♡حب داخل المافيا♡

part: 10

♡ حب داخل المافيا ♡
الحلقه:10
للكاتبه/منه محسن[Milly]
# Love_inside_the_mafia
#Menna_mohsen
#Milly
ليندا فتحت عيونها بتعب شافت كاظم واقف فى البلاكونه وبيتكلم فى التليفون.
كاظم بعصبيه :منا قولت لاهلك سلطان مش هيأمن يسيب الورق فى اوضته.
رزان:على الاقل هيبقى فى مكان بيشيل فى حاجته سواء خزنه او غيرها..وبعدين مجتش اجتماع النهارده ليه؟
كاظم:انتى مال اهلك؟..على العموم خلى الموضوع ده لحد ماجى.
قفل الخط وهى بصت للتليفون بغضب.
كاظم لف شاف ليندا بتحاول تقعد وهو ساعدها:بالراحه.
ليندا بصتله:عايزه اروح.
كاظم:لما تخفى.
ليندا هزت راسها بنفى:انا لو روحت هبقى احسن.
كاظم بضيق:ليندا..
ليندا:انت وعدتنى وانا ادرى بنفسى لو تعبانه مش هقولك اخرج.
كاظم بصلها بعصبيه:وانا مش هسيبك وانتى فى الحاله دى لواحدك.
ليندا بدموع:قولتلك انا كويسه ريحنى ورجعنى بيتى انا هرتاح واللهى لو سمعت اللى بقولك عليه.
كاظم دور وشه للجهه التانيه بضيق وقله حيله.
بعد مراحوا على بيتها.
ليندا:هما اللى طلعوا علينا دول كانوا من العصابه؟
كاظم بصلها وبص فى الطريق وهز راسه بآيجاب:شاكك..
ليندا:يعنى كده..ابوك عرف انك بتحب؟
كاظم بعصبيه:متقوليش ابويا..
ليندا بصتله وبعدت نظرها عنه.
كاظم:ياريت متفكريش فى الموضوع كتير و اعتبرى مفيش حاجه حصلت..وصلنا.
وقف عرابيته ونزلت وهو نزل معاها.
ليندا بصتله بتكشير:انت رايح فين؟
كاظم بصلها:ايه اللى رايح فين عيزانى اسيبك تعبانه؟
ليندا:انا كويسه وهدخل انام على طول فاملوش لازمه وجودك.
كاظم ضحك بسخريه وتفاجؤ:ده طرد؟
ليندا مبصتلوش وجات تمشى وقفتها جملته:امسكى..
ليندا بصتله وبصت للتليفون اللى ماددهولها:بس ده مش تليفونى.
كاظم:عارف ده هيبقى تليفونك من هنا ورايح تعويض عن التانى وفى خط جديد وياريت متحاوليش تتصلى بالvile بتاعك لانه مش هيرد.
(بالحقير)
ليندا مش بصاله خادت التليفون ودخلت البيت
وهو اتنهد بعمق وفضل باصص للبيت شويه قلق لايكون سلطان عرف بالموضوع وكان باعتهم ياخدوا ليندا وده اللى كان قالقه اكتر وبردو مخلتهوش يبقى مع ليندا زياده بسبب ناره اللى اتقادت جواه اتجاه سلطان.. مشى وليندا قعدت على الكنبه براحه وتعب فى نفس الوقت..راحه لانها رجعت بيتها من جديد حست انها اتفكت من قيود كاظم على الاقل هتعرف تاخد نفسها..وتعب من وجع قلبها..قامت جات تدخل اوضتها شافت ورقه محطوته قدام باب البيت.
ليندا قربت خادت الورقه وفتحتها بدأت تقراها كانت من مهران..(ليندا لو انتى مسافرتيش اتصلى بيا انا بكلمك بس مابترديش انا مش قادر اتخيل انك سافرتى من غير مشوفك.. انا سايبلك رقمى لو ضعيتيه ومقدرتيش تتصلى بيا علشان كده..ارجوكى اول ماتشوفى رسالتى لو لسه موجوده اتصلى بيا بسرعه.)
ليندا باصه للورقه بتفكير واتنهدت بعمق مسكت تليفونها واتصلت بمهران.
مهران قاعد فى بلاكونه اوضته مسك التليفون وبص للرقم بأستغراب ورد:الو..
ليندا:الو استاذ مهران انا ليندا فاكرنى؟؟
مهران وقف بسعاده ولهفه اول ماسمع صوتها: ليندا فينك مبترديش على اتصالاتى ليه؟..انا روحت على المعاد واستنيتك قولت انك هتكونى مستنيانى بس ملقتكيش.
ليندا: انا اسفه جدا يا استاذ مهران بس انا حصلتلى ظروف ومسافرتش.
مهران ابتسم:يعنى انتى هنا فى شيكاغوا؟؟
ليندا هزت راسها بإيجاب وبحزن:ايوه.
مهران غمض عيونه بسعاده وكأن روحه رجعتله:طب انا عايز اشوفك عايزك تحكيلى كل حاجه حصلت معاكى.
ليندا بتفكير:انا كمان عايزه اكلم حضرتك فى حاجه مهمه..ممكن نتقابل فى اى كافيه.
مهران:طيب قابلينى فى كافيه###..هو قريب منك.
ليندا هزت راسها بآيجاب:طيب هستنى حضرتك هناك.
مهران هز راسه بإيجاب قفل الخط وخرج بسرعه من اوضته رايح فى اتجاه باب القصر لكنه افتكر سلطان ورجع تانى راح على مكتبه وخبط على الباب.
سلطان:ادخل.
مهران دخل وبصله:انا خارج.
سلطان بصله وهو ماسك الكاس فى ايد والسيجاره فى ايد:رايح فين؟..انت متعرفش ان فى اجتماع بعد ربع ساعه؟
مهران:مشوار مهم هروحه وهرجع على معاد الاجتماع..
سلطان مش باصصله وبيشرب سيجارته:ايه بقى المشوار المهم؟
مهران بصله بتفكير : هشترى سجاير واشربلى كبايه قهوه وارجع.
سلطان بصله وبيطفى سيجارته: تعرف يا مهران انا مش قلقان منك عارف ليه؟.. علشان جنونك بمراتك يمنعك تبص لواحده تانيه.
مهران بصله بغل: ربنا ينتقم من اللى كان السبب فى موتها.
سابه ومشى راح للكافيه اللى هيقابل فيه ليندا شافها قاعده وراح قعد قدامها:حمدالله على سلامتك.
ليندا بصتله بأنتباه ولانها كانت باصه من الشباك اللى جانبها وسرحانه..ابتسمت بخفه وباين على ملامحها الشرود:الله يسلمك.
مهران:انتى متعرفيش انا انبسط اد ايه لما شوفتك.
ليندا ابتسمت وبصتله: استاذ مهران.. فى موضوع مهم الصراحه متردده اكلم حضرتك فيه بس هى مسأله حياه او موت.
مهران باصصلها بقلق: اتكلمى انا سامعك.
ليندا بصتله بتردد:انا..انا عارفه واحد من عصابه المافيا...عصابه جامبينو..
مهران باصصلها وملامحه اتغيرت لمجرد سماعه لجملتها.. حس ان اصابته صاعقه من كلامها بيفكر يا ترى هو ممكن يكون مين!