ابن الاجاويد

البارت التاسع

_9_

#ابن_الاجاويد (رد الدين)

#بقلمي_أسماء_ديمير

بطني مغصتني من الخوف اريد اكوم نوب رجليه ماتعيني من الخوف ، كمت على حيلي دانهزم ، ماحسيت غير على جره من شعري جرتني ليوره عطت اااخ يايمه ..

اجاني راشدي على وجهي عطت ، اجاني صوت عمي يعيط بت الكلب شسوين هنا بنص اليل ..

خاله اديه على وجهي احمي نفسي والله والله اريد اشرب ماي والله ..

هز راسي حيل ويعت بشعري تشربين زقنبوت من شوكت هنا انتي ..

والله عمو توه اجيت حتى ماشوف اجيت اتعثر وكعت بالارض ..

اسمع واحد يكله شجاك سيد جعفر عوف البت على كيفك وياها ..

دفعني عمي امشي بت الكلب منا كون اشوفج لو المحج يله ..

دفعني حيل وكعني على ركبي ، كمت على حيلي بسرعه ، اعدل بشعري وملابسي التفتت على عمي يخزر بيها وذاك واكف بصفه يحك بركبته مبتسم يباوعلي من فوك ليجوه ..

كله منو هاي بتك سيد...

لا بت ناظم ، حيوانه هاي مو ادميه يرادلها تربيه ..

يباوع بوجهي ، لا لا ليش هيج حشاها يابه ..

عاط بيه عمي ولي يله كون ماكعدتي ، بيج بلاا ، باجر اصبريلي الا ماخليتج تخافين من خيالج ... طكيتها ركضه ليفوك كلبي اجه يوكف من الخوف ..

بلعت ريك احس معدتي جمدت من الخوف ..

دخلت للغرفه وقفلتها خليت وراها فراش كلت اليوم يجفص بمصاريني والله ، شنزلني اني هسه لو ضاله هنا مو احسلي طاح حظي شراح يخلصني منه باجر ..

ضليت افرك بيدي مانزل اي مانزل باجر ولا اخلي يلمحني ، خبله خما خبله واوكف كباله والله يمرعدني ، لفيت نفسي بالغطا ودحست روحي بصف مينا ..

حتى لمينا ماحجي كبل تحجي عليه وتلومني اسكت احسن ومانزل فد سبوع اضل هنا خانسه لحد ماينسى شوي ..

صدك خنست بااسبوع مانزل امي تسال مينا تكللها ملتهيه بالعبي جاي تشتغل ، عمي ماسال عليه واصلا مينا هم تتهرب منه وماتشوفه شكلها ..

اشتاقيت لكرار صار شكد مشايفته، كاظيها لو شغل لو ويه احمد ، خاب احمد ساكن بيتنه مسواك لو قنيه اي شي هو حاظر ، ونوب يصيح من جوه درج تعالو بنات ماتسلمون عليه شنو ..