Unicode...
ညီမဖြစ်သူကို ပေးစရာရှိလို့ခေါ်လိုက်ပါတယ်...။ ဒင်းကနောက်ရက်မှလာခဲ့မယ်တဲ့...။ ကိုယ့်အစ်မကို ဘယ်လိုသဘောထားလိုက်သလဲလေ။ ကြားလို့ကောင်းပါသေးရဲ့လား။ အဲလိုဒေါသထွက်ပြန်ရင်လည်း ကုသိုလ်ရေးလုပ်နေတဲ့လူကို ခေါ်ခိုင်းတဲ့လူကပဲ ငရဲရပါတယ်...။
ဒေါ်မြတစ်ယောက် မိုးအံ့ကိုကိုပြောသမျှကို ပြန်တွေးရင်း တနုံ့နုံ့ဖြစ်နေရှာသည်။ သူ့ညီမ ငုတုဆိုတာ သူတစ်ခွန်းဆိုရင် တစ်ခွန်းပြီးတတ်သည့်လူစားမျိုး။ ပြီးတော့ အခုခေါ်လိုက်တာကလည်း အိမ်ကဟင်းကောင်းချက်လို့ ဒင်းကိုပေးဖို့။
ဒင်းပြောသလို နောက်ရက်အိမ်လာမှပဲ ဒီကိစ္စကိုရှင်းရမည်။
"ဒေါ်ဒေါ်မြ...ဒေါ်ဒေါ်မြ!"
သူ့အတွေးနှင့်သူ ဒေါသဖြစ်နေတာမို့ ဒေါ်မြ သူ့နာမည်ခေါ်နေတာကို သတိမထားမိ။ မိုးအံ့ကိုကိုက လေသံကိုမြှင့်လိုက်တော့မှ လက်ရှိအခြေအနေဆီပြန်ရောက်တော့သည်။
"ဪ...ဘာလဲ သားလေး"
"အာ ဒီရွာနဲ့အနီးဆုံးရွာက ဘယ်ဘက်ကနေသွားရတာလဲမေးမလို့ပါ"
"ဒီရွာနဲ့အနီးဆုံးဆို သပြေအုတ်ရွာပဲကွဲ့... ရွာ့တောင်ပိုင်းကနေထွက်ရတယ်"
"ဟုတ်ကဲ့ ကျေးဇူးပါဗျ"
"ဘာလို့လဲ သားလေးရဲ့အမြွှာအစ်ကိုကိုရှာဖို့များလား"
"ဟုတ်တယ်ဗျ...ဒီရွာမှာ မရှိတာလည်းသေချာသလောက်ရှိနေပြီးတော့ သူကြီးတို့လည်းမအားဘူးလေ...အဲတော့ ကျွန်တော် အဲဘက်ရွာသွားရှာရင်ကောင်းမလားလို့ပါ"
"အေးကွယ်...အားနာစရာတွေပါ...သားတို့ကိစ္စကို ရွာကလူတွေဂရုမစိုက်နိုင်ဖြစ်နေရတာ...ဒီလိုလုပ်ကွဲ့...မနက်ဖြန်ကျရင် ဝင်းခိုင်ကိုလိုက်ပို့ခိုင်းလိုက်မယ်"
မိုးအံ့ကိုကိုက ချက်ချင်းငြင်းဆန်သည်။
"အာ မဟုတ်တာရပါတယ် ဒေါ်ဒေါ်မြရဲ့...ကျွန်တော်တို့ဘာသာသွားလိုက်ပါ့မယ်...အတွေ့အကြုံသစ်လိုချင်လို့ပါ...ကိုနောင်ဝင်းခိုင်လည်း သူ့အလုပ်သူရှိမှာပေါ့"
YOU ARE READING
အမြွှာရှာပုံတော်မှ အစချီ... | အႁမႊာရွာပုံေတာ္မွ အစခ်ီ...
General Fictionဘုံတလုတ်ရွာလေးက အလိမ်အညာဇာတ်လမ်းလေးတစ်ပုဒ်ဟာ လေးနက်တဲ့ချစ်ခြင်းတရားတစ်ခုအဖြစ် အသွင်ပြောင်းသွားတဲ့အခါ... ဘုံတလုတ္႐ြာေလးက အလိမ္အညာဇာတ္လမ္းေလးတစ္ပုဒ္ဟာ ေလးနက္တဲ့ခ်စ္ျခင္းတရားတစ္ခုအျဖစ္ အသြင္ေျပာင္းသြားတဲ့အခါ... First Chapter Published : Jul...
