Unicode...
"ဘာ!!"
စားပွဲကိုအားနှင့်ရိုက်ချကာ အာခေါင်းသံနှင့်အော်လိုက်တာမို့ ဘေးနားတွင်ရပ်နေသောလူကြီးနှစ်ယောက် တုန်ခနဲဖြစ်သွားသည်။ Feng ဟက်ခနဲရယ်ကာ မဲ့ပြုံးပြုံးလိုက်၏။
"ဒင်းက ရွာဇနပုဒ်လေးမှာ လာပုန်းနေတယ်ပေါ့"
"ကျွန်တော်တို့ ခေါ်လာခဲ့ရတော့မလား မမလေး"
"မခေါ်နဲ့ ဒီတိုင်းစောင့်ကြည်နေ...ငါဒီကောင့်ကို ပြန်ကပ်မယ်...ဦးဒီပဆီကိုလည်း ရောက်မလာဘူးဆိုတော့ ဒီကောင့်ဆီမှာရှိတာ သေချာတယ်...ဒီကောင် ကျောက်ပန်းတောင်းကိုသွားတဲ့အချိန် ငါ့ကိုဖုန်းဆက်"
"ဟုတ်ကဲ့ပါ မမလေး"
Feng ကြိမ်ထိုင်ခုံပေါ်ကထလိုက်ပြီး ဝရံတာတံခါးကိုဖွင့်လိုက်သည်။ အံကိုတင်းတင်းစေ့ရင်း ပုဂံမြေ၏ ပန်းချီကားချပ်အသွင် သာယာလှပမှုကို မျှော်ကြည့်မိသည်။
ဒီပုဂံမြို့ဟောင်း၏အလှတရားများကို အနုပညာသမားတို့က သူတို့ကျွမ်းကျင်ရာပုံစံကိုယ်စီဖြင့် ပုံဖော်ချီးမွမ်းပေလိမ့်မည်။ သာမန်လူများအတွက် ပုဂံဟာ လည်စရာပတ်စရာ၊ လေ့လာစရာသမိုင်းအထောက်အထားများနှင့် ပြည့်နှက်နေသည့်ဒေသတစ်ခုဖြစ်လိမ့်မည်။ သို့သော် Fengအတွက်တော့ အလုပ်ကိစ္စတစ်ခုထက်မပိုခဲ့။
Fengသည် တရုတ်-ဗမာစပ် ကပြားအမျိုးသမီးတစ်ယောက်ဖြစ်သည်။ တရုတ်လူမျိုးဖခင်ကြောင့် ငယ်စဉ်ကတည်းက ဒုစရိုက်လုပ်ငန်းများစုဝေးရာတွင် ကျင်လည်ခဲ့ရသူဖြစ်၏။ အခုလည်း ဦးဒီပနှင့်အလုပ်ကိစ္စဆွေးနွေးစရာရှိ၍ ပုဂံမြို့ဟောင်းက ဦးဒီပပိုင်သည့်ဟိုတယ်တွင် တည်းခိုနေခြင်း။
ကျောက်ပန်းတောင်းရှိ လက်ခွဲတစ်ခုက မထင်မှတ်ထားပါဘဲ မိုးအံ့ကိုကိုအားတွေ့တယ်ဆို၍ Fengကိုယ်တိုင် လိုက်လာပြီး စုံစမ်းအတည်ပြုခဲ့သည်။
အနှစ်နှစ်အလလရှာဖွေနေသောလူအား တွေ့ရှိသဖြင့် အောင်နိုင်သူတစ်ယောက်လိုပြုံးလိုက်ကာ စေတီပုထိုးများကြား ပျောက်ကွယ်သွားသော နေမင်းကြီးကိုကြည့်နေလိုက်သည်။
YOU ARE READING
အမြွှာရှာပုံတော်မှ အစချီ... | အႁမႊာရွာပုံေတာ္မွ အစခ်ီ...
General Fictionဘုံတလုတ်ရွာလေးက အလိမ်အညာဇာတ်လမ်းလေးတစ်ပုဒ်ဟာ လေးနက်တဲ့ချစ်ခြင်းတရားတစ်ခုအဖြစ် အသွင်ပြောင်းသွားတဲ့အခါ... ဘုံတလုတ္႐ြာေလးက အလိမ္အညာဇာတ္လမ္းေလးတစ္ပုဒ္ဟာ ေလးနက္တဲ့ခ်စ္ျခင္းတရားတစ္ခုအျဖစ္ အသြင္ေျပာင္းသြားတဲ့အခါ... First Chapter Published : Jul...
