ابن الاجاويد

البارت السابع والثلاثون

_٣٧_

#ابن_الاجاويد(رد الدين)

#بقلمي_أسماء_ديمير

وجهه ينتظر الاجابه ، حسيت بدوخه من خوف ، حظنت امان لصدري ، همست رجعني بستر اخواتك ..

ضل صافن بوجهي ، حجه على كيف .. حددي الرقم شكد هسه انطي الج ماخذ من وقتج بس ساعه باليوم ..

نزلت دموعي ، والله بيومها حسيت برخص ماحسيته من عرفت مزوجه متعه .. من انته ابن ناس وابوك تعبان عليك ويجي واحد يرخص تتألم ،  رخص يوجع يناس وانا ابن الغوالي ،

دموعي نزلت بدون سابق انذار من قهر ، نظراته ذييج وينها عينن نظرات جعفر من تحرش بيه لو نظرات احمد لو يوسف ،

ماكو نظره نظيفه ابد ، نظراتهم تعريك من ملابس نظره شيطان ، ضليت ساكته اباوع بوجهه متحظره لايهجم عليه ..

مد ايده علي ايدي يلزمها بجيت بصوت عالي ، ولميت امان لحظني حيل ..

اصرخ والله الم دنيا عليك ، انداريت افتح الباب اجر بيها مقفوله ..

هو من وره جر العباا نزعها من راسي ، عطت وخرر ، امان بجه على بجي واخترع ...

حجه على كيف بهمس اششش خرعتي الولد شبيج تخبلتي شمسويلج ..

انداريت عليه رجعني فدوه لو افتح الباب اني ارجع لوحدي ..

رجع نفسه على الكشن شغل جكاره ويشرب بهدوء ،  ويدير وجهه على صفحه ثانيه ، سكتي الولد خرعتي طاح حظج ...

خليت امان على صدري اسكت بي ..

وعيني عليه دقايق هو ملتهي بجكارته تطفه ويشغل غيرها ، ، اتفرج عليه خايفه ، امان خنس ..

دنجت عليه اشوفه ، غفه على صدري ،  اندار عليه وعينه على امان ، صفن بوجهه شوي ..

حجه يتنهد لاتعبيني ياولو ،

ضليت مركزه بي وبحركاته خايفه لا ياذيني نوب امان بحظني ..

رفع عينه عليه ، رفع حواجبه وحجه بتحذير ، لااا تعبيني ، مشيت وسالت عليج وعرفت شنو انتي ..

لاتبعيهن علي ياول شايف الكح** والشريفه ، ماره عليه بنت بيت وبنت شارع ، مو من اوصل ليمج مالوحج هاي مصير عدي ..

شغلتج هاي شكد تردين انطي الج هسه ساعه زمن مو اكثر ..

صفنت بوجهه اريد احجي وداعت ابني بذيج الحظات ضاع الحجي ماعرفت شكول ..