ابن الاجاويد

البارت السابع عشر

_17_

#أبن_الاجاويد (رد الدين )

#بقلمي_أسماء_ديمير

صفنه بوجها وين انشالله ميناا ..

حجت لبيت عمي وين اولي يعني اكو مكان غيره نلفي بي ..

حجت ام احمد لاعلى بختج يمه جاا انا وين رحت طاردينج يمه سمعتي كلمه غثتج ضوجناج بشي ..

حاجتها بخجل حشاه ياعمه والله جنتي احن من امي ، بس اعرف بيج تعبتي والحمل زاد عليه ، خلي ارجع لبيت عمي عسا كلبه يحن ويرجع ابني ...

عمتي نسرين باوعت بوجهه زين ، سألتها شنو كلج جعفر باله ؟؟!

باوعت لعمتي ، سكتت تبلع ريكها ..

احجي يمه خلي نفتهم دنلكه حل ليش صاحلج وحده لان راد يستفرد بيج ويعرف ابنج نقطه ضعفج ، كولي شراد منج ...

شسويله يعني ياعمه كوليلي شراح تسوين وترجعين ابني ..

ابنج يرجع يايمه اولها وتالي يرجع ..

بجت كبل شوكت اريد اعرف شوكت ، تكدرين ترجعي ، لا ماتكدرن تواه ياعمه توه ابني مالكاه بعد ،  الا اذا هو رجعه الي ..

ام احمد ردت عليها ، قابل راح يرجع هيج يريد فلوس ومنين نجيب اله ..

سكتت دارت وجهاا راح ارجع اناا باوعتلي ترجعين وياي لو لاا ..

سكتت اني ، مامقتنعه برجعه ابد ، شافتني هيج شالت جنطه ورادت تطلع ..

صحت وراها تعاي مينا ..

باوعتلي مدمعه ، خرب بعمج الساقط ، اوكفي دالم غريضاتي واجي ..

حاجيت عمتي نسرين تجين لا ..

ما روح يمه انا وجعفر مانتراهم لو اكتله لو يكتلني ، ماطيق اسمع صوته ولا اشوف ضله ..

شلون تأمنين علينه يمه ..

طبجن مرض يمه ، ليش ترحن هناك ،  واذا على الجاهل يرده وين يودي يعني ، هسه بس مستخدمه ورقه ضغط واختج هاي ثوله ويدري بيها باقل شي يبتزها تجي وياه ، مو عاد ضناها  ..

ماحجت مينا بس مدمعه ودايره وجها تتهرب من الرزايل ، لميت الغراض وعمتي ادردم وترزل بمينا وتحاول تردها بس مينا ماقنعت واصرت ترجع ..

كلنه هيج ورجعنه لذاك البيت جنه سجن ابو غريب ، عمتي من طلعنه عصبيه وتحجي وماراضيه تالي من مشينه صاحت ورانه لتين يمه ، اذا صار شي تعاي لو دزي علي انا اجيجن لاتسكتن ..

هزيت راسي اي ، دخلنه ليجوه هو توه مبدل يريد يطلع ، واكف يعدل بعباته عمامته ، شافنه دخلنه ..