♡حب داخل المافيا♡

part: 32

♡ حب داخل المافيا ♡
الحلقه:32
للكاتبه/منه محسن[Milly]
# Love_inside_the_mafia
#Menna_mohsen
#Milly
فى المستشفى وبعد ماعملو لسنيه الفحوصات اللازمه.
كاظم قعد قدامها وبصلها بأبتسامه خفيفه ومسك ايدها:انتى واثقه فيا؟
سنيه هزت راسها:ابنى..
كاظم:انتى هتفتحى انا بحثت كتير وعرفت ان دى احسن مستشفى وحجزتلك فيها من فتره وجى الوقت المناسب..تعملى العمليه وتشوفى بنتك وهى بفستان الفرح انا هأجله علشانك وكمان..لو ماعجبكيش جوز بنتك المستقبلى نتناقش فى الموضوع ده.
سنيه ابتسمت بدموع وهزت راسها:انت فعلا ابن متتعوضش..بس اجل الموضوع ده لبعدين انت وراك فرح وهتتجوز وهتفتح بيت ولازم يكون معاك فلوس.
كاظم هز راسه بإيجاب:الفلوس بتيجى وبتروح بس انك تفتحى وفى الوقت ده اهم حاجه.
عبدالله باصصله ومبتسم كل ماده وبيكتشف فيه حاجات جديده بيكتشف كاظم اللى كان مدفون فى اعماق شخصيته وحاليآ بيبداء يظهر..بس ياترى قرب من ربنا؟..ده السؤال اللى مشتت عبدالله ومحيره فى شخصيه البنى ادم اللى قصاده.
عده الوقت وفعلا عملت العمليه رغم القلق اللى كان جواها بس كلام الدكتور وان فى امل كبير تفتح كان كفيل يطمن قلوبهم..وحتى لو مفتحتش فاهما حاولوا.
عبدالله واقف مع كاظم برا اوضه العمليات:تعرف يا كاظم انت ناقصك ايه؟
كاظم بصله وساكت وعبدالله كمل:ناقصك الايمان..تعرف انى على قد منا مبسوط ومطمن منك على ليندا بسبب حبك الكبير ليها..الا ان الحب فانى وعلشان تكمل عيشتكوا بسلام محتاج تعرف ربنا ووتقيه فيها والا حياتكوا بعد كده هتبقى مهدده بالهدم.
كاظم بصله:الحب مش فانى الفكره انك تعرف ازاى تخليه يعيش.
عبدالله:بردو لو من غير حب الله عمره ماهيعيش يعنى واحد قلبه بايظ اتشد لواحده سماه حب عاش معاها سنه اتنين خلفوا وبعدها قلقى ان حبها فى قلبه بيقل وقتها العيشه بتبقى مهدده بالهدم..وعلشان الاساس ده يفضل قوى لازم يكون عارف ربنا وبيتقى ربنا فى مراته لازم يكون بينهم احترام يزود المحبه مش واحد يصحى مراته بعلقه وينيمها بعلقه ووقت ماتطلب الطلاق يقول انا بحبها ومش هقدر اطلق..حب ايه ده بقى!!..لازم الحب يكون عن طريق الاحترام عن طريق العشره عن طريق كتاب ربنا اللى علمنا فيه ازاى نتعامل مع اهالينا قال بر بالوالدين انت لو حافظ كلام ربنا مجرد ماتفهم الايه وتعرف ان ربنا طالب منك تبر بوالديك وتحسن ليهم عمرك مهتزعلهم هتبقى عامل اقصى ماعندك علشان تسعدهم وترضى ربنا قبل اى حاجه هتخاف لو عاملتهم معامله وحشه ربنا يزعل منك يبقى انت كده فى عباده بتتقى ربنا فى عيشتك وفى اهلك حياتك هتمشى مظبوك وقتها فعلا الحب عمره ماهيكون فانى..لان الخوف اللى فى قلبك من ربنا هيخليك تمشى على سننه وتتبع دينه وهنا بقى العيشه بتكون فى قمه الراحه وفى قمه الحب بين الناس..مش واحد لابيخاف ربنا ولا بيصلى ولا عارف حاجه عن دينه يقولى عيشته بينه وبين مراته هتدوم لانه بيحبها ده كلام روايات كلام فى كتب حفظوهم للناس تعالى انت كده اسأل واحد متجوز وعايش مع مراته ومخلف عامل ايه..هيقولك واللهى العيشه الواحد لو يرجع صغير تانى وتلاقى دى مشيرالك بوست على النت جايبه صوره ممثل تركى وبتقارنه بجوزها يبقى هو قاعد على القهوه مراته ترن عليه ولا حاجه ابنها سخن ومحتاج ابوه جانبه وده يقفل الخط ويقولك وجع دماغ فين بقى الاحترام قبل مايكون فى حب؟؟..من غير الاحترام يابنى عمر مكان الحب دايم..وربنا الطف بعباده علشان عارف الرجاله عارف طلعهم وان الواحد منهم ممكن شهواته تأثر عليه هو حلله اربع نساء يتجوزهم فى الحلال..بس انت بقى متبقاش عايش عيشه فل مع مراتك او تبقى الحاله مزنقه معاك او تبقى شيلاك تاج فوق راسها وتيجى تحسسها فى الاخر انها كانت زى اى جزمه غيرتها ربنا اه حلله لانه عارف انت على ايه بدل ماتعمل حاجه غلط وتاخد ذنوب هو خلهالك حلال انت بقى ماشى فى الارض تتجوز سايب كل حاجه حللهالك الدين وماسك فى دى.. انت بدل متروح تتجوز ماتبص لمراتك تشوف ازاى هى شايله بيتك وعيالك الاول قبل ماتتبع شهواتك وتبص لست تانيه..وقتها هو بيبقى بيهدم علاقه وبيبنى علاقه تانيه..الستات مبيبقوش عايزين من اى زوج اكتر من الحب والاحترام عايزين ازواجهم يحسسوهم انهم مالكين الدنيا كلها ولما الزوج بيحسس مراته بكده هى هتفضل صيناه والعيشه هتمشى..يابنى احنا فى زمنا ده انتشرت حاجات كتيره جدا على النت وغيرها بقت اى ست متجوزه تدخل تكلم اى واحد ويتقابلوا وتبعتلوا صور عيالها احنا بقينا فى حاله مايعلم بيها الا ربنا..اللى ماسك على مراته دلوقت واللى عنده ست تصونه وتتقى ربنا فيه دى نعمه..معظم الناس اللى اعرفها فى منهم اللى اتجوز رغم ان حالتهم مش متيسره راح يضيق على مراته ويتجوز واحده تانيه واللى مراته هربت بالعيال مع واحد تانى فين الاحترام بقى؟؟..تفتكر انت اللى مراته هربت مع واحد تانى ده عيشتها هتبقى مرتاحه او حتى هيصون ربنا فيها؟؟..هما يومين وتترمى فى الشارع..ولا اللى راح اتجوز وصرف كل فلوسه على مراته التانيه وسايب مراته الاولنيه تتعب وتشتغل علشان تجمع لعيالها لقمه..مراته التانيه هتصبر عليه؟؟
كاظم باصصله ومركذ جدا فى كلامه.
عبدالله اتنهد بعمق وبحزن:اهى خربت الناس بقت تحط كل الحق على الدين بقوا يمشوا بالايات غلط وكل واحد يفسرها زى ماهو عايز كل واحد بقى يجمل غلطه..ربنا يعدينا منها على خير...انا بقولك كل ده لان ليندة بالنسبالى بنت ليا..زى شذى ويمكن اهتمامى بليندا اكبر..دى اللى اتربت على ايدى وقت مجات على الدنيا كانت شيماء فاضلها شهور وتولد انا اللى ربيتها وعارف كميه الطيبه والحب اللى فى قلب البنت دى..يوم ماعرفنا بموضوع مرضها عبدالرحمن اتجوز ومكنش معاه فلوس وانا كنت مهتم بجامعه شذى وصارف كل فلوسى عليها..انا كنت شايل الهم وكأنها بنتى ويوم معبدالرحمن قرر يسفرها تكمل جامعتها برا وتتعالج انا كنت رافض تسافر لوحدها بس عبدالرحمن ابوها وكان الموضوع داخل دماغه اوى..رغم انى كنت متأكد وقتها سفرها بسبب المشاكل الدايمه اللى كانت بتبقى بينها وبين رحمه..هى مكنتش بتسكت لو غلطت فى مامتها معروفه ان مرات الاب بتبقى خراب على العيله كلها بتحاول تاخد هى المنظر واكبر مساحه عايزه هى اللى تكون فى الوش وكبيره العيله بس سنيه مدتهاش فرصه ولا ليندا..انا مش طالب منك اكتر من انك تصونها ووتقى ربنا فيها..متتعاملش معاها بطريقه غلط زى متعامل ابوها ومفهمهاش وانا كمان غلط فى حقها اول ماجت تصرفى كان متسرع وكان غلط انا معترف بكده..علشات كده لازم انت تكون سند وحيطه ليها..انا متكلمتش مع حد اتقدم قبل كده كل الكلام ده بس انا شايف انك مختلف شايف انك عديت كتير اوى علشانها ومستعد تكمل..فابدل ماتخسر الحب ده قويه.
كاظم باصصله وبيسمعه وابتسم بخفه:متقلقش ليندا عمرها مهتشتكى من معملتى ليها انا هكون محافظ عليها قبل نفسى..انا عارف ليندا بقالى يجى سنتين يعنى حفظت الشخصيه اللى قدامى..انا بقيت عارفها اكتر من نفسى..بقيت عارف هى عايزه ايه قبل ماتطلب حتى.
عبدالله ابتسم وربط على كتفه:انا عارف ان مش هيجيلها انسب منك..وعلشان كده مش قادر ارفضك رغم انى مكنتش متقبلك خالص فى البدايه بس انت قدرت تزرع المحبه فى قلوب الكل..وفى قلبها هى شخصيآ قبل كل حاجه.
كاظم:انا عايز اقولك ان السنتين اللى عرفتها فيهم عمرها مقالتلى بحبك او غلطت وقالتلى كلمه حلوه..تخيل.
عبدالله ضحك:الله مش بنتى ومربيها على ابدى.
كاظم ضحك:لا ماهو انا مبقتش مستغرب لما دخلت العيله وعرفتكوا مستغربتش الصراحه..عرفت ان وراها جبال وعرفت كمان السبب اللى مخليها محافظه على نفسها وبتمنع حتى لمس الايد..رغم انى مكنتش متقبلها الا انى بعد كده لقيت ان دى من احسن الحاجات فيها.
عبدالله ابتسم:يابنى ده الفكهانى لما بيكون عنده فاكهه حلوه بيبقى متأزى لما حد يلمسها ويقوله ممنوع التنقيه خايف على فكهته لاتبوظ..ربنا مش هيحافظ على عبده؟؟
كاظم باصصله بأبتسامه شرود فى الوقت ده خرج الدكتور من اوضه العمليات.