♡حب داخل المافيا♡

part:3

♡ حب داخل المافيا ♡
الحلقه:3
للكاتبه/منه محسن[Milly]
# Love_inside_the_mafia
#Menna_mohsen
#Milly
ليندا بترجى:تالياااا ارجوكى بقالى ساعتين بصالحك طب انا ايه ذنبى طيب؟

رى رى قعدت معاهم:ماخلاص بقى يا توته انتوا مهما صحاب وعشره..واكيد ليندا مش هتنسى اننا اللى لمناها من الشارع..يووووه..قصدى احتويناها.
ليندا بصتلها بحزن وهزت راسها بإيجاب: انا مستحيل انسى فضلكوا عليا تاليا مش راجل اللى هيخلينا نبعد عن بعض ..
تاليا بصتلها بزعل واتنهدت بعمق:طيب يا ليندا..مسمحاكى..
ليندا ابتسمت وحضنتها:يلا قومى غيرى هدومك علشان الشغل .

تاليا بإيجاب وقامت.
رى رى بصتلها وهى ماسكه السيجاره والكاس:لى لى بقولك ايه هو حبيبك ده عنده كام سنه؟
ليندا بصتلها: اا..انا..مش فاكره بس هو ..٣٠ متهيقلى.
رى رى رجعت بضهرها لاخر الكرسى :يااااه..ده كبير عليكى اوى..امال خطيبك اللى فى مصر ايه نسيتيه؟
ليندا بصالها وهزت راسها بنفى: لا يا رى رى انا بحبه لسه بس كاظم...كاظم هو ..انا مش عارفه اقولك ايه..
تاليا راحتلهم:ليندا يلا..
ليندا بصتلها وهزت راسها بإيجاب وبصت لرى رى وابتسمت وقربت حضنتها:نتكلم وقت تانى.
رى رى ابتسمت بمجامله وربطت على ضهرها:ok Linda..Good-bye
ليندا وتاليا مشيوا ورى رى بصت للكاس اللى فى ايدها وبتبتسم بخبث وبتفتكر كلام تاليا ليها..
Flache back
تاليا:اهو ده كل اللى حصل..تخيلى بيعشقها بجنون لدرجه انى لما كلمتها بس بطريقه تناسبها هو اتعصب وكان هيضربنى..
رى رى بصدمه:ياااه يضربك؟؟..هو فاكر نفسه مين.
تاليا: انتى لو شوفتيه حاجه كده يعنى مفيهوش عيب بطل فعلا ..ليندا متستاهلوش اشمعنى هى تاخد واحد زى ده وانا لا !..اول ماعرف انها مفطرتش من غير ميسألها عن السبب او اى حاجه راح بسرعه وجبلها اكل واكلها بايده كمان انا مش قادره افهم عملت ايه فى حياتها حلو علشان ربنا يرزقها بواحد زى ده..
رى رى:تاليا مش ليندا اللى تغيرى منها..دى كانت شحاته واحنا اللى لمناها من الشوارع مستحيل تبقى فى يوم اعلى منك.
تاليا:اعمل ايه طيب انا عيزاه عيزاه يهتم بيا عايزه اسمع منه كلمه وحشتينى وزبده كل الحاجات دى انا مشتاقالها وبصوته هو نظرته ليها حضنه اللى نفسى اجربه.
رى رى: طيب يا توته..انا عندى صفقه حلوه اوى ليكى..
تاليا بصالها بتسرع:قولى ايه هى ؟
رى رى:انتى هتجيبيلى ليندا على العياده اللى بشتغل فيها متبنجه عيون البنت دى حلوه جدا ونادره متلاقيش غير قليلين جدا اللى عندهم لون العينين مختلفين..هاخد قرنيه البنت دى..وفى المقابل همشى وراكى خطوه بخطوه لحد ماكاظم يبقى ليكى..وكمان هتبقى منفعه ليكى مين هيطيق يعيش مع واحده من غير عين..فهمتى بقى؟
تاليا بصالها بتفكير:بس..بس هتقول ايه لما تفوق؟
رى رى:حادثه صغيره افقدتها نظرها..مالك كده مخك واقف شغلى الجزمه اللى هنا.
ضربتها برقه على راسها وهى بصالها بتفكير وهزت راسها بإيجاب وبقلق:هحاول..
Back
رى رى بتنفخ دخان السيجاره بأستمتاع..
فى الكافيه.
ليندا بتبص حواليها بأستغراب:هى الناس راحت فين الصبح كده؟
تاليا: علمى علمك.
بصوا على الكافيه كان مقفول وده اللى خلاهم استغربوا اكتر:فى حاجه مش مظبوطه..
هنا سمعوا ضرب نار وده اللى قلق ليندا:لايكونوا هما..
تاليا بصتلها: قصدك ايه؟
هنا عربيه المافيا قربت منهم بقت باينه بوضوح وده اللى زرع الرعب اكتر فى قلب ليندا وبصدمه وتسرع بيغطيه رعبها مسكت ايد تاليا بسرعه:يلا بسرعه احنا لازم نستخبه..
تاليا بصتلها: فين؟
ليندا بتبص حواليها شافوا البنك وبصت لتاليا :هناك يلا بسرعه..اكيد فى هناك امن و..وحرس ..
جريوا بسرعه وراحوا علشان يستخبوا فى البنك.
كاظم بص للبنك وبص لچو:هو ده البنك؟
چو هز راسه بإيجاب:sì.
(نعم)
كاظم بص للكافيه شافه مقفول وده اللى طمنه شويه..لبسوا الاقنعه وخادوا اسلحتهم ونزلوا من العربيه..دخلوا البنك وسابوا فردين من العصابه فى العربيه ومنهم عدنان.
دخلوا البنك بعد ضربهم للامن الموجودين عند الباب .
اقتحموا البنك وكل الموظفين كانوا فى حاله من الزعر حتى الامن اللى معاهم رفعوا اسلحتهم لكن قبل مياخدوا اى خطوه كانوا مقتولين.
الموظفين قعدوا على الارض على ركبهم زى مشاورولهم كاظم عيونه جات على واحده محجبه اول ماعيونه جات عليها اتأكد انها ليندا ولان جنبها تاليا..كان مصدوم من وجودها هنا وفى قمه توتره لاتتأزى منهم..
مهران وچو وباقى الرجاله موجهين اسلحتهم على الموظفين..بصوا لكاظم ولانه واقف مكانه متحركش..
ليندا مغمضه عيونها جامد والدموع بللت رموشها ومش قادره تمنع دموعها من النزول..رافعه ايدها ومنظرها خلاه هاين عليه ينزل على ركبته قدامها وياخدها فى حضنه .
كاظم فاق من شروده على هزه وليم ليه..
وليم بصله وبيشاورله بعيونه على الخزنه..
كاظم هز راسه بإيجاب وراح معاه وباله مع ليندا..
بعد ماتفتحت الخازنه..
بص للفلوس بأبتسامه وسعاده ونط فى الخزنه بسعاده وبقى يمسك الفلوس اللى ملهاش عدد وبانبهار :يا نهار ازرق كل ده!...إلا قولى يا كاظم كل الفلوس دى بتروح لصالح مين فى الاخر؟...ده احنا بناخد الفكه يا جدع.
كاظم بصله بتسرع وقلق ولان باله مع ليندا :مش وقته انجز..
بدئوا يلموا الفلوس بسرعه ..
تليفون تاليا رن وهى خادته ومهران شده منها ورزعه فى الارض وتاليا بصتله بصدمه واتكلمت بعفويه من رده فعله :What are you doing?
(انت ماذا تفعل؟)
مهران وجه سلاحه عليها وليندا وقفت قدامها بسرعه وبصتله بعياط:I am sorry, I apologize to you on behalf of her, but do not kill her ..
(أنا آسفه ، أعتذر لك باسمها ولكن لا تقتلها ..)
مهران فضل باصصلها وسرح فى عيونها بيبص لملامحها وهى بتعيط وبصاله بترجى..
كاظم بيلم الفلوس مع وليم وسمع صوت الشرطه وتبادل ضرب النار..
كاظم بص لوليم واتخض على ليندا :خليك هنا..كمل وانا راجعلك..
وليم بصله وهز راسه بإيجاب.
كاظم خرج سلاحين وراحلهم .
بقوا يقتلوا فيهم ويتفادوا الطلقات وليندا وتاليا استخبوا تحت الترابيزه مع باقى العمال اللى فى منهم كتير اتقتلوا بسبب محاوله هروبهم وفى اللى اتصاب من المعركه اللى حصلت واللى اتحولت لمزبحه..
كاظم بيدور بعيونه على ليندا وتاليا شاف طرف فستانها وفهم انها تحت الترابيزه..
كاظم بقى يقتل بعفويه وكأنه اطمن على حياته وعرف انه مش هيتأزه..
ليندا حاطه ايدها على ودانها ومغمضه عيونها جامد بتعب من شده صوت الرصاص..
مهران بيدور بعيونه على ليندا ..
چو بيقتل اى حدقدامه من الشرطه او من العمال..
كاظم بص لمهران وهو بيقتل فى الشرطه..
مهران بصله وغمض عيونه وفتحها تانى بتفهم.
كاظم راح بسرعه لوليم اللى قفل الشنط وبصله:جاهز.
كاظم بص لمهران وهز راسه بإيجاب.
مهران فجر قنابل عملت دخان كتيير ملون فى المكان وفى لحظات هما اختفوا .
ليندا حطت ايدها على بؤها وبتتنفس بعمق وتعب..حاسه بخنقه بسبب الدخان اللى خلا الكل مايشوفش اى حاجه.
عدت دقايق واتأكدوا ان العصابه مشيت والدخان الملون خف شويه..
تاليا قامت بسرعه وبتقوم ليندا اللى مش قادره تقف بقت رجليها تدوس فى ماده سايله وده لان الرؤيه مش واضحه اوى كانوا بيدوسوا فى دم وليندا مكنش عندها اى طاقه تاخد اى رده فعل..
تاليا مسكت دراعها وسندته على كتفها:ليندا حاولى تمسكى نفسك لحد البيت امم..
مشيت خطوه وليندا من كتر الدوخه والتعب وقعت على الارض..
تاليا قعدت فى مستواها بسرعه ومسكت وشها وهى بتحاول تفوقها:لينداااا ارجوكى متغيبيش عن الوعى انا مش هعرف اوديكى البيت..
ليندا بتحاول تفتح عيونها ومتغيبش عن الوعى...شافت شخص مغطى عليه الدخان وكل مابيقرب منهم بيظهر اكتر وملامحه بتبان...هاااا فعلا جسم شديد عضلات مفتوله دراعات لو شالت ايه مش هتتأثر...هو كاظم..كانت عيونها بتحجب عنها الرؤيه الدخان مشافتش ملامحه كويس بس جسمه كان كفيل يعبر عن كل تفاصيله...اخر كلمه سمعتها قبل ماتغيب عن الوعى كانت من بين انفاسه..
كاظم بلهفه :ليندا...ليندا فوقى..
وليم قاعد فى العربيه اتنهد بعمق وبأستغراب:فى هدوء غريب..هدوء مريع..
عدنان بصله فى المرايه و بيسوق العربيه .
مهران:بمناسبه الهدوء اللى فى العربيه..انا ليه مستغرب الموضوع ؟...حاسس ان فى كده راحه نفسيه..
وليم ببساطه وهو بيشرب عصير:ده يمكن لان كاظم متعصبش عليك..
سكت فجأه وكلهم بصوا لبعض وبصوا حواليهم وفى صوت واحد :كاظم...
مهران ضحك ورجع ضهره لاخر الكرسى: هااا علشان كده حاسس براحه نفسيه .
وليم مسك تليفونه واتصل بيه بسرعه
وليم: مبيردش..يااااه احنا ازاى منتبهناش ..بس مش ده اللى اقلق عليه.
مهران ببساطه وانزعاج من كلام وليم الكتير:هيروح فين يعنى..هيرجعلك متقلقش.
وليم: الحقيقه انا مش قلقان عليه انا قلقان على المزز اللى راحلها..
مهران بصله وكشر بأستغراب:هو قالك؟
وليم هز راسه بنفى:لا بس طالما انسحب من وسطينا يبقى اكيد فيها مزز..
مهران: مظنش ..كاظم الفتره دى متغير مبيبصش لاى واحده حتى فى الكازينوا هو بيتجاهل البنات اللى هناك وبقى يقرف منهم..مظنش ان موضوع بنات زى مابتقول.
وليم: خلاص نسأله لما يرجع.
مهران بص قدامه وبقله اهتمام : ابقى اسئله انت..