♡حب داخل المافيا♡

part: 18

♡ حب داخل المافيا ♡
الحلقه:18
للكاتبه/منه محسن[Milly]
# Love_inside_the_mafia
#Menna_mohsen
#Milly
كاظم قاعد هو وليندا بياكلوا خضار وفاكهه.
كاظم باصصلها وبيراقبها فى صمت وباله شارد فى الكلام اللى قالتهوله بخصوص حكايتها مع شغلها..فكر ازاى هيقدر يخليها تواجهه خوفها وتتخلص منه..بس فكرته كانت مجنونه شويه.
مسك اله حاده وحطها فى ايده وسحبها بسرعه وسابها بالم اول ماعورته فى لحظات ايده بقت مليانه دم وبينزل من ايده على الارض.
ليندا بصتله اتصدمت اول ماعيونها جات على ايده:اا..انت...ايه اللى عملته ده؟
كاظم مسك ايده بألم وبصلها:معرفش..اااه.
ليندا وقفت ومش عارفه تتصرف ازاى ولان الدم بيزيد فى ايده بشكل مرعب.
ليندا:طب..طب اعمل حاجه اربط الجرح..
كاظم:اربطه ازاى يا ليندا وانا ايدى المجروحه.
ليندا بصتله وغمضت عيونها بتنهيد وبضيق قربت قعدت على الارض علشان تبقى فى مستوى ايده ومدوره وشها للجهه التانيه بتتفاده عيونها تيجى على الدم..قطعت قماشه من فستانها وهو باصصلها.
ليندا مغمضه عيونها جامد واتحسست مكان الجرح وربطته:اا..الدم..منع؟
كاظم بص لايده بانتباه وبصلها:اظنه محتاج خياطه.
ليندا بصتله بصدمه وبصت لايده اللى الدم فيها غرق القماشه اللى ربطتهاله.
ليندا بصتله بدموع وبزعيق:انت ايه اللى عملته فى نفسك ده بس؟؟؟..ازاى جرحت نفسك كده انت عارف انى مش هقدر اخيطه اتصرف بقى اعمل حاجه.
كاظم:طيب خلاص بتزعقيلى ليه؟
ليندا بعدت نظرها عنه بعياط.
كاظم بصلها وابتسم:انتى..خايفه عليا؟!!!
ليندا زعقتله تانى:انت بتستهبل فى الغابه ومفيش دكاتره ولا اى حاجه وجاى تعور نفسك!؟
كاظم هز راسه:اول حاجه هو بأرادتى؟!!..وتانى حاجه انا معايا دكتوره قلبى.
ليندا بصتله والدموع بتنزل من عيونها.
كاظم:دورى على اى حاجه هنا اخيط بيها الجرح.
ليندا هزت راسها بإيجاب وقامت بسرعه بتدور على بقره خيط لقت علبه اسعافات ودى اللى انقذت الموقف اللى هما فيه.
ليندا راحتله بسرعه وادته العلبه:انا لقيت دى هى فيها خيط طبى اللى بيتخيط بيه الجرح.
كاظم غمض عوينه وبيمثل انه بيغيب عن الوعى.
ليندا بصتله بدموع وبتحرك وشه بعياط:لا بص انا مش هقدر اعمل حاجه من غيرك صدقنى لو موت انا هموت من الرعب كاظم...
ليندا بصت لايده اللى مش مبطله تنزل دم غمضت عيونها وبتاخد انفاس عميقه بسبب تسارع ضربات قلبها من الخوف ومن شكل الدم..
ليندا بصتله بدموع:كاظم..كاظم انت سامعنى؟؟..مفيش بنج طيب علشان اخيطلك الجرح.
كاظم بيهمس بصوت ضعيف:خيطيه كده..مفيش مشكله.
ليندا بصتله وهزت راسها بإيجاب وبدموع.
مسكت ايده طهرتله الجرح بالادوات الموجوده جوا علبه الاسعافات ومسكت الخيط وقبره الخياطه بصتله بدموع وخادت نفس عميق وبدات تخيطله الجرح وقلبها واجعها بتراقب تعبيرات وشه من وقت للتانى وهو مكشر بألم ظاهر على ملامحه لكن مفيش اى صوت الم مخرجه.
ليندا بتخيطله الجرح وايدها بتترعش من الخوف ونفسها ضاق..خلصت خياطه فى الجرح وقعدت على الارض بتتنفس بعمق وبتعب.
كاظم فتح عيونه وبصلها قعد على الكنبه وبصلها بأبتسامه:اول عمليه خياطه جرح تقومى بيها..انا بهنيكى.
ليندا بصتله وملامحها اتغيرت من ملامح تعب لملامح دهشه وباستغراب:انت..كنت عامل كل ده قصد؟
كاظم باصصلها ومبتسم ورفع حواجبه:كنت لازم اكسر خوفك لانك لما تتحطى تحت ضغط الخوف مبيبقاش موجود اصلا وعلشان كده انتى عملتى اكتر حاجه بتخافى منها يعنى لو مفكرتيش فى خوفك وقتها حياتك هتمشى عادى..انتى اللى بتخوفى نفسك وبتقنعى قلبك انك مش هتقدرى تعملى ده وده..بس عملتيه.
ليندا بصاله مش مصدقه هو جرح نفسه جرح زى ده واستحمل خياطته وفقد دم وبس علشان يخلصها من خوفها؟!!
ليندا قامت وفضلت تضربه وهو مسك ايدها بيحاول يهديها:What did I do for you??
(ماذا فعلت لكى انا؟)
ليندا فلتت ايدها بغضب وعياط:انت انسان مجنون بجد انت رعبتنى مفيش حد عاقل بيعمل اللى بتعمله ده..
كاظم مسك ايدها باسها وبص لعيونها بابتسامه:امال لما اتعب او تحصلى حاجه مين اللى هيعالجنى؟؟
ليندا بعدت ايدها وبعدت عنه وبتمسح دموعها .
كاظم بص لجرح ايده وابتسم:تعرفى انى مش حاسس بأى الم؟
ليندا بصتله بتكشير بيظهر عكس الدهشه اللى جواها:انت اغرب انسان انا قابلته فى حياتى..
كاظم:ليه وهو انتى قابلتى حد غيرى فى حياتك؟
ليندا بصتله وكشرت وسابته وخرجت برا البيت وهو نادى بصوت عالى:Lindy the tiger will eat you.
(سيأكلكى النمر يا ليندتى)