الحلقة(95)
كلية الطب
الساعه 10:00
خلود: أسفه حبيبتي سامحيني كله مني
ايوب وهو يتفحص في صبع ندى المجروح: ربي يهديك ياخلود
ندى بإبتسامه: انتي ماتقصديش حبيبتي
ايوب شبحلها وابتسم : ترا خلود بري لمكتب الدكتور خالد قوليله يعطيني صندوق الإسعافات متاعه
خلود: تمام ومشت ..
ايوب: يوجع فيك..؟
ندى ضيقت عيونها بإبتسامه: مش هلبه
ايوب:💕
ع جية صفاء : صباحو ..هييي خيرك ندو
ندى: جرح بسيط
صفاء: وين بسيط ودمك يقطر
ايوب وهو يشد في صبع ندى بكلينكس: ماتبالغيش ..
صفاء مطت شواربها ولفت وجهها عنهم شافت كنان جاي من بعيد هو وحكيم وشاد شيت ويتناقشوا عليه ..بعدت بالشويه عن ايوب وندى ع أساس لاهيه بتليفونها..كانت تبي كنان يشوفهم بروحهم ويزيد يشك في إن بينهم شي ..
كنان سكر الشيت وشبح قدامه لقي ندى واقفه ع ايوب وهو شاد ايدها ..الغيرة كالعاده دارت دوايرها ..وانطلق يمشي بسرعه جيهتهم شاف صبعها جبد ايدها من ايد ايوب..
كنان بخوف: ندى خيره صبعك
ندى: عادي كنان جرح بسيط
ايوب بغيظ مكتوم : لو سمحت شويه بعتت وحده من البنات تجيب الإسعافات وتو ندير اللازم
كنان بدون مايشبحله : وفر خدماتك لنفسك ..وخدي ندى من يدها ومشي بيها
ايوب 💢💢💢
ندى: كنان علاش درت هكي
كنان : خيرني شن درت ؟
ندى: عيب اللي درته الولد كان بيساعدني لاأكثر
كنان شبحلها: ماعنده علاش يساعدك انا اولى منه
ندى بضحكه: كيف؟
كنان: اني اقربلك منه واسكتي ياسر ..وصلوا في سيارته وفتح الباب طلع الإسعافات وقد يديرلها فيهم..شد الكلينكس
كنان: ريحته رجاليه راك تقوليلي متاعه
ندى: ايه حاول يوقف النزيف ..
كنان لوحه ع طول ايده وكمل شغله ..وندى تشبحله وفي نفسها "كنان تصرفاته غريبه ..نحس فيه يغار من ايوب ..يغار؟؟..معقوله كنان يكون ..؟لاالا ياندى هو هكي اصلا ريما قالت عليه خدوم ولطيف ..بس علاش مايطيقش ايوب ؟؟ لوحي من راسك ياندى هالأفكار الولد شايفك زي أخته"
كنان : هكي تمام قام راسه لقاها سرحانه فيه
كنان:😍
ندى: 😯
ندى: احمم خلاص؟
كنان بنظرة كلها حب: ايه
ندى: شكرا ..
كنان ابتسم : عفوا ..بس كيف انجرحتي ..
ندى بضحكه: خديت من خلود البيرو متاعها بصارة وهي تبي تاخده شحاته بقوة انكسر وحافة من الكسر جرحتلي صبعي
كنان ضحك :طفلات 😂
ندى: ههههههههههه ...
كنان : ضحكتك حلووة هلبه ..
ندى وجهها تحمر: شكرا ...هي خل بنمشي للبنات
كنان : قصدك هذا بيقريكم توا
ندى: لالا خلاص عطانا الحصه ..
كنان: هو ياخد في اجر بالمقابل ..
ندى: ههههههههههه ايوب مش محتاج ..بس كان اتفاق بيني وبينه قبل لنخش الكليه وبما إنه من المتفوقين اتفقنا يقرينا في اكثر من مدة توا وبعدين..
كنان بغيره: ع فكره اللي قدامك من المتوفقين في جامعه (******) في اوكرانيا
ندى بضحكه: ماشاء الله ماشاء الله
كنان: نتكلم بجد انتي مش بحاجته لاهو ولاغيره في وجودي
ندى سكتت وتفكر في كلمته ابتسمت : شكرا كنكون يللا باي ..ومشت وخلاته مضايق ع الآخر....
***
متوجه للطيارة ..يخطي في اخر خطواته ع ارض الوطن اللي ينتميله ويقول في نفسه"كل شي يربطني بيك يابلادي كان يوجع هلبه لهالسبب ماكنتش نحس بأي حب اتجاهك..ديما نحس اني ناقم عليك ..لإن ايامي فيك كلها صعبه..لين ريتها ..حبيتك ع خاطرها ..شفت في عيونها وطني ...انتميت ليها هي بس ..لقيت فيها كل شي حلو انحرمت منه من طفولتي ..بس حظي الملعون كالعادة ادخل..وبسببك انتي يابلادي فقدت وطني الوحيد اللي كنت نبي نعيش فيه وليه..استودعتك الله لإن حبيبة عمري عايشه فيك ...وهي بالسلامه وإن شاء الله تتهني " ركب الطياره ..
🎶🎶🎶ع انغام أغنية فات الأوان التركيه ..للفنان
تويجار اشكلي ..اسمعوها بالترجمه معبرة هلبه عن شعور ضرار ...💔
وطارت الطيارة ...هذا كان أخر عهد لضرار بليبيا....
***
الساعه 4:00
مكتب اعمار..ريما كانت يوميا تمشي مع نجيب للمكتب هو هكي يبي ..المكان الوحيد اللي بدي يجمعهم بعد ماريما قعدت في حوش أهلها بسبب الوحم..
نجيب كان يخدم ع اللاب توب حس بتعب ..قام راسه لقي ريما حاطه ايدها تحت خدها وشبه راقده..الوحم جايها ع النوم ..بس مجبرة تجي للخدمه حكم القوي 😌..ضحك وناض من مكانه ومشالها قعمز مقابلها وقعد يتأمل في تفاصيل وجهها كانت حلوة، شويه وطق الباب واللي طق كان يدربك ريما انخلعت وناضت ونجيب تعفلق مشي ..فتح
نجيب بعصبيه :خير بلاك؟
اصيل بضحكه: حول فرحان ماتنكدش عليا ودفه وخش لريما ..استاذتي الموقرة شكرا أنك صفتيلي الماده ع 90
ريما بضحكه: ماجبتهمش من جيبي هذا جهدك..
اصيل : مشكورة ..ع العموم مشروعي حناقشه اسبوع لبعد العيد ..وحيحضر مندوب من شركه خليجيه معروفه المناقشه ..والباين ناويين ينفدوه ...شده نجيب وحضنه
نجيب بفرحه: والله راجل ياولد امي جبتهم جبتهم
اصيل : تربيتك ياصقر
ريما كانت تتأمل فيهم علاقتهم كانت علاقه اب بولده مش خوت ...ابتسمت ودعت لربي يخليهم لبعض ويرزقها بوليد زي سلفها اصيل...
***
بعد العصر
جمانه هداكا اليوم مانزلتش في النهار حتى الغدي ركبهولهم لين سليمان روح من صلاة العصر لبست وتكمت ونزلت هيا وياه وكانوا شادين في ايدين بعض ..طق سليمان طقه خفيفه
سليمان: امي
فتحيه : تعالى ياأمي مافي حد ..
خش هو وجمانه ..لين وصلوا في الصاله اللي كانوا مقعمزين فيها عماته وخاالاته وأمه وحناه وطلق السلام..طبعا جمانه شافت حناه اذكرت موقف امس المحرج جبدت ايدها من ايد سليمان هو استغرب شبحلها بعدين شبح وين تشبح
تبره:😒
سليمان تلخبط : ايه شن حالكم ..
كلهم بأصوات متقطعه : الحمد لله ..امه كانت ادير في العاله
فتحيه: قعمزي بنتي ...جمانه قعمزت ..
ع جية سلمى بولدها ومعاها صغار رضوان وضو ..شافت بنتين حلوات اعمارهم وحده 7سنين والتانيه9 جوها وقعمزوا قدامها
ماريه : انتي العروسه
جمانه ضحكت: ايه
جنى: شفتك امس حلوة هلبه طلعتي
جمانه: انتي الحلوة 💕
سلمى بمزح : اما احلى هي ولاعمو
ماريه: عمو...(تموت في سليمان)
جنى: حتى هي حلوة هلبه
سلمى بمزح: باهي سلومه اما احلى ماريه ولاجمانه
سليمان بضحكه: الزوز حلوات
ماريه بغضب: لا اني احلى عمو ولا
سليمان بضحكه: انتي تي انتي احلى وحده في العالم ..جاته تجري وحضناته وشبحت لجمانه بتغيضها وجمانه تضحك..جنى جت لجمانه وحضنتها : انتي حلوة هلبه
جمانه: ياوخيتي سلمها والله انتم الحلوات هلبه...
زينب كانت جايه باللوز اللي كانت تكسر فيه وجايباته في مترد مرش ..وفي هالوقت جمانه ناضت تاخد في الشاهي من عزوزتها بتعطيه لراجلها ..خشت زينب وماتندريش ع سليمان ...جوا في عيونها كيف يشبحوا لبعض وهي تعطي فيه الشاهي ..قلبها وجعها هلبه وطاح منها المترد تكسر ..
كلهم انخلعوا جمانه التفتت ومشتلها اما سليمان انسحب طول ..
جمانه: خيرك حبيبتي ..زينب تلم في المرش المكسور ..
فتحيه : نوضي يابنتي ره تنجرحي وانتي مريضه سكر
زينب هني انفجرت من القهر: فاااااهمه فاااهمه إني مريضه ..اني فياااااا السكرر..اني معلووووله ...وماحد يرضى بيا ..جمانه مصدومه وعمات سليمان تأتروا وامه جتها تضبط فيها ع طلعة رجاء والبنات وسمعوا شن قالت
فتحيه : يابنتي والله مانقصد اللي فهمتيه
رجاء بعصبيه: تقصدي ولا ماتقصديش ..خلوها في حالها ساد ماكسرتيها انتي ولدك
رقيه: رجااااااء
رجاء:والنبي فكيني يااام ...والله لولا غصبتيني ع الجيه ماجيت ولاعفست هالعرس الاسود
سلمى: اوزني كلامك رجاء
رجاء: حسبي الله ونعم الوكيل فيكم مع بعضكم وجبدت اختها وخشت ..
وامباركه زي من يبرد عليها في عز الحمو 😏
جمانه دموعها مطر وترعش مع بعضها سلمى خلت ولدها عند سميه وخدت جمانه وركبتها فوق ..
رقيه: سامحيني يافتحيه
فتحيه: بناتك قلوبهم سود يارقيه ..
رقيه: الله غالب ياوخيتي ره حتى اللي صار لبنتي مش شويه ..
اختهم التانيه: خلاص يارقيه اهو كلمت وليديروح بيكم لحوشي وغدوة تتسقدوا للبلاد...خشت رقيه تبكي ..وفتحيه قعمزت وعطوها حمواتها ميه وكصبر...
فوق عند جمانه وسلمى
سلمى: خلاص حبيبتي اهدي..
جمانه ببكي: وجعتني البنيه حسيت روحي اني السبب
سلمى: لاانتي السبب ولاهم يحزنون..هي القصه ومافيها ان زينب معروفه في العيله تبي سليمان وهو يعامل فيها زي اخته وقليل النادر مايتعامل معاها اصلا..امي ربي يهديها خطبتها من وراه بدون مايعلم وكانت تبي تحطه في الأمر الواقع بش يتزوج ولما عرف قلب الدنيا وسكر الموضوع كله
جمانه تمسح في دموعها: ايه حكالي بس هي وجعتني وأختها واخده مني موقف شن ذنبي ياسلمى
سلمى: خلاص حبيبتي اهدي انتي عروس مش باهي تبكي هكي
الباب انفتح وخش سليمان معصب: شن صار لوطا
سلمى: ز.....
جمانه: مشكله بين بنات خالتك في بعض وحده منهم كسرت مترد واختها هزبتها وتعاركوا..
سليمان : وعلاش تبكي
جمانه: رعشت بس من العراك ...
سليمان ماخشش راسه : به به
سلمى تشبحلها وابتسمت..وناضت بتطلع : هي حبيبتي ماترعشيش روحك سلام ..طلعت وطلع وراها
سليمان: قولي الحق شن صار
سلمى: ماتشغلش بالك ..خش لمرتك وغيرلها جوها ..وطلعت طول...
تنهد وخش لجمانه ..قعمز جنبها ع السرير وخداها في حضنه
سليمان: تولي شينه لما تبكي
جمانه ضحكت من بين دموعها وخشت في حضنه اكتر
سليمان: قوليلي شن صار
جمانه: اللي قلتهولك
سليمان : وجهك يقول غير هكي ..
جمانه: هذا اللي صار
سليمان : باه براحتك ...شن رايك نطلعوا ..
جمانه بعدت عن حضنه شويه وشبحتله: يااريت ونمشوا البحر
سليمان بضحكه: من عيوني ياحوريتي
جمانه: من زيي هالعوينات الحلوات يديرولي اللي نتمناه
سليمان: اسكتي خير مانخط في المشيه ره
جمانه ضحكت: لالا خلاص هيا نوض ..وناضت ونوضاته معاها
سليمان : هههههههههه به هي ...لبست ملايتها وهو واقف ومتكي ع الزيانه ويشبحلها كملت وجاته ..
جمانه: هيا ...
سليمان قعد يشبح لعيونها وهي تشبحله
جمانه بضحكه خجوله: هيا
سليمان : اني مفتون بيك لأبعد حد ..وشد وجهها بإيديه وباسها بعمق ...لين حس ان النفس بيهرب عليها وخر ...
والله مابإيدي مشاعري متحكمه فيا بقوة ..نحبك نحبك هلبه ..
جمانه تشبحله: واني نموت فيك ياشيخي
سليمان : ههههههههه انتي معاش خليتي فيها شيخ ...وشد يدها وخدي مفاتيحه وبيطلعوا نزلت خمارها ونزلوا وطلعوا من الحوش ...
***
فاتو كم يوم ..جمانه وسليمان عايشين حبهم وتحاشت النزول لوطا لين روحوا اقارب سليمان وقعدت امه واخته وحناه وبوه روح للبلاد حتى هو..اريج بدت تخدم مع معز في الشركه في الإستشارة القانونيه وكانت تحت تدريب مستشار الشركه القانوني وبدت تقرب من معز أكثر ..
ندى بدت تتحاشى في كنان لإنها شكت في تصرفاته ففضلت إنها تحط حد لعلاقاتها بيه لإنها ماتبيش تخوض اي تجربه عاطفيه تأثر عليها من جديد بالذات وإن جرح موت قاسم قاعد مابراش ..اما هو مسكين لاليله ليل ولانهار نهار تغير ندى عليه عذبه هلبه ومش فاهم خيرها ومش محصل فرصه يكلمها ويفهم منها او بالأحرى هي ماتبيش تعطيه اي فرصه ..كان مقعمز مع امه وخواته في صالون وهما يهدرزوا وهو في عالم تاني ..
ريما تشبح لصورة في تليفونها: مايطلع منه العدنان
رنا: حلوة البنيه ..
امال : شن اسمها؟
رنا: تيسير ..
ريما: غير امتى كبروا هالفصاعين بس..
رنا: هههههههه اسكتي تو يولع فيك كنان
كنان مش معاهم بكل
ريما همستلهم: خيره
امال مطت شواربها بأسف بمعنى ماتعرفش
رنا تشبحله وساكته
ريما: كنانو...كنااااان
كنان شبحلها: خيرك
ريما: وين سارح ماعلقتش بولا كلمه في موضوع خطبة عدنان
كنان: شن بنقول ربي يكمله ع خير..
امال بضحكه: شكله غار من خوه تو نخطبلك حتى انت ..
كنان عصب: بالله معاش تكلموني بالأسلوب هذا مش ولد البارح اني شناباتي معبين وجهي ..وناض وخلاهم ..
امال: خيره
رنا: خلوه ..تو يهدا بروحه ..
***
في مكان ما في ليبيا ...مكان يسوده الظلام ..بس مش ظلام مكان ..بل ظلام عقول ...اسلحه.. تدريبات حربيه ..ووجوه سيماها الضلال...
:السلام عليكم ايها الأمير
: وعليكم السلام ..
:أرايت ذلك الجالس هناك
: نعم ما به؟
: قد قدم الينا من العاصمه ..قصته طويله ..وبداخله رغبة شديده في الإنتقام ..
:حسنا ..عندما تنتهي من وقت تدريب المجاهدين ..ادخله علي لأرى في امره
:سمعا وطاعه ..
💥💥💥من تتوقعوا الشخصيه اللي تكلموا عليها في الحوار الأخير؟......هذا الجزء نبيكم تذكروه كويس.....
يتبع .....
#GomanFared
