♡حب داخل المافيا♡

Part:2

♡ حب داخل المافيا ♡
الحلقه:2
للكاتبه/منه محسن[Milly]
# Love_inside_the_mafia
#Menna_mohsen
#Milly
ليندا للحظات فكرت فى حاجه رعبتها اكتر خرجت بسرعه وقفت قدام باب الشقه لقته مقفول من جوا بالمفتاح زى مكانت قفلاه والشبابيك كمان اتنهدت بأرتباح وفى بالها:انا اكيد بتخيل اكيد ده مش حقيقى انا بس علشان كنت معاه امبارح بيتهيقلى انى بشم ريحته..ده اكيد تخيل..
دخلت الحمام غسلت وشها واسنانها جات تخرج من الحمام شافت قدامها زهور دوار الشمس..فضلت بصالهم وواقفه مكانها كانت فى قمه دهشتها واستغرابها:ا..ازاى..الزهور دى جات هنا؟!!!!...الباب مقفول ازاى حد هيقدر يدخل ويحطهم؟
قربت من الزهور خادتها على امل تلاقى فيها جواب اى حاجه تعرفها ازاى جات هنا..وفعلا لقت ورقه مكتوب عليها كلمه واحده بطريقه غريبه كلمه(I love you)..وكأنها مكتوبه بالدم..وتحتيها لكمه (Even after death) ..ومكتوبه بالدم بردو.
ليندا اول مقراتها جى فى بالها كاظم واعت. رافاته حبه ليها ..
Flache back
كاظم مسك السكينه وبصلها وهى بصتله وعيونها المختلفتين فى اللون اتوسعوا بخوف نظراتها ليه بتدل على رعبها..
كاظم باصصلها وهو حاطت السكينه فى ايده سحب السكينه بسرعه وبقوه من ايده والدم بقى ينزل على الارض وهى حطت ايدها على بؤها بدموع وخوف وصدمه بعدت عنه ومش قادره تاخد اى رده فعل من تصرفه.

كاظم ابتسم بعشق وبصلها..لف وقرب من الحيطه وهى دموعها مش قادره تتوقف عن النزول..رسم بدمه كلمه (I love you) على الحيطه وبالخط العريض والكلمه بقت تنزل منها دم على الحيطه...وكتب كلمه (Even after death) تحتيها ..واللى معناها حتى بعد الموت.
Back
ليندا بصت للازهار بانتباه وبخوف :ك..كاظم..اكيد هو اللى جابلى الزهور بس ازاى دخل!!...لا لا مستحيل..

قاطع شرود وتفكير ليندا اللى كان هيخوضها للجنون صوت خبط على باب بيتها..
ليندا بصت للباب بقلق قربت وقفت قدامه وهى ساكته تماما قلقانه لايكون كاظم هو اللى بيخبط ..

تاليا بتخبط بزهق :لينووووو افتحى بقى ..
ليندا فتحت بسرعه وتاليا دخلت وهى قفلت الباب:ايه يامزه ساعه عقبال ماتفتحى!
ليندا رفعت شعرها بصالها وباين على ملامحها التفكير والشرود.
تاليا قعدت وقلعت الجاكيت اللى لبساه وبصتلها بأستغراب:لينو مالك فى ايه؟
ليندا هزت راسها بنفى وساكته تمامآ.
تاليا اتعدلت فى قعدتها وهى بصالها بقلق:لينو اتكلمى فى ايه!..انتى تعبانه ؟؟
ل

يندا هزت راسها بنفى وبصتلها :انا كويسه بس..فى حاجه غريبه حصلت النهارده..وكل الحاجات بتأكدلى ان كاظم كان موجود هنا وانا نايمه.
تاليا بصتلها بأستغراب:ازاى هو انتى مدياله المفتاح؟
ليندا بصتلها بضيق:اه مدياله المفتاح ده اللى ناقص.
تاليا: امال ايه فهمينى هيدخل من الشباك يعنى!!؟
ليندا: هو ده اللى مجننى انا لقيت الشبابيك مقفوله والباب كمان انا هتجنن..هو دخل ازاى انا متأكده انه كان هنا.
تاليا: وايه اللى خلاكى متأكده اوى للدرجه دى؟؟
ليندا: اول ماصحيت شميت ريحه البرفان بتاعه فى كل مكان وكأن كان قريب جدا منى..وبعدها لقيت زهور دوار الشمس و..وسايب ورقه مكتوب فيها كلام هو كتبهولى قبل كده..
تاليا:بس كاظم عرف ازاى انك بتحبى زهور عباد الشمس؟؟!
ليندا هزت راسها بنفى وبشرود:معرفش..معرفش..
تاليا بصالها وبتفسر الموضوع وملاحظه كميه الخوف والقلق اللى فى عيونها: ليندا اهدى كده وتعالى اقعدى لحسن انا حساكى هتقعى من طولك.
ليندا حطت ايدها على جبينها بتعب:انا فعلا تعبت..تعبت من فكره انه ممكن يكون هنا فى اى وقت...او يبقى سامعنا ومعانا فى كل لحظه ...ممكن..ممكن يبقى معانا دلوقت واحنا مش حاسين..
بصت حواليها ووقفت وهى فى حاله من الزعر والرعب اللى هتخوضها للجنون.
تاليا وقفت ومسكت وشها بتحاول تهديها:ليندا ليندا بصيلى اهدى اهدى مفيش حاجه ده مجرد تخيل اهدى ..
ليندا بصتلها بدموع وهزت راسها بإيجاب.
تاليا:يلا غيرى هدومك علشان منتأخرش على الشغل..
ليندا بصتلها بأستغراب:ليه هى الساعه كام انا لسه مافطرتش..
تاليا:اه مانتى نايمه فى العسل الساعه بقت تلاته وشكلك هتاخدى دوام اليوم كله.
ليندا بصالها بصدمه:تلاته!...يا نهار ده المدير مش هيسكتلى هو بيتلكك اصلا..انا هروح اصلى و اغير هدومى بسرعه وارجعلك .
تاليا:يااا ليندا مش وقتها صلاه بقولك متأخرين.
ليندا:انا عندى اصلى الفرض اللى عليا قبل مايفوتنى واروح اتعاقب على تأخيرى ولا انى اسيب الفرض اللى عليا واروح بادرى.
تاليا بملل وتسرع:طيب طيب ممكن تخلصى لحسن لو اخرتى هسيبك وامشى.
ليندا  بتحدى وابتسامه :اعمليها كده.
تاليا:اه انتى عارفه انى لو روحت هتهزق مرتين مره علشانك ومره علشان تأخيرى.
ليندا بثقه وضحك:هو كده.
راحت على اوضتها صلت الفرض اللى عليها ..غيرت هدومها بسرعه لبست دريس طويل ابيض وطرحه زرقه ولانه لبس واسع ومبيشفش اى حاجه فيها زود حلاوتها وبياض وشها اكتر.
راحت مع تاليا للكافيه وراحت بسرعه على اوضه تغيير الهدوم لبست هدوم الشغل واللى عباره عن چيبه طويله وقميص ابيض وفوقهم مريله :انا مش هروحله كأنى جايه من بادرى امم..
........خبطت على باب الاوضه اللى فيها ليندا ودخلتلهم بصت لليندا :Linda, the director wants you.