السلام عليكم و رحمه الله و بركاته
انا بعلن انسحابي و انسحاب روايتى من دار اقلامنا للترجمه و النشر
و دى شويه تفاصيل من الرحله المريره من بدايه الاتفاق و حتى الانسحاب بعد تواجدها لعده ساعات داخل معرض الكتاب
الروايه من وقت اتفاقى مع الدار اواخر شهر ديسمبر ٢٠٢٠ و تم الاعلان عن توفر الروايات فى عيد الحب ١٤ / ٢ / ٢٠٢١
و تم الاعلان كمان عن امكانيه طلب الروايه اونلاين و التوصيل داخل و خارج مصر متوفر جدا
و بعد مرور شهرين لم يتم طباعه الروايه و لم يصل الى اى شخص رد عن موعد تسلم الروايه
و بعد مرور شهر اخر تم ابلاغنا ان الروايات اتأجلت طباعتها على موعد معرض الكتاب
و لما سألنا طيب و الناس اللى طلبت الروايه
كان الرد اصل التوصيل هيكون بالخساره على الدار
و كمان اعلان ان طلبات الروايات قليل و ان كمان مفيش طلبات من بره مصر رغم وجود ادله على الطلبات دى و كله. تحت بالصور 👇🏿👇🏿👇🏿👇🏿
و خلال تلك الفتره تم ارسال نسخه التنسيق المليئه بأخطاء املائيه و مطبعيه كتير جدا جدا
و قبل المعرض بخمس ايام فقط
تم طلب ارسال نسخه التنسيق مره اخرى فى محاوله بائسه لانقاذ ما يمكن انقاذه
و لان روايتى مقسمه على كتابين فتم التواصل لتحديد بدايه و نهايه كل كتاب
و يوم افتتاح المعرض الروايات كانت لسه بتنطبع و لما وصلت اخيرا الى المعرض
كانت المفاجأة الكبرى ان الكتاب الاول من الروايه ناقص عشر فصول كامله
المفروض ان نهايه الكتاب الاول الفصل ال ٢٨. لكن الكتاب انتهى عند الفصل ال ١٨ و الكتاب التانى بدايته الفصل ال ٢٩
عشر فصول كامله ناقصه من الروايه
و لما نتكلم مع صاحب الدار رده المعتاد (( اعتبر نفسك مش معانا )) او (( اعتبر الروايه مطبعتش ))
ده غير طبعا التعامل بأسلوب انا عامل فيكم جميله و كأنه مش هيستفاد من مبيعات الكتب بتاعتنا
وعود كاذبه .... كلام كتير متنفذ منه اى حاجه ماتيريل سىء صفحات مقلوبه و بعض الصفحات الفاضيه و منتج فى نهايه المطاف لا يليق كل حاجه موثقه تحت بالصور
بعض الاسكرنات من ناس طالبه الروايه و مش عارفه تحصل عليها و ديما كان مفيش ردود و لا اهتمام اصلا عدد صفحات الكتاب من نسخه الورد المنسقه
الواحد مش بيتعلم ببلاش و لازم بعض العثرات فى الطريق علشان نبقا احسن و اقوى و نقدر نحكم على الاشياء بشكل جيد
تجربه فاشله بكل المقايس لكن كمان اتعلمت منها كتير ... و اتعلمت قيمه قلمى و كتباتى و انها تستحق الافضل و ده مكنش الافضل للاسف كان الاسوء فى كل شىء
و طبعا احب. اشكر. استاذه.لولو الصياد. على تعبها معانا و كل اللى شافته. مع الدار دى علشان تساعدنا. و متكسرش فرحه حد فينا و كمان انسحبت من الدار. LoLo Elsyaad
شكرا لحضرتك جدا و سعدت جدا بالتعامل. مع حضرتك
و ان شاء الله هرجع اكمل نزول الروايه من يوم الجمعه القادم و التنزيل يوميا باذن الله
و بعتذر للجميع عن الانقطاع الطويل ده
و اتمنى منكم الدعاء
و شكرا للجميع اللى فرح انها كانت هتكون ورقى او اللى كان زعلان كمان
