ابن الاجاويد

البارت الثاني والثلاثون

_٣٢_

#ابن_الاجاويد (رد الدين )

#بلقمي_أسماء_ديمير

فكيت عيوني على وسعهن ، ردت احجي الكلمه ماتطلع ..

تقرب يمشي عليه يعدل بكفه قميصه ، رجعت ليوره ، بس بس افهمك الشسمه هذا ..

حجه بهدوء ، شتفهميني ياول ..

شفته تقرب ، انداريت امشي بسرعه انهزم ..

حسيت على جره من عباتي من وره ورجعتني لعنده ..

التفتت بداعت اهلك لاسوي شي والله هسه اطلع ..

لا لا تعاي جاي دنتفاهم ..

شنو ..

جرني حيل ويرج بيه جاي تسوين هنا بدون اذني ياول داخله بيتي وتعلمين بنتي وانتي وحده خريجه سجون ..

حجيت لا لا والله خريجه معهد ..

كز على سنونه ، اشلون اهلي دخلوج هنا بدون ميعرفون اصلج وفصلج ااااخ منك لهيب شجبلتي انته ..

نتر احجي شدخلج بيتي وبغرفتي ..

ضليت ابلعم اريد احجي ماكو ..

شالني وشمرني على كرسي خليت اديه جدامي بس افهمك ..

وداعت اهلي امك لحت عليه هيه وعمتك انا مالي شغل اصلا رفضت بس همه جابوني كوه وعلي وعلي  ..

شلون تجرئتي ودخلتي وانتي تعرفين ماطيقج وحده مامعروف اصلها وفصلها وخريجه سجون تدخل تعلم بتي تعاي جاي انتي شتعلمين بنتي هين...

بجيت كبل مادري بنتك مادري بي بيتك اصلا ..

كنبص كبالي رافع حاجبه ..

ماتعرفين بيتي ؟ ماتعرفين هاي بنتي مو ؟؟

جاهل كبالج انا تضحكين علي لهيب انا وعبالج تستعطفيني ؟!

ضليت اباوعله بخوف شسوي ياربي جذب مافاد ضليت خانسه اي ماعرف صدك ..

تقرب مني حيل لزكت بالكرسي لامه روحي من خوف ..

جرني من ثوبي ، قربني على وجهه هم كولي ماعرف انته اخو شلال بعد ..

تعرفين اخو موو ..

هزيت راسي مغمضه اي ..

مو يصيحلي جدامج ابو لارا موو..