الحلقة(26)
فاتت الأيام وشوي شوي بدت جمانه تنسى المشكله اللي صارت وأريج حتى هيا برغم أنهم تقاطعوا نهائي وجمانه هالمرة هيا اللي مقاطعه أختها ماتبيش تشبحلها حتى الشبح ع قد ماموجوعه منها
اريج بعد غياب عشرة أيام ع الكليه مشت وتفكر كيف بتعوض محاضراتها اللي فاتوها تجري هني وهني وتكلم في الدكاترة ع الحضور وعذروها وخدت اللي فاتها من سوسن من الساعه 8إلى الساعه 3بين جري ومحاضرات تعبت وتفكر امتى توصل للحوش بش ترتاح
سوسن:كله من هالمها هادي قتلك كبري راسك ومادورهاش
اريج: ماعنديش نيه نتكلم توا
سوسن : اهو خوي جي سلامات 🖐
اريج: 🖐🖐
كملت أريج طريقها لسيارتها ومش طايقه شي تبي تروح ترقد وبس
:مرحبا
اريج: كملت طريقها
:نكلم فيك
اريج وقفت وركزت في الصوت التفت لقاته ضرار
ضرار: وين عقلك
اريج شبحتله زين بعدين مشت
ضرار:😕
ضرار شدها من إيدها ووقفها: ماسدوكش الشهرين اللي تعذبي فيا فيهم معاك لأمتى يعني !!
اريج بلامبالاة: من جابرك
ضرار بعصبيه: ماطلعنيش عن طوري ياسر من الجو اللي ديري فيه عيونك فاضحينك،،ولانسيتي ليلة المطعم كان ماعرفتيش إن مروة اختي راك متي
اريج ابتسمت بسخريه : واثق من نفسك هلبه
ضرار تنهد بيأس : به إنتي شن تبي ؟!تبي نجي نخطبك نجي نخطبك والعرس امتى ما تبي
أريج شبحتله وشبحت لأيده: ممكن تحول إيدك
ضرار: مش محولها لين نسمع ردك
اريج: ماعنديش رد
ضرار بعصبيه: والله بنتهور وبنمد إيدي عليك
اريج بعصبية أكثر : شنو تشبح فيا نعجه سايبه بش تضربني
ضرار انفجر ضحك : هههههههههههههههههههههه
اريج هبلت في الضحكه
ضرار بضحكه: والله ماعارف كيف نتصرف معاك في لحظه تعصبيني وفي لحظه ضحكتينيي وسكت وبعدين قال بنظرات كلها حب: وفي لحظه تنسيني حتى إسمي لما نشوف عيونك
اريج فرحانه بس تظاهر بعدم الأهتمام: إييه ياأنت حول يدك وإحترم نفسك لو يشبحنا حد هكي شنو يقول
ضرار رجع عصب ونفض إيدها لأنه حس بالإهانه: اني الغالط اللي درت لوحده زيك قيمه وعطيتيها أكبر من حجمها ،،ولبس نظراته ومشي
اريج اضايقت من نفسها هلبه "علاش ديما نجرح في اللي نحبهم" ...
كملت طريقها لسيارتها وشافت منظر خلاها تعيط : هاااااااااااا
ضرار مزال مابعدش في عز غضبه منها سمعها تعيط زبطه صوتها ولا يجري ....
***
عماد: اهو الحمد لله المحل أموره ماشيه
أحمد: الحمد لله ربي يفتحها عليك
وائل: إيه شن تخبرنا عن عش الزوجيه 😁
أحمد بضحكه: مرة عش حمام ومرة دبابير
عماد ووائل :😂😂😂
سليمان: انت كان ماتزوجت ره نبتت فوق راسك نخله وتوا جاي تشكي
احمد: ماشكيتكش هو سأل وأني جاوبت ،بس تعرف توقعت تلحقني ياشيخ
وائل وربيع 😁😁
سليمان : مازال الوقت
عماد: أقعد قول هكي لين تلقى روحك في 40
ربيع : لااا ماأظنش مازال يعطل 😏
عماد :😮😮
احمد بضحكه: معناها في حاجه
عماد: وأني أخر من يعلم 😒
سليمان : لااخر ولاأول حتى انتم مصدقين دوة رييع 😑
ربيع: إن غدا لناظره قريب
سليمان :😑
وائل وأحمد وعماد 😂😂😂
****
واقف يشوف في المرش المتكسر واجهة السيارة وخلفتيها مهشمين تماما قدم شويه بحذر فتح الباب يتفحص فيها من داخل " مش ماسينها من داخل" لفت أنتباهه ورقه محطوطه ع درج.السيارة فتحها وقراها وعصب ع الأخرسكر السيارة وولا لأريج اللي كانت مقعمزه ع كرسي وتبكي
ضرار مدلها الورقه : أقري
اريج قامت راسها وخدت الورقه مسحت دموعها وقعدت تقرا وانصدمت: هذا منو
ضرار بعصبيه: تسألي فيا أني !!
هي بعصبيه ودموعها مغرقين عيونها: من كلمك أنت
ضرار تمالك نفسه وقاللها: في حد يضايق فيك
اريج هزت راسها بالنفي
ضرار: متأكده
اريج : إيه
ضرار قعد يفكر: باه كلمي حد من عيلتك يجيك
اريج قعدت تبكي
ضرار مش قادر يتحمل يشوفها هكي بعصبيه: خير بلاك
اريج شبحتله بحده: ماتعيطش عليا ..تلفوني مافيشي شحن
طلع ضرار تليفونه من جيبه: هاك تكلمي بيه
اريج وطت راسها وبخجل: مانحفظش أرقامهم
ضرار ضحك بصوت عالي : ياعليك حصله حصلت فيها
أريج بغضب : ماقالك حد احصل فيا
ضرار ابتسم وقعد.يشبحلها وطلع مفاتيح سيارته من جيبه ومدهولها: هاك
اريج بإستغراب : شنو هذا
ضرار : قلم روج !! مفتاح سيارة😑
اريج: يابارد قصدي شنو ندير بيه
ضرار صحك ع كلمه يابارد: روحي بسيارتي
اريج: لالا شكرا
ضرار بقلة صبر وبعصبيه : أرييييج
اريج لما قال إسمها فرحت وفي نفس الوقت خافت من عصبيته خدت المفاتيح وبتمشي
ضرار: استني
اريج التفت : خيرك
ضرار : ملي عليا رقمك...ولاحتى هو مش حافظتيه
اريج : حافظته ،،وقعدت تمل في رقمها
ضرار كتبه ويسجل في الإسم وأريج مركزة معاه بحركه عفويه قدمت راسها بتشوف شنو سجلها وكانت قريبه هلبه عليه وراسها قريب من صدره شافت الأسم قالت: حد الزين 😄
وهو في حاله مايعلم بيه كان ربي قلبه يقربع تقربيع وحرارته أرتفعت، اريج وخرت : شن معناها
هو قعد يشبحلها : إسألي امك تو تقولك وعطيني مفتاح سيارتك
طلعت المفتاح من شنطتها وعطتهوله
ضرار وهو تحت تاثير الموقف: هيا تحركي من قدامي يللا
ومشت اريج بسرعه وهو تنهد "يااارب نبيها حلالي " وكمل طريقه لسيارتها وطلع وراها
****
احمد: نعرفكم تجوا مايغيب منكم حد
وائل وسليمان وربيع: إن شاء الله
عماد ساكت
احمد : كان ماجيتش ياعماد نزعل وأنت تعرف زعلي
عماد ابتسم مجامله: ع خاطرك بس
ربيع بيلطف الجو: قوللهم يديروه حار استاحشت توليله عقاب الليل
كلهم ضحكوا حتى عماد
***
طول الطريق كانت تشوف لسيارته كيف تشبهله مرتبه من داخل وريحتها ريحته لمحت شيشه العطر جبدتها ودستها في جيب جاكتها ،،تشبحله من المرايا وتضحك كيف ضرار ع سن ورمح يسوق في سيارة زي هادي
اما عند ضرار
ضرار: ماسد منظر السيارة ماسد سواقتها اللي تجلط الصبر وخلاص😑
وصلت للحوش درست قدام الباب ودرس هو وراها نزلت وهو نزل وقفت في الباب جاها
اريج مدتله مفتاح السيارة وبإبتسامه: شكرا
هو ابتسم ورفع حاجبه اليسار وقلدها بالصوت: "عفوا"
اريج ضحكت وهو هبل ع ضحكتها وتماالك نفسه : خشي ناديلي واحد من خوتك وياريت المهندس اللي قريب في جرتك راح في الدهومه
اريج ضحكت لإنها شبه فهمت قصده وخشت طول
ضرار في نفسه:" غير خايف يلزوني كانهداخشيت خطبتك منهم طول"
***
لارا: تركني مشان الله مايكفيك اللي عملتوا فيني
ادم: لامابيكفيني
لارا: واطي الله يلعني لحظه اللي حبيت واحد متلك
آدم: لا تتمادي ياعسل ،،المهم بدك ترجعي واللي بدي ياه منك رح تعمليه وياإيما مقاطعك كله ع اليتويوب رح تنشهري بعالم (******)
لارا صكرت عليه وقعدت تبكي ومش عارفه شنو ادير
***
نجيب : بارك الله فيك صحيت
ضرار بإبتسامه وهو يصافح في نجيب: فيك بارك الله
نجيب: لو تخش تشرب فنجان قهوة
ضرار : لاصحيت والله مستعجل
نجيب بمجامله: مرة تانيه إن شاء الله الحوش وعرفته تشرف وتأنس
ضرار عجبه نجيب وأسلوبه وحس أن اريج من عيله محترمه زي ماسمع عنها : هي مالا نستأذن مع السلاامه وركب سيارته ومشي ونجيب خش لأريج بياكلها بقشورها 🤣
نجيب : ارييييج
ندى: انزلي لقضاك 😂
اريج : ياهمي وخلاص😖
نزلت أريج
نجيب بعصبيه : ماتقوليش شن قصتك إنتي كل مرة بمصيبه شكل
اريج بخوف: والله ماليا علاقه ولانعرف شن في لقيت السيارة مكسرة ومانعرفش من دار فيها هكي
نجيب قعد يفكر : في حد يضايق فيك في الكليه
أريج: لاوالله لا
نجيب بشك: باه واللي عطاك سيارته تعرفيه ؟!
اريج بإرتباك وخوف: لاالاا من وين بنعرفه هو ساعدني وخلاص
نجيب يشبحلها بشك: أممم ع العموم هنقول لأصيل يرفعك ويجيبك لين نحل هالموضوع من أصله وتوا بنرفع سيارتك للورشه قبل ليجو بوك وأمك ..
اريج هزت راسها بإيجاب وطارت فوق
ونجيب طلع ورفع سيارتها للورشه
***
واالله عذاب ياريما
سارة جايه لريما زيارة للحوش وجايبه معاها بنتها الصغيره
ريما تضحك: والله مافي احلى منهم شوفت وجوههم تنسيك همومك
سارة : كلنا كنا نقولوا هكي بس لما تجربي إن شاء الله توتفهمي قصدي
هالكلمتين خلوا ضحكة ريما تتلاشى وترجع بذكرياتها من جديد
فلاش باك
نجيب: كولي بشويه عليك راك تغصي 😂
ريما انحرجت: ماه لما نبدا فرحانه تنفتح شهيتي
نجيب بإبتسامه ماكرة: هالفرحه هادي كلها بمرواحي
ريما تلقائيا: حاسه بالغربه من غيرك مافي شي ليه طعم ،،استاقضت ووطت راسها لوطا من الخجل
نجيب مبتسم: به لما نتزوجوا حنسافر هلبه ومش ديما حنرفعك معاي
ريما: علاش
نجيب : سفراتنا للخدمه وكلنا رجاله شن ديري بيناتنا!
ريما سكتت
نجيب بضحكه: تو نعبوا الحوش صغار يشبهوني تستاحشني تأمليهم واحضنيهم
ضحكت قامت راسها عينها جت في عينه غمزلها وجهها راح طماطم وطول الوقت تاكل وتشبحله بالسيف من الخجل
الوقت الحاضر
سارة: ريما ريماااا
ريما استاقضت: شنو
سارة : وين مشيتي
ريما بإبتسامه تخفي الألم: معاك 💔
***
في الليل اريج لاهية تقرا خشت عليها ندى وسكرت الباب
ندى: روجي
اريج:همممم
ندى: شن بيصير في سيارتك
اريج سيبت الشيت وشبحت لندى: عمك نجوبه ياحنه بيصادرها وحكم عليا نمشي ونجي مع أصيل
ندى: عنده الحق ،،بصراحه من بكري نفكر منو اللي دار هكي
اريج : تعرفي ربطت الأحداث ببعضها وحسيت إن في حد مترصدلي
ندى: كيف
اريج: العجله اللي انطبقت والسيارة كيف تكسرت والرساله
ندى: الولد اللي ناشبك هديكا المده زعمه
اريج: حتى اني هكي قلت
فجأة رن تليفون أريج شافته
ندى: ردي
اريج : رقم غريب
ندى: فوتيه مالا
وقف
ندى: لكن والله ضرارك هذا يهبل
اريج بغيره: إنتي اهبل 😒
ندى: ههههههه غيورة
رن التليفون مرة تانيه
اريج: خايفه يكون نفسه اللي كسر السيارة اشبح منين جاب رقمي وبيهددني
ندى: نهاري 🤤
وقف
اريج: بنسكر التليفون ،،،رن من جديد لكن كانت رساله
(ردي ياخنابه)
ندى: شنوووو
اريج قعدت تفكر بعدين خطر ع بالها شيشه العطر اللي خدتها من سيارة ضرار : ههههههههههه
ندى: خيرك اسم الله
اريج: هذا ضرار 😍
ندى: ياعيني عطتيه حتى رقم
اريج: ايه من الخوف كشخ عليا تكشيخه خلتني نسربطله الرقم بلاوعي
ندى: نهارك من توا تخافي منه
اريج: عندك حق ماريتيشي وهو يكشخ
اريييييييج ندىىىىى
ندى وأريج : هذا أصيل ..
يتبع .....
#GomanFared
