ابن الاجاويد

البارت الخامس والخمسون

_٥٥_

#أبن_الاجاويد(رد الدين)

#بقلمي_أسماء_ديمير

وكفت لازمه جفوف اديه افرك بيهم ، سلمو عليه واني واكفه خانسه ، تقربت عليه هاا شلونج ولج ..

مارديت عليها صافنه بوجهاا على الكوه الي عدها وعين صلفه ..

حجت تباوع لشعري شنو خيه فرعتي ، قبل العباا وجواريب شو يوميه تنزعين شغله ، يوم عبا يوم الشال ، مو شهم هناا لو نسيتي ..

رخيت وجهي وهدأت من نفسي الصاعد وينزل  بتوتر  ، بسبب وجودها وهيئتها ،

ابتسمت بهدوء ، ماكو غربه بالبيت حتى البس منهم الحجاب عيوني ..

ضحكت لا ولج شنو شهم مو بعينج التفتت على شهم ..

مينا ردت عليها شهم مثل اخوها جبير ، ورجل اختها ماكو شي حرام انشالله ،

رديت عليها بهدوء و رجلج لهيب مو غريب عليه هم ، 

بهت وجها حجت شنوو لهيب يجي هنا ، التفتت على شهم لهيب يجي هناا شو ماحجيت ..

ضحك هو شنوو كاعد اسجل مواعيد رجلج اناا شهل عقل ..

درت وجهي ادور على ام لهيب ، الباب بعدها مفتوحه ، اجه نظري عليها ، واكفه تباوع للحديقه صاافنه ..

عمتي جرتهن وراحن للصاله وخوله واكفه ماتحركت ،  ضلت واكفه كبالي تتصفن على البيت وتراقب بالتفاصيل ..

عجبج مووو ، نزلت نظرها عليه ، حلو الترتيب اكيد تصدكين لهيب هم عجبه ، كيف على التفاصيل الي ضفتها خاب الحديقه يبوو كل مايجي يسكنها ..

وجها احسه راح ينفجر ، بحياتي ماتخيلت احقر وياها ، بس هيه من نوع البشر الي مايندم لو يانبه ظميره ..

بالجذب ماعتذرت لو خابرت لو سالته بعد الي سوته وطردتنه ، وخلتنه نتبهذل بذيج الايام لحد مانخطفت بسببها ..

حتى خطفي احملها مسؤليته ، لو ضليت بحمايه لهيب ماصار الي صار بيه ،

وكفت كبالي تريد تمرعدني ، من داخلي هدات وكلبي لان عليها ، ماريد اذيها بس هيه تتعمد تأذيني وصلتني للموت بسبب حقدها وغيرتها ..

درت وجهي على صوت ام لهيب من حجت ، اووو يايمه شمسويه بالحديقه ، شرجعتي ذكريات مانسيناها ...

ضليت واكفه ماتحركت ولاحجيت ، نترت تعاي جاي سلمي ولج بس لا زعلانه عليه بعدج وشايله بكلبج ..

تقدمت حظنتها مبتسمه ، حجت حقج يماا بس البشر خطاء وصارت بعد حقج علينه لازعلين ..

مأصار شي حجه الي صار صار ...

بعد جيتها هيه وفاطمه وشفت الفشله بوجهن ، ومستحيات من الصار ، نسيت وتجاوزت الصار ، على الاقل كلت عدهن احساس ، وعرفن سونه غلط ..