#مشاعر
ﺍﻟﺠﺰﺀ ﺍﻟﺤﺎﺩﻱ ﻭﺍﻟﺜﻼﺛﻴﻦ 🍁💓💖
للكاتبة GomanFared
ﺑﻌﺪ ﺳﺎﻋﻪ ﻭﻧﺺ ﻣﻦ ﺍﻟﻤﺴﺎﺑﻘﻪ ...
ﺧﺪﻭﺍ ﺭﺳﺖ ﻟﻌﻨﺪ ﺇﻋﻼﻥ ﺍﻟﻨﺘﻴﺠﻪ ..
ﻛﻨﺎﻧﻪ ﻣﺸﺖ ﻟﺸﻨﻄﺘﻬﺎ ﻃﻠﻌﺖ ﻣﻨﻬﺎ ﻣﺴﺘﻜﻪ ﻭﻛﻠﺘﻬﺎ ﻭﺑﺪﺕ ﺗﻤﻀﻎ ﺑﺶ ﺗﺨﻔﻒ ﺍﻟﺘﻮﺗﺮ ﺷﻮﻳﻪ ..
" ﺁﻧﺴﻪ ﻛﻨﺎﻧﻪ .."
ﺷﺒﺤﺖ ﺟﻨﺒﻬﺎ ﻭﺍﺑﺘﺴﻤﺖ : ﺍﻫﻼ .. ﺍﺳﺘﺎﺫ .. ﺃﻛﻤﻞ .. ﺿﻴﻘﺖ ﻋﻴﻮﻧﻬﺎ .. ﻧﻄﻘﺘﻬﺎ ﺻﺢ ..
ﺍﻛﻤﻞ ﺑﺈﺑﺘﺴﺎﻣﻪ : ﺍﻳﻮﻩ ... ﺍﺯﻳﻚ ..
ﻛﻨﺎﻧﻪ : ﺍﻟﺤﻤﺪ ﻟﻠﻪ .. ﻭﺍﻧﺖ ..
ﺍﻛﻤﻞ : ﻛﻤﺎﻥ ﺍﻟﺤﻤﺪ ﻟﻠﻪ ﻛﻮﻳﺲ .. ﺷﻐﻠﻚ ﻛﺎﻥ ﻫﺎﻳﻞ ..
ﻛﻨﺎﻧﻪ ﺑﻀﺤﻜﻪ : ﻛﻨﺖ ﺣﺎﺿﺮ؟
ﺍﻛﻤﻞ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻣﺒﺘﺴﻢ ..
ﻛﻨﺎﻧﻪ ﺑﺈﺳﺘﻐﺮﺍﺏ : ﺑﺼﻔﺘﻚ ﺷﻨﻮ ..
" ﺍﻋﻼﻥ ﺍﻟﻨﺘﻴﺠﻪ ﺍﺟﺘﻤﻌﻮﺍ .."
ﺍﻛﻤﻞ ﺍﺷﺮ ﺑﺴﺒﺎﺑﺘﻪ ﻉ ﺍﻟﻤﻜﺎﻥ ﺍﻟﻠﻲ ﻓﻴﻪ ﺍﻟﻤﺴﺎﺑﻘﻪ : ﺣﺘﻌﺮﻓﻲ ﺩﻟﻮﻗﺘﻲ ..
ﻛﻨﺎﻧﻪ ﺑﻀﺤﻜﻪ : ﺗﻤﺎﻡ ...
ﻣﺸﻮﺍ ﻫﻤﺎ ﺍﻟﺰﻭﺯ ﻭﺧﺸﻮﺍ ﻟﻠﻤﻜﺎﻥ ..
ﻛﻨﺎﻧﻪ ﻣﺸﺖ ﻭﻗﻔﺖ ﺣﺪﺍ ﺍﻟﻤﻮﺩﻝ .. ﻭﻛﻞ ﻣﺘﺴﺎﺑﻘﻪ ﺩﺍﺭﺕ ﻧﻔﺲ ﺍﻟﺸﻲ ..
ﻭﺍﻛﻤﻞ ﻭﺍﻗﻒ ﻭﺭﺍ ﻟﺠﻨﺔ ﺍﻟﺘﺤﻜﻴﻢ ..
ﺍﻟﻤﺴﺆﻭﻝ ﻋﻦ ﺍﻟﻤﺴﺎﺑﻘﻪ ﻓﻲ ﺍﻟﺸﺮﻛﻪ : ﺟﻤﻴﻌﻜﻦ ﺍﺑﻠﻴﺘﻦ ﺑﻼﺀ ﺣﺴﻦ .. ﻭﻟﻜﻦ ﻋﻠﻴﻨﺎ ﻧﺨﺘﺎﺭ ﻭﺍﺣﺪﻩ ﻓﻘﻂ ﻫﻲ ﺍﻷﺟﺪﺭ ﻣﻦ ﺑﻴﻨﻜﻦ ..
ﺷﺒﺢ ﻟﻠﺒﻄﺎﻗﻪ ﺍﻟﻠﻲ ﻓﻴﻬﺎ ﺍﺳﻢ ﺍﻟﻔﺎﺋﺰﺓ ... ﺍﻟﻔﺎﺋﺰﺓ ... ﻛﻨﺎﻧﻪ ﻣﻨﺼﻮﺭ ...
ﻛﻨﺎﻧﻪ ﻗﻌﺪﺕ ﺗﻀﺤﻚ ﻣﻦ ﻓﺮﺣﺘﻬﺎ ﺳﻠﻤﻮﺍ ﻋﻠﻴﻬﺎ ﺯﻣﻴﻼﺗﻬﺎ ﺍﻟﻤﺘﺴﺎﺑﻘﺎﺕ ﻭﻫﻨﻮﻫﺎ ...
ﺍﻟﻤﺴﺆﻭﻝ : ﻃﺒﻌﺎ .. ﺍﻟﻔﺎﺋﺰﺓ ﻣﻨﻜﻦ ﺳﺘﻜﻮﻥ ﺿﻤﻦ ﻃﺎﻗﻢ ﺍﻫﻢ ﻋﺮﻭﺽ ﺍﻷﺯﻳﺎﺀ ﻷﺣﺪ ﺍﻫﻢ ﺷﺮﻛﺎﺕ ﺍﻷﺯﻳﺎﺀ ﻓﻲ ﺍﻟﺒﻼﺩ ..
ﺷﺮﻛﻪ ***** ﻟﺼﺎﺣﺒﻬﺎ ﺃﻛﻤﻞ ﺍﻟﻌﺸﺮﻱ "... ﻃﺒﻌﺎ ﻳﻨﻄﻖ ﻓﻲ ﺍﻷﺳﻤﺎﺀ ﺑﻄﺮﻳﻘﺘﻬﻢ ..."
ﻛﻨﺎﻧﻪ ﺷﺒﺤﺘﻠﻪ ﻭﺿﺤﻜﺖ ..
ﻫﻮ ﺍﺑﺘﺴﻢ ...
ﺑﻌﺪ ﻣﺎﺗﻢ ﻛﻞ ﺷﻲ .. ﻭﻛﻞ ﺣﺪ ﻣﺸﻲ ﻓﻲ ﺣﺎﻟﻪ .. ﻛﻨﺎﻧﻪ ﻣﺸﺖ ﻣﻊ ﺍﻛﻤﻞ ﺑﺶ ﺗﻮﻗﻊ ﺍﻟﻌﻘﺪ ...
ﻭﻫﻤﺎ ﻣﺎﺷﻴﻦ ..
ﻛﻨﺎﻧﻪ : ﻓﻲ ﺳﺆﺍﻝ ﻓﻲ ﺑﺎﻟﻲ ﺧﺎﻃﺮﻱ ﻧﺴﺄﻟﻬﻮﻟﻚ
ﺍﻛﻤﻞ : ﺃﺳﺄﻟﻲ ..
ﻛﻨﺎﻧﻪ : ﻟﻴﺶ ﺟﻴﺖ ﺍﻧﺖ ﺑﺮﻭﺣﻚ ﻣﺎﺑﻌﺘﺶ ﺣﺪ ﻳﻨﻮﺏ ﻋﻨﻚ .. ﻓﻲ ﺍﻟﻌﺎﺩﻩ ﻫﻜﻲ .
ﺃﻛﻤﻞ ﺍﺑﺘﺴﻢ : ﺍﻥ ﻓﻴﺎ ﺣﺎﺟﻪ ﻣﺶ ﻋﺎﺭﻑ ﺍﺯﺍ ﻛﺎﻧﺖ ﻋﻴﺐ ﻭﻻ ﻣﻴﺰﺓ ﺑﺲ ﺩﺍﻳﻤﺎ ﺍﺣﺐ ﺍﺷﺮﻑ ﻉ ﻛﻞ ﺣﺎﺟﻪ ﺗﺨﺺ ﺍﻟﺸﻐﻞ ﻛﺒﻴﺮﺓ ﻛﺎﻧﺖ ﺃﻭ ﺻﻐﻴﺮﻩ .. ﻣﻦ ﻭﺟﻬﺔ ﻧﺰﺭﻱ ﺍﻟﺮﺋﻴﺲ ﻣﺶ ﺍﻟﻠﻲ ﻳﻘﻌﺪ ﻭﺭﺍ ﻣﻜﺘﺒﻮﺍ ﻳﺄﻣﺮ ﻭﻳﻨﻬﻲ ﻻ ﺍﻟﺮﺋﻴﺲ ﺍﻟﻠﻲ ﻻﺯﻡ ﻳﻜﻮﻥ ﻭﺳﻂ ﺷﻐﻠﻮﺍ ﻭﺍﻟﻤﺮﺅﺳﻴﻦ ﺍﻟﻠﻲ ﻋﻨﺪﻭﺍ ..
ﻛﻨﺎﻧﻪ ﺍﺑﺘﺴﻤﺖ : ﻣﺎﻻ ﺧﻞ ﻧﻘﻮﻟﻚ ﻫﺎﺩﻱ ﻣﻴﺰﺓ ﻭﻣﻴﺰﺓ ﺣﻠﻮﺓ ..
ﺍﻛﻤﻞ ﺍﺑﺘﺴﻢ : ﺷﻜﺮﺍ ...
ﻛﻨﺎﻧﻪ : ﺍﻟﻌﻔﻮ ...
ﻓﺘﺤﻠﻬﺎ ﺑﺎﺏ ﺍﻟﺴﻴﺎﺭﻩ ﺭﻛﺒﺖ ﻭﻫﻮ ﻣﺸﻲ ﺭﻛﺐ ... ﻭﺗﺤﺮﻙ ﻃﻮﻝ ...
***
ﺭﻳﺘﻴﻬﺎ ﻛﻴﻒ ﻓﻤﻬﺎ ﻗﺮﻳﺐ ﻳﻨﺸﺮﻁ ﻣﻦ ﺍﻟﻀﺤﻚ .. ﻭﻻﻫﻮ ﻛﻴﻒ ﻛﺎﻥ ﻣﺎﺳﻚ ﻳﺪﻫﺎ ... ﻫﻀﺎ ﺍﻟﻠﻲ ﻛﺎﻥ ﻳﻘﻮﻟﻚ ﻣﺎﻳﺒﻴﻬﺶ؟ !
ﻣﻼﻙ : ﻭﻻ ﻫﻲ ﺍﻟﺤﻴﻪ ﻳﺎﻣﺎﻣﺎ ... ﺍﻧﺎ ﻣﺎﻧﺒﻴﺶ ﺷﻬﺎﺏ .. ﺷﻬﺎﺏ ﻛﻴﻒ ﺧﻮﻳﺎ ... ﺣﻘﻴﺮﺓ ..
ﺯﻛﻴﻪ : ﻛﻴﻒ ﺍﻣﻬﺎ ﺑﺎﻟﻀﺒﻂ ﺩﺍﻳﺮﻩ ﺭﻭﺣﻬﺎ ﻣﺘﺎﻋﺔ ﻗﺮﺍﻳﻪ ﻭﻛﺘﺐ ﻭﻣﺎﻟﻴﻬﺎﺵ ﻓﻐﻴﺮﻩ .. ﻭﻫﻲ ﻛﺎﻧﺖ ﺗﻠﻒ ﻉ ﺳﻔﻴﺎﻥ ﺍﻟﻠﻪ ﻳﺮﺣﻤﻪ ﻟﻴﻦ ﺟﺎﺑﺖ ﺭﺍﺳﻪ ... ﻟﻔﻊ ﻣﻦ ﺗﺤﺖ ﺗﺒﻦ ...
ﻣﻼﻙ ﺳﺮﺣﺎﻧﻪ ﻭﺗﻔﻜﺮ .
ﺯﻛﻴﻪ ﺷﺒﺤﺘﻠﻬﺎ : ﺩﺍﻳﺮﺓ ﺭﻭﺣﻚ ﻓﺎﻟﺤﻪ ﻭﻗﺎﺩﺭﺓ ﻃﻠﻌﺘﻲ ﻣﻀﺤﻜﻪ ﻃﻴﺢ ﺳﻌﺪﻙ ... ﻭﻧﺎﺿﺖ ﻣﻦ ﺣﺪﺍﻫﺎ ..
ﻣﻼﻙ ﻗﻌﺪﺕ ﺗﻬﺰ ﻓﻲ ﺭﺟﻠﻬﺎ " ﺍﻟﻠﻲ ﺩﺭﺗﻴﻪ ﻳﺎﻣﻼﻙ ﻭﻟﻰ ﻉ ﺭﺍﺳﻚ ﻋﺪﻳﺘﻲ ﻟﺮﺿﻮﺍﻥ ﺗﻌﺒﻲ ﺭﺍﺳﻪ ﻉ ﻛﻤﺎﻝ ﺑﺶ ﻳﻄﻴﺮﻩ .. ﺍﺟﻮﺯﺕ ﻧﻮﺭﺍﻥ ﻭﻟﺪﻩ .. ﻭﻛﻤﺎﻝ ﻗﻌﺪ ﺩﻛﺘﻮﺭﻩ ..."
ﺧﻞ ﻧﻘﻮﻟﻠﻜﻢ ﺷﻦ ﺩﺍﺭﺕ ﻣﻼﻙ ﻗﺒﻞ ﻳﻮﻡ ﻣﻦ ﺍﺑﻼﻍ ﻛﻤﺎﻝ ﻟﺮﺿﻮﺍﻥ ﻋﻦ ﺣﺎﻟﺘﻪ ﺍﻟﺼﺤﻴﻪ ..
ﻓﻼﺵ ﺑﺎﻙ ...
ﺍﺳﺘﺎﺫ ﺭﺿﻮﺍﻥ ﻓﻲ ﻭﺣﺪﻩ ﺑﺮﺍﻃﺎﻟﺒﻪ ﺗﻘﺎﺑﻠﻚ ﻭﻗﺎﻟﺖ ﺣﺎﺟﻪ ﺿﺮﻭﺭﻳﻪ ..
ﺭﺿﻮﺍﻥ ﺑﺈﺳﺘﻐﺮﺍﺏ : ﺩﺧﻠﻴﻬﺎ ..
ﺍﻟﺴﻜﺮﺗﻴﺮﻩ : ﺣﺎﺿﺮ .. ﻃﻠﻌﺖ ﻭﺷﻮﻳﻪ ﻭﺧﺸﺖ ﻣﻼﻙ ﻟﻤﺎ ﺷﺎﻓﻬﺎ ﺭﺿﻮﺍﻥ ﺍﺗﻔﺎﺟﺄ ...
ﻣﻼﻙ : ﻣﺮﺣﺒﺎ ..
ﺭﺿﻮﺍﻥ ﺑﺮﻓﻌﺔ ﺣﻮﺍﺟﺐ : ﺃﻫﻼ ..
ﻣﻼﻙ : ﺍﺣﻢ .. ﺍﺳﻔﻪ ﺟﻴﺘﻚ ﻣﻦ ﻏﻴﺮ ﻣﻮﻋﺪ ﺑﺲ ﺍﻟﻠﻲ ﺟﻴﺖ ﻋﺸﺎﻧﻪ ﺷﻲ ﺿﺮﻭﺭﻱ ..
ﺭﺿﻮﺍﻥ ﺍﺷﺮﻟﻪ ﺑﻴﺪﻩ ﺗﻘﻌﻤﺰ ﻭﻫﻮ ﻳﺸﻮﻓﻠﻬﺎ ﺑﺘﺮﻓﻊ ..
ﻗﻌﻤﺰﺕ ..
ﺭﺿﻮﺍﻥ : ﺍﺣﻜﻲ ﺍﻟﻠﻲ ﻋﻨﺪﻙ ﺑﺴﺮﻋﻪ ﻣﺶ ﻓﺎﺿﻲ ..
ﻣﻼﻙ : ﺍﺣﻤﻢ .. ﺗﻤﺎﻡ ... ﻧﻮﺭﺍﻥ ... ﺍﻧﺎ ﺧﺎﻳﻔﻪ ﻋﻠﻴﻬﺎ ..
ﺭﺿﻮﺍﻥ ﺍﺑﺘﺴﻢ ﺑﺘﻬﻜﻢ : ﻣﻦ ﺷﻦ؟
ﻣﻼﻙ : ﻣﻦ ﻫﻀﺎ ﺍﻟﻐﺮﺑﺎﻭﻱ ﺍﻟﻠﻲ ﻋﻨﺪﻛﻢ ... ﺍﻧﺖ ﻣﺶ ﻣﻼﺣﻆ ﺍﻧﻪ ﻳﺘﻠﺼﻖ ﻓﻴﻜﻢ ﻭﺍﺟﺪ ﻭﺩﻳﻤﺎ ﻭﻫﻮ ﻣﻌﺎﻫﺎ ..
ﺭﺿﻮﺍﻥ ﺭﻓﻊ ﺣﻮﺍﺟﺒﻪ ..
ﻣﻼﻙ : ﻫﻀﺎ ﺭﺍﺳﻢ ﻉ ﺷﻲ ﻛﺒﻴﺮ ﻭﺍﺟﺪ .. ﻏﻴﺮ ﺑﻨﺖ ﺧﺎﻟﺘﻲ ﻃﻴﺒﻪ ﻭﻉ ﻧﻴﺎﺗﻬﺎ ﻭﻣﺶ ﻛﺎﺷﻔﻪ ﻧﻮﻋﻴﺘﻪ ..
ﺭﺿﻮﺍﻥ : ﻟﻴﺶ ﺟﻴﺘﻨﻲ ﺍﻧﺎ ﻭﻗﺘﻲ ﻫﺎﻟﻜﻼﻡ ..
ﻣﻼﻙ : ﻹﻥ ﻧﻮﺭﺍﻥ ﻣﺶ ﺣﺘﺴﻤﻊ ﻣﻨﻲ .. ﺍﻧﺖ ﻋﻤﻬﺎ ﻭﻫﻲ ﻣﺎﺗﻘﺪﺭﺵ ﺗﺮﺩﻟﻚ ﻛﻠﻤﻪ ﺍﺑﻌﺪﻩ ﻋﻨﻜﻢ ﻧﺼﻴﺤﻪ ﺧﻴﺮ ﻣﺎﺑﻜﺮﺍ ﺗﻮﻋﻰ ﻉ ﻣﺼﻴﺒﻪ ...
ﺭﺿﻮﺍﻥ : ﻋﻨﺪﻙ ﺷﻲ ﻏﻴﺮﻩ ..
ﻣﻼﻙ ﺑﻀﻴﻖ : ﻻ ..
ﺭﺿﻮﺍﻥ : ﻣﺸﻜﻮﺭﺓ ﻉ ﺍﻟﺰﻳﺎﺭﻩ ..
ﻣﻼﻙ ﻧﺎﺿﺖ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻟﻔﺖ ﻭﻃﻠﻌﺖ ...
ﻫﻮ ﺑﻴﻨﻠﻬﺎ ﺍﻥ ﻛﻼﻣﻬﺎ ﻣﺎﻳﺘﺼﺪﻗﺶ ﻭﺍﺳﺎﺳﺎ ﻣﺎﺃﻗﺘﻨﻌﺶ ﺑﻴﻪ ..
ﺍﻭﻟﻬﻢ ﻹﻧﻬﺎ ﻣﺎﺗﻌﺮﻓﺶ ﺣﺎﻟﺔ ﻛﻤﺎﻝ ﺍﻟﻠﻲ ﻫﻮ ﺗﺄﻛﺪ ﻣﻨﻬﺎ ﺑﻨﻔﺴﻪ ﻣﻦ ﺍﻷﻃﺒﺎﺀ .. ﻭﺗﺎﻧﻴﺎ ﻷﻥ ﻋﺎﺭﻑ ﻣﻼﻙ ﻭﻃﻴﻨﺘﻬﺎ ﻭﻋﻨﺪﻩ ﻋﻠﻢ ﺑﻌﻼﻗﺘﻬﺎ ﺑﺸﻬﺎﺏ .. ﻟﻜﻦ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻤﺘﺄﻛﺪ ﻣﻨﻬﺎ ﺍﻥ ﺑﻨﺖ ﺧﻮﻩ ﻓﻴﻬﺎ ﺷﻲ ﻣﻦ ﻧﺎﺣﻴﺔ ﻛﻤﺎﻝ .. ﻭﻫﺎﻟﺸﻲ ﺧﻼﻩ ﻳﺎﺧﺪ ﻗﺮﺍﺭ ﺯﻭﺍﺝ ﺷﻬﺎﺏ ﻭﻧﻮﺭﺍﻥ ﺑﺴﺮﻋﻪ ...
ﻭﻓﺎﻟﻨﻬﺎﻳﻪ ﻣﻼﻙ ﻣﺎﺃﺳﺘﻔﺎﺩﺕ ﺷﻲ .. ﻛﻤﺎﻝ ﻣﺎﻧﻠﺰﺵ ﺑﺎﻟﻌﻜﺲ ﻗﺮﺏ ﻣﻦ ﺭﺿﻮﺍﻥ ﺍﻛﺜﺮ ... ﻭﻧﻮﺭﺍﻥ ﺧﺪﺍﻫﺎ ﺷﻬﺎﺏ ...
ﻣﻼﻙ " ﻟﻜﻦ ﻭﺍﻟﻠﻪ ﻣﺎﺣﻨﺒﺮﺩﻫﺎ ﻳﺎﺣﻴﻪ ..."
***
ﺍﻟﻌﺸﻴﻪ ..
ﻧﻮﺭﺍﻥ ﻃﻠﻌﺖ ﻣﻦ ﺩﺍﺭﻫﺎ ﻭﻛﺎﻧﺖ ﻻﺑﺴﻪ ... ﻧﺰﻟﺖ ﻭﺟﺎﻳﻪ ﺑﺘﻄﻠﻊ ﻣﺸﺖ ﻟﻠﻤﻄﺒﺦ ﻗﺒﻞ ﺑﺶ ﺗﺸﺮﺏ ..
ﺑﺮﺍ ...
ﺯﻱ ﻣﺎﻗﺘﻠﻚ ﻣﺎﺗﺨﺎﻓﺶ ﻋﻠﻴﻪ ..
ﺍﻛﺮﻡ : ﻏﺎﻟﻲ ﻋﻠﻴﺎ ﺍﻟﺮﺍﺟﻞ ﻳﺎﻛﻤﺎﻝ
ﻛﻤﺎﻝ ﺍﺑﺘﺴﻢ : ﺑﻌﻮﻥ ﺍﻟﻠﻪ ﺣﻴﺸﻔﻰ ﻭﺗﺸﻮﻓﻪ ﻭﺍﻗﻒ ﻉ ﺭﺟﻠﻴﻪ ..
ﺍﻛﺮﻡ ﺍﺑﺘﺴﻢ ﻭﺣﻂ ﻳﺪﻩ ﻉ ﻛﺘﻒ ﻛﻤﺎﻝ ...
ﻉ ﻃﻠﻌﺖ ﺷﻬﺎﺏ ..
ﻭﻧﻮﺭﺍﻥ ﺟﺖ ﻃﺎﻟﻌﻪ ﺷﺎﻓﺎﺗﻪ ...
ﻧﻮﺭﺍﻥ ﺑﻀﺤﻜﻪ ﻗﺎﻟﺖ : ﻳﺎﺭﺍﺍﺍﺟﻠﻲ ...
ﻃﺒﻌﺎ ﻫﻲ ﻣﺎﻻﺣﻈﺘﺶ ﻭﺟﻮﺩ ﺍﻛﺮﻡ ﻭﻛﻤﺎﻝ ﻷﻧﻬﻢ ﻛﺎﻧﻮﺍ ﻭﺍﻗﻔﻴﻦ ﺑﻌﻴﺪ ﺷﻮﻳﻪ
ﺷﻬﺎﺏ ﺿﺤﻚ ﻭﺗﻠﻔﺖ : ﻧﻌﻢ ﻳﺎﻣﺮﺍﺗﻲ ..
ﻛﻤﺎﻝ ﻗﻌﺪ ﻳﺸﺒﺤﻠﻬﻢ ﺑﻨﻈﺮﻩ ﺣﺎﺩﻩ ﺣﺎﺭﻗﻪ ﻣﺎﺭﻗﻪ 😂...
ﺍﻛﺮﻡ ﻛﺎﻥ ﻳﺸﻮﻓﻠﻬﻢ ﻭﻳﺸﻮﻓﻠﻪ ..
ﻧﻮﺭﺍﻥ : ﺑﻨﻌﺪﻱ ﺍﻟﻴﻮﻡ ﻟﺤﻮﺵ ﺍﻟﺤﺒﺎﻳﺐ ﻭﻧﻔﻬﻤﻬﻢ ﺍﻟﺤﻜﺎﻳﻪ ..
ﺷﻬﺎﺏ ﺷﺪ ﻳﺪﻫﺎ : ﺑﺠﺪ؟ !!
ﻛﻤﺎﻝ ﺷﺒﺢ ﺍﻟﻘﺪﺍﻡ ﻭﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ..
ﺍﻛﺮﻡ ﺷﺒﺤﻠﻪ ﺑﺮﻓﻌﺔ ﺣﺎﺟﺐ ..
ﻧﻮﺭﺍﻥ : ﺑﺠﺪ ﻭﻋﻢ ﻭﺧﺎﻝ ﺍﺧﺮﻯ ...
ﺷﻬﺎﺏ : ﻫﻬﻬﻬﻬﻬﻪ ... ﻭﺍﻟﻠﻪ ﺍﺣﺴﻦ ﻧﻤﻮﺫﺝ ﻟﻠﺰﻭﺟﻪ ﺍﻟﺼﺎﻟﺤﻪ .
ﻧﻮﺭﺍﻥ : ﻫﻬﻬﻬﻬﻬﻬﻬﻬﻪ ..
ﻛﻤﺎﻝ ﺷﺒﺤﻠﻬﻢ : ﺑﺎﻫﻲ ﺗﻮﺍ ﺍﻧﻲ ﻣﺎﺷﻲ .. ﺳﻼﻡ .. ﻟﺒﺲ ﻧﻈﺎﺭﺍﺗﻪ ﻭﻃﻠﻊ ...
ﺍﻛﺮﻡ ﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﻃﻠﻊ ﻭﺭﺟﻊ ﻳﺸﺒﺢ ﻟﻨﻮﺭﺍﻥ ﻭﺷﻬﺎﺏ .
ﺍﻟﻠﻲ ﻛﻞ ﺣﺪ ﻣﻨﻬﻢ ﺭﻛﺐ ﺳﻴﺎﺭﺗﻪ ﻭﻃﻠﻌﻮﺍ ...
ﺍﻛﺮﻡ ﺣﺮﻙ ﺭﻗﺒﺘﻪ ﺍﻳﻤﻴﻦ ﻭﻳﺴﺎﺭ ﻭﻓﻮﻕ ﻭﺗﺤﺖ ﻭﻛﻤﻞ ﺷﻐﻠﻪ ..
***
ﻣﺒﺎﺭﻙ ﻳﺎﺃﻣﻲ ﻣﺒﺎﺭﻙ ...
ﻋﻼ : ﻓﺮﺣﺘﻲ ﻣﺎﻣﺎ ..
ﺗﻬﺎﻧﻲ : ﻣﺎﻻ ﺷﻨﻮ ﻳﺎﺍﻣﻲ ...
ﻋﻼ : ﺑﺈﺫﻥ ﺍﻟﻠﻪ ﻛﺎﻥ ﻃﻠﻊ ﻭﻟﺪ ﺣﻨﺴﻤﻴﻪ ﻋﻼﺀ ﺍﻟﺪﻳﻦ ..
ﺗﻬﺎﻧﻲ : ﻻ ﻣﺎﺗﺴﻤﻴﺸﻲ ﻋﻠﻴﻪ ..
ﻋﻼ ﺑﺈﺳﺘﻐﺮﺍﺏ : ﻟﻴﺶ ﻣﺎﻣﺎ؟
ﺗﻬﺎﻧﻲ : ﻫﻜﻲ ﺧﻴﺮ ﻳﺎﺃﻣﻲ ﺩﻭﺭﻱ ﺍﺳﻢ ﺗﺎﻧﻲ ...
ﻋﻼ : ﺗﻮﻗﻌﺘﻚ ﺗﻔﺮﺣﻲ ﻟﻤﺎ ﻧﻘﻮﻟﻚ ﻫﻜﻲ ..
ﺗﻬﺎﻧﻲ ﺣﻄﺖ ﺍﻳﺪﻫﺎ ﻉ ﻳﺪ ﺑﻨﺘﻬﺎ : ﺗﺴﻠﻤﻲ ﻳﺎﺃﻣﻲ ﺍﻟﻠﻲ ﺗﺒﻲ ﺗﻔﺮﺣﻴﻨﻲ .. ﺑﺲ ﺍﻧﻲ ﻧﺒﻴﻚ ﺗﺴﻤﻴﻪ ﺍﺳﻢ ﺗﺎﻧﻲ ﻏﻴﺮ ﺍﺳﻢ ﺧﻮﻙ ... ﺳﻜﺘﺖ ﺷﻮﻳﻪ ﺑﻌﺪﻳﻦ ﻗﺎﻟﺖ ... ﺍﻟﻠﻪ ﻳﺮﺣﻤﻪ ..
ﻋﻼ ﻭﻫﻲ ﻣﺴﺘﻐﺮﺑﻪ : ﺣﺎﺿﺮ
ﺗﻬﺎﻧﻲ " ﻭﻟﺪﻱ ﻣﺎﻣﺎﺗﺶ ﺑﺶ ﺗﺴﻤﻮﺍ ﻋﻠﻴﻪ ... ﻳﺮﺩﻩ ﺭﺑﻲ ﻭﻟﻴﺪﻱ ﻭﻳﻘﻌﺪ ﺍﺳﻤﻪ ﻟﻴﻪ ﻫﻮ ﺑﺲ ..."
***
ﺻﻔﻮ ...
ﺻﻔﺎﺀ ﺑﺈﺑﺘﺴﺎﻣﻪ ﺿﻴﻖ : ﻧﻌﻢ ..
ﻧﻮﺭﺍﻥ : ﺍﻗﺘﻨﻌﺘﻲ؟ !
ﺻﻔﺎﺀ : .. ﺍﺳﺎﺳﺎ ﻣﻦ ﺍﻟﺒﺪﺍﻳﻪ ﻣﺎﺃﻣﻠﺖ ﻧﻔﺴﻲ ﺑﺸﻲ .. ﻭﻛﻨﺖ ﻋﺎﺭﻓﻪ ﺍﻧﻪ ﻣﺶ ﺣﻴﺼﻴﺮ ..
ﻧﻮﺭﺍﻥ : ﺑﻌﺪ ﺍﻟﻠﻲ ﻗﻠﺘﻪ ﻫﻀﺎ ﻛﻠﻪ ﻭﺗﻘﻮﻟﻲ ﻣﺶ ﺣﻴﺼﻴﺮ ..
ﺻﻔﺎﺀ : ﻧﻨﺰﻝ ﻋﻠﻴﻚ ﺿﺮﻩ؟ !!
ﻧﻮﺭﺍﻥ : ﻳﺎﺑﻨﺘﻲ ﻭﺍﻟﻠﻪ ﻣﺎﺗﻔﺮﻕ ﻣﻌﺎﻳﺎ .. ﺭﺍﺿﻴﻪ ﺑﻨﺼﻴﺒﻲ ﻓﻬﺎﻟﺪﻧﻴﺎ .. ﻭﺻﺪﻗﻴﻨﻲ ﺣﺘﻜﻮﻧﻲ ﺍﻧﺘﻲ ﺍﻷﻭﻟﻰ ﻭﺍﻷﺧﻴﺮﻩ ﻓﺤﻴﺎﺓ ﺷﻬﺎﺏ .. ﻭﺍﻧﺎ ﺍﻋﺘﺒﺮﻧﻲ ﺻﺒﻴﺘﻚ ﻣﻦ ﺗﻮ ﻫﻬﻬﻬﻬﻬﻬﻪ ...
ﺻﻔﺎﺀ : ﻭﺍﻟﻠﻪ ﻣﺎﻧﺪﻳﺮﻫﺎ ﻓﻴﻚ ﻭﻻﻧﺮﺿﺎﻫﺎ ... ﻟﻴﺶ ﺗﻌﻴﺸﻲ ﻋﻴﺸﻪ ﻛﻴﻒ ﻫﺬﻱ ﻣﺴﺘﺤﻴﻞ ﻳﺎﻧﻮﺭﺍﻥ ﻭﺍﻟﻠﻪ ﻣﺎﻧﺮﺿﺎﻩ ﻟﺮﻭﺣﻲ .. ﻭﺍﻟﻠﻲ ﻣﺎﻧﺮﺿﺎﺵ ﻟﺮﻭﺣﻲ ﻣﺎﻧﺮﺿﺎﻩ ﻟﺤﺪ .. ﻳﺎﺑﺎﻝ ﻫﺎﻟﺤﺪ ﻳﻜﻮﻥ ﺍﻧﺘﻲ
ﺍﻧﺎ ﻻﻧﻲ ﻗﻠﻴﻠﻪ ﺍﺻﻞ ﻭﻻﺧﻴﺮ ... ﻳﺎﻧﻮﺭﺍﻥ
ﻧﻮﺭﺍﻥ : ﺣﺎﺷﺎﻙ .. ﺑﺲ ﺷﻬﺎﺏ ﻳﺤﺒﻚ ﻭﺍﺟﺪ .. ﻭﺣﺘﻰ ﺍﻧﺘﻲ ..
ﻗﺎﻃﻌﺘﻬﺎ ﺑﻌﺪ ﺷﺪﺕ ﻳﺪﻫﺎ : ﻗﻮﻟﻴﻠﻪ ﺧﻠﻴﻬﺎ ﻟﻠﻮﻗﺖ ﻭﺍﻟﻨﺼﻴﺐ .. ﻣﺮﺍﺕ ﺭﺑﻚ ﺑﻜﺮﺍ ﻳﺪﻳﺮﻟﻚ ﻭﻳﺪﻳﺮﻟﻪ ﻃﺮﻳﻖ ﻳﺎﻧﺎﻧﻲ ﻭﻻﻫﻮ ﻳﻈﻠﻤﻚ ﻭﻻﻧﺘﻲ ﺗﻜﻤﻠﻲ ﺣﻴﺎﺗﻚ ﻣﻈﻠﻮﻣﻪ ...
ﻧﻮﺭﺍﻥ ﺍﻟﺪﻣﻮﻉ ﻋﺒﻮﺍ ﻋﻴﻮﻧﻬﺎ ...
ﺻﻔﺎﺀ : ﻭﺭﺣﻤﻪ ﻏﻮﺍﻟﻴﻚ ﺷﺪﻳﻬﻦ .. ﻭﺍﻧﺘﻲ ﻉ ﺍﺗﻔﻪ ﺷﻲ ﺗﻨﺰﻟﻲ ﻓﻴﻬﻦ ﺩﻳﻤﺎ ﻣﻴﺰﺍﺑﻬﻦ ﻳﺼﺐ .
ﻧﻮﺭﺍﻥ ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ : ﻋﻄﻚ .. ﺍﻟﺨﻴﺮ ..
ﺻﻔﺎﺀ ﺑﻀﺤﻜﻪ : ﺍﻫﺎ ﺑﻜﺮﺍ ﺑﺘﺒﺪﻱ ﺗﺠﻲ ﻟﻠﻤﺸﻐﻞ؟
ﻧﻮﺭﺍﻥ ﺍﺑﺘﺴﻤﺖ : ﺍﻫﺎ ...
***
ﻓﻲ ﺍﻟﻤﺴﺘﺸﻔﻰ ..
ﺗﺒﻲ ﺻﺒﻮﺭﺓ ﻧﺸﺮﺡ ﻋﻠﻴﻬﺎ ﺑﺶ ﺗﻔﻬﻤﻲ !!
ﺍﻟﻤﻤﺮﺿﻪ : ﺍﺳﻔﻪ ﺩﻛﺘﻮﺭ ..
ﻛﻤﺎﻝ : ﺑﺎﻟﻠﻪ ﻋﻠﻴﻚ ﺑﺮﻱ ﻣﻦ ﻗﺪﺍﻣﻲ ..
ﻣﺸﺖ ﺍﻟﻤﻤﺮﺿﻪ ﻭﺩﻣﻌﺘﻬﺎ ﻓﻌﻴﻨﻬﺎ ..
ﺳﻨﺪﺱ : ﺩﻛﺘﻮﺭ ﻣﺎﺻﺎﺭ ﺷﻲ ﻫﺪﻱ ..
ﻣﺴﺢ ﺑﻴﺪﻩ ﻉ ﻭﺟﻬﻪ ﻭﺯﻓﺮ ﺑﻘﻮﺓ ﻭﻣﺸﻲ ..
ﺳﻨﺪﺱ " ﻛﻨﻪ ﻣﺘﻐﻴﺮ ﻫﻚ ..."
***
ﺭﻭﺣﺖ ﻧﻮﺭﺍﻥ ﻣﻦ ﻋﻨﺪ ﺻﻔﺎﺀ ﻭﻫﻲ ﻣﺮﺗﺎﺣﻪ ﻣﻦ ﻧﺎﺣﻴﺘﻬﺎ .. ﻭﺧﻄﺮ ﻓﺒﺎﻟﻬﺎ ﺗﻌﺪﻱ ﻉ ﺍﻟﻤﺴﺘﺸﻔﻰ ﺗﺸﻮﻓﻬﺎ .. ﺍﻭ ﺑﺎﻷﺣﺮﻯ ﺗﺸﻮﻓﻪ ..
ﻧﻜﺬﺑﻮﺍ ﻉ ﺍﺭﻭﺍﺣﻨﺎ ﺍﺣﻴﺎﻧﺎ ﻭﻧﺼﺪﻗﻮﻫﺎ ﺑﺶ ﻧﺪﻳﺮﻭﺍ ﺍﻟﻠﻲ ﻳﺮﻳﺤﻨﺎ ﻭﺭﺍﻏﺒﻴﻦ ﻓﻴﻪ ..
ﻧﺰﻟﺖ ﻣﻦ ﺳﻴﺎﺭﺗﻬﺎ ﻭﺧﺸﺖ ﺩﺍﺧﻞ .. ﻭﻫﻲ ﻣﺎﺷﻴﻪ ﺗﻼﻗﺖ ﻣﻊ ﺳﻨﺪﺱ ..
ﺳﻨﺪﺱ : ﻧﺎﻧﻲ ..
ﻧﻮﺭﺍﻥ : ﺩﻭﺳﻪ .. ﺳﻠﻤﻮﺍ ﻉ ﺑﻌﺾ ..
ﺳﻨﺪﺱ : ﺷﻦ ﻋﺰﻗﻚ ﻋﻠﻴﻨﺎ ﻳﺎﻋﺮﻭﺱ ..
ﻧﻮﺭﺍﻥ ﺑﻀﺤﻜﻪ : ﻣﻠﻴﺖ ﻓﻲ ﺍﻟﺤﻮﺵ ﻗﺖ ﻧﺠﻲ ﻧﻜﺴﺪ ﻫﻨﺎ ..
ﺳﻨﺪﺱ ﺑﻀﺤﻜﻪ : ﻣﺎﻻ ﺗﻜﺴﻴﺪﻩ ..
ﻧﻮﺭﺍﻥ : ﻫﻬﻬﻬﻬﻬﻬﻪ ..
ﻣﺸﻮﺍ ﻣﻊ ﺑﻌﺾ ..
ﺳﻨﺪﺱ : ﺷﺨﺒﺎﺭ ﺍﻭﻝ ﻳﻮﻡ ﺑﻌﺪ ﺻﺮﺗﻲ ﻣﺪﺍﻡ ..
ﻧﻮﺭﺍﻥ ﺍﺑﺘﺴﻤﺖ ﺑﺄﻟﻢ ..
ﺳﻨﺪﺱ ﻭﻗﻔﺖ ﻭﺷﺪﺗﻬﺎ : ﺑﺘﺤﻜﻴﻠﻲ ﻭﻻﻻ ..
ﻧﻮﺭﺍﻥ ﺍﺭﺗﺴﻤﺖ ﻉ ﻭﺟﻬﻬﺎ ﻋﻼﻣﺎﺕ ﺍﻟﺤﺰﻥ ﻭﻓﻬﻤﺎ ﺑﺪﻱ ﻳﺘﻘﻮﺱ ﻭﺗﺤﺎﻭﻝ ﺗﺘﻤﺎﺳﻚ ..
ﺳﻨﺪﺱ ﺑﺨﻮﻑ : ﺗﻌﺎﻟﻲ ﺗﻌﺎﻟﻲ .. ﺧﺪﺗﻬﺎ ﻭﻣﺸﻮﺍ ﻣﻊ ﺑﻌﺾ ...
....
ﺳﻨﺪﺱ : ﺑﺎﻩ ﻣﺶ ﺍﻧﺘﻲ ﻛﻨﺘﻲ ﺗﻘﻮﻟﻲ ﺍﻧﻚ ﻣﺘﻮﻗﻌﻪ ﺣﺎﺟﻪ ﻛﻴﻒ ﻫﺬﻱ .. ﻭﺑﻌﺪﻳﻦ ﺍﻧﺘﻢ ﺍﻻﺛﻨﻴﻦ ﻋﻼﻗﺘﻜﻢ ﻋﻼﻗﻪ ﺻﺪﺍﻗﻪ ﻳﻌﻨﻲ ﻣﺎﻓﺶ ﺑﻴﻨﻜﻢ ﺣﺎﺟﻪ ...
ﻧﻮﺭﺍﻥ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﺍﻫﺎ .. ﺻﺢ .. ﺑﺲ ﺑﺮﺿﻮ ﺍﻧﺎ ﻏﺼﺐ ﻋﻨﻲ ﻛﻨﺖ ﻧﺘﺄﻣﻞ .. ﻧﺤﻖ ﻣﻨﻪ ﻓﺤﺎﺟﺎﺕ ﻳﺎﺳﻨﺪﺱ ﻳﺤﺴﺴﻨﻲ ﺍﻧﻪ .. ﻓﻲ ﻣﻦ ﻧﺎﺣﻴﺘﻪ ﺣﺎﺟﻪ .. ﺭﺷﻔﺖ .. ﻣﻤﻜﻦ ﻟﻬﺎﻟﺴﺒﺐ ﺍﻧﺼﺪﻣﺖ ﻓﻲ ﺭﺩﻩ ﻋﻠﻴﺎ .. ﻹﻧﻲ ﺗﺄﻣﻠﺖ ﺍﻣﻞ ﻛﺬﺍﺏ ... ﺍﺳﺎﺳﺎ ﺍﻧﺎ ﻣﻔﺮﻭﺽ ﻣﺎﻧﺘﺄﻣﻠﺶ ﻓﻴﻪ ﺑﻜﻞ ... ﺍﺧﺮﺗﻬﺎ ﺣﻴﻌﺪﻱ ﺣﻴﻌﺪﻱ ﻟﻐﻴﺮ ﺭﺟﻌﻪ ...
ﺳﻨﺪﺱ ﻣﺴﺤﺖ ﺩﻣﻮﻋﻬﺎ : ﺧﻼﺹ ﻳﺎﻗﻠﺒﻲ ﺧﻼﺹ ... ﻣﺶ ﻧﺎﻗﺼﻪ ﻫﻢ ﺍﻧﺘﻲ ..
ﻧﻮﺭﺍﻥ ﺑﻨﺒﺮﺓ ﻛﻠﻬﺎ ﻳﺄﺱ ﻭﺃﻟﻢ : ﺍﺳﺎﺳﺎ ﺍﻧﺎ ﻋﺎﻳﺸﻪ ﺑﺎﻟﻬﻢ ﻳﺎﺳﻨﺪﺱ ﻣﺶ ﺟﺪﻳﺪ ﻋﻠﻴﺎ ... ﻭﺣﻨﻜﻤﻞ ﻋﻤﺮﻱ ﻉ ﻫﺎﻟﺤﺎﻝ .. ﻓﻲ ﺍﻟﻠﻲ ﻣﻜﺘﻮﺏ ﻋﻠﻴﻪ ﻳﻌﻴﺶ ﺗﻌﻴﺲ ﻭﻣﺤﺮﻭﻡ ﻃﻮﻝ ﻋﻤﺮﻩ ...
ﺳﻨﺪﺱ : ﻛﻨﻚ ﻧﺎﻧﻲ .. ﺷﻦ ﺍﻟﻜﻼﻡ ﺍﻟﻠﻲ ﺗﻘﻮﻟﻲ ﻓﻴﻪ .. ﺍﺳﺘﻐﻔﺮﻱ ﺭﺑﻚ ﻫﻀﺎ ﺳﻮﺀ ﻇﻦ ﺑﺎﻟﻠﻪ ..
ﻧﻮﺭﺍﻥ : ﻻ ﻣﺶ ﺳﻮﺀ ﻇﻦ ﺑﺎﻟﻌﻜﺲ ﻣﺮﺍﺕ ﻧﻘﻮﻝ ﺭﺑﻲ ﻛﺎﺗﺒﻠﻲ ﻧﺘﺄﻟﻢ ﻓﻲ ﺍﻟﺪﻧﻴﺎ ﺑﺶ ﻧﻜﻮﻥ ﻣﻦ ﺍﻫﻞ ﺍﻟﺠﻨﻪ ﻓﻲ ﺍﻵﺧﺮﻩ ﻭﻧﻔﺮﺡ ﻏﺎﺩﻱ ﻓﺮﺣﻪ ﻣﺎﻟﻴﻬﺎﺵ ﻧﻬﺎﻳﻪ ..
ﺳﻨﺪﺱ : ﺑﺮﺿﻮ ﻳﺎﻗﻠﺒﻲ ﺭﺑﻚ ﺭﺣﻴﻢ ﻣﺴﺘﺤﻴﻞ ﻳﺮﺿﻰ ﻳﻌﺬﺏ ﺣﺪ ﻣﻦ ﻋﺒﺎﺩﻩ ﻃﻮﻝ ﻋﻤﺮﻩ ﺍﻧﺎ ﻣﺘﺄﻛﺪﻩ ﺍﻧﻪ ﺩﺍﺳﻠﻚ ﺣﺎﺟﺎﺕ ﺣﻠﻮﺓ ﻭﺍﺟﺪﻩ ﻳﺎﻧﺎﻧﻲ ﺻﺪﻗﻴﻨﻲ ﻓﻲ ﺍﻟﻠﺤﻈﻪ ﺍﻟﻠﻲ ﺍﻧﺘﻲ ﺗﺒﻜﻲ ﻓﻴﻬﺎ ﻫﺬﻱ ﻫﻮ ﻳﺤﻖ ﻓﻴﻚ ﻣﻦ ﻓﻮﻕ .. ﻭﻳﺪﺑﺮﻟﻚ ﺗﺪﺑﻴﺮ ﻣﺎﻳﺨﻄﺮﺵ ﻉ ﺑﺎﻟﻚ ﺑﺶ ﺗﺘﺒﺪﻝ ﺩﻣﻌﺘﻚ ﻟﻀﺤﻜﻪ ..
ﻧﻮﺭﺍﻥ ﺍﻟﻜﻼﻡ ﺭﻳﺤﻬﺎ ﻉ ﺍﻵﺧﺮ .. ﺍﺑﺘﺴﻤﺖ ﺷﺒﺤﺖ ﻓﻮﻕ ﻭﻏﻤﻀﺖ ﻋﻴﻮﻧﻬﺎ ﻭﻗﺎﻟﺖ ﻣﻦ ﻭﺳﻂ ﻗﻠﺒﻬﺎ : ﻳﺎﺍﺍﺍﺍﺍﺭﺏ ...
ﻓﻲ ﻫﺎﻟﻠﺤﻈﻪ ..
" ﺳﻨﺪ "....
ﺷﺒﺤﻮﻟﻪ ﺍﻟﺰﻭﺯ ..
ﻫﻮ ﺗﻠﺨﺒﻂ ﻟﻤﺎ ﺷﺎﻓﻬﺎ ﻗﻌﺪ ﺳﺎﻛﺖ ..
ﺳﻨﺪﺱ ﻭﻗﻔﺖ : ﻧﻌﻢ ﺩﻛﺘﻮﺭ ..
ﻛﻤﺎﻝ : ﺍﺣﻤﻢ .. ﻛﻴﻒ ﺣﺎﻟﻚ ﻧﻮﺭﺍﻥ ..
ﺍﺿﺎﻳﻘﺖ ﻹﻧﻪ ﻧﺎﺩﺍﻫﺎ ﺑﺈﺳﻤﻬﺎ ﻟﻠﻤﺮﻩ ﺍﻟﺘﺎﻧﻴﻪ : ﺍﻟﺤﻤﺪ ﻟﻠﻪ .. ﻭﻣﺎﺑﺘﺶ ﺗﺴﺄﻟﻪ ﻋﻦ ﺣﺎﻟﻪ ...
ﻛﻤﺎﻝ ﺍﺿﺎﻳﻖ ﻻﻧﻬﺎ ﻣﺎﺳﺄﻟﺘﺎﺵ ﻋﻦ ﺣﺎﻟﻪ : ﺳﻨﺪﺱ ... ﻭﻳﻦ ﺍﺣﻼﻡ ..
ﺳﻨﺪﺱ ﺍﺑﺘﺴﻤﺖ : ﻓﻲ ﺍﻟﺪﻭﺭ ﺍﻟﺘﺎﻧﻲ ..
ﻛﻤﺎﻝ ﺍﺑﺘﺴﻢ : ﺷﻜﺮﺍ .. ﺷﺒﺢ ﻟﻨﻮﺭﺍﻥ ﺍﻟﻠﻲ ﻣﺎﺑﺘﺶ ﺗﺸﺒﺤﻠﻪ ﻟﻒ ﻭﻣﺸﻲ ... ﻏﻤﺾ ﻋﻴﻮﻧﻪ ﺑﺸﺪﻩ ﻓﺘﺤﻬﻢ ﻭﺗﻨﻬﺪ ...
ﻧﻮﺭﺍﻥ : ﺷﻦ ﻋﻨﺪﻩ ﻣﻌﺎﻫﺎ ..
ﺳﻨﺪﺱ ﺑﻀﺤﻜﻪ : ﻳﺎﻏﻴﻮﺭ ﺍﻧﺖ .. ﺑﺪﺭﻱ ﺭﻓﻊ ﺻﻮﺗﻪ ﻋﻠﻴﻬﺎ ﻭﻫﺰﺑﻬﺎ ﻭﺍﻟﺒﺎﻳﻦ ﺍﻧﻪ ﻳﺒﻲ ﻳﻌﺘﺬﺭ ..
ﻧﻮﺭﺍﻥ : ﻟﻴﺶ ﻳﻌﺘﺬﺭ ﻣﺶ ﻏﺎﻟﻄﻪ ﻫﻲ ؟ !
ﺳﻨﺪﺱ : ﺍﻫﺎ ﻏﺎﻟﻄﻪ ﺑﺲ ﻣﺶ ﻟﺪﺭﺟﻪ ﺗﺨﻠﻴﻪ ﻳﻨﻔﻌﻞ ﻋﻠﻴﻬﺎ ﻛﻴﻒ ﺍﻧﻔﻌﺎﻟﻪ ﺑﺪﺭﻱ .. ﻭﻧﺤﻨﺎ ﺗﻌﻮﺩﻧﺎ ﻋﻠﻴﻪ ﻟﻄﻴﻒ .. ﺣﺎﺯﻡ ﺻﺢ ﺑﺲ ﻃﻴﺐ ﻭﻟﻄﻴﻒ ﻭﻫﺎﺩﻱ ..
ﻧﻮﺭﺍﻥ ﺑﻐﻴﺮﻩ : ﺑﺎﻫﻲ ﻓﻬﻤﻨﺎ ...
ﺳﻨﺪﺱ : ﻫﻬﻬﻬﻬﻬﻬﻬﻬﻬﻬﻪ ...
ﻓﻮﻕ ...
ﺍﺳﻒ ﺟﺪﺍ ...
ﺍﺣﻼﻡ ﺍﺑﺘﺴﻤﺖ : ﻭﻻﻳﻬﻤﻚ ﺩﻛﺘﻮﺭ ..
ﻛﻤﺎﻝ : ﺗﺒﻲ ﺗﺎﺧﺪﻱ ﺣﻘﻚ ﻣﻨﻲ ﻣﺎﻋﻨﺪﻳﺶ ﻣﺸﻜﻠﻪ ...
ﺍﺣﻼﻡ : ﻻﺩﻛﺘﻮﺭ ﺣﺎﺷﺎﻙ .. ﻭﺍﻟﻠﻪ ﺍﻋﺘﺬﺍﺭﻙ ﺑﺮﻭﺣﻪ ﺣﺎﺟﻪ ﻛﺒﻴﺮﻩ ﺑﺎﻟﻨﺴﺒﻪ ﻟﻴﺎ ..
ﻛﻤﺎﻝ ﺍﺑﺘﺴﻢ : ﻫﺬﺍ ﺣﻘﻚ ﻏﻠﻄﺘﺖ ﻓﻴﻚ ﻭﻻﺯﻡ ﻧﻌﺘﺬﺭ ..
ﺍﺣﻼﻡ ﺑﺈﺑﺘﺴﺎﻣﻪ : ﺗﺴﻠﻢ ﺩﻛﺘﻮﺭ ﺭﺑﻲ ﻳﻌﻠﻲ ﺷﺎﻧﻚ ..
ﻛﻤﺎﻝ ﺍﺑﺘﺴﻢ : ﺗﺴﻠﻤﻲ .. ﻭﺗﻮﺍ ﻧﺨﻠﻴﻚ ﺗﻜﻤﻠﻲ ﺷﻐﻠﻚ .. ﺭﺑﻲ ﻳﻌﺎﻭﻧﻜﻢ ... ﻭﻣﺸﻲ ...
ﻟﻤﻴﺎﺍﺀ : ﺁﺍﺍﺍﻩ ﻳﺎﻗﻠﺒﻲ ﺑﻨﻌﺪﻱ ﻧﺪﻳﺮ ﺧﺎﺭﻗﻪ ..
ﺍﻣﺎﻝ : ﺣﺘﻰ ﺍﻧﺎ ...
ﺍﺣﻼﻡ : ﻫﻬﻬﻬﻬﻬﻪ ﻋﻄﻜﻦ ﺩﻋﻮﻩ ﺗﻌﺎﻟﻦ ﻫﻴﺎ ... ﺟﺒﺪﺗﻬﻢ ﻣﻦ ﺍﻳﺪﻳﻬﻢ ﻭﻣﺸﻮﺍ ... ﻭﻫﻤﺎ ﺩﺍﻳﺒﺎﺕ ...😍😍
ﻧﺰﻝ ﻟﻮﻃﺎ .. ﻭﻫﻮ ﻣﺎﺷﻲ ﻟﻔﺖ ﺍﻧﺘﺒﺎﻫﻪ ﺍﻟﺪﻛﺘﻮﺭ ﺷﺮﻑ ﻭﺍﻗﻒ ﻓﻲ ﺍﺧﺮ ﺍﻟﻤﻤﺮ ﻣﻊ ﻭﺍﺣﺪ ﻣﻦ ﺍﻟﻤﻮﻇﻔﻴﻦ ﻣﺎﺭﻳﺤﺎﺵ ﺷﻜﻞ ﻭﻗﻔﺘﻬﻢ ... ﺷﺒﺢ ﺷﻮﻳﻪ ﺑﻌﺪﻳﻦ ﻟﻒ ﻭﻣﺸﻲ ﻭﺑﺪﻱ ﺍﻟﺸﻚ ﻳﻜﺒﺮ ﻋﻨﺪﻩ ﻧﺎﺣﻴﻪ ﺍﻟﺪﻛﺘﻮﺭ ﺷﺮﻑ ...
...
ﻫﻲ ﻣﺎﻻ ﺍﻧﺎ ﺑﻨﻌﺪﻱ ...
ﺳﻨﺪﺱ : ﻣﺮﺑﻮﺣﻪ ﻳﺎﺯﻳﻨﻪ ..
ﻧﻮﺭﺍﻥ ﺗﻤﺸﻲ ﻭﻫﻲ ﻣﺘﻠﻔﺘﻪ ﺿﺤﻜﺖ ﻭﻗﺎﻟﺖ : ﻳﻠﻲ ﻋﻤﺮﻙ ﻣﺎﻭﺟﻌﺘﻴﻨﺎ ... ﻭﻃﺎﺍﺍﻑ 💢
ﺳﻨﺪﺱ ﺷﺎﻓﺖ ﺣﺪ ﺟﺎﻱ ﻭﺭﺍﻫﺎ ﺑﺲ ﻣﺎﺑﺘﺶ ﺗﺒﻴﻦ ..
ﻧﻮﺭﺍﻥ ﺍﻟﺘﻔﺖ ﻭﻗﺮﻳﺐ ﺳﺎﺧﺖ : ﺍﺱ .. ﻓﻪ ..
ﻛﻤﺎﻝ : ﺍﺷﺒﺤﻲ ﻗﺪﺍﻣﻚ ﻣﺮﻩ ﺗﺎﻧﻴﻪ .. ﺑﺎﻫﻲ ﺍﻟﻠﻲ ﺟﺖ ﻓﻴﺎ ﺍﻧﻲ ..
ﻧﻮﺭﺍﻥ ﻗﺮﻳﺐ ﺗﻤﻮﺕ ﻣﻦ ﺍﻹﺣﺮﺍﺝ : ﺍﺣﻤﻢ .. ﻗﺘﻠﻚ ﺍﺳﻔﻪ ﻭﺑﻌﺪﻳﻦ ﺷﻦ ﺻﺎﺭ ﻳﻌﻨﻲ .
ﻛﻤﺎﻝ ﺑﺮﻓﻌﻪ ﺣﺎﺟﺐ : ﻋﻼﺵ ﺗﻌﻴﻄﻲ ..
ﻧﻮﺭﺍﻥ ﺷﺒﺤﺘﻠﻪ ﻭﺷﺒﺤﺖ ﻟﻮﻃﺎ ﻭﻫﻲ ﺗﺤﺮﻙ ﻓﺮﺟﻠﻴﻬﺎ : ﺣﻜﻴﺖ ﻋﺎﺩﻱ ..
ﻛﻤﺎﻝ ﺍﺑﺘﺴﻢ ﺑﻌﺪﻳﻦ ﻗﺎﻝ : ﺑﺎﻫﻲ ﺑﺮﻱ ﻛﻤﻠﻲ ﻃﺮﻳﻘﻚ ..
ﻧﻮﺭﺍﻥ ﺷﺒﺤﺘﻠﻪ ﻭﻗﺎﻟﺖ : ﺯﻋﻼﻥ ﻣﻨﻲ ..
ﻛﻤﺎﻝ ﺑﺈﺑﺘﺴﺎﻣﻪ : ﻣﺎﻧﻘﺪﺭﺵ ..
ﻧﻮﺭﺍﻥ " ﻧﺎﻋﻠﻴﺎ ﻧﺎ :"💓 ﺑﺎﻫﻲ .. ﻛﻨﻚ ﻣﺘﻐﻴﺮ ﻋﻠﻴﺎ ..
ﻛﻤﺎﻝ : ﻣﺘﻐﻴﺮ؟؟ ! ﻛﻴﻒ؟
ﻧﻮﺭﺍﻥ : ﻣﺜﻼ ﻣﻌﺶ ﺑﺪﻳﺖ ﺗﻨﺎﺩﻱ ﻓﻴﺎ ﺻﺒﻴﺤﻪ ..
ﻛﻤﺎﻝ ﺍﺑﺘﺴﻢ ﻭﺷﺒﺢ ﺟﻨﺒﻪ ﺑﻌﺪﻳﻦ ﺷﺒﺤﻠﻬﺎ : ﺧﻼﺹ ﻧﺮﺟﻌﻮﺍ ﺍﻧﺎﺩﻭﻙ ﺻﺒﻴﺤﻪ .. ﻋﺎﺭﻓﻚ ﻣﺎﺗﺤﺒﻴﺶ ﺍﻹﺳﻢ ﻭﻛﻨﺖ ﻧﺒﻲ ﻧﺤﺒﺒﻚ ﻓﻴﻪ ﺑﺶ ﺗﺮﺩﻳﻪ .. ﻭﻗﻠﺖ ﻣﺤﺎﻭﻟﺘﻲ ﻓﺸﻠﺖ ..
ﻧﻮﺭﺍﻥ : ﺍﺳﺎﺳﺎ ﺍﻧﺎ ﺣﺒﻴﺘﻪ ﻭﺍﺟﺪ ..
ﻛﻤﺎﻝ ﺑﺮﻓﻌﺔ ﺣﺎﺟﺐ : ﻣﻦ ﻫﻮ؟
ﻧﻮﺭﺍﻥ ﺑﻬﻴﺎﻡ : ﺍﻹﺳﻢ ..
ﻛﻤﺎﻝ ﺍﺑﺘﺴﻢ : ﺍﻫﺎ ﻛﻮﻳﺲ ... ﺗﻤﺎﻡ ﺧﻮﺩﻱ ﺍﺫﻥ ﺭﺍﺟﻠﻚ ﻭﻏﻴﺮﻱ ﺍﺳﻤﻚ ...
ﻧﻮﺭﺍﻥ ﺍﺿﺎﻳﻘﺖ ﻣﻦ ﻛﻠﻤﺘﻪ ﺣﺴﺎﺗﻪ ﺍﺷﺒﺢ ﻛﻴﻒ ﻗﺎﻟﻬﺎ ﺭﺩﺕ ﺑﻐﻀﺐ : ﻫﻀﺎ ﺍﺳﻤﻲ ﻣﺎﻧﺎﺧﺬ ﺍﺫﻥ ﺣﺪ ﺑﺶ ﻧﻐﻴﺮﻩ .. ﻋﻦ ﺍﺫﻧﻚ ﻳﺎﺩﻛﺘﻮﺭ .. ﻭﻟﻔﺖ ﻭﻣﺸﺖ ...
ﻫﻮ ﺍﺗﻔﺎﺟﺄ ﻓﺮﺩﺓ ﻓﻌﻠﻬﺎ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ﻣﻦ ﻗﺪﺍﻣﻪ ... ﻫﻮ ﺍﺑﺘﺴﻢ .. ﺑﻌﺪﻳﻦ ﻟﻒ ﻭﻣﺸﻲ ...
💓💓💓
ﻓﻲ ﺍﻟﻠﻴﻞ ..
ﺍﻟﻠﻪ ﺍﻛﺒﺮ ... ﻭﺗﺼﻔﻖ ﺑﺈﻳﺪﻳﻬﺎ ..
ﻧﺒﻮﺑﻪ : ﻫﻬﻬﻬﻬﻬﻬﻬﻬﻪ .. ﻳﺎﺑﺖ ﺍﻧﺘﻲ ﺍﻋﻘﻠﻲ ﺑﺌﺎ ..
ﺳﺎﺭﻩ : ﺷﻦ ﺗﺤﻜﻲ ﺍﻧﺘﻲ ﺍﻧﺎ ﺍﻟﻴﻮﻡ ﺳﻮﻳﺖ ﺍﻟﻤﺜﺮﻭﺩﻩ ﻭﻣﺶ ﺍﻱ ﻣﺜﺮﻭﺩﺓ ﺣﺎﺟﻪ ﻻﺻﺎﺭﺕ ﻗﺒﻞ ﻭﻻ ﺣﺘﺼﻴﺮ ..
ﻧﺒﻮﻳﻪ ﺑﻀﺤﻜﻪ : ﺗﻌﻴﺸﻲ ﻭﺗﻌﻤﻠﻲ ﻣﺘﺎﺭﻳﺪ ﻣﺶ ﻣﺘﺮﻭﺩﻩ ﻭﺣﺪﻩ ﺑﺲ ..
ﻗﻌﺪﺕ ﺗﻘﺴﻢ ﻓﻴﻬﺎ ﻭﺗﻀﺤﻚ ﻉ ﻛﻼﻡ ﻧﺒﻮﻳﻪ .. ﺣﻄﺘﻬﻢ ﻓﻲ ﺻﻔﺮﺓ .. ﻭﻃﻠﻌﺘﻬﺎ ﻟﻨﻮﺭﺍﻥ ﻭﺷﻬﺎﺏ ﻭﺭﻳﻬﺎﻡ ..
ﻧﻮﺭﺍﻥ : ﺷﻦ ﻫﺬﻱ .. ﻫﻴﻴﻴﻴﻲ .. ﻣﺜﺮﻭﺩﻩ ..
ﺷﻬﺎﺏ ﺣﻂ ﺗﻠﻴﻔﻮﻧﻪ : ﻻﺍﺍﺍﺍﺍ ..
ﻧﺎﺿﻮﺍ ﺍﻟﺰﻭﺯ ﺧﺪﻭﺍ ﺻﻮﺍﻧﻴﻬﻢ ﻭﺑﺪﻭﺍ ﻳﺎﻛﻠﻮﺍ ..
ﻭﺭﻳﻬﺎﻡ ﺗﺸﺒﺤﻠﻬﺎ ﻭﻣﺎﺑﺘﺶ ﺍﺩﻳﺮ ﺍﻱ ﺭﺩﺓ ﻓﻌﻞ ...
ﺳﺎﺭﻩ : ﺗﺒﻲ ﻣﺪﺍﻡ ﺭﻳﻬﺎﻡ؟
ﺭﻳﻬﺎﻡ ﺑﺤﺪﻩ : ﻟﻮ ﻧﺒﻲ ﺧﺬﻳﺖ ﻣﻦ ﻣﺎﺳﻜﻨﻲ؟ !!
ﻧﻮﺭﺍﻥ ﻭﻫﻲ ﺗﺎﻛﻞ ﺷﺒﺤﺘﻠﻬﺎ ﺑﺈﺳﺘﻐﺮﺍﺏ ...
ﺍﺑﺘﺴﻤﺖ ﺳﺎﺭﺓ ﻭﻗﺎﻟﺖ : ﻋﻦ ﺍﺫﻧﻜﻢ .. ﻭﻟﻔﺖ ﻭﻣﺸﺖ ﻟﻠﻜﻮﺟﻴﻨﻪ ..
ﺧﺪﺕ ﺻﻮﻧﻴﺘﻴﻦ ﻭﻃﻠﻌﺖ ﺑﺮﺍ ... ﺷﺎﻓﺖ ﺍﻛﺮﻡ ﻭﺍﻗﻒ ..
ﺳﺎﺭﻩ : ﺍﻣﺴﻚ ..
ﺍﻛﺮﻡ : ﺷﻦ ﻫﻀﺎ؟ ..
ﺳﺎﺭﻩ : ﺳﻢ ..
ﺍﻛﺮﻡ : ﻋﺪﻱ ﺍﻧﺰﺭﻓﻲ ﻣﻦ ﻗﺪﺍﻣﻲ ..
ﺳﺎﺭﻩ ﺑﻀﺤﻜﻪ : ﺍﻣﺴﻚ ﻳﺎﺭﺍﺟﻞ ﺑﻼﺵ ﺟﻮﻙ ﺍﻟﺼﺎﻣﺖ ﻫﻀﺎ ..
ﺍﻛﺮﻡ ﺧﺪﺍﻫﺎ ﺑﻘﻮﺓ ﻣﻦ ﻳﺪﻫﺎ ...
ﺳﺎﺭﻩ : ﺁﺍﺍﻩ ﻛﺴﺮﺗﻨﻲ ﻋﻄﻴﻚ ﻣﺎﻳﻜﺴﺮ ﻋﺪﻭﻙ ..
ﺍﻛﺮﻡ ﺍﺑﺘﺴﻢ ﻉ ﺟﻨﺐ ﻭﺑﺪﻱ ﻳﺎﻛﻞ ﻭﻫﻲ ﺟﺖ ﻃﺎﻟﻌﻪ ...
ﺍﻛﺮﻡ : ﻭﻳﻦ ؟؟
ﺳﺎﺭﻩ : ﺑﻨﺸﻴﻠﻬﺎ ﻟﻜﻤﺎﻝ ..
ﺍﻛﺮﻡ ﺧﻠﻴﻬﺎ ﺍﻧﺎ ﻧﺸﻴﻠﻬﺎ ..
ﺳﺎﺭﻩ ﺣﻄﺘﻬﺎ ﺣﺪﺍﻩ ﻭﻫﻲ ﻣﺒﺘﺴﻤﻪ ﺷﺒﺤﺘﻠﻪ ﻭﻣﺸﺖ ..
ﺍﻛﺮﻡ : ﺳﺎﺭﺭﻩ ..
ﺍﻟﺘﻔﺖ ﻭﻫﻲ ﺗﻀﺤﻚ : ﻫﺎﻩ ..
ﺍﻛﺮﻡ ﺑﻨﺒﺮﻩ ﺣﺎﺩﻩ ﻣﻊ ﺍﺑﺘﺴﺎﻣﺘﻪ ﺍﻟﻤﻤﻴﺰﻩ : ﻧﺤﺒﻚ .. ﻳﺎﺿﺒﻌﻪ ..
ﺳﺎﺭﻩ ﺍﻟﺘﻔﺖ ﻭﻃﺎﺭﺕ ﺗﺠﺮﻱ ..
ﺍﻛﺮﻡ ﺑﻀﺤﻜﻪ : ﻣﻜﻠﻮﺑﻪ ..
ﻋﻨﺪ ﻛﻤﺎﻝ ..
ﻛﺎﻥ ﻣﺪﺍﻳﺮ ﺭﻭﺗﻴﻨﻪ ...
ﻫﺎﻟﻤﺮﻩ ﺑﻌﺪ ﻓﺘﺮﻩ ﺭﺟﻊ ﺑﻴﻘﺮﺍ ﻣﺬﻛﺮﺍﺕ ﺃﻣﻬﺎ ..
ﺧﺪﺍﻫﻢ ﻣﻦ ﺗﺤﺖ ﺍﻟﺘﺨﺖ .. ﻭﻗﻌﻤﺰ ﻉ ﺍﻟﻜﺮﺳﻲ ﻭﻓﺘﺢ ﻭﻳﻦ ﻣﺎﻭﺻﻞ ... ﻗﻠﺐ ﺍﻟﺼﻔﺤﻪ ..
( ﺍﻟﻴﻮﻡ ﺣﻀﺮ ﻣﺤﺎﻣﻲ ﺍﻟﻌﻴﻠﻪ ... ﻋﺸﺎﻥ ﺍﻟﻮﺭﺙ ﺍﻟﻠﻲ ﻗﻌﺪ ﻣﻦ ﻋﻤﻲ ﺍﻷﺭﺽ ﺍﻟﻠﻲ ﻓﻄﺮﺍﺑﻠﺲ .. ﺍﻟﻠﻲ ﺣﻘﻬﺎ ﻣﻼﻳﻴﻦ ﺍﻟﺪﻳﻨﺎﺭﺍﺕ ..
ﺟﻤﻌﻨﺎ ﻛﻠﻨﺎ ﻭﻗﺮﺍ ﻭﺻﻴﺔ ﺍﻟﻤﺮﺣﻮﻡ ﺍﻟﻠﻲ ﻛﺎﻥ ﻛﺎﺗﺒﻬﺎ ﻗﺒﻞ ﻣﻮﺗﻪ ﺑﺸﻬﺮ ﻛﻴﻒ ﻣﺎﻓﻬﻤﻨﺎ ﻣﺤﺎﻣﻴﻪ ..
ﻓﻼﺵ ﺑﺎﻙ ..
ﻓﺘﺢ ﺍﻟﻮﺭﻗﻪ ﻭﺑﺪﻱ ﻳﻘﺮﺍ
( ﺍﻟﺴﻼﻡ ﻋﻠﻴﻜﻢ ..
ﺯﻭﺟﺘﻲ ﺍﺑﻨﺎﺋﻲ ﻭﺯﻭﺟﺎﺗﻬﻦ ... ﺳﻼﻣﻲ ﻋﻠﻴﻜﻢ ... ﺍﻥ ﺍﺳﺘﻤﻌﺘﻢ ﻟﻤﺎ ﻳﻘﺮﺃﻩ ﻋﻠﻴﻜﻢ ﺍﻷﺳﺘﺎﺫ ﻣﻨﺠﻲ ﻫﺬﺍ ﻳﻌﻨﻲ ﺍﻧﻨﻲ ﺑﻴﻦ ﻳﺪﻱ ﺭﺏ ﻛﺮﻳﻢ ﺭﺣﻴﻢ ... ﺍﻣﻀﻴﺖ ﻋﻤﺮﻱ ﺍﺣﻴﺎ ﻹﺭﺿﺎﺋﻪ ﻭﺍﺗﻤﻨﻰ ﺍﻥ ﻳﻜﻮﻥ ﺭﺍﺿﻲ ﻋﻨﻲ ﺑﺎﻟﻔﻌﻞ ..
ﺳﻔﻴﺎﻥ ﻭﺭﺿﻮﺍﻥ ﻛﻠﻴﻜﻤﺎ ﻭﻟﺪﺍﻱ ... ﻟﻢ ﺍﻓﻀﻞ ﻳﻮﻣﺎ ﺍﺣﺪ ﻣﻨﻜﻤﺎ ﻉ ﺍﻵﺧﺮ .. ﺣﺘﻰ ﺍﻧﻲ ﻗﺴﻤﺖ ﻣﺎﺃﻣﻠﻚ ﺑﻴﻨﻜﻤﺎ ﺑﺎﻟﻌﺪﻝ ﻭﻛﻤﺎ ﺍﻣﺮ ﺍﻟﺸﺮﻉ .. ﻭﺗﺮﻛﺖ ﻟﻜﻞ ﻣﻨﻜﻤﺎ ﺣﺮﻳﺔ ﺍﻟﺘﺼﺮﻑ ﻭﺗﺄﺳﻴﺲ ﺍﺳﻢ ﻟﻪ ﺑﻌﻴﺪﺍ ﻋﻨﻲ .. ﻭﻛﻞ ﻣﻨﻜﻤﺎ ﻗﺪ ﺍﺧﺘﺎﺭ ﻃﺮﻳﻘﻪ ..
ﻛﻨﺖ ﺍﺭﺍﻗﺒﻜﻤﺎ ﻭﺍﺭﺍﻗﺐ ﻧﺘﺎﺋﺞ ﺃﻓﻌﺎﻟﻜﻤﺎ ... ﻭﻛﻞ ﻣﻨﻜﻤﺎ ﻛﺎﻧﺎ ﻋﻨﺪ ﻇﻨﻲ ﺑﻪ ..
ﻟﺬﻟﻚ ﻷﻛﻮﻥ ﻣﺮﺗﺎﺡ ﺍﻟﻀﻤﻴﺮ ﻭﺍﻻﻗﻲ ﺍﻟﻠﻪ ﻭﺍﻧﺎ ﻗﺪ ﻭﻓﻴﺖ ﻛﻞ ﺍﻟﺤﻘﻮﻕ ﺍﻟﺘﻲ ﻛﺎﻧﺖ ﻉ ﻛﺎﻫﻠﻲ ..
ﻗﺪ ﺟﻌﻠﺖ ﻣﺎﺗﺒﻘﻰ ﻟﻲ ﻭﻫﻲ ﻗﻄﻌﺔ ﺍﻷﺭﺽ ﺍﻟﺘﻲ ﺍﻣﻠﻜﻬﺎ ﻓﻲ ﻃﺮﺍﺑﻠﺲ ... ﻣﻦ ﻧﺼﻴﺐ ﻣﻦ ﻛﺎﻥ ﺃﻫﻼ ﻟﻬﺎ ... ﻣﻦ ﺭﻓﻊ ﺍﺳﻢ ﻋﺎﺋﻠﺔ ﺍﻷﻛﺮﻡ ﺍﻳﻨﻤﺎ ﺫﻫﺐ ﺑﺄﺧﻼﻗﻪ ﻭ ﻧﺠﺎﺣﺎﺗﻪ ﻭﻛﺎﻥ ﻉ ﻗﺪﺭ ﻛﺒﻴﺮ ﻣﻦ ﺍﻟﻤﺴﺆﻭﻟﻴﻪ ﺍﺗﺠﺎﻩ ﻛﻞ ﻣﺎ ﺃﻭﻛﻞ ﺍﻟﻴﻪ ...
ﺭﺿﻮﺍﻥ ﻛﺎﻥ ﻳﺸﺒﺢ ﻟﻮﻃﺎ ﻭﻋﻼﻣﺎﺕ ﺍﻟﻐﻀﺐ ﺑﺎﻳﻨﻪ ﻉ ﻭﺟﻬﻪ ﻭﺧﻮﻩ ﻛﺎﻥ ﻳﺸﺒﺤﻠﻪ .
ﻛﻤﻞ ﺍﻟﻤﺤﺎﻣﻲ : ( ﺍﺑﻨﻲ ﺳﻔﻴﺎﻥ ﺍﻷﻛﺮﻡ ... ﻭﻻ ﺍﻇﻦ ﺍﺑﺪﺍ ﺍﻧﻨﻲ ﻗﺪ ﺍﻭﻗﻌﺖ ﻇﻠﻤﺎ ﻋﻠﻰ ﺍﺧﻴﻪ .. ﻓﻬﻮ ﻗﺪ ﺍﺧﺘﺎﺭ ﻃﺮﻳﻘﻪ ﻣﻨﺬ ﺯﻣﻦ ...
ﺍﺧﻴﺮﺍ ..
ﺍﺫﻛﺮﻭﻧﻲ ﺩﺍﺋﻤﺎ ﻓﻲ ﺩﻋﺎﺋﻜﻢ ..
ﻧﻠﺘﻘﻲ ﻓﻲ ﻣﻘﻌﺪ ﺻﺪﻕ ﻋﻨﺪ ﻣﻠﻴﻚ ﻣﻘﺘﺪﺭ ) ...
ﺍﻟﻜﻞ ﻛﺎﻧﺖ ﻋﻴﻮﻧﻬﻢ ﻣﺘﻮﺟﻬﻪ ﻟﺮﺿﻮﺍﻥ ..
ﺳﻔﻴﺎﻥ : ﺭﺿﻮﺍﻥ
ﺭﺿﻮﺍﻥ ﺭﻓﻊ ﺭﺍﺳﻪ ﻭﺷﺒﺢ ﻟﺨﻮﻩ ﺑﻨﻈﺮﻩ ﺣﺎﺩﻩ ﺑﻌﺪﻳﻦ ﻏﻴﺮﻫﺎ ﻟﻨﻈﺮﺓ ﻋﺎﺩﻳﻪ ﻭﺗﺼﻨﻊ ﺍﻹﺑﺘﺴﺎﻣﻪ ﻭﻗﺎﻝ : ﺭﺣﻤﺔ ﺍﻟﻠﻪ ﻋﻠﻴﻪ .. ﻣﻠﻜﻪ ﻭﻫﻮ ﺣﺮ ﻓﻴﻪ ﻳﻮﺯﻋﻪ ﻛﻴﻒ ﻣﺎﻳﺒﻲ ﻭﻳﻌﺠﺒﻪ ..
ﺳﻔﻴﺎﻥ : ﺃﻧﺖ ﺭﺍﺿﻲ ..
ﺭﺿﻮﺍﻥ ﺍﺑﺘﺴﻢ : ﺭﺍﺿﻲ ﻳﺎﺧﻮﻳﺎ ﺭﺍﺿﻲ .. ﻭﻫﻀﺎ ﺣﻘﻚ ﻛﻴﻒ ﻣﺎﻗﺎﻝ ﺍﻟﻤﺮﺣﻮﻡ ..
ﺳﻔﻴﺎﻥ ﻗﻌﺪ ﻳﺸﺒﺤﻠﻪ ﺷﻮﻳﻪ ﺑﻌﺪﻳﻦ ﻗﺎﻝ : ﺩﺍﻣﻚ ﺭﺍﺿﻲ ﻳﺎﺧﻮﻳﺎ ﺧﻼﺹ ...
( ﻭﺍﺛﻘﻪ ﻭﻣﺘﺄﻛﺪﻩ ﺍﻥ ﻫﺎﻟﻮﺻﻴﻪ ﻫﻲ ﺍﻟﺸﻌﺮﻩ ﺍﻟﺘﻲ ﻗﺼﻤﺖ ﻇﻬﺮ ﺍﻟﺒﻌﻴﺮ ... ﻣﻦ ﻏﻴﺮ ﺷﻲ ﺭﺿﻮﺍﻥ ﻣﺘﺮﺻﺪ ﻟﺨﻮﻩ ﻳﺎﺑﺎﻝ ﺗﻮ ..
ﺑﺤﺘﺖ ﻓﻲ ﺑﻨﺘﻲ ﺍﻟﻠﻲ ﻛﺎﻧﺖ ﺗﻠﻌﺐ ﻫﻲ ﻭﻭﻟﺪ ﺳﻴﺪﻫﺎ ... ﻭﻛﻠﻲ ﺧﻮﻑ ﻣﻦ ﺍﻷﻳﺎﻡ ﺍﻟﺠﺎﻳﻪ ﻭﺷﻦ ﺩﺍﺳﻪ ) ﻟﻌﻨﺪ ﻫﻨﻲ ﻭﻭﻗﻔﺖ ..
ﻛﻤﺎﻝ ﻗﻠﺐ ﺍﻟﺼﻔﺤﻪ ﻟﻘﺎﻫﺎ ﻓﺎﺿﻴﻪ ﻭﺍﻟﻠﻲ ﻣﻘﺎﺑﻠﺘﻬﺎ ﻓﺎﺿﻴﻪ ﻗﻠﺐ ﺍﻟﻠﻲ ﺑﻌﺪﻫﺎ ...
ﻟﻘﻲ ﺍﻟﺘﺎﺭﻳﺦ ﺑﻌﻴﺪ ﺑﺤﻮﺍﻟﻲ 5 ﺷﻬﻮﺭ ...
( ﻧﻜﺘﺐ ﻭﻧﺒﻜﻲ ... ﻣﻦ ﺟﻮﺍ ﻭﻣﻦ ﺑﺮﺍ .. ﻉ ﺑﻨﺘﻲ ﻉ ﺍﻟﺼﺒﺢ ... ﺑﻨﺘﻲ ﺍﻟﻠﻲ ﻛﻤﻠﺖ ﻋﻤﺮ ﺍﻟﻌﺎﻣﻴﻦ ... ﻃﻠﻌﺖ ﻣﺮﻳﻀﺔ ﺳﻜﺮ ... ﻣﻦ ﺍﻟﻮﻻﺩﻩ .. ﻭﺗﻮ ﺑﺲ ﺍﻛﺘﺸﻔﻨﺎ ... ﻣﻦ ﺷﻬﺮﻳﻦ .. ﻟﻤﺎ ﻛﺎﻧﺖ ﺗﻠﻌﺐ ﻣﻊ ﻭﻟﺪ ﻋﻤﻬﺎ ﻛﺎﻥ ﻳﺠﺮﻱ ﻭﺭﺍﻫﺎ ﻋﺎﺩﻱ ﻳﻠﻌﺒﻮﻛﻨﺖ ﻧﺒﺤﺖ ﻓﻴﻬﻢ ﻭﻧﻀﺤﻚ ﻟﻌﻨﺪ ﺷﻔﺘﻬﺎ ﻃﺎﺣﺖ ﺑﺮﻭﺣﻬﺎ ﻋﺪﻳﺖ ﻧﺠﺮﻱ ﻟﻘﻴﺘﻬﺎ ﻣﻐﻤﻰ ﻋﻠﻴﻬﺎ ﻗﺒﻞ ﻣﺘﺖ ﻣﻦ ﻓﺠﻌﺘﻲ
ﻓﻲ ﺑﻌﺾ ﺍﻟﺤﺮﻭﻑ ﻣﺎﻛﻨﺘﺶ ﻭﺍﺿﺤﻪ ﻛﻮﻳﺲ ﻣﻦ ﺍﺛﺮ ﺍﻟﺪﻣﻮﻉ ..
( ﺷﻠﻨﺎﻫﺎ ﻟﻠﻤﺴﺘﺸﻔﻰ .. ﺳﺄﻟﻨﻲ ﺍﻟﺪﻛﺘﻮﺭ ﻛﺬﺍ ﺳﺆﺍﻝ ﺑﻌﺪ ﻓﺤﺼﻬﺎ ﻭﺧﺪﺍﻟﻬﺎ ﺗﺤﺎﻟﻴﻞ ﻭﺑﻌﺪﻫﺎ ﺑﻜﻢ ﻳﻮﻡ ﺧﺒﺮﻧﺎ ﺍﻟﺨﺒﺮ ﺍﻟﻠﻲ ﺻﺪﻣﻨﺎ ﺻﺪﻣﺔ ﻋﻤﺮﻧﺎ ... ﺑﻌﺪ ﺻﺪﻣﺔ ﻭﻓﺎﺓ ﺧﻮﻫﺎ ...
ﺑﻨﺘﻲ ﺍﻟﻄﻔﻠﻪ ﺍﻟﺒﺮﻳﺌﻪ ﺍﻟﻠﻲ ﻣﺎﺯﺍﻟﺖ ﻣﺎﻭﻋﺖ ﻉ ﺍﻟﺪﻧﻴﺎ ﻭﻋﺮﻓﺘﻬﺎ ﻣﺮﻳﻀﻪ ﺑﻤﺮﺽ ﻛﻴﻒ ﻫﺎﻟﻤﺮﺽ؟
ﺗﺄﻛﺪﺕ ﺗﻮﺍ ﺑﺲ ﺍﻥ ﺗﺮﺟﻤﺘﻲ ﻟﻨﻈﺮﺓ ﻋﻴﻨﻬﺎ ﻛﺎﻧﺖ ﻓﻤﺤﻠﻬﺎ ) ﻭﻗﻔﺖ ﻟﻌﻨﺪ ﻫﻨﻲ ...
ﻛﻤﺎﻝ ﻗﻠﺐ ﺍﻟﺼﻔﺤﻪ ..
ﻟﻘﻲ ﻣﻜﺘﻮﺏ ﻓﻴﻬﺎ ﺟﻤﻠﻪ ﺑﺨﻂ ﺟﻤﻴﻞ ...
" ﺻﺒﺎﺣﻲ ﺳﻜﺮ "
ﺍﺑﺘﺴﻢ ..
ﺷﺎﻑ ﺍﻟﻠﻲ ﻣﻘﺎﺑﻠﺘﻬﺎ ..
ﻣﻜﺘﻮﺏ ﺑﻨﻔﺲ ﺍﻟﺨﻂ ..
" ﺍﺑﻨﺘﻲ ﻗﻄﻌﺔ ﺳﻜﺮ ..."
ﺍﺑﺘﺴﻢ ﻭﺻﻜﺮ ﺍﻟﻤﺬﻛﺮﻩ .. ﻭﻗﻠﺒﻪ ﻛﺎﻥ ﻳﺪﻕ ﺑﺎﻟﻘﻮﺓ ...
ﻭﻗﻒ ... ﻭﻣﺸﻲ ﻟﻠﺮﻭﺷﻦ ﻓﺘﺢ ﻓﺮﺩﻩ ﻭﺣﺪﻩ ﻟﻘﻲ ﺭﻭﺷﻨﻬﺎ ﻣﺼﻜﺮ ..
ﺍﺫﻛﺮ ﺍﻟﻤﻮﻗﻒ ﺍﻟﻠﻲ ﺻﺎﺭ ﺑﻴﻨﻪ ﻭﺑﻴﻨﻬﺎ ﻓﻲ ﺍﻟﻤﺴﺘﺸﻔﻰ ﻭﻟﻤﺎ ﺭﺩﺕ ﻋﻠﻴﻪ ﺑﻌﺼﺒﻴﻪ ﻭﻣﺸﺖ ﻭﺧﻼﺗﻪ ..
ﺗﻨﻬﺪ ﻭﻗﺎﻝ : ﻗﻄﻌﺔ ﺍﻟﺴﻜﺮ ﻫﺎﺩﻱ ﺫﺍﺑﺖ ﻓﻲ ﻗﻠﺒﻲ 💓...
ﻭﻗﻄﻌﺔ ﺍﻟﺴﻜﺮ ﻫﺎﺩﻱ ﻛﺎﻧﺖ ﻣﺸﻐﻮﻟﻪ ﺑﺎﻟﺒﺪﻟﻪ ﻣﺘﺎﻋﻪ ﻭﻛﺎﻧﺖ ﺗﺨﻴﻂ ﻓﻲ ﺳﻮﺭﻳﺘﻬﺎ ﺑﻌﺪ ﻣﺎﻛﻤﻠﺖ ﺍﻟﺪﺟﺎﻛﻪ ...
ﺗﺨﻴﻂ ﻉ ﻣﺎﻛﻴﻨﺘﻬﺎ ﻭﻗﻠﺒﻬﺎ ﻳﻨﺒﺾ ﺑﺈﺳﻢ ﺻﺎﺣﺒﻬﺎ ﻭﻛﺎﻧﺖ ﻛﻞ ﺷﻮﻳﻪ ﺗﺘﻨﻬﺪ ﻭﺗﺒﺘﺴﻢ ... ﻭﻫﻲ ﺗﺨﺪﻡ ﻋﻠﻴﻬﺎ .. ﺑﺤﺐ .. ﺑﻜﻞ ﺣﺐ ...
🍃
ﻓﺎﺗﻮﺍ ﻳﻮﻣﻴﻦ ...
ﻛﻠﻪ ﺍﺳﺒﻮﻉ ..
ﻧﻮﺭﺍﻥ : ﻋﻴﻨﻚ ﻣﻦ ﺭﻭﺣﻚ ..
ﺭﻳﻬﺎﻡ : ﺍﺣﻜﻲ ﻣﻌﺎﻳﺎ ﻓﻲ ﻛﻞ ﻭﻗﺖ ..
ﺭﺿﻮﺍﻥ ﺑﻀﺤﻜﻪ : ﺣﺎﺿﺮ .. ﻫﻲ ﺧﻼﺹ ﻭﻗﺖ ﻉ ﺍﻟﻄﻴﺎﺭﻩ ..
ﺭﻛﺐ ﺍﻟﺴﻴﺎﺭﻩ ... ﻭﺗﺤﺮﻙ ﺍﻟﺴﻮﺍﻕ .. ﻭﻃﻠﻌﻮﺍ
ﻧﻮﺭﺍﻥ : ﻟﻤﺎ ﻳﺴﺎﻓﺮ ﻧﺤﺲ ﺭﻭﺣﻲ ﺧﺎﻳﻔﻪ ﺑﺪﻭﻧﻪ ..
ﺭﻳﻬﺎﻡ : ﻳﺮﺩﻩ ﺭﺑﻲ ﺳﺎﻟﻢ ..
ﻧﻮﺭﺍﻥ : ﺁﻣﻴﻦ ..
ﺭﻳﻬﺎﻡ : ﻫﻲ ﺧﺸﻲ ﺟﻮﺍ ﺍﻟﺪﻧﻴﺎ ﺣﺘﻤﻄﺮ ..
ﻧﻮﺭﺍﻥ : ﻫﻴﺎ ... ﻭﺧﺸﻮﺍ ﺍﻟﺰﻭﺯ ...
ﻓﻲ ﺍﻟﺴﻴﺎﺭﻩ ..
ﺭﺿﻮﺍﻥ : ﺍﻛﺮﻡ ﻋﺎﺑﻲ ﻋﻠﻴﻚ ..
ﺍﻛﺮﻡ : ﺍﻃﻤﻦ ...
ﺭﺿﻮﺍﻥ : ﻧﻮﺭﺍﻥ ﻭﺭﻳﻬﺎﻡ ﻭﺷﻬﺎﺏ ﻓﻲ ﺍﻣﺎﻧﺘﻚ ..
ﺍﻛﺮﻡ : ﻣﺎﺗﺸﻐﻠﺶ ﺑﺎﻟﻚ ..
ﻭﺻﻠﻮﺍ ﻟﻠﻤﻄﺎﺭ ﻧﺰﻝ ﺭﺿﻮﺍﻥ ﻭﻛﺎﻥ ﻣﻌﺎﻩ ﺍﻛﺮﻡ ﻟﻘﻮﺍ ﻫﺎﻣﺎﻥ ﻓﻲ ﺍﻟﻤﻄﺎﺭ ...
ﻫﺎﻣﺎﻥ : ﻫﻴﺎ ﻳﺎﻗﻴﺼﺮ ..
ﺭﺿﻮﺍﻥ : ﻫﻲ .. ﺍﻟﺘﻔﺖ ﻷﻛﺮﻡ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ..
ﺭﺿﻮﺍﻥ ﺍﺑﺘﺴﻢ ﻭﻣﺸﻲ ﻣﻊ ﻫﺎﻣﺎﻥ ﺍﻟﻠﻲ ﻛﺎﻥ ﻳﺸﺒﺢ ﻷﻛﺮﻡ ﻓﻲ ﺷﺒﺤﻪ ﺗﺨﻮﻑ ﺍﻛﺮﻡ ﻣﺎﺷﺎﻓﻬﺎﺵ .. ﺍﻃﻤﻦ ﻋﻠﻴﻪ ﻣﺸﻲ .. ﺑﻌﺪﻳﻦ ﻃﻠﻊ ﻣﻦ ﺍﻟﻤﻄﺎﺭ ..
***
ﺍﻟﺴﺎﻋﻪ 2
ﻓﻲ ﺍﻟﻠﻴﻞ ...
ﻫﺎﺩﻱ ﺍﺣﺴﻦ ﻓﺮﺻﺔ ﻋﻨﺪ ﺳﺎﺭﻩ ...
ﻣﺸﺖ ﻃﻮﻝ ﻟﺮﻳﻔﻮﺩﺟﻲ ﻟﻘﺎﺗﻪ ﻣﺮﺩﻭﺩ ﺗﻔﺎﺟﺌﺖ ﻓﺘﺤﺎﺗﻪ ﺑﺸﻮﻳﺶ .. ﻭﻧﺰﻟﺖ ﻣﻦ ﺍﻟﺪﺭﻭﺝ ﺑﺤﺬﺭ ﻭﻳﻦ ﺟﺖ ﺑﺘﺨﺶ ﻟﻘﺖ ﻓﻴﻪ ﺿﻲ ﺑﻴﻼ ...
ﺑﻴﻨﺖ ﺭﺍﺳﻬﺎ ﻭﺗﻔﺎﺟﺌﺖ ﻧﻔﺲ ﺍﻟﺸﺨﺺ ﺍﻟﻠﻲ ﺷﺎﻓﺎﺗﻪ ﺍﻟﻤﺮﻩ ﺍﻟﻠﻲ ﻓﺎﺗﺖ ﺍﻟﻤﺮﻩ ﻫﺎﺩﻱ ﺷﺎﺩ ﻓﻴﺪﻩ ﻭﺭﺍﻕ ﻭﻳﺸﻮﻑ ﻓﻴﻬﻢ ...
ﺍﺩﺭﻗﺖ ﻭﻫﻲ ﺗﻔﻜﺮ ﻓﻲ ﻫﺎﻟﺸﺨﺺ ...
ﻋﻨﺪ ﻛﻤﺎﻝ ...
ﻣﺎﺟﺎﺷﻲ ﺍﻟﻨﻮﻡ ﺑﻌﺪ ﻛﻤﻞ ﻗﺮﺍﻳﺔ ﺭﻭﺍﻳﻪ ﻋﺎﻟﻤﻴﻪ ﻟﻠﻜﺎﺗﺒﻪ ﺍﻟﻤﻌﺮﻭﻓﻪ ﺍﻟﺤﺎﺻﻠﻪ ﻉ ﺟﺎﺋﺰﺓ ﻧﻮﺑﻞ ﻓﻲ ﺍﻷﺩﺏ ﺟﻤﺎﻥ ﻓﺮﻳﺪ 😂😂🤣
ﺍﺣﻤﻢ .. ﻛﺎﻥ ﻳﻘﺮﺍ ﻓﻲ ﺭﻭﺍﻳﻪ ﻵﻏﺎﺛﺎ ﻛﺮﻳﺴﺘﻲ .. ﻭﻗﻒ ﻗﺮﺍﻳﻪ ...
ﺍﻟﻜﺎﺗﺒﻪ ﻫﺎﺩﻱ ﻗﺼﺼﻬﺎ ﻉ ﺍﻟﻐﺎﻟﺐ ﺑﻮﻟﻴﺴﻴﻪ ... ﻫﻮ ﻟﻤﺎ ﻗﺮﻱ ﺧﻄﺮ ﻋﻠﻴﻪ ﺭﺿﻮﺍﻥ .. ﻭﺧﻄﺮﺕ ﻋﻠﻴﻪ ﺍﻟﻤﺬﻛﺮﺓ ... ﻧﺎﺽ ﺧﺪﺍﻫﺎ ﻣﻦ ﻣﻜﺎﻧﻬﺎ ﻭﻗﻌﻤﺰ .. ﻓﺘﺤﻬﺎ ﻭﻳﻦ ﻣﺎﻭﻗﻒ ﻗﻠﺐ ﺍﻟﺼﻔﺤﻪ ...
ﻛﺎﻥ ﺍﻟﺘﺎﺭﻳﺦ ﺑﻌﻴﺪ ..
( ﻋﺎﻳﺸﻪ ﺍﺳﻮﺩ ﺍﻳﺎﻡ ﺣﻴﺎﺗﻲ ... ﺍﻳﺎﻡ ﺣﻴﺎﺗﻲ ﺍﻟﻠﻲ ﻏﻠﺐ ﻋﻠﻴﻬﺎ ﺍﻟﻠﻮﻥ ﺍﻷﺳﻮﺩ ﻓﻜﻞ ﺷﻲ ... ﺳﻔﻴﺎﻥ ﻟﻴﻪ ﻳﻮﻣﻴﻦ ﻓﻲ ﺍﻟﻤﺴﺘﺸﻔﻰ ﺑﻌﺪ ﺍﻧﺼﺎﺏ ﺑﺮﺻﺎﺻﻪ ﻏﺪﺭ .. ﺍﺳﺘﻘﺮﺕ ﻓﻲ ﻧﺺ ﺻﺪﺭﻩ .. ﻭﺣﺎﻟﺘﻪ ﺧﻄﻴﺮﻩ ... ﺍﻟﺪﻛﺎﺗﺮﻩ ﺩﺍﺭﻭﺍ ﺟﻬﺪﻫﻢ ﻭﻃﻠﻌﻮﻫﺎ ﺑﺲ ﺍﻟﺨﻄﺮ ﻣﺎﺯﺍﻟﺶ ..
ﺍﻟﺮﺻﺎﺻﻪ ﻫﺬﻱ ﺍﻧﺎ ﻋﺎﺭﻓﻪ ﻣﻨﻮ ﺻﺎﺣﺒﻬﺎ ﻭﻣﺘﺄﻛﺪﻩ .. ﺑﺲ ﻣﺎﻓﺶ ﻓﻴﺪﻱ ﺩﻟﻴﻞ ...
ﻟﺘﻮ ﻣﺶ ﻣﺴﺘﻮﻋﺒﻪ ﺍﻧﺎ ﺑﻴﺪﻱ ﻳﻮﻣﺘﻬﺎ ﺑﺨﺮﺗﻪ ﻟﻤﺎ ﻛﺎﻥ ﻣﻌﺪﻱ ﻟﺼﻼﺓ ﺍﻟﺠﻤﻌﻪ .. ﻛﺎﻥ ﻃﺎﻟﻊ ﻭﺍﺑﺘﺴﺎﻣﺘﻪ ﻉ ﻭﺟﻬﻪ ﻛﻴﻒ ﻛﻞ ﻣﺮﺓ ﺍﺑﺘﺴﺎﻣﻪ ﺍﻹﻧﺴﺎﻥ ﺍﻟﻤﺆﻣﻦ ﺍﻟﻘﺎﻧﻊ ﻭﺍﻟﺮﺍﺿﻲ ﺑﻜﺘﺒﻪ ﺭﺑﻪ ﻭﻧﺼﻴﺒﻪ ﻣﻦ ﻫﺎﻟﺪﻧﻴﺎ ... ﻣﺎﺧﻄﺮﺵ ﻓﻲ ﺑﺎﻟﻲ ﺍﻧﻪ ﻣﺶ ﺣﻴﺮﺩ ..
ﻭﺍﻟﺼﺒﺢ ﺯﺍﺩﺕ ﻗﻄﻌﺘﻨﻲ .. ﻭﻫﻲ ﺗﻨﺎﺩﻱ ﻭﺗﻘﻮﻝ ﺑﺎﺑﺎ ...
ﺍﺍﺍﺍﻩ ﻳﺎﺑﻨﺘﻲ ... ﺍﻣﻚ ﻣﺎﺗﻘﺪﺭﺵ ﺗﺘﺤﻤﻞ ﺣﻴﺎﺓ ﻣﻦ ﻏﻴﺮ ﺑﺎﺗﻚ ﻟﻮﺻﺎﺭ ﻓﻴﻪ ﺷﻲ .. ﻻﻗﺪﺭ ﺍﻟﻠﻪ .. ﻻﻗﺪﺭﺍﻟﻠﻪ .. ﺍﻣﻚ ﻣﺶ ﺣﺘﺤﻤﻞ ﺗﻘﻌﺪ ﺩﻗﻴﻘﻪ ﻣﻦ ﺑﻌﺪﻩ ... ﺍﺍﺍﺍﻩ ﻳﺎﺑﻨﺘﻲ ﺍﺍﺍﻩ ﻳﺎﺻﺒﺢ ... ) ﻭﻗﻔﺖ ﻟﻌﻨﺪ ﻫﻨﻲ .. ﻭﻛﺎﻧﺖ ﺍﻟﺼﻔﺤﻪ ﻣﻌﺒﻴﻪ ﺑﺄﺛﺮ ﺍﻟﺪﻣﻮﻉ .. ﺻﻜﺮ ﺍﻟﻤﺬﻛﺮﺓ ..
ﻛﻤﺎﻝ : ﻟﻜﻦ ﺑﻮﻫﺎ ﻭﺍﻣﻬﺎ ﻣﺎﺗﻮﺍ ﻓﻲ ﺣﺎﺩﺕ ﻃﻴﺎﺭﺓ ... ﺗﺲ ... ﻧﺎﺽ ﺭﺩ ﺍﻟﻤﺬﻛﺮﻩ ﻓﻤﻜﺎﻧﻬﺎ ﻭﺍﻧﻄﺮﺡ ﻉ ﺍﻟﺴﺮﻳﺮ ﻭﻫﻮ ﻳﻔﻜﺮ ... ﻟﻌﻨﺪ ﺟﺎﻩ ﺍﻟﻨﻮﻡ ﻭﺭﻗﺪ ...
ﺗﺎﻧﻲ ﻳﻮﻡ ﺍﻟﺼﺒﺢ ..
ﻣﻤﻜﻦ ﻟﻮ ﺳﻤﺤﺖ ﺗﺎﺧﺪﻫﺎ ﻭﺗﺮﻳﺤﻨﻲ ..
ﺍﻛﺮﻡ : ﺷﻦ
ﺷﻦ ﻭﺭﺍﻙ ؟ﺧﻠﻴﻚ ﻣﺼﺒﻴﻪ ﻟﻴﻦ ﻧﻜﻤﻞ ...
ﺳﺎﺭﻩ : ﺻﺒﺮﻙ ﻳﺎﺭﺑﻲ ...
ﺍﻛﺮﻡ ﻗﻌﺪ ﻳﻤﺴﺢ ﻓﻲ ﺍﻟﺴﻴﺎﺭﺓ ﻭﻳﺸﺒﺤﻠﻬﺎ : ﻫﻀﺎ ﺍﻟﺘﺪﺭﻳﺐ ﻟﻠﻤﺴﺘﻘﺒﻞ ﻳﺎﺿﺒﻌﻪ ..
ﺳﺎﺭﻩ ﺑﺮﻓﻌﺔ : ﻣﺘﺎﻣﻞ ﻭﺍﺟﺪ ﺍﻧﺖ ﺭﻩ
ﺍﻛﺮﻡ ﺣﻂ ﺍﻟﻔﻮﻃﻪ ﻭﺟﺎﻫﺎ ﺧﺪﻱ ﻃﺎﺳﻪ ﺍﻟﻌﺼﻴﺮ ﻭﺷﺮﺑﻬﺎ ﻓﻲ ﻣﺮﻩ ﻭﺣﻄﻬﺎ .. ﺷﺪ ﺳﺎﺭﻩ ﻣﻦ ﻳﺪﻫﺎ ﻭﻟﻮﺍﻫﺎ ﻭﺭﺍﻫﺎ ﺿﻬﺮﻫﺎ ﻭﻗﺮﺑﻬﺎ ﻟﻴﻪ ...
ﺍﻛﺮﻡ : ﻣﺤﻜﻮﻡ ﻋﻠﻴﻚ ﻣﺆﺑﺪ .. ﻭﺍﻟﺤﻜﻢ ﻏﻴﺮ ﻗﺎﺑﻞ ﻟﻠﻨﻘﺾ ...
ﺳﺎﺭﻩ ﻭﻭﺟﻬﻬﺎ ﺍﺣﻤﺮ ﻭﻗﻠﺒﻬﺎ ﻗﺮﻳﺐ ﻳﻔﺮ : ﺑﺎﻫﻲ ﺍﺭﺧﻴﻨﻲ ﺑﻼﺵ ﻓﻀﺎﻳﺢ ..
ﺍﻛﺮﻡ ﻗﻌﺪ ﻳﺸﺒﺢ ﻟﺘﻔﺎﺻﻴﻞ ﻭﺟﻬﻬﺎ ﻫﻠﺒﻪ ... ﺑﻌﺪﻳﻦ ﻃﻠﻘﻬﺎ .. ﻭﻟﻒ ﻭﻣﺸﻲ ﻟﻠﺴﻴﺎﺭﻩ ﺧﺪﻱ ﺍﻟﻔﻮﻃﻪ ﻭﻛﻤﻞ ﻣﺴﺢ ﻭﻫﻲ ﻛﺎﻟﻌﺎﺩﻩ ..
ﻫﺮﺑﺖ ﺗﺠﺮﻱ ...
ﺭﻳﻬﺎﻡ ﺍﻟﻠﻲ ﻛﺎﻧﺖ ﺗﺸﻮﻑ ﻓﻲ ﻛﻞ ﺷﻲ ﻣﻦ ﻓﻮﻕ ﻣﺎﺗﺤﻤﻠﺘﺶ .. ﻧﺰﻟﺖ ﻟﻮﻃﺎ ...
ﻭﻣﺸﺖ ﻟﻠﻜﻮﺟﻴﻨﻪ ...
ﺭﻳﻬﺎﻡ : ﻧﺒﻮﻳﻪ ﺍﻃﻠﻌﻲ ﺷﻮﻱ ...
ﻧﺒﻮﻳﻪ ﺑﺈﺳﺘﻐﺮﺍﺏ : ﺣﺎﺿﺮ ... ﻭﻃﻠﻌﺖ ..
ﺭﻳﻬﺎﻡ ﺻﻜﺮﺕ ﺍﻟﺒﺎﺏ ..
ﻭﻣﺸﺖ ﺻﻜﺮﺕ ﺍﻟﺒﺎﺏ ﺍﻟﺒﺮﺍﻧﻲ .. ﻭﺳﺎﺭﻩ ﻛﺎﻧﺖ ﺗﻐﺴﻞ ﻓﻲ ﺍﻟﻤﺎﻋﻴﻦ ﻭﻫﻲ ﻣﺒﺘﺴﻤﻪ ..
ﺭﻳﻬﺎﻡ ﻗﺮﺑﺘﻠﻬﺎ : ﺍﺳﻤﻌﻲ ﺍﻧﺘﻲ .. ﻋﻨﺪﻙ ﻳﻮﻣﻴﻦ ﺗﻠﻤﻲ ﻓﻴﻬﻦ ﺩﺑﺸﻚ ﻭﺗﻌﺪﻱ ﻣﻦ ﻫﻨﺎ .. ﻭﻣﺎﺗﺨﻠﻨﻴﺶ ﻧﺼﺮﻑ ﺗﺼﺮﻑ ﻧﻨﺪﻡ ﻋﻠﻴﻪ .. ﻣﺎﺳﻜﻪ ﻧﻔﺴﻲ ﻋﻠﻴﻚ ﺑﺎﻟﺰﻭﺭ ﻣﺎﻧﺒﻴﺶ ﻧﻮﻟﻲ ﺣﻘﻴﺮﺓ .. ﺍﻃﻠﻌﻲ ﻣﻦ ﻫﻨﺎ ﺑﺈﺭﺍﺩﺗﻚ ﻭﺍﺣﺘﺮﺍﻣﻚ ﺧﻴﺮ ﻣﺎﺗﻄﻠﻌﻲ ﺑﻔﻀﻴﺤﻪ ..
ﺳﺎﺭﻩ ﻛﺎﻧﺖ ﺗﺸﺒﺤﻠﻬﺎ ﻭﻫﻲ ﺗﺘﻜﻠﻢ ﻭﻣﺮﻛﺰﺓ ﻋﻠﻴﻬﺎ ﻛﻮﻳﺲ ..
ﺭﻳﻬﺎﻡ : ﻭﺍﻧﺎ ﺣﺬﺭﺗﻚ .. ﻭﻗﺪ ﺍﻋﺬﺭ ﻣﻦ ﺍﻧﺬﺭ ..
ﺭﻳﻬﺎﻡ ﺟﺖ ﺑﺘﻤﺸﻲ ﺷﺪﺗﻬﺎ ﺳﺎﺭﻩ ﻣﻦ ﺫﺭﺍﻋﻬﺎ ..
ﺭﻳﻬﺎﻡ ﺷﺒﺤﺖ ﻟﻴﺪﻫﺎ ﺑﻌﺪﻳﻦ ﺷﺒﺤﺘﻠﻬﺎ ﺑﺮﻓﻌﺔ ﺣﺎﺟﺐ ..
ﺳﺎﺭﺓ ﺍﺑﺘﺴﻤﺖ : ﺭﻳﻬﺎﻡ .... ﺑﺎﻟﻀﺒﻂ .. ﺍﻧﺘﻲ ﻣﻨﻲ؟ !!
... ﻳﺘﺒﻊ ..
