♡حب داخل المافيا♡

part: 12

♡ حب داخل المافيا ♡
الحلقه:12
للكاتبه/منه محسن[Milly]
# Love_inside_the_mafia
#Menna_mohsen
#Milly
عدنان بصلها بتفكير هى لاحظت عليه التردد.
سيلين بأسف:عدنان..
عدنان هز راسه بنفى:مش هقدر يا سيلين.
سيلين بصتله بدهشه متوقعتش يرفض.
عدنان بعد نظره عنها:اتصلى بشادى...ممكن تكون فصيله دمه نفسها فصيله دم غفران..انا ورايا مشوار مهم لازم اروحه.
مشى وهى واقفه مندهشه بصتله وهو ماشى وبتحاول تقطع شرودها..خدت تليفونها واتصلت بشادى.
شادى:الو يا سيلين غفران كويس؟
سيلين:اا..هو غفران محتاج نقل دم انت عارف فصيلته مش كده؟..هو o..
شادى:خلاص انا جاى ومعايا اياد هو نفس فصيله غفران.
سيلين: طيب بسرعه متأخروش.
شادى:احنا داخلين على المستشفى اهو.
بعد ماوصلوا للدور الموجوده فيه سيلين واياد عمل التحاليل وفعلا طلعت فصيله دمه بتطابق فصيله غفران..كان الباقى سهل يتعمل ونقلوله الدم الازم وطمنهم كمان على حالته.
اياد نايم على سرير جانب سرير غفران باصصله وبيراجع الكلام اللى قالهوله وبيأنب ضميره..هو لو كان خسره فى اى لحظه كان هيعيش طول عمره ندمان انه غلط فى حقه ولو بكلمه واحده صح الانسان مابيقدر قيمه الشخص وبابيبانش حبه ليه غير وقت الشده..وده عيبنا كبشر.
سيلين واقفه فى الشباك باصه قدامها وبالها شارد فى عدنان.. متوقعتش منه يخزلها بس هى اللى اتمادت.. لكن عملت ايه؟؟.. كل اللى طلبته انقاذ حياه اخوها وكانت هتطلب كده من اى حد لو اخوها فى خطر.. ازاى هو رفض ينقذ حياته؟؟.. معقول هو مش زى منا كنت فاكره ولا انا اللى مكبره الموضوع؟
غمضت عيونها بتنهيد ودماغها وجعتها من كتر التفكير.

للكاتبه/منه محسن[Milly]

فى كازينوا (‪‪Borgata Casino‬‬).. الكل بيشرب وكل واحد مليان غل وحقد اتجاه التانى.‬
بيلعبوا القومار (الروليت)
چو بص لكاظم بسخريه: Per favore, gioca .. il nostro leader, Kazem
(تفضل باللعب.. يازعيمنا كاظم)
كاظم بيشرب وباصص للترابيزه بيلعب ودماغه مش فيه بيفكر فى برايدن بيفكر فى وليام بيفكر فى ليندا.. خسارته المره دى كبيره جدا بسبب عدم تركيزه
چو: Quanto scommetti?
(على كم ستراهن؟)
كاظم خرج ٢٠ دولار وحطهم على الترابيزه بدلهم بنقط وبصلهم:I'll bet on two numbers ... 2 and 10.
(سأراهن على رقمين ... 2 و 10)
رما الكره فى الدايره والمسئول عن الطاوله لفها .. لكن المره دى كمان كان حظ اوفر ودى حاجه اول مره تحصل مع كاظم.
مهران بصله وكشر بسخريه: كنت بتقول ايه عقاب الخصران؟
كاظم بصله ورفع راسه اتنهد بعمق ووقف قلب طاوله القمار بعنف وبغضب وقام مشى.
البودى جاردات جوم يمسكوه المدير شاورلهم بأيده يبعدوا وهما وقفوا مكانهم.
چو بصله وهو ماشى بغضب وخبث.
كاظم ركب عربيته خرج تليفونه هيتصل بوليام يقوله قابلنى عايز اسهر معاك..عايز انسى كل اللى حصل زى مانت دايمآ بتنسينى عايزك تحسسنى ان لسه فى شخص واحد فى الكون بيحبنى..حتى انت كمان اختفيت؟!
كاظم غمض عيونه وساب التليفون:انا بعمل ايه!
جى يسوق جاله اتصال من تاليا وهو مسك تليفونه ورد بضيق: What?
تاليا قعدت على الكنبه بدلع وبأبتسامه ولانها سمعت صوته: عايزه اشوفك ضرورى.
كاظم:جاى..
تاليا ابتسمت:مستنياك..
قفل الخط وهى ابتسمت بتفكير وحب..