ابن الاجاويد

البارت التاسعه والثلاثون

_٣٩_

#ابن_الاجاويد( رد الدين )

#بقلمي_أسماء_ديمير

ايه تمشي وراي تكلي خاف مو هيه ليش تضلميها ..

والله هيه متاكده ، مو حتى بيومها عمتي كالت غفران يمهم ، اكيد ابوج مسلطها علينه ..

جريت جهاز ومشيت لعمتي اكوللها ، جانت دصلي ، ضلت تباوعله بطرف عليها قلقه لان شافتنه نتعارك باب الغرفه اني وايه ، ومينا ورانه وجها خارط من خوف ..

ايه تكول مو هيه واني احلف هيه ومينا تكول ماذكر ماشفت زين ، جنت خايفه ماركزت ..

هو انتي ثوله ناس جايه تخطف ابنج ممركزه بوجهم شترجه منج ..

تادبي لتين انا اختج الجبيره لاتجاوزين ..

مو جااي اكولجن هيه ، والله يعني بنت عمنه الطايحه الحظ ، وجاي تاذينه وتخطف ابنج بنت ابوها النكسه ..

صاحت ايه كافي احترمي نفسج ، جوز متوهمه مسويها هيه ، هم عدها جهال تخاف عليهم ..

مو بنت جعفر اكيد عوجه شتوقع منها ..

شقصدج تره اني هم بنته مو مثله ..

سكتت حشاج ايه مو قصدي ، والله بس هيه متأكده ..

عمتي خلصت صلاه وسلمت ، وندارت علينه ،صاحت شكو ولجن ماخليتني اصلي مثل الاوادم ..

رحت اشوفها صوره منو هاي عمه عرفتيها ،

اي يمه غفران ، هاي بت عمج جعفر جبيره ..

هيه هاي الي اجت تخطف امان من جنه بكربلاء ..

جرت موبايل لا يمه كولي غيرها  ..

يااعمه حتى انتي لا عليج الله كولي شفتها وعرفتيها .

ماشفتها يمه مالحكت شبيج ..

ورجال شفتي لو لاا  . طلعت الها صوره رجل غفران هذاا مو نفسه الي جرها من عدنا اني ومينا وانهزم وياها بسياره ..

قربت وجها من صوره تركز اي وعلي يشبهه بس خاف مو همه يماا ..

هسه رجال وغفران متاكده منهم بس انتن ماركزت شسويلجن ..

ياا عزز العزاج يغفران يالرعنه هاي تاليتها يعمه هيج اسووين ..

ايه خنست كالت خاف متوهمات ..