♡حب داخل المافيا♡

part: 11

♡ حب داخل المافيا ♡
الحلقه:11
للكاتبه/منه محسن[Milly]
# Love_inside_the_mafia
#Menna_mohsen
#Milly
حد خبط على باب بيت ليندا وهى بصت للباب بأستغراب وبتعب.. بتفكر لو كان كاظم اللى على الباب فاهو مش محتاج يخبط لان معاه المفاتيح.. قامت بهدوء وبحذر: مين؟؟
تاليا:افتحى يا لينو دى انا تاليا.
ليندا بصت للباب بتردد بتفتكر كلام كاظم اللى نفته لكن عقلها مش قادر يترده..
Flash back
ليندا:عايزه اعرف مين اللى قالك انى مسافره؟
كاظم:عايزه تعرفى؟..تمام هقول الحلوه اللى عرفت منها صاحبتك المحترمه.
ليندا بصتله وكشرت بتكذيب ومش مصدقه كلامه اتكلمت بعصبيه وبنفى:انت كذاب من البدايه اصلا عايزنى ابعد عنها علشان ميبقاليش حد هنا انت كذاب وانا مستحيل اصدقك.
كاظم بصلها بسخريه:انا الكذاب!!..ومن امتى كنتى مصدقانى اصلا؟؟..انا مش متوقع منك حاجه زى كده لكن زى ماتحبى يا ليندا مش مطلوب منك تصدقينى ابدا الايام مسابتش حاجه الا وكشفتها..وانا متأكد انك هتكتشفى الحقيقه ولوحدك.
Back
راحت فتحت الباب وبصتلها شافت امير جنبها واتكلمت بأستغراب وبصرامه:انت مسافرتش؟؟؟
امبر دخل هو وتاليا البيت وهز راسه بنفى:انا جيت اخدك معايا علشان نسافر.
ليندا بعدت نظرها عنه وبملامح صارمه:شكرا اوى بس انا مش هسافر معاك.
تاليا بصت لامير وبصتلها باستغراب:ليه كده يا لينو؟؟
امير باصصلها واتكلم بأستغراب:انتى قولتى لا؟؟
ليندا: اظن واضح اوى اللى قولته.
راحت فتحت الباب وبصتله:الحق امشى قبل مايرجع لحسن انا شيفاك بتترعب من وجوده.
تالبا بصالها وعيونها شويه على ليندا وشويه على امير.
امير بعصبيه: انا مبترعبش من حد.
ليندا ابتسمت بسخريه: صح صح..انت صح.. بأماره انك سبتنى مع مجرم ومحاولتش حتى تخلصنى من ايده تعرف انت لو كنت عملت اى تصرف مجنون من اللى هو بيعملهم لو كنت بلغت البوليس حتى كنت هقول خايف عليا رغم انك كنت ممكن تعرض حياتى للخطر بس وقتها انقاذك ليا منه هيكون انجاز كبير...وهو عمره مكان هيأزى عيلتك لان نفسها عيلتى وعارف انه لو عمل حاجه زى كده انا عمرى مهسامحه..وقتها كان ينفع...كنت هتكبر فنظرى اكتر لو حاولت بس مجرد محاوله..لكن دلوقت انا متوقعه منه اى حاجه..
امير بعصبيه:انتى عايشه فى قصص خياليه عيزانى اتحول لسوبر مان وانقذك منه ده فى الافلام الخياليه بس..
ليندا بصتله بأسف وابتسامه خفيفه مقدرش يفسرها ابتسامه استغراب مع اسف وكأنها كانت تتمنى يحصل كده من شخص تانى غيره :للاسف هو عمل كده..رغم انه كان مصاب فى عز الحرب اللى كانت شغاله جى وبس علشان ينقذ حياتى..مع انى قبلها لارديت على تليفونه وعملت كأنى برا البيت..كان ممكن يعمل زى مانت عملت ويسيبنى وقتها هيبقى عنده عذره فعلا لكن معملش كده..دمه بيغلى وبتركبه شياطين الدنيا والاخره لما بيشوف حد بس واقف يتكلم معايا او يبصلى مجرد البصه بيحاسب الناس عليها..بس انت سيبتنى معاه وماتهزتش ولا فار دمك نص الفوران اللى كان بيحصله لما حد يبصلى رغم انه كان ماسكنى وقتها كنت بتمنى تتصرف اى تصرف مجنون تزعقله تهدده لو حط ايده عليا مكنش هيأزيك بس كنت هتكبر فى نظرى...متهيقلى دى اسباب كفايه تخلينى اسيبك.
امير باصصلها وضحك بسخريه:هو لحسلك عقلك..فرمطه زى ماهو عايز..انتى دلوقت بتقارنينى بيه!!..دلوقتى عجباكى تصرفاته؟
ليندا:اممم..عجبانى اوى الصراحه..راجل..رغم صفاته الوحشه اللى ملهاش عدد بس راجل..بيخاف على عرضه ولو حد بص لحاجه معاه بيغزقله عيونه..رغم قسوته مع الكل بيجى عندى ويبقى روميو اللى بيحلم بنظره بس من حبيبته اللى مش معبراه..واحد زى ده صام عن كل البنات واختارها هى فطاره رغم الالاف غيرها بس هو اكتفه بيها..كان بيتعمد يورينى ان فى بنات كتير بتجرى وراه وهو اختارنى انا من بين الكل.. وحتى مكنش بيحاول يتكلم مع واحده منهم لانه خلاص اكتفى بيا..رغم كل اللى حصل ومحاولتى للهروب علشان بس طلبت منه ارجع بيتى تانى هو وافق مع انى كنت برتب لهروب جديد..واحد زى ده مع شغله اللى اتعدى مرحله الخطوره الا انه مبيتكلمش عنه نهائى قدامى علشان مخافش منه او اخد فكره وحشه عنه اللى لما كنت بتعب مكنش بس بيفضل معايا كان بيزعقلى علشان سمحت لنفسى اتعب.. قولى بقى ايه اللى عملته علشانى.. افتخر بيه؟
تاليا: ليندا انتى بتتكلمى جد؟!.. ده امير اللى دوشتينا بحكاياتك عنه.. معقول تسيبيه بالسهوله دى علشان كاظم؟
ليندا بصت لامير بغل ماليها منه ودموع:امم... فعلا امير اللى دوشتكوا بحكاياتى الخياليه عنه.. ولما اتحطينا فى موقف واقعى انا اكتشفت انه كان مجرد مجسد لشخص جبان.
تاليا بصالها ومبتسمه بغل وشر.
امير هز راسه بإيجاب وبغضب: ده اخر قرار عندك؟
ليندا بعدت نظرها عنه بدموع وصرامه.
امير: المره دى انا فعلا هسافر ومش راجع يا ليندا..
ليندا مش بصاله وساكته.
امير باصصلها ومستنيها تقول اى حاجه تمنعه بيها يمشى.. استغرب وكان فى حاله من الدهشه هى فعلا ملت منه؟!
امير مشى وهى بصت للباب غمضت عيونها وبتتنفس بعمق وكأنها ارتاحت لما خرجت كل اللى مضايقها منه.. مسحت دموعها وتاليا بصالها بغل اصطنعت الحزن وقربت حطت ايدها على كتفها: لينو انتى كويسه؟
ليندا هزت راسها بإيجاب وبصتلها.
تاليا: انا كنت مكلمه امير سألته عنك بس هو حكالى اللى حصل وقالى انه مراقب بيتك علشان لو رجعتى ولما عرف من الاخبار اللى بيحصل هو راح عند بيتك واتتبعكوا لحد هنا واتصل بيا.. انا كنت عايزه اعرفك فى مؤتمر بعد بكره عيزاكى تبقى موجوده فيه معايا هو مهم جدا لسكان المدينه كلهم.
ليندا بصتلها بتفكير: مظنش انى هقدر اجى..
تاليا بأصرار: لا انتى لازم تيجى بقولك مؤتمر مهم واهو ندردش شويه بقالنا كتير مبنتقابلش.
ليندا بصالها بتفكير..