الحلقة(28)
انت طلع روحك من المواضيع هادي انت شيخ ألهى بالإمامه والتحفيظ مالكش دخل بالسياسه
عمران يكلم في سليمان اللي جايهم للبلاد خميس وجمعه
سليمان يحاول يضبط نفسه: من اللي مقايللكم إن الكلام ع البلاد وع همها وهم ناسها سياسة من اللي مفهمكم إن الشيخ غ قولتك مش من حقه يتكلم ع وضع بلاده وحالها
هالعقليه هادي هي اللي رجعتنا 1400سنه لتالي
عمران: أنت قاعد تتخطى الخطوط الحمرا وتحط راسك براس ناس إنت مش قدها
سليمان: قدها بإذن الله
عمران بنفاذ صبر: تعودت ع عناد ومناصاة بوك كلمه بكلمه ياااشيخ
سليمان يحاول يهدي نفسه: اني يابوي مانعاندش ولا ناصي فيك أني نتناقش معاك ونبيك تفهمني
عمران: وأني مانبيش نتناقش معاك اني نأمر فيك وكلامي مفروض تنفذه مش قاري" ولا تقل لهما أف ولاتنهرهما" ولا"واخفض لهما جناح الذل من الرحمه"
سليمان: واني يابوي لاقلتلك أف ولاعليت صوتي عليك وديما فوق راسي يابوي، لكن هذا مايعنيش ابدا اني نتفق معاك في كل شي ،،حاجه ربي راضي عليها وانت ماتبيهاش من المفروض نختار...
عمران بغصب : انت مافيش فايده معاك ولولا امك كنت كبرتها معاك اكثر ووريتك كيف ترد عليا كلامي وتعاندني ،،لكن لازم تعرف لوتصير فيك حاجه أمك حتلحقك طول والله بعدها ماني مسامحك حتى لو كنت مش من أهل الدنيا ...طلع من بحداه
سليمان حاس بضييق شديد طلع قعمز في سيارته فتح قرآن وقعد يسمع ...
***
مقعمزة تحت شجرة ليم ولابسه جاكه تقيها من الصقع وسمعاتها في وذنها وتسمع في أغاني وتفكر في اللي واخد قلبها وجارحه ...
كان يتأمل فيها يتأمل في منظر طبيعي حلو كانت هي احلى جزء فيه ،،جاها بخطوات خفيفه وقف قدامها حول وحده من السماعات انخلعت وشبحتله
معز: فزعتك.. اسف
اريج بإبتسامه : لاالا عادي
ابتسم : ممكن نقعمز
اريج بضحكه: ممكن طبعا
قعمز معز : شنو مدايره في قرايتك
اريج: اهو تعب في تعب
معز: علاش اخترتي قانون
اريج بضحكه: نبي نولي محاميه لأن لساني طويل
معز ضحك: وعلاش المحاميين لساناتهم طوال
اريج تضحك: كلمه يردها بعشرة وبالحجج والبراهين ويفحموا في ردهم ...
معز يضحك: تتكلمي ع روحك؟
اريج: علاش اني هكي
معز: لامش قصدي اللي فهمتيه بس مادامك تبي تولي محاميه معناها إنتي هكي
اريج ضحكت وشبحت القدام : ممكن
معز يفكر ويشبحلها : اريج فيها مشكله لو درتلك زيارة للكليه؟!
اريج شبحتله وقعدت تفكر هلبه وابتسمت : اهلا وسهلابيك في اي وقت
معز فرح هلبه: تسلمي
اريج" تو نوريك ياضرار لما نحرق قلبك زي ما حرقت قلبي"
***
نسمع في اصواتهم واني واقفه في روشن داري
لطيفه تكلم في أمباركه
إمباركه بفرحه خبيثه: الله الله هذا اللي نبي نسمعه إن شاء الله تكبر ويلزه مرة تانيه يااارب
لطيفه: أن شاء الله غير ماتعفسش فيها عمتك
إمباركه : انتي غير قوليلي في شنو كانوا يدووا وماعليكش في عمتك بككل
***
ليل الليل بعد شوا وجو حلو روحوا العيلتين والتعب واخد فيهم حصه ،،عيلة فرج كلهم للنوم وماينسمع منهم حس ..
**
: بنخطفها
: كلا انت بضيع روحك في جرتها
: نبيها افهم مش قادر ،،حناخدها ونهرب بيها ونتزوجها غصب عنها وحتحبني مع الوقت
: مريض والله مريض
: أيه مريض بيها وإن شاء الله مانبرا
صوت باب تقربع وجري
: شنو هذا
خشوا عليهم ملتمين بكلاشناتهم
: انتم منو شن تبو
ضربوهم ع روسهم طبوهم وطلعوا....
***
ضو: حني ماصدقنا لايمنا ارواحنا مع الجماعه اللي توا سليمان بيهد كل شي
عمران: شنو الحل عارفه راسه مسكر
ضو: أمي نقطة ضعفه
عمران: وهو نقطة ضعفها
ضو: حطها في الصورة وهي اللي حتقدر عليه
عمران قعد يفكر في كلام ولده ضو
**
فات السبت سليمان روح للبلاد ومشي هو وصحابه وحضروا عزومه أحمد في حوشه وغير جوه شوي
عبدالباسط صديق فرج روح من لليبيا بعد ولت صحته كويسه وبيديروا عزومه كبيره نهار الإثنين ع خاطره
وجمانه كانت بتسكر راسها مش حتمشي لولا إلحاح امها وإنه عيب تغيب ع مناسبه زي هادي ...
***
الأحد...
في كلية القانون
اريج جت للكليه الساعة 8 ومحاضرتها تبدا العشرة السي اصيل حطها معاه لإن محاضرته 8
اريج ماده وجهها بروحها وتراجي في صاحبتها اللي قريب توصل
خش عمك ضرار وكان لابس سروال جينز ازرق داكن وسوريه بيضا رقبتها نظام زي السوريه العربيه تتسكر لفوق وفيها خط اسود وجاكه رسميه شتويه رصاصيه وحذاء أسود شاموا ،خاش نافش ريشه كالعادة حول نظارته تجاهل اريج وكأن مايعرفهاش وكمل طريقه
اريج"تو نشوف اليوم شن يصير فيك يافاندام "
سوسن خشت
سوسن: صباحو روجي
وع سلام وبوسات <4بالتبادل> 😂
اريج: شنجك
سوسن: تموم عندي ليك قصه صارت معاي ولافي خيال
اريج بحماس : قولي
سوسن: أحمم جاني عريس
اريج : بالله إيييه
سوسن : مش هني القصه القصه منو
اريج بحماس اكبر: منو قولي مانقعدش نشح منك في الدوة
سوسن بضحكه : ولد عمتي مفيده
اريج : بالله عليك هديكا الحرفه اللي دارتلك مشكله ع خاطر نفضي مفرش الماكله وجي بالغلط ع وجهها
سوسن: هيا وحياتك
اريج: تو مش قلتلي ماطيقكمش
كيف تخطبك لولدها ؟
سوسن: كان أنتي تعرفي اني نعرف!
اريج: شكله ولدها ماينفعش وتبي تنتقم منكم بيه
سوسن : لا والله خوي يشكر فيه هلبه
اريج: في إن صدقيني
سوسن: حتى أني حاسه، في الحالتين حنقول لا، ريتي بالله حظ صاحبتك أول مرة يجيني فيها عريس وشوفي منو
اريج: مرات فاتحه خير ويجرجر وراه عرسان
سوسن: صح 😂😂😂
***
جمانه في كليتها وقسمها تحديدا مقعمزة تقرا في الكتاب متاع سليمان ومنسجمه
: السلام عليكم
جمانه قامت راسها وسكرت الكتاب : وعليكم السلام
مالك: كيف حالك جمانه
جمانه : الحمد لله كيف حالك انت
مالك : الحمد لله وين رويدا
جمانه: مانعرفش شفتها الصبح توا مانعرفش وينها
مالك : باه شكرا دار روحه بيمشي وولا،، أيه حقه مبروك الخطوبه
جمانه استغربت: خطوبه؟!
مالك : إيه رويدا قالتلي انخطبتي لواحد قريبك
جمانه بإندهاش : رويدا ؟؟
مالك: أيه اني قصقصتها ماتزعليش منها ،،هي سلام توا
مشي وخلا جمانه في حالة صدمه ...
***
بحثك قيم بس المشكله فيه بعض النقاط اللي ازعجت البعض
سليمان: عارف إن مش حيطلع برا درج مكتبك إلا بش يرجع لرف مكتبتي
الدكتور ضحك: لن نعود للقيود
سليمان: قد تحررنا وحررنا الوطن هههههه
الدكتور : هو حني فكينا قيد ولبسنا غيره بس
سليمان: وأنت قلتها حني فكينا وحني اللي لبسنا يللا مانعطلش عليك نستأذن السلام عليكم
الدكتور: وعليكم السلام
طلع سليمان
الدكتور " بلادنا ينبت فيها الورد بش يموت"...
***
اريج : أيه تلقاني غادي ...تمام نستنى فيك ...
صكرت
سوسن:😒
اريج: خيرك تشبحيلي هكي
سوسن : أنتي وحده مهبوله والله
اريج: وعلاش
سوسن: تحسابيني مش فاهماتك لاوفوقها قولتيله يخشلك داخل بش ضرار يشوفكم
اريج: اني ماقلتلاش يجييني هو طلب يجيني وأني قلت باهي مابيتش نحرجه ونقوله لاماتجينيش
سوسن : ع اللي مايعرفكش
خش معز وقف عليهم
معز: السلام عليكم
سوسن وأريج : وعليكم السلام
معز متحشم : كيف حالكم
الزوز: الحمد لله
سوسن: باهي أني ماشيه اريج بنقعمز غادي واشرتلها ع المكان ..
اريج: تمام سوسو
مشت سوسن واريج تهدرز مع معز
سوسن تتفرج عليهم من بعيد"قداش طالعين ع بعض ولد عمها ماشاء الله يهبل واضح محترم ،، برغم أن ضرار شخصيه وحليوه وطالع عليها حتى هو لكن فيه شي مايطمنش مش زي هذا،،يااه كيف يشبحلها واضح يحبها ،،بس مهم هيا من تحب.. إييييه الله أعلم شنو اخرتها"
: إيه كله تمام المهم تكملوه كله صح
:تمام أستاذ ضرار
سوسن : 😫😫
ضرار شبح لي سوسن استغرب علاش بروحها قعد يهدرز ويشبحلها مرة مرة لقاها تشبح لجيهة وكأنها تتفرج ع حاجه
تلفت وشاف اللي خلاه يتلفت بجسمه كله وخلا الراجل يهدرز بروحه،،ولعت فيه نار "وكان يشوفوه بالأشعه تحت الحمراء يلقوا هالة من النار حواليه تلهب تخيلتوها🤣🤣"
الغيرة وصلاته لأقصى مراحل الغضب
سوسن تشبحله : "حي ياحي هذا خيره ولا هكي يخوف "
:أستاذ ضرار استاذ ضرار
ضرار بغضب: فوتني توا
:😕😕
مشي الراجل
اريج: كلها سنتين حنترس فيهم بش نكمل بكري
معز : مانسمعش فيك كويس دوشه هني
اريج: قتلك مازال سنتين
معز نزل راسه قرب وذنه لفمها بش يسمع شنو تقول
ضرار خلاص بركان وأنفجر
سوسن: نهار احرف هذا وين ماشي
وهو ماشي شده واحد من ذراعه "او ضرار شنو حالك"
شبحله بغل وطاح فيه ضرب وين مايجي بلاوعي
سوسن: غبارة مغبرة خيره هذا
معز حط أريج ورا ظهره: هي تعالي نطلعوا ،،حاوطها بإيديه بدون مايلمسها وطلع هو وياها برا
طبعا اريج ماكانتش تندري أن ضرار شافها من كثر مكانت منتبهه لمعز ولما صارت العركه الزحمه والناس اللي التموا ع العركه ماخلوهاش تشوف مني اللي يضاربوا
***
تمام المهم توا اهلك عندنا واني قلت لنجيب بنروح بيك
اريج" ماصارش من اللي تبيه ياأريج ع الفاضي اللي درتيه"
هاه اريج وين مشيتي
اريج : معاك
معز"عاجلا غير آجل ياارب العالمين "
ركبت أريج للسيارة وركب معز
في هالوقت
: خيرك ياراجل شن جاك معقوله واحد زيك يتصرف التصرفات هادي ياريتك حتى صغير نقولوا معليشي عيل طايش
ضرار يساوي في حوايجه: خليني في حالي ترا لاصغير لاكبير
ماشي لسيارته شبح اريج مقعمزة مع اللي شافها معاه في السيارة تجمد في مكانه
ماباش يتسكر
معز: قداش ليا بنصلحه وننسى ،،لو مافيهاش إحراج نسكرهولك
اريج: إيه عادي "اريج متربيه مع معز مش حاطه في بالها شي وواخده عليه زي خوتها ،،طبعا هو غلط بس زي ماقلت من الاول عيلةمنفتحه شويه بحدود"
قدم معز بيسكر حزام الأمان لأريج وهو فرحان بقربه ليها ويتخايل فيها لو ولت مرته حق
ضرار يشوف والغيره قريب تقتله قلبه يوجع فيه لين خلاص
وهو في باله"معقول كانت تتسلى بيا معقوله كنت نتوهم إن حالها من حالي معقوله لعبت بيا طفلة هكي "
مشت سيارة معز
: ضرار خيرك
ضرار ولا لسيارته وخبط مرشها القدامي بإيده وعيط بصوت عالي عيطه طلع فيها الغيض للي فداخله
وسوسن شافت هذا كله : حييي والله مانحساب في ليبي يحب حق هكي ....
يتبع .....
#GomanFared
