♡حب داخل المافيا♡

part: 28

♡ حب داخل المافيا ♡
الحلقه:28
للكاتبه/منه محسن[Milly]
# Love_inside_the_mafia
#Menna_mohsen
#Milly
كاظم فضل مستنى ليندا لحد ماخلصت العمليه وخرجت.
ليندا قلعت الجوانتى اللى فى ايدها والكمامه اللى على بؤها وقعدت على الكنبه جانب كاظم وعيطت.
كاظم بصلها بقلق وملك وشها بين ايده: ليندا حبيبتى فى ايه مالك؟؟.. العمليه فشلت؟
ليندا بصتله بابتسامه وهزت راسها بنفى: انا نجحت.
كاظم ابتسم وقرب باس جبينها: امال بتعيطى ليه طيب قلقتينى.
ليندا: انا كنت خايفه اوى كنت حاسه انها هتفشل.
كاظم هز راسه بنفى: لازم يبقى عندك ثقه ف. نفسك وتتغلبى على خوفك.
فى الوقت ده عدت ممرضه بتسأل فى غرف الدكاتره عن انبوبه اكسجين.
الدكتور: المستشفى مفيهاش انابيب اكسجين.
الممرضه: فى واحد مش عارف يتنفس وشكله كده هيموت.
الدكتور: ربنا يلطف بينا.
كاظم باصصلهم وكشى بأستغراب: ازاى مستشفى مفيهاش oxygen tube???
ليندا بصتله بحزن وسوسن راحتلهم: الف مبروك على نجاح اول عمليه يا قمر انت.
ليندا ابتسمت بارتياح رغم ان قلبها كان هيقف من الرعب.
سوسن: يلا نروح نشربلنا اى حاجه.
كاظم: اه صح انا همشى بقى.
ليندا بصتله وهزت راسها  بقلق هى خايفه من بعده عنها: انت هترجع البيت؟
كاظم بصلها بتفكير:اه يعنى.. هروح مشوار صغير وارجع بعديه.
ليندا هزت راسها بإيجاب: خلى بالك من نفسك.
كاظم ابتسم ون. راسه بإيجاب  وقرب باس خدها ومشى.
ليندا راحت مع سوسن وقعدوا فى اوضه الاستراحه للدكاتره.
سوسن: هو انتوا اتجوزتوا ولا لسه ولا ايه الحكايه انا مبقتش فاهمه حاجه.
ليندا بصتلها بتفكير: تصدقى انا نفسى مبقتش فاهمه..
سوسن ضحكت: انتى بتهزرى؟
ليندا بصتلها بشرود: هو احنا اتجوزنا فى امريكا بس اما رجعنا هنا اهلى اصروا نعمل الفرح تانى..فهمتى بقى؟
سوسن: اااه كده الامور وضحت..الا قوليلى ملتى ايه فى امريكا احسن من هنا صح؟
ليندا: بكتييييير..
سوسن: وايه اللى رجعك بدل ماهى احلى؟
ليندا: واللهى انا اتبهدلت هناك يعنى اى واحد هيسافر فى بلد مش بلده ويتغرب وقتها بتكون العيشه صعبه عليه.. انا كانت عيشتى هناك صعبه فى حاجات كتير.. انتى مش متعوده عليها هنا تحصل.. وكان نفسى اشوف اهلى ونرجع نعيش مع بعض تانى بس.. كل حاجه مشيت عكس منا كنت عايزه.. يلا الحمدالله على كل حال.. انا متأكده ان ربنا ليه حكمه من اللى حصل.

للكاتبه/منه محسن[Milly] 

اسلام بيسوق التوك توك وكاظم راكب معاه.
اسلام ةتحب اشغلك اغنيه معينه يا سطا؟
كاظم رفع حاجب واحد: يسطا؟؟.. انت شايفنى driver?!!
(سواق؟!!)
اسلام: لا دى كلمه كده بين الناس يعنى تقولى يسطا اقولك يا زميلى كده يعنى.
كاظم رفع حواجيه: قصدك القاب يعنى.
اسلام ابتسم: عليك نووور.. القاب يعنى.. بقولك بقى يازميلى اشغلك اغنيه ايه؟
كاظم:انا مش عايز حاجه معينه..الاغانى بتاعتك غريبه اصلا..
اسلام:دى مهرجنات يعنى عندى مهرجان انتى بسكوتايه ومهرجان يا ام شعر حرير..عندى مهرجانات كتير اقولك هشغلك لخبطيطه.
كاظم بأستغراب:ايه لغبطيته دى؟!!
اسلام:هتعرف.
ويشغلهاله:اسمع وادعيلى.
كاظم رجع راسه لورا وبيحرك راسه على حسب لحن الاغنيه.
اسلام بيغنى مع الاغنيه.
كاظم بيبص للشوارع وبص لاسلام بأستغراب:هى ازاى الناس بترمى الGarbage.
اسلام: قصدك زباله يعنى.. يا عم هى خربانه خربانه.
كاظم رفع حواجبه:جديده دى..
اسلام:ماهى لازم تكون جديده عليك مش من امريكا عايز ايه تانى اكتر من كده!
كاظم:هو ليه كل العرب واخدين الشخص الاجنبى حاجه كده كبيره..هو مش رئيس جمهوريه.
اسلام:احنا كعرب نفهم حته زى كده انتوا كاجانب لا.
كاظم باصصله بأستغراب: طب متفهمهانى.
اسلام:بص امريكا دوله عظمه واى بلد تانيه بيكون فخر ليها ان واحد اجنبى يزورها او يقيم فيها هى بقى ليها شكل كده انا مش قادر اوصفهولك انا مليش فى الكلام ده ياعم.
ويشاور لصاحبه وهما ماشيين:ياا اوزواا جايلك استنانى..
كاظم بصله:هو فى حد اسمه وزوا؟
اسلام:لا اوزوا انت ليه ماسكلى على الواحده الله القاب زى مقولتلك.
بعد ماوصلوا.
كاظم نزل وبصله:متنساش تجيلى فى المعاد اللى قولتلك عليه.
اسلام:طيب متقلقش هخلص مصلحه وجايلك.
كاظم دخل الشركه.
فى الليل.
امير دخل الميتشفى الموجوده فيها ليندا سأل عليها اتأكد انها موجوده فى المستشفى وده اللى خلاه فضل مستنيها.
ليندا بعد دقايق نزلت جى يروحلها كشر لما شاف كاظم نازل معاها.
امير غمض عيونه بضيق:لازم يكون مرتب لكل حاجه بيعملها.
كاظم خرج بليندا برا المستشفى وركبها التاكس وركب جانبها.
كاظم باين عليه الارهاق من شمس طول اليوم ولانه اول ماخلص شغل كمرشد سياحى والمدير اعجب بيه وكانت قدره الاستيعاب عنده كبيره وده اللى ساعده يحفظ معلومات فى اقل وقت ممكن..راح بعدها على مكتب الترجمه ورجع ياخد ليندا للبيت.
كاظم شبك ايدها فى ايده وهى بصتله وبصلها بأبتسامه:عملتى ايه فى الشغل؟
ليندا ابتسمت:كنت خاليفه بس كل حاجه عدت..انت كنت فى البيت؟
كاظم هز راسه بإيجاب.
ليندا:انت كويس؟..شكلك متغير.
كاظم هز راسه بنفى:عايز انام بس.
ليندا:وايه اللى خلاك تيجى المشوار ده كله تانى وتتعب نفسك؟
كاظم باس ايدها وبصلها بابتسامه: تعبك راحه.
ليندا ابتسمت وبعدت نظرها عنه بكسوف.
بعد مرجعوا للبيت.
الستات قاعده قدام بيوتها واولادها بيلعبوا فى الشارع بالكوره...الكوره اتحدفت على كاظم وهو بعد بتكشير.
ام محمد:يوه ماتخلى بالك يله من اللى رايح واللى جاى معلش يا بنى هو مشافكش.
كاظم بصلها وجوم يدخلوا الولد حدف الكوره عليه تانى وهو لف بتكشير لسه هيتكلم امه شدته وضربته بعنف:انا قولت خلى بالك..
وبتضربه.
كاظم برق من ضربها الغبى ليه وراح شده منها:خلاص خلاص مفيش حاجه حصلت انتى بتضربيه كده ليه؟!!
ام محمد:ماهو قليل الادب وعايز يتربه.
كاظم بزعيق:ده طفل يتربه ايه وهو انتى كده بتربيه؟
ليندا مسكته وبتهديه :كاظم
كاظم بص لام محمد بغضب وبص للطفل ملك وشه بين ايده وبيمسحله دموعه:اهدى متعيطش.
خرج فلوس وادهاله:هاتلك حاجه حلوه اممم..
ليندا ابتسمت مكنتش متوقعه انه هيبقى حنين كل الحنيه دى على الاطفال.
الطفل هز راسه بنفى:بابا قايلى ماخدش فلوس من حد.
كاظم مسك ايده باسها:اعتبرنى بابا وخودها منى..
الطفل بصله وبص لمامته وهى اتكبمت:ملوش لزوم يا كاظم يابنى.
كاظم بصلها بغضب:ممكن تسكتى.
ليندا مسكت دراعه وبتهديه:كاظم مينفعش كده.
كاظم مسك ايد الطفل وحط فيها الفلوس وباس ايده للمره التانيه:انت بتعرف تلعب كوره؟
الطفل هز راسه بإيجاب.
كاظم ابتسم:طب ماتورينى يا بطل.
ويبعد ويحدفله الكوره برجله وليندا بصتله بابتسامه ووقفت عند الباب..فضل يحدفله الكوره والطفل يحدفهاله.
كاظم ابتسم وراحله حط ايده على شعره وقرب باس خده:bravo.
(احسنت)
الطفل ابتسم وكاظم وليندا دخلوا البيت.
ليندا بصت لكاظم بابتسامه: انت طلعت لطيف اوى.
كاظم ضحك: لطيف!
ليندا ابتسمت وبعدت نظرها عنه: يعنى مش زى مكنت باين..
كاظم ابتسم وبصلها: يعنى.. خلاص حبيت؟
ليندا الابتسامه مفارقتش وشها ومبصتلوش.
اول مدخلوا البيت عبدالله بصلهم باستغراب:كنتوا فين؟
ليندا:انا كنت فى الشغل وكاظم كان هنا.
عبدالله بص لكاظم باستغراب:كان هنا ازاى!..هو مارجعش النهارده من اول مامشى معاكى انتى واسلام الصبح.
كاظم بصله وغمض عيونه بضيق.
ليندا بصت لكاظم بأستغراب:انت..قولتلى انك..
كاظم قاطعها:انا مش لازم انقل تفاصيل يومى كنت فين ومكونتش فين..وبعدين انت مين قالك انى مكنتش فى الاوضه فوق؟
عبدالله:اى حد بيطلع بنحس بيه..احنا مش اغبيه.
كاظم:تمام بردو ملكش علاقه بيا.
ليندا بصاله وهو خاد بعضه وطلع على الاوضه.
عبدالله بصلها:شايفه طريقته؟..ده واحد تعيشى معاه ده؟
ليندا بصتله وكشرت بتعاطف:عمى واللهى هو كويس بس..
عبدالله:بس بلطجى..
ليندا بصتله بضيق من جملته وبعدت نظرها عنه:انا هدخل اغير هدومى.
وتدخل اوضتها.
كاظم قعد على السرير وغمض عيونه بتعب..جى فى باله مشهد سعيد ونظراته لليندا وده اللى خلاه قام من مكانه ونزلها تانى.
ليندا فتحت الدولاب فزعت لما لقت حد حط ايده على بؤها.ليندا برقت بفزع وبتحاول تبعد ايده:امم..
سعيد قرب من ودنها وهمس:هشششش اهدى انا جاى اتكلم معاك.
ليندا بتحاول تبعد ايده بغضب بس قوته كانت اكبر بكتير من قوتها.
سعيد مسكها بعنف اكبر وبغضب:قولتلك اهدى انا جاى اتكلم معاكى ومش لازم حد يعرف بالكلام اللى هقولهولك هو عن امك.
ليندا بتضربه فى رجله برجليها بعنف وهو ماسكها بغضب وبقوه.
عبدالله بص لكاظم اللى راح فى اتجاه اوضه ليندا ومبصلوش ولا قال اى حاجه.
كاظم خبط على باب اوضتها:ليندا انتى بتغيرى؟
ليندا بصت قدامها وغمضت عيونها براحه.
سعيد غمض عيونه بغضب:شوفتى غبائك انا هسيبك وقوليله انك كويسه ليندا انا جاى اتكلم معاكى وبس.
ليندا هزت راسها بإيجاب وهو اتنهد بعمق وسابها.لبندا لفت وبصتله وصرخت بصوت عالى:كاظم اد..
سعيد كتم بؤها بعنف وكاظم بيحاول يفتح الباب..راح المطبخ جاب سكينه وعبدالله وقف وبصله بأستغراب:انت بتعمل ايه؟!!
كاظم مردش عليه لكن من ترزيعه فى الباب الكل اتجمع وفى الوقت ده امير دخل وبصلهم بأستغراب:ههو فى ايه؟!!
عبدالله بعصبيه: ممكن ترد عليا؟
كاظم قدر يفتح الباب ودخل بسرعه وشذى ماسكه سنيه وبتمشى معاها.
سنيه: فى ابه با بنتى؟؟
شذى: علمى علمك والله ياخالتى.
كاظم لكم سعيد بعنف اللى بعد عن ليندا اول مشافه وفضل يضرب فيه.
عبدالرحمن بصدمه وبيحاول يبعده عنه: انت اتجننت ولا ايه سيبه والا انا هطلبلك البوليس.
كاظم بيضربه بعنف ووشه بداء ينزف ويحصل فيه كدمات.
رحمه بصالهم ومستغربه اللى بيحصل زى كل الموجودين.
امير بيزاه بعنف وبيصرخ فيه:حد يطلب البوليس للهمجى ده.
كاظم وقف ومسك قميصه ولكمه بعنف : بقى انا همجى يا يابن ال*****..
ساب سعيد ومسك امير فضل يضرب فيه .
عبد الرحمن زأه بعنف وعبدالله واقف ماتحركش من مكانه.
بعد الرحمن: انت ايه الهمجيه اللى انت فيها دى!.. هو عبط وخلاص؟
كاظم بصله بغضب: بقولك ايه قبل ماتفتح بؤك روح اسال اخوك المحترم كان عايز ايه منها.
ليندا بصتله وسعيد وقف بألم وماسك فكه بحركه: هعوز منها ايه يعنى!!..انا كنت جاى اتكلم معاها مش اكتر هى اللى بتتبلى عليا.
ليندا بصتله بغضب وكاظم مسك قميصه بعنف:هى اللى بتتبلى عليك بردو!
ويضربه بعنف.
عبدالله راح مسكه:خلاص بقى.
كاظم:هى كل مره كانت بتحكيلكوا فيها عن قذارته محدش كان بيصدقها وده اللى كان بيديله الحريه يكمل فى وساخته..عرفتوا بقى فى ايه ولا اوضح اكتر؟؟
سعيد:دى كذابه وكل اللى بتقوله كذب.
كاظم بصله بغضب وجى يقرب منه عبدالله مسكه:قولت خلااص ليندا اتكلمى فى ايه.
ليندا بصتله:كلام كاظم صح..بس المره دى هو بيقولى انه..عايز يعرفنى حاجه عن ماما.
سنيه كشرت بأستغراب:تعرفها ايه عن امها يا سعيد؟
سعيد بصلها وسكت وبعد نظره عنهم.
سنيه:ماترد ولا القطه كلت لسانك.
سماح:وهو انتى بردو يا سنيه تصدقى البت دى!!
ليندا بصتلها بغضب وكاظم بصلها:وليه متصدقهاش؟..ليه تصدقه هو؟!..ولا علشان كلكوا فى مركب واحده؟
سماح بصتله:انا موجهتلكش كلام.
كاظم ضحك بسخريه وبيمسح بصباعه على بؤه وبيحاول يتمالك اعصابه.
سنيه:انا عايزه اعرف ايه اللى هتقوله لبنتى عن امها؟؟؟..لسمح الله كنت بمشى بطال؟؟
سعيد ساكت تماما.
عبد الرحمن بص لسعيد وكلهم مستنيين رده.
سعيد بص لليندا بغضب:دى كذابه.
ليندا بصتله بصدمه وقبل ماترد كان عبدالله لكمه.
كلهم اتصدموا ولانهم متوقعوش اى حاجه من دى تحصل.
عبدالله بصله بغضب:هى اللى كذابه بردو؟
سعيد بصله.
Flash back
ليندا واقفه فى المطبخ وسعيد وقف وراها وهى بتبعد.
عبدالله خرج من اوضته شافهم وده اللى خلاه وقف مكانه بصدمه هى كانت عندها حق!..معقول هو فعلا بيضايقها!
Back
عبدالله:انا بس كنت واقفلك على تكه كمان واكشف حقيقتك القذره..يلا تلم هدومك وتغور من هنا.
شيماء ابتسمت وبصت لسماح اللى مصدومه.
سماح:عبدالله انت بجد هتصدقها؟
عبدالله صرخ فيها من غير مايبصلها:مش عايز اسمع نفس من حد اللى عايز يخليه هنا اهلا وسهلا اللى عايز يغور معاه فى ستين سلامه.
امير بص لليندا اللى مرفعتش نظرها عليه.
سعيد مشى من الاوضه وسماح وراه وامير كمان.
عبد الرحمن بص لليندا.
عبدالله حط ايده على كتف كاظم وبصله اتنهد بعمق ومقالش اى كلمه وراح وقف قدام ليندا حنها:انا اسف يا بنتى انا كنت شاكك والله بس كنت لازم اصدقك..انا اسف.
ليندا هزت راسها بنفى:عمى انا عارفه انك احسن واحد فيهم كلهم وعارفه انك دايمآ واقف مع الحق انت عمرك ماخيبت ظنى.
عبد الرحمن باصصلها ودور وشه للجهه التانيه ومشى.
رحمه بصت لكاظم اللى مدلهاش اهتمام ومشيت هى ودهب.
عبدالله بص لكاظم ومشى.
ليندا بصت لكاظم وابتسمت وهو بصلها بابتسامه خفيفه وقرب ملك وشها بين ايده:انا..
ليندا:انت بطلى..
كاظم بصلها بدهشه كلمتها ليه شقلبت طريقه نبض قلبه المنتظمه.
كاظم باصصلها بدهشه وابتسم وباين علة ملامحه اسر دهشته:انتى..قولتى ايه؟..بطلك؟
ليندا ابتسمت وهزت راسها بإيجاب.
كاظم رفع راسه وضحك بسعاده..سعاده طفل اتجابله حاجه حلوه.
ليندا ضحكت على ضحكه:انت..بتضحك ليه؟
كاظم بصلها بأبتسامه وقرب حضنها:انا بطلك؟...بجد؟
ليندا ابتسمت وهزت راسها بإيجاب:انت بطلى من اول يوم شوفتك فيه.
كاظم بعد شويه وبصلها بسعاده وهى بعدت نظرها عنه:روح غير هدومك انا كمان هغير هدومى.
كاظم ابتسم وقرب باس جبينها:قولهالى دايمآ..امم..
ليندا ابتسمت وهزت راسها بإيجاب رغم الحزن اللى اتملك قلبها اتجاهه هو كان مشتاق لكلمه حلوه من اى حد.
كاظم بعد وبصلها بابتسامه ومشى.
ليندا فضلت بصاله لحد ماخرج من الاوضه وراحت قفلت الباب عليها ابتسمت بحزن كل ماتفتكر ضحكته لمجرد كلمه واحده اتقالتله هو فعلا ناقصه حاجات كتير واولهم حنيه الام اللى اتحرم منها بادرى.
سماح:انا مش قادره اصدق اللى بيحصل ازاى اخوك يصدق المفعوصه دى؟؟؟
امير بصلها وبص لسعيد:متهيقلى كده مش هو لواحده اللى صدقها.
سعيد بصله وسماح اتكلمت:اه مش هو لواحده الزفت اللى اللهى يغور مطرح ماهو واقف هو اللى مقوبها علينا..وهو اللى قوه اخوك كمان.
امير:ماخلاص بقى فضحتونى هى عندها حق فى كل اللى قالته وعمر عبدالله كمان عنده حق بذمتك انت مغلطش فى حقها؟؟..كان سبب انفصالنا وسبب الخلافات اللى بينا هى انى مصدقتهاش وحطتنى فى مقارنه معاه لانه بيصدق كل كلمه بتقولها عارف ان ليندا مابتكذبش وفى الاخر اطلع فعلا غبى لانى مصدقتهاش.
سماح بصتله بصدمه:انت مصدق الكلام الفارغ ده عن ابوك؟
امير:خلاص بقى اسأليه هو عندى حق فى كلامى ولا لا؟
سماح بصت لسعيد:مترد عليه.
سعيد دور وشه للجهه التانيه:خلاااص بقى مش عايز اسمع صوت حد.
امير زعق:مش عايز تسمع صوت حد لانى على حق..انا خسرتها بسببكوا انا فعلا كنت ضعيف زى ماهى قالت كنت ضعيف واوى كمان..بس اقولكوا انا هرجعها تانى وبأى تمن.
ويسيبهم ويخرج برا البيت خالص.
سماح بصت لسعيد وهو اتكلم:كنت عايز اطفى نارى من سنيه.
سماح بصاله:سعيد انت بتقول ايه الموضوع ده خلص وبقاله زمن نار ايه اللى تطفيها وهى كبرت وبقى عندها ست عيال نار ايه اللى تطفيها؟؟
سعيد:ايوه نار الغضب اللى جوايا بقاله زمن مش انا اللى اترفض وتوافق على عبدالرحمن ليه هو احسن منى فى ايه؟؟..انا كنت بعذبها ببنتها كل ماشوف عيالها بيكبروا قدامى انا بتزيد الحرقه فى قلبى عيالها حواليها وجوزها مش ناقصها حاجه اللى طفا من النار اللى جوايا شويه وهداها هو انه يروح يتجوز الرقاصه فرحه انا اللى كنت مرتب لكل حاجه وانا اللى دلقتها عليه فى اليوم ده فاكره؟؟
سماح حطت ايدها على بؤه:هشش خلاص بقى الموضوع ده بقاله زمن انت جاى تفتح فى ايه هما لو عرفوا مش هيسكتوا اللى حصل حصل خلاص..المهم دلوقت احنا هنروح فين؟
سعيد بصلها وهز راسه:ده بيت امى وزى ماهو ليه الحق فيه انا كمان ليا الحق فيه.
ويروح لعبدالله.
عبدالله:انت لسه مامشيتش؟
سعيد:اخد نصيبى فى البيت الاول وابقى امشى.
سماح خرجت وبصتله.
شيماء:سعيد نصيبك فى البيت عبدالله ادهولك وقت مجيت تتجوز علشام تجيب القاعه والفستان ووقدمت على شقه وقت ماتنصب عليك فيها فلوس ايه اللى جاى تتكلم عليها دلوقت؟؟..مش كتر خيرك انه قعدك معاه هو وعبدالرحمن؟
سعيد بصلها وعبدالله حط ايده قدامها:اسكتى انتى يا شيماء.
ورجع بصله:عايز ايه يا سعيد؟
سعيد: لو عايز تمشينى من هنا هات فلوس ائاجرلى شقه.
عبدالله:وهو انا خلفتك ونسيتك ولا ايه؟.. خلاص زمن الخود ده مبقاش فى انا دلوقت عندى بنت بجهزها ومحتاجه مصاريف ومعنديش استعداد اصرف فلوس على حد تانى.. شوف ابنك دكتور عايز تفهمنى انه ممعهوش يجيب شقه ولو بالقسط؟
سعيد بصله وبعد نظره عنه: يعنى ده اخر كلام عندك؟
عبدالله: اللى مايشوفش من الغربال يبقى اعمى يا سعيد.
سعيد راح على الاوضه وسماح بصتله: اهو لاعرفت تاخد منه حق ولا باطل..ايه لازمه كلامك معاه بقى؟
سعيد بعصبيه ومن غير مايبصلها:مش عايز اسمع صوت خلاص.
ويزؤ الشنطه اللى قدامه واللى بيحطوا فيها هدومهم بغضب.
بعد ماجمعوا حاجتهم ومشيوا من البيت.
ليندا بصت لعبدالله اللى قاعد باصص للتليفزيون ومشغل قناه الاخبار وسرحان.
ليندا قعدت جانبه وهو بصلها بانتباه.
ليندا:مالك سرحان فى ايه؟
عبدالله هز راسه بنفى.
شذى:انا بقالى ساعه قاعده بسأله مابيردش عليا.
ليندا بصتله :لا ازاى بقى ده انت عيونك باين عليهم اوى..معقول هتخبى عنى؟؟!
عبدالله ابتسم بخفه وحضنها واتنهد بعمق:انتى اتظلمتى كتير معانا..ومش عايز اظلمك تانى.
ليندا باستغراب:تظلمنى تانى فى ايه؟!
عبدالله بشرود وفى باله:انا مش عارف ياليندا مش عارف كاظم هيناسبك ولا لو حكمت عليه انه يسيبك هكون غلطان..انا كل يوم بشوف فيه حاجه مختلفه بتحيرنى اكتر وخايف عليكى منه خايف لايرجع للى كان فيه ووقتها انتى هتتظلمى معاه وهيكون الحق علينا اننا سيبناكى تتجوزيه..بس كل مره بيثبتلى انه بيحبك ويحيرنى فى شخصيته..انا مبقتش عارف المفروض اعمل ايه..والله لو كان ناوى يتغير وساعدنى اغيره انا مش هاممنى اى فلوس ولا شقه ولا كل ده بالعكس انا ممكن اساعده..بس هو يقرب من ربنا الاول.
ليندا بعدت عنه شويه وبصتله:مالك فى ايه؟؟
عبدالله بصلها بانتباه:كاظم فين؟
ليندا:فى اوضته..هو جاى تعبان ومش عارفه كان فين مش راضى يقولى..
عبدالله بصلها بتفكير وهز راسه:انا هدخل انام.
ليندا بصاله وهو قام دخل اوضته.
شذى:شوفتى.
ليندا بصتلها بتفكير.
سجده طلعت هى وساجى من غير ماحد يحس بيهم فوق السطح.
سجده ماسكه ايد ساجى:يا عبيط امشى معايا هتقع.
ساجى بصلها وبيمشى معاها.
كاظم كان فاتح باب اوضته وبيغير هدومه مكنش لابس حاجه غير الشورت..لف اول مسمع صوت سجده وكشر باستغراب وخرج برا الاوضه اتصدم لما شافهم.
كاظم راح وقف قدامهم:انتوا ازاى طلعتوا هنا؟؟؟!
سجده بصتله بابتسامه:جينا نشوفك.
كاظم رفع راسه وضحك على طريقتها:ياوليه انتى..مين اللى طلعك؟
سجده:لوحدنا..
كاظم شالهم هما الاتنين:طب تعالوا بقى بدل مانتوا طلعتولى نسهر سوا.
ويدخلهم الاوضه معاه.
كاظم ادالهم مصاصتين:انا جيبتلكوا دول.
سجده ابتسمت وباست خده:شكرا عمو كاظم..
بصت لساجى وهمستله:قول لعمو شكرا.
ساجى بصله وشاورله بكشرآ.
كاظم ابتسم وشاورله بالعفو.
ساجى مش عارف يفتحها وبيحاول بسنانه لكن مفيش فايده.
كاظم خادها منه فتحهاله وهو ابتسم وخادها منه.
سجده بصتله:انت مجبتلكش ليه؟
كاظم:انا مبحبش المصاصه.
سجده بصتله بأستغراب:ليه؟؟..انت دوقتها قبل كده؟
كاظم ابتسم بخفه وهز راسه بنفى:لو كونت دوقتها كنت حبيتها.
سجده:يبقى ازاى هتحكم على الحاجه من غير ماتدوقها؟
كاظم:انتى قولتيلى عندك تلت سنين مش كده؟
سجده هزت راسها بإيجاب وهو ابتسم:تعرفى انتى ذكيه اوى.
سجده ابتسمت وحدفتله بوسه وهو ضحك وباس خدها.
سجده مسكت وشه وبصتله:احلق ذقنك بتشوك.
كاظم ابتسم وكشر:بس هى مش طويله.
سجده:احلقها هتبقى احسن.
كاظم ابتسم وهز راسه بإيجاب:هحلقها علشان عيونك.
سجده ابتسمت وباست خده وهو ابتسم:تعرفى انك سكر وتتاكلى اكل.
سجده ابتسمت اكتر:وانت احسن عمو فى الكون كلو.
كاظم ابتسم ومسك ايدها باسها.
ليندا بتدور على سجده وساجى وبصت لشذى بقلق:شذى انتى شوفتى سجده او ساجى؟؟..انا مش لقياهم فى البيت كله.
شذى هزت راسها بنفى:لا مشوفتهومش.
ليندا بصتلها بتفكير:ممكن يكونوا قاعدين مع كاظم..ماهو مش معقول يكونوا خرجوا برا البيت يعنى.
وتطلع بسرعه للسطح..راحت فى اتجاه اوضه كاظم جات تخبط على الباب شافته مفتوح وده اللى خلاها دخلت:كا..
سكتت وقبل ماتكمل كلمتها اول مشافت سجده وياجى قاعدين وكاظم قاعد معاهم وبيشربوا شاى.
ليندا غمضت عيونها براحه:انا قلبت الدنيا عليكوا.كاظم ابتسم ووقف راحلها:تعالى كملى السهره معانا.
ليندا بصتله وابتسمت:انت بتشربهم شاى!
كاظم هز راسه بإيجاب:وسجاير كمان او حبيتى.
ليندا ضحكت وهو ابتسم.
ليندا بصتلهم:مش يلا بقى معاد النوم.
كاظم رفع حواجبه وكشر بطفوله:ليه بس كده دول مسلينى اوى..( ويغمزلها بلؤم) طب متيجى انتى ببدالهم.
ليندا بتخفى ابتسامتها:يلا لحسن عمو كاظم شكله بيهنج.
كاظم ضحك وسحده سابت الشاى وبصت لكاظم:انا عايزه انام معاك.
ليندا بصتلها وبصتله وهو ابتسم وبص لليندا ورفع حواجبه:هى اللى عايزه.
ليندا كشرت:يعنى ايه تنامى معاه يعنى!
كاظم همسلها وبيكتم ضحكته:ليندا متنسيش انها طفله.
ليندا بصتلها وبصتله بتكشير وبتحاول متبينش غيرتها:يعنى..يعنى ايه تنامى معاه يلا يا سجده.
سجده حضنت رجل كاظم:لا عايزه انام مع عمو كاظم.
كاظم ابتسم وشالها: خلاص يا ليندا خودى ساجى وانزلى.
ليندا بصاله ومبرقه بغضب: لا..
كاظم بصلها بأستعباط ورفع حواجبه: لا ايه؟
ليندا دورت وشها للجهه التانيه بغضب: طيب ياكاظم اللى عايزه.
وتبص لسجده بغل : مفيش شيكولاته تانى.
سجده:عمو كاظم هيجيبلى.
ليندا بصتلها بغضب:طيب يا سجده.
وبصت لكاظم بغضب ومشيت.
كاظم ابتسم وبص لسجده:هتاكل فى نفسها.
ليندا نزلت وشذى بصتلها بأستغراب:مالك مكشره ليه؟؟!
ليندا بصتلها بتكشير:مفيش.
شذى رفعت حواجبها:واللهى؟
ليندا دورت وشها للجهه التانيه:تفتكرى مين هيحرق دمى غيره؟
شذى:مش كان حلو؟
ليندا:هو عايز يغيظنى وخلاص واخد سجده تنام معاه.. لا وبيقولى هى اللى عايزه تنام.
شذى بصتلها بأستغراب: وفيها ايه يا ليندا؟
ليندا بصتلها بتكشير:فيها ايه؟..فيها انها هتكبر وهتبقى بنت.
شذى:تمام وحاليآ هى طفله..لا لا متقوليش..لاتكونى غيرانه منها؟
ليندا بصتلها وخدودها احمرت من الغضب وكشرت اكتر:انا اغير منها ليه؟؟..كنت بحبه ولا كنت بحبه؟
شذى:المشكله انك بتحبيه.
ليندا دورت وشها للجهه التانيه بتكشير:انا هدخل انام.
شذى:طيب يا لينو تصبحى على خير بس خلى بالك لحسن لو نمتى قلبك محروق تحصلك حاجه.
ليندا سابتها ودخلت الاوضه.
شذى ضحكت:يانهارى على بنات اليومين دول..يغيروا من خيالهم..
كشرت وضربت راسها برفعه حاجب:امال انا من انهى سلاله؟؟!!...انا شكلى هيست.
وتطفى التليفزيون وتدخل اوضتها.
فى اليوم التالى..
كاظم نزل سجده لبيت عيلتها وراح على شغله..وقف استنى اسلام واتصل بيه لما ملقاهوش موجود فى المعاد اللى اتفقوا عليه..
اسلام:الو يا زميلى.
كاظم بيبص حواليه ومكشر بسبب اشعه الشمس القويه رغم النضاره اللى على عيونه :انت فين؟
اسلام:انا فى مصلحه بره وقدامى ربع ساعه واوصلك.
كاظم:ربع ساعه!..وهو انا هستنى ربع ساعه؟
اسلام:كان عندى مصلحه ولسه قاضيها اهو وجاى الله.
كاظم رفع وشه بضيق:طيب اوصفلى طريق اروح بيه ###.
اسلام:من العين دى قبل العين دى.
فى بيت ليندا..
ليندا سمعت صوت سجده وده اللى خلاها خرجت برا الاوضه وبصتلها:كاظم اللى نزلك؟
سجده هزت راسها بإيجاب وابتسمت:هو فضل يلعب معايا كتييير اوى..وحلقتله ذقنه كمان.
ليندا بصتلها بصدمه وكشرت بغضب:هو خلاكى تحلقيله ذقنه؟!!!
سجده هزت راسها بإيجاب:علشان بتشوكنى.
ليندا بصالها بغضب وغيره:وراح فين على كده؟
سجده قعدت ومسكت الريمود:مشوار.
ليندا بصتلها بغضب ودخلت اوضتها ورزعت الباب بعنف.
شذى خرجت من اوضتها وبصت لسجده وبصت لئوضه ليندا: هو فى ايه؟!!
سجده رفعت اكتافها وقلبت شفايفها.
لبندا غيرت هدومها ونزلت على شغلها وهناك شافت امير.
ليندا بصتله ودورت وشها للجهه التانيه جات تطلع لتغيير هدومها موقف قدامها: ليندا ادينى دقيقه بس عايزك تسمعينى.
ليندا بصتله وبعدت نظرها عنه: انا ورايا شغل.
جات تمشى وقف قدامها تانى: ليندا ادينى فرصه اخيره..ارجوكى.
ليندا بصتله بتفكير وبتردد...
تابعووووووووووووووووووووووووووووووا..
يلا نكمل بكره 🌻💛
الاسئله👇
١_من الافضل ليندا تسمع امير ولا لا؟
٢_تفتكروا امير فعلا نيته سليمه وعايز فرصه اخيره من ليندا؟
٣_اكتبوا توقعاتكوا للبارت القادم وهل كاظم هيقدر يتأقلم على الوضع فى مصر؟
بتمنى لكم قراه ممتعه❤