ابن الاجاويد

البارت الرابع والثلاثون

_٣٤_

#ابن_الاجاويد(رد الدين)

#بقلمي_اسماء_ديمير

اندارينه كلنه على صوت طبه صينينه حيل على ميز ، لان تطلع امال اخت خوله  .

حجت بنتره رافعه حاجبها ، خير انشالله بنت عمتي ، مشتغله خطابه منا وجاي شنو ..

ضحكت فاطمه بستهزاء وحد منج خيه هم صرت مثلج ناويه ازوج الي حواليه على مرامي ..

منو كلج مشتغله خطابه لاحد غريب كلهم اخوتي ، من حقي ازوج اخوتي على مزاجي بس انتي ياهو زوجي على مزاجج قابل لهيب ..

والله لهيب عاد حقه بدل مره اربعه واشرت بصابعها ، بس مو لهيب ، لحماي يعقوب ، لهيب خلي ينطيني الشاره الخضره من باجر ادوره على ست الستات ومحمد ..

اي بالخير عليه لحماج ولهيب عوفي على صفحه لاتهجمين بيته مو كد خوله انتي ..

ليش يمه مو كدها قابل عدنا حرب ، شرع الله اوكفن بوجهه كلام ربنا هم ..

عمني حجت شنو سالفه يمه شجاجن تفصلن على عقولجن اسكتن لايجي الولد وتسممن بدنه ..

عافتنه ذيج تخوزر وفاطمه مكيفه شلون حركت دمها ، امها ردت عليها تحجي وترزل وهاي ترد كله منج خليتيهن يركبن على جتافنه ويدنلن رجليهن ..

المثل خوله تخاف من خيالها لاياخذ عليها بس تشوفيها توكف بكوتت عين وتهدد وتتنتر بينه عبالك احنه جناين عدها ..

مابيته حيل مشاكل يمه تجفي شر ..

الشر عام علينه بسبب سكوتج يمه اكلونه اكل اخوي بلا ضناه صارله سنين لو واحد من اخوتهن مو جان زوجنه بدل مره اربعه كافي بمه احجي الحق لاضلين دوسين عليه لخاطر خالي اصدام .

خفه حلكج خالج هذا شنو اخوج ..

ولهيب هم اخوي واعز والله منهم كلهم بيش فايديني همه افضلهم على اخوي الوحيد شكوو ..

هيج صارت ولج ..

اي ومحمد عافتنه ومشت ضايجه اني وعمتي بس نتصفن بالوجوه ، ضلت المره تشكي لعمتي شلون ويه خوله وخطيه ومسكينه والنهار كله تبجي على ضنه ..

اتوسل ليل ونهار على طفل ، وياهو تسمع حبله لو جابت تضل حاصره روحها بالغرفه ايام تلطم ، ناخلت سيد ولا دكتور ولا مستشفه تعتب عليها كلها جربتهن بس ربج ماكاتب ..