ابن الاجاويد

البارت السابع والستون

_٦٧_

#أبن_الاجاويد(رد الدين)

#بقلمي_أسماء_ديمير

وجهي صوفر ، انداريت على عمتي ابي عمتي بينه كااافي شنو انتن وحده السانها اطول من ثانيه ، جايه هنا انا حتى اتفرجن عليجن تتمالخن ،

اندارت على احمد يمه ابنك بالحفظ والصون وعايش احسن عيشه والله ، روح تزوج وخلف غيره  انساه لا هو مايعرفك ولا راح يحن الك .

رد قابل اخلي ابني يربى بحظن الغريب ..

ربه يمه ربه احسن تربيه صار سنين توك اجيت وتذكرت ، روح شوف نفسك وعوف بنت عمك الي شافته مو هين منك ومن ابوك خليها مرتاحه ..

مارايد منها شي ، رايد ابني وبس ، ابني اذا ماتنطو الي ارفع قضيه عليكم وعلي لاخربينها بينه عمه وخلي نتفاهم واشوفه لو بالاسبوع مره ..

عمتي ضلت تنتر بي وتكله لااا ولي وابتعد عنه عمه لاتسوي النه مشاكل ..

رديت عليه تحلم تشوفه والله ، هسه تذكرت ابنك ، اعتبر ميت مانخلق اصلا  ، التفتت اشوف لهيب ، شفت ماكوو عرفته طلع ،  جريت عمتي وجيت اطلع ..

صاحت وراي غفران عبالج اعوف ابن اخووي والله بعيد عن بوزجن ، مو معناها اخذتن وارتاحيتن اخليجن تتهنن لا وعلي اطلعها سم وزهر عليجن ..

طلعت من الباب وعفتها تهدد عليه وايه تجر بيه ودك على خدها تكللها ولج رجلها وياها اسكتي عزاا العزاني اسكتي ..

احمد نتر بيها اسكتي نرفع قضيه ونشوف ،

قبل لا اطلع التفتت عليها ، بيكم خير وتقربو وشوفو ، عفتهم ومشيت صعدت بالصدر يم لهيب اتنفس لازمه كلبي ، اعرف اول وتالي راح تطلع سالفه  ..

بس ماردت بهل شكل  ..

حجه لهيب بهدوء ،  خير شكوو شنو الصار ؟

عمتي تلعثمت بالحجي ماكو شي يمه تلاغت لتين ويه بت عمهاا ..

حجه بهدوء عليش ..

كلت اشمرها للحجايه والله كريم ، شيصير يعني ، اكولها اني احسن وخلي يعصب عود اكعد افهمه ،

رديت اني ايريد ابنه ، انداريت على عمتي رمشت بهدوء ضايجه ..

اندار يباوع بوجهي عصبي سكت ماحجه ولا سأل بعد  ،

عمتي استغربت ضلت تباوع بالوجوه عبالها يعرف لو عنده خبر ..

ليش ماحجه ليش ماسال شعجب ماصار عصبي ..

اخذنه الرقم والعنوان ورجعنه للانبار الدرب كله هو  ساكته سكوته يخووف ..

حتى سياقته مضطربه ودايس حيل ، كسر علينه ابو كيه ، عاط بيه جفلني ، انطي مجال لا انزل اطرك نصين هاي حيووان  ..