ابن الاجاويد

البارت السابع والاربعون

_٤٧_

#أبن_الاجاويد(رد الدين)

#بقلمي_أسماء_ديمير

خفنه صدك لاننطرد ، الي صار مو شويه ، خاصه بعد ماطلعت سالفه وصلت لام شهم ، تحجي فاطمه تكول كابه للستار عدهم ، وكلها تحجي وترزل وشهم تارك البيت وملتحق ..

سألتها معناها سالفه طشت ، وراح نتعاير بيها ..

سالفه ماطلعت من عدنا والله ، حتى خالي ولده ماحجو ، يخافون على سمعتهم ، بس خوله سامعه من هوستنه وعركه لهيب ويه اخوها ، وصلت الي سمعته لامها ..

وكالتلها الحكي ابنج طلع مزوج المربيه ، يافشلتنه بنص الكرايب واحنه مناسبين وحده مو من عدنا ..

انداريت على مينا صافنه وساكته ، جهازها ابد مابطل رن ولا رسائل ، طول ذيج الفتره يدك وماترد ..

مره من مرات اخذتني ايدي وقريت رسائل ..

ماكو اسم بس من كلامه عرفته نذل شهم ..

كاتب الها ..

هيج احسن من سويتي فضيحه وسولفتلي للكل ..

احبج اي بس مو تفرضين عليه انا رجال ماتكدرين تلوين ذراعي ..

ردي بنت الكلب وريتي كلبي ور تره ..

حبيبه ردي شبيج شصار عليج ،،،

راح احل الموضوع بس طمنيني ،  ترى مانايم اليل صار يومين وحق الله ،  بالي يمج ياول ، ردي عليه لو بكلمه ...

راح ادزلج رفل حبيبه ، خما ترديها ، ميناا يروحي وينج كاافي بس احجي دنتفاهم اراضيج وعز الله بس ردي ، ول الله ردي يالجلبه اناا الج  ...

وووو كومه عفيه خلك ، سديت جهاز وعفته ، عمتي من دز عليها لهيب وهيه خاله ايدها على خدها وصافنه ..

خفت اتقرب منها لو احجي وتكب بوجهي ، ردت اسألها شراح نسوي عمه ، بس والله كلت بس اوكف واحجي تكطع نعال عليه ..

ضليت من بعيد اراقب وساكته ماحجي ، انتظر الفرج ،

راحت دخلت للغرفه تنام ، وعافتني انا ومينا ، هم هم كلت هيج ومشيت انام ، مينا من دونه ضلت سهرانه ..

بليل ساعه ب١٢ حسيت على مينا كامت لحيلها ..

رفعت راسي عليها بهدوء ، طلعت بره الغرفه ، فزيت بسرعه بس لا تنتحر ياايمه دخيلك ربي ، كمت لحيلي ، يااا اسم الله الرحمن ..

مشيت وراها بسرعه ..

وكفت من شفتها توجهت لباب البيت ، فتحتها وطلعت للحديقه ، استغربت وين راحت ..

مشيت وكفت بصف شباك صاله ، فتحت البرده على كيف ، اراقب ، حسيت على دوسات رجلين ..

فتحت البرده شوي ومديت راسي  ، شفتها واكفه ليغاد ومجتفه اديها ، استغربت وكفتها حجت بنتر ، احجي فضني  ...