အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 5

Unicode...

"အာ ဦး​လေး ကျွန်​တော့်ကို​ပေး...ကျွန်​တော်သယ်​ပေးမယ်"

မိုးအံ့ကိုကို ​ဦးတိုးခိုင်ဆီက​ရေပုံးကို လက်လွှဲယူလိုက်သည်။

"အားနာစရာကွာ"

"မဟုတ်တာပဲ...ဒါ​တွေက ကျွန်​တော်တို့အိမ်မှာလည်းလုပ်​​နေကျကို...အိမ်​ရှေ့​ရေဖျန်းဖို့မလားဗျ"

"​အေးကွဲ့"

သည်လိုနှင့် ​အိမ်​နောက်​ဖေးက​နေ အိမ်​ရှေ့ကို​ရေပုံးသယ်လာခဲ့သည်။ ဦးတိုးခိုင်က​တော့ ဟိုတ​လောကဖြစ်ခဲ့တဲ့ကိစ္စကို ​မေ့ချင်ပါ​သော်လည်း မိုးအံ့ကိုကိုကိုမြင်တိုင်း ပြန်အမှတ်ရသည်ချည်း...။

သို့​ပေမဲ့ မြို့ကြီးသားအုပ်စုက ထို​နေ့ညကစပြီး သူ့အ​ပေါ်ဘာတစ်ခုမှ မ​ကောင်းတာမလုပ်ခဲ့သလို သူ့ကို​တွေ့တိုင်း သုံး​ယောက်စလုံး​ဖော်​ဖော်​ရွေ​ရွေပင်ရှိသည်။ မြို့သား​တွေက ဒီလိုအကျင့်စရိုက်ခွဲ​တွေရှိတာပဲလားဟူ၍ ​ဦးတိုးခိုင်ကိုယ့်ကိုကိုယ်​မေးခွန်းထုတ်​နေမိသည်။

"​ကျေးဇူးပဲသား​ရေ"

"ဟုတ်ရပါတယ်ဗျ...ဒါနဲ့​လေ ဦး​လေး ကျွန်​တော်တစ်ခု​လောက်​​မေးမလို့...ဒီက​နေရွာဦး​ကျောင်းကိုသွားရင် ဘယ်လမ်းကသွားရမလဲဗျ"

"ရွာဦး​ကျောင်းသွားမလို့လားကွ...​နေဦး​နေဦး ...ဟို​ကောင်ဝင်းခိုင်ကိုလိုက်ပို့ခိုင်းလိုက်မယ်...ခဏ​စောင့်​နော်"

ဦးတိုးခိုင် သစ်ပင်များကို​ရေ​လောင်း​နေရာမှ အိမ်ထဲကိုပြန်ဝင်သွားသည်။ ထို့​နောက် သားဖြစ်သူ​နောင်ဝင်းခိုင်နှင့်အတူ ပြန်ထွက်လာ၏။ ​နောင်ဝင်းခိုင်ဆိုသည့် ငါးခူပြုံးကြီးမှာ အခုမှအိပ်ရာထလာသည့်ပုံစံ။ အင်္ကျီ​တွေ ပုဆိုး​တွေ​ကြေမွ​နေပြီး ​ခေါင်းကလည်းစုတ်ဖွား...။

"လာလာ သွားမယ်"

စိတ်မပါသည့်​လေသံနှင့် မိုးအံ့ကိုလက်ယက်​ခေါ်ပြီး​နောက် ခြံဝင်းထဲက​နေအရင်ထွက်သွားသည်။ မိုးအံ့လည်းသူ့​နောက်က​နေ အသာ​လေးလိုက်လာခဲ့၏။

မနက်ခင်း​စော​စော ​နေထွက်စအချိန်ဖြစ်၍ ရွာထဲတွင် ပဲပြုတ်လည်​ရောင်းသူက​ရောင်း၊ အထိုင်​ဈေး​ရောင်းသူက​ရောင်း၊ ထို​​ဈေးဆိုင်များတွင်လည်း မနက်စာလာစားကြသူများနှင့် ပြည့်နှက်​နေသည်။ လယ်ထဲဆင်းဖို့ပြင်ဆင်ကြသူများနှင့် ​ရေတွင်းများတွင် ​ရေခပ်သွားဖို့​ရေအိုး ​ရေထမ်းပိုး ကြီးငယ်သယ်လာကြသူများကလည်း ရွာလမ်းများတွင် ကွက်စိပ်စိပ်​တွေ့ရသည်။