အမြွှာရှာပုံ​တော်မှ အစချီ... | အႁမႊာရွာပုံ​ေတာ္မွ အစခ်ီ...

Chapter 27

Unicode...

Note : အရင်ဆုံး အမြွှာ​ရှာပုံ​တော်​လေး Vote 1K ပြည့်သွားတဲ့အတွက် အားလုံးကို​ကျေးဇူးတင်ပါတယ်🙆🏻‍♀️❣
Updateမမှန်နိုင်ခဲ့တဲ့အချိန်​​တွေရှိတာ​တောင် ခုချိန်ထိလိုက်ပါ​ပေးကြတဲ့ စာဖတ်သူတစ်​ယောက်ချင်းစီကို အာဘွားတစ်သိန်းပါရှင့်😘😘
အောက်မှာ​​ရေးရင် မဖတ်ကြမှာစိုးလို့ အ​ပေါ်တက်​ရေးတာ ဟီးဟီး😁

.................................

မိုးအံ့ကိုကိုနှင့် သာမိုးဈာန်တို့ ပုဂံမြို့​ဟောင်းကိုလိုက်လာခဲ့ကြသည်။ အချိန်တိကျလွန်းတတ်​သော Fengက သူတို့​ရောက်ခါနီးတွင် ညစာအဆင်သင့်ဖြစ်​အောင်ပြင်ဆင်ခိုင်းထား၏။

လက်ညိုးထိုးမလွဲ ​စေတီပုထိုးများ၊ သစ်ပင်ခြံနွယ်များနှင့် မြေနီလမ်းတို့ လှပတင့်တယ်စွာ​​နေရာယူထား​​​သော ပုဂံမြို့​ဟောင်းတွင် ဝင်လုဆဲ​နေမင်းနီနီက ပို၍ခမ်းနား​စေရန် အားဖြည့်​ပေးထားသလို။

ထိုမြင်ကွင်းများကို အ​ပေါ်စီးက​နေမြင်နိုင်​​သော ဟိုတယ်၏အ​ပေါ်ဆုံးထပ်တွင် ​ညစာစားပွဲကို ခင်းကျင်းထား​လေသည်။ မှိုင်းညို့နှင့် Fengတို့က အသင့်ပြင်၍ မိုးအံ့တို့အလာကို​စောင့်​​နေကြသည်။

​ပုစွန်ဆီ​ရောင်​ကောင်းကင်ကြီးနှင့် ပုဂံမြို့​ဟောင်းတို့ကို ​​နေမင်းကြီးက ကျောခိုင်းကာ အလုံးစုံတိမ်​မြုပ်​ပျောက်ကွယ်သွားချိန်မှ မိုးအံ့တို့​ရောက်လာသည်။ မိုးအံ့​ရော သာမိုးဈာန်ပါ ရှပ်အင်္ကျီလက်ရှည်အဖြူနှင့် ပုဆိုးအညို​ရောင်ကိုယ်စီဝတ်ထားကြသည်။

"​​ရောက်လာပြီလား ထိုင်ကြထိုင်ကြ"

မှိုင်းညို့ကဦး​ဆောင်ပြီး ထိုင်ခိုင်း​​တော့ စားပွဲ၏တစ်ဖက်တွင် မိုးအံ့နှင့်သာမိုးဈာန်တို့ ​နေရာယူလိုက်သည်။ မျက်နှာချင်းဆိုင်တွင်​​တော့ Fengနှင့် မှိုင်းညို့တို့ဝင်ထိုင်ကြ၏။

Fengက အချက်ပြလိုက်​တော့ အသင့်​စောင့်ဆိုင်း​နေ​သော Waiterများက ဟင်းပွဲများကို ယူလာ​ပေးကြသည်။

"ကိုကိုသာမိုးဈာန် ကျွန်​တော့်ကိုမှတ်မိတယ်မလား"

မှိုင်းညို့ကအရင် စကားဝိုင်းကိုစလိုက်သည်။ သာမိုးဈာန်က​ ပြုံးပြီး​ခေါင်းညိတ်ပြသည်။