အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 16

Unicode...

​ခေါက်ဆွဲပြုတ်ဘူးကို အလယ်တွင်ချ၍ နှစ်​ယောက်အပြိုင်​သောက်​နေရာမှ မိုးအံ့ကိုကို စတန့်ထွင်ကာ ​ခေါက်ဆွဲတစ်မျှင်ကိုဆွဲယူပြီး အစွန်းတစ်ဖက်ကို သူကကိုက်လိုက်သည်။ ကျန်တစ်ဖက်ကို ကိုကိုသာမိုးအားကိုက်ခိုင်းပြီး ဖြည်းဖြည်းစီစားရင်း ​မျက်နှာနှစ်ခုအားနီးကပ်​စေသည်။ ​နောက်ဆုံးစားစရာ​ခေါက်ဆွဲမျှင်မကျန်​တော့မှ ကိုကိုသာမိုးနှုတ်ခမ်းကိုထိတယ်ဆိုရုံနမ်းလိုက်ပြီး ကိုယ်ချင်းပြန်ခွာလိုက်သည်။

ထိုအချိန်တွင် ခြံ​ပေါက်ဝ၌ ​ရောက်​နေ​သော ​နောင်ဝင်းခိုင် ယင်းမြင်ကွင်းအား ​သေ​သေချာချာကြီးကြည့်ပြီး မျက်လုံးပြူး​နေ​လေသည်။ ​ခေါက်ဆွဲတစ်မျှင်​အား နှစ်​ယောက်လုစားခြင်းအမှုပြီးစီးသွားမှ သာမိုးဈာန်ခြံအပြင်ဘက်ကို အာရုံ​ရောက်သည်။

"​ဟော ဝင်းခိုင်...ဘယ်ကလှည့်လာတာတုံး"

​နောင်ဝင်းခိုင်တစ်​ယောက် ​ပြောစရာစကားများရှာမ​တွေ့၍ တံ​တွေးမြိုချရင်း ​ခြံဝန်းထဲတစ်လှမ်းချင်းစီဝင်လာခဲ့သည်။ ထို့​နောက် သူတို့နှစ်​ယောက်ကြားထဲက​ခေါက်ဆွဲပြုတ်ဘူးကိုကြည့်ပြီး ​အကြိမ်ကြိမ် တံ​တွေးမြိုချပြန်သည်။

မိုးအံ့ကိုကို ​နောင်ဝင်းခိုင်ကို​သေချာကြည့်​နေတာမို့ တလွဲသ​ဘော​ပေါက်ကာ ​လောကွတ်​ချော်​လိုက်၏။

"ကို​နောင်ဝင်းခိုင် ​ခေါက်ဆွဲစားချင်လို့လားဗျ...​ရော့​ရော့ အရည်​တွေ​ကျန်​သေးတယ်...​ခေါက်ဆွဲဖက်လည်း နည်းနည်းပါပါ​သေးတယ် ​ဟီးဟီး"

​မိုးအံ့လှမ်း​ပေး​သော ​ခေါက်ဆွဲဘူးကို လက်ကာပြပြီး ​အပီအပြင်ငြင်းသည်။ ​နောင်ဝင်းခိုင်အကြည့်များက ​ခေါက်ဆွဲပြုတ်ဘူးက​နေ သာမိုးဈာန်ရဲ့နှုတ်ခမ်းများဆီ​ရောက်သွားပြန်သည်။ နှုတ်ခမ်းတစ်ဝိုက် ​ချွေးများပြန်​နေပြီး နှုတ်ခမ်းများလည်းနီရဲ​နေတာကို အထူးအဆန်းကြည့်​နေခြင်းဖြစ်သည်။

"ခု ခုနက​လေ မင်းတို့ ဘာလုပ်ကြတာ"

​​အထစ်ထစ်အ​ငေါ့​ငေါ့ထွက်​​ပေါ်လာ​သော ​နောင်ဝင်းခိုင်ရဲ့စကားအဆုံး သာမိုးဈာန်​ တစ်ဖက်ကိုအကြည့်လွှဲပြီး အံကိုကြိတ်ထားမိသည်။ မမြင်သင့်တာ​တွေ ဒင်းမြင်သွားပြီ။