ابن الاجاويد

البارت الثلاثون

_30_

#اين_الاجاويد( رد الدين)

#بقلمي_اسماء_ديمير

اندارت خوله عليه مبتسمه ياا حبيبي هاي لتين وكعت السندانه مدري شبيها اديها راخيه ..

رفعت عيوني عليه ، نازل من فوك بتراك البيت نيلي وسمائي ، سبحان صورك وسواك ، نزلت عيوني ، عرفت مرته ليش هيج عدائيه مستعده تملخني من وراه ..

حقها الي عدها هيج رجل ماتفرط بي ، خاصه بعد ماسمعت من عمتي هيه ماتصير عدها خلفه ، تخاف عليه من الهوه ..

باوع عليه وجهه بي قلق ونزل نظره للارض ، رفعت عيوني عليه ..

كال ماصار شي فدوه المهم محد تأذه ..

حبيتها كلش لهيب خاصه من نطيتها الي فد يوم اخذني للمشتل وجيبلي غيرها ..

هز راسه يباوع بعيونه مستغرب دموعي ..

حجيت اني كوه ، عمتي كالت روحي اخذي المعامله منه ..

اي صدك تعاي ، مشه جدامي كمت وراه ، مرته جرتني وكفتني بصفها ، اني اجيبهن لهيب بس دليني عليهن ..

مشه هو وهيه وراه ، كعدت على كرسي بالمطبخ جسمي يرجف من القهر ..

انا على تالي وكت اترزل واتهزء واسكت ؟!

انا تاليتها انضرب وانهان ومااسوي شي ومادافع عن نفسي ؟؟!

والله لو جايتني كبل اشهر الا امرعدج وانا الي اشكج نصين واسويج وصل ..

بس ساكته لان اعرف نفسي غلطانه ، الغلط راكبني من ساسي لراسي ، عيونج فضحتج ، هاي مره والمره تكشف مره ..

هاي عدها رجلها بالدنيا مستعده تكتل لخاطر تحافض عليه ، انتي بالنسبه الها دخيله ومخربه جايه هناا ، حتى لو ماعدج شي وياه من صدك تغار من حقها تغار عليه .

والله انا لو بمكانها جان سويت الاسوء ، رجلي طول بعرض وميت الف وحده تتمناها ، بس طوله هيبه ورتبته تخوف ، ماعدها شي تربطه بي لاطفل لا شي شسوي تخلي الج ولغيرج مثلا ..

فزيت على صوتها وشمره الكتب بحظني خرعتني ..

كمت لحيلي ..

كالت تاخذيهم وبعد ماشفج هناا ..

توه اطلع دخل هو صاح وراي هو  تعاي ياابه شبيج شارد ..

تعاي دفهمج على المعهد ، مدنجه راسي الهي روحي بالكتب ..

تقرب عليه لازم الاوراق وهيه واكفه وراه ، تخزر بيه ، كال اسمعي يابه ، بصف جامع ابو بكر اكو معهد مسوي الخريجين الكليات الجدد ومالاكين تعين ..