ابن الاجاويد

البارت الواحد والثلاثون

_31_

#ابن_الاجاويد(رد الدين)

##بقلمي_أسماء_ديمير

شمدريني يا عمه قابل اكعد اسأل بي ، هو جايبلي خبرهم ، هو اصلا جان مستعجل شمر هالكلمتين ورا مشه ، عبالك توه مخابري وناطي خبر ..

يااا عزا العزاج اي والله ياعذراء وين ولت طينت وجهنه البت ..

على اساس وجهنه ماتطين من عمايل اخوج ، قليله عمايله هو الشفيه ،  ضلت على عذراء مو بته هيه قابل طالعه من فطر الحايط  ..

ولج ام حلك شنو اخوج شنو تتنترين ..

قابل مجذبه غير اخوج ، عوذه من هيج اخوو البنت مخطوبه على وجهه زواج شكو يعرضلها وخلاها تطفش بسببه الله اليعلم شحالها ..

جا وين ولت هسه شدراج مايلعب بيها ويشمرها الخذاها ..

سكتت والله عمه مادري مو ام احمد كالت خوش ولد لو لاا ..

عمه بعينج وعين ام احمد البت مهزومه وهيه ماتدري ، عاد تدري الولد خوش لو لاا ، البنت اشهر تتمعشك على السطوح والمره ياغافلين الكم الله ..

هسه شلون ترحين لكربلاء شوفيها ..

رحت وان لاا شراح تفيد روحتي ماكلج البت صارلها شكد من انهزمت ..

لا والله ..

جا شتدرين انتي بس هالكلمتين كايلهم الج ..

هزيت راسي اي ..

غمتي ومشت اتخابر على ام احمد ، حركت موبايل حرك ومحد رد ، ضلت تلوب نوب تخبلت ..

مينا كالت والله عرفتها من اجت اخر مره عرفت مراح تكعد ، جانت طاكه روحها ماصدكت انخطبت ، عاد ابوها وكف بوجها ، عبالج تسكت اكيد تشرد ، بس ويامن راحت ويه خطبها ويه صاحبها ..

هو منو الي خطبها منو  ..

شدراني ..

مو كالت عسكري ..

اي ..

صاحبها هم جان عسكري من كتلها ليش ماتخلي يخطبج ، كالت عسكري ومامرتب اموري معقوله نفسه ..

حتى لو نفسه شنو الفرق ، مو اخذها ونهزم شمدرين ماياخذها وبعدين يشمرها ، وين تولي بذاك الوكت اديح ، من مكان لمكان الله اليعلم شنو تشتغل وتسوي حتى تعيش  .