الحلقة(63)
فتحت عيونها الرؤيه قدامها كانت معتمه بدت تستاقض
حولت تنهض روحها بش تقعمز رجعلها وعيها تشبح قدامها في خيال واقف ماكانش واضح زين لأن خمارها كان مغطي عيونها
جمانه بتعب: أنت.. منو ..
:صح النوم صح النوم قمر زرقت والناس نجوم ههههههه
جمانه بإستياء فضلت السكوت
:حنهدرزوا حنهدرزوا بس بعدين شوي وطلع من بحداها
***
أمينه في المطبخ مقعمزة قالقه وتخمم وندى تشبحلها
ندى: ماما في شن تفكري
امينه بقلق: أختك قالت بتروح 11وتوا الساعه 12ونص
ندى بضحكه: عادي ياماما أخر يوم بتعطل بتقعد مع صحابتها
أمينه: بس ماقالتش
ندى: تلقيهم شدوها
أمينه: باه خيرها ماأتصلتش قالت؟حتى لما نتصل بيها ماتردش
ندى خافت لكن درقت خوفها: عادي عادي تصير ماتخافيش
أمينه: ربي يحفظك يابنتي بحفظه
***
عماد كان مع سرور ع الكورنيش
عماد: يعني البيان في رمضان
سرور: ايه
عماد: والفضانيه غدوة
سرور: من بيجي غيي بوك وخوتك
عماد: تو مش بوي لما كلم خوك قاله من بيجي
سرور: نبي نتأكد
عماد بضحكه : باه ياستي بوي وخوتي وعمامي الزوز وراجل عمتي الكبيرة وراجل خالتي الكبيرة
سرور: تمام وقعدت تفكر
عماد: خيرك
سرور بضيق مخفي بإبتسامه : شي غيي نديي في تشك في ياسي ع كل شي لغدوة
عمادبضحكه : ياتشك أنتي
سرور ضحكت
***
ماشي بسرعه قابله دروج ركب يدور بعيونه في المكان ويفكر في الرساله اللي وصلاته "عندنا حد يهمك أمره هلبه ممكن تصير فيه حاجه بسببك لو تجاهلت مش حتسامح روحك لو صارتله حاجه؛تعالى ل (******************) بش تشوفه ونتفاهموا "
وصل لممر لقي فيه 3لابسين عسكري وملتمين
واحدمنهم اشرله ع غرفه قعد يشبحله بعدين خش
وهو خاش شاف مكتب في الغرفه اللي فاضيه من أي قطعة أثات غير هالمكتب والكراسي اللي فيه،، كان في شخص مقعمز ورا المكتب ويشبحله بإبتسامه ساخره
سليمان: ماتملش
ضرار بضحكه ساخره: أبدا لين نتفاهموا
سليمان : مافيشي نتفاهم معاكم فيه
ضرار: ههههههههه ،،غير قعمز قعمز
سليمان : هكي مرتاح
ضرار: قعمز ومعاش تسكر راسك
سليمان قعد واقف ويشبحله بجمود
ضرار سكت وشبحله بعدين قام التليفون واتصل: جيبو الأمانه
سليمان يسمع فيه ومش فاهم شي شبح لضرار وضرار شبحله :علامات الإستفهام اللي ع راسك حتتحول بعد شوي
شبحله سليمان بحده وكان حاط ايديه ورا ضهره
ضرار: وقفة بوك
سليمان : ماتجيبيش سيرته ع لسانك
ضرار: ههههههه حني وياه صحاب ره
سليمان : مع الأسف، هيا..اختصر شن تبي
ضرار: نبي نديرلك اختبار بسيط بس
سليمان يشبحله بكره
ضرار: بالشويه ياشيخ العوينات الزرق هادوا مش باهي ليهم الشبحات هما هههههههه
طقطق
ضرار رفع حواجبه اشر بصبعه ع الباب : اهو جابوا بالونه الإختبار ههههههههه،خش
التفت سليمان وملامح وجهه باديه عليهم الصدمه وفتح عيونه ع الآخر
ضرار كان مركز معاه وقال للبنت اللي جابت الأمانه: اطلعي وسكري الباب ،،طلعت البنت
سليمان كان متجمد في مكانه
ضرار: توقعت ردة فعلك هادي ،،ولت عندك يد توجعك ياشيخ
سليمان التفتله وببرود: ايه وبعدين
ضرار: ههههههههههه ماتنفعش في التمثيل ره
سليمان يشبحله : شن تبي
ضرار: ايوه هكي انت عيني قعمز قبل
سليمان قعمز بالسيف
ضرار شبح القدام :وإنتي يا...شن اسمك
جمانه بغضب: مانتشرفش بمعرفتك ليه
ضرار: ههههههههههه، ياودي به اصلا بعدين شويه حيجبولي المعلومات الكامله عنك ،،اسمك مواليدك مكان سكنك شجرة عائلتك كامله
جمانه سكتت وكان في غايه الغضب
ضرار: تعالي قعمزي بإرادتك خير مانجي نقعمزك بروحي
سليمان كان قريب ينفجرمن كلام ضرار مع جمانه لكن كان شاد روحه يبي يبين لضرار إن جمانه ماتعنيله شي وكان يبي يحميها قبل ليحمي نفسه
قعمزت جمانه مقابله سليمان وإيدها متشابكات في بعض.
سليمان قعدت يشبحلهم زبطها خايفه ومتوترة
ضرار: الله عليك كووبل يهبل ،،لكن زعم حتى هي قنينه زيك ياشيخ ؟!
سليمان شبحله بنظرة تخوف
ضرار بخوف مصطنع حرك ايديه:والله ماحولت الخمار ولاجيت جيهتها ولاخليت حد يجي جيهتها
سليمان اتكى ع الكرسي وحط رجل ع رجل : انت اتعب في روحك ع الفاضي كالعاده البنت هادي زيها زي أي بنت تعاملت معاها فيما يخص نشاطاتي الدعويه يعني ماهيش مهمه عندي ولاتخصني في شي
جمانه اضايقت هلبه من كلامه ونزلوا دموعهاولحسن الحظ خمارها مدرق كل شي
ضرار:اها قلتلي مش مهمه وماتخصكش ،ناض من مكانه ومشي لجمانه ووقف بحداها ،معناها حنشبع فضولي ونقيم ونشوف شن مدرق ورا الخمار الأسودي ههههه
سليمان شد ع قبضة ايده بقوة، وجمانه كان بتموت من الخوف ضرار بيحط ايده ع خمار ضربتها جمانه بقوة :يانجس
ضرار: ههههههههه شرسه الشيخه لكن مع هذا حنشوف مد ايده بتضربها جمانه شدلها ايدها بيد التانيه وحاولت تقاوم وهو بيقيمه خلاص ،،شده سليمان من رقبته وحوله من قدامها وقعد ضاغط بصوابعه على رقبته
ضرار وجعاته لكن كان يتضاهر بعكس هكي:هههههههههههههههه نجح الأختبار ياشيخ ههههههههه
سليمان فهم قصده وطلقه بقوة ،،ضرار شد رقبته من اللتالي يتحسس فيها ومبتسم بإستفزاز
ضرار: وتقولي مش مهمه ههههع ،ولا ضرار لمكانه وشبح لجمانه وقاللها :قل للمليحة ذات الخمار الأسود..ماذا فعلتي بالزاهد المتعبد هههههههههههه
جمانه كان تلقى تقتله وسليمان نفس الشي ..
ضرار: غير قعمز قعمز خل نتفاهموا
سليمان قعمز بالسيف وقعد يشبحله : طول عمرك حتقعد أنسان بلاأخلاق كل شي عندك مباح لتحقيق اهدافك ،؛من لماكنت طالب في الثانويه وأنت مستعد.ادير أي شي بش توصل لغايتك
ضرار بضحكه ساخرة: وأنت ديما عايش دور البطوله من لما خبرت عني وأحني صحاب مقعد واحد
سليمان: حاولت فيك وربي يشهد لكن شي الشر اللي فيك غالب عليك ..
ضرار: مش موضوعنا هذا،، توا نبيك تحط عقلك في راسك نجمعك أنت والأستاذ وتتفاهموا مع بعض
سليمان: على شنو ؟!!ع خيانة وبيعه البلاد ولا ع سرقه ارزاق هالشعب المتملح..
ضرار: فوتها الدوة الفاضيه هادي هلبه زيك كانوا هكي وبعدين عقلوا واقتنعوا
سليمان: اني حنقعد مهبول مانبيشي العقل اللي يجي منكم
شبح ضرار.لجمانه: تحطها في رقبتك ومش هي بس عيلتها كامله
سليمان: انتم اشر من خلق ربي
ضرار: شنو قلت
سليمان شبح لجمانه اللي كان باين عليها الخوف من حركه النفس متاعها: مش حينفع معاي إلا شي واحد...اقتلني
جمانه فز قلبها: شنو تقول انت
سليمان بغضب: اسكتي ماتتكلميش انتي!!
جمانه سكتت ودموعها ينزلوا
ضرار بسخريه: الله مشهد من تيتانيك لكن ع الطريقه الإسلاميه
جمانه بنبرة حادة: قذر امثالك هما اللي وسخوا البلاد ودمروها لإنكم ماتعرفوش ربي و لاعندكم ذمه لاضمير ..
ضرار يضحك بسخريه
سليمان: معاش نبي نسمع حسك
جمانه سكتت ..
سليمان: الموت هو الشي الوحيد اللي حيريحكم خليها تروح واقتلوني هني ومافي حد حياخد بتاري صدقني ماتخافش
ضرار: كان نبي نقتلك ره قتلك من زمااان
سليمان: زي ماقتلتوا قاسم وغيره من الناس الشريفه والوطنيه اللي قلبها ع البلاد
جمانه تفاجئت لما سمعت اسم قاسم
ضرار: دسكه الشرف والوطنيه اللي شادينها طاحت موضتها من زمان ،رن التليفون ، ههههع جابولي معلومات عن المليحه ههههه ،،رد
ضرار : هاه
:اسمها جمانه فرج الشريف مواليد 89 تسكن في (*****)شارع (******) رابع حوش في صفه الحياش في شارع
بوها تاجر ذهب امها تخدم موجهه في دائرة تعليم ٠(****)
عندها 3خوت ولادالكبير مهندس واللي بعده دكتور والصغير بيتخرج السنه هادي من الهندسه
البنات زوز وحده تقرا في القانون و.....
ضرار بصدمه شديده: اصصصصصصصص خلااااص ...
سكر التليفون ،،وحس روحه بتطلع جسمه يرجف وتفكيره انشل مرة وحده
سليمان وجمانه لاحظوا حالته كيف ولت ،،بعد صمت ساد لدقايق
ضرار بنبرة مخنوقه: نوضي روحي ياأختي
سليمان اتفاجىء وجمانه أكثر منه ،،سليمان شبحله وشبحلها
سليمان: تروح ومعاش ليكم بيها دخل
ضرار تحت هول الصدمه هز راسه بإيجاب
سليمان: هيا نوضي
جمانه: وأنت ؟
ضرار: مش حيصيرله شي
جمانه مابتش تنوض
سليمان بعصبيه: شن تراجي بري روحي هيااا
جمانه خافت ناضت بتطلع وكل مرة تلفت تشبح لسليمان لين طلعت وسكرت الباب
"دمرتيلي حياتي مرتين لكن هادي قاضيه ياولد عمران"
سليمان مافهمش قصده: شن تقول
ضرار بألم: توكل ع حالك
سليمان ماباش ينقاشه أكثر ناض وطلع
وضرار نزلت دمعته بحرقه خشوا عليه جماعته
ضرار:بروا للمقر مادورونيش ...
**
وهو طالع من المبنى لقاها واقفه تجاهلها
جمانه بخوف : شن قالك
سليمان وقف والتفت قدملها شويه: مادخلكش ومايخصكش ،،ولو سمحتي انسي انك عرفتيني يوم من الأيام من البدايه كل شي كان غلط وتوا لازم يتصلح بري في حالك ياأختي ..ولف ومشي وحتى هي كل واحد منهم ماشي جنب التاني طول الممر وكانت قلوبهم موجوعه هي انجرحت منه هلبه وهو كاره روحه لأنه كلمها هكي من خوفه عليها اليوم زاد تأكد أن بعده عنها أفضل ليها وليه، كل حد مشي في جيهه.. قعد يشوفلها من بعيد لين ركبت تاكسي وهو ركب سيارته وروح ...
***
امينه: نهاري الساعه 2معقوووله لتوا
اريج: اهدي ياماما مافيش إلا الخير
امينه تبكي : اتصلي ببوك بخوتك تصرفي ...
ندى: علاش تتصل وكان تطلع قريب تروح نشغلوهم ع الفاضي ...
انفتح باب الحوش خشت وقامت خمارها كانت تمشي بصعوبه كانت مخنوقه هلبه وقلبها مكسور جتها امها
امينه : خيرك عطلتي
جمانه شبحتلها بتوهان: الأمتحان ماجاوبتش فيه كويس
أمها قعدت تشبحلها وحست أنها مش مزبوطه : خيرك بنتي شن صاير معاك ؟!!
جمانه بألم وتوهان : الأمتحان ماجاوبتش فيه ...شكلها حتقعدلي وفاتت من جنب أمها
خواتها يشبحولها بخوف
اريج: جمانه وين سيارتك
جمانه شبحتلها هلبه بنظرة غريبه: قاعده في الجامعه ،ومشت
ندى : كيف روحتي
جمانه وهي تركب في الدروج: تاكسي
كلهم مستغربين فيها وخافوا عليها هلبه ...
****
نجيب كان واقف يهدرز على ريما ومعاهم استاذه تانيه شويه وجي وقف عليهم عبد الملك
عبدالملك: السلام عليكم
كلهم بأصوات متقطعه: وعليكم السلام
عبدالملك : معليشي بناخدكم منكم استاذه ريما شويه من بعد اذنها طبعا وابتسم
نجيب ولعت فيه النار قعد يشبحلها بحده
ريما ابتسمت: مافيش مشكله
ومشت هي وياه ونجيب عيون عليهم وقعد ينحرق بنار الغيره تباعدوا عليهم ووقفوا يتكلموا ...
***
مقعمز في سيارته قدام الشط اللي تعود يشوفها فيه الدنيا بدت تزحم لإنه صيف بس هو ماكانش يحس بوجود حد نهائي شويه وقام تليفونه واتصل
ضرار: وتيلي الحوازة اليوم بنجي بروحي ...وصكر..
يتبع .....
#GomanFared
