الحلقة(51)
فتحت باب دارها وطلعت تجري خشت ع اختها في الدار لقتها لابسه وموتيه روحها للجامعه بس مقعمزة ع السرير وتبكي بصمت وحاطه إيدها ع فمها سكرت الباب وجت حداها حضنتها طول
اريج تبكي: تعرفي أن كنت مبعدة عنه هالفترة ...يتصل ومانردش ...اتصل أمس في الليل ومارديتش
ندى اذكرت رساله قاسم اللي بعتها ليلة موته قعدت تبكي: حبيبتي اريج ..
اريج دفتها شويه : مش مصدقه ياندى مش مصدقه بنهبل
حضنتها ندى من جديد وقعدوا يبكوا مع بعض
جمانه تفطر مع خوتها وأمها وبوها وماكانوا يندروا ع شي
اصيل: جمانه بالله وإنتي راكبه قولي لندى تنزل بسرعه جمانه وهي طالعه: حاضر
ركبت جمانه سمعت صوت بكي جاي من دار أريج خشت طول: خيركم؟!!
***
صوت جهاز القلب ،،أجهزة راكبه فيه ،،غرفه العنايه المشددة،،اللي خشلها بعد عمليه قعدت 5ساعات بش ينحوا الرصاص اللي كان في أماكن متفرقه من قلبه لبطنه تحديدا 3رصاصات ....
"طلعه برا هني مش حينفعوه"
وزع نظراته ع المكان وقعد يقدم خطوات بتوتر
:تو نطلعلك التأشيرة ماتخممش مش حتاخد وقت ياضرار
ضرار : مش مشكلة تأشيرة قالولي لو حركته من مكانه ممكن يموت ..
:لاحول ولاقوة إلابالله
جاهم واحد يمشي بسرعه
:ريت ياراس الخبر اللي طالع في الفيس
ضرار خدي تليفون الراجل ويقرا ابتسم بتهكم: عليك حاله وخلاص يراجولي فيها بالساعه والدقيقه
:خل نكذبوه
ضرار: خليهم يفرحوا شويه تو نفاجئهم في الوقت المناسب
: أقل شي طمن اهلك اكيد شافوا الخبر وبيهبلوا توا
ضرار غمض عيونه بقوة وفتحهم: ايه صح !!
مشي ع تركينه واتصل بمروة ردت طول
ضرار: مروة
مروة انهارت بالبكي
ضرار بضحكه:ياهبله صدقتي
مروة بعبرتها: انت ضرار...ضرار خوي
ضرار: ايه ياحمارة
مروة ببكي: ضرار انت ماممتش
ضرار بضحكه: متت ونكلم فيك من القبر
مروة ضحكت من بين دموعها : باه شنو قصة الخبر هذا
ضرار تنهد: خوك المعتصم هو اللي انضرب
مروة: خير بلاه؟!
ضرار: شكله في مشكله بينه وبين حد هنايا واني اسعفته للعياده بعد كلمني قبل ليفقد وعيه
مروة بعصبيه: وأنت شن دخلك بيه ؟
ضرار: مهما كان خوي يامروة
مروة: خوك ايه خوك امتى يعرفك خوه غير لمايبي منك مصلحه ولافلوس ولانسيت أمه الشيطانه شن دارت فينا
ضرار: مهما صار خوي اسم بوي ولقبي هو نفسه اسم بوه ولقبه في وجهي يامروة
مروة بغضب : لا في وجهك ولا ظهرك هذا زي أمه وبوه بالزبط واطي وخسيس نسيت ياضرار نسيت لما لفقولك تهمه حقيرة وأنت صغير وماكنتش فاهم حتى بشنو اتهموك لما شردونا وخلونا في الشوارع
ضرار تنهد : خلاص هما عند ربي وهو ياخد حقي وحقك خوك ماعنده حد غيري هنايا مستحيل نخليه
مروة: علاش حني من كان عندنا لما كنا نباتوا في عز الصقع في الشارع؟؟ خليته يتشرد زي ماشردتنا أمه
ضرار: خلاص مروة سكري ع الموضوع،امي سمعت
مروة: لالا ماقلت لحد لتوا
ضرار :كويس ،هيا توا مش فاضي سلام وسكر
شاف لتليفونه فكر في اريج خطر في باله يخليها تتعذب شويه زي ماعذباته لكن ماهانتش عليه ولاتحمل التفكير في هاللشي اتصل بيها
سوسن حاضنه أريج : خلاص حبيبتي الله يرحمه
اريج تبكي : مش مستوعبه طالعه من الحوش مش عارفه كيف جيت بالسيارة لهني نحس في روحي بنموت ياسوسن
رن تليفونها ناضت من حضن سوسن وطلعاته من الشنطه لقاته هو يتصل فتحت فمها وقعدت تمسح في دموعها بش تتأكد من الرقم فعلا كان رقمه ردت وقعدت ساكته
ضرار: تحسابي روحك بتفتكي مني ماتفرحيش ياحلوة
اريج ناضت من مكانها وسوسن تشوفلها بأستغراب
اريج: انت منو
ضرار بضحكه وبصوت مخيف: اني غولة ضرار تو ناااخد بتاااره منك
اريج ضحكت: والله ماصدقت الله قلبي قالي ماتصدقيش
ضرار قعدت يضحك: الحاجه الوحيدة اللي محيرتني قلبك لاعرفته يحبني ولا يكرهني
اريج : يحبك ويموت فيك
ضرار بتهكم وتمطيط : غلااااااا شوااااااااارب بسسسس
اريج ضحكت : خزي عليك والله تظلم فيا
ضرار تنهد: والله اني المظلوم معاك
اريج بجديه: نبي نشوفك
ضرار شبح جيهة الأولاد اللي معاه وكانوا قدام غرفة خوه :صعب توا عندي ماندير
اريج بإصرار: مادخليش بيك توا نبي نشوفك تواتوا
ضرار ضحك: هبلتي
اريج بقله صبر: أرجووك ،،تعالى قدام البحر
ضرار بضحكه: حاااضر ياهمي تقيل ربع ساعه ونكون غادي
اريج ضحكت وصكرت طول ومشت تجري لشنطتها
سوسن: خيرك فرحانه شن صار
اريج بفرحه : قاعد حي حي طلعت إشاعه ياسوسو ماشيه بنشوفه هي بايات ومشت تجري
سوسن تضحك: مهبله 😂
***
هي نمشي نبلغه وبنمشي نعطي محاضرتي
: تمام بالسلامه توا
ريما : في امان الله
مشت ريما بسرعه وراكبه للدروج تجري كندرتها تحولت لبستها وكملت جري وفجاه "آاااي"
نجيب بتهكم: وين عيونك
ريما شبحتله بحده تجاهلته وبتكمل طريقها مشت ايمين جي قدامها مشت يسار جي قدامها شبحتله بجديه
ريما: اسمع ره مستعجله وعندي ماندير
نجيب : اركبي من شادك
ريما تأففت وجت بتركب جي قدامها مرة تانيه شبحتله وابتسمت بسخريه: عيب ياأستاذ حركات المراهقين هادي راك قدوة
فنص فيها نجيب خافت نزلت درجه وهو نزل درجه هي توخر وهو يقدم
لين جابها ع الحيط
ريما بخوف: انت هبلت!!
نجيب يفنص وخلاص
ريما سكرت عيونها : حول ارجوك كان حد يشوفنا يفهم غلط
نجيب تغيروا ملامح وجهه وشبحلها بسخريه وخبث: شن بيفهموا
ريما : والله كان ماحولت نعيط ونشرشحك في الكليه
نجيب ضحك بصوت عالي : ترا كيف تعيطي بصوتك هذا "وااااااااااااااااااااااك عللللياااا تعاااااالولي "ويقلد فيها بصوت لإن ريما صوتها كان رقيق ومرخي شويه
ريما شبحتله بلؤم وبقوة دفاته ونزلت تجري ونجيب ميت عليها بالضحك وهي طالعه حطت إيدها ع قلبها اللي كان مداير مهرجان لداخل وقعدت تضحك بروحها تلقائيا بعدين تمالكت نفسها وهي تمشي بين الطلبه ...
***
تشبحله وتتأمل فيه وهو مربع ايديه ورافع حاجبه الإيسار
ضرار: لأمتى يعني
اريج : اسكت
ضرار ضحك وشد خشمه بصوابعه : ريت القطوسه ريت كيف تكشخ
اريج : ااااي حول وجعتني
حول ضرار وقعد يضحك : والله مشغول وسيبت وراي شي ضروري وجيت ع خاطرك وفي الأخير واقفه تشبحيلي وخلاص
اريج ابتسمت: لاا جبتك بش بنعطيك حاجه أخر مرة لما تلاقينا ماقدرتش نعطيهالك
ضرار شبحلها وأبتسم: حتى اني
شبحتله اريج وطلعت من شنطتها حديدة صغيرة زي اليستيك وفيها خرز اللوح "يلبسوا فيهم الولاد هلبه"
اريج : هات ايدك
ضرار :ههههههههههه شنو تشبحي فيا ولد البارح
اريج بقلة صبر قدمت شدت ايده: ماتتسوهكش ع هديتي ولبستهاله وهو يتأمل فيها وخلاص قامت راسها لقاته يشبحلها بعشق وشوق وخرت اريج
اريج تأشر بصبعها ع سبيل تهديد: تحولها من إيدك نوريك ماتحولهااااش بككككل
ضرار هزا راسه بضحكه: حااااضر،،استني شويه جايك مشي لسيارته واريج تشوف فيه فتحها طلع منها حاجه وجايها وهي عيونها عليه وهو لابس نظارته اللي كان لونهم قهوي ويهبل طالع فيهم شبحلها درلها حركه بخشمه ضحكت وصل فيها ووقف قدامها : تفضلي
اريج ضحكت: هادي هي هديتك ورده؟
ضرار : توقعت تفرحي بيها لأنها مني الهديه بقيمه اللي هاداها مش بقيمتها
اريج ضيقت عيونها وبخجل خدتها: نبصر عليك خيرك حتى هديتي عاديه جدا ره
ضرار ضحك: شميها ترا
اريج بمزح وضيقت عيونها وهي تشبحله : كان تطلع حاطلي فيها مخدر
ضرار تغيروا ملامح وجهه واضايق من كلامها
اريج ضحكت: خيرك مولي حساس ومعاش تتحمل البصارة
ضرار: من انطباعك اللي واخدتيه عليا
اريج : هالأنطباع لغيته ليا وقت لو مش هكي ماطلبتش نشوفك برا الكليه
ضرار ضحك : باه شميها وخلصيني
اريج قعدت تشم في الورده وشبحتلها لمحت حاجه تلمع شبحت لضرار بإستغراب مع ابتسامه وهو مبتسم تحسستها بصبعها حولت وراق الورده لقت خاتم ناعم يهبببل طلعاته وهي مذهوله كان خاتم ذهب ابيض وفيه فص ألماس كبيرشوي
اريج بأنبهار : يجننن يهبل
ضرار يضحك قدم وخدي الخاتم ورالها كيف منقوش عليه من داخل أسمائهم عجبها لين خلاص
اريج بفرحه: نحبك نحبك نحببببك 💓
هو يضحك وخدي إيدها اليمين ولبسهولها قعد شاد ايدها وقربلها وقام نظراته: هذا مايثبت ملكيتي فيك
اريج: لكن مانقدرش نلبسه ديما
ضرار: عارف بعد العيد حتلبسيه خنخطبك رسمي وبنرفعلك بيان كبير لااعتراض يااريج قولي حاضر وتم
اريج ضحكت: حاضر وتم
ضرار حس بشعور قوي هلبه وهي قريبه منه مشاعره تندفع بقوة طلق ايدها ووخر : اريج بري روحي فييييسع
اريج ضحكت واشرتله بباي 🖐وطلعت تجري لسيارتها
وهو يتنفس بصعوبه بعدين شبح لإيده زين وقام عيونه فوق (يااارب لاتحرمني خير ماعندك بسوء ماعندي)....
***
العشيه الساعه 5:30
جرس الحوش يرن ندى نازله من فوق جي قدامها اصيل
ندى: اصولي افتح الباب
اصيل: واني شن ماشي ندير😒
ندى:😁😁😁
مشي اصيل والجرس يضرب
اصيل: هيااااااااااااا فتح الباب
هويدا :ها اصيل😳
أصيل:😍
هويدا مش قادرة تقيم عينها وهو مبلم فيها جتهم ندي
ندى: خيرك مخلي البنت واقفه ع الباب والناس يتفرجوا عليها
اصيل استاقض : ايه صح خشيي فيسع
ندى:😂
خشت هويدا وهي متحشمه واصيل سكر الباب ويشوفلها
"أااااه💢💢"
اصيل وهويدا وندى 😨
نجيب : ماتسمعش فيا وأني نقولك خلي الباب 😡
اصيل : لاوالله ماسمعت 😖
نجيب ضربه ع راسه :هذا وين ماشي
نجيب شبح لقي ندى وهويدا واقفين: كيف حالك هويدا
هويدا: كويسه الحمد لله
ندى هيا تعالي جبدتها وخشت ونجيب شبح ع جنب لأصيل :توا عرفته وين ماشي 😏
اصيل تلخبط وخش طول ونجيب يضحك
فوق عند البنات
هويدا : عليك موقف علاش ياحمارة مافتحتيش أنتي
ندى: ع أساس مافرحتيش لما شفتيه😂
هويدا : مبردك😳
في الجنان*
(اني حنكلم امها واختها الكبيرة ليهم تأثير كبير ع بوها وانت بعد نعطيك ok امشي لبوها وكلمه)
سليمان يضحك
(حاضر )
ابتسمت جمانه
(عندي إحساس بشي نبي نقولهولك )
سليمان قلبه دق بقوة
(إحساس شنو)
(حاسه أنك مش مزبوط الأيام هادي في شي صاير معاك ؟)
"كيف عرفت اساسا كيف حست وهي لاتشوف فيا ولانشوف فيها؟!!"
(إحساسي غلط؟)
(لاصح مشاكل خاصه بس)
فكرت في كلمة خاصه واضايقت وكتبت بتلقائيه
(مع منو؟)
ضحك سليمان
(قلت خاصه)
جمانه انحرجججت ع الآخر وكرهت روحها
(اسفه )وسكرت الفيس واللاب توب مرة وحده
يتبع .....
#GomanFared
