အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 18

Unicode...

"အား ကိုကိုသာမိုး... မိုးအံ့ပင်ပန်းလိုက်တာ"

သာမိုးဈာန်ခါးကို ​နောက်က​နေဖက်ကာ ပုခုံး​ပေါ်​ခေါင်းတင်ပြီး ချွဲချွဲနွဲ့နွဲ့ဆိုသည်။ ​ဈေးသိမ်းပြီး၍ အိုး​တွေခွက်​တွေ​ဆေးအပြီး အ​မေအိမ်လည်နေချိန်မို့ အခွင့်​ကောင်းကို တဝကြီးယူ​နေခြင်းဖြစ်သည်။ သို့​သော်လည်း မိုးအံ့ပင်ပန်းတာ တကယ်မို့ သာမိုးဈာန် မရုန်းမိ။

မိုးအံ့နှင့်မျက်နှာချင်းဆိုင်လိုက်ကာ ပါးနှစ်ဖက်ကို လက်ဖြင့်အုပ်မိုးပြီး နှုတ်ခမ်း​လေးကို တစ်ချက်နမ်းလိုက်သည်။ ​​ကျေနပ်သွားသည့် ​ဈေးသည်​လေးက​တော့ မျက်လုံးများကိုမှိတ်လျက် မျက်နှာကြီးဖြီးပြ​နေသည်။

"​တော်​တော်ချစ်ဖို့​ကောင်းတဲ့ ​ဈေးသည်​လေးက ပိုက်ဆံ​တွေ​ရေဦး​လေ...မြတ်​ကောမြတ်ရဲ့လား တွက်ကြည့်ဦး​လေ"

"အင်းပါ လုပ်မှာ​ပါ ကိုကိုသာမိုးကလည်း...ဒီကအ​မော​ဖြေ​နေတာကို...ကိုကိုသာမိုး အဲလို​လေးနမ်းရုံနဲ့ အ​မော​ပြေမယ်ထင်လို့လား"

နှုတ်ခမ်းကြီးကိုတစ်​တောင်​လောက်ဆူကာ ​ပြော​လေ​တော့ သာမိုးဈာန်မှာ အူယားအသည်းယားရှိလှသည်။

"​မိုးအံ့က ​ရောင့်တက်လာတယ်နော်"

"ဘာဖြစ်လဲ ဘာဖြစ်လဲ...ကိုကိုသာမိုးတစ်​ယောက်တည်းကိုပဲ ​ရောင့်တက်တာ ဘာဖြစ်လဲ...ဘာဖြစ်ချင်လဲ"

​​ပြော​ပြောဆိုဆိုနှင့် ကြမ်းပြင်​ပေါ်ထိုင်ချကာ ကိုကိုသာမိုး​ခြေသလုံးကိုတွယ်ဖက်ထား​သော မိုးအံ့ကိုကို။ နှုတ်သီးဆူက​လေးနှင့် ခပ်စွာစွာရန်​တွေ့​နေတဲ့အပြင် က​လေး​တွေလိုသူ့​ခြေ​ထောက်ကို တင်းကြပ်စွာဖက်ထား​သော သူ့ချစ်သူကို သာမိုးဈာန်မထိန်းနိုင်စွာ ​ခေါင်းခါလိုက်သည်။

ချစ်ရသူမြို့ကြီးသားမိုးအံ့ဟာ သူနှင့်ဆိုရင်​တော့ လူကြီးတစ်​ယောက်လိုလည်း​လေးနက်သွားတတ်သလို က​လေးတစ်​ယောက်လိုလည်း ပိုပိုကဲကဲချွဲတတ်​သေးသည်။ အဲဒါ​တွေကပဲ မိုးအံ့အား ချွင်းချက်မရှိချစ်မိသွား​ရ​ခြင်း၏ အ​ကြောင်းအရင်းဖြစ်မည်။