♡حب داخل المافيا♡

part: 37

♡ حب داخل المافيا ♡
الحلقه:37
للكاتبه/منه محسن[Milly]
# Love_inside_the_mafia
#Menna_mohsen
#Milly
ليندا نايمه على الكنبه وسوسن بتدهنلها كريم فى وشها.
سوسن: الكريم ده كل ماشم ريحته افتكرك.. ريحه فراوله.
ليندا باصه قدامه وبتفتكر.
Flash back
وهى وكاظم فى ايطاليا فى شهر العسل.
كاظم بيرقص معاها:انا عايز بقى اعرف سر ريحه الفراوله.
ليندا ابتمست:ده كريم.
كاظم:يعنى انتى بتروحى لcosmetics seller..بتقوليل عايزه كريم بريحه الفراوله؟
(بائع مستحضرات التجميل)
ليندا ضحكت وهزت راسها بنفى:بقوله على اسم الكريم بيسألنى عيزاه بالايه جوز الهند ولا الفراوله بقوله الفراوله الكريم ده انا عرفته فى مصر ولما روحت امريكا لقيته هو بيستورد عندنا فى مصر.
Back
ايمان: انا عايزه اصبغ شعرى يابنات تفتكروا هيليق عليا لون ايه؟
سوسن بصتلها:اعمليه زى لون شعر ليندا خيال.
ليندا بسرحان:انا بفكر ارجعه اسود تانى.
سوسن:يعنى انا بقولها اعمليه زيك تقولى بفكر ارجعه اسود تانى!
ايمان:ليه كده ده مزود بياض بشرتك حلو اوى عليكى..انا مظنش انه هيكون بالحلاوه دى عليا..
ليندا:مش قصدى بس انا اشتقت للون الاسود.
سوسن:هى ناقصه سواد يا ليندا!
ليندا ابتسمت ابتسامه جانبيه وبشرود: على رأيك.
ليندا حطت ايدها على بطنها بالم: اااه..
ايمان وقفت وبصتلها بقلق: ايه هتولدى؟
ليندا ضحكت غصب عنها من كلمه ايمان: اولد ايه وانا فى الشهر الرابع يا مؤمنه..
ايمان ضحكت: خضتينى امال ايه بقى.
ليندا: نش عارفه جالى الم جامد مره واحده.. انا عايزه اقعد.
سوسن قربت ساعدتها هى وايمان.
ايمان: مفيش اى اخبار عن الحلو؟.. والله ده وحشنى انا لو كنت مراته مكنتش هطيق ابعد عنه ولو حبه صغيرين.
ليندا بصتلها وبعدت نظرها عنها.
سوسن بصتلها وبتشاورلها تسكت.
ايمان: انا قصدى واحد زى ده ميتسابش والله ياليندا انتى حره هترجعى تلاقى واحده تانيه لطشته منك.. ولا انتى بقى مش ناويه ترجعى؟
ليندا مش بصالها والحزن اتملك ملامحها.
سوسن بصت لايمان بحزن وبصت لليندا: ليندا حبيبتى احنا عاملين على مصلحتك.. لانتى مرتاحه واكيد هو كمان مش مرتاح وانتى خدتى وقتك وهديتى ارجعيله بقى عايزه الطفل يتولد بعيد عن ابوه؟
ليندا: وتفتكرى رجوعى مش هيرجع المشاكل على حياته؟؟.. الايام اللى قضناها مع بعض كل مشكله كانت بتحصل بسببى بسبب عيلتى ولو رجعت كل حاجه هترجع زى مكانت مش هخلص من كلامهم المشاكل هترجع تانى ونفسيتى هتبوط اكتر وهو كمان هو تعب اوى معايا.. انا عارفه انه واثق فيا وبيحبنى بس.. بس مجرد السؤال ده ابن مين دى حاجه بتدمرنى انا.. ايه ذنبى طيب ذنبى انى حملت!!.. كلوا بيبصلك بصه خيانه لدرجه انى صدقت انى خونته تعرفوا كده!!.. واللهى انا جوايا بقيت بكلم نفسى وبقول ازاى اعمل كده تخيلى..
ايمان بصالها بحزن: يعنى انتى شايفه ان ده حل؟
ليندا: حل اولا يا ايمان انا مرتاحه كفايه انى مبشوفش نظره الناس ليا ونظره عيلتى اللى قالوها واضحه انتى جيالنا بولد وعيزانا نصدق انه ابنه.. ولا اللى قال جيبالنا العار تفتكرى لما ارجع واقعد يومين مش هيروحوا ويعاتبونى على غيابى؟؟.. مش هسمع منهم كلام زى السم؟؟.. ماشى هنبسط بشوفته لا هبقى بطير مش مجرد انبساط بس هيبقى السؤال جواه السؤال نفسه اللى انا معرفش اجابته..هو واثق فيا بس فى الاول وفى الاخر منين الطفل وهو مابيخلفش حياتنا عمرها مهتكون مستقره هيبقى فى مشاكل كتير هيبقى من جواه مضغوط هيسأل نفس السؤال لو مش ليه لنفسه ازاى ده ابنه..يمكن الاشتياق منسيه وبيقول انه مصدقنى وعايزنى ارجع بس علشان ارجع.. لكن لما حساتنا ترجع تانى هيهتم بيا علشان حامل ولا علشان ليندا؟؟.. هيهتم بابنه ولا هيبقى من جواه مش راضى بس بيقنع نفسه انه منه؟؟.. ماينفعش ارجع.
سوسن هزت راسها ومسكت ايدها: طيب كفايه كلام فى الموضوع ده احنا بس عايزين راحتك.. ولو راحتك هنا خلاص محدش هيفتح الموضوع تانى.
ليندا بعدت نظرها عنها بدموع وحطت ايدها على بطنها. سوسن بصت لتليفونها: انتى فاتحه التليفون؟
ليندا هزت راسها بإيجاب.
ايمان:محدش ااتصل بيكى؟
سوسن:لا يا شيخه وهى دى حاجه تفوتها دى مغيره الخط من اول ماجت عندى.
ليندا بصت لايمان وبتغير الموضوع: مش قولتى هتصبغى شعرك؟
ايمان: اه واللهى عايزه اصبغه اعمله لون ايه؟
سوسن: احمر اللون الاحمر هيبقى خطير عليكى.
ايمان: مش هيظبط..ولا ايه رأيك يا ليندا؟
ليندا: خليه على لونه البنى حلو لو لعبتى فى شعرك كتير هيقع.
ايمان: اه واللهى شعرى بيقع من غير حاجه اصلا.
سوسن: امال بتزنى ليه من الاوة بدل مانتى متردده.
ايمان: يعنى حلو اسيبه؟
ليندا هزت راسها بإيجاب: مش هتعرفى تجيبى الدرجه دى تانى.. ده من رأيى يااما تروحى عند كوافير شاطر لو فى دماغك درجه معينه.
ايمان: لا والله انا كنت عايزه اغير بس الواحد عايز يغير فى اى حاجه فى حياته.
سوسن: طب ماتتجوزى.
ايمان: اتجوز انا قولت اغير مش اتغير.
سوسن ضحكت: الله لايسيئك ضحكتينى.
ايمان: انا عايزه اكون دكتوره محترمه مش هبقى دكتوره وام العيال.. المؤخذه ياليندا الكلام مش عليكى انتى حاله خاصه.
ليندا ضحكت بخفه: حاله خاصه ازاى؟!
سوسن: يعنى اللهم لا حسد ربنا رازقت بواحد اجنبى واكيد الطفل هيطلع ملامحه من هنا على هنا فى السليم انتى يعنى..ومن خلال كلامكوا على كاظم شكله حد متفهم يعنى لو قولتيله يساعدك فى الاكل هيساعدك فى شغل البيت ماشى نخرج يلا على ايطاليا..انا مبعاكسش ياليندا تؤتؤ لاتفتكرينى معجبه بشخصيه جوزك ولا حاجه.
سوسن: والله النبر ده اللى جايبها لورا.
ايمان حدفت عليها المخده : انا مبنبرش دى حقيقه.