Date: May 20, 2020
Time: 1:30 P.M.
Pangatlong araw na ng rehearsals para sa Mr. and Ms. Star of the night at ang pinapractice nila ngayon ay ang kanilang blockings kung saan sila lalakad, saan ang mga pwesto nila, pati ang pag introduce nila sa kani-kanilang sarili.
Turn na nila Jade at Chris para mag-practice na i-introduce ang sarili nila at nasa gitna na sila ng stage.
"Good Evening, I'm Jade Reyes, from the Operations Department at naniniwala sa kasabihang-"
Napatigil si Jade sa kanyang introduction na nakapamewang at todo ang pag pose, nang bigla siyang sinigawan ni Will na naka pwesto sa labas ng stage.
"Jade! Bakit may gan'yan!? Walang gan'yan! Ano to barangay pageant? From the top!" sigaw ni Will habang tawa siya ng tawa dahil sa ginawa ni Jade.
"Ay kala ko may kasabihan kasabihan pa!" pabiro ni Jade.
"Ulit! Walang gano'n! Baka gayahin ka ni Chris! Ikaw sisihin ko, nako ka talaga!"
"Good evening, I'm Jade Reyes, from the Operations Department!"
"Good, next Chris-"
"Good... Eve...ning... I-I'm... Chris... Villafuerte... from... from..."
Kinakabahan si Chris at nag-stutter habang pinapakilala ang kanyang sarili.
"Chris anong nangyari? Bakit ka nag-stutter? Mag shake ka muna ng katawan. Relax lang, wala pa tayo sa actual event kinakabahan ka na. Paano pa sa actual event? Okay, hingang malalim then exhale, go!" paalala ni Will.
"Kaya mo 'yan Chris!" binulungan ni Jade si Chris at pinapalakas ang loob nito.
"I'm Chris... Good... eve... Vi... Villa..."
"Okay, Chris. Wait, bakit ka kinakabahan? Ako lang 'to oh? Kami lang 'to, magkakakilala tayo lahat." sambit ni Will.
Napayuko si Chris dahil pakiramdam niya ay nag-fail na naman siya, dahil simpleng pakilala lang ay hindi niya maayos.
Binulungan siya ni Jade, "Chris, gusto mo ba tawagan ko si Jin?"
"'Wag na po Ms. Jade, tsaka may match pa sila. Hindi siya makakapunta dito." malungkot na hirit ni Chris.
Naawa si Jade para kay Chris at nag-isip siya ng paraan. Bigla siyang may naalala, kaya bumaba siya ng stage at may kinuha na tablet sa kanyang bag at pagkatapos ay lumapit siya kay Will at binulungan ito.
"Mr. Will, pwede mo po ba hawakan 'yung tablet ko tapos iharap mo po kay Chris pag magpapakilala na ulit siya?"
Kinuha ni Will ang tablet at nang binuksan niya ito, ay nakita niya ang photo ng isang tao na pamilyar sa kanya.
"Si Jin 'to ah? Bakit ko ihaharap kay Chris?" Napatingin si Will kay Jade na biglang nanlaki ang mga mata, kaya na-gets niya agad, "Oh, you mean-" binulungan ni Will si Jade dahil naintriga siya.
"Mr. Will, hindi pa sila ano ka ba! Support system ni Chris si Jin. Hindi kasi makarating si Jin kasi may basketball match pa, kaya medyo malungkot 'yan si Chris." paliwanag ni Jade.
BINABASA MO ANG
March 2020/1 (BL)
Science FictionIto ay isang kwento na ang simula ay tungkol kay Jin, na makakatanggap ng isang balita na namatay na ang pinakaimportanteng tao sa kanyang buhay-si Chris. Namatay si Chris noong March 21, 2021. At simula noong araw na iyon, wala ng ibang ninais si J...
