انا اسفه جدا اخرت عليكوا لان النت عندى فى عطل وشحنت باقه فاعذرونى..وبشكر جدا كل اللى دعولى بالشفاء ربنا مايحرمنى منكوا ولا من تعليقاتكوا الحلوه ودعواتكوا يارب اسيبكوا مع البارت وهستنى رأيكوا 🌻💛💛 ♡ حب داخل المافيا ♡ الحلقه:26 للكاتبه/منه محسن[Milly] # Love_inside_the_mafia #Menna_mohsen #Milly كاظم:هى هتروح المستشفى من بكره..مش معقول مراتى تبقى خريجه كليه طب..ومتشتغلش؟؟..ده حتى افتخر بيها. سوسن بصتله وبصت لليندا بأبتسامه:جوزك؟؟!! ليندا بصتلها:اا..لسه..لسه هنتجوز. عبدالله رفع حواجبه حس انه قاصد يعرف الكل انها هتبقى مراته. كاظم قرب حط ايده على كتفها:احنا حبينا نعمل فرح وسط اهلها بس..كده كده متجوزين..(وقرب همس لليندا فى ودنها) ولا ايه يا زبده؟ ليندا اتنحنحت ويصت لسوسن بارتباك:اا..انا..مش عارفه بس.. كاظم:هتشتغلى. ليندا بصتله بتكشير:كاظم.. كاظم بص لسوسن:هتشتغلى...هنتفاهم بعيدن. ليندا دورت وشها للجهه التانيه وبتكتم ضحكتها على طريقته. كاظم لاحظ سعيد واقف عند باب اوضته وبيبصلها من فوق اتحت. كاظم كشر وهو باصصله وبعد ليندا من قدامه راح هو مكنها وحط ايده على وسطها.ليندا بتتكلم مع سوسن وفجاه سكتت من حركه كاظم وبصتله وبتبعد ايده بكسوف وضيق. كاظم همسلها:عايزك. سوسن:طيب انا هروح المستشفى وهقول للكل انك هتيجى معانا تقدمى فى نفس المستشفه باقى صحابك هيفرحوا جدا.. مشيت وليندا كشرت وكاظم شدها للمطبخ وعلشان يعرف يتكلم معاها. كاظم بتكشير:الشخص اللى واقف عند الاوضه بيبصلك ليه؟؟ ليندا باستغراب:عمى؟ كاظم:بقولك شخص يعنى اكيد مش عمك. ليندا بصت برا المطبخ شافت سعيد واقف وبصت لكاظم:هو عمى هو ده عمى سعيد اللى كلمتك عنه. كاظم رفع حواجبه وبداء يشمر ايده:يا اهلا. جى يمشى ليندا مسكت دراعه بسرعه ووقفت قصاده:لا كاظم بلاش مشاكل لو بتحبنى انت مش هتستفاد حاجه هما بيتلككولك. كاظم بصلها بتكشير:انا اللى يبصلك بصه هخلعله عينه وانتى عارفه كده كويس مايهمنيش بقى مين. ليندا:لا ماهو علشان تعدى منها ماينفعش تعمل كده...(بتغير الموضوع ولانها عارفه تهور كاظم)..المهم هتعمل ايه فى اشلغل؟ كاظم بصلها بتفكير وهز راسه بنفى:مش عارف...هدور على شغل بدل الشغلانات اللى بيجيبهالى عمك. ليندا بصاله:خلى بالك الشهر هيجرى بسرعه. كاظم ابتسم وحط ايده على خدها:انا هعمل اقصى حاجه عندى ومش هسيبك.. ليندا ابتسمت بكسوف وبصت فى الارض وهو ابتسم وقرب من شفايفها. ليندا زأته بسرعه وبتحذير:كاظم.. كاظم ضحك:نعم يا عيون كاظم؟ ليندا خرجت من المطبخ وهو راح وراها. اسلام خرج برا الاوضه هو وسجده وتؤمها ساجى. كاظم بصلهم وسجده بصتله وقربت وقفت قصاده ومسكت رجله وبصتله:انت طويل اوى وانا مش عارفه اكلمك. كاظم ضحك على طريقتها وشالها وهى ابتسمت وبصت لعيونه وحطت ايدها على وشه:انت حلو.. كاظم ضحك تانى: عاجبك؟ سجده هزت راسها بإيجاب. كاظم قرب همسلها فى ودنها: خلاص تتجوزينى؟ سجده ابتسمت وهزت راسها بإيجاب وهو ابتسم:تعرفى انك سكى؟ سجده ابتسمت وهو باس خدها وبص لساجى: انتوا اخوات؟ سجده هزت راسها بإيجاب ومسكت وشه خليته يبصلها: هو اخويا التؤام بس مبيتكلمش. كاظم بص لساجى ونزلها وقرب قعد على ركبته فى نفس مستواه وليندا وعبدالله وشيماء مرقبين معاملته ليهم. كاظم ابتسم بخفه ومسك ايده وبيكلمه بلغه الاشاره: انا اسمى كاظم.. ساجى باصصله وهز راسه بأبتسامه وكلمه بلغه الاشاره كمان: انا اسمى ساجى. كاظم ابتسم وليندا بصاله ومبسوطه انه بيتعامل معاهم بلين هى اول مره تعرف انه بيتكلم بلغه الاشاره. كاظم ابتسم وحط ايده على شعره... وقف لما سمع صوت رحمه. رحمه: دهب روحى حضرى لكاظم الفطار هو مافطرش معانا. دهب بصتله وابتسمت: من عيونى. ليندا بصتلهم وكشرت: انا هحضرله الفطار..هو قايلى. كاظم بصلها وابتسم وفهم انها غارت دهب: ايه يعنى عادى مافيش مشكله هجيله الاكل انا. جات تمشى ليندا وقفت قصادها: قولت لا ملكيش الحق انتى تجيبيله الاكل. عبدالله زعق بعصبيه: باااس ايه اللى انتوا بتعملوه ده؟!! ليندا بصتله وبصت لدهب بغضب وعبدالله بص لشيماء: روحى انتى هاتى الاكل. شيماء هزت رأسها بإيجاب: حاضى ياخويا. وتروح المطبخ. ليندا بصت لدهب بغضب وبعدت نظرها عنها. اسلام: انا هروح اجيب حمو وبندق علشان الديجيه زى ماقولتلى يا عمى. عبدالله هز راسه بإيجاب:وانا هروح اجيب صناديق البيبس علشان نلحق نسقعها. اسلام:لا ياعمى خليك وانا هجيبها. عبدالله:وعلى ايه التعب بس يابنى. اسلام:لا تعب ولا حاجه شذى اختى. ويمشى. كاظم باصصله وهو ماشى بتفكير وولع سيجارته وعبدالله بصله بتكشير صدمه اكتر كاظم اللى قلع قميصه وبقى عريان من فوق. ليندا بصتله بصدمه ودورت وشها للجهه التانيه بضيق. دهب بصاله ومبرقه هى رحمه. رحمه حطت ايدها على عيون دهب وهى لسه باصه لكاظم اللى قعد على السفره علشان ياكل وبيشرب سيجارته ولا فى باله. شيماء خرجت وبصتله وبرقت ووقفت مكانها كل اللى كانوا واقفين كانوا بصينله وفى حاله من الصدمه معاده ليندا اللى مضايقه. عبدالله زعق فوق الكل من شروده: ايه المسخره وقله الحيا دى؟؟؟.. اديرى يا وليه منك ليها وانت ايه السفاله والمسخره اللى بتعملها دى؟ كاظم بصله ورفع حاجب واحد وهو حاطت رجل على رجلوبيشرب السيحاره ببرود:ايه عيب الواحد يقعد براحته؟؟...انتوا اللى لاعندكوا تكييف ولا نيله. عبدالله بعصبيه:فى بنات فى البيت يامحترم..قوم البس هدومك وتانى مره تعمل اللى انت عايزه فى اوضتك مش هنا. كاظم باصص قدامه ببرود ومش باصصله ولا كأنه بيتكلم. عبدالله بصله بغضب جى يتكلم سكت لما شاف ليندا خدت القميص وودتهوله بتكشير وبرقتله ولان عيون دهب منزلتش من عليه:البس.. كاظم بصلها وكشر:حران.. ليندا:هجيبلك مروحه بس البس. كاظم رفع راسه بضيق ولانها عارفه انه مش هيرفضلها طلب ب.كاظم خاد القميص ولبسه:لبست.. ليندا راحت تجيبله المروحه ووجهتها عليه وابتسمت:ايه رأيك بقى؟ كاظم بصلها بابتسامه:كل اللى يجى من الزبده قمر. ليندا ابتسمت بكسوف وبصت فى الارض ونسيت كل اللى حواليهم. شيماء حطت قدامه الفطار وهو باصص لليندا:بقولك يا ليندا متيجى تطلعيلى الاكل فوق فى الاوضه. عبدالله اتكلم بصرامه:ليندا روحى حضرى الاكل علشان الناس لما تيجى. ليندا بعدت نظرها عن كاظم وبتكتم ضحكتها وهزت راسها بإيجاب ومشيت. كاظم بصله بضيق:ده انت راجل قفيل. بص للاكل وكشر وبص لشيماء:ايه ده!! شيماء:فول وطعميه وبيض. كاظم بص للطعمين بتكشير:انا عارف الeggs... بس ايه الفيل وال.. شيماء: لا اسمه فول. كاظم:ايه جنسيه الكأن ده يعنى!! شيماء:دوقه الاول وهيعجبك مفيش مصرى مكلش منه. كاظم بص للاكل:هى اسمها ايه التانيه؟ شيماء :طعميه. كاظم:الطعميه دى معموله ازاى؟؟ شيماء:هى عباره عن فول مدشوش وبقدونس وثوم وبصل وكرات وبتتقلى. كاظم بصلها بقرف:وبيتاكل كل ده؟؟؟!..وبعدين ايه ده! ويمسك رغيف العيش. شيماء:ده عيش. ليندا مركزه معاهم هو مش متعود ومستحيل ياكل الاكل ده. كاظم رفع راسه:امم..انا مش هقدر اكل حاجه من دول.. عبدالله:فكك من عيشه الخوجات اللى كنت عايشها امال ازاى هتستقر هنا وهتبنى حياتك وتتجوز؟؟ كاظم:هو لازم اكل من الاكل ده علشان ابنى حياتى واتجوز؟ عبدالله:اه طبعآ.. كاظم قام وقف وماهتمش لكلامه:عايز اجيبMineral water ( مياه معدنيه.) دهب بصتله:اروح اوريك المحل؟ كاظم بصلها وليندا خرجت بسرعه من المطبخ واتكلمت:هات انا هجيبلك. عبدالله اتكلم بصرامه :لانتى ولا هيا هتخرجوا الكشك جانبينا روح هات اللى عايزه. كاظم بصله بضيق:راجل قفيل. وسايه ومشى. ليندا بصاله وهو ماشى بتفكير وبصت لدهب بضيق:مالك انتى بتدخلى ليه؟؟..كان جوزك؟ دهب ببرود: يعنى هو كان جوزك انتى؟؟ ليندا:اه جوزى. رحمه ضحكت بعلو صوتها:انهى جواز ده يا متعلمه يابتاعه الازهر؟ ليندا بصتلها بغضب وعبدالله زعق:انتوا هتردحوا لبعض قصادى ولا ايه؟؟..رحمه انتى متدخليش ولمى بنتك ايه المسخره دى. ليندا بصتله وبصت لرحمه بابتسامه كيد. رحمه بابتسامه خبيثه: اشبعي بيه ياعمرى. وسابته ومشيت. ليندا بصالها بغضب وبصت لعبدالله:شايف بتعمل ايه؟..عايزه بنتها تلزق فى كاظم انت شايف؟ عبدالله:ليندا ايه شغل العيال ده!..ايه تلزق فيه دى انتوا بتتخانقوا على حلاوه؟ ليندا بعدت نظرها عنه وسكتت ورجعت بصتله تانى:صح..تنت هتشوف لكاظم شغل تانى؟ عبدالله:ليندا انا بساعده بس علشانك وانا كمان ورايا مصالح واشغال مش هسيبها وهقعدله..هو مفيش حاجه عجباه ومش نافع فى حاجه. ليندا بأستعطاف:معلش حاول علشان خاطرى. عبدالله بصلها بتفكير:ربنا يسهل..اما اروح اشوفه اخر ليه لايعملنا مشكله. ويمشى ليندا خرجت تبص عليه من البلاكونه وهى مستنيه رجوع كاظم. كاظم وقف قدام الكشك والستات قاعده قدام بيوتها وبتبصله بأعجاب وبيتكلموا عنه. ام محمد:لاعندو كرش ولا عنده ترهلات زى المنيلين اللى فى بيوتنا..يابختك ياليندا محظوظه فى كل حاجه.ظصح ماهى سافرت امريكا هتتجوز المنيلين اللى فى بيوتنا؟؟ ام جنه:ياختى ليل نهار يشوفنى معديه من قدامه مفيش لقه ولا ايه مفيش شاى يبقى هاين عليا اقوله لا مفيش وادخل انام..كلوا كوم ووقت النوم ده كوم تانى انام على السرير يجى جنبى يتكلم فى الفلوس والمصاريف ويشيلنى الهم وياخد بعضه ويخرج حتى مستخسر النوم للواحد. ام محمد:خيبه بعيد عنك. رجعوا بصوله وهو بص للبياع:كام؟ البياع:خلى عنك خالص. كاظم باستغراب:انتوا بتبيعوا المياه هنا ببلاش؟ البياع ضحك:انت مش من هنا ولا ايه؟ كاظم باصصله ومش فاهم طريقته ايه علاقه كلامه ببعض! البياع:طيب لو انت مصر تدفع ٣ جنيه بس. كاظم خرج دولار واداهوله. البياع بص للفلوس وبصله باستغراب:دى دولارات يا بيه انا.. كاظم بصله:انت مابتقبلش بالدولار؟ البياع بصله:اا..لا بس يعنى كده عايز تلت درارات. كاظم ضحك بسخريه ولانه بيستغفله:ياراااجل!!..هو انت متعرفش ان الدولار الواحد ب١٥ جنيه مصرى؟..ده انا اللى لى عندك. البياع بصله وملامحه اتغيرت:اا..انت مش سايح ولا ايه؟ كاظم بصله بغضب وخاد ازازه المياه ومشى. البياع بصله وهو ماشى وبص للدولار:ده اجنبى مفتح اوى.. كاظم ماشى وشايف نظرات الستات ليه.. بيبص حواليه ولانه شايف الكراسى بتتحط فى المنطقه وده علشان كتب الكتاب. كاظم بص للبيت شاف ليندا واقفه فى البلاكونه بصاله وده اللى خلاه ابتسملها وهى ابتسمت وبعدت نظرها عنه ودخلت وكأنها كانت دليل لطريقه. كاظم جى يدخل البيت وقفه راجل كبير مربى ذقنه ولابس جلابيه بيضه. كاظم بصله وجسمه قشعر من شوفته ليه ليه مايفهمش بس حس بحاجه غريبه اول ماوقف قدامه قلبه اتقبض. الشيخ ابستم وهو باصصله:مالك خوفت كده ليه؟ كاظم بتد نظره عنه:Why would I be afraid? (ولماذا سأخاف؟) الشيخ ابتسم:because you made a mistake (لانك اخطأت..) كاظم باصصله والشيخ اتكلم بأبتسامه:استغربت ليه انى بتكلم امريكى؟..هو ماينفعش الشيوخ يتعلموا لغه؟..بالحكس ده من باب العلم. كاظم باصصله ودور وشه للجهه التانيه:انا.. الشيخ قاطعه: انا مش هاخد من وقتك كتير...انا كنت موجود فى صلاه الجمعه النهارده وشوفتك هناك اخويا اللى كان بيلقى الخطبه.. الصراحه انا فى الاول كنت مبسوط ان شاب زى الورد وحلو وجسمه حلو ومهتم بالصلاه فى الجامع.. بس لقيتك بعدها خرجت فى نص الصلاه الصراحه انا سألت نفسى سؤال طريل ولقيت الاجابه بعد ماخرجت..انا كنت عايزك تبقى صاحبى. كاظم باصصله ومستغربه مين الشخص اللى ظهرله فجاه ويقوله نتصاحب؟!!..لا وكمان مختلف تماما عنه فى كل حاجه. ليندا استغربت لما ملقتهوش دخل وده اللى خلاها طلعت البلاكونه تشوفه استغربت لما شافته واقف مع الشيخ. كاظم:انا اسف.. سابه ودخل البيت والشيخ بصله وهو ماشى وابتسم. ليندا راحت ناحيه الباب فتحته اول مشافته طالع وكل واحد من اهلها كانوا فى اوضهم بيرتبوا لكتب الكتاب وبيتكلموا مع شذى. ليندا:هو الشيخ رفاعى كان بيقولك ايه؟ كاظم بصلها:عايز يصاحبنى. ليندا بصتله وابتسمت ولان الشيخ الرفاعى شيخ وداعى اسلامى مبيحبش يشوف حد ماشى غلط ويسيبه على غلطه ولانه سمع كاظم بيتكلم مع عبدالله فافهم انه مش من هنا وفهمت كمان انه خده حاله من حالاته. كاظم كشر بأستغراب:انتى مبسوطه!!! ليندا هزت راسها بإيجاب:اوى. كاظم:وايه اللى يبصت فى اللى قولته؟! ليندا بصتله بلؤم:بكرا تعرف..صح النهارده كتب كتاب بنت عمى شذى انت هتنزل صح؟..هما بيحطوا الكراسى برا.. كاظم بصلها بتفكير:هيبقى حلو؟ ليندا ابتسمت وهزت راسها بإيجاب:وانا هبقى موجوده. كاظم ابتسم:يبقى اكيد نازل. ليندا ابتسمت وهو كشر بأستغراب ولسه على شفايفه مرسومه الابتسامه:عايز افهم ايه علاقه مصر بمعاملتك الحلوه ليا؟؟ ليندا بصتله وابتسمت: هى الفكره مش فى مصر..الفكره انى شيفاك مستعد تجاهد علشانى.. وده فى حد زاته بيخلينى سعيده. كاظم ابتسم وقرب مسك ايدها باسها: هو انا قولتلك ان انتى مخدراتى قبل كده؟ ليندا ضحكت وبصت فى الارض بكسوف وبعدت ايدها وهو ابتسم: امتى امتى هيعدى الشهر وهتبقى ملكى يا حلو؟ ليندا ابتسمت وبصتله فى اللحظه دى حوار كبير دار فى بالها.. زى ماهو هيتعب فى الفتره دى علشان يجيبلها الشقه والدهب وكل ده لازم هى كمان تتعب وتغيره للاحسن حتى لو مش هتقدر تعمل كده بنفسها.. توصله للطرق اللى هيقدر يتغير بيها بعد دقايق ولما كاظم كان قاعد فى اوضته فوق السطح. دهب راحتله خبطت على باب اوضته وهو قام فتح وبصلها استغرب لما شافها قصاده. دهب ابتسمت ومدتله شنطه فيها اكل:انا جيبتلك Cheese, luncheon and toast...انت لحد دلوقت مافطرتش (جبن ولانشون وتوست.) كاظم بصلها وعدلها طريقه نطقها:اسمها luncheon.. دهب بصتله وليندا كانت طالعه توديله الاكل الغضب والغيره اتملكوها اول مشافتها واقفه معاه. كاظم:In fact, I have special habits, Linda learned (فى الحقيقه لدى عادات خاصه..ليندا تعلمها.) ليندا ابتسمت وراحتلهم ومعاها صنبه فيها توست وجنبه ولنشون وقهوه. ليندا بصت لدهب بغضب:انتى بتعملى ايه هنا؟؟ دهب بصتلها وبعدت نظرها عنها ببرود:نفس اللى بتعمليه هنا. ليندا بصتلها بغضب اكبر:انتى هتعملى راسك براسى؟؟...انا هبقى مراته..او مراته بعتبر. دهب:والله لما تبقى مراته رسمى يبقى ليك الحق تتكلمى...وبعدين هو مش عايز ياكل. ليندا:ملكيش دعوه هو هياكل من ايدى..صح يا كاظم؟ كاظم ابتسم و بصلها:صح يا عيون كاظم. دهب بصتله وهى بصتلها بثقه ودخلت الاوضه وقفلت الباب فى وشها. دهب بصت للئوضه وابتسمت بخبث:طيب يا ليندا.. وتمشى. ليندا كانت بتبص عليها يمن الباب لحد مامشيت. ليندا بصت لكاظم: البت دى بتحاول تقرب منك. كاظم ابتسم وحط ايده على خدها:مهما تعمل عمرى ماهبص لواحده تانيه غير زبدتى. ليندا ابتسمت وهى بصاله وكشرت فجاه:انت صح ايه الكلام اللى قولته لسوسن ده! كاظم ابتسم:قولت اللى المفروض يحصل. ليندا:واللهى؟..لا وكمان رايح تقول قدامها زبده وتحط ايدك على كتفى تنت مش شايف انك بالغت وهى متعرفش اصلا بموضوع جوازى ازاى بقى اتجوزنا ولسه هنعمل فرح؟؟! كاظم:عادى حبينا نعيد اللحظه تانى. ليندا رفعت حواجبها:لا ياشيخ. كاظم ضحك ورفع حاجب واحد:ايه لايا شيخ دى!!..جديده يعنى. ليندا بعدت نظرها عنه بابتسامه كشوف من كلمتها:اا..متغيرش الموضوع. كاظم هز راسه بإيجاب:بس انا مبغيرش الموضوع.. ليندا بصتله ومدتله صنيه الاكل:طب خود...انا جيبتلك اكل وقهوه واسبرين لانك اكيد مصدع. كاظم ابتسموغمزلها:يا حاسس بيا انت. ليندا بتعدت نظرها عنه بكسوف وهو خاد الصنيه جات تمشى شدها من دراعها عليه:استنى رايحه فين!..هو انا هاكل لوحدى؟ ليندا:لا ماهو انا مش هقدر اكل معاك لانى شبعانه. كاظم:خلاص يبقى تأكلينى. ليندا بصتله بإبتسامة:انت نونو صغير عايز ماما هى اللى تأكلك؟ كاظم هز راسه بإيجاب وبابتسامه وبيقرب منها وهى تبعد خطوات:انا نونو صغير عايز ماما ترضعه وتنيمه على صدرها الحنين. ليندا بصتله بكسوف وضربته بالالم وجريت بسرعه. كاظم حط ايده على خده ورفع حواجبه وبص ناحيه الباب بدهشه من رده فعلها السريعه.. فى الليل وفى وقت كتب الكتاب.. الانوار اشتغلت والاغانى والزغاريط والناس وصلت. كاظم بيكلم چونى فى التليفون. چونى: خلاص كلمنى وقولى انت ساكن فين بالظبط فى لقصر وانا هكلم صاحبى يشغلك معاه فى شركه السياحه هو هيفرح بيك اوى لما يسمعك بتتكلم كذه لغه بطريقه صح..انت لازم تجمع اكبر قدر ممكن عن المعلومات عن المعالم الاثريه مش فى لقصر بس هو هيعملك اختبار وهيشوف طريقه شرحك للتحف الاسريه ولو انت معندكش معلومات هتفشل فى الاختبار انا كده هوفر عليك تدخل اكاديميه او اى جامعه تتعلم فيها تاريخ وحضاره البلاد. كاظم:طيب متعرفش المرتب كام؟ چونى: لا الحقيقه هسأله واتصل بيك تكون عرفتلى العنوان بالظابط وهقولك تقابله فين. كوظم هز راسه بإيجاب: Okay. چونى بأستغراب من صوت الاغانى الشعبيه اللى شغاله: انت فين كده؟ كاظم: على سطح البيت. چونى: اصلى سامع صوت ديجيه شغال. كاظم: اه فى فرح بيشغلوا اغانى غريبه كلها دوشه وصوت عالى.. چونى كتم ضحكته واتكلم بلؤم: طباخ السم بيدوقه يا كاظم. كاظم: لا ماهى مش ناقصه اهلك. چونى: طب يلا روح شوف ليندا بتاعتك لحد يعاكسها. كاظم افتكر سعيد:اا..سلام دلوقت. قفل الخط وجى ينزل شافها طلعه وده اللى خلاه وقف مكانه ونفسيته ارتاحت.. اندهش اول مشافها كانت لابسه فستان حلو جدا لونه بيچ وطرحه لونها بيچ فاتح ومش حاطه اى حاجه فى وشها غير مرطب وخدودها وشفايفها كانوا لونهم وردى بسبب المرطبات اللى بتستخدمها. ليندا بصتله وهو نظره متعلق بيها والدهشه مسيطره عليه. ليندا بعدت نظرها عنه بأبتسامه كسوف: اا.. انت لسه ماغيرتش هدومك؟.. انا طلعت اشوفك لو خلصت علشان ننزل. كاظم ابتسم وقرب خطوات بسيطه وقف قدامها وهى لسه باصه فى الارض وكل مايقرب دقات قلبها بتزيد. كاظم قرب ايده رفع وشها خلاها بصتله وبص لعيونها وهى بصتله. كاظم باصص لعيونها وبيبص لادق تفاصيل ملامحها. ليندا بتحاول عيونهم متتقابلش وبتبعد وشها بتوتر وحاسه بسخونه فى جسمها: اا..انت.. اخترت.. هدوم تنزل بيها؟ كاظم باصصلها ومسك ايدها باسها وهز رأسه: لسه. ليندا بصتله: يبقى يلا علشان منتأخرش. كاظم قرب من ودنها وهمس:بقى تضربينى بالالم يازبده؟ ليندا نظرها بيدور بتوتر:اا..كاظم بعدين مش وقته احنا لازم ننزل..بص انا هنزل وابقى حصلنى جات تمشى منعها بمسكته لايدها: استنى.. مش هتختاريلى انتى بدله انزل بيها ؟ ليندا بصتله وهزت راسها بإيجاب ودخلت معاه الاوضه تختارله بدله.. ليندا خرجتله بادله سوده:حبيت اللون الاسود عليك. كاظم ابتسم وخادها وقلع تيشيرته وهى دورت وشها بسرعه وبتكشير:انت مابتستناش؟ كاظم ابتسم وبصلها بلؤم وقرب وقف وراها وحط ايده على دراعها وهى بصت قدامها بتوتر وانفاسها عليت:اا..انت بتعمل ايه؟ كاظم قرب من خدها بيلامسه بخده وبيشم ريحه الفراوله اللى فيها وهى لفت وبصتله وضربات قلبها عاليه: كاظم.. كاظم حط ايده على خدها وباصص لعيونها بغرام:يا عيون كاظم.. ليندا بتتنفس بعملق وبعدت نظرها عنه: اا.. انا هخرح غير هدومك وهستناك برا. كاظم مسك دراعها وبصلها بلؤم: انتى ضربتينى بالالم وانا عايز حقى. ليندت بصاله بتوتر: اا..ايه؟؟!! كاظم بيبص لشفايفها وبيقرب من وشها: هعاقبك بطريقتى.. ليندا بصاله وبتتنفس بعمق وبعدت بسرعه: اا.. احنا كده هنتأخر و.. وانا لازم انزل.. هستناك برا. وتجرى على برا بسرعه. كاظم باصص للباب وابتسم على كسوفها منه.. بعد ماخلص تغيير هدومه ولبس البدله وكان فى قمه وسامته.. نزلوا لكتب الكتاب واول ماخرجوا من البيت شافوا الهيصه والاغانى كانت اعلى بكتير من سماعهم ليها فى البيت. كاظم بيبص حواليه ومركذ مع الاغنيه اللى شغاله (اغنيه انتى معلمه) كاظم: انا حاسس انى سمعت الاغنيه دى قبل كده. لبندا بصتله وعبدالله راحلهم: ليندا روحى انتى لشذى وهنا هناك وسيبى كاظم معايا. ليندا هزت راسها بإيجاب ومشيت وعبدالله خاد كاظم وراحوا يعرفه على الرجاله. عبدالله:كاظم ابن خاله ليندا كان فى امريمكا ولسه راجع. مرتضى ابتسم وسلم عليه:يا اهلا بالزين. سلم على كل الرجاله وقعد معاهم. امير بيبصله من وقت للتانى ومضايق من وجوده. اسلام واقف هو وصحابه على الديجيه وبيختاروا الاغانى واحيانآ بيغنوا معاها...شغلوا اغنيه حبيبتى افتحر شباكك. هنا قومت شذى:انتى فاكره نفسك بتتكسفى ولا ايه يا بت ده انتى اصول الرقص الله. شذى ضحكت:طب علشان ام العريس طيب. هنا ضحكت وقومت ليندا وراحت تقوم ام العريس. مامت العريس بتضحك:هنا يابت مبرقصش انا. هنا:لا هترقصى. مامت العريس:يا بت اتهدى انتى حامل. هنا:هرقص بردو وانتى هترقصى معايا هو مش احنا هنبقى امهات زى بعض ولا ايه! مامت العريس وبتضحك:انتى مصيبه يا هنا. مامت العريس قامت معاها ومبتسمه. ليندا وشذى وفرحه بيرقصوا مع بعض ولان مفيش شباب فى جهتهم فكانوا واخدين راحتهم. اسلام راح لكاظم وقومه معاه:ايه ياوميلى مش هترقص ولا ايه؟ كاظم بيبص للشباب اللى بترقص مع بعض وبصله وهز راسه بنفى:اا..مليش فى الرقص. اسلام:يا عم وهو اللى بيعملوه ده اسمه رقص!..ده علشان السيطره بس قوم ارقص معانا وانا جانبك ماتقلقش. سعيد اتكلم بابتسامه خبيثه وهو باصص قدامه:معلش سيبه يا اسلام اصل الخوجات مالهومش فى الشغل ده.. كاظم بصله ورجع بص لاسلام:مش هعرف صدقنى. اسلام:طيب مش هضغط عليك..بقولك ايه يا عم عبدالله متقوم معاما كده وانت لسه فى عز شبابك يعنى. عبدالله:امشى من هنا يا اسلام. اسلام ضحك:اظن الرد وصل. ويمشى. شيماء قامت ترقص مع شذى وبعد مارجعت راحت قعدت مع رحمه هى ودهب. رحمه:انا عايزه اقوم ارقص بجد مشتاقه للرقص. شيماء بصتلها وبصت قدامها برفعه حاجب. رحمه:اصل بعيد عنك وحشنى الرقص اوى. شيماء بصتلها برفعه حاجب:فى ايه ياوليه ماتتهدى الله..واللهى عمل خير عبدالرحمن لما اتجوزك اهو لمك. رحمه ضحكت بعلو صوتها:لمنى!..على اساس انى كنت متبعتره؟ شيماء:اهو عمل فيكى ثواب ولمك من الرقص..واللهى انا معرف اتجوزك ليه ساب السكره اللى كانت محلياله حياته وخادك. رحمه بصتله بابتسامه خبيثه:ارزاق يا عمرى.. قامت وخادت طرحتها وراحت وقفت وسط ليندا وفرحه وشذى وسماح وفرحه اللى كانزا بيرقصوا ولفت الطرحه حوالين وسطها. ليندا بعدت نظرها عنها وبتدت عنها خطوات. شيماء رفعت حواجبها بدهشه من تصرف رحمه:الله يخرب بيت امك يا دهب. رحمه بترقص وكلهم بيسقفوا والبنات بترقص معاها. الستات بيتكلموا عليها وازاى عبدالرحمن سايبها كده. اسلام راح يرقص معاها وليندا بصتله بتكشير وبعدت نظرها عنهم وبعدت شويه عنهم وبتبص على كاظم. عبدالرحمن بيتكلم مع وابو العريس والعريس وبيضحكوا وكاظم قاعد ساكت تماما مراقب كل اللى بيحصل ومراقب حديث الرجاله اللى بيتكلموا مع بعض قدامه. عبدالله بيبص لكاظم من وقت للتانى. امير بيبص لكاظم بغل ومربع ايده. مرتضى:قولى يا كاظم انت خريج كليه ايه؟ كاظم بصله وامير اتكلم بخبث:هو مش متعلم يا عمى مرتضى. عبدالله بصله وبص لمرتضى:هو كان بيستسمر فى امريكا وبانى نفسه هناك وبانى شركات اهو اللى اتعلموا خدوا ايه من البلد يا مرتضى؟ ويضحك كاظم كان مستغرب هو ليه وقف فى صفه ودافع عنه؟!! مرتضى:والله على رأيك يا عبدالله ياخويا.. متقوم مع الشباب. كاظم بص قدامه :مرتاح كده. امير باصص لكاظم بغل وغضبه زاد اتجاه عبدالله. صاحب اسلام شده من هدومه وهو بصله: ايه يا عم؟ صاحبه: امال فين جوز اختك الاجنبى اللى كنت بتكلمنا عنه؟ اسلام بصله: قاعد هناك بتسأل ليه؟ صاحبه: متجيبه يهيص معانا. اسلام: لا ياعم انت عايز ليندا تقتلنى. صاحبه: منخافش مش هنتقل بس عازين نشوفه. اسلام: هو مبيشربش. صاحبه: وهو انا قولتلك يشرب احنا هنتكلم بس. اسلام بصله بتفكير: طيب هحاول. ويروح لكاظم. فرحه قاعده جانب سنيه. فرحه: يا لهوى ياما لو شايفه اللى انا شيفاه.. رحمه خرباها. سنيه باستغراب: خرباها زاى يابت؟ فرحه: لافه الطرحه حوالين وسطها وبترقص حته رقص. سنيه: امال يعنى هتعمل ايه مش راح اتجوز وجابلنا غزيه فى البيت! فرحه: طب واللهى رقصها دماار. سنيه:طب قومى من جانبى يا فرحه... قومى. فرحه قامت بانزعاج: الله وهو انا قولت حاجه تزعل. سنيه: يلا يا بت من هنا. شيماء: متعكريش دمك يا ام اسلام ده الكل عارفك وعارف طيبه قلبك وهو معقول حد يفضل الموهزقه دى عليكى! سنيه: واللهى الزمن بقى يحترم بقليل الربايه عن المحترم. شيماء: والله عندك حق يا سنيه ياختى. سعيد راح يرقص مع شذى وليندا راحت قعدت مع شيماء اول مشافته. رقص مع شذى ورقص مع رحمه. شيماء: الله يخرب بيتك يا سعيد دايس فى اى هلس وخلاص. ليندا اتكلمت بتريقه : بنى ادم محترم. شيماء ضحكت. سعيد راحلهم وبصلهم:قاعدين ليه؟ ليندا بعدت نظرها عنه ومبصتلوش. اسلام:بقولك يا كاظم انت شكلك ملكش فى دوشه الافراح..متيجى معانا فى الروقان هناك. كاظم بصله بأستغراب:فى الروقان ازاى؟!! اسلام:هتعرف بس تعالى. عبدالله بصله وهما خدوه معاهم ومشيوا. عبدالله:انا هقوم اشوف شذى. ويمشى. خادوا كاظم بعيد عن الفرح لمكان مافيهوش ناس كتير. صاحب اسلام:منين بقى كده يا حلو؟ كاظم بصله ورفع حاحب واحد:حلو!..انت شايفنى بلعب معاك؟ صاحب اسلام:يعنى للتعارف. اسلام:منا قولتلك مش من مصر. كاظم بيبص حواليه:احنا جينا هنا ليه؟؟!! اسلام:مفيش بس هما عازوا يشربوا شوبين ويمشوا. كاظم بصله بأستغراب:Do you mean drugs? (اتقصد مخدرات؟) صاحب اسلام ضحك:ده انت طلعت بتفهم اهو. كاظم بصله ببرود:ليه حد كان قايلك انى حمار؟ ### خرج الحشيش ومد لكاظم:هتشارك ولا؟ اسلام بتد ايده:الله يخرب بيتك قولنتلك مابيشربش. كاظم بصله وخاد الحشيش ولعه. صحاب اسلام ضحكوا على خوف اسلام وفى الاخر هو اللى خدو منهم. اسلام باصصله وفاتح بؤه بصدمه:ايه ده!! كاظم بيشرب ومش باصصله ومغمض عيونه براحه وكأنه كان عطشان ولقى مياه. اسلام:واختى عارفه بالكلام ده؟ كاظم بصله ومسك قميصه:انت..ناوى تقولها؟ اسلام بصله وهز راسه:انا لا بس انت لو قولتلها على الحوار ده هقول. كاظم سابه وكمل شرب. بعد وقت ولما كتبوا الكتاب. العريس (هانى) حضن شذى وهى ابتسمت وحضنته والكل صقف وبقوا يباركولها. ليندا بتبص حواليها وبتدور على اسلام وكاظم..راحت وقت جانب عبدالله وبصتله:كاظم فين؟؟ عبدالله بصلها:مع اسلام اخوكى. ليندا بصتله:وليه تسيبه مع اسلام؟؟ مشيت تدور عليهم لحد مالقته جاى مع اسلام وصحابه. ليندا راحتلهم: كنتوا فين؟ كاظم بصلها وابتسم وقرب مسك ايدها: I miss you (اشتقت لكى) ليندا بصتله كان شكله غريب وبصت لاسلام:انتوا ودتوه فين؟ كاظم ابتسم :behind the world (وراء العالم) ليندا بصتله ومسكت ايده:تعالى.. وخادته ومشيوا. لبندا دخلت بيه البيت وبصتله:كنتوا فين يا كاظم؟..انت شكلك ميطمنش. كاظم قرب ملك وشها بين ايده وسند جبينها على جبينه وهو بيقربلها وده اللى بيخليها تبعد. كاظم بيتكلم بهدوء:I love you. (احبك) ليندا بصاله وضربات قلبها بتعلى:كاظم انت شارب حاجه؟ كاظم ابتسم وهز راسه بإيجاب. ليندا بصاله:اسلام اللى شربك؟ كاظم هز راسه بإيجاب. ليندا كشرت بغضب من اسلام:طيب يا اسلام انا هوريك. كاظم فضل يقرب ويبعدها لحد ماصطدمت بالحيطه وهو بيبص لشفايفها جى يبوسها بعدت وشها:كاظم... كاظم قاطعها بحط صباعه على شفايفها:I don't want to hear anything (لا اريد سماع شئ) ليندا بصاله وهو قرب باس خدها وغمض عيونه وبيقرب من شفايفها. ليندا زاته وبعدت بضيق:انت ايه اللى خلاك تسمع كلامهم وتشرب بس! كاظم بيقرب منها بابتسامه وعيونه مايله للون الاحمر:Do you like to play cat and mouse with me? (اتحبين لعب القط والفائر معى؟) ليندا بصاله وبتبعد :ممكن تبطل تقرب طيب؟ كاظم هز راسه بنفى وهى فكرت هى المفروض تتعامل معاه ازاى فى حالته دى؟!! بكلت تبعد وهى اللى قربت منه علشان كده وقف. كاظم باصصلها وهى وقفت قدامه وبصتله وقربت حطت ايدها على خده بعهدوء:تحب تنام؟ كاظم باصصلها وهز راسه بنفى وحط ايده على وسطها:I want you (اريدكى انتى) ليندا بصاله وبتتنفس بعمق بسبب لمسه ليها وبتفكر تعمل ايه! ليندا مسكت ايده بتدتها عنه وبصتله بابتسامه ومهاوده:تعالى.. وتمسك ايده خرجت بيه برا البيت طلعته للسطوح ودخلوا الاوضه. ليندا:تعالى نام هنا. كاظم نام وبصلها ولسه ماسك ايدها وهى قعدت على الكرسى جامب السرير وبتملس على شعره بأيدها التانيه علشان تنيمه. كاظم ابتسم وقرب ايدهامن شفايفه باسها وهى ابتسمت وبتملس على شعره بحزن ولانها افتكرته مش هيشرب تانى هو لسه مبطلش..بس الحيله اللى فكرت فيها اقسمت انها ةو نجحت مش هيشرب تانى. عده الوقت وبعد كتب الكتاب. ليندا بتزعق لاسلام بغضب:انت ليه شربته؟؟..انت فاكر ان دى حاجه كويسه!..انا مصدقت ساب اللى كان فيه لى امريكا جاى هنا ترجعه ليه تانى؟ اسلام باصصلها:هو قوالك؟ ليندا:هو ده كل اللى هامك؟ عبد الرحمان:انت بتشرب يا اسلام؟ اسلام:واللهى العظيم ماحصل دن هما صحابى اللى مايلحق يطلع عليهم صبح قالوا عايزين نتعرف عليه انا حذرتهم بس صدقنى مكنتش اعرف انهم هيشربوه. عبدالله:يبقى تبعد عن صحابك الفاسدين دول وتشوفلك ناس كويسه تمشى معاهم دول اصحاب السوء اللى دينا اتكلم عنهم يا اسلام. اسلام بصله ويكت:انا اسف يا عمى اسف يا ليندا بس انا بجد مكنش قصدى ده يحضل انا كنت همنعهم بس هو اتقبل الموضوع ولقيته هو اللى وافق وخاده منهم انا اسف. ليندا بصتله بضيق ودخلت اوضتها. فى اليوم التالى.. شيماءةبت يا ليندا ماتطلعى تصحى كاظم ينزل يفطر معانا اهو ياخد على اللمه. ليندا بصتلها بتفكير وهزت راسها بإيجاب وطلعتله. كاظم.نايم وبيبتدى يفوق..حط راسه على ايده بالم. دهب قاعده جانبه بتملس على شعره بابتسامه وبتدقق فى ملامحه قامت لما شافته هيصحى وخرجت من الاوضه. ليندا طلعت وقابلتها وبصتلها باستغراب:انتى بتعملى ايه هنا؟ دهب بصتلها:ايه كنت بشوف الدش..شكرا لاهتمامك يا..لينو.. وتبتسم باستفزاز وتمشى. ليندا بصالها وهى ماشيه بغضب وبتريقه:كنتى بتشوفى الدش! راحت خبطت على باب اوضه كاظم وهو بيفوق:غور من هنا مش رايح فى حته. ليندا استغربت هو افتكرها مين؟!! ليندا:كاظم انا ليندا...اصحى يلا. كاظم فتح عيونه وبيبص حواليه قام قعد على السرير وحط ايده على راسه بألم:ليندا!!..ادخلى. ليندا دخلت وبصتله بملامح جمود:يلا علشان تاكل معانا. كاظم بصلها بتعب وهز راسه وهى مشيت. كاظم باستغراب:هى مالها!!؟؟؟..ايه اللى حصل امبارح! قام غسل وشه وغير هدومه ونزل. الكل قاعد على السفره بياكل ودهب ابتسمت اول مشافته. قعد مهاعم وليندا حطت قدامه الاكل بتاعه والكل بداء ياكل بس كاظم مابيشربش غير قهوه. دهب:عمى عبدالله ايه رأيك لو وقفت كاظم فى الفرن بتاعك؟ كاظم بصلها وبص لبعدالله باستغراب:فرن ايه؟ عبدالله:وهو ده هينفع فى حاجه!..فرن عيش. ليندا ماتكلمتش وبصالهم وبتاكل. كاظم كشر: عيش! عبدالله: كلامى واضح..فرن عيش. كاظم بصله بتفكير وبص لليندا مستنيها تتكلم بس هى ساكته تماما. دهب: مفيش مشكله ممكن تجربه يومين ولو نفع تشغله معاك. كاظم بصله بتكشير:مظنش انى هحب الموضوع. عبدالله:ايه مش عاجبك؟ كاظم هز راسه:لا مش عاجبنى. عبدالله:خلاص متشتغلش احسن هو فى حد ضربك على ايدك!..كله لمصلحتك. كاظم :هو مفيش شغله عدله اشتغلها فى ام البلد دى؟!! عبدالله: حد قالك تيجى هنا؟ كاظم بصله بغضب وقام من على الاكل وبص لليندا: الحمام فين؟ ليندا بصتله وقامت راحت تورهوله. كاظم فتح الحنفيه بس كانت المياه قاطعه. ليندا: المياه مبتجيش دلوقت فى عطل فى الماتور. كاظم بصلها وهى جابتله مياه من اللى مالينها فى البارميل وبتصبله. كاظم غسل ايده ونشفها وبصلها:مالك مضايقه لبه؟ ليندا مش بصاله ومكشره:مفيش.. جات تمشى مسك دراعها:ليندا شكلك زعلان منى فى ايه؟..انا عملت امبارح حاجه زعلتك؟ ليندا بصتله:لا معملتش ابدا..علة اساس انك مش فاكر؟ كاظم هز راسه بنفى:انا فعلا مش فاكر. ليندا:صح صح..كاظم ابعد بقى خلينى امشى. كاظم: مش قبل متقوليلى مالك.. انا عملت ايه امبارح؟ ليندا بصتله: عملت انك انك مديت ايدك عليا. كاظم بصلها بصدمه: انا مديت ايدى عليكى؟ ليندا هزت راسها بإيجاب ومثلت العياط: امال هتبلى عليك يعنى! كاظم بيبصلها ومصدوم وملك وشها بين ايده: اززززااااى انا مستحيل اعمل حاجه زى كده.. اضربك!! ليندا بتمثل العياط: قصدك انى بكذب؟...يابختك يا هنا انتى وفرحه اجوازهم مابيشربوش ولا بيضربوهم. كاظم باصصلها ولسه الصدمه مسيطره عليه: ضربتك ازاى طيب؟ لبندا زعقتله: ضربتنى يعنى ضربتنى وخلاص هو انا هشرحلك. كاظم: انا بجد مش عارف عملت كده ازاى ليندا انا بجد اسف.. بوعدك مش هتتكرر تانى انا مكنتش فى وعيى وقتها. ليندا: يعنى انت تشرب وعقلك يغيب وتطلعهم عليا انا. كاظم هز راسه بنفى:بوعدك مش هشرب تانى ده وعد انا مش هشرب ابدا طول منا معاكى.. ليندا:لا ولا حتى من غير متبقى معايا لحسن وقتها بنت تستغلك وتستغل انك حلو وقتها بردو هتكون عملت مصيبه وهتوجع قلبى. كاظم مسك ايدها باسها:سلامه قلبك يا زبده انا بوعدك مش هتتكرر ولو عيزانى اقطع ايدى انا مش هرفض. ليندا بصتله:يعنى..يعنى مش هتشرب تانى خالص؟..علشانى؟ كاظم هز راسه بإيجاب:خالص. ليندا مثلت انها بتمسح دموعها:طيب..هتوافق على الشغلانه ولا هتعمل ايه؟ كاظم بصلها بتفكير:مش عارف بس صعبه انى اشتغل فى فرن يعنى..انا مش هنفع فى الشغلانه دى. ليندا:لاحظ ان كل ماتجيلك فرصه تضيعها من ايدك وبالطريقه دى عمرك ماهتشتغل. كاظم بصلها بتفكير وبعد ماخرجوا لعيلتها.. كاظم :هتروحى المستشفى؟ ليندا بصتله بتفكير وهزت راسها بنفى. كاظم كشر:ليه؟ ليندا:خليها مش النهارده..انا مش محضره نفسى. كاظم:ليندا.. ليندا قاطعته بترجى:كاظم معلش خليها يوم تانى. كاظم اتنهد بعمق وهز راسه:زى مانتى عايزه. فى الوقت ده جى اتصال لكاظم من چونى وهو خاد التليفون ودخل البلاكونه يرد. عبدالله قام من على الاكل:انا رايح الفرن. ويقوم وشيماء قامت معاه تحضرله هدومه. امير بص لليندا:انتى هتشتغلى؟ ليندا مبصتلوش واتجاهلت كلامه تماما وسابتهم ومشيت. سماح بصالها وهى ماشيه بغضب وبصت لامير:دى واحده قليله الزوق ليه تتكلم معاها؟ امير بصلها ودور وشه للجهه التانيه:هى وراها اللى مقويها مش لوحدها اللى بقت كده.. سماح بصتله وبصت لكاظم اللى واقف فى البلاكونه: على رأيك... وعلشان كده لازم تبين للكل انك احسن منه وتندمها على اللى عملته. امير باصصلها بتفكير وبص لكاظم: لو ليندا اشتغلت فعلا فى المستشفى زى مابيقول هيبقى فى مجال اعمل اللى بتقولى عليه لان العياده اللى انا فاتحها مخليانى معروف فى المنطقه وبكده كلهم هيقولولها انى ضعت من ايدها وكمان هيبقى فى مجال اروح اجيبها وارجع الحب اللى فى قللها ليا تانى.. سماح: وبعدها تسيبها لانى مش هقبل بدى تكون مرات ابنى. امير بصلها وبيفكر وقام: انا هروح العياده. سماح هزت راسها بابتسامه: ربنا معاك ياحبيبى ويوقفلك ولاد الحلال. كاظم خرج من البلاكونه وراح على اوضه اسلام خبط على الباب ودخل واسلام بصله: يا اهلا بالخواجه بتاعنا اللى قال انه مش هيقول لليندا وحكالها كل حاجه. كاظم: عايزك توصلنى لمكان فى لقصر. اسلام بصله ورفع حواجبه: فين كده؟ كاظم: #### بس متجيبش سيره لحد عن الموضوع ده. اسلام هز راسه بإيجاب: طيب بس هتدفع. كاظم بضيق: انجز. اسلام قام: يلا يا خواجه. كاظم مشى معاه ومقالش لاى حد انه ماشى. كاظم خرج من البيت مع اسلام وهو بصله:انا هروح اجيب التوك توك من الشارع اللى جانبينا لحسن لو سيبته هنا العيال اللى بيلعبوا هنا هيخرمولى العجل...خليك هنا وانا هروح اجيبه. مشى وكاظم وقف حاطت ايده فىجيبه ولابس نضارته الشمسيه لقى اللى حط ايده على كتفه وده الى.خلاه لف وبصله بتكشير:انت تانى! الشيخ ضحك:ايه زهقت منى؟ كاظم:ممكن اعرف عايز ايه؟ الشيخ ابتسم:منا قولتلك عايز ابقى صاحبك. كاظم بصله بتكشير واستغراب:انت مقتنع بأللى بتقوله؟ الشيخ هز راسه بإيجاب. كاظم دور وشه للجهه التانيه:اظن انى جاوبتك قبل كده على طلبك. الشيخ:مش يمكن تغير رأيك؟ كاظم:مش هيحصل. اسلام راحله وبص للشيخ بابتسامه:السلام عليكم يا شيخ. الشيخ ابتسم:ازيك يا اسلام وايه اخبار ابوك واخبار عمك؟ اسلام:الحمدالله كلهم كويسين..عن اذنك ياشيخ معلش ورانا مشوار. الشيخ هز راسه بإيجاب وبص لكاظم:هشوفك تانى.. كاظم بعد نظره عنت ومشى مع اسلام..
للكاتبه/منه محسن[Milly]
فى سجن شيكاغوا.. سلطان فى اوضه المقابله:You say that Kazem has traveled? (انت تقول ان كاظم قد سافر؟) ........ هز راسه بإيجاب:I tried to reach you until I found you to tell you about it (حاولت الوصول اليك حتى وجدتك لاخبرك بالامر) سلطان باصصله بتفكير. تابعوووووووووووووووووووووووووووووووووا.. يلا نكمل بكره🌻💛 الاسئله👇 ١_تفتكروا كاظم ليه مش عايز يعرف حد عن موضوع شغله؟ ٢_كاظم هيقدر يجمع كل الفلوس دى فى الفتره القصيره؟ ٣_امير هيعمل ايه مع ليندا؟ اكتبوا توقعاتكوا للبارت القادم🥀 بتمنى اكم قراه ممتعه❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
