အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 24

Unicode...

ဘုံတလုတ်ရွာတွင် အ​ခြေတကျရှိလာ​သောမိုးအံ့ကိုကိုမှာ တစ်​နေ့တစ်ခြားရွာသားတစ်​ယောက်နှင့် ဆင်တူလာခဲ့သည်။ ရွာထဲကလူများလည်း မိုးအံ့ဆိုတာနဲ့ ယုံကြည်စိတ်ချအားကိုးလို့ရသည့် ကာလသားတစ်​ယောက်ဟုပင် သတ်မှတ်ထားထားကြလေပြီ။

ထိုယုံကြည်မှုများက ရွာသားများအ​ပေါ်အတိတ်ကကျူးလွန်မိ​သောပြစ်မှုများကို ဖုံးကွယ်လွှမ်းမိုးနိုင်သည်အထိပင်။ ကိုယ်ပိုင်စီးပွား​ရေးသာမက ​နောက်ထပ်အလုပ်တစ်ခုလည်း ထပ်​ဆောင်းရရှိခဲ့​သေးသည်။ ​ကျောက်ပန်း​တောင်းရှိ ​ဖောက်သည်ဆိုင်များကို ထန်းလျက်မျိုးစုံပို့ရ​သောအလုပ်။

​ဒေါ်​ဒေါ်တို့ထန်းလျက်ဖိုက အပတ်စဉ်အဖိတ်​နေ့နှင့်ဥပုသ်​နေ့များတွင် ယူ​နေကျအသည်များဆီပို့​လေ့ရှိသဖြင့် ထိုအလုပ်ကိုကိုယ်ပိုင်ဆိုင်ကယ်​လေးရှိ​​သော မိုးအံ့ကအလွယ်တကူရရှိခဲ့​လေသည်။

ယခင်က ပိုင်ရှင်ကိုယ်တိုင်ကြုံရာကားစီးပြီး သွားပို့ရသဖြင့် ​​အခက်အခဲများစွာရှိ​တာ​ကြောင့် မိုးအံ့ကိုအကူအညီ​တောင်းရာမှ အလိုက်သင့်သွားခြင်းဖြစ်သည်။ မိုးအံ့လည်း​နေ့တိုင်း​ဈေးသွားတာမို့ အမြဲလမ်းကြုံသည်​။

ဒီ​နေ့​ ဈေးကို​မိုးမလင်းခင်ကတည်းက​​ရောက်​နေသည်။ ဥပုသ်​နေ့ဖြစ်သဖြင့် ​ဈေး​ရောက်​ရောက်ချင်း ထန်းလျက်​ဖောက်သည်များဆီသွား​ပေးပြီး ​ဈေးထွက်ဖို့အတွက် ဝယ်စရာရှိတာများ ဝယ်ခြမ်းသည်။

ထို့​နောက် Fengနှင့်​တွေ့ဖို့ချိန်းထား​​တာ​ကြောင့် ကြံရည်ဆိုင်သို့ ဦးတည်လိုက်၏။ Fengနှင့်မ​တွေ့ရတာ နှစ်လ​ကျော်ပြီဖြစ်သည်။ ​နောက်ဆုံးအကြိမ်​​တွေ့ပြီးကတည်းက Fengက​ပျောက်ခြင်းမလှ​ပျောက်သွားပြီး အဆက်အသွယ်ပင်မလုပ်။

မှိုင်းညို့နဲ့​တော့ အဆက်အသွယ်ရှိကြသည်။ စကားအသွားအလာများအရ သူတို့နှစ်​ယောက်ဆက်ဆံ​​ရေးက အဆင်​ပြတာထက်ပိုကဲ​နေမှန်း သိသာသည်။ ထို့​ကြောင့် အဆက်အသွယ်မရှိ​သော်လည်း Fengအ​ပေါ်ယုံကြည်စိတ်ချပြီး ​စောင့်စားခဲ့သည်။