အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 14

Unicode...

နွား​ကျောင်းအပြီးတွင် မိုးကိုဆွဲပြီး စိတ်မပါတပါနှင့်အိမ်ကိုပြန်ခဲ့သည်။ အိမ်သို့ပြန်​ရောက်​သော် မထင်မှတ်ဘဲ မြို့ကြီးသားကို​တွေ့လိုက်ရ၍ အနည်းငယ်​တော့ ဝမ်းသာမိ၏။

မြို့ကြီးသားကလည်း သူ့ကို​တွေ့​တော့ ပြုံးပြပါသည်။

"ကိုကိုသာမိုး နွား​ကျောင်းပြန်လာတာလား...ကျွန်​တော် ကိုကိုသာမိုးကို​ပြောစရာရှိလို့ ခဏ​လောက်လိုက်ခဲ့​ပေးပါလား"

သာမိုးဈာန် နွားကြီးကိုတိုင်တွင်ချည်ရင်း ​ခေါင်းညိတ်လိုက်သည်။ သူလည်းပဲ မြို့ကြီးသားကို ​ပြောစရာ ရှိသည်​လေ။ သူ့ခံစားချက်တစ်စွန်းတစ်စ​ပေါ့။

"အ​မေ...သား ရွာထဲခဏသွားလိုက်ဦးမယ်"

အိမ်အ​ပေါ်ထပ်က အ​မေကြား​အောင်​အော်ခဲ့ပြီး ပုဆိုးကိုပြင်ဝတ်ကာ မြို့ကြီးသားကိုသွားဖို့ ​မေး​ငေါ့ပြသည်။ မြို့ကြီးသားက သူ့လက်ကိုဆုပ်ကိုင်လာ​တော့ ချက်ချင်းငြင်းဆန်မိ၏။ သူများ​တွေမြင်လို့မ​ကောင်းပါဘူး​လေ။

မြို့ကြီးသားလည်း နားလည်​ပါသည်။ ​နောက်တစ်ခါထပ်မကိုင်​တော့ဘဲ သူ့​ဘေးက​နေသာ ​ခြေလှမ်းစိပ်စိပ်ဖြင့်​လျှောက်သည်။

"ဘယ်ကိုသွားမှာလဲ မြို့ကြီးသား"

"ဟိုတစ်ခါ ကိုကိုသာမိုး ကျွန်​တော့်ကို​ခေါ်သွားတဲ့ထန်း​တောဘက်​လေ"

"မိုးချုပ်​နေပြီ​နော်...ဒီအချိန်ဆို အဲဘက်ခြင်​တွေ​ပေါတယ်"

"ဒါဖြင့် ကိုကိုသာမိုး ဘယ်ကိုသွားချင်လဲ...လူ​ခြေတိတ်ဆိတ်ပြီး နှစ်​ယောက်တည်းရှိလို့ရမဲ့​နေရာဖြစ်ရင်ပြီး​ရောဗျာ"

သာမိုးဈာန် အနည်းငယ်စဉ်းစားပြီး​နောက် ​နေရာတစ်ခုမျက်လုံးထဲ​ပေါ်လာသည်။ အခြား​တော့မဟုတ်။ ရွာထိပ်က​ရေကန်ကြီး...။

"ရွာ​ရေကန်​ဘေးသွားရ​အောင် မြို့ကြီးသား...ခုချိန်ဆို ​ရေချိုးတဲ့သူ​တွေမရှိ​တော့ဘူး"

"အို​ခေ​လေ သွားကြတာ​ပေါ့"

သို့နှင့် ​ခြေလှမ်းတို့ရဲ့ ဦးတည်ရာကို ​ဘက်​ပြောင်းရ​တော့သည်။ ထန်း​တောနှင့်​ရေကန်က အ​ရှေ့နဲ့အ​နောက်ကိုး။