الحلقة(31)
معقولة رويدا هكي تقول
منيرة تكلم في جمانه
جمانه: زي مانحكيلك مافهمتش علاش قالت هكي ولشنو تبي توصل
منيرة بربكه: بصراحه...هي تبي ماالك شكلها
جمانه: باه لو هكي فعلا أني شن دخلي
منيرة قعدت ساكته
جمانه : لازم نشوفها اليوم لازم ،،ومشت هي ومنيرة يدوروا عليها
***
نجيب مقعمز في مكتبه يشغل في نفسه في الخدمه بشكل مبالغ فيه
طقت لارا وخشت وقعمزت قدامه :شبو حبيبي عم يقتل حالو بالشغل هيك
نجيب بدون مايشبحلها: في هلبه خدمه لازم نكملها اليوم
لارا: طيب شو رايك تاخد بريك ونطلع نغير جو بشي محل
نجيب ساكت
لارا استغربت قعدت تشبحله شويه وقالت: حبيبي مابيصير هيك من لماإجيت لهلأ 4ساعات وانتي ورا اللابتوب مو منيح مشان صحتك
نجيب ساكت
لارا ضربت ع إيده بأطراف اصابعها بحركه مفاجئه نحى إيده طول
لارا:🤤
نجيب مكمل خدمته وكإن لارا مش موجوده
"شبو شو صايرلوا ،،ياويلي لو يكون آدم وصلوا،،لاالالا لو كان صار هيك شي كان نجيب قام الدنيا وماقعدا"
لارا بإبتسامه: نجيب ،بدلع: نجييييب
نجيب: خيرك
لارا:قوم لنطلع نقعد.بمحل ونشربلنا شي ونطلع من ضغط الشغل ،،نجيب لارد،،،نجيييب
نجيب بعصبيه: قلت لا خلاص ياريما ..
لارا سمعت الإسم انصدمت من لما بدت علاقتهم لتوا ماغلطش في إسمها ولامرة شن خلاه يغلط هالمرة لاوفوقها مركزش ع نفسه بكل ...
لارا بحزن: طيب انا طالعه رح شوفك بنهاية الدوام
طلعت لارا ونجيب ولا اهتم غاطس في هروبا من اللي يحس بيه ويفكر فيه
***
رويدا كانت واقفه مع قروبها الجديد وقفوا عليهم.جمانه ومنيرة
جمانه: معليشي رويدا شويه
رويدا: شوي وجايه يابنات ومشت مع منيرة وجمانه لأخر الممر اللي كان شبه فاضي
رويدا بإستغراب؛ خيركم شن في
جمانه قامت خمارها وشبحتلها بحده: نبي نسألك سؤال وجاوبي عليه
رويدا شبه عرفت شن بتسألها: أسألي
جمانه: إنتي مقايله لمالك إني مخطوبه لقريبي
رويدا ضحكت وبوقاحه: إيه
جمانه انصدمت لوقاحتها
منيرة: كيف تقولي هكي
رويدا بتهكم: علاش اضايقتي هكي باه تبيه ؟!!
جمانه زادت انصدمت
منيرة: رويدا إنتي شن تخرفي
رويدا بعصبيه: مانخرفش شنو تبي في مالك عرف إنها مخطوبه ولالا شنو يهمك علاش تزعلي يعني كان ماتبيشي؟
جمانه بغضب : مالك زي خوي
رويدا؛ وكانه زي خوك علاش عصبتي هكي ولا ماتبيش واحدمن المعجبين يطيروا
جمانه بصدمه: إاانتي شن تقطفي
رويدا بحقد: بالله عليك فكيني من طروحك ع أساس ماتندريش أن مالك يحبك ،،جو الملايه والخمار وزعميتك شيخه هذا يمشي ع غيري مش عليا انتي عاجبك كيف هذا يجري في جرتك وترفضيه وهذا يدورك ومرة ترخيله ومرة تشدي بش يقعد في جرتك كاشفاتك ياشيخه
منيره: بجديات مصدومه فيك يارويدا
رويدا: انتي بالذات مفروض مادافعيش عليها ولانسيتي استاذ مهاب اللي في قسم الكمياء اللي كنتي تبيه كيف كلمك ع جمانه وقالك يبيها مش قريب متتي من البكي وقتها مش قتلك إن جمانه طيحاته بلعاني بش تاخده وتضمه للقائمه
جمانه تسمع في هذا كله ومن الصدمه حاسه روحها في كابوس "سوء ظن ،،نفاق،،نوايا سيئه"
جمانه تشبح لرويدا بعدين قالت: الحمد لله اللي كشفلي معدنك وعرفني من إنتي حتى لو كان متأخر ،،نزلت خمارها ع وجهها ومشت
***
(والله ماتوقعت يجي يوم ونتعرض لموقف ياماسمعت عنه من الناس؛ مانحسابش روحي أساءت الإختيار لهالدرجه)
(ماضايقيش نفسك هكي معليشي الحياة تجارب وتعلمك أهم شي نيتك كانت صافيه وقلبك كان سليم وحيعوضك ربي بناس تستاهل صحبتك)
(كم عندك صديق)
(يوووه عدي وأغلطي)
(كلهم أصدقاء ولافي منهم معرفة وخلاص)
(كلهم أصدقاء ،،مانبيش نقولك أني أخترت صح،،بس كان ديما ع لساني دعاء ،،اللهم سخرلي الأخيار وارزقني صحبتهم)
(معناها أصدقائك حتى هما زيك "شيوخ"؟)
(تصدقي لو قلتلك أن أقرب أصحابي ليا ناس ظاهرهم عادي ومش ملتزمين الإلتزام الصحيح ،،بس نعم الرجال )
ابتسمت
(ربي يخليكم لبعض )
(آااامين)
(نستأذنك توا السلام عليكم)
(وعليكم السلام)
جمانه لما روحت للحوش كانت مضايقه هلبه صلت وقرت قرآن ارتاحت ولقت روحها تفتح في الفيس لقت سليمان أون لاين كلماته طول وحكتله كل شي
"ههههههههههههههه"
تسمع في أصوات الضحك ناضت شافت من فوق لقت أمها وخوتها مقعمزين يهدرزوا في الجنان نزلت
***
مافكرتش تسأل على إسمها
سليمان: تصدق مافكرتش بكل
وائل: ولاهي
سليمان: ولاهي
وائل: الشيخ والعقد الفريد بهالألقاب تعرفوا بعض
سليمان : امم،، ماعنديش فضول أني نعرف إسمها لأن حبيت لقبها ع الفيس
وائل: الله أكبر حبيت
سليمان: قلنا حبيت لقبها يابني آااادم 😧
وائل: هههههههههه باه وشكلها زعم كيف شكلها
سليمان انتابه شعور غريب عليه محساش بكل قبل خلاه لاإراديا يعصب من وائل: وأنت شن دخلك بشكلها تسأل عليه!!
وائل: الله أكبر ولله الحمد العلامه التانيه وأهم علامه بانت توا
سليمان ناض: اني مش عارف علاش نقول معاش بنحكيلك ونولي نحكيلك ،،ومرة تانيه معاش تستخدم ذكر الله ع حاجات زي هادي وخلاه وطلع
وائل بضحكه : معاش اطول ياصاحبي خلاص
***
البنات وامهم في الجنان
أمينه: خلاص مادام تبي تختار بروحها وفرت علينا مشوار شري الكسوة ،،حني نلهوا بالمحضر بس
جمانه: بديروا نهار غدي
أمينه : إيه بوك بيجيب طباخ وبيديروه في الحوازه
أريج: كويس بس العرس بيجي في النو والضي ازمته ازمه
أمينه : المولدات دارو حل
جمانه: ربي يسهل ويتمم ع خير
أمينه: آااامين
جمانه: وين ندى
امينه : ادير في قهوة
في المطبخ
تصدق بمين بعدنا ويدوب معداش يومين وجتلك أوام لقيتك واحشني وحشة سنين
ندى: ياااه مش هني في دار الخزين
طلعت ندى بتاخذ صفرة من دار الخزين طق الباب البراني
ندى: زعمه عبدو ناسي مفاتيحه اليوم
مشت للباب وفتحت طول فتحت عيونها ع وسعهم ورجعت قربعت الباب
قاسم : ههههههههه،، أصيل مش قاعد
اريج بتموت من الإحراج: إيه مهناش
قرب لباب : باه شكرا يامشفشفه
ومشي
ندى تضحك :ياويلي عليك حشمه
عند أمينه وبناتها
امينه: اريج أنتي مازالك سنتين ماما ولا
اريج: ايه
أمينه: وإنتي جمانه
جمانه: السمستر هذا بس بالمشروع
أمينه: يعني حتتخرجي خلاص
جمانه تنهدت بإرتياح: إيه وأخيرا
جت ندى بالقهوة
اريج : الله قهوة مفحفحه تهبل
ندى: حتى هي قهويتي 😏
امينه: والله عليك قهوة فيها بنة مش عاديه
جمانه: حق ياندو نفسك حلو فيها
ندى: خلاص ياجماعه ره ننتفخ ونطير معاش تقدروا تشدوني
كلهم:هههههههه
ندى: لكن مانبيش نجيب يشربها لأنه حيقعد في جرتي
اريج: حاضر تو نقوله عليها
كلهم :😂😂😂
سكتوا شويه يشربوا في قهوتهم
أمينه : احممم أريج
اريج: نعم ماما
امينه: جايينك ناس
اريج انصمتت
أمينه: ناس كويسه ونعرفوهم زين والولد ماشاء الله عليه مافيه مايتعايب
اريج جي ضرار بين عيونها
اريج:لاالالا ماما أني مازال بنقرا
أمينه: هو قال نستناها عادي لين تكمل
اريج ودموعها في عيونها تحاول تحبسهم: ارجوك ماما سكري ع الموضوع قوليلهم مانبيش،،وناضت من بحداهم بسرعه
امينه بأستغراب: هادي خيرها اني قاعده ناخد ونعطي معاها
جمانه: خليها براحتها الزواج كان مش بالرغبه بلاش منه
ندى تفكر في أريج"بتبدا المعاناة توا ياروجتي 😣"
اريج في دارها تبكي حست كأنها تزوجت غير ضرار وهي في حوشه توا"هي هكي أوفر شويه😅"
رن تليفونها لقاته راضيه يتصل بيك " راضيه ضرار طبعا شوفو هو شنو مسميها وهي شنو مسمياته🤣"
ردت
اريج ببكي : آاالو
ضرار خاف: خيرك
اريج: شي
ضرار بعصبيه : شنو اللي شي تكلمي قولي خيرك تبكي
اريج: لإني نحبك
ضرار بضحكه: انتي مهبوله من زمان ولاغير بعد عرفتيني
اريج حرجت: تتسهوك عليا ..به شكرا
ضرار بضحكه: باه علاش تبكي لأنك تحبيني؟
اريج بحزن: لأني خايفه
ضرار : من شنو
اريج بحزن: خايفه من النصيب خايفه من المكتوب خايفه...وسكتت
ضرار: مش حيسكر عليك باب راجل غيري إنتي ليا غصب عنك وعن أهلك
اريج: ماتغلطش في أهلي
ضرار: تي منو غلط فيهم قلت انتي ليا غصب عنهم بس
اريج :ههههههههههه
ضرار: خيرك تضحكي
أريج: حسيتك خفت
ضرار: مختشه والله العظيم وبتختشيني في جرتك
وقعدوا يهدرزوا ويتناقروا وهما الأتنين في قمة السعاده
بس في لحظات حلوة تقعد ذكريات يذكرها صاحبها بضحكه ممزوجه بألم ،،الم إن هديكا الأيام الحلوة مع الناس اللي حبيناهم قعدت ذكريات نذكروها وهما مش معانا هما أساسا انوجدوا في حياتنا بش يكونوا ذكرى
ريما تحكي لسارة اللي صار وتبكي جيته ردتها 3سنين لتالي لأحلى أيام مروا عليها وولوا ذكرى برغم حلاوتها فيها مرار ع قولتها
سارة: شنو يبي جاي
ريما تبكي: عنده خوه في كليه وفي النهايه قري وقرا فيها اكيد حيزورها يوم الأيام
سارة: شافك واقفه ع عزالعرب؟
ريما تمسح في دموعها: إيه
سارة بإبتسامة نصر: احسن
ريما بأستغراب : علاش
سارة : خله يشوف إن اللي خلقه خلق أحسن منه وأنت ظفرك يتمنوه ميه من أشكاله وخير منه
ريما: هيييه ساره عزالعرب زميل مش اكثر
سارة: عندك إنتي بينما عز العرب حاسه أنه مهتم بيك بزياده
ريما :بحكم المعرفه القديمه بيناتنا
سارة: إممم باه، المهم عندي هذاكا المتكبر شافك معاه
ريما: خلاص سارة من بكري وإنتي نازله فيه ره توجعي في قلبي
سارة بغيظ: هادي مصيبتك إنتي قلبك الأحرف هذا
***
قاسم: البلاد حضيع ياسليمان لو ماوقفنالهمش
سليمان : ربي ينصركم يااارب
قاسم: نبي ندس عندك أمانه في حال صارلي أي شي عطيها للشخص اللي حنقولك عليه في مدينه*****
سليمان: تم
يتبع .....
#GomanFared
