Date: July 22, 2021
Time: 10:30 A.M.
Kararating lamang ni Jin sa tapat ng bahay nila Chris at pinindot niya na ang door bell.
Doorbell Chime.
Pinagbuksan siya ng isang maid at pinapasok na siya sa loob. Nang makarating na siya sa living room, agad siyang sinalubong ni Chris ng nakangiti.
"Thank you, Jin, at pumunta ka." nakangiting bati ni Chris.
"Kung hindi lang dahil sa'yo. Hmmp!" inirapan ni Jin si Chris, ngunit ngumiti din siya kaagad.
"Tara na, Jin, puntahan na natin si papa?" paanyaya ni Chris.
Tumango si Jin, hudyat na handa na siyang makipagkita kay Mr. A.
Hinawakan ni Jin ang kamay ni Chris at sabay silang naglakad patungo sa kwarto ni Mr. A.
"Kinakabahan ka, Jin? Ang lamig ng kamay mo ah?" tanong ni Chris.
"Hindi 'no! Kumain lang ako ng ice cream kanina sa daan!" sagot ni Jin.
"Okay, sige, naniniwala ako sa'yo." nakangiting sagot ni Chris.
Nang makarating sila sa tapat ng kwarto ni Mr. A, nakita ni Jin si Mr. Jill na nakatayo sa tapat ng pinto.
"Sir Jin, mabuti at nakarating ka." bati ni Mr. Jill, ngunit parang tense at medyo kinakabahan ang kanyang pakiramdam.
"Mr. Jill, okay lang po ba kayo? Bakit parang kinakabahan po kayo?" tanong ni Jin.
"Okay lang ako, Sir Jin. Pumasok na kayo ni Sir Chris sa loob at hinihintay na kayo ni Mr. A."
Pinagbuksan na ni Mr. Jill ng pinto sina Jin, at pagkatapos ay pumasok na sila sa loob ng kwarto.
Nakita ni Jin na nakahiga si Mr. A. sa kama nito at tila nakatingin lamang sa kisame ng kwarto at malalim ang iniisip.
Nakatayo lang si Jin sa may pintuan habang lumapit naman si Chris sa pwesto ni Mr. A. at umupo sa tabi ng kama.
"Nandito na po kami, papa. Nandito na si Jin." paalam ni Chris kay Mr. A. habang inaayos niya ang kumot nito, "Okay lang po ba kayo dito?" tanong ni Chris.
"Okay lang ako, Chris. Salamat. Pwede mo bang papuntahin si Jin dito?" nanghihinang sinabi ni Mr. A.
Lumingon si Chris kay Jin at tinanguan niya ito, hudyat na pinapalapit niya ito sa pwesto nila.
Dahan dahang lumapit si Jin sa pwesto nila Chris at tiningnan niya ang lagay ni Mr. A.
Nakita niya na ang laki ng pinagbago nito, na ang dating Mr. A. na nakikita niya na may matapang na mukha, ay tila napalitan ng nakakaawa at nahihirapan dahil sa sakit sa puso na nararamdaman nito. Napansin niya na tila namumutla na rin ang kulay nito, at mas tumanda na rin ang itsura kumpara dati.
"Mr. A., nandito na po ako." seryosong bati ni Jin.
Tumingin si Mr. A. sa mga mata ni Jin, at biglang tumulo ang mga luha sa mga mata niya.
"Jin, patawad... hindi ko sinasadya." naiiyak na sambit ni Mr. A. habang hirap na hirap na siya mag salita dahil sa kalagayan niya.
Huminga ng malalim si Jin at umupo sa tabi ni Chris.
Hindi kumibo si Jin, at hinawakan niya ang kamay ni Mr. A, na lalong nagpaluha sa mga mata ni Mr. A.
"Naalala ko itong mga hawak na ito... ang pakiramdam at ang init ng mga kamay na ito. Parehas na parehas sa kanya. Sana ay mapatawad mo ko, at mapatawad na rin nila ako." sinabi ni Mr. A. habang nakatingin sa mga kamay ni Jin.
BINABASA MO ANG
March 2020/1 (BL)
Science FictionIto ay isang kwento na ang simula ay tungkol kay Jin, na makakatanggap ng isang balita na namatay na ang pinakaimportanteng tao sa kanyang buhay-si Chris. Namatay si Chris noong March 21, 2021. At simula noong araw na iyon, wala ng ibang ninais si J...
