♡حب داخل المافيا♡

part: 22

♡ حب داخل المافيا ♡
الحلقه:22
للكاتبه/منه محسن[Milly]
# Love_inside_the_mafia
#Menna_mohsen
#Milly
ليندا وكاظم ماشيين قريب من البيت اللى قاعدين فيه رزان والباقيين.
ليندا رفعت راسها واتنفست بعمق وبصتله بابتسامه خفيفه بتحاول تخرجه من اللى هو فيه:الجو هنا خيالى..جرب كده تاخد نفس عميق صدقنى هتحس براحه.
كاظم بصلها اللى يبص لملامحه مش هيقدر يفهم مشاعره ..
كاظم:توعدينى انه هيخرج؟
ليندا بصاله جملته ليها خلتها اتشتت خدت وقت عقبال ماستوعبتها.
كاظم:لو خدت نفس عميق هقدر اخرجه تانى؟
ليندا بصاله ومكنتش عارفه تقوله ايه هى فهمت من كلامه مدى الحزن والخنقه اللى هو فيها لدرجه انه بقى خايف النفس اللى بياخده فى اللحظه دى ميرجعش تانى.
ليندا وقفت وهو بصلها ولانها قربت جدا منه.
ليندا حطت ايدها ورا رقبته: ايه ده!
كاظم بصلها وهى مدتله زهره عباد الشمس اللى كانت فى ايدها وبصتله بأبتسامه:مش انت لوحدك اللى بتعمل خدع.
كاظم باصصلها ابتسم بخفه ومسك ايدها باسها وهى بصاله وبصت فى الارض بكسوف وبعدت ايدها عنه وهو باصصلها بابتسامه وقرب ملك وشها بين ايده:تعرفى انك الحاجه الوحيده اللى مصبرانى على الدنيا؟
ليندا بصاله وابتسمت وبعدت نظرها ووشها عنه:اا..نرجع؟
كاظم هز راسه بإيجاب لكن قاطعهم صوت مهران.
مهران بسعاده ظهرت فى ابتسامته وطريقته:ليندا..انتى مسافرتيش؟
ليندا بصتله بانتباه وكاظم كشر وغمض عيونه بضيق.
ليندا بصتله بابتسامه وسعاده وهو قرب حضنها وغمض عيونه بسعاده انا مبسوط اوى انى شوفتك..
كاظم شدها وبص لمهران بغضب:ورحمه امى لو قربت منها تتنى لولع فيك.
ليندا بصتله مهما حصل مش هيتغير هيفضل كاظم بشخصيته بكل حاجه يمكن اللى حصل من شويه اكدلها ان مش شويه حزن هما اللى هيمحوا شخصيته.
مهران:انت تسكت خالص ومتتكلمش معايا فاهم؟
كاظم بصله بغضب وجى يقرب يضربه ليندا وقفت قدامه بسرعه وحطت ايدها على صدره وبتبعده:كاظم معلش بلله عليك ده مش وقته..
كاظم باصله بغضب ومسك ايدها باسها ورفع حاجب واحد بابتسامه شيطانيه وكأنه بيثبتله انها ملكه.
مهران باصصله بغضب وهو خاد ليندا ومشيوا ورجعوا للبيت.
ليندا مبتسمه وبتكتم ضحكتها على تصرف كاظم رغم حزنه الا انه اختفى فى لحظات ورجع مكانه كاظم سلطان.
رزان بتبصلهم وبصت لليندا بابتسامه ساخره:ايه يا ليندا شيفاكى مبسوطه يعنى..كان بيقولك نكته؟
ليندا بصتلها وكاظم رد بغضب:وانتى مال اهلك.
رزان ضحكت بسخريه:لو مبطلتش طريقتك معايا انا هسجنك بتهمه الاعتداء على شرطيه..ده واحد ميستاهلش حد يضايق علشانه.
كاظم بصلها بغضب جى يتكلم چونى قاطعهم: خلاص بقى اللى انتوا بتعملوه ده..
مهران دخل وعدنان والكل بصوله معاده كاظم.
مهران بيبص حواليه وكأنه جاى علشان يشوف حد معين.. قرب جى يقعد جانب ليندا كاظم فرد رجله على الكنبه وهى بصتله.
كاظم باصص قدامه ومبصلوش حتى.
مهران ضحك بسخريه وقعد على الارض علشان يكون جنبها.
كاظم بصله بغضب وقامها قعدها فى اخر الكنبه وقعد جنبها بحيث يكون هو اللى جانب مهران مش هى.
رزان ملاحظه تصرفات كاظم اتنهدت بعمق وبصتلهم جات تتكلم حد خبط على باب البيت وعدنان راح فتح وبصلها اول مشافها ميعرفش ايه اللى حصله بس قلبه كان بيطلب النجده ايه السبب!!.. شعور اول مره يحصله ويحس بيه لما يشوفها.. او يمكن لانه مشفهاش بقاله فتره رغم انه كان متعود لشوفتها كل يوم..ويمكن علشان كده لما رجعت لعيونه تانى هو حس كأن حياته رجعتله..
عدنان بعد نظره عنها وبعد عن الباب وهى دخلت من غير ماتبصله راحت سلمت على الكل معاده عليه وبصت لمهران اللى باصصلها كان مستنيها تسلم عليه بس اما لقى مفيش امل قال يبداء هو: ايه اخبارك؟
سيلين بعدت نظرها عنه وهزت راسها بإيجاب:الحمدالله.
رزان بصالهم وقدرت تفهم خى اختارت انهى قرار وهو انها تبعد عنه..
رزان بصت للكل ووقفت:طيب..بما ان الكل اتجمع دلوقت بس نقدر نقول الخطه..بس الاول..
لفت وبصت لليندا:انتى ملكيش علاقه يعنى ممكن تاخدى قمر وتطلعوا برا تتكلموا فى اى موضوع.چونى بصلها وحط ايده على وسط قمر:هى هتفضل معايا هتتكلمى فى وجودهم اتكلمى مش هتتكلمى هنتكلم احنا..
رزان بصتله ورفعت حواجبها وبصت لليندا:طيب..هى مراته انتى مين؟
ليندا بصالها وساكته تمامآ هى مين فعلا بالنسبالهم؟؟!
كاظم بص لرزان بغضب وابتسم باستفزاز وحط ايده على ايد ليندا:دى مش مراتى..دى حته منى..دى مخدراتى اللى ادمنتها..
ليندا بصاله وبعدت ايدها وبعدت نظرها عنه وهو كمل بسخريه:وبعدين انتى تتكلمى ليه اصلا عنهم!..انتى نسيتى مجيك لئوضتى كل يوم ومن غير سبب؟؟...Kazem please comfort me.
(كاظم ارجوك اريحنى)
ضحك وچونى ابتسم ابتسامه جانبيه وساخره..ومهران رفع حواجبه بابتسامه واعجاب من كلامه اللى سكتها بيه..(طبعآ كان لازم يعجبه طالما فى صف ليندا..)
رزان بصاله بغضب وابتسمت بسخريه: لو انت عايز تفتح فى اللى فات انا كمان مستعده افتح.. طيب..يا ترى الحلوه عارفه ان كاظم المحترم ابن سلطان كان بيعمل ايه؟؟.. هو كان بيعمل علاقات قذره و...
كاظم قام فجاه وكتم بؤها بعنف وبغضب وهو ماسك راسها بعنف وبالقوه وليندا بصتلهم والكل وقف وبيحاولوا يهدوا كاظم معاده مهران وعدنان طبعآ..
چونى: كاظم خلاص بقى وبعدين انتوا ايه اللى بتعملوه ده!!.. احنا جايين هنا علشان تفتحوا فى مواضيع قديمه؟
كاظم باصصلها بغضب وهى بتحاول تبعد ايده من على بؤها.
كاظم زاها بعنف وهى بتكح ولانه كان كاتم نفسها.
كاظم راح قعد جانب ليندا ورزان بصتله بغضب وتواعد: طيب يا كاظم.. ابقى شوف مين اللى هيساعدك. جات
سيلين وقف ومنعتها تمشى: رزان ماينفعش الكلام ده انتى مش هتساعديه لواحده غير انك شرطيه وده شغلك.
كاظم اتكلم بسخريه:متساعدناش..انتى اصلا مبتعمليش كده love in us..(حبآ فينا)..انتى كمان هتاخدى مكافئتك وهى step..(ترقيتك)
رزان بصتله بغضب ورجعت
قعدت. ليندا بصت لكاظم:هروح اقف فى البلاكونه شويه.
كاظم بصلها ومسك ايدها:لا خليكى جانبى.
ليندا بصتله بترجى: هقف شويه جوا لحد ماتتكلموا ونمشى..
راحت البلاكونه وهو باصصلها وهر ماشيه واتنهد بضيق بس ماحبش يقعدها معاهم غصب عنهم..وكمان هو مابيحبهاش تسمع اى حاجه عنهم اصلا..
رزان:دخول سلطان المستشفى حاجه كويسه لينا لانه مش هيبقى موجود فى القصر.
كاظم بصلهم باستغراب:بيعمل ايه فى المستشفى؟!
مهران اتكلم من غير مايبصله:هو انا الوحيد اللى عرفت؟!!..بيقولوا السكر على عليه وحجزوه هناك.
كاظم بصله بسرحان.
رزان:المهم احنا فى الفتره دى لازم نقلب القصر كله على الورق..كاظم انت عارف مكانهم مش كده؟
كاظم بصلها بتفكير وبعد نظره عنها.
رزان:كاظم رد على سؤالى انت ماينفعش تدخل القصر وعلشان كده احنا اللى هندور عليهم.
كاظم:هو فى الخزنه اللى فى اوضه سلطان.
رزان بصتله بأستغراب:وفين الخزنه دى؟
كاظم:هقولكوا اما توصلوا هناك..وفى حاجه كمان انتوا لازم تنيموا الحراس والا محدش منكوا هيعرف يدخل اوضه سلطان.
ليندا واقفه فى البلاكونه لقت اللى حط ايده على كتفها وهى لفت وبصتله وابتسمت اول مشافته:استاذ مهران..
مهران ابتسم:عامله ايه؟
ليندا هزت راسها بأبتسامه:كاظم عملى العمليه..
مهران بصلها بصدمه وسعاده:اامتى؟
ليندا:من حوالى اسبوع ونص.
مهران ابتسم وملك وشها بين ايده:مبروك يا ليندا بجد انا فرحت من كل قلبى انك خرجتى بالسلامه.
ليندا ابتسمت:الله يبارك فيك.
قمر راحت وقفت معاهم:احم احم..
مهران بصلها هى اتكلمت:كنت جايه اقف ادردش شويه معاكى..معرفش انكوا واقفين سوا.
مهران هز راسه:انا هخرج كده كده.
مشى من البلاكونه وقمر وقفت جانب ليندا وابتسمت بخفه:انا مش عيزاكى تضايقى..
ليندا بصتلها وابتمست بخفه وهزت راسها بنفى:انا مش مضايقه بس اتخنقت من القاعده جوا فاحبيت اجى اشم شويه هوا هنا.
قمر ابتمت وبصت قدامها براحه:فعلا الهوا هنا ميتعوضش..بس الجو برد.. ليندا ممكن اسألك سؤال؟
ليندا بصتلها وهزت راسها: اسألى.
قمر: هو انتى بتحبى كاظم؟
ليندا لسه بصالها وبعدت نظرها عنها سؤالها خلاها عجزت عن الرد هى فعلا متعرفش هى عايزه ايه.
قمر بصالها: انا ليه حساكى بتحاولى تمنعى نفسك من الاجابه؟
ليندا رجعت بصتلها تانى وهى كملت: يعنى انا حساكى من طريقتك معاه ونظراتك وقلقك عليه واهتمامك بمشاعره.. كل ده بيوضح انك بتحبيه بس..لما سألتك دلوقت انتى بصتيلى بصه غريبه بصه حيره وحب.. مشاعرك اتلغبطت.. رغم انك كنتى عارفه انتى عايزه ايه وانتى معاه قلبك عارف بس عقلك محتاج تعرفيه.. وانتى رافضه تعرفى حقسقه مشاعرك اتجاهه..
ليندا بصاله وحوار كبير بيدور فى بالها هى فعلا مش قادره تستوعب الحقيقه وبتكذب مشاعرها.
قمر بصتلها بابتسامه خفيفه ومسكت ايدها: عارفه انك متشتته.. لكن انتى لازم تعرفى انتى عايزه ايه.
ليندا بصالها بتفكير قاطعهم صوت كاظم العالى.
كاظم بصوت عالى علشان تسمعه: لينداا..
ليندا رجعت لوعيها وخرجوا هما الاتنين برا البلاكونه.
كاظم وقف وبصلها: يلا نمشى
ليندا هزت راسها بإيجاب وراحت حضنت قمر وسلمت عليها.. بعد مامشيوا.
كاظم: احنا هنروح ننفز الخطه لو تعبتى قوليلى اوديكى البيت واروح انا.
ليندا هزت راسها بنفى:لا انا مش تعبانه.
كاظم ابتسم ومسك ايدها باسها وهى ابتسمت بخفه وبكسوف وبعدت ايدها..
فى المستشفى.
صقر باصصله والدكتور بيشرحله حالته: He regains consciousness at intervals and then misses again.. if he continues in this state, it is very likely that he will fall into a coma
(هو يستعيد وعيه على فترات وبعدها يغيب مجددا.. اذا استمر فى حالته تلك من المحتمل جدا الدخول فى غيبوبه)
صقر باصص لسلطان وفى باله: يا ترى وصيته كتبها لمين؟؟.. ومين اللى هيديه الحكم بعده!...مفيش حد غيرى قريب منه معقول هيكتبها لحد تانى؟؟
سلطان بيحلم بأميليا وهى طفله واقفه بعيد عنه وهو ماددلها ايده بأبتسامه: يلا يا عمرى تعالى لبابا يلا..
اميليا بتمشى ببطئ علشان ماتقعش وبتحافظ على توازنها على قد ماتقدر.. وقبل ماتزصله وقفت فجاه وهو اتغرق دم وبقى مستغرب وبيمدلها ايده: يلا يا عمرى تعالى..
اميليا باصه للدم وبتبعد.
مليكه بصتله: انت متلوث بدمى.. ازاى هيجيلها قلب تحضنك؟؟؟
سلطان فاق على جمله مليكه اللى بتتردد فى ودانه.
صقر بصله: سلطان انت كويس؟
سلطان فتح عيونه ببطئ وبصله: انا.. فين؟؟
صقر: انت فى المستسفى.. انا معاك هنا بقالى فتره بس انت بتفوق ويغمى عليك تانى.
سلطان بيحاول يقعد وهو ساعده: على مهلك.
سلطان بصله وباين على وشه التعب ولارعاق: كاظم مماتش زى مقولت.. هو لسه عايش.
صقر بصله بصدمه: ازاى!!.. قصدى ازاى يعنى ماعرفناش حاجه زى كده من بادرى يعنى فعلا دى طلعت لعبه منه؟؟
سلطان وقف وهو بصتله بانتباه:انت رايح فين؟
سلطان مردش عليه ومشى.
صقر راح وراه.
كل اللى دخلوا القصر زى رزان والباقيين كانوا لابسين ماسكات على وشها وده لانهم بيرشوا منوم فى الجو بطريقه مش واضحه للحراس..
مفيش دقيقه وكان كل الموجودين ناموا وهنا كاظم وليندا دخلوا وفى اقنعه على وشوشهم للاحطياط..دخلوا اوضه سلطان ورزان شالت القناع اللى على وشها بتسأل:فين بقى مكان الورق؟
كاظم بص للصقف وليندا كانت نظراتها بتستكشف كله مكان يروحوله قصر ولا فى الاحلام تاصميم خيالى (مهندسه الديكور بتستكشف المكان😂)..بس طبعآ مبعدتش عن كاظم ولا ثوانى.
كاظم وقف على حاجه عاليه تحت نجفه وكلهم مستغربين هو بيعمل ابه!
كاظم شد النجفه لتحت نزل باب ظهر وراه بصمه ودى طبعآ لازمه علشان الخزنه تتفتح.
رزان:يا سلطان يا جامد..ومين كان يجيله التوقعات يكون ده مكان خزنه.
كاظم:المهم دلوقت فى بصمه الخزنه بتتفتح بيها.
Flash back
فى الماضى ولما كان كاظم صغير.
سلطان شد النجفه نزلت منها باب صغير وراه خزنه.
سلطان خد ضهى ايده قدام التفحص والخزنه فتحت
Back
كاظم بصلها: الوشم اللى فى ايده.. الخزنه بتتفتح بالوشم بتاعه.
سيلين بصتلهم بتعجب: ماهو لو زى مانت بتقول كده احنا مستحيل نبدى نفتحها.
عدنان:الموضوع هياخد وقت معانا رغم ان مفيش فرصه احسن من كده نقدر ناخد الورق فيها.
ليندا بصتلهم بتفكير: حد معاه صوره واضحه لسلطان؟
كاظم بصلها وهز راسه بإيجاب: بس ابه علاقه ده بأللى بنتكلم فيه؟!!
ليندا: انتوا ممكن تشوفوا صوره واضحه لسلطان وتقلده الوشم اللى فى ايده وقتها الخزنه هتفتح.
چون ابتسم بأعجاب: بجد تسلم دماغك.. انتزوا ازاى مفكرتوش فى كده؟؟!.. وعملالنا فيها شرطيه ..دى شرطيه بالاسم؟
رزان:كنت تفكى فيها انت يا فالح...طيب وبأسرع وقت واحد من الموجودين هيروح يعمل نفس وشم سلطان وبسرعه وقبل ماحد منهم يفوق.
عدنان:انا هروح
رزان بصتله وهزت راسها بايجاب راحت خادت صوره لسلطان اللى معلقين على الحيطه وادتهاله:قوله انك عايز زيه بالظبط وبسرعه عدنان انت لو اتاخرت كل حاجه هتتكشف وكلنا هنروح فى داهيه
عدنان خاد الصوره ومشى
ليندا بتبص على الحيطه لصور سلطان وبصت لكاظم:تعرف ان سلطان فى شبه كبير منك
كاظم بصلها وبص لصوره سلطان وبعد نظره عنها :انا مش شايف اى تشابه بينا
ليندا بصتله :فى الشكل اصلا طبيعى تكون بتشبهه لانك ابنه
مهران ابتسم بسخريه:وفى الطبع كمان ومحياتك
ليندا بصتله وكاظم بصله بغضب ومسك رقبته بعنف:شكل نهايتك انت وهو هتكون فى وقت واحد
ليندا بتبعده عنه بضيق:كاظم خلاص بقى
جونى بعدهم عن بعض:انا مش فاهم ايه سبب الخناقات بينكوا النهارده؟
ليندا بصتله وبصت لكاظم.