အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 21

Unicode...

"ဒါ​လေးကိုမှတ်ထား​​ပေး​နော် သား​​လေး... ​နောက်​မှ​ပေးမယ်သိလား...ဟင်းဟင်း"

"အာ ရပါတယ်ဗျ...မှတ်ထား​ပေးမယ်​နော်"

မိုးအံ့က​တော့ အ​ကြွေးသမား​တွေကို ချိုချိုသာသာဆက်ဆံပြီး လိုက်လိုက်​လျော​လျော​ပေးလိုက်​ပေမဲ့ မိန့်မိန့်ကြီးထိုင်​နေတဲ့သာမိုးဈာန်က​တော့ ရှုံ့မဲ့လို့​နေသည်။ အ​ကြွေးစာအုပ်ကိုရင်ဝယ်ပိုက်လျက် ဆိုင်​ရှေ့ကအ​ကြွေးယူမဲ့အသံကိုနားစွင့်ခြင်းက သာမိုးဈာန်ရဲ့အလုပ်လိုဖြစ်လာ၏။

အခုလည်း ဝယ်သွားတဲ့အမျိုးအမည်နဲ့လူကို ​သေချာလိုက်ကြည့်ပြီး စာအုပ်ထဲတွင်ချ​ရေးလိုက်သည်။ ​အစကမှ အမြတ်မထွက်​သေးလို့စိတ်ဓါတ်ကျ​နေရတဲ့အထဲ တစ်​နေ့တစ်​နေ့တိုးလာတာက ​ရောင်းရတဲ့အ​ရေအတွက်မဟုတ်ဘဲ ​အ​ကြွေးယူတဲ့လူများဖြစ်​နေ၏။

မိုးအံ့ဆိုင်​ရှေ့တွင်လူရှင်း၍ အ​နောက်ဘက်လာပြီးအ​မော​ဖြေတုန်း အ​ကြွေးစာအုပ်ကြီးကို​တွေ့သဖြင့် ပြုံးလိုက်​သေးသည်။ ကိုကိုသာမိုးပုံစံက အ​ကြွေးရှင်မိန်းမကြီးများလို အိမ်​ပေါက်​စေ့လှည့်​တောင်းပြီး အ​ကြွေးမရရင် ​အော​ကြောလန်​အော်မည့်ပုံ။ ဒါ​ပေမဲ့ ကိုကိုသာမိုးက ချစ်ဖို့​ကောင်းသည်။

"ကိုကိုသာမိုးရာ...အဲစာအုပ်ကြီး​တော့ပိုက်မထားပါနဲ့... သူများ​တွေမြင်ရင် တစ်မျိုးထင်ကုန်ဦးမယ်"

"ဪ ထင်ပါ​စေ...အ​ကြွေး​ရှိရက်​တော့ မှတ်ရမှာပဲ"

​ဘောက်ဆက်ဆက်က​လေးပြန်​ပြော​တော့ အူမယားဘဲမ​နေနိုင်သူက မိုးအံ့ကိုကို။ ထို့​ကြောင့် ကိုကိုသာမိုးပါးကို ဆွဲဖဲ့ပစ်လိုက်သည်။ ဒါလည်းအ​မော​​ပြေခြင်းတစ်မျိုး။

"မိုးအံ့...​ဈေးဝယ်လာ​နေတယ်...ဒီရွာကမဟုတ်သလိုပဲ"

ကိုကိုသာမိုးက ​ရှေ့ကိုသာမျှော်ကြည့်ရင်း သူ့ကိုသတိ​ပေး​တော့ မိုးအံ့ကိုကိုလည်း လိုက်ကြည့်မိသည်။ ထို့​နောက် ချက်ချင်းမျက်နှာပျက်သွား၏။ ကိုကိုသာမိုးမရိပ်မိခင် ဒီတရုတ်​တွေကို မြန်မြန်ရှင်းမှဖြစ်မည်။