ابن الاجاويد

قصه تعرفي على بطله

حدث في سنه ٢٠١٩ ...

كاعده بمنتزه زوراء، مغربيه نغير جو ، دنجت العب بسحاب صايه مالتي ، مينا ليغاد مني شايله ابنها وتراقب بامان لايوكع ..

شهم كاعد هو وكرار على الكراسي بعيدين عنه ..

بس عيونهم تراقب بينه  ، اني من دونهم اخذت ركن بعيد وكعدت اراقب بترف ..

مجلبه بابنيه شعرها اسود ، ومتعجبه عليه ، جنه شعر لعبات اسود وثخين وهيه كل شووي تتلمسه وذيج تنطيها دفعه لان تاذي شعرها ..

انداريت على لهيب شايل ناصر بيده وكاعد بصف شهم عيونهم عليه ، رمشت بهدوء خانسه تعباانه ..

الحمل ماذيني حيل ، ونفسي صايره تلعب هواي ، طلعني عود دنغير جو ، مادره الحموضه نوب صعدت عدي ..

كلها متونسه والي ياكل والي يسولف ، بس اني ابتعدت كعدت بعيد عنهم كارهه ريحه الاكل ، وحتى الاصوات الاطفال ، هرمون الحمل كلبني الى زومبي كاره للبشر ..

عيني على العتوه ، كومي ياترف وانطي بت دفعه وكعيها بالارض وخليها تبجي ،

وكفت لحيلي مشيت بسرعه عليها لازمه بطني ثكيله  ، مديت ايدي وجريتها ، لا ياحبيبتي ليش هيج يروحي ..

اكو  بنت كامت تركض جرت بنتها ..

توقعتها تتعارك لو تحجي بس ماسوت شي ، تعذرت منها ضحكت كالت لا عادي ..

ابتسمت بخجل تره تعجبت على شعر بتج وهيج جلبت بيها ..

هزت راسها ماصار شي ، لزمت ترف انظف ملابسها ، واحجي ليش ياامي هيج ..

اجت خوله تركض ، عليها وترف شمرت نفسها اصيح ماما ..

شالتها ومشت ابتعدت حتى بدون ماتعتذر ، نوب اندارت و نترت بالام وبنتها لمي بتج شنو قصه خالتها تركض وره بتي جان وكعتها وصخت ملابسها ،

البنيه فكت عيونها متفاجئه ، خوله عافتنه ومشت ادردم  ، انداريت علي بنت وجهي  بهت من فشله ،  اعتذرت منها كتلها امسحيها بوجهي  ..

بت وجها انعس ، حجت انتي شيصيرين منها ..

منو ..

طفله لان تشبهج ، لعد عبالي اني انتي امها ،

ابتسمت تشبهني موو ..

هزت راسها اي ، جرت بتها تمشي ..

مشيت وراها مبتسمه ، تشبهني مو ؟؟!

اندارت علي تضحك اي خيه ، شبيج ممصدكه ماباوعه بوجها للطفله شنو  ..

كعدت على مسطبه وترتب بنتها ..

كعدت كبالها ، رجعت انداريت عليهم وعلى ترف ، حجت هيه بدون تردد وسالت متخلفين انتي شنوو..

ضحكت ..

هيه ردتها بابتسامه اعتذر ماقصد بس اشوفج تراقبين بالجهال وركضت على بنت من وكعت ...