ابن الاجاويد

البارت السادس والخمسون

_٥٦_

#أبن_الاجاويد(رد الدين)

#بقلمي_أسماء_ديمير

وكفت بطولي سااكته ، ماعرف اتحداه واكله مو بكيفك واني مو لعبه عندك ، شوكت متريدني تلكاني وشوكت مايعجبك تفرض نفسك ،

لا ماحزرت والله بكيفي ، اذكره بذيج المواقف الفشلني بيهن ، لو اسكت واعوفه ..

هو كاعد يرمش بعيونه بهدوء يراقب رده فعلي ، ماحجيت ولا نفهت عنه ..

كلت الوعه واضوكه ضكته والله ، صح ارغبه اي بس هاني حيل ، وستهان بمشاعري اتجاها ، ومن اجه يوم هو حبني وخاف لا اطير منه ،  اتبع طريق الجبر وفرض نفسه عليه ..

ابتسمت بهدوء ، هزيت راسي متحلفه ، هو صغير عيونه مركزز عباله راح احجي شي ..

عفته وراي ومشيت حجه لتين بعدني ماكملت ..

مشيت بسرعه خفت يلحكني ، حجه صارت هيج موو بسيطه ..

دخلت كبل للبيت تلكتني مرته بالصاله ، وكفت صفنت بوجهاا ..

وجها احمر وساكته ماحجت ، اني هم مانطقت عفتها ودخلت ليم عمتي ..

نمت بفراشي وتغطيت ..

تذكرت حجايته نعقد ؟!

نعقد شنوو ..

مرته شلون ..

والله اني مو حقيره ولا صاحبه اذيه على احد ، بس كلبي تعلق بهل بشر ، ادري اني صوجي وتعلقي بي هو الي اذاني ، هو مابدر منه اي اذيه تخليني اكرهه ..

وحتى ثكله ورزانته وياي ، جانت طبيعيه اي رجال مزوج شريف يسوي هيج ، قابل يكيف عليه ويفتح الي ذرعانه ..

لو مرته اوويلي على خوله ، هاي عدها عادي تقتلني وتكول انتحرت اني مالي شغل ، خوله مو هينه ابد ، كم مره اذتني بس لان شافتني اباوعله ..

لو تدري رجلها عرض عليه زواج وكلي نعقد شسوي ..

انداريت على باب ، اشوفها مسدوده لاا ، والله خفت لا تجفت عليه وتموتني ، اكيد سمعت ، لا ماعتقد احنه بعيدين عن البيت شتسمع ..

بس متأكده شافتنه ..

ضليت اتكلب ماكدرت انام ..

هسه ينام يم منو ..

اكيد بحظنها يالغبيه وين يعني قابل يم امه ..

حظنها اكيد ، انكلب على جهه اليمنه ، فرش شعرها ونام عليه لو يمسد علي ..

اي يمكن يحبها ليش صبر عليها كل هالسنين وماتزوج عليها ، برغم هيه متخلف ..

كمت لحيلي ودفرت الغطاا احس صار عندي ارق ..

ليش كلي نعقد ..

شعجب ..

معقوله حس بحبي ؟! ..