ابن الاجاويد

البارت الواحد والخمسون

_٥١_

#ابن_الاجاويد(رد الدين)

#بقلمي_أسماء_ديمير

عمتي فكت حلكها صافنه جرت الموبايل من ايد خوله تشوف ..

خليت اديه على حلكي ابجي مصدومه ..

فاطمه تباوعلي بعتب وتهز براسها جرت خوله ونترت بيها امشي يله امشي ..

نكتت ايدها حيل وحجت لهناا حدنا وياجن كفينه وفينه ، جان لميناجن طول العمر بس بنات اخوج بلا تربيه ، شغلتهن يلوفن على ولد الناس ويدحكن ليفوك ..

عبالي اسكت ومااحجي واستر عليها ، بس عرفت هيج نماذج مينسكت عليها ولا ينطي الها مجال ، حالها حال اختها ، هم يجي يوم وتتزوجه ورانه وتحبل منه...

، وتصير امر واقع ، مو اناا الي تنحط عليه مره ماتسوه نعال ، جاهل بعدها ماكامله وتنحسب عليه ضره ..

عمتي وكعت بالارض مابيها توكف ، فاطمه مشت عليها تكومها .. مشيت الها اكومها دفعت ايدي حيل ..

خوله جرت الموبايل ومشت ترجع لبيتهم ، فاطمه باوعت عليه بزعل ، عمتي حجت امشي فاطمه لبيتكم ..

راحت فاطمه وره خوله تركض ووتعارك وياها  ..

تقدمت عليها ، حجيت عمه والله مو هيج ، توه اتقرب ورفعت ايدها وجابتني براشدي اجه نصه على عيوني ..

لزمت وجهي ابجي ، عاطت بوجهاا جاا شنوو  شلون يااعمه ..

صخمت وجهي جدام العالم ، ليش شسويت الجن وهيج جازيتني ياعمه شلعتن كلبي وموتني ، كامت لحيلها وجرتني من شعري وتجر بيه ..

ولج العالم من عايرتني اثاري حقها ، اكول المره ليش ماطيقنها ، طلعتي تركضين وره زلمتها ..

اني لازمه اديها ابجي ، وهيه سحلت بيه الصاله سحل ، نزلت على نعال وشالت تضرب بيه ، عمرها ماضربتنا دوم اتضل تبجي لو تعصب وتلوم ..

هل مره غير ، كتلتني كتله والله فوخت كلبها بيها ، ماهدتني الا كامت تلهث وتعبت ، نوب حتى ماكو احد يفزع ولا اني الي بيه حس اعيط واستنجد باحد ..

ضليت ابجي بسكوت ، وخرت مني تعبانه وتبجي وتعاتب ..

كعدت بالارض لميت نفسي ،  ..

ربي رحمتك مانطيتني خلفه اثاري الخلفه بس هم وظيم .. بناتمن انتن مو بنات زينب نسيت اناا تربيتجن شنوو تربيه زينب وعرك زينب ..

ضلت تطلم وتملخ بنفسها بجيت ركضت احظنها دفعتني حيل وكامت للغرفه تبجي وتحجي وتسب بيه وباامي ...

نوب ضلت تكول هاي تاليت بناتك ياناظم ، وحده لافت على واحد مزوج وتريده ياخذها ، ودزله صورها وتراسله بنص اليالي وثانيه مزوجه وراي ..