الحلقة(57)
هادم أحلى
جمانه: مبالغ فيهم
اريج : بالعكس حاجه راقيه ونازكه
أمينه: حتى أني عجبوني
جمانه: خلاص معناها اعتمدوا
امينه : خلاص
ندى: باه وهادي البكلاوة وخلصنا منها ومن الحاجه اللي بتنحط فيها ،،مافكرتوش في الهدايا اللي بنعطوهم للناس لما
يطلعوا
جمانه: عندي صديقه نعرفها خوها صاحب محلات(******)
حنجزوا عنده مجموعه
اريج : صح حلوات وريحتهم حلوة هلبه
ع خشة عبدو بس ماكانوش مركزات معاه جمانه قامت عينها شافته اشرلها تلحقه وكان وجهه مايتفرش
جمانه خافت قعدت شويه بعدين ناضت وخلتهم لاهيين
خشت للمربوعه ،،عبدو كان واقف حاط ايده في نصه والتانيه ع ذقنه ومهموم
جمانه: خيرك عبدو
التفتلها جبدها من ايدها ودخلها داخل
عبدو بألم: جمانه انت أكثر وحده تعرفي الدين بيناتنا وإيمانك بالله قوي هلبه
جمانه بخوف: قول شن في
عبدو وايديه ع ذراعات جمانه غمض عيونه وشد بقوة عليهم: نجيب ...
جمانه قريب ماتت : تكلم خيييره
عبدو: انقلبت بيه السياره وحالته خطيره هلبه
جمانه قعدت فاتحه عيونها بصدمه ودموعها ينزلوا : إنا لله وإن إليه راجعون
خشت ندى وراهم قدمت جيهتهم: خيركم !!
عبدو نزل إيديه وشبح لندى وجمانه قاعده مصدومه ودموعها سيل
ندى دموعها نزلوا: ماتقولوش بابا
جمانه هزت راسها بالنفي وبدت تبكي وبصوت يدوب طلع: نجيييب
ندى ضربت بكفوفها على خدودها: حي عليا ..ماتقولوش ...
جمانه تبكي : لالا
ندى ببكي: مالا شنو
عبدو: دار حادث قوي وحالته خطيره
"شن تخرف انت "
انصدموا التلاته ولقوا امهم مع أريج قدام المربوعه
قدمت أمينه لعبدو شداته من سوريته بنظره تخوف ودموعها في عيونها: انت كذاب
جمانه خافت ع أمها شدتها : أمي وحدي الله
امينه طلقت عبدو وشبحت لجمانه: انت متدينه ياجمانه أنتي ماتكذبيش خوك ماصارله شي ولا
جمانه قعدت تبكي وندى وأريج حتى هما شبحلتهم أمينه :علااااش تبكوا هكي مات هو بش تبكوا مشت جيهتهم معاش تبكوا،،ضربت اريج وندى كفوف معاش تبكوا شدتها جمانه امي استهدي بالله ياأمي قولي لاإله إلا الله
امينه تبكي بصوت: ولللللللدي ياعااااالم وللللللدي اللي مقاطعاته وجافيته ليا خمسه شهور مش كريييييهه ،،كنت نبي نأدبه بس كنت نبي نربيه ....ماكنتش نبيه يموت وأني مانكلمش فيه نجييييييب ولللللدي طاحت ع ركابها ارفعوووني لولدي
خش أصيل مخلوع : خيركم
عبدو: نجيب داير حادث وحالته خطيره
انصدم أصيل وجمد في مكانه ودموعه ينزلوا جي بين عيونه الموقف اللي صار بيهم الصبح ..حضن نجيب،،كلامه ،،نظراته،،،التحيه اللي حياه بيها
جاته أمه : ريت وخيك اليوم استسمح منك شكله كان حاسس وللللليدي آااااه يانجيب نجيي....
طاحت امينه فقدت الوعي ....
***
لو حركتوه من هني حضروه ضرر بليغ كان مش نهيتوا حياته مرة وحده
فرج بألم: كيف ندير يادكتور
الدكتور : لو عندك قدرة ماديه في دكتور ألماني جاي ليبيا ومعروف هلبه لو تبيه يجي للعيادة هادي ويشرف ع حالته وره يقبض بالعمله الصعبه
فرج: مش مهم ندفع اللي وراي واللي دوني
الدكتور: خلاص حندير إتصالاتي ونبلغك
فرج مشي جيهة العنايه المشدده وصغار كلهم غادي
عبدو: شن صار يابوي
فرج: قالولي لو طلعه حتضره مش حتنفعه ومرات نفقدوه مرة وحده
اصيل ودموعه ينزلوا: كيف يصير باه
فرج: في دكتور ألماني جاي لليبيا حيكلموه يجي هنايا ويشرف ع حالة نجيب
عبدو: أن شاء الله خير
فرج يشبح لبناته : عبدو روح بخواتك قعدتهم ماليهاش فايده
جمانه : ارجوك بابا خلينا ولاوحده فينا حترتاح وهي في الحوش
فرج : ولا حترتاحوا هني بنتي روحي إنتي وخواتك ووقت الزيارة غدوة تعالوا
جمانه بيأس: حاضر
طلعوا البنات وهما في حاله يبكوا ،،ضرار خوه كان في نفس العياده لمح اريج وهي فايته مع خواتهاو جرتها باكيه هلبه
"إن شاء الله خير" مشي ضرار سأل في الإستعلامات وقالوله ع نجيب ركب طول لحجرة العنايه
**
يوم الأربعاء
سرور: كويس
عماد: مافيش مشكله
سرور: لاكويس بكل ،من بيجي كله
عماد بمزح: خواتي 6ونساوين خوتي 4 وعماتي الزوز وخاالاتي التلاثه
سرور انصمتت معاش عرفت شن تقول
عماد بضحكه مكتومه : خيرك
سرور بصدمه: لالاشي
عماد:هههههههههههههههه
سرور: خيرك تضحك هكي
عماد: صدقتي ياعبيطه هههههه
سرور بإرتياح: خززززي على وجهك والله قييب متت
عماد: أن شاء الله في البيان يجوك كلهم
سرور: ايه ع اقل البيان مخططه ندييه في حوش اختي كبيي وواسع
عماد ضحك: المهم بتجيك أختي الكبيرة وعمتى الكبيره وخالتي الكبيرة وكنتنا الكبيره
سرور بضحكه: والكبيي الله
عماد: هههههههههههه
سرور: معناه ايبعه نساوين
عماد : ايه
سرور : إن شاء الله خيي
عماد: خير اكيد بإذن الله خير ،،سرور
سرور: نعم
عماد: ترا قولي جرجير
طوط طوط طوط سكرت الخط
عماد:😂😂🤣🤣🤣
***
تاني يوم الصبح
حال نجيب كما هو عليه برغم خطورة حالته بس كانت مستقرة والدكتور الألماني تكلم مع بو نجيب واتفق معاه مبلغ معين يجيب فيه الطاقم متاعه ويشرفوا ع حالة نجيب
وعبدو يجري ويدور ع المعدات الناقصه وفي منه حجزوه
يتبع .....
#GomanFared
