#مشاعر
ﺍﻟﺠﺰﺀ ﺍﻟﺴﺎﺩﺱ ﻭﺍﻟﺜﻼﺛﻴﻦ " ﺍﻟﻘﺴﻢ ﺍﻟﺜﺎﻧﻲ "
للكاتبة GomanFared
ﻧﻮﺭﺍﻥ .. ﻧﻮﺭﺍﻥ .. ﺣﺒﻴﺒﺘﻲ .
ﻛﺎﻧﺖ ﺣﺎﺿﻨﺎﺗﻪ ﻭﻣﻐﻤﻀﻪ ﻋﻴﻮﻧﻪ ...
ﺍﻛﺮﻡ : ﻧﻮﺭﺍﻥ ﺣﺒﻴﺒﻲ ..
ﻧﻮﺭﺍﻥ ﻗﺎﻣﺖ ﺭﺍﺳﻬﺎ ﻭﻗﻌﺪﺕ ﺗﺸﺒﺤﻠﻪ ﺑﻌﻴﻮﻧﻬﺎ ﺍﻟﻤﺪﻣﻌﻪ ...
ﺍﻛﺮﻡ : ﻫﻴﺎ ﺍﻧﺰﻟﻲ ...
ﻧﻮﺭﺍﻥ ﺑﻨﺒﺮﺓ ﺑﺎﻛﻴﻪ : ﺑﺎﻫﻲ ...
ﻧﺰﻝ ﺍﻛﺮﻡ ﻣﻦ ﺳﻴﺎﺭﻩ ... ﻭﻧﺰﻟﺖ ... ﻭﻛﺎﻥ ﻗﺪﺍﻡ ﺍﻟﻔﻴﻼ ... ﺍﻟﻀﺎﺑﻂ ﻋﺒﺪﺍﻟﻠﻪ ...
ﺍﻛﺮﻡ ... ﻗﺪﻣﻠﻪ ﻭﻣﺪ ﺍﻳﺪﻳﻪ ..
ﻋﺒﺪﺍﻟﻠﻪ ﻗﻌﺪ ﻳﺸﺒﺤﻠﻪ ﺑﺼﺪﻣﻪ ... ﺷﺎﻑ ﻟﺼﺎﺑﺮ ﺍﻟﻠﻲ ﻛﺎﻥ ﻣﺼﺪﻭﻡ ﺍﻛﺜﺮ ﻣﻨﻪ ...
ﺍﻛﺮﻡ : ﻛﻨﻚ ﻳﺎﺍﻓﻨﺪﻱ ﻣﺎﺗﻌﻠﻤﺶ ... ﺍﻧﺎ ﺧﺪﻣﺖ ﻣﻊ ﺭﺿﻮﺍﻥ ﻓﻲ ﺍﻋﻤﺎﻟﻪ ﺍﻟﻐﻴﺮ ﺷﺮﻋﻴﻪ ..
ﻧﻮﺭﺍﻥ ﻣﺸﺖ ﺣﻀﻨﺖ ﺳﺎﺭﻩ ﻭﺗﺒﻜﻲ ﻭﺳﺎﺭﻩ ﺣﻀﻨﺘﻬﺎ ﻭﺗﺸﺒﺢ ﻷﻛﺮﻡ ﻭﺩﻣﻮﻋﻬﺎ ﺗﻨﺰﻝ ...
ﻋﺒﺪﺍﻟﻠﻪ ﺷﺒﺢ ﻟﻨﻮﺭﺍﻥ ﻭﺳﺎﺭﻩ .. ﺑﻌﺪﻳﻦ ﺍﻟﺘﻔﺖ ﻟﻮﺍﺣﺪ ﻣﻦ ﻋﻨﺎﺻﺮﻩ .. ﻭﺍﺷﺮﻟﻪ ﻳﺠﻲ : ﻛﻠﺒﺸﻪ ..
ﺍﻟﻌﻨﺼﺮ ﻗﻌﺪ . ﻳﺸﺒﺢ ﻟﻌﺒﺪﺍﻟﻠﻪ ﺑﺼﺪﻣﻪ ..
ﻋﺒﺪﺍﻟﻠﻪ : ﻓﺸﻦ ﺗﺮﺟﻰ ﻧﻔﺬ ﺍﻻﻭﺍﻣﺮ ...
ﺍﻟﻌﻨﺼﺮ ﻃﻮﻝ ﻛﻠﺒﺶ ﺍﻛﺮﻡ ﻭﺧﺪﺍﻩ ﻣﻌﺎﻩ ..
ﺳﺎﺭﻩ ﺑﻨﺒﺮﺓ ﺑﺎﻛﻴﻪ : ﺍﻛﺮﺭﺭﻡ ..
ﻭﻗﻒ ﻭﺍﻟﺘﻔﺘﻠﻬﺎ ...
ﺳﺎﺭﺓ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ : ﺣﻨﺼﺒﻲ ﻣﻌﺎﻙ ﻭﻧﺴﺎﻋﺪﻙ ... ﻭﻃﻮﻝ ﻋﻤﺮﻱ ﺣﻨﻘﻌﺪ ﻧﺮﺟﻰ ﻓﻴﻚ ...
ﺍﻛﺮﻡ ﺍﺑﺘﺴﻢ ﻉ ﺟﻨﺐ : ﻋﻴﻨﻚ ﻣﻦ ﻧﻮﺭﺍﻥ .. ﻭﻣﻦ ﺭﻭﺣﻚ ..
ﺳﺎﺭﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻧﻮﺭﺍﻥ ﻛﺎﻧﺖ ﺗﺸﺒﺤﻠﻪ ...
ﺍﺑﺘﺴﻤﻠﻬﺎ ﺍﻛﺮﻡ ﻭﺩﺍﺭﻟﻬﺎ ﺣﺮﻛﻪ ﺑﺨﺸﻤﻪ ... ﺍﺑﺘﺴﻤﺖ
ﺍﻟﺘﻔﺖ ﻭﻣﺸﻲ ...
ﺭﻛﺒﻮﻩ ﺍﻟﺴﻴﺎﺭﺓ ﻭﻣﺸﻮﺍ ...
ﻗﺪﻡ ﻋﺒﺪﺍﻟﻠﻪ : ﺑﻜﺮﺍ ﻻﺯﻡ ﺗﺠﻲ ﻟﻠﻤﺮﻛﺰ ﻭﻣﻌﺎﻙ ﺍﻻﺧﺖ ﻧﻮﺭﺍﻥ ...
ﺳﺎﺭﻩ : ﻟﻴﺶ ﻧﻮﺭﺍﻥ؟؟
ﻋﺒﺪﺍﻟﻠﻪ : ﻟﻤﺎ ﺗﺠﻲ ﺣﺘﻌﺮﻓﻮﺍ ... ﻟﻒ ﻋﺒﺪﺍﻟﻠﻪ ﺭﻛﺐ ﺍﻟﺴﻴﺎﺭﻩ ﻭﻣﻌﺎﻩ ﺻﺎﺑﺮ ﻭﻣﺸﻮﺍ ...
ﻧﻮﺭﺍﻥ : ﻓﺸﻦ ﻳﺒﻮﻧﻲ؟
ﺳﺎﺭﻩ : ﻣﻤﻜﻦ ﻓﻲ ﺑﺎﻟﻬﻢ ﺍﻧﻚ ﺗﻌﺮﻓﻲ ﺷﻲ ﺍﻭ ﺷﺎﻫﺪﻩ ﻉ ﺷﻲ ...
ﻧﻮﺭﺍﻥ : ﻣﻤﻜﻦ ... ﻧﻮﺭﺍﻥ ﺷﺒﺤﺖ ﻟﻠﻔﻴﻼ ﺍﻟﻠﻲ ﺟﻨﺒﻬﻢ ... ﻛﻤﺎﻝ ﻭﻳﻦ ﻣﻦ ﻫﻀﺎ ﻛﻠﻪ؟
ﺳﺎﺭﻩ ﺑﺈﺳﺘﻐﺮﺍﺏ : ﺻﺢ .. ﺭﻧﻲ ﻋﻠﻴﻪ ﺷﻮﻓﻴﻪ ..
ﻧﻮﺭﺍﻥ ﺑﻀﻴﻖ : ﺭﻧﻲ ﻋﻠﻴﻪ ﺍﻧﺘﻲ ...
ﺳﺎﺭﻩ : ﻛﻨﻚ ﻧﻮﺭﺍﻥ ...
ﻧﻮﺭﺍﻥ ﺳﻜﺘﺖ ﻭﻣﺎﺑﺘﺶ ﺗﺮﺩ ﻭﺧﺸﺖ ﻟﺪﺍﺧﻞ ... ﻭﺳﺎﺭﻩ ﻛﺎﻧﺖ ﻣﺴﺘﻐﺮﺑﻪ ﻟﺤﻘﺘﻬﺎ ﻭﺧﺸﺖ ..
****
ﻛﻴﻴﻴﻒ ﺍﺩﻳﻴﻴﺮ ﻫﻜﻲ ﺍﻟﺤﻘﻴﺮﻩ ﻛﻴﻴﻴﻒ ...
ﺧﻠﻴﻔﺔ ﻭﻫﻮ ﻳﺮﻋﺶ : ﻫﻲ ﺍﻟﺤﻘﻴﺮﻩ ﻭﻻ ﻭﻟﺪﻙ ﺍﻟﻠﻲ ﻧﺰﻝ ﺭﺍﺳﻲ ﺍﻟﻮﻃﺎ ﻭﻟﺪﻙ ﺍﻟﻠﻲ ﻣﻌﺮﻓﺘﻴﺶ ﺗﺮﺑﻴﻪ ..
ﺳﻨﺎﺀ ﺷﺪﺍﺗﻪ ﻣﻦ ﺳﻮﺭﻳﺘﻪ ﺑﺒﻜﻲ ﻣﻤﺰﻭﺝ ﺑﺎﻟﻌﺼﺒﻴﻪ : ﻛﻴﻒ ﺗﻘﻮﻭﻭﻝ ﻫﻜﻜﻜﻲ ﻳﺎﺑﻮﻩ ...
ﺧﻠﻴﻔﻪ ﺣﻮﻝ ﺍﻳﺪﻳﻬﺎ ﻭﻧﺰﻟﻬﻢ ﻭﻗﺎﻝ ﺑﻐﻀﺐ : ﻭﻟﺪﻙ ﻣﺠﺮﻡ ... ﻣﺠﺮﻡ ... ﻗﺎﺗﻞ .... ﺍﻓﻬﻤﻤﻤﻤﻲ ...
ﺳﻨﺎﺀ ﻗﻌﺪﺕ ﺗﻨﺪﺏ : ﺣﻲ ﻋﻠﻴﺎ ﺣﻲ ... ﺣﻲ ﻋﻠﻴﺎ ﺣﻲ ﺣﻴﻴﻴﻴﻲ ...
ﻓﺮﻳﺎﻝ ﺍﻟﻠﻲ ﻛﺎﻧﺖ ﺗﺒﻜﻲ ﺟﺖ ﻷﻣﻬﺎ ﻭﻗﻌﺪﺕ ﺗﺸﺪ ﻓﻴﻬﺎ ...
ﺍﻣﺎ ﺧﻠﻴﻔﻪ ﻃﻠﻊ ﺑﺮﺍ ﻭﺧﻼﻫﻢ ...
ﻟﻘﻲ ﺑﻮﻩ ﻣﻘﻌﻤﺰ ﺑﺮﺍ ﻣﺮﺑﻊ ﺍﻳﺪﻳﻪ ﻭﻛﺎﻥ ﺳﺎﺭﺡ ﻓﻲ ﺟﻬﺔ ﻭﺣﺪﻩ ﻭﺍﻟﺪﻣﻮﻉ ﻓﻌﻴﻮﻧﻪ .
ﺧﻠﻴﻔﻪ ﻭﻃﺎ ﺭﺍﺳﻪ ﻟﻮﻃﺎ ﻣﺘﺤﺸﻢ ﻣﻨﻪ ﻭﻣﺨﺰﻱ ﻣﻦ ﻓﻌﻞ ﻭﻟﺪﻩ ..
....
ﻣﻌﻘﻮﻟﻪ ﻣﻨﻴﺮ ﻳﺪﻳﺮ ﻫﻜﻲ !!
ﻛﻨﺎﻧﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﻣﺶ ﻗﺘﻠﻚ ﻳﺎﻣﺎﻣﺎ ﻣﻨﻴﺮ ﻫﺬﺍ ﺍﻧﺴﺎﻥ ﺧﺒﻴﺚ ﻭﺣﻘﻴﺮ ...
ﻓﺮﻳﺤﻪ : ﺍﻟﻠﻪ ﻳﺮﺣﻤﻚ ﻳﺎﻭﻟﺪﻱ ﻳﺎﻋﻼﺀ ..
ﻛﻨﺎﻧﻪ ﺣﻄﺖ ﺍﻳﺪﻳﻬﺎ ﻉ ﻓﻤﻬﺎ ﻭﺷﻬﻘﺖ ﺑﺒﻜﺎﻫﺎ ...
ﻓﺮﻳﺤﻪ ﻧﺎﺿﺖ ﻭﻗﺪﻣﺘﻠﻬﺎ ﻭﺣﻀﻨﺘﻬﺎ ...
ﻛﻨﺎﻧﻪ ﺑﻜﺖ ﺍﻛﺜﺮﺭ ... ﺷﻮﻳﻪ ﻭﻧﺎﺿﺖ : ﻫﻴﺎ ﻣﺎﻣﺎ ﺧﺸﻲ ﺍﺭﻗﺪﻱ ﻏﺪﻭﺓ ﺇﻥ ﺷﺎﺀ ﺍﻟﻠﻪ ﻭﺭﺍﻧﺎ ﺳﻔﺮ ..
ﻓﺮﻳﺤﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻭﺧﺸﻮﺍ ﺍﻟﺰﻭﺯ ﻟﺪﻳﺎﺭﻫﻢ ..
🍁🍁🍁
ﺍﻟﻀﺮﺑﻪ ﻗﻮﻳﻪ ﻉ ﺍﻟﺮﺍﺱ ... ﻭﻟﻸﺳﻒ ﺧﺶ ﻓﻐﻴﺒﻮﺑﻪ ...
ﺍﻟﻌﻘﻴﺪ ﻣﺤﻤﺪ : ﻭﻟﻌﻨﺪ ﻣﺘﻰ ﻭﺿﻌﻪ ﻫﻀﺎ ..
ﺍﻟﺪﻛﺘﻮﺭ : ﻣﺶ ﻣﻌﺮﻭﻑ ﻣﺎﻧﻘﺪﺭﺵ ﻧﺤﺪﺩﻟﻚ ..
ﺍﻟﻌﻘﻴﺪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻟﻒ ﻭﻣﺸﻲ ﻣﻌﺎﻩ ﻭﺍﺣﺪ ﻣﻦ ﺍﻟﻌﻨﺎﺻﺮ ..
ﻣﺤﻤﺪ : ﺷﻦ ﺻﺎﺭ ﻓﻲ ﺍﻟﻤﺴﺘﺸﻔﻰ ..
ﺍﻟﻌﻨﺼﺮ : ﻓﻀﻴﻨﺎﻩ ﻭﺍﻏﻠﻘﻨﺎﻩ ...
ﻣﺤﻤﺪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻃﻠﻌﻮﺍ ﺍﻟﺰﻭﺯ ﻣﻦ ﺍﻟﻤﺴﺘﺸﻔﻰ ...
****
ﺗﺎﻧﻲ ﻳﻮﻡ ...
ﺳﻤﻌﻮﺍ ﻋﻴﻠﺔ ﻋﻼﺀ ﺑﺎﻟﻠﻲ ﺻﺎﺭ ..
ﻧﺎﺻﺮ ﻃﻮﻝ ﻣﺸﻲ ﻟﺤﻮﺵ ﺑﻮﻩ ﻗﻠﺐ ﺍﻟﺪﻧﻴﺎ ﻉ ﺭﺍﺳﻬﻢ ﻭﻗﺎﻝ ﺍﻧﻪ ﻣﺶ ﺣﻴﺘﻨﺎﺯﻝ ﺩﻭﻥ ﻣﺎﻳﻠﻘﻰ ﺣﺒﻞ ﺍﻟﻤﺸﻨﻘﻪ ﻣﻠﻔﻮﻑ ﺣﻮﺍﻟﻴﻦ ﺭﻗﺒﺔ ﻣﻨﻴﺮ ... ﻻﻏﻲ ﺍﻱ ﺇﻋﺘﺒﺎﺭ ... ﻣﺶ ﺳﺎﻫﻠﻪ ﺿﻨﺎﻩ ﻣﺶ ﺣﻴﺴﻠﻢ ﻓﻲ ﺩﻣﻪ ﻣﻬﻤﺎ ﺻﺎﺭ ...
ﺑﻮﻩ ﻣﺎﻗﺪﺭﺵ ﻳﻘﻮﻝ ﺷﻲ .. ﺍﺫﺍ ﻫﻮ ﻧﻔﺴﻪ ﻣﻨﻘﻬﺮ ﻣﻦ ﻣﻨﻴﺮ ﻭﻳﺒﻴﻪ ﻳﺎﺧﺪ ﺟﺰﺍﺋﻪ ﺣﺘﻰ ﻟﻮ ﻣﺎﺻﺮﺣﺶ ..
ﺍﻣﺎ ﺍﻏﺮﺏ ﻣﻮﻗﻒ ﻛﺎﻥ ﻣﻮﻗﻒ ﺗﻬﺎﻧﻲ ... ﻛﺎﻧﺖ ﺑﺲ ﺗﺘﺤﺴﺐ ﻟﻜﻦ ﺣﺎﻓﻈﺖ ﻉ ﻫﺪﻭﺋﻬﺎ ... ﻭﺭﺩﺓ ﺍﻟﻔﻌﻞ ﻫﺎﺩﻱ ﻏﻴﺮ ﻣﺘﻮﻗﻌﻪ ﺑﺎﻟﻨﺴﺒﻪ ﻟﺮﺍﺟﻠﻬﺎ ﻭﻟﺒﻨﺘﻬﺎ ﻭﻷﻱ ﺣﺪ ﻣﻦ ﻋﻴﻠﺔ ﺗﻬﺎﻧﻲ ...
ﺳﺎﻓﺮﺕ ﻛﻨﺎﻧﻪ ﻣﻊ ﺍﻣﻬﺎ ﻭﻫﻲ ﻣﺮﺗﺎﺣﻪ ﻉ ﺍﻵﺧﺮ .. ﻭﺣﺘﺘﻔﺮﻍ ﺗﻮﺍ ﻟﺸﻐﻠﻬﺎ ﻭﻛﻞ ﻫﻤﻮﻣﻬﺎ ﺍﻧﺰﺍﺣﺖ .. ﺑﺮﻏﻢ ﺍﻟﺤﺰﻥ ﺍﻟﻠﻲ ﻗﺎﻋﺪ ﺳﺎﻛﻦ ﻓﻲ ﻗﻠﺒﻬﺎ ...
ﻓﺒﻨﻐﺎﺯﻱ ...
ﺳﻤﻌﻮﺍ ﻧﻮﺭﺍﻥ ﻭﺳﻼﻑ ﺍﻟﻠﻲ ﺻﺎﺭ ﻟﻜﻤﺎﻝ ﻭﺍﻧﻪ ﺧﺶ ﻟﻐﻴﺒﻮﺑﻪ ...
ﺳﻼﻑ ﺑﺼﺪﻣﻪ : ﻳﺎﺍﺍﺭﺑﻲ ﻣﺎﺣﻜﺎﻟﻴﺶ ﻉ ﺍﻟﺤﺎﺟﻪ ﻫﺬﻱ !!!
ﺑﺲ ﻭﺍﻟﻠﻪ ﺭﺍﺟﻞ ... ﺣﻤﺎﻙ ﻳﺎﻧﻮﺭﺍﻥ ﻭﻣﺎﺑﺎﺵ ﻳﻘﻮﻝ ﻟﺤﺪ ﻹﻧﻪ ﺣﺲ ﺍﻥ ﻫﺎﻟﺸﻲ ﻣﺴﺆﻭﻟﻴﺘﻪ ...
ﺳﻼﻑ ﺷﺒﺤﺖ ﻟﻨﻮﺭﺍﻥ ﺍﻟﻠﻲ ﻛﺎﻧﺖ ﺗﺸﺒﺢ ﻓﻲ ﺍﻟﻔﺮﺍﻍ ﺑﺈﺑﺘﺴﺎﻣﻪ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺳﻼﻑ : ﻧﻮﺭﺍﻥ ...
ﻧﻮﺭﺍﻥ ﻣﺴﺤﺖ ﺩﻣﻮﻋﻬﺎ ﻭﺭﺷﻔﺖ ﻭﺷﺒﺤﺖ ﻟﺴﻼﻑ : ﺧﻼﺹ ... ﺣﻴﻌﺪﻱ ...
ﺳﻼﻑ ﻗﻌﺪﺕ ﺗﺸﻮﻓﻠﻬﺎ ﻭﻟﻨﻈﺮﺓ ﻋﻴﻨﻬﺎ ﺍﻟﻠﻲ ﻛﻠﻬﺎ ﺣﺰﻥ ...
ﻧﻮﺭﺍﻥ ﺑﻠﻌﺖ ﺭﻳﻘﻬﺎ ﻭﺩﻣﻮﻋﻬﺎ ﺗﻤﺴﺢ ﻓﻴﻬﻢ ﻭﺗﻨﺰﻝ ﻣﻦ ﺟﺪﻳﺪ : ﺟﺎ ﺍﻟﻴﻮﻡ ﺍﻟﻠﻲ ﻳﺎﻣﺎ ﺧﻔﺖ ﻣﻨﻪ ... ﺍﻟﻠﻲ ﻳﺎﻣﺎ ﻛﺎﻥ ﻛﻴﻒ ﺍﻟﻐﺼﻪ ﻓﻘﻠﺒﻲ .. ﺣﻴﻄﻠﻊ ﻣﻦ ﺣﻴﺎﺗﻲ ﻛﻴﻒ ﻣﺎﺧﺸﻠﻬﺎ ..
ﺳﻼﻑ ﺳﺎﻛﺘﻪ ﻣﺶ ﻗﺎﺩﺭﻩ ﺗﻮﺍﺳﻴﻬﺎ ﻭﻻﺗﻘﻮﻝ ﺍﻱ ﺷﻲ .. ﻣﺎﻋﻨﺪﻫﺎ ﻣﺎﺗﻘﻮﻝ ..
ﻧﻮﺭﺍﻥ ﺗﺒﺘﺴﻢ ﻭﻫﻲ ﺗﺒﻜﻲ ﺗﻤﺴﺢ ﻓﻲ ﺩﻣﻮﻋﻬﺎ ﺑﻜﻤﻬﺎ ﻭﻳﺮﺟﻌﻮﺍ ﻳﻨﺰﻟﻮﺍ : ﺍﻧﺘﻲ ﻓﺎﻫﻤﻪ ﻋﻠﻴﺎ !! ﻋﺎﺭﻓﻪ ﻗﺼﺘﻪ ﻭﻻﺗﺒﻴﻨﻲ ﻧﺤﻜﻴﻬﺎ ﻟﻚ ...
ﺳﻼﻑ ﺑﺼﻮﺕ ﻣﺨﻨﻮﻕ ﺑﺪﻣﻮﻋﻬﺎ : ﻋﺎﺭﻓﻪ ...
ﻧﻮﺭﺍﻥ : ﻳﻌﻨﻲ ﻓﺎﻫﻤﻪ ﻋﻠﻴﺎ ! ؟
ﺳﻼﻑ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺩﻣﻮﻋﻬﺎ ﻳﻨﺰﻟﻮﺍ ... ﻗﺪﻣﺘﻠﻬﺎ ﻃﻮﻝ ﻭﺣﻀﻨﺘﻬﺎ ﺑﻘﻮﺓ .... ﻭﻧﻮﺭﺍﻥ ﺷﺪﺕ ﻓﻴﻬﺎ ﻭﺗﺒﻜﻲ ﺑﺼﻤﺖ ...
***
ﺍﻟﺴﺎﻋﻪ ﺍﻟﺜﺎﻧﻴﻪ ﻇﻬﺮﺍ ...
ﻏﺮﻓﺔ ﺍﻟﺘﺤﻘﻴﻖ ...
ﺧﺶ ﻋﺒﺪﺍﺍﻟﻠﻪ ﺷﺎﻑ ﻟﺮﺿﻮﺍﻥ ﺍﻟﻠﻲ ﻛﺎﻥ ﻣﻘﻌﻤﺰ ﺑﺄﺭﻳﺤﻴﻪ ﻭﺗﻜﺒﺮ ...
ﻗﻌﻤﺰ ﻣﻘﺎﺑﻠﻪ ﺭﺿﻮﺍﻥ ﻗﻌﺪ ﻳﺸﺒﺤﻠﻪ ﺑﺮﻓﻌﺔ ﺣﺎﺟﺐ ﻭﻣﺒﺘﺴﻢ ﺑﺜﻘﻪ ..
ﻋﺒﺪﺍﻟﻠﻪ : ﻋﺠﺒﺎﺗﻚ ﺍﻹﻗﺎﻣﻪ ﻫﻨﺎ ...
ﺭﺿﻮﺍﻥ ﺑﺮﻓﻌﺔ ﺣﻮﺍﺟﺐ : ﻭﺍﺍﺍﺍﺟﺪ ...
ﻋﺒﺪﺍﻟﻠﻪ ﺗﻤﺎﻟﻚ ﻧﻔﺴﻪ : ﻣﻦ ﻭﻳﻦ ﻧﺒﺪﺍ ﻣﻌﺎﻙ ﻭﻻ ﻣﻦ ﻭﻳﻦ ﻣﺎﺷﺎﺀ ﺍﻟﻠﻪ ﻋﻠﻴﻚ ﻣﺶ ﻣﻌﻘﺐ ﺷﻲ ...
ﺭﺿﻮﺍﻥ : ﻧﻌﺠﺒﻚ ...
ﻋﺒﺪﺍﻟﻠﻪ ﺍﺑﺘﺴﻢ ﻭﻳﺤﺎﻭﻝ ﻳﺤﺎﻓﻆ ﻉ ﻫﺪﻭﺋﻪ : ﺧﻠﻴﻨﻲ ﻧﺒﺪﺍ ﻣﻦ ... ﺟﺮﻳﻤﺔ ﻗﺘﻞ ﺧﻮﻙ ﺳﻔﻴﺎﻥ ﻭﻣﺮﺍﺗﻪ ..
ﺭﺿﻮﺍﻥ ﺑﺒﺮﻭﺩ : ﺍﻫﺎ ... ﺍﻧﺎ ﻗﺘﻠﺘﻬﻢ ... ﺳﻔﻴﺎﻥ ﺣﺎﻭﻟﺖ ﻣﻌﺎﻩ ﺍﻟﻤﺮﻩ ﺍﻷﻭﻟﻰ ... ﺑﻌﺖ ﻣﻦ ﻳﻌﻄﻴﻪ ﺭﺻﺎﺻﻪ ﻭﻫﻮ ﻃﺎﻟﻊ ﻣﻦ ﺍﻟﺠﺎﻣﻊ ... ﺩﺍﺭ ﻳﺪﻩ ﻉ ﻫﻴﺌﺔ ﻣﺴﺪﺱ ... ﻓﻘﻠﺒﻪ .. ﻧﺰﻝ ﻳﺪﻩ ﻉ ﺍﻟﻄﺎﻭﻟﻪ .. ﺑﺲ ﺍﻟﺤﻤﺎﺭ ﺟﺎﺑﻬﺎ ﻓﻨﺺ ﺻﺪﺭﻩ ﻭﻣﺎﻣﺎﺗﺶ .. ﻳﻮﻣﺘﻬﺎ ﻛﻨﺖ ﻣﺼﻠﻲ ﻣﻌﺎﻩ ﺍﻟﺠﻤﻌﻪ ﻭﻛﻨﺖ ﻃﺎﻟﻊ ﺍﻧﺎ ﻭﻳﺎﻩ ﻭﺟﻤﺎﻋﻪ ﻣﻦ ﺍﻟﻘﺒﻴﻠﻪ ... ﻟﻤﺎ ﺍﻧﺼﺎﺏ ﺍﻧﺎ ﺗﻠﻘﻴﺘﻪ ﻭﻳﻦ ﺟﻲ ﻃﺎﻳﺢ ...
ﻋﺒﺪﺍﻟﻠﻪ : ﻓﻴﻚ ﺍﻟﺨﻴﺮ !!
ﺭﺿﻮﺍﻥ : ﻫﻬﻬﻬﻬﻬﻬﻬﻬﻪ ....
ﻋﺒﺪﺍﻟﻠﻪ ﺷﺎﺩ ﺭﻭﺣﻪ ﺑﺎﻟﺴﻴﻒ : ﺑﺎﻫﻲ ﻭﺣﺎﺩﺙ ﺳﻘﻮﻁ ﺍﻟﻄﻴﺎﺭﻩ؟ !!
ﺭﺿﻮﺍﻥ : ﻭﺍﺿﺤﻪ ... ﺩﻓﻌﺖ ... ﻟﺨﺒﻄﻮﺍ ﺍﻟﻤﺤﺮﻛﺎﺕ .. ﻭﺻﺎﺭ ﺍﻟﻠﻲ ﺻﺎﺭ ..
ﻋﺒﺪﺍﻟﻠﻪ : ﻟﻴﺶ ﻗﺘﻠﺖ ﻣﺮﺍﺗﻪ ﻣﻌﺎﻩ ... ﻛﻨﺖ ﺗﻘﺪﺭ ﺗﻘﺘﻠﻪ ﺑﻄﺮﻳﻘﻪ ﺍﺧﺮﻯ ﺑﺮﻭﺣﻪ ...
ﺭﺿﻮﺍﻥ : ﺍﻫﺎ ﺻﺢ ... ﺑﺲ ﻣﺎﻛﻨﺘﺶ ﻧﺒﻲ ﻧﻠﻔﺖ ﺍﻷﻧﺘﺒﺎﻩ ﺗﺎﻧﻲ ﺷﻲ ﻣﺮﺍﺗﻪ ﻫﻲ ﺍﻟﻠﻲ ﺍﺧﺘﺎﺭﺕ ﺗﻤﻮﺕ ..
ﻋﺒﺪﺍﻟﻠﻪ : ﺍﺧﺘﺎﺭﺕ ﺗﻤﻮﺕ؟ !
ﺭﺿﻮﺍﻥ : ﺍﻧﺎ ﺧﻴﺮﺗﻬﺎ ﻭﻫﻲ ﺍﺧﺘﺎﺭﺕ ...
ﻓﻼﺵ ﺑﺎﻙ ...
ﻛﺎﻥ ﻣﻮﺟﻮﺩ ﻓﻲ ﻣﻜﺘﺐ ﺧﻮﻩ ﻭﻛﺎﻥ ﻳﺪﻭﺭ ﻉ ﺷﻲ ..
ﺍﻧﻔﺘﺢ ﺍﻟﺒﺎﺏ ﻫﻮ ﻭﻗﻒ ﻭﺍﻟﺘﻔﺖ ﺑﺒﻂﺀ ...
ﺍﻟﺸﻴﻤﺎﺀ : ﺷﻦ ﻋﻨﺪﻙ ﻫﻨﺎ ﻳﺎﻭﺍﻃﻲ ...
ﺭﺿﻮﺍﻥ ﺿﻴﻖ ﻋﻴﻮﻧﻪ ﻭﻗﺮﻥ ﺣﻮﺍﺟﺒﻪ : ﺍﻭﻭﻭﻭﺥ .. ﺧﺎﺷﻪ ﺧﺸﺔ ﻧﺎﺭ ...
ﺍﻟﺸﻴﻤﺎﺀ ﻗﺪﻣﺘﻠﻪ : ﺍﻃﻠﻊ ﺑﺮﺍ ﻳﺎﺧﺴﻴﺲ ...
ﺭﺿﻮﺍﻥ ﻗﺪﻣﻠﻬﺎ ﻭﻛﺎﻥ ﺣﺎﻁ ﺍﻳﺪﻳﻪ ﻭﺭﺍ ﻇﻬﺮﻩ : ﻃﻮﻝ ﻋﻤﺮﻙ . ﻛﻨﺘﻲ ﻣﺬﻫﻠﻪ ﻓﻌﻴﻮﻧﻲ ... ﺷﺨﺼﻴﺘﻚ ... ﻋﻘﻠﻚ .. ﻋﻴﻮﻧﻚ ﻭﺍﺍﺍﻩ ﻣﻦ ﻋﻴﻮﻧﻚ ..
ﺍﻟﺸﻴﻤﺎﺀ ﻋﻄﺎﺗﻪ ﻛﻒ ﻣﺴﻤﻮﻉ ﺍﻟﺼﻮﺕ ...
ﺣﻂ ﻳﺪﻩ ﻉ ﺧﺪﻩ ﻭﻫﻮ ﻣﻐﻤﺾ ﻋﻴﻮﻧﻪ : ﺣﺘﻰ ﺍﻟﻜﻒ ﻣﻨﻚ ﻧﻘﺒﻠﻪ ﺑﻜﻞ ﺳﻌﺎﺩﻩ .. ﺍﻟﻤﻬﻢ ﻟﻤﺴﺘﻴﻨﻲ ...
ﺍﻟﺸﻴﻤﺎﺀ ﺩﻓﻠﺖ ﻟﻮﻃﺎ : ﻫﺬﻱ ﻣﺎﺯﺍﻟﺖ ﺍﻛﺒﺮ ﻗﻴﻤﻪ ﻣﻨﻚ ..
ﺭﺿﻮﺍﻥ : ﺍﻛﻴﺪ ﻹﻧﻬﺎ ﻣﻨﻚ ..
ﺍﻟﺸﻴﻤﺎﺀ : ﺍﻧﺖ ﺍﺣﻘﺮ ﻣﺨﻠﻮﻕ ﻋﺮﻓﺘﻪ ﻓﺤﻴﺎﺗﻲ ...
ﺭﺿﻮﺍﻥ : ﺍﻟﺤﻘﻴﺮ ﻫﻀﺎ ﻳﺤﺒﻚ ﻣﻦ ﺯﻣﺎﺍﺍﻥ ﻭﺗﻤﻨﻴﺘﻚ ﻗﺒﻠﻪ ﻭﻛﻨﺖ ﻧﺒﻴﻚ ﻟﻴﺎ ﺑﺲ ﺳﺒﻘﻨﻲ ﻭﺣﻜﺎ ﻓﻴﻚ ... ﻭﺧﺪﺍﻙ ﻣﻨﻲ ... ﻛﻴﻒ ﻣﺘﻌﻮﺩ ﻳﺪﻳﺮ ﻓﻲ ﺣﻴﺎﺗﻪ ﺍﻟﺒﺎﻫﻴﻪ ﻛﻠﻬﺎ ﻟﻪ ..
ﺍﻟﺸﻴﻤﺎﺀ : ﻣﺮﻳﺾ ﻭﺍﻟﻠﻪ ﻣﺮﻳﺾ ...
ﺭﺿﻮﺍﻥ ﻳﻘﺪﻡ ﻭﻫﻲ ﺗﻮﺧﺮ : ﺍﻫﺎ ﻣﺮﻳﺾ ﺑﻴﻚ ... ﻣﺴﺘﻌﺪ ﻧﻜﻮﻥ ﺧﺎﺩﻡ ﺗﺤﺖ ﺭﺟﻠﻴﻚ ﺑﺲ ﺍﻧﺘﻲ ﺍﻃﺎﻭﻋﻴﻨﻲ .. ﻳﻤﻮﺕ ﺳﻔﻴﺎﻥ ﻭﺍﻧﺘﻲ ﺗﻜﻮﻧﻲ ﻣﻌﺎﻳﺎ ﻧﺤﻂ ﺍﻟﺪﻧﻴﺎ ﻛﻠﻬﺎ ﺗﺤﺖ ﺭﺟﻠﻴﻚ ...
ﺍﻟﺸﻴﻤﺎﺀ ﻭﻗﻔﺖ ﻭﺩﻓﺎﺗﻪ : ﻻﻧﻲ ﻭﺳﺨﻪ ﻭﻻﺑﻨﺖ ﺣﺮﺍﻡ ﺑﺶ ﻧﻜﻮﻥ ﻫﻚ ... ﺑﺲ ﻣﺴﻴﺮﻙ ﻳﺎﻭﺍﻃﻲ ... ﻳﺎﻗﺬﺭ ﻳﺎﻣﺠﺮﻡ ... ﺗﻼﻗﻲ ﺍﺳﻮﺃ ﻣﺼﻴﺮ ﻭﺳﻔﻴﺎﻥ ﻫﻮ ﺍﻟﻠﻲ ﺣﻴﺤﺎﺳﺒﻚ ...
ﻟﻔﺖ ﻭﻓﺘﺤﺖ ﻭﻃﻠﻌﺖ ﺗﺠﺮﻱ ..
ﺭﺿﻮﺍﻥ ﺗﻨﻬﺪ ﺑﺄﻟﻢ : ﺍﻧﺘﻲ ﺍﻟﻠﻲ ﺍﺧﺘﺮﺗﻲ ...
ﺍﻟﻮﻗﺖ ﺍﻟﺤﺎﺿﺮ ..
ﺭﺿﻮﺍﻥ : ﻟﻬﺎﻟﺴﺒﺐ ﺧﻄﻄﺖ ﻟﻤﻮﺗﻬﻢ ﻣﻊ ﺑﻌﻀﻬﻢ ...
ﻋﺒﺪﺍﻟﻠﻪ : ﺍﻟﻤﺮﺍﺓ ﻫﺬﻱ ﺧﻠﺖ ﻭﺭﺍﻫﺎ ﻣﺎﻳﺪﻳﻨﻚ ﻓﻲ ﺟﺮﺍﻳﻤﻚ ﺍﻟﻘﺪﻳﻤﻪ ﻛﻠﻬﻦ ... ﻣﺬﻛﺮﺍﺗﻬﺎ ...
ﺭﺿﻮﺍﻥ ﺿﻴﻖ ﻋﻴﻮﻧﻪ ﺑﺈﺳﺘﻐﺮﺍﺏ : ﻣﺬﻛﺮﺍﺕ !!!
ﻋﺒﺪﺍﻟﻠﻪ : ﺍﻫﺎ ﻓﻲ ﺍﻟﻤﻜﺘﺒﻪ ﺍﻟﻠﻲ ﻛﺎﻧﺖ ﻓﻲ ﺍﻟﻔﻴﻼ ﻣﺘﺎﻋﻚ ﺍﻟﻠﻲ ﻗﻠﺖ ﺯﻭﺭﺍ ﺑﻌﺪﻳﻦ ﺍﻧﻬﺎ ﻟﺨﻮﻙ ..
ﺭﺿﻮﺍﻥ ﺳﻜﺖ ...
ﻓﻼﺵ ﺑﺎﻙ ...
ﺧﺶ ﻟﺪﺍﺭ ﺍﻟﻨﻮﻡ ﻣﺘﺎﻉ ﺳﻔﻴﺎﻥ ﻭﺍﻟﺸﻴﻤﺎﺀ ..
ﻗﻌﺪ ﻳﺪﻭﺭ ﺑﻌﻴﻮﻧﻪ ﻓﻴﻬﺎ ... ﺷﺒﺢ ﺍﻟﻤﻜﺘﺒﻪ ﻭﺑﻌﺪﻳﻦ ﺍﻟﻤﻜﺘﺐ ﺟﻨﺒﻬﺎ ﻭﻛﺎﻧﺖ ﻣﺤﻄﻮﻃﻪ ﻋﻠﻴﻬﺎ ﺍﻟﻤﺬﻛﺮﺍﺕ ﺍﻟﻠﻲ ﻛﺎﻧﺖ ﺍﻟﺸﻴﻤﺎﺀ ﻣﺼﻜﺮﺗﻬﺎ ﺑﺎﻟﻌﻜﺲ ﺍﺧﺮ ﻣﺮﺓ ﺍﺳﺘﻌﻤﻠﺘﻬﺎ ﻓﻴﻬﺎ ..
ﻣﺎﺍﻋﺎﺭﺵ ﺍﻧﺘﺒﺎﻩ ﻷﻱ ﺷﻲ ﻓﻲ ﺍﻟﺪﺍﺭ ...
ﻛﻠﻢ ﺍﻟﻌﺎﻣﻞ : ﺍﻭﻝ ﺷﻲ ﻓﻜﻮﺍ ﺍﻟﻤﻜﺘﺒﻪ ﻫﺬﻱ ﺑﻌﺪ ﺗﻠﻤﻮﺍ ﻛﻞ ﺍﻟﻜﺘﺐ ﻭﻃﻠﻌﻮﻫﺎ ﻟﻠﻔﻴﻼ ﺍﻟﻠﻲ ﺟﻨﺒﻨﺎ ﻭﺣﻄﻬﺎ ﻓﻲ ﺍﻱ ﻣﻜﺎﻥ .. ﺭﻛﺒﻬﺎ ﻭﺭﺗﺒﻮﺍ ﻓﻴﻬﺎﺍﻟﻜﺘﺐ . ﻭﺑﻌﺪﻫﺎ ﺭﺩﻭﺍ ﻭﻃﻠﻌﻮﺍ ﻛﻞ ﺷﻲ ﻣﻦ ﻫﻨﺎ ...
ﻃﻠﻊ ﻭﺧﻼﻫﻢ ...
ﺍﻟﻌﻤﺎﻝ ﺧﺪﻭﺍ ﺻﻨﺎﺩﻳﻖ ﻭﻗﻌﺪﻭﺍ ﻳﺤﻄﻮﺍ ﻓﻴﻬﻢ ﻓﻲ ﺍﻟﻜﺘﺎﺑﺎﺕ ﻭﺍﺣﺪ ﻣﻨﻬﻢ ﺧﺪﻱ ﺍﻟﻤﺬﻛﺮﻩ ﻭﺣﻄﻬﺎ ﻃﻮﻝ ...
ﻟﻤﻮﺍ ﻛﻞ ﺷﻲ ﻭﻓﻜﻮﺍ ﺍﻟﻤﻜﺘﺒﻪ ...
ﻧﻘﻠﻮﻫﺎ ﻟﻠﻔﻴﻼ ﺍﻟﺘﺎﻧﻴﻪ ﻭﺭﻓﻌﻮﺍ ﺻﻨﺎﺩﻳﻖ ﺍﻟﻜﺘﺐ ...
ﺭﻛﺒﻮﻫﺎ ﻭﺳﺎﻭﺍ ﺍﻟﻜﺘﺎﺑﺎﺕ ﺑﻌﺸﻮﺍﺋﻴﻪ ... ﻓﻲ ﺍﻟﻠﻲ ﻛﺎﻧﻮﺍ ﻣﺠﻤﻮﻋﻪ ﺳﺎﻭﻭﻫﻢ ﻉ ﺍﻧﻬﻢ ﻣﺠﻤﻮﻋﻪ ﻣﻊ ﺑﻌﻀﻬﺎ .. ﺑﻌﺪ ﻛﻤﻠﻮﺍ ..
: ﺑﺺ ﻟﺴﺎ ﻓﻲ ﻛﺘﺎﺏ ﻫﻨﺎ ...
ﻗﺎﻣﻪ ﻭﺍﺣﺪ ﻣﻨﻬﻢ .. ﻭﺷﺒﺢ ﻟﻠﻤﻜﺘﺒﻪ : ﺑﺲ ﻣﺎﻟﻮﺵ ﻣﻜﺎﻥ ﻫﻨﺎ ...
ﺟﻲ ﻭﺍﺣﺪ ﺟﺒﺪﻫﺎ ﻣﻨﻪ ﻭﺗﻮﺟﻪ ﻟﺠﻬﻪ ﻣﻌﻴﻨﻪ ﺣﻮﻝ ﻛﺘﺎﺑﺎﺕ ﻭﺣﻄﻬﺎ ﻭﺭﺍﻫﻢ ﻭﺭﺩ ﺍﻟﻜﺘﺎﺑﺎﺕ ﻟﻤﻜﺎﻧﻬﻢ : ﻗﺸﻄﻪ ﻛﺪﺍ ..
ﺿﺤﻜﻮﺍ ...
ﻭﺭﺩ ﺻﺎﺣﺒﻪ : ﻗﺸﻄﻪ ... ﻭﻃﻠﻌﻮﺍ ...
ﺳﺒﺤﺎﻧﻪ ﺭﺑﻲ ﻟﻴﻪ ﺗﺼﺮﻳﻔﺎﺕ ﻭﺗﺪﺍﺑﻴﺮ ﻻﻳﻤﻜﻦ ﻟﻠﻌﻘﻞ ﻳﺘﻮﻗﻌﻬﺎ ..
ﻭﺑﻌﺾ ﺍﻟﺒﺸﺮ ﻳﻈﻨﻮﺍ ﺍﻧﻬﻢ ﻭﺻﻠﻮﺍ ﺍﻗﺼﻰ ﻣﺮﺍﺣﻞ ﺍﻟﺬﻛﺎﺀ ﻭﻣﺎﻳﻔﻮﺗﻬﻢ ﺷﻲ ... ﻭﻳﻨﺴﻮﺍ ﺍﻧﻬﻢ ﺑﺸﺮ ... ﻛﻞ ﺷﻲ ﻋﻨﺪﻫﻢ ﻣﻬﻤﺎ ﺑﻠﻎ ﺫﺭﻭﺗﻪ ﻳﻘﻌﺪ ﻣﺤﺪﻭﺩ ...
ﺍﻟﻮﻗﺖ ﺍﻟﺤﺎﺿﺮ ...
ﺭﺿﻮﺍﻥ ﺍﺑﺘﺴﻢ : ﺫﻛﻴﻪ ﻭﻣﺶ ﻛﻴﻒ ﺍﻟﺼﺒﺎﻳﺎ ﻏﻴﺮ ﻋﻨﻬﻦ ﻛﻠﻬﻦ ..
ﻋﺒﺪﺍﻟﻠﻪ ﺷﺒﺤﻠﻪ ﺑﺤﺪﻩ ﻣﻦ ﻓﻮﻕ ﻟﻠﻮﻃﺎ : ﻧﻄﻠﻌﻮﺍ ﻣﻦ ﺍﻟﻘﺪﻳﻢ ﻭﻧﺨﺸﻮﺍ ﻓﻲ ﺍﻟﺠﺪﻳﺪ ..
ﺭﺿﻮﺍﻥ : ﻻﺗﻌﺒﻨﻲ ﻭﻻﻧﺘﻌﺒﻚ ﺍﻧﺎ ﻣﻌﺘﺮﻑ ﺑﻜﻞ ﺷﻲ ...
ﻋﺒﺪﺍﻟﻠﻪ : ﺷﻦ ﻫﺎﻹﺳﺘﺴﻼﻡ ؟ !!
ﺭﺿﻮﺍﻥ : ﻫﻬﻬﻬﻬﻬﻬﻬﻬﻬﻪ ... ﻭﺍﻟﻠﻪ ﺍﻟﻮﺍﺣﺪ ﻣﺎﻳﻌﺮﻓﻠﻜﻢ ﻛﻴﻒ ﺍﻧﺘﻢ ﺍﻟﺸﺮﻃﻪ ... ﺭﻳﺤﺘﻚ ﻭﺟﺒﺘﻬﺎ ﻣﻦ ﺍﻵﺧﺮ ﻣﻔﺮﻭﺽ ﺗﺸﻜﺮﻧﻲ ...
ﻋﺒﺪﺍﻟﻠﻪ ﻧﺎﺽ ﻭﻭﺗﻮﺟﻪ ﻟﻠﺒﺎﺏ ﻓﺘﺤﻪ : ﺗﻌﺎﻟﻮﺍ ﺭﺩﻭﻩ ﻟﻤﻜﺎﻧﻪ ﺍﻟﻄﺒﻴﻌﻲ ..
ﺭﺿﻮﺍﻥ ﻗﻌﺪ ﻳﻀﺤﻚ ... ﺟﻮ ﺍﻟﻌﻨﺎﺻﺮ ﺧﺪﻭﻩ ﻭﺭﺩﻭﻩ ﻟﻠﺤﺒﺲ ﺍﻟﻠﻲ ﻗﺎﻋﺪ ﻓﻴﻪ ﻣﺆﻗﺘﺎ ﻟﺒﻴﻦ ﻣﺎﻳﺮﺣﻠﻮﻩ ﻟﻠﺴﺠﻦ ..
ﻋﺒﺪﺍﻟﻠﻪ : ﻣﺮﻳﺾ ﻧﻔﺴﻲ ..
ﻣﺤﻤﺪ : ﻫﻀﺎ ﺍﻟﺒﺎﻳﻦ ...
ﻋﺒﺪﺍﻟﻠﻪ : ﻭﻳﻨﻪ؟
ﻣﺤﻤﺪ : ﺑﺎﻟﺰﻭﺭ ﻃﻠﻌﻨﺎﻩ ﻣﻦ ﻫﻨﺎ ...
ﻋﺒﺪﺍﻟﻠﻪ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ...
ﻣﺤﻤﺪ : ﺍﻣﺘﻰ ﺟﻨﺎﺯﻩ ﺭﻳﻬﺎﻡ . ؟
ﻋﺒﺪﺍﻟﻠﻪ ﺑﺄﻟﻢ : ﺑﻌﺪ ﺍﻟﻌﺼﺮ ...
🍁🍁🍁
🍃 ﻭﻳﻤﺮ ﻳﻮﻡ ﻭﻭﺭﺍﻩ ﻳﻮﻡ ﻭﺑﻌﺪﻩ ﻳﻮﻡ ...
ﺑﺎﻟﺰﺑﻂ ﻣﺮﻭﺍ 6 ﺃﻳﺎﻡ ...
ﻛﻤﺎﻝ ﻗﺎﻋﺪ ﻓﻲ ﺍﻟﻐﻴﺒﻮﺑﻪ ... ﻭﻣﺮﻩ ﻣﺮﻩ ﻛﺎﻥ ﻳﻤﺸﻲ ﻳﺸﻮﻑ ﻓﻴﻪ ﻋﺒﺪﺍﻟﻠﻪ ﺍﻟﻠﻲ ﻋﺮﻑ ﻗﺼﺘﻪ ﻛﺎﻣﻠﻪ ﻣﻦ ﺍﻛﺮﻡ ...
ﻭﻛﻞ ﺍﻟﻤﺴﺘﺸﻔﻰ ﻋﺮﻓﻮﺍ ﻭﺿﻌﻪ ...
ﺑﺲ ﻭﻻﻣﺮﻩ ﻣﺸﺘﻠﻪ ﻧﻮﺭﺍﻥ ﺍﻟﻠﻲ ﻛﺎﻧﺖ ﺗﺒﻲ ﺗﺎﺧﺪ ﻉ ﻏﻴﺎﺑﻪ ﺍﻟﻨﻬﺎﺋﻲ ... ﻛﺎﻧﺖ ﻭﺍﺛﻘﻪ ﻭﻣﺘﺄﻛﺪﻩ ﺍﻥ ﻛﻤﺎﻝ ﺧﻼﺹ ﻣﺪﺓ ﻭﺟﻮﺩﻩ ﻓﺤﻴﺎﺗﻬﺎ ﺍﻧﺘﻬﺖ ﻭﺗﻮﺍ ﺣﻴﺮﺟﻊ ﻟﺤﻴﺎﺗﻪ ﺍﻻﻭﻟﻰ ﺍﻷﺻﻠﻴﻪ ... ﺑﺲ ﻛﺎﻧﺖ ﻋﺎﻳﺸﻪ ﻓﻲ ﻋﺬﺍﺏ ﻣﺎﺑﻌﺪﻩ ﻋﺬﺍﺏ ﻭﺍﻟﺪﻣﻮﻉ ﻣﻦ ﻋﻴﻮﻧﻬﺎ ﻣﺎﺟﻔﻮﺍ ....
ﺳﻼﻑ ﻛﻤﻠﺖ ﺗﺤﻘﻴﻘﻬﺎ ﺍﻟﺼﺤﻔﻲ ﻭﺳﻠﻤﺎﺗﻪ ﻷﺣﺪ ﺍﻛﺒﺮ ﺍﻟﺼﺤﻒ ﻓﻲ ﺍﻟﺒﻼﺩ ... ﻭﺍﺛﺎﺭ ﺿﺠﻪ ﻛﺒﻴﺮﻩ ﻭﺍﺳﻢ ﺳﻼﻑ ﺍﺻﺒﺢ ﻣﺘﻨﺎﻗﻞ ﺑﻘﻮﺓ ... ﻭﻟﻘﺒﺖ ﺑﺎﻟﺼﺤﻔﻴﻪ ﺍﻟﻠﺒﻮﺓ ... ﺍﻟﻠﻲ ﺑﺠﺮﺃﺗﻬﺎ ﻭﺷﺠﺎﻋﺘﻬﺎ ﺳﺎﻫﻤﺖ ﻓﻲ ﺍﺳﻘﺎﻁ ﺍﻛﺒﺮ ﺭﻭﺱ ﻟﻤﻨﻈﻤﻪ ﺍﺟﺮﺍﻣﻴﻪ ﻛﺒﻴﺮﺓ ﻣﻨﺘﺸﺮﻩ ﻓﻲ ﺍﻟﺒﻼﺩ ..
ﺍﻣﻬﺎ ﻫﻨﺘﻬﺎ ﺑﻬﺎﻹﻧﺠﺎﺯ ﻭﺭﻓﻌﺖ ﺭﺍﺳﻬﺎ ﺑﻴﻬﺎ ﻭﺧﻮﻫﺎ ﺍﻧﺼﺪﻡ .. ﺑﺲ ﻓﺮﺡ ﺑﻴﻬﺎ ﻫﻠﺒﻪ ﻭﻛﺎﻥ ﻓﺨﻮﺭ ...
ﻗﺒﻀﻮﺍ ﻉ ﻣﺠﻤﻮﻋﻪ ﻛﺒﻴﺮﻩ ﻣﻦ ﺍﻻﻃﺒﺎﺀ ﻓﻲ ﺍﻛﺜﺮ ﻣﻦ ﻣﺪﻳﻨﻪ ﻓﻲ ﺍﻟﺒﻼﺩ ﻣﺘﻮﺭﻃﻴﻦ ﻓﻲ ﺍﻟﺠﺮﺍﺋﻢ ﺍﻟﻠﻲ ﻻﺯﻡ ﻳﻄﻠﻖ ﻋﻠﻴﻬﺎ ﺍﻧﻬﺎ ﺟﺮﺍﺋﻢ ﺿﺪ ﺍﻹﻧﺴﺎﻧﻴﻪ .. ﻭﻓﻲ ﺍﺳﻤﺎﺀ ﺍﻟﻨﺎﺱ ﺍﻧﺼﺪﻣﺖ ﻓﻴﻬﺎ ... ﻭﻫﻠﺒﻪ ﺭﺟﺎﻝ ﺍﻋﻤﺎﻝ ﻭﻧﺎﺱ ﻛﺒﻴﺮﻩ ﻣﺴﺎﻫﻤﻪ ﻓﻲ ﻫﺎﻟﺠﺮﺍﻳﻢ ..
ﺳﻼﻑ ﻛﺎﻥ ﺗﻔﻜﻴﺮﻫﺎ ﻛﻠﻪ ﻓﻲ ﺃﻛﺮﻡ ... ﻭﻓﻲ ﻳﻮﻡ ﺍﻟﻤﺤﺎﻛﻤﻪ ﺍﻟﻠﻲ ﺣﻴﻜﻮﻥ ﺍﻟﻴﻮﻡ ...
ﻟﻴﻪ ﻫﻮ ... ﻭﺭﺿﻮﺍﻥ ... ﻭﻫﺎﻣﺎﻥ ﺍﻟﻠﻲ ﻛﺎﻥ ﻣﺼﺎﺏ ... ﻭﺷﺮﻑ ﺍﻟﻠﻲ ﻗﺒﻀﻮﺍ ﻋﻠﻴﻪ ﻣﺠﺮﺩ ﻣﺎﺟﻲ ﺑﻴﻬﺮﺏ ﻣﻦ ﺍﻟﻤﺴﺘﺸﻔﻰ ﺑﻌﺪ ﻣﺎﺿﺮﺏ ﻛﻤﺎﻝ ...
ﺧﺸﺖ ﻟﻠﻤﺤﻜﻤﻪ ﻭﻛﺎﻧﺖ ﻃﻮﻝ ﺍﻟﻮﻗﺖ ﺗﺪﻋﻲ ﻭﺗﺮﺍﺟﻲ ﻓﻲ ﺍﻟﺠﻠﺴﻪ ...
ﺩﺧﻠﻮﻫﻢ .. ﻭﻃﺒﻌﺎ ﻧﻮﺭﺍﻥ ﻣﺎﺑﺘﺶ ﺗﺤﻀﺮ ﻷﻧﻬﺎ ﻣﺶ ﺣﺘﺘﺤﻤﻞ ...
ﺳﻼﻑ ﻗﻌﻤﺰﺕ ﺍﻟﻘﺪﺍﻡ ﻹﻧﻬﺎ ﻣﻦ ﺿﻤﻦ ﺍﻟﺸﻬﻮﺩ ...
ﺩﺧﻠﻮﺍ ﺍﻟﻤﺠﺮﻣﻴﻦ ... ﺳﻼﻑ ﺷﺒﺤﺖ ﻭﺍﺳﺘﻐﺮﺑﺖ ﻟﻤﺎ ﻣﺎﻟﻘﺘﺶ ﺍﻛﺮﻡ ...
ﺷﻮﻳﻪ ﻭﺧﺸﻮﺍ ﺍﻟﻘﺎﺿﻲ ﻭﻣﺴﺘﺸﺎﺭﻳﻪ ﻭﻭﻛﻴﻞ ﺍﻟﻨﻴﺎﺑﻪ ...
ﺳﻼﻑ ﻛﺎﻧﺖ ﺗﺸﺒﺢ ﻟﺮﺿﻮﺍﻥ ﺑﺈﺯﺩﺭﺍﺀ ﺷﺪﻳﺪ .. ﻭﻫﻮ ﻣﺎﻛﺎﻧﺶ ﻳﺸﺒﺤﻠﻬﺎ ﻳﺴﻤﻊ ﻓﻲ ﻛﻼﻡ ﻭﻛﻴﻞ ﺍﻟﻨﻴﺎﺑﻪ ﻭﻛﺎﻥ ﻣﺒﺘﺴﻢ ﺑﺘﻬﻜﻢ ﻃﻮﻝ ﺍﻟﻮﻗﺖ ...
ﺑﺲ ﺍﻧﺸﻐﻠﺖ ﻟﻌﺪﻡ ﻭﺟﻮﺩ ﺍﻛﺮﻡ ...
ﺟﻲ ﺩﻭﺭ ﺍﻟﺸﻬﻮﺩ .. ﺍﻭﻝ ﻣﻦ ﻧﺎﺩﻭﺍ ﺳﻼﻑ ...
ﻧﺎﺿﺖ ﻭﻗﻔﺖ ﻗﺪﺍﻡ ﺍﻟﻘﺎﺿﻲ ..
ﺭﺿﻮﺍﻥ ﺷﺒﺤﻠﻬﺎ ﺑﺮﻓﻌﺔ ﺣﺎﺟﺐ ..
ﺍﻟﻘﺎﺿﻲ : ﻛﻨﺘﻲ ﺷﺎﻫﺪﻩ ﻉ ﺣﺪﻳﺚ ﺩﺍﺭ ﺑﻴﻦ ﺍﻟﻤﺪﻋﻮ ﺭﺿﻮﺍﻥ ﻭﺍﻟﻤﺪﻋﻮ ﻫﺎﻣﺎﻥ ﻓﺤﻮﺍﻩ ﺍﻥ ﺍﻹﺛﻨﻴﻦ ﺍﺭﺗﻜﺒﻮﺍ ﺟﺮﺍﺋﻢ ﻗﺘﻞ ..
ﻓﻲ ﺣﻖ ﻋﺒﺪﺍﻟﻌﺎﻃﻲ ﺍﻷﻛﺮﻡ ..
ﺳﻔﻴﺎﻥ ﺍﻻﻛﺮﻡ .. ﻭﺍﻟﺸﻴﻤﺎﺀ ﺍﻷﻛﺮﻡ .. ﻭﻣﺤﺎﻭﻟﺔ ﻗﺘﻞ ﺍﻛﺮﻡ ﺍﻷﻛﺮﻡ ..
ﺑﺪﺕ ﺳﻼﻑ ﺗﺤﻜﻲ ﻓﻲ ﺍﻟﻠﻲ ﺳﻤﻌﺎﺗﻪ ﻟﻴﻠﺘﻬﺎ ..
ﻫﺎﻣﺎﻥ ﻳﻠﻘﻰ ﻳﻄﻠﻊ ﻣﻦ ﻣﻜﺎﻧﻪ ﻭﻳﻄﻠﻊ ﺭﻭﺣﻬﺎ ﻭﺭﺿﻮﺍﻥ ﻛﺎﻥ ﻣﺒﺘﺴﻢ ﺑﺘﻬﻜﻢ ﻃﻮﻝ ﺍﻟﻮﻗﺖ ﻭﺑﺎﺭﺩ ﺟﺪﺍ ...
ﺍﻟﻘﺎﺿﻲ : ﻫﺬﺍ ﻛﻞ ﻣﺎﻋﻨﺪﻙ ..
ﺳﻼﻑ : ﻣﺎﺯﺍﻝ ﻓﻲ ﺣﺎﺟﻪ ﻳﺎﺣﻀﺮﺓ ﺍﻟﻘﺎﺿﻲ ﻟﻮﺳﻤﺤﺘﻠﻲ ..
ﺍﻟﻘﺎﺿﻲ : ﺍﺣﻜﻲ ..
ﺳﻼﻑ : ﺍﺣﻤﻢ .. ﺑﺨﺼﻮﺹ ﺍﻛﺮﻡ .. ﻫﻮ ﺍﺭﺗﻜﺐ ﺧﻄﺄ ﻭﺭﺟﻊ ﻋﻨﻪ ﻭﺗﻌﺎﻭﻥ ﻣﻊ ﺍﻟﻘﺎﻧﻮﻥ ... ﻭﺳﺎﻋﺪﻧﺎ ﻓﻲ ﺃﻫﻢ ﺟﺰﺀ ﻣﻦ ﻫﺎﻟﻘﻀﻴﻪ ﻭﺍﻧﺎ ﺷﺎﻫﺪﻩ ..
ﺍﻟﻘﺎﺿﻲ ﺷﺒﺢ ﻟﻮﻛﻴﻞ ﺍﻟﻨﻴﺎﺑﻪ ﺍﻟﻠﻲ ﺍﺑﺘﺴﻤﻠﻪ ...
ﺍﻟﻘﺎﺿﻲ ﺷﺒﺢ ﻟﺴﻼﻑ : ﺑﺎﻫﻲ ﺍﺭﺟﻌﻲ ﺍﺟﻠﺴﻲ ﻓﻤﻜﺎﻧﻚ ...
ﺗﻨﻬﺪﺕ ﺳﻼﻑ ﻭﻗﻌﻤﺰﺕ ﻓﻲ ﻣﻜﺎﻧﻬﺎ ﻭﻛﺎﻧﺖ ﺧﺎﻳﻔﻪ ﻭﺗﺒﻲ ﺗﻔﺴﻴﺮ ﻟﻌﺪﻡ ﻭﺟﻮﺩ ﺍﻛﺮﻡ ..
ﺍﻟﻘﺎﺿﻲ : ﻧﺎﺩﻭﺍ ﻉ ﺍﻟﺸﺎﻫﺪ ﺍﻟﺜﺎﻧﻲ ﻳﺎﺇﺑﻨﻲ ...
: ﺍﻟﺸﺎﻫﺪ ﺃﻛﺮﻡ ﺍﻷﻛﺮﻡ ...
ﺳﻼﻑ ﻃﻮﻝ ﺍﻟﺘﻔﺘﺖ ﻟﻠﺒﺎﺏ ﻭﻗﻠﺒﻬﺎ ﻳﺪﻕ ﺑﻘﻮﺓ ..
ﺍﻧﻔﺘﺢ ﺍﻟﺒﺎﺏ ﻭﺧﺶ ...
ﺭﺿﻮﺍﻥ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﻣﻦ ﺻﺪﻣﺘﻪ ... ﻭﻫﺎﻣﺎﻥ ﻏﻤﺾ ﻋﻴﻮﻧﻪ ﻭﺧﺒﻂ ﺭﺍﺳﻪ ﻉ ﺣﺪﻳﺪ ﺍﻟﻘﻔﺺ ﺍﻟﻠﻲ ﻫﻤﺎ ﻓﻴﻪ ...
ﺳﻼﻑ ﻣﻦ ﺻﺪﻣﺘﻬﺎ ﻭﻗﻔﺖ ﻉ ﺣﻴﻠﻬﺎ ...
ﻛﺎﻥ ﻻﺑﺲ ﺑﺪﻟﺔ ﺍﻟﺸﺮﻃﻪ ﻭﻉ ﻛﺘﺎﻓﻪ ﻧﺠﻮﻡ ... ﺧﻄﻢ ﻣﻦ ﺣﺪﺍﻫﺎ ﻭﻣﺎﺑﺎﺵ ﻳﺸﻮﻓﻠﻬﺎ ...
ﻫﻲ ﻗﻌﻤﺰﺕ ﺑﻬﺪﻩ ﻭﻣﺶ ﻣﺼﺪﻗﻪ ..
ﺍﻟﻘﺎﺿﻲ : ﺍﻟﺮﺍﺋﺪ ﺍﻛﺮﻡ ﺍﻻﻛﺮﻡ ﺍﻟﻠﻲ ﻛﺎﻥ ﻣﻌﺮﻭﻑ ﺑﺄﺳﻢ ﺍﻛﺮﻡ ﻋﺒﺪ ﺍﻟﻮﺍﺣﺪ ... ﺍﻧﺖ ﻛﻨﺖ ﻣﻦ ﺿﻤﻦ ﺍﻟﻀﺒﺎﻁ ﺍﻟﻠﻲ ﺧﻄﻄﻮﺍ ﻟﻬﺎﻟﻤﻬﻤﻪ ﻃﻮﻳﻠﺔ ﺍﻻﻣﺪ ﻣﻊ ﺍﻟﻌﻘﻴﺪ ﻣﺤﻤﺪ ﺍﻟﻌﻘﻮﺭﻱ ..
ﻭﻛﻨﺖ ﺿﻤﻦ ﺍﻟﻨﺎﺱ ﺍﻟﻤﺤﻴﻄﻪ ﺑﺮﺿﻮﺍﻥ ﻓﻲ ﺍﻟﺴﻨﻴﻦ ﺍﻷﺧﻴﺮﻩ ﻉ ﺣﺴﺐ ﺩﻭﺭﻙ ﻓﻲ ﺍﻟﻌﻤﻠﻴﻪ ... ﻧﺒﻮﺍ ﺷﻬﺎﺩﺗﻚ ﺑﺨﺼﻮﺹ ﻋﻤﻠﻴﺎﺕ ﺗﻬﺮﻳﺐ ﺍﻟﺴﻼﺡ ﻭﺻﻔﻘﺎﺕ ﺑﻴﻌﻪ ﻭﺷﺮﺍﺋﻪ ... ﻭﻣﻦ ﻛﺎﻥ ﻳﺘﺮﺩﺩ ﻉ ﺭﺿﻮﺍﻥ ﻓﺤﻮﺷﻪ ...
ﺍﻛﺮﻡ ﺑﺪﻱ ﻳﺘﻜﻠﻢ ....
ﻭﺭﺿﻮﺍﻥ ﻳﺸﺒﺤﻠﻪ ﺑﻨﻈﺮﺓ ﺗﺄﻣﻞ " ﺍﻣﻚ ﺍﻣﻚ ..."
ﺳﻼﻑ ﻛﺎﻧﺖ ﺗﺸﻮﻓﻠﻪ ﻭﻣﺸﺎﻋﺮﻫﺎ ﻣﻠﺨﺒﻄﻪ ﻫﻠﺒﻪ ... ﻭﻣﺶ ﻓﺎﻫﻤﻪ ﺷﻲ ...
ﺍﻟﻘﺎﺿﻲ : ﻓﺤﺺ DNA ﺃﺛﺒﺖ ﺍﻧﻚ ﺍﺑﻦ ﻋﺎﺋﻠﺔ ﺍﻻﻛﺮﻡ ... ﺍﺑﺪﺍ ﻣﺎﻛﺎﻧﺶ ﻋﻨﺪﻙ ﻓﻜﺮﻩ ﻋﻦ ﺍﻟﻤﻮﺿﻮﻉ؟
ﺍﻛﺮﻡ : ﺍﺑﺪﺍ ﻭﻻ ﺑﺄﻱ ﺷﻜﻞ ﺻﺪﻣﺖ ﻓﻌﻼ ..
ﺍﻟﻘﺎﺿﻲ : ﺳﺒﺤﺎﻥ ﺍﻟﻠﻪ ... ﺗﻘﺪﺭ ﺗﺘﻔﻀﻞ ﻳﺎﺣﻀﺮﺓ ﺍﻟﺮﺍﺋﺪ ...
ﺍﻛﺮﻡ ﻋﻄﻲ ﻧﻈﺮﺓ ﺳﻢ ﻟﺮﺿﻮﺍﻥ ﻭﻫﺎﻣﺎﻥ ... ﻭﻟﻒ ﻭﻃﻠﻊ ... ﻭﻣﺎﺷﺒﺤﺶ ﻟﺴﻼﻑ ﺍﻟﻠﻲ ﻛﺎﻧﺖ ﺑﺘﻨﺠﻠﻂ ﻣﻦ ﺻﺪﻣﺘﻬﺎ ...
ﺑﻌﺪ ﻣﺎﺑﺜﻮﺍ ﻓﻲ ﻣﻮﺿﻮﻉ ﺗﺠﺎﺭﺓ ﺍﻷﻋﻀﺎﺀ ..
ﻭﺍﻟﺤﻜﻢ ﻓﻴﻬﺎ ﻛﺎﻥ ﻣﻌﺮﻭﻑ ﺟﺪﺍ .... ﺟﺰﺍﺋﻬﻢ ﺍﻟﻘﺘﻞ ...
ﻃﻠﻌﺖ ﺳﻼﻑ ﻣﻦ ﺍﻟﺠﻠﺴﻪ ... ﻭﻫﻲ ﻣﺼﺪﻭﻣﻪ ﻗﺎﻋﺪﻩ ﺍﺩﻭﺭ ﻋﻠﻴﻪ ﻣﺎﻟﻘﺘﺎﺵ ﻣﺶ ﻓﺎﻫﻤﻪ ﺷﻲ ...
: ﻋﻔﻮﺍ ﻳﺎﺍﺧﺘﻲ ..
ﺳﻼﻑ ﺍﻟﺘﻔﺘﺖ : ﻧﻌﻢ ..
: ﻗﺎﺿﻲ ﺍﻟﺠﻠﺴﻪ ﻃﺎﻟﺐ ﻳﺸﻮﻓﻚ ..
ﺳﻼﻑ : ﻟﻴﺶ ...
: ﺗﻌﺎﻟﻲ ﻣﻌﺎﻳﺎ ﻭﺣﺘﻌﺮﻓﻲ ﻣﻨﻪ ...
ﻣﺸﺖ ﺳﻼﻑ ﻣﻊ ﺍﻟﻌﻨﺼﺮ ﻭﻭﺻﻠﺖ ﻟﻤﻜﺘﺐ ... ﺧﺸﺖ ...
ﻟﻘﺖ ﺍﻟﻘﺎﺿﻲ ﻭﺍﻟﻤﺴﺘﺸﺎﺭﻳﻦ ..
ﺳﻼﻑ ﻭﻗﻔﺖ ﻗﺪﺍﻣﻬﻢ : ﻗﺎﻟﻮﻟﻲ ﻃﻠﺒﺘﻨﻲ .
ﺍﻟﻘﺎﺿﻲ : ﺍﻫﺎ ... ﻓﻲ ﻗﻀﻴﻪ ﺍﺧﺮﻯ ﻻﺯﻡ ﻧﺒﺚ ﻓﻴﻬﺎ ﻭﻧﺒﻲ ﺍﻟﺤﻜﻢ ﻣﻨﻚ ...
ﺳﻼﻑ ﺑﺈﺳﺘﻐﺮﺍﺏ : ﻛﻴﻒ ...
ﺍﻟﻘﺎﺿﻲ ﺍﺑﺘﺴﻢ :: ﻗﻀﻴﻪ ﻣﺼﻴﺮﻳﻪ ...
ﺍﻧﻔﺘﺢ ﺍﻟﺒﺎﺏ ...
ﺍﻟﻘﺎﺿﻲ : ﺍﻫﻲ ﺟﺎﺗﻚ ﻭﺣﺪﻫﺎ ..
ﺍﻟﺘﻔﺘﺖ ﺳﻼﻑ ﺑﺼﺪﻣﻪ ...
ﺍﻛﺮﻡ ﻭﻗﻒ ﺟﻨﺒﻬﺎ ...
ﺍﻟﻘﺎﺿﻲ : ﻣﺎﺗﻌﻮﺩﺵ ﻉ ﻗﻀﺎﻳﺎ ﻣﻦ ﻫﺎﻟﻨﻮﻉ ﺍﺑﺪﺍ ﺑﺲ ﺍﻟﺮﺍﺋﺪ ﺍﺻﺮ ﻳﺪﺧﻠﻨﻲ ﻓﻴﻬﺎ .. ﻭﻗﺎﻝ ﻗﻀﻴﻪ ﺣﻴﺎﺓ ﺟﺎﻳﻪ ...
ﺳﻼﻑ ﻣﺴﺘﻐﺮﺑﻪ ﻭﺗﻀﺤﻚ : ﻭﺍﻟﻠﻪ ﻣﺎﻓﺎﻫﻤﻪ ﺣﺎﺟﻪ ...
ﺍﻛﺮﻡ ﻧﺰﻝ ﻉ ﺭﻛﺒﻪ ﻭﺣﺪﻩ ...
ﺍﻧﻔﺘﺢ ﺍﻟﺒﺎﺏ ﻭﺧﺸﻮﺍ ﺯﻣﻼﺋﻪ ..
ﻋﺒﺪﺍﻟﻠﻪ : ﻟﺤﻈﻪ ﺯﻱ ﻫﺬﻱ ﻭﺍﻟﻠﻪ ﻣﺎﺗﻔﻮﺗﻨﻲ ..
ﺻﺎﺑﺮ ﻳﺼﻮﺭ ﺑﺎﻟﻨﻘﺎﻝ : ﻟﺤﻈﺔ ﺗﺎﺭﻳﺨﻴﻪ ﻫﺬﻱ ﻻﺯﻡ ﺗﺘﻮﺛﻖ ..
ﺍﻟﻘﺎﺿﻲ ﻭﺍﻟﻤﺴﺘﺸﺎﺭﻳﻦ ﻳﻀﺤﻜﻮﺍ ...
ﺍﻛﺮﻡ ﻃﻠﻊ ﺍﻟﺨﺎﺗﻢ ﻣﻦ ﺟﻴﺒﻪ ﻭﻫﻮ ﻳﻀﺤﻚ ﺑﻼ ﺑﺎﻛﻮ ﺑﻼ ﺩﻻﻉ 😂
ﺍﻛﺮﻡ : ﺍﺳﻤﻌﻲ ﻳﺎﺑﻨﺖ ﺍﻟﻨﺎﺱ ﺑﻌﺪ ﻫﻀﺎ ﻛﻠﻪ ﻣﺎﻋﻨﺪﻛﺶ ﺧﻴﺎﺭﺍﺕ ﺍﺧﺮﻱ ... ﺑﺘﺰﻭﺟﻴﻨﻲ ﻏﺼﺐ ﻋﻨﻚ .. ﻭﻫﺎﻙ ﺍﻣﺴﻜﻲ ﺍﻟﺒﺴﻴﻪ ..
ﺳﻼﻑ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ....
ﺍﻟﻘﺎﺿﻲ ﺑﻀﺤﻜﻪ : ﻫﺎﻩ ﺷﻦ ﺣﻜﻤﺘﻲ ﻳﺎﺑﻨﺘﻲ ...
ﺳﻼﻑ ﺑﺨﺠﻞ : ﺍﺣﻤﻢ .. ﺣﻜﻤﺖ ﺑﺎﻟﻤﻮﺍﻓﻘﻪ .. ﺷﺒﺤﺖ ﻷﻛﺮﻡ ﻣﺎﻋﻨﺪﻳﺶ ﺣﻜﻢ ﻏﻴﺮﻫﺎ ﺍﺻﻼ ... ﺧﺪﺕ ﺍﻟﺨﺎﺗﻢ ﻭﻟﺒﺴﺎﺗﻪ ﻭﺍﻛﺮﻡ ﻧﺎﺽ ﻭﻗﻒ ... ﻭﻗﻌﺪﻭﺍ ﻳﺼﻔﻘﻮﺍ ﺑﻌﺪ ﻟﺒﺴﺎﺗﻪ ... ﻫﻲ ﻗﻌﺪﺕ ﺗﻀﺤﻚ .. ﺷﺒﺤﺘﻠﻪ ﻟﻘﺎﺗﻪ ﻳﻤﺴﺢ ﻉ ﻟﺤﻴﺘﻪ ﻭﻳﺪﻩ ﻓﻲ ﺟﻴﺒﻪ ﻭﻣﺒﺘﺴﻢ ﻉ ﺟﻨﺐ ﺑﻐﻤﺰﺓ ... ﺿﺤﻜﺖ ﺑﺨﺠﻞ ...
💓🌺💓🌺💓🌺
ﺷﺎﺩﻳﻦ ﻓﻲ ﺍﻳﺪﻳﻦ ﺑﻌﺾ ﻭﻳﺘﻤﺸﻮﺍ ...
ﺍﻛﺮﻡ : ﺧﺒﺮﻭﻫﺎ ﺑﺎﻟﻤﻬﻤﻪ ﻭﻣﺎﻗﺎﻟﻮﻟﻬﺎﺵ ﺍﻥ ﻓﻲ ﺣﺪ ﻣﻌﺎﻫﺎ ﻓﻴﻬﺎ ...
ﻭﺍﻧﺎ ﻗﺎﻟﻮﻟﻲ ﺍﻥ ﻓﻲ ﺿﺎﺑﻂ ﻣﺮﺍﺓ ﺣﺘﻠﺤﻘﻚ ﺑﺲ ﻣﺎﺣﻜﻮﻟﻴﺶ ﺍﻱ ﺗﻔﺎﺻﻴﻞ ... ﻛﻨﺖ ﻧﺤﺴﺎﺑﻪ ﺍﻧﺘﻲ ... ﻭﻟﻼﺳﻒ ﻃﻠﻌﺖ ﺭﻳﻬﺎﻡ ﻭﻓﻬﻤﺖ ﻟﻴﺶ ﻻﺧﺒﺮﻭﻫﺎ ﻭﻻ ﺧﺒﺮﻭﻧﻲ ﺗﺠﻨﺒﺎ ﻷﻱ ﺷﻲ ﻣﻤﻜﻦ ﻳﺮﺑﻚ ﺍﻟﻤﻬﻤﻪ ....
ﻋﻤﺮﻱ ﻣﺎﺗﻮﻗﻌﺖ ﺍﻟﺒﻨﺖ ﺍﻟﻀﻌﻴﻔﻪ ﺍﻟﺒﻜﺎﻳﻪ ﺗﺨﺘﺎﺭ ﺗﺨﺶ ﻛﻠﻴﺔ ﺍﻟﺸﺮﻃﻪ
ﺳﻼﻑ : ﺍﻟﻠﻪ ﻳﺮﺣﻤﻬﺎ ... ﺍﺣﺘﺮﻣﺘﻬﺎ ﻭﺍﺟﺪ ﺑﻌﺪ ﻋﺮﻓﺖ ﻣﻨﻬﺎ ﺣﻘﻴﻘﺘﻬﺎ ..
ﺍﻛﺮﻡ ﺗﻨﻬﺪ : ﺍﻟﻠﻪ ﻳﺮﺣﻤﻬﺎ ...
ﻛﺎﻧﺖ ﻓﻲ ﺷﺎﺷﻪ ﻓﻲ ﺍﻟﺸﺎﺭﻉ ...
: ﻭﺍﻵﻥ ﻧﺘﺎﺑﻊ ﻣﻌﺎ ﺍﺧﺮ ﻛﻠﻴﺐ ﻟﻠﻔﻨﺎﻧﻪ ﺍﻟﺒﻄﻠﻪ ﺍﻣﻴﺮﺓ ﺍﻹﺣﺴﺎﺱ ﺍﻟﺮﺍﺣﻠﻪ ﺳﺎﻧﺪﻱ ... ﺭﻳﻬﺎﻡ ...
ﺍﻛﺮﻡ ﻗﻌﺪ ﻭﺍﻗﻒ ﻳﺘﻔﺮﺝ ﻭﻣﻌﺎﻩ ﺳﺎﺭﻩ ...
ﺑﺪﺕ ﺍﻟﻤﻮﺳﻴﻘﻰ ..
ﻃﺮﻳﻘﺔ ﺍﻟﻜﻠﻴﺐ ﻛﺎﻧﺖ ﻋﺒﺎﺭﺓ ﻋﻦ ﺭﻳﻬﺎﻡ ﻭﺍﻗﻔﻪ ﻉ ﻣﺴﺮﺡ ﺑﺪﻭﻥ ﺟﻤﻬﻮﺭ ﻻﺑﺴﻪ ﻗﻔﻄﺎﻥ ﺍﺳﻮﺩ ﻣﻐﻄﻲ ﺟﺴﻤﻬﺎ ﻭﻛﺎﻥ ﺿﻴﻖ ﻣﻦ ﻓﻮﻕ ﻭﻭﺍﺳﻊ ﻣﻦ ﻟﻮﻃﺎ ﻭﺷﻌﺮﻫﺎ ﻣﻔﺘﻮﺡ ﻭﻛﺎﺍﻥ ﻳﻄﺎﻳﺮ ﻫﻮ ﻭﻗﻔﻄﺎﻧﻬﺎ ... ﺑﺪﺕ ﺗﻐﻨﻲ
ﺿﻮﻳﺖ ﺑﺸﺒﺎﻛﻲ ﺷﻤﻌﻪ ﻭﻓﻲ ﺑﻘﻠﺒﻲ ﺣﻜﺎﻳﻪ ..
ﻭﻛﻞ ﻣﺎ ﺍﻟﺸﻤﻌﻪ ﺗﺴﻜﺐ ﺩﻣﻌﻪ ﺗﻘﻠﻲ ﻣﻨﻚ ﺟﺎﻱ ...
ﺿﻮﻳﺖ ﺑﺸﺒﺎﻛﻲ ﺷﻤﻌﻪ ﻭﻓﻲ ﻗﻠﺒﻲ ﺣﻜﺎﻳﻪ ..
ﻭﻛﻞ ﻣﺎﻟﺸﻤﻌﻪ ﺗﺴﻜﺐ ﺩﻣﻌﻪ ﺗﻘﻠﻲ ﻣﻨﻚ ﺟﺎﻱ ...
ﺗﺘﺰﻛﺮ ﺍﻭﻝ ﻣﺎﺻﺮﻧﺎ ﻛﺒﺎﺭ ﺷﻮ ﻛﻨﺖ ﺗﻌﺎﺗﺐ ﻭﺗﻐﺎﺭ ..
ﻭﺍﻫﺮﺏ ﻣﻨﻚ ﺍﺑﻌﺪ ﻋﻨﻚ ﺑﺨﺎﻑ ﻳﻘﻮﻟﻮﺍ ﻋﻨﺎ ﺍﺧﺒﺎﺭ ..
ﻛﻴﻒ ﺑﺘﻨﺴﻰ ﺧﺒﺮﻧﻲ ﺷﻮﺻﺎﺭ
ﺑﻌﺪﻭﺍ ﻭﺷﻚ ﻣﺰﺭﻭﻉ ﺑﻌﻴﻨﻲ ..
ﺑﻌﺪﻭﺍ ﺻﻮﺗﻚ ﻣﻄﻠﻊ ﺍﻟﻐﻨﻴﻪ
ﻣﻬﻤﻬﺎ ﺗﻘﺴﻰ ﻣﺶ ﺭﺡ ﺍﻧﺴﻰ
ﻭﺍﻟﺸﻤﻌﻪ ﺭﺡ ﺿﻮﻳﻬﺎ ﻟﻴﻠﻴﻪ ..
ﻛﺎﻥ ﺍﻛﺮﻡ ﻻﺑﺲ ﻧﻈﺮﺍﺗﻪ ﻭﺩﻣﻮﻋﻪ ﻭﺭﺍﻫﺎ ﻣﺪﺭﻗﺎﺕ ..
ﺍﻣﺎ ﺳﻼﻑ ﻓﺪﻣﻮﻋﻬﺎ ﻛﺎﻧﻮﺍ ﻳﻨﺰﻟﻮﺍ ...
ﺷﺪﺕ ﻉ ﺍﻳﺪ ﺍﻛﺮﻡ ﻭﺷﺪ ﻉ ﺍﻳﺪﻫﺎ ...
ﺍﺫﻛﺮ ﺍﺧﺮ ﻛﻠﻤﻪ ﻗﺎﻟﺘﻬﺎ
>> ﺍﻏﻨﻴﺘﻲ ... ﺍﻻﺧﻴﺮﻩ .. ﻟﻚ <<
ﺣﺒﻚ ﺧﻼﻟﻲ ﻋﻤﺮﻱ ﻏﻨﺎﻧﻲ ..
ﻭﺍﺣﻠﻢ ﺍﻧﻲ ﺑﻌﺎﻟﻢ ﺗﺎﻧﻲ ..
ﺷﻮﺋﻠﺘﻠﻚ ﺷﻮ ﻋﻤﻠﺘﻠﻚ ﺗﺘﺠﺮﺡ ﻗﻠﺒﻲ ﻭﺗﻨﺴﺎﻧﻲ ..
ﻛﻴﻒ ﺑﺘﻨﺴﻰ ﺧﺒﺮﻧﻲ ﺷﻮ ﺻﺎﺭ ..
ﺑﻌﺪﻭﺍ ﻭﺷﻚ ﻣﺰﺭﻭﻉ ﺑﻌﻴﻨﻲ ..
ﺑﻌﺪﻭﺍ ﺻﻮﺗﻚ ﻣﻄﻠﻊ ﺍﻟﻐﻨﻴﻪ
ﻣﻬﻤﺎ ﺗﻘﺴﻰ ﻣﺶ ﺭﺡ ﺍﻧﺴﻰ
ﻭﺍﻟﺸﻤﻌﻪ ﺭﺡ ﺿﻮﻳﻬﺎ ﻟﻴﻠﻴﻪ ...
ﻓﻲ ﺗﻜﺮﺍﺭ ﻫﺎﻟﻤﻘﻄﻊ ﺩﻣﻮﻉ ﺭﻳﻬﺎﻡ ﻧﺰﻟﻮﺍ ﻭﻭﺍﺿﺢ ﺍﻧﻬﺎ ﺣﻘﻴﻘﻴﻪ ..
ﺩﻣﻌﻪ ﻓﻄﺮﺕ ﻗﻠﻮﺏ ﺍﻛﺮﻡ ﻭﺳﺎﺭﻩ 💔
ﺍﺫﻛﺮ ﺍﻛﺮﻡ ﻛﻴﻒ ﻓﺪﺍﺗﻪ ﺑﺮﻭﺣﻬﺎ ﺣﺒﺎﺗﻪ ﻟﺪﺭﺟﻪ ﻻﺗﻮﺻﻒ .. ﻭﺍﻟﻠﻲ ﻗﻬﺮﻩ ﺍﻧﻪ ﻇﻠﻤﻬﺎ ﻓﺤﻜﻤﻪ ﻋﻠﻴﻬﺎ ...
ﺗﻤﺖ ﺍﻻﻏﻨﻴﻪ ...
ﺍﻟﻨﺎﺱ ﻛﺎﻧﻮﺍ ﻣﺘﺄﺛﺮﻳﻦ ﻭﻓﻲ ﻣﻨﻬﻢ ﻳﺒﻜﻲ ﺑﺎﻟﺬﺍﺕ ﻣﺤﺒﻴﻨﻬﺎ ..
ﻭﺍﺣﺪ ﻣﻨﻬﻢ ﻗﺎﻝ ﺑﺼﻮﺕ ﻋﺎﻟﻲ : ﺑﻤﻴﻴﻴﺔ ﺭﺍﺍﺍﺍﺟﻞ ﺑﻨﺖ ﺑﻼﺍﺍﺍﺩ ..
ﺍﻛﺮﻡ ﺷﺪ ﻉ ﺍﻳﺪ ﺳﺎﺭﻩ ﻫﻠﺒﻪ ﻭﻫﻲ ﺣﻄﺖ ﺍﻳﺪﻫﺎ ﺍﻟﺘﺎﻧﻴﻪ ﻉ ﺍﻳﺪﻩ ...
ﻭﻛﺎﻧﺖ ﺗﺒﻜﻲ ...
🍁🍁🍁
ﻟﻴﻠﺘﻬﺎ ﺍﻛﺮﻡ ﺭﻗﺪ ﻧﻮﺭﺍﻥ ﻓﺤﻀﻨﻪ ﻭﻳﺤﻜﻴﻠﻬﺎ ﻭﺗﺤﻜﻴﻠﻪ ... ﻗﻌﺪﻭﺍ ﻣﻘﻌﻤﺰﻳﻦ ﻳﻬﺪﺭﺯﻭﺍ ﻟﻴﻠﻪ ﻛﻠﻬﺎ ﺷﻮﻕ ﻣﻦ ﻧﻮﻉ ﺍﺧﺮ .. ﻭﺷﻜﻮﺓ ﻭﻓﻀﻔﻀﻪ .. ﻭﻻﻗﺪﺭﻭﺍ ﺍﻟﺰﻭﺯ ﻳﺮﻗﺪﻭﺍ ... ﻣﺎﺻﺪﻗﻮﺍ ﻟﻘﻮﺍ ﺑﻌﺾ ...
ﻭﺍﻟﻠﻪ ﻧﻌﻤﺔ ﺍﻻﺥ ﻋﻈﻴﻤﻪ ﻭﺍﻧﺎ ﻋﻨﺪﻱ ﻣﻮﺍﻗﻒ ﻣﻊ ﺧﻮﻱ ﻟﻴﻦ ﻧﻤﻮﺕ ﻣﺎﻧﻨﺴﺎﻩ ﻭﺭﺍﻱ ﻛﺎﻥ ﺟﺒﻞ ﺳﺎﻧﺪﻧﻲ ﻣﻊ ﺑﻮﻱ ... ﻭﻛﺎﻥ ﻋﺰﻭﺓ ﺑﻜﻞ ﻣﻌﻨﻰ ﺍﻟﻜﻠﻤﻪ .. ﺭﺑﻲ ﻣﺎﻳﺤﺮﻣﻨﻲ ﻣﻨﻪ .. ﻭﻳﺨﻠﻴﻜﻢ ﺧﻮﺗﻜﻢ ﻳﺎﺍﺍﺭﺏ .. ﻭﻳﺮﺣﻢ ﺍﻟﻠﻲ ﻣﺎﺕ ﻣﻨﻬﻢ ﻭﻳﺠﻤﻌﻜﻢ ﺑﻴﻬﻢ ﻓﻲ ﺍﻋﻠﻰ ﻋﻠﻴﻴﻦ...💖
***
ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻭﺍﻟﻠﻪ ﻳﺎﻣﻬﻨﺪ ﺟﻴﺘﻚ ﻓﺮﺣﺘﻨﻲ ﻭﺍﺟﺪ ...
ﻣﻬﻨﺪﺑﺈﺑﺘﺴﺎﻣﻪ : ﺗﺴﻠﻢ ﻳﺎﻣﺼﻌﺐ ...
ﺧﻄﻤﻮﺍ ﻗﺪﺍﻣﻬﻢ ﺿﺒﺎﻁ ﺷﺮﻃﻪ
ﻣﻬﻨﺪ : ﺇﻥ ﺷﺎﺀ ﺍﻟﻠﻪ ﺧﻴﺮ
ﻣﺼﻌﺐ : ﻗﺼﺔ ﻭﻻ ﻓﻲ ﺍﻟﺨﻴﺎﻝ ﻳﺎﺭﺍﺟﻞ ...
ﻣﻬﻨﺪ ﺗﺤﻤﺲ : ﺍﺣﻜﻲ ...
ﻣﺼﻌﺐ : ﻫﻀﺎ ﻣﺮﻳﺾ ﻋﻨﺪﻧﺎ ﻓﻐﻴﺒﻮﺑﻪ ﻟﻪ ﻓﻮﻕ ﺍﻷﺳﺒﻮﻉ ... ﻗﺒﻞ ﻟﻴﺨﺶ ﻏﻴﺒﻮﺑﻪ ﻛﺎﻥ ﻓﺎﻗﺪ ﺍﻟﺬﺍﻛﺮﻩ ...
ﻣﻬﻨﺪ : ﺍﻳﻪ ..!
ﻣﺼﻌﺐ : ﻗﺒﻞ ﻫﺎﻟﻤﺮﻩ ﻟﻘﻮﻩ ﻣﻠﻮﺡ ﻉ ﺷﻂ ﺍﻟﺒﺤﺮ ... ﻭﻟﻤﺎ ﺍﺳﻌﻔﻮﻩ .. ﺍﺟﺮﻭﻟﻪ ﻋﻤﻠﻴﻪ ﻉ ﺭﺍﺳﻪ ﻭﺧﺶ ﺑﻌﺪﻫﺎ ﻏﻴﺒﻮﺑﻪ ﻓﺎﻕ ﻣﻨﻬﺎ ﻣﺶ ﻣﺬﻛﺮ ﺣﺎﺟﻪ .. ﻟﻪ ﻓﻮﻕ ﺍﻟﻌﺸﺮ ﺷﻬﻮﺭ .. ﺗﻜﻔﻠﻮﺍ ﺑﻴﻪ ﻋﻴﻠﻪ ﻛﺒﻴﺮﻩ ﻭﻣﻌﺮﻭﻓﻪ ﺳﻜﻨﻮﻩ ﻋﻨﺪﻫﻢ ﻭﺧﺪﻣﻮﻩ ... ﺍﺗﺼﻮﺭ ﺍﺫﻛﺮ ﻣﻬﻨﺘﻪ ﻟﻜﻦ ﻻ ﺍﺫﻛﺮ ﻫﻠﻪ ﻭﻻ ﺣﺘﻰ ﺍﺳﻤﻪ ..
ﻣﻬﻨﺪ ﻣﺘﻔﺎﺟﺄ : ﺷﻦ ﻫﻲ ﻣﻬﻨﺘﻪ ..
ﻣﺼﻌﺐ ﺑﻀﺤﻜﺔ ﺍﺳﺘﻌﺠﺎﺏ : ﺩﻛﺘﻮﺭ ﺟﺮﺍﺡ .. ﺗﺼﻮﺭ !!
ﻣﻬﻨﺪ : ﺩﻛﺘﻮﺭ ﺟﺮﺍﺡ !!!
ﻣﺼﻌﺐ : ﺍﻫﺎ ... ﻭﻧﺰﻳﺪﻙ ﻣﻦ ﺍﻟﺸﻌﺮ ﺑﻴﺖ ... ﻣﻦ ﻋﻨﺪﻛﻢ ... ﻏﺮﺑﺎﻭﻱ ..
ﻣﻬﻨﺪ ﻗﻌﺪ ﻳﺸﺒﺢ ﻟﻤﺼﻌﺐ ... ﻣﻼﻣﺢ ﻭﺟﻬﻪ ﺗﻐﻴﺮﺕ ﻟﻠﺼﺪﻣﻪ ... ﺷﻮﻳﻪ ﻭﻣﺸﻲ ﻃﻮﻝ ﻭﻳﻦ ﻣﺎﻭﺍﻗﻔﻴﻦ ﺍﻟﻀﺒﺎﻁ ...
ﻣﻬﻨﺪ : ﻋﻔﻮﺍ ﻟﻮﺳﻤﺤﺘﻮﺍ ﻧﻘﺪﺭ ﻧﺨﺶ ...
ﺍﻟﻌﻨﺼﺮ : ﻣﻦ ﺣﻀﺮﺗﻚ ..
ﻣﻬﻨﺪ ﺳﻜﺖ ﺷﻮﻳﻪ ﻭﻗﺎﻝ : ﻗﺮﻳﺒﻪ ...
ﺧﺶ ﺍﻟﻌﻨﺼﺮ ﺷﻮﻳﻪ ﺑﻌﺪﻳﻦ ﻃﻠﻊ : ﺗﻔﻀﻞ ..
ﻣﻬﻨﺪ ﺧﺶ ﻭﻛﺎﻥ ﺧﺎﻳﻒ .. ﻗﺪﻡ ﻭﺷﺎﻑ ﺍﻟﻠﻲ ﺭﺍﻗﺪ ﻉ ﺍﻟﺴﺮﻳﺮ ... ﺍﻧﺼﺪﻡ ﺑﻘﻮﺓ ..
ﻣﻬﻨﺪ : ﻣﺴﺘﺤﻴﻞ !!!
ﻋﺒﺪﺍﻟﻠﻪ : ﺷﻦ ﻳﻘﺮﺑﻠﻚ ..
ﻣﻬﻨﺪ ﺑﻠﻌﺜﻤﻪ ﻣﻦ ﻗﻮﺓ ﺍﻟﺼﺪﻣﻪ : ﻩ .. ﻫﺪ ... ﻫﺪﺍ ... ﺻﺎﺣﺒﻲ .. ﺻﺎﺣﺒﻲ ...
ﻋﻼﺀ ... ﺍﺳﻤﻪ ... ﻋﻼﺀ ﺍﻟﺪﻳﻦ ﺍﻟﺸﺎﻳﺒﻲ ...
🍁🍁🍁🍃🍃🍃🍃
ﻣﻬﻨﺪ ﺑﻌﺪ ﻣﺎﺍﻛﺘﺸﻒ ﺍﻥ ﻋﻼﺀ ﻣﺎﺯﺍﻝ ﻉ ﻗﻴﺪ ﺍﻟﺤﻴﺎﻩ ﻭﺍﻧﻪ ﻃﻮﻝ ﻫﺎﻟﻔﺘﺮﻩ ﻛﺎﻥ ﻣﻮﺟﻮﺩ ﻓﻲ ﺑﻨﻐﺎﺯﻱ ﻭﻓﺎﻗﺪ ﻟﺬﺍﻛﺮﺗﻪ ..
ﻗﺮﺭ ﻳﻘﻌﺪ ﻟﻌﻨﺪ ﻣﺎﻳﻔﻴﻖ ﻋﻼﺀ ... ﺍﻟﻠﻲ ﺍﻛﺪﻭﺍ ﺍﻟﺪﻛﺎﺗﺮﻩ ﺍﻧﻪ ﺍﺣﺘﻤﺎﻝ ﻳﻔﻴﻖ ﺧﻼﻝ ﻳﻮﻣﻴﻦ ...
***
ﺑﺎﻫﻲ ﻫﻲ ﻋﻨﺪﻫﺎ ﺣﻖ ﻣﺎﺗﺰﻭﺭﺍﺵ .. ﻧﺤﻨﺎ ﻟﻴﺶ ﻣﺎﻧﻌﺪﻭﺵ ﻧﺸﻮﻓﻮﻩ ..
ﺍﻛﺮﻡ : ﻫﻚ ﺍﺣﺴﻦ ﻳﺎﺳﻼﻑ ﺩﺍﻡ ﻟﻘﺎﻩ ﺻﺎﺣﺒﻪ ﻭﻋﺮﻓﻪ ﺍﻛﻴﺪ ﺣﻴﺒﻠﻎ ﻫﻠﻪ ... ﻭﻫﻤﺎ ﻳﺠﻮﺍ ﻳﺎﺧﺪﻭﻩ ﺍﻭ ﻳﻌﺪﻳﻠﻬﻢ ... ﻧﺤﻨﺎ ﻛﻔﻴﻨﺎ ﻭﻭﻓﻴﻨﺎ ﻣﻌﺎﻩ ..
ﺳﻼﻑ : ﻣﺎﺍﻗﻨﻌﻨﺘﻴﺶ ... ﺍﻛﺮﻡ ﺍﻟﺮﺍﺟﻞ ﻫﻀﺎ ﻫﻮ ...
ﺍﻛﺮﻡ ﻗﺎﻃﻌﻬﺎ : ﺳﻼﻑ ﺍﻧﻬﻲ ﺧﻼﺹ ... ﺍﺭﺟﻮﻙ ..
ﺳﻼﻑ ﺳﻜﺘﺖ ﻛﺎﻧﺖ ﻋﺎﺭﻓﻪ ﺍﻥ ﺍﻛﺮﻡ ﻛﺎﻥ ﻣﻮﺟﻮﻉ ﻉ ﺍﺧﺘﻪ ﺍﻟﻠﻲ ﻛﺎﻥ ﺑﺎﻳﻦ ﻉ ﻭﺟﻬﻬﺎ ﺍﻟﻌﺬﺍﺏ ﺍﻟﻠﻲ ﻋﺎﻳﺸﻪ ﻓﻴﻪ ... ﻭﻣﺎﻛﺎﻧﺶ ﻳﺒﻴﻬﺎ ﺗﻨﻘﻬﺮ ...
ﺳﻼﻑ : ﻛﻴﻒ ﻳﺼﻴﺮ ﻓﺸﻬﺎﺏ ..
ﺍﻛﺮﻡ : ﻋﻴﻞ ﻫﺒﻞ ... ﺧﺎﻳﻒ ﻣﻨﻲ ﻧﻨﺘﻘﻢ ﻣﻦ ﺑﺎﺗﻪ ﻓﻴﻪ ﻳﺤﺴﺎﺑﻨﻲ ﻛﻴﻒ ﺑﺎﺗﻪ ... ﻗﺎﻝ ﺍﻧﻪ ﻣﺶ ﺣﻴﺮﺩ ... ﺍﻧﺎ ﺑﻨﺒﻌﺖ ﺍﻟﻤﺤﺎﻣﻲ ﻟﻪ ﻳﺴﻠﻤﻪ ﻛﻞ ﺷﻲ ﻳﺨﺼﻪ .. ﻫﻚ ﺍﺭﻳﺢ .. ﺑﻌﺪ ﻃﻠﻖ ﻧﻮﺭﺍﻥ ﻣﻌﻨﺪﻳﺶ ﺑﻴﻪ ﻟﺰﻭﻡ ..
ﺳﻼﻑ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﻮﺟﻮﻋﻪ ﻉ ﻧﻮﺭﺍﻥ ﻫﻠﺒﻪ ..
ﻧﻮﺭﺍﻥ ﺍﺍﻟﻲ ﻟﻴﻠﺘﻬﺎ ﺗﺤﺪﻳﺪﺍ ﻣﺸﺖ ﻟﻠﻤﺴﺘﺸﻔﻰ ﺍﻟﻠﻲ ﻓﻴﻬﺎ ﻛﻤﺎﻝ ..
ﻭﻗﻔﺖ ﻉ ﺷﺒﺎﻙ ﻏﺮﻓﺘﻪ ﻗﻌﺪﺕ ﺗﺸﻮﻓﻠﻪ ﻭﺩﻣﻮﻋﻬﺎ ﺳﻴﻞ ...
ﺍﺫﻛﺮﺕ ﻧﻔﺲ ﺍﻟﻤﻨﻈﺮ ﻛﺎﻥ ﻓﻴﻪ ﻗﺒﻞ ﻋﺸﺮﻩ ﺷﻬﻮﺭ ...
ﺍﺫﻛﺮﺕ ﺍﻭﻝ ﻣﺮﻩ ﺷﺎﻓﺎﺗﻪ ﻓﻴﻬﺎ ﺑﻌﺪ ﻓﺎﻕ ... ﻣﻦ ﺍﻭﻝ ﻧﻈﺮﻩ ﺣﺒﻪ ﻃﺎﺡ ﻓﻲ ﻗﻠﺒﻬﺎ ... ﻣﻦ ﺍﻭﻝ ﻧﻈﺮﻩ ﻣﻠﻜﻬﺎ ﺑﻜﻞ ﻣﺎﻓﻴﻬﺎ .. ﻣﻦ ﺍﻭﻝ ﻧﻈﺮﻩ ﺫﻭﺏ ﺭﻭﺣﻬﺎ ﻭﻗﻠﺒﻬﺎ ﻓﻴﻪ ... ﻭﻭﺻﻠﺖ ﻣﻌﺎﻩ ﺑﻤﺸﺎﻋﺮﻫﺎ ﻟﺬﺭﻭﺓ ﺍﻟﺤﺐ .. ﺍﻟﻬﻴﺎﻡ ...💓
ﺭﻭﺣﺖ ﻟﻴﻠﺘﻬﺎ ﻭﻫﻲ ﺗﺒﻜﻲ ﻭﺗﺒﻜﻲ ...
ﻟﻴﻠﺘﻬﺎ ﺩﻣﻮﻋﻬﺎ ﻣﺎﺑﺘﺶ ﺗﻮﻗﻒ ...
🍃 ﺑﻌﺪ ﻳﻮﻣﻴﻦ ...
ﻓﺘﺢ ﻋﻴﻮﻧﻪ ... ﺑﻌﺪﻳﻦ ﺳﻜﺮﻫﻢ ... ﺭﺟﻊ ﻓﺘﺤﻬﻢ ... ﻭﻗﻌﺪ ﻳﺪﻭﺭ ...
ﻣﻬﻨﺪ : ﻋﻼﺀ !!!
ﺟﺖ ﻋﻴﻮﻧﻪ ﻋﻠﻴﻪ .. ﺍﺑﺘﺴﻢ ﺑﺘﻌﺐ : ﻣﻪ .. ﻧﺪ ...
ﻣﻬﻨﺪ ﻗﻌﺪ ﻳﻀﺤﻚ ﻣﻦ ﻓﺮﺣﺘﻪ ﻭﻣﺶ ﻣﺼﺪﻕ ﺑﻜﻞ ...
ﻃﻮﻝ ﺑﻌﺪ ﻣﺎﻃﻠﻊ ﻣﻦ . ﻋﻨﺪﻩ ﺣﺠﺰ ﻓﺮﺣﻠﻪ ﻟﻄﺮﺍﺑﻠﺲ ﺑﺶ ﻳﺒﺸﺮ ﺍﻫﻞ ﻋﻼﺀ ﺑﻨﻔﺴﻪ ...
ﻓﻲ ﺍﻟﻠﻴﻞ ...
ﻧﺎﺍﺍﺻﺮ ﺍﻓﺘﺢ ﺍﻟﺒﺎﺏ ...
ﻣﺸﻲ ﻧﺎﺻﺮ ﻓﺘﺢ ﺍﻟﺒﺎﺏ ...
ﻣﻬﻨﺪ ﺑﺄﺑﺘﺴﺎﻣﻪ : ﻣﺴﺎﺀ ﺍﻟﺨﻴﺮ ﻋﻤﻲ ﻧﺎﺻﺮ ..
ﻧﺎﺻﺮ : ﺍﻫﻼ ﻳﺎﻭﻟﺪﻱ ﺗﻔﻀﻞ ...
ﻣﻬﻨﺪ ﺧﺶ ﻭﻗﻌﻤﺰﻩ ﻧﺎﺻﺮ ﻓﻲ ﺍﻟﻤﺮﺑﻮﻋﻪ ...
ﻧﺎﺻﺮ : ﻛﻴﻒ ﺣﺎﻟﻚ ﻳﺎﻭﻟﺪﻱ ﻭﺣﺎﻝ ﺍﻫﻠﻚ ..
ﻣﻬﻨﺪ : ﺍﻟﺤﻤﺪ ﻟﻠﻪ ... ﻋﻤﻲ ﻧﺎﺻﺮ ﺟﺎﻳﻚ ﻓﻲ ﺷﻲ ﻛﺒﻴﺮ ﻳﺎﻋﻤﻲ ..
ﻧﺎﺻﺮ ﺑﺈﺳﺘﻐﺮﺍﺏ : ﺇﻥ ﺷﺎﺀ ﺍﻟﻠﻪ ﺧﻴﺮ ...
ﻣﻬﻨﺪ : ﻗﺒﻠﻬﺎ ﻧﺎﺩﻱ ﻋﻤﺘﻲ ﺗﻬﺎﻧﻲ ...
ﻧﺎﺻﺮ ﻣﺴﺘﻐﺮﺏ ﻉ ﺍﻵﺧﺮ ﻧﺎﺽ ﻟﻤﺮﺗﻪ ...
***
ﻭﻋﻰ ...
ﺍﻛﺮﻡ : ﺍﻫﺎ ..
ﻧﻮﺭﺍﻥ : ﺍﺫﻛﺮ ﻣﻦ ﻳﻜﻮﻥ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ..
ﻧﻮﺭﺍﻥ ﺍﺑﺘﺴﻤﺖ ﺑﺄﻟﻢ : ﺷﻦ ﺍﺳﻤﻪ ..
ﺍﻛﺮﻡ ﻭﻗﻠﺒﻪ ﻣﻮﺟﻮﻉ ﻋﻠﻴﻬﺎ : ﻋﻼﺀ ﺍﻟﺪﻳﻦ ..
ﻧﻮﺭﺍﻥ : ﺣﻠﻮ ﻭﺍﺟﺪ ..
ﺍﻛﺮﻡ ﻏﻴﺮ ﻭﺟﻬﻪ ﻋﻦ ﺍﺧﺘﻪ ﻭﻣﺎﺳﻚ ﺩﻣﻮﻋﻪ ...
ﻧﻮﺭﺍﻥ ﻭﻋﻴﻮﻧﻬﺎ ﻣﻠﻴﺎﻧﺎﺕ ﺩﻣﻮﻉ ﻭﺍﺑﺘﺴﺎﻣﺘﻬﺎ ﻣﺎﻓﺎﺭﻗﺘﺶ ﻭﺟﻬﻬﺎ : ﺍﻟﺤﻤﺪ ﻟﻠﻪ ﺑﻴﺮﺩ ﻟﻬﻠﻪ ﻭﻳﺮﺗﺎﺡ ..
ﻗﺪﻣﺖ ﻟﺨﻮﻫﺎ ﻭﺧﺸﺖ ﻓﺤﻀﻨﻪ ﻛﺎﻧﺖ ﻣﺤﺘﺎﺟﻪ ﻟﺤﻀﻨﻪ ﻫﻠﺒﻪ ..
ﻫﻮ ﺣﻀﻨﻬﺎ ﻭﻗﻌﺪ ﻳﺒﻮﺱ ﻓﺮﺍﺳﻬﺎ ﻭﻗﻠﺒﻪ ﻳﺘﻤﺰﻕ ﻋﻠﻴﻬﺎ 💔..
****
ﻳﺎﺍﺍﺍﺍﺍﺍﺭﺑﻲ ... ﻳﺎﺍﺍﺍﺍﺍﺭﺑﻲ ﻛﺒﻴﺮ ﻳﺎﺍﺍﺍﺍﺍﺭﺑﻲ ﺭﺣﻴﻴﻴﻴﻢ ﻳﺎﺍﺍﺍﺭﺑﻲ ﻛﺮﻳﻴﻴﻴﻢ ﻳﺎﺭﺑﻲ ... ﻭﻋﺪﻙ ﻣﺎﺗﺨﻠﻔﺎﺵ ﻳﺎﺭﺑﻲ ... ﺍﺍﺍﺍﺍﻩ ﻳﺎﺭﺑﻲ ﺍﺍﺍﺍﺍﺍﺍﻩ ... ﻭﻟﺪﻱ ﺣﻔﻈﺘﻠﻲ ﻭﻟﻴﺪﻱ ﺭﺩﻳﺘﻠﻲ ﻭﻟﻴﺪﻱ ... ﺯﻱ ﻣﺎﺑﺸﺮﺗﻨﻲ ﻓﻲ ﻧﻮﻣﻲ ... ﺷﺒﺤﺖ ﻟﻨﺎﺻﺮ ... ﻣﺶ ﻗﺘﻠﻚ ﻣﺶ ﻗﺘﻠﻚ ... ﻗﻌﺪﺕ ﺗﻀﺮﺏ ﻉ ﻗﻠﺒﻬﺎ ... ﻗﻠﺐ ﺍﻻﻡ ﻣﺎﻳﻜﺬﺑﺶ ﻳﺎﻧﺎﺻﺮ ...
ﻣﺴﺤﺖ ﻉ ﻭﺟﻬﻬﺎ ﻭﻫﻲ ﺗﺸﺒﺢ ﻓﻮﻕ .. ﺷﻦ ﻧﺪﻳﺮ ﻳﺎﺭﺑﻲ ﺑﺶ ﻧﻮﻓﻴﻚ ﺣﻘﻚ ﺷﻦ ﻧﺪﻳﺮ ... ﻧﺰﻟﺖ ﺳﺠﺪﺕ ﻃﻮﻝ ..
ﻣﻬﻨﺪ ﻛﺎﻥ ﻣﺪﺭﻕ ﻭﺟﻬﻪ ﻭﻳﻤﺴﺢ ﻓﻲ ﺩﻣﻮﻋﻪ ..
ﻭﻧﺎﺻﺮ ﻛﺎﻥ ﻣﺸﺒﻚ ﺍﻳﺪﻳﻪ ﻓﺒﻌﺾ ﻭﻣﻐﻤﺾ ﻋﻴﻮﻧﻪ ﻭﺩﻣﻮﻋﻪ ﺗﻨﺰﻝ ﻭﻳﻘﻮﻝ ﺍﻟﺤﻤﺪ ﻟﻠﻪ ...
ﺍﻧﺘﺸﺮ ﺍﻟﺨﺒﺮ ﻓﻲ ﺍﻟﻌﻴﻠﻪ ..
ﺍﺑﺮﺍﻫﻴﻢ ﻗﺮﻳﺐ ﻃﺎﺭ ﻣﻦ ﻓﺮﺣﺘﻪ ..
ﺣﺘﻰ ﺳﻨﺎﺀ ﺍﻟﻠﻲ ﻛﺎﻥ ﻋﻨﺪﻫﺎ ﺍﻣﻞ ﺍﻥ ﻣﻤﻜﻦ ﻭﺟﻮﺩ ﻋﻼﺀ ﻉ ﻗﻴﺪ ﺍﻟﺤﻴﺎﻩ ﻳﺨﻔﻒ ﻣﻦ ﺍﻟﺤﻜﻢ ﻉ ﻭﻟﺪﻫﺎ ..
ﺍﻣﺎ ﻓﺮﻳﺎﻝ ﻣﻦ ﻓﺮﺣﺘﻬﺎ ﺍﺗﺼﻠﺖ ﺑﻜﻨﺎﻧﻪ ﻭﺧﺒﺮﺗﻬﺎ ..
ﻛﻨﺎﻧﻪ ﺍﻟﻠﻲ ﻗﺮﻳﺐ ﺍﻧﺠﻨﺖ ﻣﻦ ﺍﻟﻔﺮﺣﻪ .. ﺣﺴﺖ ﺭﻭﺣﻬﺎ ﺗﺤﻠﻢ
ﻳﻮﻣﻬﺎ ﻛﻠﻬﻢ ﻣﺎﺍﺳﺘﻮﻋﺒﻮﺵ ... ﻋﻼ ﻟﻤﺎ ﺳﻤﻌﺖ ﺍﻏﻤﻰ ﻋﻠﻴﻬﺎ
ﺑﻌﺪ ﻓﺎﻗﺖ ﺭﻓﻌﻬﺎ ﺭﺍﺟﻞ ﻟﺤﻮﺵ ﺍﻫﻠﻬﺎ ... ﻃﻮﻝ ﺧﺸﺖ ﺗﺠﺮﻱ ﻭﺣﻀﻨﺖ ﺍﻣﻬﺎ ﻭﻗﻌﺪﻭﺍ ﻳﺒﻜﻮﺍ ﺑﺎﻟﺼﻮﺕ ...
ﺣﺠﺰﻭﺍ ﻧﺎﺻﺮ ﻭﺗﻬﺎﻧﻲ ﻭﻋﻼ ﻭﻣﻌﺎﻫﻢ ﻣﻬﻨﺪ ﻟﺒﻨﻐﺎﺯﻱ ﺍﻟﻴﻮﻡ ﺍﻟﺘﺎﻧﻲ ﻣﻌﺎﺵ ﻓﻲ ﺻﺒﺮ ﺧﻼﺹ ...
ﻭﻛﻨﺎﻧﻪ ﺍﺣﺮﻑ ﻣﻨﻬﻢ ﺣﺠﺰﺕ ﺣﺘﻰ ﻫﻲ ﻣﻊ ﺍﻣﻬﺎ ... ﻃﻮﻝ ﻟﺒﻨﻐﺎﺯﻱ ...
🍁🍁🍁
ﻋﻼﺀ ﻟﻤﺎ ﻓﺎﻕ ﻣﺎﺳﺄﻝ ﻋﻦ ﺣﺪ ﻧﻬﺎﺋﻲ ﻛﺎﻥ ﻃﻮﻝ ﺍﻟﻮﻗﺖ ﻳﺎﻣﻘﻌﻤﺰ ﻓﻐﺮﻓﺘﻪ ﺳﺮﺣﺎﻥ ﻭﻫﻮ ﻳﺸﺒﺢ ﻟﻠﺮﻭﺷﻦ .. ﻳﺎﺇﻣﺎ ﻳﻄﻠﻊ ﻳﺘﻤﺸﻰ ﻓﻲ ﺣﺪﻳﻘﺔ ﺍﻟﻤﺴﺘﺸﻔﻰ ﻻﺑﻲ ﻳﺨﺎﻟﻂ ﺣﺪ ﻭﻻﻳﺘﻜﻠﻢ ﻣﻊ ﺣﺪ .. ﺍﺧﻄﻰ ﺍﻟﻀﺒﺎﻁ ﺍﻟﻠﻲ ﺣﻘﻘﻮﺍ ﻣﻌﺎﻩ ...
🍃🍃🍃
ﺍﻟﻴﻮﻡ ﺍﻟﺘﺎﻧﻲ
ﺳﻤﻌﺖ ﻧﻮﺭﺍﻥ ﺍﻥ ﺍﻫﻠﻪ ﺟﺎﻳﻴﻨﻪ ﺍﻟﻴﻮﻡ ﻣﺎﺣﺒﺘﺶ ﺗﻔﻮﺕ ﻋﻠﻴﻬﺎ ﺍﻧﻬﺎ ﺗﺸﻮﻓﻬﻢ ﻭﺍﻛﺜﺮ ﺷﻐﻔﻬﺎ ﻛﺎﻥ ﺍﻧﻬﺎ ﺗﺸﻮﻑ ﺍﻣﻪ ﺍﻟﻠﻲ ﺣﺒﺘﻬﺎ ﻣﻨﻪ ﻣﻦ ﺍﺧﻼﻗﻪ ﻭﺭﻗﻴﻴﻪ ...
ﺟﺖ ﻟﻠﻤﺴﺘﺸﻔﻰ ﻛﺎﻧﺖ ﻭﺍﻗﻔﻪ ﻓﻲ ﻭﺍﺣﺪ ﻣﻦ ﺍﻟﻤﻤﺮﺍﺕ ﺗﺮﺍﺟﻲ ...
ﺑﺮﺍ .
ﺩﺭﺳﺖ ﺍﻟﺴﻴﺎﺭﻩ ..
ﻧﺰﻟﺖ ﻣﻨﻬﺎ ﺗﻬﺎﻧﻲ ﺗﺠﺮﻱ ﻭﻭﺭﺍﻫﺎ ﻧﺎﺻﺮ ﻭﻋﻼ ﻭﻣﻌﺎﻫﻢ ﻣﻬﻨﺪ ﻭﺧﺸﻮﺍ ﻟﻠﻤﺴﺘﺸﻔﻰ ...
ﺑﻌﺪﻫﻢ ﺩﺭﺳﺖ ﺳﻴﺎﺭﺓ .. ﻧﺰﻟﺖ ﻣﻨﻬﺎ ﻛﻨﺎﻧﻪ ﺗﺠﺮﻱ ﻭﺧﺸﺖ ﻃﻮﻝ ...
ﻧﻮﺭﺍﻥ ﻛﺎﻧﺖ ﺗﺸﻮﻑ ﻓﻲ ﻧﺎﺱ ﺧﺎﺷﻴﻦ ﻳﺠﺮﻭﺍ ﺣﺴﺘﻬﻢ ﻫﻤﺎ ﻭﺍﺿﺢ ... ﻋﻴﻨﻬﺎ ﺟﺖ ﻉ ﺗﻬﺎﻧﻲ ﻣﻦ ﺩﻣﻮﻋﻬﺎ ﻭﻟﻬﻔﺘﻬﺎ ﻋﺮﻓﺘﻬﺎ ﻃﻮﻝ ﻭﻗﻌﺪﺕ ﺗﺸﻮﻓﻠﻬﺎ ﻫﻲ ﻭﺑﺲ .
ﺷﻮﻳﻪ ﻭﺷﺎﻓﺖ ﻭﺣﺪﻩ ﻭﺭﺍﻫﻢ ﺣﻠﻮﻩ ﻫﻠﺒﻪ ... ﻛﺎﻧﺖ ﺗﺠﺮﻱ ﻭﻣﻠﻬﻮﻓﻪ ...
ﻗﻠﺒﻬﺎ ﻧﺨﺼﻬﺎ ﺑﻘﻮﻩ ... ﺣﺴﺘﻬﺎ ﺧﻄﻴﺒﺘﻪ ﻭﻭﺍﺿﺢ ... ﺗﺒﻌﺘﻬﺎ ﺑﻌﻴﻮﻧﻬﺎ ﻭﺩﻣﻮﻋﻬﺎ ﻧﺰﻟﻮﺍ ...
ﻓﻲ ﺍﻟﻐﺮﻓﻪ ..
ﻟﺒﺲ ﻋﻼﺀ ﺍﻟﻔﺎﻧﻠﻴﺎ ... ﺍﻧﻔﺘﺢ ﺍﻟﺒﺎﺏ ..
ﺧﺸﺖ ﺗﻬﺎﻧﻲ ... ﻟﻤﺎ ﺷﺎﻓﺎﺗﻪ ﻗﻌﺪﺕ ﻭﺍﻗﻔﻪ ﺗﺸﺒﺤﻠﻪ ﺑﺼﺪﻣﻪ ﻭﻣﺶ ﻣﺼﺪﻗﻪ .. ﻭﺭﺍﻫﺎ ﻋﻼ ﺍﻟﻠﻲ ﻛﺎﻧﺖ ﻣﺼﺪﻭﻣﻪ ﺣﺘﻰ ﻫﻲ ﻭﺑﻮﻩ ﺯﻳﻬﻢ ﻭﺍﺣﺮﻑ ..
ﻋﻼﺀ ﺍﺑﺘﺴﻢ : ﺍﻣﻲ ...
ﺗﻬﺎﻧﻲ : ﻳﺎﺍﺍﺍﺍﺭﻭﻭﻭﺡ ﺍﻣﻚ ﻳﺎﺍﻣﻲ ... ﻣﺸﺘﻠﻪ ﺗﺠﺮﻱ ﻭﻣﻌﺎﻫﺎ ﺍﺧﺘﻪ ﻭﺧﺸﻮﺍ ﺣﻀﻨﻪ ﺍﻟﺰﻭﺯ ﻭﻫﻮ ﺣﻀﻨﻬﻢ ﺑﻘﻮﻩ ﻭﻫﻤﺎ ﻳﺒﻜﻮﺍ ...
ﺷﺒﺢ ﻟﺒﻮﻩ .. ﺍﻟﻠﻲ ﻛﺎﻥ ﻳﺸﻮﻓﻠﻪ ﺑﺄﺑﺘﺴﺎﻣﻪ ﻭﺍﻟﺪﻣﻌﻪ ﻓﻌﻴﻨﻪ ...
ﺷﻮﻳﻪ ﻭﺧﺸﺖ ﻛﻨﺎﻧﻪ ﻭﻭﻗﻔﺖ ﻓﻲ ﻣﻜﺎﻧﻬﺎ ﻣﻦ ﺻﺪﻣﺘﻬﺎ ﻣﺶ ﻣﺼﺪﻗﻪ ﺗﻘﻮﻝ ﺣﻠﻢ ﻣﻦ ﺍﺣﻼﻣﻬﺎ ..
ﻛﻨﺎﻧﻪ ﺑﺼﻮﺕ ﻳﺮﻋﺶ : ﻋﻼﺀ ..
ﻫﻮ ﻗﺎﻡ ﻋﻴﻮﻧﻪ ﻓﻴﻬﺎ : ﻛﻨﺎﻧﻪ ...
🍁🍁🍁
ﺗﺘﻤﺸﻰ ﻉ ﺍﻟﻜﻮﺭﻧﻴﺶ ﻭﺩﻣﻮﻋﻬﺎ ﻳﻨﺰﻟﻮﺍ ﻭﻗﻔﺖ ﻭﻗﻌﺪﺕ ﺗﺸﻮﻑ ﻟﻠﺒﺤﺮ ...
ﻧﻮﺭﺍﻥ : ﺟﺒﺘﻪ ﻟﻴﺎ ﻫﺪﻳﻪ ... ﺍﻫﺎ ﻛﺎﻥ ﻫﺪﻳﻪ ... ﺭﺩﺗﻠﻲ ﺍﻟﻠﻲ ﺭﺍﺡ ﻣﻨﻲ ... ﻭﺍﻧﻘﺬﺗﻨﻲ ... ﻭﻏﻴﺮﺕ ﺣﻴﺎﺗﻲ ... ﻭﺗﻮﺍ ﻫﺎﻟﻬﺪﻳﻪ ﻣﺎﻋﺎﺩﺗﺶ ﻫﺪﻳﻪ ..
ﻻﺯﻡ ﺗﺮﺩ ﻷﺻﺤﺎﺑﻬﺎ ... ﺍﺑﺘﺴﻤﺖ ﺑﺄﻟﻢ ... ﻭﺩﻣﻮﻋﻬﺎ ﺳﻴﻞ ...
🍁🍁🍁
ﻟﻴﻠﺘﻬﺎ ﺭﻭﺡ ﻋﻼﺀ ﻣﻊ ﺍﻫﻠﻪ ﻟﻠﻔﻨﺪﻕ ﻭﻛﻨﺎﻧﻪ ﻭﻓﺮﻳﺤﻪ ﻛﺎﻧﻮﺍ ﻣﻌﺎﻫﻢ ...
ﺍﻣﻪ ﻛﺎﻧﺖ ﻓﺤﻀﻨﻪ ﻃﻮﻝ ﺍﻟﻮﻗﺖ ﻭﺳﻬﺮﻭﺍ ﻟﻴﻠﻬﻢ ﻛﻠﻪ ﻭﻫﻤﺎ ﻳﻬﺪﺭﺯﻭﺍ ﻭﺍﻟﻔﺮﺣﻪ ﻏﺎﻣﺮﺗﻬﻢ ...
ﺍﻟﻴﻮﻡ ﺗﺎﻧﻲ ﻛﺎﻧﻮﺍ ﺣﻴﺮﻭﺣﻮﺍ ﻟﻄﺮﺍﺑﻠﺲ ﻹﻥ ﺟﺪﻩ ﻳﺴﺘﻨﻰ ﻓﻴﻪ ...
ﻟﻤﻠﻪ ﺍﻛﺮﻡ ﻛﻞ ﺷﻲ ﻳﺨﺼﻪ ﻭﺑﻌﺘﻪ ﻣﻊ ﻭﺍﺣﺪ ﻣﻦ ﺍﻟﻠﻲ ﻳﺨﺪﻣﻮﺍ ﻋﻨﺪﻩ ...
ﺳﻼﻑ : ﺍﻗﻠﻬﺎ ﺳﻠﻢ ﻋﻠﻴﻪ ﻣﺶ ﻫﻚ ﻳﺎ ﺍﻛﺮﻡ ..
ﺍﻛﺮﻡ : ﻣﺶ ﻻﺯﻡ ..
" ﻻ ﻻﺯﻡ .."
ﻧﻮﺭﺍﻥ ﺑﺈﺑﺘﺴﺎﻣﻪ : ﻋﻴﺐ ﻳﺎﺧﻮﻳﺎ ﺍﻟﺮﺍﺟﻞ ﻓﺮﻗﺒﺘﻨﺎ ﻣﻨﻪ ﻣﻌﺮﻭﻑ ﻳﻨﺘﺴﺎﺵ ... ﻭﻧﺤﻨﺎ ﻣﺎﻧﻨﻜﺮﻭﺵ ﺍﻟﻤﻌﺮﻭﻑ ..
ﺍﻛﺮﻡ : ﻗﺼﺪﻙ ﺍﻧﺘﻲ ﺑﺘﻌﺪﻱ ﺗﻮﺩﻋﻴﻪ ..
ﻧﻮﺭﺍﻥ ﺑﺈﺑﺘﺴﺎﻣﻪ : ﺍﻫﺎ ...
ﺍﻛﺮﻡ ﺷﺒﺢ ﻟﺴﻼﻑ ﺍﻟﻠﻲ ﺷﺒﺤﻠﺘﻪ ﻭﺷﺒﺤﺘﻠﻬﺎ ﻭﺍﺑﺘﺴﻤﺖ ﺑﺄﻟﻢ ..
🍁🍁🍁
ﺍﻟﻴﻮﻡ ﺍﻟﻠﻲ ﺑﻌﺪﻩ ...
ﻓﻲ ﺍﻟﻤﻄﺎﺭ ..
ﻧﺎﺻﺮ : ﻭﺍﻟﻠﻪ ﻣﺎﻧﻲ ﻋﺎﺭﻑ ﻛﻴﻒ ﻧﺸﻜﺮﻛﻢ ﺍﻧﺖ ﻣﻦ ﺑﻌﺪ ﺍﻟﻠﻪ ﺳﺒﺐ ﻓﻲ ﺍﺟﺘﻤﺎﻋﻨﺎ ﺑﻮﻟﺪﻧﺎ ﺍﻟﻠﻲ ﻛﻨﺎ ﻧﺤﺴﺎﺑﻮﻩ ﺳﻴﺐ ﺍﻟﺪﻧﻴﺎ ..
ﺍﻛﺮﻡ ﻭﻫﻮ ﻳﺸﻮﻑ ﻟﻌﻼﺀ ﻛﻴﻒ ﺷﺎﺩﻩ ﻛﻨﺎﻧﻪ ﻓﻴﺪﻩ : ﻭﺍﺟﺒﻨﺎ ﻳﺎﺣﺎﺝ ...
ﺗﻬﺎﻧﻲ : ﺍﺧﺘﻚ ﻭﻳﻨﻬﺎ ... ﻧﺒﻲ ﻧﺒﻮﺱ ﻉ ﺭﺍﺳﻬﺎ ..
ﻋﻼ : ﻭﺍﻟﻠﻪ ﺣﺘﻰ ﻧﺒﻲ ﻧﺸﻮﻓﻬﺎ ..
ﻛﻨﺎﻧﻪ : ﻛﻠﻨﺎ ﻧﺒﻮﺍ ﻧﺸﻮﻓﻮﻫﺎ ...
ﻓﻲ ﻫﺎﻟﻮﻗﺖ ..
ﺩﺭﺳﺖ ﺳﻴﺎﺭﺓ ﺗﺎﻛﺴﻲ ... ﻧﺰﻟﺖ ﻣﻨﻬﺎ ﺳﻼﻑ ... ﻭﺑﻌﺪﻫﺎ ﻧﻮﺭﺍﻥ ...
ﺷﺪﻭﺍ ﻓﻲ ﺍﻳﺪﻳﻦ ﺑﻌﺾ ﻭﺧﺸﻮﺍ ﻟﻠﻤﻄﺎﺭ ...
ﻃﻮﻝ ﺍﻟﻮﻗﺖ ﻛﺎﻧﺖ ﻓﻲ ﺳﺮﻫﺎ ﺗﺼﻠﻲ ﻉ ﺍﻟﻨﺒﻲ ﻭﺗﺪﻋﻲ ﻓﺮﺑﻲ ﻳﻤﺪﻫﺎ ﺑﺎﻟﻘﻮﺓ ...
ﻛﺎﻧﺖ ﺗﻤﺸﻲ ﻭﺣﺎﺳﻪ ﺭﻭﺣﻬﺎ ﻣﺎﺷﻴﻪ ﻟﻠﻤﻮﺕ ...
ﺳﻼﻑ ﺗﺸﺒﺤﻠﻬﺎ ﺑﺨﻮﻑ ...
ﻭﻗﻔﺖ ... ﻟﻤﺎ ﺷﺎﻓﺘﻪ ﻭﺍﻗﻒ ﻣﻊ ﻛﻨﺎﻧﻪ ﻭﺷﺎﺩﻳﻦ ﻓﻲ ﺍﻳﺪﻳﻦ ﺑﻌﺾ .
ﻣﻮﺱ ﻭﺧﺶ ﻟﻘﻠﺒﻬﺎ ...
ﺳﻼﻑ ﻗﻌﺪﺕ ﺗﺸﻮﻓﻠﻬﺎ ﻭﺍﻟﺪﻣﻌﻪ ﻋﺒﺖ ﻋﻴﻨﻬﺎ ...
ﻣﻬﻨﺪ ﺷﺎﻓﻬﺎ ﻣﻦ ﺑﻌﻴﺪ : ﺍﻫﻴﺎ .. ﻫﻴﺎ ﻫﺎﺩﻱ ...
ﻃﻮﻝ ﺷﺒﺤﺘﻠﻬﺎ ﺗﻬﺎﻧﻲ ...
ﺑﻌﺪﻫﺎ ﻛﻨﺎﻧﻪ ... ﺑﻌﺪﻫﺎ ﻋﻼ .. ﻭﻧﺎﺻﺮ ..
ﻋﻼﺀ ﺷﺎﻓﻬﺎ ﺍﺑﺘﺴﻢ ...
ﻫﻲ ﺍﺑﺘﺴﻤﺖ ﻭﻛﻤﻠﺖ ﻣﺸﻲ ... ﻭﻫﻲ ﺭﻭﺣﻬﺎ ﺑﺘﻄﻠﻊ ﺑﺲ ﻛﺎﻧﺖ ﺗﺒﺘﺴﻢ ...
ﺍﻛﺮﻡ ﻗﺮﻳﺐ ﻳﻤﻮﺕ ﻉ ﺍﺧﺘﻪ ﻋﺎﺭﻑ ﺷﻦ ﺗﺤﺲ ..
ﻭﺻﻠﺖ ﻓﻴﻬﻢ ...
ﺗﻬﺎﻧﻲ ﺟﺘﻬﺎ ﺣﻀﻨﺘﻬﺎ ﺑﻘﻮﺓ : ﺭﺑﻲ ﻳﺤﻔﻈﻚ ﻳﺎﺑﻨﺘﻲ ﻭﻳﺮﺣﻢ ﻭﺍﻟﺪﻳﻚ ..
ﺍﺑﺘﺴﻤﺖ ﺷﺪﺕ ﺭﺍﺱ ﺗﻬﺎﻧﻲ ﻭﺑﺎﺳﺘﻪ ...
ﺗﻬﺎﻧﻲ ﺩﻣﻌﺘﻬﺎ ﻧﺰﻟﺖ ...
ﻧﻮﺭﺍﻥ : ﻓﺮﺣﺘﻚ ﻫﺬﻱ ﻋﻨﺪﻱ ﺑﺎﻟﺪﻧﻴﺎ ...
ﺗﻬﺎﻧﻲ ﺍﺑﺘﺴﻤﺖ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺟﺘﻬﺎ ﻋﻼ ﺣﻀﻨﺘﻬﺎ : ﺍﻧﺘﻲ ﻛﻨﺘﻲ ﺯﻱ ﺍﻟﻤﻼﻙ ﺍﻟﻠﻲ ﺑﻌﺘﻪ ﺭﺑﻲ ﻟﺨﻮﻱ ... ﺭﺑﻲ ﻳﺤﻔﻈﻚ ..
ﺍﺑﺘﺴﻤﺖ ﻧﻮﺭﺍﻥ : ﺗﺴﻠﻤﻲ ...
ﻛﻨﺎﻧﻪ : ﻣﻬﻤﺎ ﻗﻠﻨﺎﻟﻚ ﻣﺶ ﺣﻨﻮﻓﻮﻙ ﺣﻘﻚ ﻣﻦ ﺍﻟﺸﻜﺮ ﺍﻟﻠﻲ ﺩﺭﺗﻴﻪ ﺷﻲ ﻛﺒﻴﺮ ﻫﻠﺒﻪ ..
ﺍﺑﺘﺴﻤﺖ ﻭﻗﻠﺒﻬﺎ ﻧﺎﺍﺍﺍﺍﺍﺍﺍﺍﺍﺍﺭ ﻭﺍﻟﻌﻪ : ﺗﺴﻠﻤﻲ ...
ﻧﺎﺻﺮ : ﻳﺮﺣﻢ ﻭﺍﻟﺪﻳﻜﻢ ﻳﺎﺑﻨﺘﻲ ...
ﻧﻮﺭﺍﻥ : ﻳﻄﻮﻝ ﻓﻌﻤﺮﻙ ﻳﺎﻋﻤﻲ ...
ﻧﺪﺍﺀ ﺍﻟﺮﺣﻠﻪ ...
ﻗﺪﻡ ﻋﻼﺀ ﺳﻠﻢ ﻉ ﺍﻛﺮﻡ : ﻧﻌﻢ ﺍﻟﻨﺎﺱ ..
ﺍﻛﺮﻡ ﺳﻠﻢ ﻋﻠﻴﻪ : ﻣﺶ ﺍﻛﺜﺮ ﻣﻨﻚ ...
ﺍﺑﺘﺴﻤﻮﺍ ﻟﺒﻌﺾ ... ﺑﻌﺪﻳﻦ ﺟﻲ ﻟﺴﻼﻑ ﺻﺎﻓﺤﻬﺎ : ﺗﺸﺮﻓﺖ ﺑﻤﻌﺮﻓﺘﻚ ..
ﺳﻼﻑ ﺍﺑﺘﺴﻤﺖ ﺑﺄﻟﻢ : ﺍﻧﺎ ﺍﻛﺜﺮ ...
ﺷﺒﺢ ﻟﻨﻮﺭﺍﻥ ﺟﺎﻫﺎﻭﻣﺪ ﻳﺪﻩ : ﺭﺑﻲ ﻳﺒﺎﺭﻙ ﻓﻌﻤﺮﻙ .. ﻣﻌﺮﻭﻓﻚ ﻣﻌﺎﻱ ﻟﻴﻦ ﻧﻤﻮﺕ ﻣﺎﻧﻨﺴﺎﻩ ..
ﺻﺎﻓﺤﺎﺗﻪ ﻭﻗﻠﺒﻬﺎ ﻳﻨﺰﻑ ﻣﻦ ﺍﻷﻟﻢ ﺍﺧﻔﺖ ﻫﺬﺍ ﻛﻠﻪ ﺑﺄﺑﺘﺴﺎﻣﻪ : ﺍﻟﺤﻤﺪﻟﻠﻪ ﺭﺩﻳﺖ ﻟﻬﻠﻚ ﻭﺍﺣﺒﺎﺑﻚ ... ﻭﺑﺮﺿﻮ ﺍﻧﺖ ﻟﻚ ﻣﻌﺮﻭﻑ ﻋﻠﻴﻨﺎ ..
ﻋﻼﺀ ﺍﺑﺘﺴﻢ : ﻧﺸﻮﻓﻚ ﻉ ﺧﻴﺮ ..
ﻧﻮﺭﺍﻥ : ﺭﺑﻲ ﻳﺴﻌﺪﻙ ...
ﻋﻼﺀ ﻃﻠﻖ ﻳﺪﻫﺎ ...
ﻭﻣﺸﻮﺍ ﻛﻠﻬﻢ ﻭﻛﻨﺎﻧﻪ ﺷﺎﺩﻩ ﻓﻲ ﻳﺪ ﻋﻼﺀ ...
ﻭﻧﻮﺭﺍﻥ ﻛﺎﻧﺖ ﺗﺸﻮﻓﻠﻬﻢ ...
ﻭﺍﻛﺮﻡ ﻭﺳﺎﺭﻩ ﻳﺸﻮﻓﻮﻟﻮﻫﺎ ...
ﻓﻲ ﺍﺧﺮ ﺍﻟﻄﺮﻳﻖ ﺍﻟﺘﻔﺖ ﻋﻼﺀ ﺷﺒﺤﻠﻬﺎ ... ﻭﺍﺷﺮﻟﻬﺎ ﺑﻴﺪﻩ 🖐 ﻭﻛﻨﺎﻧﻪ ﺣﺘﻰ ﻫﻲ ... ﻫﻲ ﺍﺑﺘﺴﻤﺖ ﻭﺭﺩﺗﻬﺎﻟﻬﻢ ...
ﻣﺸﻮﺍ ..
ﻣﺠﺮﺩ ﻣﺎﺍﺧﺘﻔﻮﺍ ﺧﺪﺕ ﻧﻔﺲ ﻋﻤﻴﻖ ...
ﺳﻼﻑ : ﻧﻮﺭﺍﻥ ﻫﻴﺎ ...
ﻧﻮﺭﺍﻥ : ﺍﺭﺟﻲ ... ﺗﻮﺟﻬﺖ ﻟﻠﻤﻜﺎﻥ ﺍﻟﻠﻲ ﻳﺸﻮﻓﻮﺍ ﻣﻨﻪ ﻓﻲ ﺍﻟﻄﻴﺎﺭﺍﺕ ﻭﻫﻲ ﺑﺘﻘﻠﻊ ...
ﻟﺤﻘﻮﻫﺎ ﺍﻛﺮﻡ ﻭﺳﻼﻑ ...
ﻭﺻﻠﺖ ﻓﻴﻪ ... ﻟﻘﺖ ﺍﻟﻄﻴﺎﺭﻩ ﻛﻴﻒ ﺑﺎﺩﻳﻪ ﺗﻤﺸﻲ ﻭﺗﺴﺘﻌﺪ ﻟﻸﻗﻼﻉ ...
🍃 ﻭﻳﻦ ﻣﺎﺷﻲ ... ﻛﻴﻒ ﻫﻜﻲ ... ﻛﻴﻒ ﻳﻤﺸﻲ ﺑﺒﺴﺎﻃﻪ ﻫﻜﻲ ...
ﺑﻌﺪ ﻗﻠﺒﻬﺎ ﺗﻌﻠﻖ ﺑﻴﻪ ... ﻭﺭﻭﺣﻬﺎ ﻭﻟﺖ ﻓﻴﻪ ﻭﻭﻻ ﺍﻫﻢ ﺷﻲ ﻓﺤﻴﺎﺗﻬﺎ ..
ﻳﻤﺸﻲ ﻭﻳﺨﻠﻴﻬﺎ ﺑﺒﺴﺎﻃﻪ ﻫﻜﻲ !!
ﺑﺲ ﻣﺎﻛﺎﻥ ﻓﻲ ﺷﻲ ﺑﻴﻨﺎﺗﻬﻢ . ؟؟
ﺻﺢ ﻣﺎﻛﺎﻥ ﻓﺸﻲ ﺑﻴﻨﺎﺗﻬﻢ ﺑﺲ ﻫﻲ ﻋﺸﻘﺎﺗﻪ !!.
ﻫﻲ ﻋﺸﻘﺖ ﻛﻤﺎﻝ ﻣﺶ ﻋﻼﺀ ... ﻓﻲ ﻓﺮﻕ ...
ﻭﻳﻦ ﺍﻟﻔﺮﻕ ﻫﻤﺎ ﻭﺍﺣﺪ؟ !!
ﻻ ﻣﺶ ﻭﺍﺣﺪ ﻛﻤﺎﻝ ﺷﺨﺺ ﻭﻋﻼﺀ ﺷﺨﺺ ﺗﺎﻧﻲ ...
ﺑﺲ ﺷﻦ ﺑﻴﻔﻬﻢ ﻗﻠﺒﻬﺎ ﻭﻳﺨﻠﻴﻪ ﻳﻔﺮﻕ ... ﺍﻟﻘﻠﺐ ﺷﻦ ﺣﻴﻔﻬﻢ .. ﺍﻟﻘﻠﺐ ﺣﺐ ﻭﺩﺍﺏ ﻭﺗﻌﻠﻖ ﺑﺸﺨﺺ ﻣﺶ ﺑﺈﺳﻢ ... ﻭﺍﻟﺮﻭﺡ ﻭﻟﺖ ﻓﻴﻪ ﻫﻮ ... ﺑﻐﺾ ﺍﻟﻨﻈﺮ ﻋﻦ ﺍﺳﻤﻪ ﻭﻣﻦ ﻳﻜﻮﻥ ...
ﻃﺎﺭﺕ ﺍﻟﻄﻴﺎﺭﺓ ... ﻭﺭﻭﺣﻬﺎ ﺭﺍﺣﺖ ﻣﻌﺎﻩ ...
ﺍﻟﺘﻔﺖ .... ﺍﻛﺮﻡ ﻭﺳﻼﻑ ﻳﺸﻮﻓﻠﻬﺎ ...
ﺷﺒﺤﺖ ﻓﻮﻕ ﺑﻌﻴﻮﻧﻬﺎ ﻟﻤﺪﻣﻌﻪ ...
ﺑﻌﺪﻳﻦ ... ﻃﺎﺣﺖ ﻣﻦ ﻃﻮﻟﻬﺎ ...
🎶💔 ﺑﻌﺪ ﻣﺎ ﺍﺭﺗﺎﺣﺖ ﺭﻭﺣﻲ ﻟﻴﻚ
ﻭﻋﺮﻓﺖ ﻃﻌﻢ ﺍﻟﺪﻧﻴﺎ ﺑﻴﻚ
ﻣﺸﻴﺖ ﺧﻼﺹ ﻭﻣﺎﻗﻠﺘﻠﻴﺶ ﺍﻧﺎ ﺍﻋﻤﻞ ﺍﻳﻪ ..
ﺗﻨﺴﺎﻧﻲ ﻟﻴﻪ ﺑﺎﻟﻠﻪ ﻋﻠﻴﻚ ..
ﻭﺍﻧﺎ ﻗﻠﺒﻲ ﺣﻴﺎﺗﻮ ﻭﺭﻭﺣﻮﺍ ﻓﻴﻚ ..
ﻭﺍﺯﺍﻱ ﺣﻴﺠﻴﻠﻮﺍ ﺣﺒﻴﺒﻲ ﻧﻮﻡ ﻟﻮ ﻣﺶ ﻻﻗﻴﻚ ..
ﺍﻧﺎ ﻗﻠﺒﻲ ﻛﻨﺖ ﺑﺨﺎﻑ ﻋﻠﻴﻪ ..
ﺷﻔﺘﻚ ﻣﺎﻋﺮﻓﺶ ﺟﺮﺍﻟﻲ ﺍﻳﻪ ..
ﺣﺒﻴﺖ ﻭﺧﻼﺹ ﻣﺎﺣﺴﺒﺘﻬﺎﺵ ﻭﻻﻗﻠﺖ ﻟﻴﻪ ..
ﻛﺎﻥ ﺣﻠﻢ ﺩﺍ ﻭﻻ ﻛﺎﻥ ﺧﻴﺎﻝ ..
ﻻ ﺍﺭﺗﺤﺖ ﻭﻻﺑﻴﺮﺗﺤﻠﻲ ﺑﺎﻝ
ﺭﻳﺤﻨﻲ ﻭﻗﻮﻟﻲ ﺍﺯﺍﻱ ﺍﻟﺒﻌﺪ
ﺍﺋﺪﺭ ﻋﻠﻴﻪ ....
... ﻳﺘﺒﻊ ...
ﺍﻟﺠﺰﺀ ﺍﻷﺧﻴﺮ تفاعل ضعيف
