒﻪ ﻓﻴﻨﺎ ﻟﻜﻦ ﻣﺶ ﻣﺒﻴﻨﻴﻦ ... ﻭﺣﺎﻃﻴﻦ ﺍﺳﺒﺎﺏ ﺗﻤﻨﻌﻬﻢ ﻣﻦ ﺍﻹﻓﺼﺎﺡ ﺑﺸﻜﻞ ﺍﻭ ﺑﺄﺧﺮ .. ﻭﺣﻨﻲ ﻧﺘﻌﺎﻣﻠﻮﺍ ﻣﻌﺎﻫﻢ . ﻋﺎﺩﻱ ﻭﻣﺶ ﺩﺍﻳﺮﻳﻦ ﻓﺒﺎﻟﻨﺎ ﻭﻟﻮ %1 ﺍﻧﻬﻢ ﻣﻤﻜﻦ ﻳﻜﻨﻮﻟﻨﺎ ﻣﺸﺎﻋﺮ ﺣﺐ .. ﻭﺗﻘﻌﺪ ﺍﻟﻤﺸﺎﻋﺮ ﻣﻜﺘﻮﻣﻪ .. ﻣﺮﺍﺕ ﺭﺑﻲ ﻛﺎﺗﺒﻠﻬﺎ ﺍﻧﻬﺎ ﺣﺘﺒﺎﻥ ﻳﻮﻡ ﻣﺎ .. ﻓﻲ ﺍﻟﻮﻗﺖ ﺍﻟﻤﻨﺎﺳﺐ ﻭﻓﻲ ﺍﻟﻠﻲ ﻛﺎﺗﺒﻠﻬﺎ ﺗﻘﻌﺪ ﻣﻜﺘﻮﻣﻪ ﻷﺧﺮ ﻧﻔﺲ ...
***
🍃 ﻣﺮﻭﺍ ﺑﺎﻟﺰﺑﻂ ﻳﻮﻣﻴﻦ ..
ﻻﺟﺪﻳﺪ ﻃﺮﺃ ﻉ ﺣﺎﻟﺔ ﻧﻮﺭﺍﻥ ..
ﻛﻤﺎﻝ ﻛﺎﻥ ﻳﻤﺸﻲ ﺧﻄﻒ ﻟﻠﻤﺴﺘﺸﻔﻰ ﻳﺸﻮﻑ ﺍﻟﻤﻬﻢ ﺍﻟﻤﻬﻢ ﻭﻳﻮﻟﻴﻠﻬﺎ ..
ﺳﺎﺭﻩ ﻳﻮﻣﻴﺎ ﻋﻨﺪﻫﺎ ﻓﻲ ﻭﻗﺖ ﺍﻟﺰﻳﺎﺭﻩ ... ﻭﺭﻳﻬﺎﻡ ﻛﺬﻟﻚ ..
ﺍﻣﺎ ﺷﻬﺎﺏ ﻣﻌﺎﺵ ﻣﺸﻲ ﻣﻦ ﻛﺜﺮ ﻣﺎﺗﺎﻋﺒﻪ ﻧﻔﺴﻴﺘﻪ ﻉ ﺧﺎﻃﺮ ﺣﺎﻟﻬﺎ ﻭﺣﺎﻟﻪ ...
ﺳﻤﻌﻮﺍ ﺑﻨﺎﺕ ﺍﻟﻤﺸﻐﻞ ﺟﻮﺍ ﺷﺎﻓﻮﻫﺎ ﻭﺩﻣﻮﻋﻬﻢ ﻣﺎﻓﺎﺭﻗﺘﺶ ﻋﻴﻮﻧﻬﻢ ... ﻭﺳﻨﺪﺱ ﻗﻌﺪﺕ ﻳﻮﻡ ﻛﺎﻣﻞ ﻋﻨﺪﻫﺎ ﻣﻊ ﻛﻤﺎﻝ ... ﻭﻫﻲ ﺑﺲ ﺗﺒﻜﻲ ..
ﻉ ﺍﻛﺜﺮ ﻣﻦ ﻣﺮﺓ ﺟﺖ ﺑﺘﻘﻮﻝ ﻟﻜﻤﺎﻝ ﻉ ﺣﻘﻴﻘﺔ ﻣﺸﺎﻋﺮ ﺻﺎﺣﺒﺘﻬﺎ ﺑﺲ ﻣﻊ ﺍﻷﺳﻒ .. ﻣﻮﻗﻒ ﺯﻱ ﻫﺬﺍ ﺍﻛﻴﺪ ﺣﻴﺨﻠﻴﻬﺎ ﺗﺨﺴﺮ ﻧﻮﺭﺍﻥ .
ﻭﻫﺬﺍ ﺍﻟﻠﻲ ﺧﻼﻫﺎ ﺗﺘﺮﺍﺟﻊ ﻓﻜﻞ ﻣﺮﺓ ..
ﻛﺎﻧﺖ ﻓﻲ ﻧﻔﺲ ﺍﻟﻮﻗﺖ ﻣﺮﻛﺰﻩ ﻉ ﺍﻛﺮﻡ ﻭﺳﺎﺭﻩ ... ﻭﺣﺴﺖ ﺑﺄﻥ ﻣﺸﺎﻋﺮﻫﺎ ﺍﺗﺠﺎﻩ ﺍﻛﺮﻡ ﻣﺎﻟﻴﻬﺎﺵ ﺍﻣﻞ ﻣﻌﺎﻩ ﻧﻬﺎﺋﻲ ﻭﻛﺎﻧﺖ ﻣﺘﺄﻟﻤﻪ ﻟﻬﺎﻟﺸﻲ .. ﻹﻧﻬﺎ ﺍﻋﺠﺒﺖ ﺑﺄﻛﺮﻡ ﻫﻠﺒﻪ ﻭﺗﻤﻨﺎﺗﻪ ﻣﻦ ﻛﻞ ﻗﻠﺒﻬﺎ ..
ﺑﺲ 💓 ﺍﻟﻘﻠﺐ ﻭﻣﺎﻳﺮﻳﺪ ...💓
....
ﺭﺿﻮﺍﻥ : ﻏﻴﺮ ﺗﻮﻋﻰ ﻫﻴﺎ ﺍﻟﻠﻲ ﺗﺒﻴﻬﺎ ﺗﺼﻴﺮ ..
ﺭﻳﻬﺎﻡ : ﺍﻛﻴﺪ ﺣﺒﻴﺒﻲ؟ !
ﺭﺿﻮﺍﻥ ﺍﺑﺘﺴﻢ : ﺍﻛﻴﺪ ..
ﻛﺎﻥ ﺷﺎﺩ ﻳﺪ ﺭﻳﻬﺎﻡ ﻭﻣﺎﺷﻴﻴﻦ ﻟﻐﺮﻓﺘﻬﺎ ﺟﻬﺔ ﺍﻟﺸﺒﺎﻙ ﻳﺸﻮﻓﻮﻟﻬﺎ ...
ﻭﺭﺿﻮﺍﻥ ﺍﻟﻠﻲ ﻛﺎﻥ ﻓﻲ ﺍﻟﻔﺘﺮﻩ ﺍﻷﺧﻴﺮﻩ ﻳﺸﻮﻑ ﻓﻲ ﺍﺣﻼﻡ ﻣﺨﻴﻔﻪ ﺑﺨﻮﻩ .. ﺍﺳﺘﺴﻠﻢ ﻭﺿﻌﻒ ﻭﺍﺧﺘﺎﺭ ﺍﻧﻪ ﻳﺘﺮﺍﺟﻊ ﺣﺎﻟﻴﺎ ﻋﻦ ﻣﻮﺿﻮﻉ ﺯﻭﺍﺝ .. ﺑﺲ ﻃﺒﻌﺎ ﻣﺆﻗﺘﺎ ... ﻟﻴﻦ ﻳﻠﻘﻰ ﻃﺮﻳﻘﻪ ﻳﺘﻤﻪ ﺑﻴﻬﺎ ...
ﻓﺎﺕ ﺑﺎﻗﻲ ﺍﻟﻴﻮﻡ ﻋﺎﺩﻱ ..
ﻓﻲ ﺍﻟﻠﻴﻞ ..
ﻛﺎﻥ ﺷﻬﺎﺏ ﻭﺍﻗﻒ ﻉ ﺭﻭﺷﻨﻬﺎ ﻭﻳﺸﻮﻓﻠﻬﺎ ﻭﻭﺟﻌﻪ ﺣﺎﻟﻬﺎ ﻫﻠﺒﻪ .. ﺣﺎﻟﺔ ﺍﻟﻀﻴﺎﻉ ﻭﺍﻟﺤﻴﺮﻩ ﺍﻟﻠﻲ ﻫﻮ ﻓﻴﻬﺎ ﺧﻠﻮﻩ ﻳﺎﺧﺪ ﻗﺮﺍﺭ ﻣﺮﻏﻢ ﻋﻠﻴﻪ ..
ﻛﻤﺎﻝ ﻛﺎﻥ ﻭﺍﻗﻒ ﻣﻦ ﺑﻌﻴﺪ ﻭﻳﺸﻮﻓﻠﻪ .. ﻭﺍﻟﻐﻴﺮﻩ ﻣﺪﺍﻳﺮﻩ ﺷﻐﻠﻬﺎ ..
ﺍﻛﺘﺸﻒ ﺍﻧﻪ ﻏﻴﻮﺭ ... ﺑﺲ ﻓﻲ ﺍﻟﺤﻘﻴﻘﻪ ﺍﻟﺼﻔﻪ ﻫﺎﺩﻱ ﺣﺪﻳﺜﻪ ﻓﻴﻪ ﻣﺶ ﻗﺪﻳﻤﻪ ... ﺑﺲ ﻫﻮ ﻇﻨﻬﺎﻓﻴﻪ ﻣﻦ ﺯﻣﺎﻥ ..
ﻛﺎﻥ ﻃﻮﻝ ﻣﺎﻫﻮ ﻭﺍﻗﻒ ﺭﺟﻠﻪ ﺗﻬﺰ ﻭﻣﺮﺑﻊ ﺍﻳﺪﻳﻪ ﻭﻳﺸﻮﻑ ﻟﺸﻬﺎﺏ ﺑﺤﺪﻩ ..
ﺳﺎﺭﻩ ﻛﺎﻧﺖ ﻣﺮﻛﺰﺓ ﻋﻠﻴﻪ ﺗﺮﻛﻴﺰ ﺗﺎﻡ .. ﺍﻣﺎ ﺍﻛﺮﻡ ﻓﻤﻜﺎﻧﺶ ﻣﺪﻭﺭ ..
ﺍﻟﺮﺟﺎﻟﻪ ﻣﺎﻳﺪﻗﻘﻮﺵ ﻫﻠﺒﻪ ﺯﻳﻨﺎ 😁... ﻟﻮ ﺍﻟﻤﻮﺿﻮﻉ ﻣﺎﻫﻤﻬﺶ ..
ﺍﻣﺎ ﻋﻨﺪ ﻧﻮﺭﺍﻥ ..
ﺍﻟﻠﻲ ﻛﺎﻧﺖ ﺭﺍﻗﺪﻩ ﻭﻃﻮﻟﺖ ﻓﺮﻗﺪﺗﻬﺎ ... ﻷﻭﻝ ﻣﺮﺓ ﻓﻲ ﺣﻴﺎﺗﻬﺎ ﺗﺸﻮﻑ ﺣﻠﻢ ﻳﺨﺺ ﺍﻏﻠﻰ ﺍﺛﻨﻴﻦ ﻉ ﻗﻠﺒﻬﺎ .. ﺍﻳﻪ ﺭﺑﻲ ﻣﺎﺟﻤﻌﻬﺎﺵ ﺑﻴﻬﻢ ﻓﻲ ﺍﻟﺤﻴﺎﻩ .. ﺑﺲ ﺧﻼ ﺍﻟﺤﻠﻢ ﻓﺮﺻﻪ ﻟﻘﺎﺀ ..
ﻣﺎﺣﺪ ﻳﺴﺘﻐﺮﺏ ﺭﺑﻲ ﻭﻟﻄﻔﻪ ﺑﻴﻨﺎ ﻭﺭﺣﻤﺘﻪ 💓
🌠
ﻛﺎﻧﻮﺍ ﺍﻟﺰﻭﺯ ﻣﻘﻌﻤﺰﻳﻦ ﺣﺪﺍ ﺑﻌﺾ ﻓﻲ ﻣﻜﺎﻥ ﺍﺧﻀﺮ ﻭﻻﺑﺴﻴﻦ ﺍﺧﻀﺮ .. ﻧﻮﺭﺍﻥ ﻛﺎﻧﺖ ﻣﺘﻮﺳﺪﻩ ﺭﺟﻞ ﺍﻣﻬﺎ ﻭﺍﻣﻬﺎ ﺗﻤﺴﺢ ﻉ ﺷﻌﺮﻫﺎ ﻭﺗﻐﻨﻴﻠﻬﺎ ..
ﻳﺎﺧﻮﺍﺗﻲ ﺑﺤﺒﻬﺎ .. ﺩﻱ ﺣﺒﻴﺒﺔ ﺍﻣﻬﺎ ...
ﻛﺎﻧﺖ ﻣﺒﺘﺴﻤﻪ ﻭﻣﻐﻤﻀﻪ ﻋﻴﻮﻧﻬﺎ ..
ﺳﻔﻴﺎﻥ ﻳﺸﺒﺤﻠﻬﺎ ﻭﺍﺑﺘﺴﺎﻣﺘﻪ ﻉ ﻭﺟﻬﻪ ﻭﻗﺎﻝ : ﺑﺎﺑﺎ ...
ﻧﻮﺭﺍﻥ ﻧﺎﺿﺖ ﻗﻌﻤﺰﺕ ﻭﻗﻌﺪﺕ ﺗﺸﻮﻓﻠﻪ ..
ﺳﻔﻴﺎﻥ ﺑﺈﺑﺘﺴﺎﻣﻪ : ﺻﻠﻲ ﻉ ﺍﻟﻨﺒﻲ ...
ﺍﻟﺸﻴﻤﺎﺀ ﺍﺑﺘﺴﻤﺖ : ﻋﺎﺵ ﻳﺘﻴﻢ .. ﻟﻜﻦ ﺭﺑﻲ ﻋﻮﺿﻪ ﻭﻛﺎﻥ ﺩﻳﻤﺎ ﻣﻌﺎﻩ ...
ﺳﻔﻴﺎﻥ : ﺭﺑﻚ ﻣﺎﻳﺨﻠﻲ ﺣﺪ ...
ﻧﻮﺭﺍﻥ ﺳﺎﻛﺘﻪ ﻭﺗﺘﻤﻼ ﻣﻨﻬﻢ ..
ﺍﻟﺸﻴﻤﺎﺀ : ﺻﻠﻲ ﻉ ﺍﻟﻨﺒﻲ .. ﻫﻤﻚ ﻳﺰﻭﻝ
ﺳﻔﻴﺎﻥ : ﺻﻠﻲ ﻉ ﺍﻟﻨﺒﻲ ... ﺣﺘﻔﺮﺝ ﻓﻲ ﻳﻮﻡ ..
ﻧﻮﺭﺍﻥ : ﺧﻠﻴﻜﻢ ﺷﻮﻳﻪ ﺑﺲ ..
ﻛﺎﻧﻮﺍ ﻳﺒﻌﺪﻭﺍ ﻭﻫﻤﺎ ﻳﻘﻮﻟﻮﺍ : ﺻﻠﻲ ﻉ ﺍﻟﻨﺒﻲ ... ﺻﻠﻲ ﻉ ﺍﻟﻨﺒﻲ ...
ﻧﻮﺭﺍﻥ ﺩﻣﻮﻋﻬﺎ ﻧﺰﻟﻮﺍ .. ﻭﻗﺎﻟﺖ : ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ..
ﻓﺘﺤﺖ ﻋﻴﻮﻧﻬﺎ ﻭﻣﺎﺯﺍﻟﺖ ﺗﺴﻤﻊ ...
💙 ﻧﻮﺭﺍﻥ ..
ﺗﺄﻛﺪﺕ ﺍﻧﻬﺎ ﺭﺳﺎﻟﻪ ﻣﻦ ﺭﺑﻲ ﻟﻴﺎ .. ﺯﻣﺎﻥ ﻛﺎﻧﺖ ﺣﻨﻲ ﺗﻤﺘﻢ ﻟﻤﺎ ﺗﻘﻌﺪ ﺑﺮﻭﺣﻬﺎ ﻧﺴﺄﻟﻬﺎ ﺣﻨﻲ ﺷﻦ ﺗﺤﻜﻲ ... ﺗﺮﺩ ﻋﻠﻴﺎ ﻧﺼﻠﻲ ﻉ ﺍﻟﻨﺒﻲ ﺑﺶ ﻧﺮﺗﺎﺡ ..
ﺳﺄﻟﺘﻬﺎ ﻛﻴﻒ ﻋﻠﻤﺘﻨﻲ ﻛﻨﺖ ﺩﻳﻤﺎ ﻟﻤﺎ ﻧﻠﻘﻰ ﻧﻔﺴﻲ ﻓﺎﺿﻴﻪ ﻧﺪﻳﺮ ﻛﻴﻔﻬﺎ ﻭﺍﻟﺮﺍﺣﻪ ﺗﻨﺰﻝ ﻋﻠﻴﺎ .. ﺑﻌﺪ ﻋﺮﻓﺖ ﺍﻥ ﺍﻟﺼﻼﻩ ﻋﻠﻴﻪ ﺗﻨﺰﻝ ﻋﻠﻴﻨﺎ ﻣﻦ ﺭﺑﻲ ﺑﻌﺸﺮﻩ .. ﻭﻫﻮ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﻳﺮﺩﻋﻠﻴﻨﺎ .
ﻃﺒﻴﻌﻲ ﺗﻨﺰﻝ ﻋﻠﻴﺎ ﺭﺍﺣﻪ .. ﺑﺲ ﻟﻴﺎ ﻓﺘﺮﻩ ﻃﻮﻭﻭﻭﻳﻠﻪ ﻗﺎﻃﻌﻪ ﻫﺎﻟﻌﺎﺩﻩ .. ﻭﺭﺑﻲ ﺫﻛﺮﻧﻲ ﺑﻴﻬﺎ ﻣﻦ ﺟﺪﻳﺪ ..
ﻗﻌﺪﺕ ﺗﺸﺒﺢ ﻓﻲ ﺍﻟﻤﻜﺎﻥ ﻛﻠﻪ .. ﺷﻬﺎﺏ ﺭﻛﺰ ﻋﻠﻴﻬﺎ ﺗﺤﺮﻙ ﻓﻲ ﺭﺍﺳﻬﺎ .. ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺼﺪﻣﻪ ﻭﺍﻟﺘﻔﺘﻠﻬﻢ ﻭﻗﺎﻟﺖ ﺑﺼﻮﺕ ﻋﺎﻟﻲ ﺑﻌﺾ ﺍﻟﺸﻲ : ﻧﻮﺭﺍﻥ ﻭﻋﺖ ...
ﻃﻮﻝ ﺟﻮﻩ ﻭﻭﻗﻔﻮﺍ ﻉ ﺍﻟﺮﻭﺷﻦ .. ﻟﻘﻮﻫﺎ ﻛﻴﻒ ﺟﺎﻳﻪ ﺑﺘﻠﻒ ﺭﺍﺳﻬﺎ ﻟﻴﻪ .. ﺷﺒﺤﺘﻬﻢ ﻛﻴﻒ ﻭﺍﻗﻔﻴﻦ .. ﻭﻋﻼﻣﺎﺕ ﺍﻟﻔﺮﺣﻪ ﺑﺎﻳﻨﻪ ﻉ ﻭﺟﻮﻫﻬﻢ ..
💙 ﻧﻮﺭﺍﻥ ..
ﻋﻴﻮﻧﻲ ﻭﺣﺪﻫﻦ ﺑﺤﺘﻦ ﻓﻴﻪ ﻫﻮ ﺑﺲ ﺩﻭﻥ ﻋﻦ ﺍﻟﻜﻞ .. ﻗﻠﺒﻲ ﻣﻨﻜﻠﺐ ﺩﺍﺧﻞ ...💓 ﺍﺍﺍﻩ ﻫﺎﻟﺒﻨﻲ ﺁﺩﻡ ﺭﻭﺣﻲ .. ﻭﻣﻬﻤﺎ ﺩﺍﺭ ﻭﻣﻬﻤﺎ ﺻﺎﺭﻧﺤﺒﻪ ﻭﻧﻤﻮﺕ ﻋﻠﻴﻪ 💖
ﺍﺑﺘﺴﻤﻠﻬﺎ ﻫﻲ ﺭﺩﺗﻬﺎ ﺑﺘﻌﺐ ..
ﺑﻌﺪ ﺳﺎﻋﺘﻴﻦ ..
ﺍﻟﺪﻛﺘﻮﺭ : ﻳﺨﺶ ﺷﺨﺺ ﻭﺍﺣﺪﺑﺲ .. ﻣﻦ ﻗﺮﻳﺒﻬﺎ ﻓﻴﻜﻢ ..
ﺷﻬﺎﺏ : ﺍﻧﺎ ..
ﺍﻟﺪﻛﺘﻮﺭ : ﺗﻔﻀﻞ .. ﻣﺎﻃﻮﻟﺶ ..
ﺷﻬﺎﺏ : ﺣﺎﺿﺮ .. ﻭﻣﺸﻲ ﺧﺶ ..
ﻛﻤﺎﻝ ﺣﻂ ﺍﻳﺪﻳﻪ ﻓﺠﻴﻮﺑﻪ ﻭﻗﺎﻝ ﺑﺘﻬﻜﻢ : ﺷﻦ ﺑﻴﺼﻴﺮ ﻛﺎﻥ ﺧﺸﻴﻨﺎ ﻛﻠﻨﺎ؟
ﺍﻛﺮﻡ : ﻛﻨﻚ ﻣﺎﺳﺄﻟﺘﻪ ..
ﻛﻤﺎﻝ : ﺑﻨﺴﺄﻟﻪ ﻭﺍﻧﻲ ﻋﺎﺭﻑ ؟ﻧﻘﺪﺭﻭﺍ ﻧﺨﺸﻮﺍ ﻧﺸﻮﻓﻮﻫﺎ ﺑﺲ ﻣﺎﻧﻄﻮﻟﻮﺵ .. ﻟﻜﻦ ﻫﻮ ﺍﻟﺒﺎﻳﻦ ﻓﻲ ﺣﺪ ﻣﻘﺮﻳﻪ ..
ﺳﺎﺭﻩ ﺑﻀﺤﻜﻪ : ﺑﺎﻫﻲ ﻫﺪﻱ ﻳﺎﻛﺎﺑﺘﻦ .. ﺗﻌﻮﺩﻧﺎ ﻋﻠﻴﻚ ﻫﺎﺩﻱ ..
ﺍﻛﺮﻡ ﺍﺑﺘﺴﻢ ﻉ ﺟﻨﺐ : ﺻﺪﻗﺘﻲ ..
ﻛﻤﺎﻝ ﺷﺒﺤﻠﻬﻢ ﺍﻟﺰﻭﺯ ﺑﻨﺺ ﻋﻴﻦ ﻭﻣﺸﻲ ﻭﻗﻒ ﻓﻲ ﺍﻟﺮﻭﺷﻦ ..
ﺳﺎﺭﻩ : ﻳﻐﺎﺭ .
ﺍﻛﺮﻡ : ﺗﺲ ..
ﺳﺎﺭﻩ : ﻣﺎﻝ؟
ﺍﻛﺮﻡ : ﻓﻮﺗﻴﻪ ﺍﻟﻤﻮﺿﻮﻉ ﻫﻀﺎ ﻭﺷﻴﻠﻴﻪ ﻣﻦ ﺑﺎﻟﻚ ..
ﺳﺎﺭﻩ ﻣﻄﺖ ﺷﻮﺍﺭﺑﻬﺎ ﺑﺈﺳﺘﻴﺎﺀ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻛﻤﺎﻝ ﻛﺎﻥ ﻳﺸﻮﻑ ﻓﻲ ﺷﻬﺎﺏ ﻭﻧﻮﺭﺍﻥ ﻭﻛﺄﻧﻬﻢ ﻳﺘﻜﻠﻤﻮﺍ .. ﻳﺒﻲ ﻳﻌﺮﻑ ﺷﻦ ﻳﻘﻮﻟﻠﻬﺎ ﻭﺗﻘﻮﻟﻪ ... ﺷﻮﻳﻪ ﻭﺷﺪ ﺷﻬﺎﺏ ﻳﺪ ﻧﻮﺭﺍﻥ ..
ﻫﻮ ﻓﻨﺺ ﻋﻴﻮﻧﻪ ﺑﻌﺪﻳﻦ ﻟﻒ ﻭﺟﻬﻪ ﺍﻟﺠﻬﺔ ﺍﻟﺘﺎﻧﻴﻪ ﻣﻦ ﻛﺜﺮ ﻣﺎﺍﺿﺎﻳﻖ ...
ﺷﺒﺤﻠﻬﻢ ﻣﺮﺓ ﺗﺎﻧﻴﻪ ﻟﻘﻲ ﻳﺪﻩ ﻗﺎﻋﺪﻩ ﺷﺎﺩﻩ ﻳﺪﻫﺎ ﻭﻫﻮ ﻛﺎﻥ ﻳﺘﻜﻠﻢ ﺑﺈﺑﺘﺴﺎﻣﻪ ..
ﻛﻤﺎﻝ ﻟﻒ ﻭﺟﻬﻪ ﻣﻦ ﺟﺪﻳﺪ : ﺗﺲ ... ﺃﻓﻔﻔﻔﻔﻒ ... ﻣﺸﻲ ﻣﻦ ﺣﺪﺍ ﺍﻟﺮﻭﺷﻦ ... ﻛﺎﻥ ﻣﻐﻤﺾ ﻋﻴﻮﻧﻪ ﻭﺭﺍﺳﻪ ﻟﻮﻃﺎ ﻭﺍﻳﺪﻳﻪ ﻓﻲ ﺟﻴﻮﺑﻪ ... ﻭﺭﺟﻠﻪ ﺍﻟﻴﻤﻴﻦ ﺗﺨﺒﻂ ﻓﻲ ﺍﻷﺭﺽ ﺑﺎﻟﺸﻮﻳﻪ ..
ﻣﺎﻫﻨﺎﺷﻲ ﻗﻠﺒﻪ .. ﻭﻻ ﻟﻠﺮﻭﺷﻦ ﻣﻦ ﺟﺪﻳﺪ ﻟﻘﻲ ﺷﻬﺎﺏ ﻣﻄﺒﺲ ﻉ ﺭﺍﺱ ﻧﻮﺭﺍﻥ ﻭﻳﺒﻮﺱ ﻓﻴﻪ ..
ﻫﻨﻲ ﻫﻮ ﺧﻼﺹ ... ﻃﻖ ﻉ ﺍﻟﺮﻭﺷﻦ ﺑﺼﺒﻌﻪ .. ﺷﺒﺤﻮﺍ ﺍﻟﺰﻭﺯ ﻟﻠﺮﻭﺷﻦ ..
ﻛﻤﺎﻝ ﻭﻣﻼﻣﺤﻪ ﻳﺒﺎﻥ ﻓﻴﻬﻢ ﺍﻟﻌﺼﺒﻴﻪ ﻭﺣﺎﺟﺒﻪ ﻣﺮﻓﻮﻉ ... ﺍﺷﺮ ﻟﺸﻬﺎﺏ ﻉ ﺍﻟﺴﺎﻋﻪ .. ﺑﻤﻌﻨﻲ ﻋﻄﻠﺖ ...
ﺷﻬﺎﺏ ﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ... ﻛﻠﻢ ﻧﻮﺭﺍﻥ ﺷﻮﻳﻪ .. ﻭﻃﻠﻖ ﻳﺪﻩ ﻭﻟﻒ ﻭﻃﻠﻊ ﻭﻛﻤﺎﻝ ﻣﻌﺎﻩ ﺑﻌﻴﻮﻧﻪ ﻟﻴﻦ ﺳﻜﺮ ﺍﻟﺒﺎﺏ .. ﻏﻴﺮ ﻋﻴﻮﻧﻪ ﺟﻬﺔ ﻧﻮﺭﺍﻥ ﻟﻘﺎﻫﺎ ﺗﺸﺒﺤﻠﻪ ﻭﻫﻲ ﻣﺒﺘﺴﻤﻪ .. ﻫﻮ ﺭﺩﻫﺎ .. ﻭﻫﻮ ﻗﻌﺪ ﻳﺸﺒﺤﻠﻬﺎ ....
ﻗﻌﺪﻭﺍ ﻉ ﻫﺎﻟﺤﺎﻝ ﻳﺸﺒﺤﻮﺍ ﻟﺒﻌﺾ .. ﻭﺍﻟﻌﻴﻮﻥ ﺗﺘﻜﻠﻢ ﻛﻼﻡ ﺣﻠﻮ ﻣﺎﻳﻨﻤﻠﺶ ﻣﻨﻪ .. ﻟﻴﻦ ﻫﺒﻄﺖ ﻳﺪ ﺍﻛﺮﻡ ﻉ ﻛﺘﻒ ﻛﻤﺎﻝ ... ﺍﻟﻠﻲ ﺍﻧﺨﻠﻊ ...
ﺍﻛﺮﻡ ﺷﺒﺢ ﻟﻨﻮﺭﺍﻥ ﻭﺍﺷﺮﻟﻬﺎ ...🖐 ﻫﻲ ﺿﺤﻜﺖ ﻭﺭﺩﺗﻬﺎﻟﻪ ...
ﺍﻛﺮﻡ : ﻫﻴﺎ ﻳﺎﺳﻤﺢ ... ﺗﻌﺎﻝ ﻣﻌﺎﻱ ﻧﻌﺪﻭﺍ ﻟﻠﺪﻛﺘﻮﺭ ﻭﻧﺨﺒﺮﻭﻩ ..
ﻛﻤﺎﻝ : ﻋﺎﺩﻱ ﺗﻘﺪﺭ ﺗﻤﺸﻴﻠﻪ ﺑﺮﻭﺣﻚ ..
ﺍﻛﺮﻡ ﺷﺪ ﻉ ﻛﺘﻔﻪ : ﻻﻳﺎﺩﻛﺘﻮﺭ ﺍﻧﺖ ﺗﻔﻬﻢ ﻋﻠﻴﻪ ﺍﻛﺜﺮ ﻣﻨﻲ .. ﻫﻲ ﺗﻌﺎﻝ ..
ﻛﻤﺎﻝ ﺷﺒﺢ ﻟﻨﻮﺭﺍﻥ ﻭﺩﺍﺭﻟﻬﺎ 🖐 ﻭﻫﻲ ﺍﺑﺘﺴﻤﺖ ﻭﺭﺩﺗﻬﺎ ﻭﺟﺒﺪﻩ ﺍﻛﺮﻡ ﻭﻣﺸﻮﺍ ...
ﺍﻛﺮﻡ ﻛﺎﻥ ﺧﺎﻳﻒ ﻉ ﻧﻮﺭﺍﻥ ﻟﻮ ﺗﻌﻠﻘﺖ ﺑﻜﻤﺎﻝ ﻭﻫﻮ ﺍﺗﺠﺎﻫﻬﺎ ﻣﺎﻳﺤﺲ ﺑﺸﻲ ﻏﻴﺮ ﺍﻷﺧﻮﺓ ﺯﻱ ﻣﺎﻗﺎﻟﻪ ﻭﻹﻥ ﻋﺎﺭﻑ ﻛﻮﻳﺲ ﻣﻦ ﻫﻮ ﻛﻤﺎﻝ ﻭﻣﺎﻧﺴﺎﺵ ﻟﻠﺤﻈﻪ ﺣﻘﻴﻘﺔ ﻭﺿﻌﻪ ﻳﺤﺎﻭﻝ ﻉ ﻗﺪ ﻣﺎﻳﻘﺪﺭ ﻳﺒﻌﺪﻫﻢ ﻋﻦ ﺑﻌﺾ ..
ﺍﻟﺼﺒﺢ
ﻧﻘﻠﻮﺍ ﻧﻮﺭﺍﻥ ﻟﻐﺮﻓﻪ ﺗﺎﻧﻴﻪ .. ﻭﻛﺎﻧﻮﺍ ﻛﻠﻬﻢ ﻋﻨﺪﻫﺎ ..
ﻛﺎﻥ ﻋﻤﻬﺎ ﻣﻘﻌﻤﺰ ﻉ ﺣﺎﻓﺔ ﺍﻟﺴﺮﻳﺮ ﻭﺷﺎﺩ ﻳﺪﻫﺎ ..
ﺭﺿﻮﺍﻥ : ﺭﺑﻲ ﻳﻬﺪﻳﻚ ﻳﺎﺑﻨﺘﻲ ﻣﺘﻨﺎ ﻣﻦ ﺧﻮﻓﻨﺎ ﻋﻠﻴﻚ ..
ﻧﻮﺭﺍﻥ ﻭﺍﻟﺪﻣﻌﻪ ﻋﺒﺖ ﻋﻴﻨﻬﺎ : ﺳﺎﻣﺤﻮﻧﻲ ..
ﺭﺿﻮﺍﻥ ﺑﺎﺱ ﻳﺪﻫﺎ : ﺍﻧﺘﻲ ﺍﻟﻠﻲ ﺳﺎﻣﺤﻴﻨﻲ ﻭﻟﻮ ﻉ ﻫﺬﻛﻲ ﺍﻟﻤﻮﺿﻮﻉ ..
ﻧﻮﺭﺍﻥ ﻗﺎﻃﻌﺎﺗﻪ : ﻋﻤﻲ .. ﺍﻧﺎ ﻭﺷﻬﺎﺏ ﻣﺎﻋﻨﺪﻧﺎﺵ ﻣﺸﻜﻠﻪ ﺧﻼﺹ ..
ﻛﻠﻬﻢ ﺷﺒﺤﻮﻟﻬﻢ ﺑﺼﺪﻣﻪ ..
ﻭﺍﻛﺜﺮ ﻣﻦ ﺍﻧﺼﺪﻡ ﻛﻤﺎﻝ ...
ﺭﺿﻮﺍﻥ ﺷﺒﺢ ﻟﺸﻬﺎﺏ ..
ﺷﻬﺎﺏ : ﺑﺲ ﻃﺒﻌﺎ ﻋﻨﺪﻧﺎ ﺷﺮﻁ .. ﻧﺪﻳﺮﻭﺍ ﺍﻟﻌﻘﺪ ﺗﻮﺍ ﻭﺍﻟﺠﻮﺍﺯ ﺑﻌﺪ ﻧﺘﺨﺮﺝ ..
ﺷﺒﺢ ﺭﺿﻮﺍﻥ ﻟﻨﻮﺭﺍﻥ : ﺑﺶ ﻧﺘﻌﻮﺩﻭﺍ ﻉ ﺑﻌﻀﻨﺎ ﺑﺸﻜﻞ ﺗﺎﻧﻲ ..
ﺷﻬﺎﺏ : ﻧﺤﻨﺎ ﻋﺸﻨﺎ ﻛﻴﻒ ﺍﻟﺨﻮﺕ ﻃﻮﻝ ﻫﺎﻟﻤﺪﻩ .. ﻧﺒﻮﺍ ﺗﻮ ﻧﺘﻌﺮﻓﻮﺍ ﻉ ﺑﻌﻀﻨﺎ ﺑﻄﺮﻳﻘﻪ ﺍﺧﺮﻯ ..
ﻧﻮﺭﺍﻥ : ﻭﺍﻧﺎ ﻓﻲ ﻛﻞ ﺣﺎﻻﺕ ﺣﻨﻜﻮﻥ ﺯﻭﺟﺘﻪ ..
ﻟﻤﺎ ﻗﺎﻟﺖ ﺍﻟﻜﻠﻤﻪ ﻫﺎﺩﻱ ﻛﻤﺎﻝ ﺣﺲ ﻭﻛﺄﻧﻪ ﻣﻦ ﺧﺪﻱ ﻗﻠﺒﻪ ﻭﻳﻤﺮﺱ ﻓﻴﻪ ﻣﺮﺱ ..
ﻧﻮﺭﺍﻥ : ﻭﻫﻀﺎ ﺣﻞ ﻳﺮﺿﻴﻨﺎ ﻭﻳﺮﺿﻴﻚ ..
ﺭﺿﻮﺍﻥ ﻣﺶ ﻣﺼﺪﻕ ﻣﻦ ﻓﺮﺣﺘﻪ ﻗﺮﺏ ﺑﺎﺱ ﺭﺍﺱ ﻧﻮﺭﺍﻥ ﻭﻃﻮﻝ .. ﻭﻧﺎﺽ ..
ﺭﺿﻮﺍﻥ : ﺣﻔﻠﺔ ﺍﻟﻌﻘﺪ .. ﺣﻨﺨﻠﻲ ﺑﻨﻐﺎﺯﻱ ﻛﻠﻬﺎ ﺗﺪﻭﻱ ﺑﻴﻬﺎ ..
ﻧﻮﺭﺍﻥ : ﻓﻲ ﺍﻟﻔﻴﻼ ﻳﺎﻋﻤﻮ ..
ﺭﺿﻮﺍﻥ ok: ﻓﻲ ﺍﻟﻔﻴﻼ .. ﺑﺲ ﺑﺮﺿﻮ ﺣﺘﻜﻮﻥ ﺣﺎﺟﻪ ﻛﺒﻴﺮﻩ .. ﺑﺠﺪﻓﺮﺣﺘﻮﻧﻲ ﻭﺍﺟﺪ ﻟﻴﺎ ﻭﻗﺖ ﻉ ﺍﻟﻔﺮﺡ ..
ﻧﻮﺭﺍﻥ ﻭﺷﻬﺎﺏ ﺷﺒﺤﻮﺍ ﻟﺒﻌﺾ ﻭﺍﺑﺘﺴﻤﻮﺍ ..
ﺍﻛﺮﻡ : ﻣﺒﺮﻭﻙ .. ﻭﺭﺑﻲ ﻳﻬﻨﻴﻜﻢ ..
ﺳﺎﺭﻩ ﺷﺒﺤﺘﻠﻪ ...
ﺍﻟﺰﻭﺯ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺭﻳﻬﺎﻡ ﺷﺒﺤﺘﻠﻬﻢ ﻭﻗﺎﻟﺖ : ﻣﺒﺮﻭﻙ ..
ﺍﻟﺰﻭﺯ ﺭﺩﻭﺍ ﺑﻨﻔﺲ ﺍﻟﺮﺩ ..
ﻛﻤﺎﻝ ﺑﻠﻊ ﺭﻳﻘﻪ ﻭﺍﺑﺘﺴﻢ ﺍﺑﺘﺴﺎﻣﻪ ﺗﺨﻔﻲ ﻫﻠﺒﻪ ﻭﺭﺍﻫﺎ : ﺍﺣﺴﻦ ﺷﻲ ﺩﺭﺗﻮﻩ .. ﻣﺒﺎﺭﻙ ﻭﺭﺑﻲ ﻳﺘﻤﻢ ﻉ ﺧﻴﺮ ...
ﺷﺒﺤﻮﻟﻪ .. ﺷﻬﺎﺏ ﺭﺩ .. ﻟﻜﻦ ﻫﻲ ﻧﻈﺮﺗﻬﺎ ﻛﺎﻧﺖ ﺗﻘﻮﻝ ﻓﻲ ﻛﻼﻡ ﻭﻛﻼﻡ ... ﻭﺭﺩﺕ ﺑﺤﺮﻛﻪ ﺍﻟﺮﺍﺱ ﺑﺲ ﻣﻊ ﺍﺑﺘﺴﺎﻣﺔ ﺃﻟﻢ ..
ﺭﺿﻮﺍﻥ ﻭﻫﻮ ﻓﻘﻤﺔ ﺍﻟﻔﺮﺡ : ﻣﺘﻰ ﺗﻄﻠﻊ ﻧﻮﺭﺍﻥ ..
ﺍﻛﺮﻡ : ﺑﻌﺪ ﺑﻜﺮﺍ ..
ﺭﺿﻮﺍﻥ : ﻛﻮﻳﺲ ... ﻭﺷﺒﺢ ﻟﻨﻮﺭﺍﻥ ﻭﺍﺑﺘﺴﻢ ﻭﻫﻲ ﺭﺩﺗﻬﺎﻟﻪ ..
🍃 ﻭﻓﺎﺗﻮﺍ 10 ﺃﻳﺎﻡ ..
ﺍﻟﺘﺠﻬﻴﺰﺍﺕ ﻓﻴﻪ ﻉ ﻗﺪﻡ ﻭﺳﺎﻕ ﻟﻠﺤﻔﻠﻪ ..
ﻧﻮﺭﺍﻥ ﻣﺎﻃﻠﻌﺘﺶ ﻣﻦ ﺍﻟﺤﻮﺵ ﺑﻜﻞ ..
ﻭﺍﻟﺒﻨﺎﺕ ﻓﻲ ﺍﻟﻤﺸﻐﻞ ﻟﻤﺎ ﺳﻤﻌﻮﺍ ﺍﻧﺼﺪﻣﻮﺍ ﻭﺍﻛﺜﺮ ﻣﻦ ﺍﻧﺼﺪﻡ ﺻﻔﺎﺀ ﺻﺪﻣﻪ ﻗﻮﻳﻪ ..
ﺳﻨﺪﺱ ﻟﻤﺎ ﻋﺰﻣﺘﻬﺎ ﻧﻮﺭﺍﻥ ﻣﺎﺻﺪﻗﺘﺶ ﺑﻜﻞ ﻭﻣﺎﺣﺎﻭﻟﺘﺶ ﺗﺴﺄﻟﻬﺎ ﻛﻴﻒ ﺻﺎﺭ ﻫﻜﻲ ..
ﺑﻌﺘﺖ ﺑﻄﺎﻗﺔ ﺩﻋﻮﺓ ﻟﺨﺎﻟﺘﻬﺎ ﺣﺘﻰ ﻭﻣﻼﻙ ﻧﺰﻝ ﻋﻠﻴﻬﺎ ﺍﻟﺨﺒﺮ ﺯﻱ ﺍﻟﺼﺎﻋﻘﻪ ...
🍁 ﻭﺻﻠﻮﺍ ﻗﻔﺎﻃﻴﻦ ﺍﻟﺤﻔﻠﻪ ﻭﺍﻹﻛﺴﺴﻮﺭﺍﺕ ﻣﻦ ﺑﺮﺍ ... ﻟﺮﻳﻬﺎﻡ ﻭﻧﻮﺭﺍﻥ ﻭﻛﺎﻧﻮﺍ ﻏﺎﻟﻴﺎﺕ ﻭﺣﻠﻮﺍﺕ ﻫﻠﺒﻪ ﻭﻣﻦ ﺍﻏﻠﻰ ﺍﻟﻤﺎﺭﻛﺎﺕ ...
ﻧﻮﺭﺍﻥ ﻛﺎﻧﺖ ﺗﺘﺼﺮﻑ ﺑﻼ ﺭﻏﺒﻪ .. ﺷﻲ ﺗﺒﻲ ﺍﺩﻳﺮﻩ ﻭﺧﻼﺹ .
. ﺍﻣﺮ ﻭﺍﻗﻊ ﻣﻔﺮﻭﺽ ﻋﻠﻴﻬﺎ ﻭﻻﺯﻡ ﺗﺘﻘﺒﻠﻪ ..
ﺟﺘﻬﺎ ﻣﻴﻜﺐ ﺃﺭﺗﺴﺖ ﻣﻦ 12 ﻣﻌﺎﻫﺎ ﻓﻲ ﺍﻟﺪﺍﺭ ...
ﻟﻮﻃﺎ
ﻛﺎﻧﺖ ﺍﻟﺘﺠﻬﻴﺰﺍﺕ ﻉ ﻗﺪﻡ ﻭﺳﺎﻕ ﻭﺷﺮﻛﻪ ﺗﻨﻈﻴﻢ ﺍﻟﺤﻔﻼﺕ ﻣﻦ ﺍﺭﻗﻰ ﻭﺃﺣﺴﻦ ﺍﻟﺸﺮﻛﺎﺕ ﻓﻲ ﻟﺒﻨﺎﻥ ﺩﺍﺭﺕ ﻛﻞ ﺷﻲ ﻣﻦ ﺍﺭﻭﻉ ﻣﺎﻳﻜﻮﻥ ...
ﻭﺭﺿﻮﺍﻥ ﺍﻟﻴﻮﻡ ﻛﺎﻥ ﻋﻨﺪﻩ ﻳﻮﻡ ﻋﻴﺪ ﻣﻦ ﻓﺮﺣﺘﻪ ﻭﻗﻒ ﻉ ﻛﻞ ﺷﻲ ﺑﻨﻔﺴﻪ ..
ﻭﻃﺒﻌﺎ ﺍﻟﻔﺎﺗﺤﻪ ﺍﻧﻘﺮﺕ ﻓﻲ ﺍﻟﻌﺼﺮ .......
ﺍﻟﺴﺎﻋﻪ ..
8:30 ..
ﺑﺪﻭﺍ ﺍﻟﻤﻌﺎﺯﻳﻢ ﺑﺎﻟﻮﺻﻮﻝ .. ﻭﺭﺿﻮﺍﻥ ﻭﺭﻳﻬﺎﻡ ﻳﺴﺘﻘﺒﻠﻮﺍ ..
ﻭﺍﻛﺮﻡ ﻛﺎﻥ ﻳﺄﻣﻦ ﻓﻲ ﺍﻟﻤﻜﺎﻥ ﺗﺄﻣﻴﻦ ﻣﺸﺪﺩ ....
ﺳﺎﺭﻩ ﻛﺎﻧﺖ ﺗﻌﻮﻝ ﻭﻓﻲ ﻧﻔﺲ ﺍﻟﻮﻗﺖ ﻣﺮﻛﺰﺓ ﻉ ﻭﺟﻮﻩ ﺍﻟﻀﻴﻮﻑ ﻭﺍﻟﺤﺎﺿﺮﻳﻦ ... ﻭﺗﺤﺎﻭﻝ ﺗﻜﺘﺸﻒ ﺍﻱ ﺷﻲ .. ﺍﻟﻴﻮﻡ ﺑﺎﻟﻨﺴﺒﻪ ﻟﻴﻬﺎ ﻣﻬﻢ ﻣﻤﻜﻦ ﺗﻄﻠﻊ ﻣﻨﻪ ﺑﺤﺎﺟﻪ ﻣﻔﻴﺪﻩ ..
🍁🍁🍁
ﻃﻠﻊ ﻣﻦ ﺍﻟﻔﻴﻼ ﻭﻛﺎﻥ ﺑﻜﺎﻣﻞ ﺍﻧﺎﻗﺘﻪ ﻻﺑﺲ ﺑﺪﻟﻪ ﻭﻃﺎﻟﻊ ﻳﻄﻴﺮ ﺍﻟﻌﻘﻞ ﻭﻳﻮﻗﻒ ﺍﻟﻘﻠﺐ ... ﺧﺶ ﻟﻠﻔﻴﻼ .. ﻭﺩﺍﺧﻠﻪ ﻧﺎﺭ ﻭﺍﻟﻌﻪ ﻣﺶ ﻗﺎﺩﺭ ﻳﻄﻔﻴﻬﺎ .. ﻣﺎﻛﺎﻧﺶ ﻳﺒﻲ ﻳﺤﻀﺮ ﺑﺲ ﻻﺯﻡ ﻳﺤﻀﺮ ..
ﺧﺶ ﺷﺎﻓﻪ ﺍﻛﺮﻡ ..
ﺍﻛﺮﻡ ﺍﺑﺘﺴﻢ : ﻻ ﻳﺎﺧﻮﻳﺎ ﻣﻌﻠﻴﺶ ﻣﺶ ﻫﺬﻱ ﺻﺎﻟﺔ ﻓﺮﺣﻚ ..
ﻛﻤﺎﻝ ﺍﺑﺘﺴﻢ : ﺣﺎﻧﻂ ﻫﻠﺒﻪ ..
ﺍﻛﺮﻡ : ﻫﻬﻬﻬﻬﻬﻬﻬﻪ ... ﺍﻟﻮﺣﺪﻩ ﺍﻟﻮﻃﻨﻴﻪ ﺗﺠﺴﺪﺕ ﻑ ﺭﺩﻙ ﻋﻠﻴﺎ ﺗﻮ ..
ﻛﻤﺎﻝ ﺑﻀﺤﻜﻪ : ﺗﺮﺍ ﺯﻳﺪ ﻏﺎﺩﻱ ... ﺧﺶ .. ﻭﺃﻛﺮﻡ ﻗﻌﺪ ﻳﻀﺤﻚ ..
ﺧﺶ ﻛﻤﺎﻝ ﻭﻗﻌﺪ ﻳﺸﻮﻑ ﻟﻠﻤﻜﺎﻥ ﻭﺍﻟﻨﺎﺱ .. ﺣﺲ ﺑﺮﻭﺣﻪ ﻣﺨﻨﻮﻕ ... ﺑﺲ ﺗﺤﻤﻞ ﻭﻛﻤﻞ ﻟﺪﺍﺧﻞ ..
ﻛﺎﻥ ﻣﻠﻔﺖ ﻫﻠﺒﻪ ﺑﺎﻟﻨﺴﺒﻪ ﻟﻠﺤﻀﻮﺭ .. ﻭﺃﻛﺜﺮ ﺷﻲ ﺯﻱ ﻣﺎﺗﻌﻮﺩﻧﺎ ﺍﻟﺤﺎﺿﺮﺍﺕ .. ﺍﻟﻠﻲ ﻗﺮﻳﺐ ﻣﺎﺗﻮﺍ ﻓﻴﻪ ..
ﻭﻗﻒ ﺳﻠﻢ ﻉ ﺭﻳﻬﺎﻡ ﻭﺭﺿﻮﺍﻥ ... ﻭﻛﻤﻞ ﻟﺪﺍﺧﻞ ... ﺷﺒﺢ ﻟﺴﺎﺭﻩ ﺍﻟﻠﻲ ﻛﺎﻧﺖ ﺗﺸﺒﺤﻠﻪ ﺍﺑﺘﺴﻢ ﻫﻲ ﺭﺩﺗﻬﺎ .. ﻭﺑﻌﺪﻳﻦ ﻣﺸﻲ ﻗﻌﻤﺰ ...
ﺣﻂ ﺭﺟﻞ ﻉ ﺭﺟﻞ ﻭﻛﺎﻥ ﻳﻬﺰ ﻣﻦ ﺍﻟﻐﻀﺐ ﻭﺍﻟﻐﻴﺮﻩ ....
ﻭﺳﺎﺭﻩ ﻣﺮﻛﺰﺓ ﻋﻠﻴﻪ .. ﻣﻄﺖ ﺷﻮﺍﺭﺑﻬﺎ ﺑﻀﻴﻖ ...
ﻓﻮﻕ ...
ﺑﺦ ﺑﺮﻓﺎﻧﻪ ﻭﺩﺍﺭ ﻧﻈﺮﺓ ﺍﺧﻴﺮﻩ ﻉ ﻧﻔﺴﻪ ﻓﻲ ﺍﻟﻤﺮﺍﻳﻪ .. ﺗﻨﻬﺪ ﻭﻃﻠﻊ ﻣﻦ ﺍﻟﺪﺍﺭ ... ﺻﻜﺮ ﺍﻟﺒﺎﺏ ﻭﺗﻮﺟﻪ ﻟﺪﺍﺭ ﻧﻮﺭﺍﻥ ...
ﺍﻧﻔﺘﺢ ﺍﻟﺒﺎﺏ ﻗﺒﻞ ﻟﻴﻮﺻﻞ ..
ﻃﻠﻌﺖ ﺍﻟﻤﻴﻜﺐ ﺍﺭﺗﺴﺖ ﻫﻲ ﺍﻷﻭﻟﻰ ﺍﺑﺘﺴﻤﺖ ﻟﺸﻬﺎﺏ ﻭﻫﻮ ﺭﺩﻫﻮﻟﻬﺎ ..
ﺷﻮﻳﻪ ﻭﻃﻠﻌﺖ ﻧﻮﺭﺍﻥ ...
ﺑﻐﺾ ﺍﻟﻨﻈﺮ ﻋﻦ ﻛﻞ ﺷﻲ .. ﺷﻬﺎﺏ ﺍﻧﺒﻬﺮ ﺑﻴﻬﺎ .. ﻛﺎﻧﺖ ﻻﺑﺴﻪ ﻗﻔﻄﺎﻥ ﺫﻫﺒﻲ ... ﻣﻦ ﻓﻮﻕ ﻟﻤﺎﻉ ﻭﺿﻴﻖ ﻟﻌﻨﺪ ﻧﻬﺎﻳﻪ .. ﺍﻟﺼﺪﺭ .. ﺑﻌﺪﻫﺎ ﻳﻜﻮﻥ .. ﻃﺮﻑ ﺗﻮﻝ ﻭﺍﺳﻊ ﻣﻐﻄﻲ ﺑﺎﻗﻲ ﺍﻟﻘﻔﻄﺎﻥ ﻣﺨﺼﺮ ﻉ ﺟﺴﻢ "... ﻳﺎﺭﺏ ﺗﻜﻮﻧﻮﺍ ﺗﺨﻴﻠﺘﻮﻩ ﺻﺢ ﻹﻧﻲ ﻓﺎﺷﻠﻪ ﻓﻲ ﺍﻟﻮﺻﻒ "😥
ﻣﻜﻴﺎﺟﻬﺎ ﺗﺮﺍﺑﻲ ﻭﺭﻭﺟﻬﺎ ﺟﺮﻳﺊ ﻣﻐﻴﺮﻫﺎ ﻣﺨﻠﻴﻬﺎ ﺟﺬﺍﺑﻪ ﻫﻠﺒﻪ ﻣﺜﻴﺮﺓ ... ﻭﻣﻐﻄﻴﻪ ﺷﻌﺮﻫﺎ ﺑﻐﻄﺎﺀ ﺭﺍﺱ ﺫﻫﺒﻲ ﻣﺎﻳﻞ ﻟﻠﺒﻨﻲ ﻭﻣﻄﻠﻌﻪ ﺧﺼﻼﺕ ﻉ ﻳﻤﻴﻦ ﻭﻳﺴﺎﺭ ﻭﺟﻬﻬﺎ ...
ﺑﺈﺧﺘﺼﺎﺭ ﻃﻠﻌﺖ ﺧﻴﺎﺍﺍﺍﺍﺍﻝ ...😍
ﺷﻬﺎﺏ : ﺍﺣﻤﻢ .. ﻭﺍﺟﺪ ﻫﻚ ...
ﻧﻮﺭﺍﻥ ﺿﺤﻜﺖ : ﺷﻨﻮ ﻫﻮ ﺍﻟﻠﻲ ﻭﺍﺟﺪ ..
ﺷﻬﺎﺏ : ﺩﺭﺗﻲ ﻧﻈﺮﻩ ﻉ ﺭﻭﺣﻚ ﻓﻲ ﺍﻟﻤﺮﺍﻳﻪ ... ﺑﺪﻋﻪ ﻳﺎﺑﻨﺖ ﺑﺪﻋﻪ ...
ﺍﻟﻤﻴﻜﺐ ﺍﺭﺗﺴﺖ : ﺍﻟﺤﻤﺪ ﻟﻠﻪ ﺩﺍﻡ ﻋﺮﻳﺴﻚ ﻗﺎﻝ ﻫﻚ ﻣﻌﻨﺎﻫﺎ ﺷﻐﻠﻲ ﻛﺎﻥ ﻣﻤﺘﺎﺯ ..
ﻧﻮﺭﺍﻥ ﺿﺤﻜﺖ ﺑﺨﺠﻞ ..
ﺷﻬﺎﺏ : ؛ﻣﺸﻜﻮﺭﺓ ﻭﺍﺟﺪ ...
ﺍﻻﺭﺗﺴﺖ : ﺗﺴﻠﻢ ... ﻣﺒﺮﻭﻙ ﻋﻠﻴﻜﻢ .. ﻭﻳﺘﻤﻤﻠﻜﻢ ﻉ ﺧﻴﺮ ..
ﺍﻟﺰﻭﺯ ﺭﺩﻭﺍ : ﺍﻟﻠﻪ ﻳﺒﺎﺭﻙ ﻓﻴﻚ .. ﻣﺸﺖ ...
ﺷﻬﺎﺏ ﻗﻌﺪ ﻳﺸﺒﺢ ﻟﻨﻮﺭﺍﻥ ..
ﻧﻮﺭﺍﻥ ﺑﻀﺤﻜﻪ : ﻛﻨﻚ ﺗﺒﺤﺖ ﻫﻚ ..
ﺷﻬﺎﺏ : ﺍﻣﻤﻢ .. ﻧﻔﻜﺮ ..
ﻧﻮﺭﺍﻥ : ﻓﺸﻨﻮ ..
ﺷﻬﺎﺏ : ﻧﻐﻴﺮ ﺷﻲ ﻓﻲ ﺍﻹﺗﻔﺎﻕ ...
ﻧﻮﺭﺍﻥ : ﻫﻬﻬﻬﻬﻬﻬﻬﻬﻪ .. ﻫﺎﺕ ﻳﺪﻙ ﻭﻫﻴﺎ ..
ﺷﻬﺎﺏ : ﻫﻬﻬﻬﻬﻬﻬﻬﻬﻪ ... ﻭﻗﻒ ﺟﻨﺒﻬﺎ ﻣﺪ ﻳﺪﻩ ﻫﻲ ﺷﺪﺗﻬﺎ ﻭﻗﻌﺪﻭﺍ ﻳﻤﺸﻮﺍ ..
ﺷﻬﺎﺏ : ﺻﻔﺎﺀ ﺟﺎﻳﻪ ﺍﻟﻴﻮﻡ؟
ﻧﻮﺭﺍﻥ ﺑﻀﻴﻖ : ﺇﻥ ﺷﺎﺀ ﺍﻟﻠﻪ ﻻ ..
ﺷﻬﺎﺏ ﺗﻨﻬﺪ ﻭﺳﻜﺖ ..
ﻭﺻﻠﻮﺍ ﻓﻲ ﺑﺪﺍﻳﻪ ﺍﻟﺪﺭﻭﺝ ﺧﺪﻭﺍ ﻧﻔﺲ ﻋﻤﻴﻖ .. ﻭﺑﺪﻭﺍ ﻳﻨﺰﻟﻮﺍ ..
ﺷﺒﺤﻬﻢ ﺩﻱ ﺟﻲ .. ﻭﻗﻒ ﺍﻷﻏﻨﻴﻪ .. ﻭﺩﺍﺭ ﻣﻮﺳﻴﻘﻰ ﺗﺪﺭﻳﺞ ﻏﺮﺑﻴﻪ ..
ﻭﻗﺎﻝ : ﻭﺍﻫﻢ ﻃﻠﻮﺍ ﻧﺠﻢ ﻭﻧﺠﻤﻪ ﺍﻟﺤﻔﻠﻪ ...
ﻛﻤﺎﻝ ﺷﺒﺢ ﻟﻠﺪﺭﻭﺝ ... ﻧﺎﺽ ﻭﻗﻒ ... ﻭﻋﻴﻮﻧﻪ ﻛﺎﻥ ﻳﺸﺒﺤﻮﺍ ﺑﺄﻧﺒﻬﺎﺭ ﺷﺪﻳﺪ ... ﻭﻗﻠﺒﻪ ﺑﻴﺸﻖ ﺻﺪﺭﻩ ﻭﺑﻴﻄﻠﻊ ...
ﻣﺶ ﻫﻮ ﺑﺲ ﺍﻟﺤﺎﺿﺮﻳﻦ ﺍﻧﺒﻬﺮﻭﺍ ﺑﻴﻬﺎ ﻛﺎﻧﺖ ﻃﺎﻟﻌﻪ ﺟﺬﺍﺑﻪ ﻭﺣﻠﻮﺓ ﻟﻠﻐﺎﻳﻪ ..
ﻭﺷﻬﺎﺏ ﻭﺳﻴﻢ ﻫﻠﺒﻪ .. ﺍﻟﺰﻭﺯ ﻣﻊ ﺑﻌﺾ ﺣﻠﻮﻳﻦ ..
ﺑﺪﻭﺍ ﻳﺼﻔﻘﻮﺍ ﻭﻫﻤﺎ ﻳﺸﻮﻓﻮﻟﻬﻢ ...
ﺭﺿﻮﺍﻥ ﻋﺠﺒﻪ ﻣﻨﻈﺮﻫﻢ ﻣﻊ ﺑﻌﺾ .. ﻭﺣﺘﻰ ﺭﻳﻬﺎﻡ .. ﺑﺲ ﺑﻌﺪﻳﻦ ﺍﻟﺘﻔﺘﺖ ﻟﻜﻤﺎﻝ ..
ﻭﺳﺎﺭﻩ ﻛﺎﻧﺖ ﻣﺒﺘﺴﻤﻪ ﺑﺈﻋﺠﺎﺏ ﻃﺎﻟﻌﻴﻦ ﻉ ﺑﻌﺾ ﻫﻠﺒﻪ .. ﻭﻣﺒﻬﺮﻳﻦ ﻟﻠﻌﻴﻦ .. ﺑﺲ ﺑﻌﺪﻳﻦ ﻭﺟﻬﺖ ﻧﻈﺮﻫﺎ ﻟﻜﻤﺎﻝ ..
ﺍﻟﺰﻭﺯ ﺷﺒﺤﻮﻟﻪ ... ﻟﻘﻮﻩ ﺷﺎﺩﻩ ﻉ ﻗﺒﻀﻪ ﻳﺪﻩ ﻭﻋﻴﻮﻧﻪ ﻓﻴﻬﻢ ﻟﻤﻌﻪ ﺍﻟﺪﻣﻌﻪ ... ﻭﻛﺎﻥ ﻭﺍﺿﺢ ﻫﻠﺒﻪ ﺻﺪﺭﻩ ﺍﻟﻠﻲ ﻳﻬﺒﻂ ﻭﻳﻨﺰﻝ ...
ﺍﻟﺰﻭﺯ ﺍﺿﺎﻳﻘﻮﺍ ﻭﺭﺟﻌﻮﺍ ﺷﺎﻓﻮﺍ ﻟﻨﻮﺭﺍﻥ ﻭﺷﻬﺎﺏ ...
ﻭﺻﻠﻮﺍ ﻟﻮﻃﺎ ... ﻭﻛﻤﻠﻮﺍ ﻃﺮﻳﻘﻬﻢ ﻟﻠﻤﻜﺎﻥ ﺍﻟﻠﻲ ﺣﻴﻘﻌﻤﺰﻭﺍ ..
ﻭﺍﻟﻤﺼﻮﺭ ﻳﺼﻮﺭ ﺑﻜﺎﻣﻴﺮﺍ ﺍﻟﻔﻴﺪﻳﻮ .. ﻭﻭﺣﺪﻩ ﺗﺎﻧﻴﻪ ﺗﺎﺧﺪ ﻓﻲ ﺻﻮﺭ ... ﻭﺻﻠﻮﺍ ﻟﻤﻜﺎﻧﻬﻢ ..
ﺧﺪﻭﻟﻬﻢ ﺻﻮﺭﺓ ﻭﻃﻠﻘﻮﺍ ﺍﻳﺪﻳﻦ ﺑﻌﺾ ﻭﻗﻌﻤﺰﻭﺍ ...
💙 ﻧﻮﺭﺍﻥ ..
ﻫﺮﺑﺖ ﻣﻦ ﺍﻧﻲ ﻧﺪﻭﺭ ﻋﻠﻴﻪ ﺑﻴﻦ ﺍﻟﻮﺟﻮﻩ .. ﺩﻗﺎﺕ ﻗﻠﺒﻲ ﺍﻟﻘﻮﻳﻪ ﺩﻟﺘﻨﻲ ﻉ ﻭﺟﻮﺩﻩ ﺑﻴﻦ ﺍﻟﺤﺎﺿﺮﻳﻦ .. ﺑﺲ ﻣﻨﻌﺖ ﻧﻔﺴﻲ ﺑﻘﻮﺓ ﻣﻦ ﺍﻧﻲ ﻧﺪﻭﺭﻩ ﺣﺘﻰ ﺍﻧﻲ ﻛﻨﺖ ﻧﺒﺤﺖ ﺗﺤﺖ ﺍﻏﻠﺐ ﺍﻟﻮﻗﺖ ﺍﻭ ﻓﺸﻬﺎﺏ ﺍﻭ ﻋﻤﻲ ﻭﺭﻳﻬﺎﻡ .. ﺍﻟﻤﻬﻢ ﻧﺘﺠﻨﺐ ﺑﺎﻗﻲ ﺍﻟﺤﻀﻮﺭ ﺑﺶ ﻣﺎﺗﺠﻴﺶ ﻋﻴﻨﻲ ﻓﻌﻴﻨﻪ ...
ﻫﻮ ﺭﺟﻊ ﻗﻌﻤﺰ ﻭﻫﻮ ﻳﺸﺒﺤﻠﻬﻢ ﻭﻣﻘﻬﻮﺭ ﻉ ﺍﻵﺧﺮ ...
ﺟﺎﺗﻪ ﻭﺣﺪﻩ ...
: ﻣﻤﻜﻦ ﻧﻘﻌﻤﺰ ﺟﻨﺒﻚ ..
ﻫﻮ ﻣﺶ ﻻﻫﻲ ﺑﻴﻬﺎ ...
: ﻋﻔﻮﺍ ... ﻳﺎﺃﺳﺘﺎﺫ ...
ﺍﺳﺘﺎﻗﺾ ﻭﺷﺒﺤﻠﻬﺎ : ﻧﻌﻢ ..
ﺍﺑﺘﺴﻤﺖ : ﻣﻤﻜﻦ ﻧﻘﻌﻤﺰ ﺟﻨﺒﻚ ..
ﻫﻮ ﺭﺟﻊ ﻳﺸﻮﻑ ﻟﻨﻮﺭﺍﻥ ﻭﺷﻬﺎﺏ ﻭﺭﺩ ﺑﺤﺪﻩ : ﻻ ..
ﺍﻟﺒﻨﺖ ﻗﺮﻳﺐ ﻣﺎﺗﺖ ﻣﻦ ﺍﺳﻠﻮﺑﻪ ﺷﺒﺤﺘﻠﻪ ﻣﻦ ﻓﻮﻕ ﻟﻠﻮﻃﺎ ﻭﻣﺸﺖ ...
ﺭﺟﻠﻴﻪ ﺍﻟﻠﻲ ﻛﺎﻥ . ﺣﺎﻃﻬﻢ ﻉ ﺑﻌﺾ ﻣﺎﺑﻄﻠﻮﺵ ﻫﺰ ..
ﺑﻨﺎﺕ ﺍﻟﻤﺸﻐﻞ ﻭﻣﻌﺎﻫﻢ ﺳﻨﺪﺱ ﺟﻮﺍ ﺑﺎﺭﻛﻮﻟﻬﻢ ﺑﺪﻭﻥ ﺻﻔﺎﺀ .
ﺩﺍﻟﻴﺎ : ﺻﻔﺎﺀ ﺗﺒﺎﺭﻛﻠﻚ ﻭﺗﺘﺄﺳﻒ ﺻﺎﺭﻟﻬﺎ ﻇﺮﻑ ﻭﻣﺎﻗﺪﺭﺗﺶ ﺗﺠﻲ ..
ﺷﺒﺤﺖ ﻟﺸﻬﺎﺏ ﻟﻘﺖ ﻣﻼﻣﺢ ﻭﺟﻬﻪ ﺑﺎﺩﻱ ﻋﻠﻴﻬﻢ ﺍﻟﻀﻴﻖ ﺍﻟﺸﺪﻳﺪ .. ﺭﺟﻌﺖ ﺷﺎﻓﺖ ﻟﺪﺍﻟﻴﺎ : ﻣﻌﺬﻭﺭﺓ ..
ﺳﻨﺪﺱ : ﻣﺎﺷﺎﺀ ﺍﻟﻠﻪ ﻋﻠﻴﻜﻲ ﻳﺎﻗﻠﺒﻲ ﺗﻬﺒﻠﻲ ..
ﺭﻗﻴﻪ : ﺍﻫﺎ ﻗﻤﺮ ..
ﻧﻮﺭﺍﻥ ﺑﺄﺑﺘﺴﺎﻣﻪ : ﺗﺴﻠﻤﻦ ..
ﺳﻨﺪﺱ : ﻣﺒﺎﺭﻙ ﻋﻠﻴﻜﻢ ..
ﺩﺍﻟﻴﺎ ﻭﺭﻗﻴﻪ : ﻣﺒﺮﻭﻙ ... ﻭﻣﺸﻮﺍ ﺍﻟﺘﻼﺗﻪ ..
ﻧﻮﺭﺍﻥ ﺣﻄﺖ ﻳﺪﻫﺎ ﻉ ﻳﺪ ﺷﻬﺎﺏ ﻭﻗﺎﻟﺖ : ﻭﺣﻴﺎﺗﻚ ﻳﺎﺷﻴﺒﻮ ﻛﻠﻪ ﺣﻴﺘﺼﻠﺢ ﻭﺣﻨﻔﻬﻤﻬﺎ ﻛﻞ ﺷﻲ ..
ﺷﻬﺎﺏ ﺍﺑﺘﺴﻢ : ﺍﻥ ﺷﺎﺀ ﺍﻟﻠﻪ ﺗﻘﺘﻨﻊ ..
ﻧﻮﺭﺍﻥ : ﺣﺘﻘﺘﻨﻊ ﺻﺪﻗﻨﻲ ...
ﻛﻤﺎﻝ ﻣﻦ ﺑﻌﻴﺪ ﻳﺸﻮﻓﻠﻬﻢ ﻭﻳﻨﺤﺮﻕ ﺣﺮﻕ ﻗﺎﻋﺪ ..
ﺍﻟﻐﻴﺮﻩ ﻭﺁﺍﺍﺍﻩ ﻣﻨﻬﺎ ﺍﺣﻠﻰ ﻣﺎﻓﻲ ﺍﻟﺤﺐ ﺑﺮﻏﻢ ﻭﻋﺎﺭﺓ ﻧﺎﺭﻫﺎ ..🔥
ﺷﻮﻳﻪ ﻭﺟﻮﻫﻢ ﺭﺿﻮﺍﻥ ﻭﺭﻳﻬﺎﻡ ... ﻛﻠﻤﻮﻫﻢ ..
ﻧﺎﺿﻮﺍ ﺍﻟﺰﻭﺯ ..
ﺗﻮﺟﻬﺘﻠﻬﻢ ﺍﻷﻧﻈﺎﺭ ...
ﻣﺪﺕ ﺭﻳﻬﺎﻡ ﻟﺸﻬﺎﺏ ﺑﺎﻛﻮ ﺍﻟﺪﺑﻠﻪ ﻣﻔﺘﻮﺡ ﺧﺪﺍﻫﺎ ﻭﺑﻴﻠﺒﺲ ﻧﻮﺭﺍﻥ ..
ﻭﺩﺟﻲ ﺷﻐﻞ ﺍﻏﻨﻴﻪ ﺗﻠﻴﻖ ﺑﻬﺎﻟﻠﺤﻈﻪ ..
ﺑﺲ ﻓﻲ ﺍﻏﻨﻴﻪ ﺗﺎﻧﻴﻪ ﻓﻲ ﺑﺎﻟﻲ ﺗﻠﻴﻖ ﺑﻬﺎﻟﻠﺤﻈﻪ ﺍﻟﻠﻲ ﻋﺎﻳﺸﻬﺎ ﻛﻤﺎﻝ ..
" ﺗﺮﻛﻴﻪ ﻭﺣﻠﻮﺓ ﻫﻠﺒﻪ ﻭﺗﻮﺻﻒ ﺣﺎﻟﻪ ﻓﻲ ﺍﻟﻐﺎﻟﺐ ﺑﻌﺪ ﺍﻟﺠﺰﺀ ﻫﺬﺍ ﺣﻨﺰﻟﻬﺎ ﺗﺴﻤﻌﻮﻫﺎ ﻣﺘﺮﺟﻤﻪ ﺇﻥ ﺷﺎﺀ ﺍﻟﻠﻪ ..."
ﺧﺪﻱ ﺷﻬﺎﺏ ﻳﺪﻫﺎ ﻭﺑﺪﻱ ﻳﻠﺒﺲ ﻓﻴﻬﺎ ﺍﻟﺪﺑﻠﻪ ..
ﻫﻲ ﻣﺨﻨﻮﻗﻪ ﺑﺪﻣﻌﺘﻬﺎ ﻭﻫﻮ ﻛﺎﻥ ﻣﻀﺎﻳﻖ .. ﻛﻠﻪ ﺑﺎﻹﺭﻏﺎﻡ ﻭﻣﺎﺣﺪ ﻓﻴﻬﻢ ﺭﺍﺿﻲ ... ﺍﻟﻮﺣﻴﺪ ﺍﻟﻔﺮﺣﺎﻥ ﺭﺿﻮﺍﻥ ...
ﺧﺪﺕ ﺩﺑﻠﺘﻪ ﻣﻦ ﺭﺿﻮﺍﻥ ﻭﺷﺪﺕ ﻳﺪﻩ ﻭﻟﺒﺴﺘﻬﻮﻟﻪ ﻭﻫﻲ ﻣﻦ ﺩﺍﺧﻞ ﺷﺎﺩﻩ ﺩﻣﻮﻋﻬﺎ ﺑﻘﻮﺓ ... ﺧﺎﻳﻔﻪ ﻟﻴﺨﻮﻧﻮﻫﺎ ﻭﻳﻨﺰﻟﻮﺍ ...
ﺍﻟﻤﻌﺎﺯﻳﻢ ﻗﻌﺪﻭﺍ ﻳﺼﻔﻘﻮﺍ ...
ﺭﺿﻮﺍﻥ ﻣﺸﻲ ﺟﻬﺔ ﻭﻟﺪﻩ ﻭﻧﺨﺼﻪ .. ﺷﺒﺤﻠﻪ ﺷﻬﺎﺏ ﺍﺷﺮﻟﻪ ﺑﻌﻴﻮﻧﻪ ..
ﺷﻬﺎﺏ ﻓﻬﻢ .. ﻭﺍﺑﺘﺴﻢ ﻏﺼﺒﺎ ﻭﺳﻠﻢ ﻉ ﻧﻮﺭﺍﻥ ﺑﺎﻟﺨﺪ ..
ﻫﻨﻲ ﻛﻤﺎﻝ ﻧﺎﺽ ﻣﻌﺎﺵ ﺗﺤﻤﻞ ..
ﺑﻌﺪﺳﻠﻤﺖ ﻉ ﺷﻬﺎﺏ ... ﻋﻴﻮﻧﻬﺎ ﺧﺎﻧﻮﻫﺎ ﻭﺷﺒﺤﻮﻟﻪ ﻏﺼﺐ ﻋﻨﻬﺎ ...
ﻋﻴﻨﻬﺎ ﺟﺖ ﻓﻲ ﻋﻴﻨﻪ ﺑﺎﻟﺰﺑﻂ ... ﻧﻈﺮﺗﻪ ﻛﺎﻧﺖ ﻣﺶ ﻃﺒﻴﻌﻴﻪ ﺑﻜﻞ ...
ﻫﻲ ﻏﻴﺮﺕ ﻋﻴﻮﻧﻬﺎ ﻃﻮﻝ ﻋﻨﻪ ... ﻭﻗﻌﺪﺕ ﺗﺸﺒﺢ ﻟﻠﻨﺎﺱ ...
ﺍﻣﺎ ﻫﻮ ... ﺗﻨﻬﺪ . ﺑﺤﺮﻗﻪ .. ﻭﻟﻒ ﻭﻃﻠﻊ ﻣﻦ ﺍﻟﻔﻴﻼ ﻛﻠﻬﺎ ..
ﻣﺎﺻﺪﻕ ﻭﺻﻞ ﺑﺮﺍ ﺍﻛﺮﻡ ﺷﺎﻓﻪ ﻭﺍﺳﺘﻐﺮﺏ ﻓﻴﻪ ﻛﻴﻒ ﻃﺎﻟﻊ ﺑﺴﺮﻋﻪ ﻭﻣﺎﻛﺎﻧﺶ ﻓﺎﺿﻲ ﺑﺶ ﻳﻠﺤﻘﻪ ﻭﻳﻔﻬﻢ ﺧﻴﺮﻩ ..
ﻭﺻﻞ ﻟﻠﻔﻴﻼ ﻭﺧﺶ ... ﺧﺪﻱ ﻧﻔﺲ ﻋﻤﻴﻖ ... ﺑﺲ ﺍﻟﻬﻮﺍ ﺍﻟﻠﻲ ﺧﺶ ﻣﺎﻫﻔﺘﺶ ﺍﻟﻨﺎﺭ ﺍﻟﻠﻲ ﺩﺍﺧﻞ ﺑﻜﻞ ...
ﺗﻮﺟﻪ ﻟﻠﺒﺎﺏ ﺍﻟﺪﺧﻼﻧﻲ ﺭﻛﺐ ﺍﻟﺪﺭﻭﺝ ﺑﺴﺮﻋﻪ ﻭﺻﻞ ﻓﻲ ﺍﻟﺸﻘﻪ ﻭﺧﺶ ﻃﻮﻝ ... ﻭﻣﺸﻲ ﻟﻠﺪﺍﺭ ﻃﻮﻝ ﻓﺘﺤﻬﺎ ﻭﺧﺶ ﺣﻮﻝ ﺍﺩﺟﺎﻛﻪ ﻟﻮﺣﻬﺎ ﻉ ﺍﻟﺴﺮﻳﺮ ﺣﻮﻝ ﺍﻟﺒﻴﺒﻴﻮﻧﻪ ﺍﻟﻠﻲ ﺣﺴﻬﺎ ﺯﺍﺩﺕ ﺧﻨﻘﺎﺗﻪ .. ﻭﻟﻮﺣﻬﺎ ... ﻓﺘﺢ ﺑﻄﻢ ﺍﻟﺴﻮﺭﻳﻪ ﻣﻦ ﻓﻮﻕ ﻭﻣﺸﻲ ﻟﻠﻜﺮﺳﻲ ﻗﻌﻤﺰ ﻋﻠﻴﻪ .. ﻭﺭﻓﻊ ﺭﺍﺳﻪ ﻓﻮﻕ ﻭﻏﻤﺾ ﻋﻴﻮﻧﻪ .. ﻭﺑﺪﻱ ﻳﻜﻠﻢ ﻓﺮﻭﺣﻪ ..
" ﺣﺎﻟﻚ ﻭﺍﺿﺢ ... ﻣﺎﻓﻴﺶ ﺗﻔﺴﻴﺮ ﻟﻠﻲ ﺍﻧﺖ ﻓﻴﻪ ﻏﻴﺮ ﻫﺪﺍﻛﺎ ﺍﻟﺘﻔﺴﻴﺮ ... ﻋﻼﺵ ﻫﻜﻲ ﺑﺲ ... ﺗﻮ ﺍﻧﻲ ﻓﻮﺿﻊ ﻳﺴﻤﺤﻠﻲ ﻧﻌﻴﺶ
ﻫﺎﻟﻤﺸﺎﻋﺮ؟ !! ﻟﻴﺶ ﻫﻲ ﺑﺈﺭﺍﺩﺗﻚ . ﻭﻻﺑﻴﺪﻙ ﺍﻧﺖ ﺑﺮﻭﺣﻚ ﺑﺪﻭﻥ ﻣﺎﺗﺤﺲ ﻟﻘﻴﺖ ﺭﻭﺣﻚ ﻏﺎﺭﻕ ﻟﻮﺩﺍﻧﻚ ﺍﻟﻤﺮﺽ ﻫﺬﺍ ﻳﺎﺩﻛﺘﻮﺭ ﻻﻟﻴﻪ ﻣﻮﺳﻢ ﺑﺶ ﺗﺘﻮﻗﻰ ﻣﻨﻪ ﻭﻻ ﻟﻴﻪ ﺩﻭﺍﺀ ﻭﻻﻓﻲ ﺣﺪ ﻳﻘﺪﺭ ﻳﺮﺩﻩ ... ﻫﻮ ﻭﺍﻟﻤﻮﺕ ﺍﺳﻠﻮﺑﻬﻢ ﻭﺍﺣﺪ ﻳﺠﻮﺍ ﻓﺠﺎﺓ ﻭﺑﺪﻭﻥ ﺍﺳﺘﺌﺬﺍﻥ ..."
ﻓﺘﺢ ﻋﻴﻮﻧﻪ ﻭﻧﺎﺽ ... ﺗﻨﻬﺪ ﻣﻦ ﻭﺳﻂ ﻗﻠﺒﻪ ﻭﺷﺒﺢ ﻟﻠﺮﻭﺷﻦ .. ﻭﻣﺸﺎﻟﻪ ﻓﺘﺤﻪ ﻭﻗﻌﺪ ﻭﺍﻗﻒ ﻳﺸﻮﻑ ﻟﺮﻭﺷﻨﻬﺎ ...
ﺍﺑﺘﺴﻢ ﺑﺄﻟﻢ ﻭﻗﺎﻝ : ﻛﻠﻪ ﻳﻬﻮﻥ ﺍﻟﻤﻬﻢ ﻣﺎﻳﻤﺴﻜﺶ ﻣﻜﺮﻭﻩ ...💖
🍁🍁🍁🍁
ﺗﺎﻧﻲ ﻳﻮﻡ
ﻓﻲ ﺃﺣﺪ ﺍﻟﺪﻭﻝ ﺍﻷﺭﻭﺑﻴﻪ ..
5 ﻣﻮﺩﻝ ﻧﺴﺎﺋﻲ .. ﻛﻠﻬﻢ ﻣﻘﻌﻤﺰﺍﺕ ﻉ ﻛﺮﺍﺳﻲ ﻭﻛﻞ ﻭﺣﺪﻩ ﺟﻨﺒﻬﺎ ﻃﺎﻭﻟﻪ ﻓﻴﻬﺎ ﻋﺪﺓ ﻣﻜﻴﺎﺝ ...
ﻓﻲ ﻃﺎﻭﻟﻪ ﺑﻌﻴﺪﻩ ﺷﻮﻱ ﻗﺪﺍﻣﻬﻢ ﻋﻠﻴﻬﺎ 5 ﻣﻦ ﺧﺒﺮﺍﺀ ﺍﻟﺘﺠﻤﻴﻞ ﻭﺍﻟﻤﻜﻴﺎﺝ ...
ﻧﺎﺩﻭﺍ ﻉ ﺃﺳﻤﺎﺀ ﺍﻟﻤﺸﺘﺮﻛﺎﺕ ﻛﻞ ﻭﺣﺪﻩ ﻭﻗﻔﺖ ﻉ ﻣﻮﺩﻝ ﺍﻟﻠﻲ ﺣﺘﻤﻜﻴﺠﻬﺎ ... ﻣﻦ ﺑﻴﻨﺎﺗﻬﻢ ﻛﻨﺎﻧﻪ .. ﺍﻟﻠﻲ ﺍﺧﺘﺎﺭﻭﻫﺎ ﺑﻌﺪ ﻫﻠﺒﻪ ﻣﺮﺍﺣﻞ ﺗﺼﻔﻴﻪ ...
ﻋﻄﻮﻫﻢ ﺍﺷﺎﺭﺓ ﺍﻟﺒﺪﺀ ﻭﺑﺪﻭﺍ ...
ﻛﺎﻧﻮﺍ ﺍﻟﺨﺒﺮﺍﺀ ﻳﺮﺍﻗﺒﻮﺍ ﺑﺪﻗﻪ ... ﻭﻭﺭﺍﻫﻢ ﻛﺎﻥ ﻣﻘﻌﻤﺰ ﻉ ﺗﺮﻛﻴﻨﻪ .. ﺍﻟﺸﺎﺏ ﺍﻷﺷﻘﺮ ﺍﻟﻠﻲ ﻣﻦ ﺃﺭﺽ ﺍﻟﻜﻨﺎﻧﻪ ﻭﻋﻴﻮﻧﻪ ﻛﺎﻧﻮﺍ ﻳﺮﺍﻗﺒﻮﺍ ﺑﺲ ﻓﻜﻨﺎﻧﻪ ....
.... ﻳﺘﺒﻊ